Lajmidites.com

Tag: gazën

  • Plani 20-pikësh i Shtëpisë së Bardhë për Gazën/ Netanyahu do të festojë Vitin e Ri në Majemi, kryeministri izraelit në takim me Trump

    Plani 20-pikësh i Shtëpisë së Bardhë për Gazën/ Netanyahu do të festojë Vitin e Ri në Majemi, kryeministri izraelit në takim me Trump

    Kryeministri izraelit Benjamin Netanyahu do të udhëtojë më 28 dhjetor nga Izraeli drejt Miamit, ku një ditë më pas pritet të takohet me presidentin amerikan Donald Trump dhe këshilltarët e tij më të lartë në rezidencën e Mar-a-Lago.

    Për vizitën e dytë në Shtetet e Bashkuara, kreu i qeverisë izraelite ka vendosur të mos lejojë praninë e gazetarëve në bordin e avionit qeveritar “Wing of Zion”, pavarësisht se ai është i pajisur me një seksion të posaçëm për median.
    Sipas mediave ndërkombëtare, është planifikuar të kthehet në shtëpi më 1 janar dhe të mbërrijë në Izrael të nesërmen.
    Vizita vjen në një kohë kur administrata Trump po shtyn përpara fillimin e fazës së dytë të planit 20-pikësh të Shtëpisë së Bardhë për Gazën.

    Top Channel

  • Plani për Gazën-Netanyahu udhëton drejt SHBA-së më 28 dhjetor, pritet nga Trump

    Plani për Gazën-Netanyahu udhëton drejt SHBA-së më 28 dhjetor, pritet nga Trump

    Kryeministri izraelit Benjamin Netanyahu pritet të udhëtojë në Shtetet e Bashkuara më 28 dhjetor, ku do të takohet me presidentin amerikan Donald Trump në resortin e tij Mar-a-Lago në Florida, më 29 dhjetor.
    Kjo vizitë, e raportuar nga media izraelite “Channel 12”, pritet të zgjasë tetë ditë, deri më 3 janar, dhe do të përfshijë një seri takimesh të nivelit të lartë.
    Sipas raportimeve, Shtëpia e Bardhë po punon për të ftuar edhe presidentin egjiptian Abdel-Fattah el-Sissi në këtë takim, si pjesë e përpjekjeve për të siguruar miratimin izraelit për një marrëveshje strategjike lidhur me Gazën me Kajron.
    Netanyahu do të ketë dy takime me Trumpin, si dhe bisedime me zëvendëspresidentin JD Vance, Sekretarin e Shtetit Marco Rubio dhe Sekretarin e Mbrojtjes Pete Hegseth. Administrata amerikane po shtyn për përparim në kornizën e re për Gazën.
    Zyrtarët e SHBA-së i kanë bërë të qartë Izraelit se Trump synon të shpallë kalimin në fazën e dytë të planit për Gazën para Krishtlindjeve, duke përfshirë një model fillestar administrimi civil për Rafahin.
    Kjo fazë e dytë parashikon tërheqjen e mëtejshme të forcave izraelite nga Gaza, shpërndarjen e Hamasit, vendosjen e një force ndërkombëtare stabilizuese (ISF) dhe krijimin e një strukture të re qeverisjeje, përfshirë një “Bord Paqeje” të udhëhequr nga Trump.
    Plani për paqe në Gazë, i shpallur nga Trump më 29 shtator 2025, ka hyrë në fazën e parë me një armëpushim të brishtë, ku shumica e pengjeve janë liruar.
    Megjithatë, sfidat mbeten, si roli i Turqisë në menaxhimin pasluftës dhe kontributet e vendeve si Indonezia apo Azerbajxhani në ISF.

  • Bordi i Paqes dhe 20 mijë trupa ndërkombëtare për stabilizim, çfarë përmban pr. rezoluta e SHBA për Gazën

    Bordi i Paqes dhe 20 mijë trupa ndërkombëtare për stabilizim, çfarë përmban pr. rezoluta e SHBA për Gazën

    Shtetet e Bashkuara kanë paraqitur në Këshillin e Sigurimit të OKB-së një projektrezolutë për Gazën, e cila parashikon krijimin e një administrate të përkohshme qeverisëse dhe një force ndërkombëtare stabilizimi me rreth 20,000 trupa, raportoi agjencia Reuters.

    Sipas dokumentit të parë nga Reuters, administrata kalimtare do të quhet Bordi i Paqes, ndërsa forca ndërkombëtare do të ketë mandatin të “përdorë të gjitha masat e nevojshme” për të përmbushur detyrat e saj — një formulim që në terminologjinë e OKB-së nënkupton autorizim për përdorimin e forcës.

    Forca e përkohshme do të ketë për qëllim stabilizimin e situatës në Rripin e Gazës, garantimin e sigurisë humanitare dhe mbikëqyrjen e tranzicionit politik, pas përfundimit të luftimeve midis Izraelit dhe Hamasit.

    Ende nuk dihet nëse projektrezoluta do të marrë mbështetjen e anëtarëve të përhershëm të Këshillit, pasi disa prej tyre përfshirë Rusinë dhe Kinën kanë shprehur më herët rezerva ndaj ndërhyrjeve ushtarake të drejtuara nga SHBA-të.

    Nëse miratohet, kjo do të ishte ndër nismat më të mëdha ndërkombëtare për stabilizimin e Gazës pas fillimit të konfliktit të fundit dhe mund të shënojë hapin e parë drejt një administrimi ndërkombëtar të përkohshëm në territorin palestinez

  • “Hamasi nuk ka bomba e as armë bërthamore”/ Erdogan i ashpër me Merz: Izraeli ka synuar që të shtypë Gazën përmes urisë dhe gjenocidit

    “Hamasi nuk ka bomba e as armë bërthamore”/ Erdogan i ashpër me Merz: Izraeli ka synuar që të shtypë Gazën përmes urisë dhe gjenocidit

    Këto deklarata ai i bëri gjatë konferencës së përbashkët për media me kancelarin gjerman, Friedrich Merz.
    Ndasitë mes aleatëve të NATO-s ishin të dukshme gjatë vizitës së parë të Merzit në Turqi, që kur mori detyrën e kancelarit.
    Merz tha se Qeveria e tij ka qëndruar pranë Izraelit që nga sulmi i Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – më 7 tetor 2023 dhe se beson se Izraeli po ushtron të drejtën e tij për vetëmbrojtje.
    “Do të mjaftonte një vendim i juaj për të shmangur viktima të shumta të panevojshme. Hamasi është dashur që më herët t’i lironte pengjet dhe të dorëzonte armët”, tha ai, duke shtuar se shpreson që lufta ka përfunduar me marrëveshjen e armëpushimit të ndërmjetësuar nga Shtetet e Bashkuara dhe të mbështetur nga Turqia.
    Erdogan, një prej kritikëve më të zëshëm të ofensivës së Izraelit në Gazë dhe një lojtar kyç në bisedimet për armëpushim, tha se nuk pajtohet me kancelarin Merz.
    “Hamasi nuk ka bomba e as armë bërthamore, por Izraeli i ka të gjitha këto dhe i përdor këto armë për të goditur Gazën, për shembull ka sulmuar me këto bomba sërish mbrëmë”, tha Erdogan.
    “Ju, si Gjermani, a i shihni këto? Ju, si Gjermani, a nuk i ndiqni këto ngjarje? Përveç se sulmon Gazën, Izraeli po ashtu gjithmonë ka synuar që të shtypë Gazën përmes urisë dhe gjenocidit”, tha udhëheqësi turk.
    Një hetim i Kombeve të Bashkuara ka konstatuar se Izraeli ka kryer gjenocid në Gazë, duke argumentuar se vrasjet, rrethimet dhe shkatërrimet janë kryer me qëllim “shkatërrimin e palestinezëve” në këtë enklavë. Disa grupe të tjera izraelite dhe ndërkombëtare për të drejtat e njeriut kanë dalë me një përfundim të ngjashëm.
    Izraeli mohon akuzat për gjenocid, duke i cilësuar si të motivuara politikisht dhe thotë se fushata e tij ushtarake ka në shënjestër Hamasin, e jo popullatën civile të Gazës. Ai po ashtu pretendon se merr masa për të minimizuar dëmet te civilët.
    Merz ka kritikuar veprimet e Izraelit në Gaza dhe këtë vit Gjermania pezulloi eksportet ushtarake atje, duke përmendur si motiv situatën e përkeqësuar humanitare në Rripin e Gazës.
    Megjithatë, ai nuk ka shprehur mbështetje për akuzat për gjenocid, duke argumentuar se kritika ndaj Izraelit nuk duhet të shndërrohet në një pretekst për antisemitizëm.
    Erdogan tha se ende beson se Gjermania dhe Turqia mund të bashkëpunojnë për t’i dhënë fund zisë së bukës dhe për të siguruar dërgesa me ndihma për Gazën.
    Ai gjithashtu përmendi mundësinë që aleatët e NATO-s të përqendrohen në projekte të përbashkëta në industrinë e mbrojtjes dhe përsëriti dëshirën e Ankarasë për t’u bërë pjesë e Bashkimit Evropian.
    Merz tha se sheh Turqinë si një partnere të ngushtë të BE-së dhe se dëshiron të zhvillojë marrëdhënie dypalëshe ekonomike, përfshirë në sektorin e transportit dhe migracionin./ REL

  • Erdogan-Merz përplasen për Gazën/ Debati në publik, presidenti turk: Pse nuk e sheh Gjermania gjenocidin e Izraelit?

    Erdogan-Merz përplasen për Gazën/ Debati në publik, presidenti turk: Pse nuk e sheh Gjermania gjenocidin e Izraelit?

    Një përplasje e hapur publike midis dy aleatëve të NATO-s, ndodhi të enjten në Ankara.

    Ndonëse ishte vizita e parë e kancelarit gjerman Friedrih Merz në Turqi që kur e mori këtë detyrë, presidenti Rexhep Tajip Erdoan, e kritikoi “për mosvëmendje ndaj gjenocidit dhe sulmeve të Izraelit në Gaza”. Në një konferencë të përbashkët për media, ai iu drejtua ashpër kancelarit.
     “A nuk e sheh Gjermania gjenocidin e Izraelit në Gaza?! Hamasi nuk ka bomba, nuk ka armë bërthamore, por Izraeli i ka të gjitha këto dhe i përdor për të goditur Gazën. Për shembull me ato bomba goditi përsëri mbrëmë. A i shihni ju këto, si Gjermani? A i ndiqni këto? Përveç bombardimeve ndaj Gazës, Izraeli gjithmonë ka synuar ta shtypë atë përmes urisë dhe gjenocidit”
    Merz kritikoi disa veprime të Izraelit në Gaza, dhe theksoi gjithashtu se këtë vit Gjermania ka pezulluar eksportet ushtarake drejt Izraelit, duke përmendur përkeqësimin e situatës humanitare, por ai nuk ka mbështetur akuzat për gjenocid, duke thënë se kritika ndaj Izraelit nuk duhet të përdoret si pretekst për antisemitizëm.
     “Do të kishte mjaftuar vetëm një vendim për të shmangur një numër të madh viktimash të panevojshme. Hamasi duhej t’i kishte liruar pengjet më herët dhe të dorëzonte armët. Ne megjithatë shpresojmë se lufta po i afrohet fundit me marrëveshjen e armëpushimit të ndërmjetësuar nga SHBA-ja dhe mbështetur nga Turqia”.
    Erdogan, si një ndër kritikët më të ashpër të ofensivës izraelite në Gaza dhe një aktor kyç në bisedimet për armëpushim, ka thënë se nuk mund të pajtohej me qëndrimin e Merz. Ai ka deklaruar se beson që Turqia dhe Gjermania mund të bashkëpunojnë për të luftuar urinë duke siguruar dërgimin e ndihmave humanitare në Gaza.

    Top Channel

  • Erdogan dhe Merz përplasen publikisht për luftën në Gaza

    Erdogan dhe Merz përplasen publikisht për luftën në Gaza

    Presidenti turk, Recep Tayyip Erdogan, dhe kancelari gjerman, Friedrich Merz, u përplasën në një debat të ashpër mbi luftën në Gaza, gjatë një konference të përbashkët për shtyp në Ankara të enjten.

    Ndërsa Merz riafirmoi mbështetjen e fortë të Gjermanisë për Izraelin, Erdogan akuzoi përsëri vendin për kryerjen e “gjenocidit”.

    Udhëheqësi turk vuri në dukje se Izraeli nisi sulme të mëdha ajrore në Gaza këtë javë, pavarësisht armëpushimit që hyri në fuqi më 10 tetor. Izraeli tha të mërkurën se kishte “rinovuar” zbatimin e armëpushimit.

    “Ata jo vetëm që po sulmojnë Gazën, por gjithmonë kanë pasur për qëllim nënshtrimin e Gazës përmes urisë dhe gjenocidit, dhe kjo është ende duke vazhduar”, tha Erdogan.

    Komentet e Erdoganit erdhën në përgjigje të Merz, i cili i tha një gazetari turk se Izraeli ishte bërë një strehë për miliona hebrenj, përfshirë shumë që i mbijetuan Holokaustit. “Kjo është arsyeja pse Gjermania do të qëndrojë gjithmonë fort në krah të Shtetit të Izraelit”, tha ai.

    Kancelari shtoi se Izraeli kishte ushtruar “të drejtën e tij për vetëmbrojtje” pas sulmit të udhëhequr nga Hamasi më 7 tetor 2023, duke thënë se lufta shkatërruese mund të ishte shmangur nëse Hamasi do të kishte liruar pengjet më herët dhe do të kishte dorëzuar armët.

    “Atëherë kjo luftë do të kishte mbaruar menjëherë”, tha kancelari gjerman.

    Erdogan u përgjigj se nuk ishte dakord me Merzin, duke argumentuar se Hamasi nuk kishte armë bërthamore ose të rënda, ndërsa Izraeli zotëronte armë të tilla dhe kishte bombarduar përsëri Gazën pavarësisht armëpushimit të arritur dy javë më parë.

    Të martën, kryeministri izraelit Benjamin Netanyahu urdhëroi sulme të reja ndaj Gazës pas vrasjes së një ushtari izraelit në Rafah në Gazën jugore dhe asaj që qeveria e quajti një “gjetje” të inskenuar të mbetjeve të një pengu.

    Turqia mban kontakte me Hamasin, i cili është përcaktuar si organizatë terroriste nga Shtetet e Bashkuara dhe Bashkimi Evropian. Ankaraja luajti një rol kyç në ndërmjetësimin e armëpushimit në Rripin e Gazës rreth dy javë më parë, megjithëse armëpushimi që atëherë është bërë i brishtë./ DPA News.

  • Izraeli godet në Gaza, dronët dhe tanket rrisin tensionet

    Izraeli godet në Gaza, dronët dhe tanket rrisin tensionet

    Forcat izraelite kryen dje, 25 tetor, një “goditje të synuar” ndaj një individi në Gazën Qendrore, i cili sipas ushtrisë izraelite po planifikonte një sulm ndaj trupave të tyre. Siç raporton Reuters, një dron goditi një makinë, ndërsa katër palestinezë mbetën të plagosur.

    Goditja ka prekur një anëtar të grupit militant Jihad Islamik, ndërsa grupi palestinez Hamas ende nuk ka reaguar lidhur me këtë.

    Një incident tjetër raportohet në kampin Nuseirat në Gazën Qendrore këtë të dielë, 26 tetor, me një viktimë dhe disa të plagosur, larg zonave të pushtuara nga forcat izraelite.

    Po ashtu, dëshmitarët thonë për mediat e huaja se tanket izraelite kanë sulmuar zona lindore të qytetit të Gazës.

    Mediat izraelite raportojnë gjithashtu se, në një ndryshim të politikës së mëparshme që ndalonte hyrjen e forcave të huaja, autoritetet egjiptiane u lejuan të hyjnë në Gaza për të ndihmuar në gjetjen e trupave të personave të rrëmbyer në sulmin e Hamasit më 7 tetor 2023, ngjarje që shkaktoi fillimin e luftës.

    Sipas marrëveshjes së armëpushimit të mbështetur nga SHBA-të, Hamas ka deklaruar se do të kthejë të gjithë pengjet që ka marrë, por ende mbeten trupat e 13 personave të zhdukur.

    Zyra e Kryeministrit izraelit, Benjamin Netanyahu, nuk ka dhënë ende komente publike për rastet e fundit.

  • Bloomberg: Plani i paqes në Gaza mund të funksionojë nëse “kopjon” Kosovën

    Bloomberg: Plani i paqes në Gaza mund të funksionojë nëse “kopjon” Kosovën

    FOTO ILUSTRUESE

    GAZA-Pse marrëveshja e paqes prej 20 pikash që Presidenti i SHBA-së Donald Trump ndërmjetësoi për Gazën, vetëm 10 ditë më parë, duket se është tashmë në telashe?-Me këtë pyetje e nis artikullin media Bloomberg, ku shprehet se pa një forcë paqeruajtëse të suksesshme ndalimi i luftimeve do të jetë shumë i vështirë. Në shkrim thuhet se një model për t’u marrë shembull është ai i Kosovës, ku KFOR vijon misionin paqeruajtës prej dekadash.
    ARTIKULLI:
    Në vend që të përgatiten për t’u çarmatosur dhe për t’u tërhequr nga politika, militantët e Hamasit kanë dalë nga strehimet e tyre për të ekzekutuar rivalët palestinezë dhe për të rivendosur kontrollin në zonat nga të cilat forcat izraelite u tërhoqën. Izraeli thotë se grupi terrorist po i ngre pritë edhe trupave të tij, ndërsa Hamasi thotë se Forcat Mbrojtëse të Izraelit vazhdojnë të bombardojnë Gazën nga ajri. Të dyja akuzat duken të sakta, ndërsa IDF gjithashtu po refuzon të rihapë pikën e kalimit Rafah midis Gazës dhe Egjiptit, siç kërkohet.
    Shkaku i thjeshtë i një zbërthimi kaq të shpejtë është se as Hamasi dhe as qeveria izraelite nuk ishin të kënaqur me marrëveshjen që u detyruan të nënshkruanin nga Trump dhe udhëheqësit e rajonit. Por, duke qenë se të dyja palët thanë që në fillim se nuk kishin ndërmend të zbatonin kushtet kryesore të marrëveshjes, “Pse po sillen keq?” është ndoshta pyetja e gabuar. Një pyetje më e mirë do të ishte: “Si është e mundur që ata t’ia dalin mbanë?”
    Një mënyrë e mirë për të gjetur përgjigjen do të ishte të shqyrtonim atë që ndoshta është edhe modeli më i mirë për krijimin e një force paqeruajtëse për Gazën: Kosovo Force, e njohur më mirë si KFOR, e cila u formua në vitin 1999 dhe vazhdon të veprojë edhe sot, shkruhet në artikullin e Bloomberg.
    Nuk është rastësi që strukturat e përcaktuara në planin 20-pikësh të Trump u bazuan në një propozim nga ish-kryeministri i Mbretërisë së Bashkuar Tony Blair. Këto në disa aspekte ngjajnë me ato që ai ishte i përfshirë në ndërtimin e tyre për Kosovën.
    Forcat e NATO-s, KFOR, të cilat u vendosën në Kosovë pas 78 ditësh bombardimesh të Serbisë, arritën të mbushnin menjëherë boshllëkun e sigurisë sipas tij.
    Sakaq, në rastin e Gazës, elementi i paqes i marrëveshjes së Trump, tha ai, është ende duke u përpunuar në Kajro. Bloomberg vëren se modeli i KFOR-it është një model për çdo mision të ardhshëm në Gaza, një forcë e sanksionuar nga Kombet e Bashkuara e udhëhequr nga vende myslimane si Egjipti, Azerbajxhani dhe Indonezia.
    Edhe pse KFOR-i, sipas Bloomberg, nuk ishte perfekt, dhe fakti që është ende i pranishëm në Kosovë pas 25 vitesh e konfirmon këtë, ai përfaqëson një nga operacionet më të suksesshme paqeruajtëse. Për Gazën, mësimi është i qartë, boshllëku i sigurisë duhet të mbushet menjëherë, përndryshe çdo marrëveshje paqeje është e dënuar të dështojë.
    Rasti KFOR, shkruhet në artikull, tregon se pa përgatitjen e forcave për të mbushur boshllëkun e sigurisë, asnjë marrëveshje paqeje nuk mund të mbijetojë. Dhe për Gazën, vendi nga duhet të fillojë është Rafah, edhe nëse duhet të zbatohet gradualisht.

  • Erdogan: Duhen vite për të rindërtuar Gazën, Turqia ka rol të rëndësishëm

    Erdogan: Duhen vite për të rindërtuar Gazën, Turqia ka rol të rëndësishëm

    Bota E Martë, 14 Tetor 2025 17:30
    Rindërtimi i Gazës me siguri do të zgjasë me vite dhe Turqia ka një rol të rëndësishëm tha presidenti turk, Recep Tayyip Erdogan. Ai përsëriti se fazat e rindërtimit në Gaza do të diskutohen dhe do të vendosen me Shtetet e Bashkuara dhe vendet e Gjirit. “Ne duhet ta rindërtojmë Gazën dhe të garantojmë mbështetjen tonë për vëllezërit dhe motrat tona në Gaza”, tha udhëheqësi turk.
    Ministri i Jashtëm egjiptian, Badr Abdelatty, deklaroi për Associated Press para samitit të djeshëm se janë përzgjedhur 15 teknokratë palestinezë për të administruar Gazën në periudhën pas luftës. Ai tha se emrat e tyre janë miratuar tashmë nga Izraeli.
    Programi i Kombeve të Bashkuara për Zhvillim (UNDP), i cili aktualisht po vlerëson nevojat për rindërtim në Gaza, thotë se mbi 80% e të gjitha ndërtesave në Rripin e Gazës janë të shkatërruara ose të dëmtuara, ndërsa në kryeqendrën Gaza City kjo përqindje arrin në 92%.

  • Marrëveshja e Paqes për Gazën, reagon Presidenti Begaj: Moment historik, mbështesim paqen e qëndrueshme në Lindjen e Mesme

    Marrëveshja e Paqes për Gazën, reagon Presidenti Begaj: Moment historik, mbështesim paqen e qëndrueshme në Lindjen e Mesme

    Presidenti i Shqipërisë, Bajram Begaj ka vlerësuar Marrëveshjen e Paqes për Gazën të firmosur në Egjipt nga Presidenti amerikan Donald Trump dhe liderë të tjerë shtetesh.
    “Firmosja e Marrëveshjes së Paqes për Gazën, sot në Egjipt, e iniciuar, mbështetur dhe bërë realitet nga Presidenti Trump, është një moment historik për paqen dhe njerëzimin. Kjo marrëveshje shënon një pikë kthese, duke dëshmuar se diplomacia, dialogu dhe vizioni mund ta bëjnë të pamundurën realitet. Shqipëria qëndron krah të gjitha kombeve që kontribuojnë për paqe të qëndrueshme në Lindjen e Mesme, në këtë moment kaq të rëndësishëm”, thotë Presidenti Begaj në një mesazh në rrjetin social X.
    Trump ishte sot në Izrael dhe Egjipt, ku në këtë ndalesë të dytë u firmos Marrëveshja e Paqes duke i dhënë fund luftës në Lindjen e Mesme, mes Izraelit dhe Hamasit.