Lajmidites.com

Tag: gazën

  • Firmosja e Marrëveshjes së Paqes për Gazën, Begaj: Shqipëria qëndron krah të gjitha kombeve që kontribuojnë për paqe

    Firmosja e Marrëveshjes së Paqes për Gazën, Begaj: Shqipëria qëndron krah të gjitha kombeve që kontribuojnë për paqe

    Presidenti i Republikës, Bajram Begaj, përshëndet me anë të një postimi në rrjetin social X, firmosjen e Marrëveshjes së Paqes për Gazën, sot në Egjipt,  si një zhvillim historik për paqen dhe njerëzimin.
    “Firmosja e Marrëveshjes së Paqes për Gazën, sot në Egjipt, e iniciuar, mbështetur dhe bërë realitet nga Presidenti Trump, është një moment historik për paqen dhe njerëzimin. Kjo marrëveshje shënon një pikë kthese, duke dëshmuar se diplomacia, dialogu dhe vizioni mund ta bëjnë të pamundurën realitet.
    Shqipëria qëndron krah të gjitha kombeve që kontribuojnë për paqe të qëndrueshme në Lindjen e Mesme, në këtë moment kaq të rëndësishëm”, shkruan Begaj.

    /vizionplus.tv

  • Begaj vlerëson Marrëveshjen e Paqes për Gazën: Moment historik për paqen dhe njerëzimin

    Begaj vlerëson Marrëveshjen e Paqes për Gazën: Moment historik për paqen dhe njerëzimin

    Presidenti i Shqipërisë, Bajram Begaj, ka përshëndetur firmosjen e Marrëveshjes së Paqes për Gazën, e cila u nënshkrua sot në Egjipt në prani të Presidentit amerikan, Donald Trump, dhe liderëve të tjerë shtetesh. Marrëveshja i jep fund luftës mes Izraelit dhe Hamasit.
    Në një mesazh të shpërndarë në rrjetin social X, Presidenti Begaj e cilësoi këtë zhvillim si një moment thelbësor në diplomacinë ndërkombëtare.
    “Firmosja e Marrëveshjes së Paqes për Gazën, sot në Egjipt, e iniciuar, mbështetur dhe bërë realitet nga Presidenti Trump, është një moment historik për paqen dhe njerëzimin,” shkroi Begaj. “Kjo marrëveshje shënon një pikë kthese, duke dëshmuar se diplomacia, dialogu dhe vizioni mund ta bëjnë të pamundurën realitet.”
    Në mesazhin e tij, Presidenti shqiptar rikonfirmoi qëndrimin e vendit përkrah paqes së qëndrueshme në Lindjen e Mesme.
    “Shqipëria qëndron krah të gjitha kombeve që kontribuojnë për paqe të qëndrueshme në Lindjen e Mesme, në këtë moment kaq të rëndësishëm,” përfundoi Begaj.
    Marrëveshja u finalizua gjatë ndalesës së dytë të Presidentit Trump në Lindjen e Mesme, pas vizitës së tij të parë në Izrael.

  • Samiti i Paqes, Trump në Egjipt: Një ditë e re po lind. Tani fillon rindërtimi për Gazën

    Samiti i Paqes, Trump në Egjipt: Një ditë e re po lind. Tani fillon rindërtimi për Gazën

    Pas firmosjes së Marrëveshjes së Paqes për Gazën në Egjipt, Presidenti amerikan Donald Trump tha se kjo është dita për të cilën njerëzit në të gjithë rajonin dhe në mbarë botën kanë punuar, janë përpjekur, kanë shpresuar dhe janë lutur.
    “Ne kemi arritur atë që të gjithë e quanin të pamundur, më në fund kemi paqe në Lindjen e Mesme. Është kaq bukur të shohësh një ditë të re dhe të bukur që po lind. Dhe tani fillon rindërtimi”, nënvizoi Donald Trump. Presidenti shprehu mirënjohjen e jashtëzakonshme për kombet arabe dhe myslimane të cilat ai thotë se ndihmuan në bërjen e mundur të këtij përparimi të jashtëzakonshëm.

    Nga ana tjetër, presidenti i Egjiptit deklaroi se marrëveshjet e sotme për Gazën hapin derën për një epokë të re paqeje dhe sigurie në Lindjen e Mesme. Ai njoftoi se Egjipti do të presë një samit për rindërtimin e Gazës. Gjithashtu, al-Sisi theksoi se zgjidhja me dy shtete është ”e vetmja mënyrë për të përmbushur aspiratat e popullit palestinez dhe atij izraelit për t’i dhënë fund konfliktit”. ”Paqja nuk ndërtohet nga shtetet dhe qeveritë, por nga njerëzit që besojnë se armiqtë e djeshëm mund të jenë miqtë e sotëm”.

  • Samiti në Sharm el-Sheikh/ Trump fton Greqinë dhe Qipron në konferencën e Gazës

    Samiti në Sharm el-Sheikh/ Trump fton Greqinë dhe Qipron në konferencën e Gazës

    Greqia dhe Qiproja janë ndër vendet e ftuara nga Donald Trump në konferencën për Gazën që do të mbahet të hënën në Sharm el-Sheikh të Egjiptit.

    Në ftesën zyrtare për samitin e liderëve mbi Gazën, SHBA-të ftuan, përveç Greqisë dhe Qipros, Azerbajxhanin, Armeninë, El Salvadorin, Kanadanë, Kuvajtin, Japoninë, Indinë, Spanjën, Bahreinin dhe Hungarinë.

    Axios raporton se edhe Irani është ftuar, ndërsa thuhet se Izraeli dhe Hamasi nuk do të marrin pjesë.

    Në vend të kësaj, në samit do të marrin pjesë Sekretari i Përgjithshëm i OKB-së, Antonio Guterres, Kryeministri britanik Keir Starmer dhe Presidenti francez Emmanuel Macron.

    Ftesa zyrtare u është dërguar udhëheqësve për samitin e Egjiptit.

     

  • Tërheqja e trupave izraelite, Hamasi thërret 7,000 luftëtarë për të rivendosur kontrollin mbi Gazën

    Tërheqja e trupave izraelite, Hamasi thërret 7,000 luftëtarë për të rivendosur kontrollin mbi Gazën

    Sipas burimeve lokale Hamasi ka thirrur rreth 7,000 anëtarë të forcave të tij të sigurisë për të rivendosur kontrollin mbi zonat e Gazës të liruara së fundmi nga trupat izraelite, duke emëruar pesë guvernatorë të rinj, të gjithë me përvojë ushtarake, disa prej të cilëve më parë komandonin brigada në krahun e tij të armatosur për të mbikëqyrur operacionet.
    Mediat e huaja bëjnë të ditur se urdhri i mobilizimit thuhet se u lëshua nëpërmjet telefonatave dhe mesazheve me tekst që shkruanin: “Ne shpallim një mobilizim të përgjithshëm në përgjigje të thirrjes së detyrës kombëtare dhe fetare, për të pastruar Gazën nga të jashtëligjshmit dhe bashkëpunëtorët me Izraelin. Ju duhet të raportoni brenda 24 orëve në vendet tuaja të caktuara duke përdorur kodet tuaja zyrtare.”
    Raportet nga Gaza bëjnë të ditur se njësi të armatosura të Hamasit janë vendosur tashmë në disa rrethe, disa të veshura me rroba civile dhe të tjera me uniformat blu të policisë së Gazës.
    Mobilizimi i Hamasit ishte pritur gjerësisht mes pasigurisë në rritje se kush do ta qeverisë Gazën, pasi të përfundojë lufta, një çështje kyçe që mund të ndërlikojë fillimin e fazës së dytë të planit të Presidentit të SHBA-së Donald Trump, i cili bën thirrje që Hamasi të çarmatoset.
    Një zyrtar i Hamasit jashtë vendit nuk pranoi të komentonte drejtpërdrejt mbi raportet e vendosjes së sigurisë, por i tha BBC-së: “Nuk mund ta lëmë Gazën në mëshirën e hajdutëve dhe milicive të mbështetura nga pushtimi izraelit. Armët tona janë legjitime, ato ekzistojnë për t’i rezistuar pushtimit dhe do të mbeten për sa kohë që pushtimi vazhdon.”
    Një oficer sigurie palestinez në pension, i cili shërbeu për vite me radhë me Autoritetin Palestinez në Gaza, tha se kishte frikë se territori po shkonte drejt një raundi tjetër gjakderdhjeje të brendshme.
    “Hamasi nuk ka ndryshuar. Ai ende beson se armët dhe dhuna janë të vetmet mjete për ta mbajtur gjallë lëvizjen e tij”, i tha ai BBC-së.
    Këto zhvillime që nga armëpushimi kanë ngjallur shqetësim të thellë midis banorëve të Gazës, të cilët janë tashmë të lodhur nga dy vjet konflikt shkatërrues.

  • Tërheqja e Izraelit, Hamasi thërret 7 mijë luftëtarë për të rimarrë kontrollin mbi Gazën

    Tërheqja e Izraelit, Hamasi thërret 7 mijë luftëtarë për të rimarrë kontrollin mbi Gazën

    Hamas ka thirrur rreth 7 mijë anëtarë të forcave të saj të sigurisë për të rimarrë kontrollin mbi zonat e Gazës që janë lënë së fundmi nga trupat izraelite, duke emëruar pesë guvernatorë të rinj me përvojë ushtarake, disa prej të cilëve kanë komanduar brigada në krahun e armatosur të Hamasit, për të mbikëqyrur operacionet.
    Sipas BBC, urdhri për mobilizim thuhet se është shpërndarë përmes telefonatave dhe mesazheve tekst që lexonin: “Shpallim mobilizim të përgjithshëm në përgjigje të thirrjes së detyrës kombëtare dhe fetare, për të pastruar Gazën nga të jashtëligjshëm dhe bashkëpunëtorë me Izraelin. Duhet të paraqiteni brenda 24 orëve në vendndodhjet e caktuara duke përdorur kodet tuaja zyrtare”.
    Raportet nga Gaza sugjerojnë se njësitë e armatosura të Hamasit janë dislokuar tashmë në disa lagje, disa të veshur me rroba civile dhe të tjerë me uniformat blu të policisë së Gazës.

    Mobilizimi i Hamasit ishte i pritshëm, mes pasigurive në rritje për atë që do të qeverisë Gazën pas përfundimit të luftës, një çështje kyçe që mund të komplikojë fillimin e fazës së dytë të planit të Presidentit të SHBA-ve, Donald Trump, i cili kërkon çarmatimin e Hamasit.
    Një zyrtar i Hamasit jashtë vendit nuk pranoi të komentojë drejtpërdrejt mbi raportet për dislokimin e forcave të sigurisë, por i tha BBC-së: “Nuk mund ta lëmë Gazën në mëshirën e hajdutëve dhe milicive të mbështetura nga pushtimi izraelit. Armët tona janë legjitime, ekzistojnë për të rezistuar pushtimin dhe do të qëndrojnë për aq kohë sa pushtimi vazhdon”.
    Një oficer i pensionuar i sigurisë palestineze, që ka shërbyer për vite me Autoritetin Palestinez në Gaza, tha se ka frikë se territori po rrëshqet drejt një vale të re gjakderdhjeje të brendshme.
    “Hamas nuk ka ndryshuar. Ende beson se armët dhe dhuna janë mjetet e vetme për të mbajtur lëvizjen gjallë”, i tha ai BBC-së.
    Këto zhvillime pas armëpushimit kanë shkaktuar shqetësim të thellë mes banorëve të Gazës, tashmë të lodhur nga dy vite konflikt shkatërrues.

  • BE përshëndet ratifikimin e marrëveshjes për Gazën: Pas paqes, duhet të kemi shtetin palestinez

    BE përshëndet ratifikimin e marrëveshjes për Gazën: Pas paqes, duhet të kemi shtetin palestinez

    Ratifikimi i fazës së parë të planit amerikan për Gazën, i cili nënkupton nisjen e saj nga zbatimi, është përshëndetur në Europë si një zhvillim pozitiv dhe konkret drejt arritjes së një paqeje të qëndrueshme, edhe pse shumë liderë e theksuan megjithatë se kjo duhet të shërbejë si premisë edhe për zgjidhjen e shumëtrumpetuar me dy shtete, të cilën Izraeli vazhdon ta konsiderojë një vijë të kuqe.

    “Kjo marrëveshje duhet të shënojë fundin e luftës dhe fillimin e një zgjidhjeje politike me në focus një shtet të pavarur palestinez, dhe Franca është e gatshme të kontribuojë për këtë qëllim”, deklaroi shefi i Elizesë, Emmanuel Macron. Drejtues të tjerë të BE-së, ashtu si edhe Macron, mendojnë gjithashtu se ujdia është një “mundësi” që duhet “shfrytëzuar” për të hedhur themelet e një paqeje afatgjatë, të ankoruar” tek “një zgjidhje me dy shtete”.
    “BE-ja do të vazhdojë të mbështesë shpërndarjen e shpejtë dhe të sigurt të ndihmës humanitare në Gaza. Dhe kur të vijë koha, ne do të jemi gati të ndihmojmë me rimëkëmbjen dhe rindërtimin”, nënvizoi kryetarja e Komisionit Europian, Ursula von der Leyen. Shefja e politikës së jashtme të bllokut, Kaja Kallas, pohoi nga ana e saj se “BE-ja do të bëjë çmos për të mbështetur” “zbatimin” e marrëveshjes. Thirrja e tyre u mbështet nga presidenti i Autoritetit Palestinez, Mahmoud Abbas, i cili në një deklaratë tha se marrëveshja “do të shërbejë si një prelud për arritjen e një zgjidhjeje të qëndrueshme politike që do t’i japë fund pushtimit izraelit dhe do të çojë në krijimin e një shteti palestinez përgjatë kufijve të 4 qershorit 1967”.
    Vetëm një muaj më parë ndërkohë, gjatë vizitës në një vendbanim në Bregun Perëndimor të pushtuar, Benjamin Netanyahu deklaroi se qeveria e tij do ta çojë deri në fund zotimin e saj që të mos ketë shtet palestinez, krijimin e të cilit e përshkroi “si shpërblimin përfundimtar për Hamasin pas masakrës më të madhe kundër hebrenjve që nga Holokausti“.
     

    Top Channel

  • Thyhet pakti? Sërish sulme në Gaza, raportohet për 6 të vdekur

    Thyhet pakti? Sërish sulme në Gaza, raportohet për 6 të vdekur

    Bota E Shtunë, 4 Tetor 2025 12:52
    Izraeli goditi Gazën të dielën, thanë zyrtarët vendas, pasi Presidenti i SHBA-së Donald Trump bëri thirrje për ndërprerjen e bombardimeve. Presidenti i SHBA-së tha se Hamasi ishte gati për paqe, duke rënë dakord për lirimin e pengjeve dhe duke pranuar disa kushte të tjera të një plani amerikan për t’i dhënë fund luftës. Zjarri izraelit vrau gjashtë persona në të gjithë Rripin e Gazës, thanë zyrtarët vendas.
    Një sulm vrau katër persona në një shtëpi në qytetin e Gazës, ndërsa një tjetër sulm vrau dy persona në Khan Younis, në jug, sipas punonjësve të shëndetësisë dhe autoriteteve lokale. Zyra e kryeministrit izraelit Benjamin Netanyahu njoftoi sot se Izraeli po përgatitet për “zbatimin e menjëhershëm” të fazës së parë të planit të Trump për Gazën, në lidhje me lirimin e pengjeve izraelite, pas përgjigjes së Hamasit.
    Pak më vonë, media izraelite raportoi se udhëheqja politike e Izraelit kishte udhëzuar forcat e armatosura të zvogëlojnë veprimet e tyre ofensive në Gaza.

  • Shpresë për Gazën: Hamasi pranon planin e SHBA, Guterres mbështet përpjekjet për paqe

    Shpresë për Gazën: Hamasi pranon planin e SHBA, Guterres mbështet përpjekjet për paqe

    Sekretari i Përgjithshëm i OKB-së, Antonio Guterres, përshëndeti përgjigjen e Hamasit ndaj planit të Trump për Gazën, tha zëdhënësi i tij Stephane Dujarric, duke falënderuar gjithashtu Katarin dhe Egjiptin për ndërmjetësimin e tyre.
    Guterres gjithashtu përsëriti thirrjen e tij “për një armëpushim të menjëhershëm dhe të përhershëm, lirimin e menjëhershëm dhe pa kushte të të gjithë pengjeve dhe akses të pakufizuar humanitar”, shpjegoi Dujarric. “Kombet e Bashkuara do të mbështesin të gjitha përpjekjet për të arritur këto qëllime për të parandaluar vuajtje të mëtejshme”, shtoi ai.

  • Arrestimi i 27 grekëve në flotiljen për Gazën, Greqia dërgon notë proteste ndaj Izraelit

    Arrestimi i 27 grekëve në flotiljen për Gazën, Greqia dërgon notë proteste ndaj Izraelit

    Athina zyrtare ka dërguar një notë proteste të fuqishme ndaj ambasadorit të Izraelit në Greqi për kërcënimet e Tel Avivit pas ndërhyrjes së ushtrisë izraelite ndaj flotiljes ndërkombëtare të solidaritetit “Global Sumud Flotilla”, që kishte destinacionin Gazën.

    Me urdhër të Ministrit të Jashtëm, Georgios Gerapetritis, pasditen e së premtes përveç demarsheve verbale që ishin zhvilluar më herët, është dërguar edhe kjo notë pas deklaratave të ministrit izraelit të Sigurisë që kërkoi burgosjen e aktivistëve ,mes tyre 27 qytetarë grekë, prej të cilëve një deputete e Parlamentit si dhe dy gazetarë nga Selaniku.
    Forcat israelite ndaluan mbi 40 anije dhe arrestuan rreth 400 aktivistë të Flotiljes Global Sumud, iniciativës humanitare ndërkombëtare për të dërguar ndihma në Gaza . Një delegacion i Ambasadës Greke në Tel Aviv vizitoi të ndaluarit në qendrën e paraburgimit për t’u ofruar ndihmën e nevojshme. Zyrtarisht konfirmohet se gjendja e tyre shëndetësore është e mirë, ndërsa autoritetet greke po përpiqen për riatdhesimin e shpejtë të tyre.
    Ngjarja ka shkaktuar reagime politike të forta nga partitë e opozitës. PASOK, SYRIZA, Nisma “Lundrimi I Lirisë” dhe “E Majta e Re” nënshkruan një deklaratë të përbashkët, duke e cilësuar ndërhyrjen izraelite si shkelje të së drejtës ndërkombëtare dhe duke kërkuar lirimin e menjëhershëm të 27 qytetarëve.
    Ndërkohë, në Athinë djeu zhvillua një protestë e re para Ministrisë së Jashtme, në shenjë solidariteti me Gazën dhe të ndaluarit e flotiljes. ku morën pjesë përfaqësues të shoqatave paqësore, sindikalistë, studentë dhe aktivistë të organizatave ndërkombëtare si “March to Gaza” dhe “Stop the War”.Pavarësisht tensioneve diplomatike dhe protestave në rrugë, mesazhi i përbashkët nga opozita dhe shoqëria civile është i qartë: lirimi dhe kthimi i menjëhershëm i shtetasve grekë në atdhe.

    Top Channel