Zgjedhjet parlamentare të 11 majit 2025 në Shqipëri po afrojnë mes një klime të ndezur politike dhe prirjesh të reja elektorale. Gara nuk është më vetëm mes dy partive të mëdha, Partisë Socialiste dhe Partisë Demokratike, por në skenë kanë hyrë edhe formacione të reja politike që po sfidojnë rendin tradicional. Sondazhet e fundit të publikuara nga mediat më të rëndësishme në vend si “Top Channel”, “ABC News”, “Euronews Albania” dhe “Report TV”, kanë nxjerrë në pah një terren politik të fragmentuar dhe një elektorat më kritik e më i pavendosur se kurrë.
Partia Socialiste vijon të mbajë avantazhin në nivel kombëtar, por nuk mungojnë surprizat nga opozita dhe partitë e reja që po fitojnë gjithnjë e më shumë besimin e votuesve. Ajo që bie në sy është rritja e ndjeshme e ndikimit të votuesve të pavendosur dhe e atyre në emigracion, të cilët mund të jenë vendimtarë për rezultatin final. Ndërkohë, qytetarët po shfaqin gjithnjë e më tepër interes për alternativat përtej politikës tradicionale. Liderë të rinj, si Adriatik Lapaj dhe Agron Shehaj, po përfaqësojnë një zë ndryshe në opinionin publik.
Por e gjithë kjo panoramë tregon se Shqipëria ndodhet përpara një momenti kyç për demokracinë e saj, ku gara për pushtet është e ngushtë, por beteja për besimin qytetar është edhe më e fortë. Pra në këtë kontekst, sondazhet ofrojnë jo vetëm një pasqyrë të momentit, por edhe një paralajmërim për ndryshimet që po trokasin në politikën shqiptare.
Rezultatet e sondazheve kombëtare
“Euronews Albania”
PS 48.2% (46.2% minimum – 50.2% maksimum) Marzhi i Gabimit +/- 2%
ASHM 31.9% (29.9% minimum – 33.9% maksimum) Marzhi i Gabimit +/- 2%
Nisma SHB 7.9% (6.4% minimumi – 9.4% maksimumi) Marzhi i Gabimit +/- 1.5%
PM 7.5% (6% minimum – 9% maksimumi) Marzhi i Gabimit +/- 1.5%
LB 2% (1% minimum – 3% maksimumi) Marzhi i Gabimit +/- 1%
PSD 1.8% (0.8% minimum – 2.8% maksimumi) Marzhi i Gabimit +/- 1%
Tjetër 0.7% (0.2% minimum – 1.2% maksimumi) Marzhi i Gabimit +/- 0.5%
“ABC News Albania”
PS: 51.1%
PD: 36.8%
Shqipëria Bëhet: 7.6%
Partia Mundësia: 5.4%
Lëvizja Bashkë: 2%
Të tjerë: 0.9%
Top Channel
PS: 48.9%
PD: 34.4%
Shqipëria Bëhet: 4.2%
Partia Mundësia: 5%
Lëvizja Bashkë: 1.1%
Të tjerë: 0.9%
Report TV
PS: 48.4%
PD: 35.4%
Shqipëria Bëhet: 7.6%
Partia Mundësia: 4.8%
Lëvizja Bashkë: 1.4%
Të tjerë: 2.4%
Prirjet në qarkun e Tiranës
PS: 50.3%
PD: 31.8%
Partitë e reja: 15%
Partitë e tjera të vjetra: 2.9%
Në ndarjen e mandateve për Tiranën, PS projektohet të fitojë 18–19 mandate, PD 12 mandate, ndërsa partitë e reja mund të sigurojnë 5–6 mandate.
Vota e diasporës
Sipas sondazhit të Report TV, votuesit shqiptarë në emigracion shprehin një mbështetje më të madhe për PS-në, me 54.5% të votave, krahasuar me 27.4% për PD-në. Partitë e reja marrin 16.9% të votave nga diaspora.
Pëlqyeshmëria e liderëve politikë
Sipas Barometrit të Euronews Albania:
Edi Rama ka 51.9% mendim pozitiv dhe 44.9% mendim negativ.
Adriatik Lapaj renditet i dyti me 36.9% mendim pozitiv.
Agron Shehaj ndjek me 33.9% mendim pozitiv.
Sali Berisha ka 32.1% mendim pozitiv dhe 63.1% mendim negativ.
Përfundime
Sondazhet tregojnë një epërsi të qëndrueshme të Partisë Socialiste në nivel kombëtar dhe në qarkun e Tiranës. Partitë e reja po fitojnë terren, veçanërisht mes të rinjve dhe diasporës. Megjithatë, një përqindje e konsiderueshme e votuesve mbeten të pavendosur, duke lënë hapësirë për ndryshime në rezultatin përfundimtar të zgjedhjeve të 11 majit. Pra si përfundim PS në Tiranë dhe 11 qarqet e tjera referuar sondazheve fiton thuajse të njëjtin numër deputetësh, pra nga 72 deri në 75 mandate. PD e Berishës shkon në Tiranë dhe në qarqe shkon diku tek 45 mandate sipas sondazheve, ndërsa pjesa tjetër ndahet mes partive të reja, të cilët kanë mundësinë për të hyrë në Parlament.
