Drejtuesi politik i Partisë Demokratike për Tiranën, Belind Këlliçi, kritikoi dje kandidatin e Partisë Socialiste për deputet, Toni Gogu, gjatë një vizite në fshatin Arbanë.
Në një postim në Facebook, Këlliçi e quajti Gogu-n “pastor dhe gënjeshtar”, duke u shprehur se rrugët e fshatit janë të dëmtuara.
Deputeti socialist i është përgjigjur sot Këlliçit, duke u shprehur se demokrati zgjidh të mos shohë asgjë të mirë të bërë në atë fshat, duke përfshirë shtëpi të rindërtuara pas tërmetit, apo edhe ndërtimin e një shkolle.
“Ndryshe nga Këlliçi, unë nuk jam një turist elektoral. Kam zgjedhur të jetoj këtu, mes banorëve, ndaj i njoh realisht sfidat dhe mundësitë e kësaj zone. Për mua, Arbana nuk është një stacion për fushatë, por një vend ku prania jonë është besnike dhe ku punët vetëm sa kanë nisur. Ndërsa ne punojmë, Këlliçi bën statuse. Banorët e Arbanës e dinë mirë kush është me ta dhe kush bën politikë nga distanca!”, shkruan ai.
Postimi I plotë:Belind Këlliçi dhe opozita e gënjeshtraveBelind Këlliçi, që dikur premtonte transport publik falas dhe përfundoi duke blerë autobusë lodër për fushatë, tani është rikthyer me një tjetër skenar mashtrimi. Nuk është shfaqur kurrë në Arbanë për të parë realitetin, por ka gjetur kohë të “denoncojë” një postim humoristik timin, sepse ky është i vetmi rol që i ka mbetur në politikë.
Po ja ku janë faktet që Kelliçi nuk do t’ju tregojë për banorët e Arbanës:
✅ 6 shtëpi të reja të ndërtuara nga e para për familjet e prekura nga tërmeti. Askush nuk u la pa strehë!
✅ 13 familje me shtëpi të riparuara me financim të plotë, duke i kthyer banorët në shtëpitë e tyre, më të sigurta se kurrë.
✅ Një shkollë e re për fëmijët e Arbanës – Projekti është gati, pritet vetëm përfundimi i ankimit administrativ nga një prej kompanive konkurruese, dhe puna fillon menjëherë.
Ndryshe nga Këlliçi, unë nuk jam një turist elektoral. Kam zgjedhur të jetoj këtu, mes banorëve, ndaj i njoh realisht sfidat dhe mundësitë e kësaj zone. Për mua, Arbana nuk është një stacion për fushatë, por një vend ku prania jonë është besnike dhe ku punët vetëm sa kanë nisur.
Ndërsa ne punojmë, Këlliçi bën statuse. Banorët e Arbanës e dinë mirë kush është me ta dhe kush bën politikë nga distanca!
Tag: fushatë
-
“Nuk janë rregulluar rrugët e fshatit”, Toni Gogu i kundërpërgjigjet Këlliçit: Unë s’jam turist elektoral! Ai që blen autobusë lodër për fushatë…
-
‘Le boycott’, francezët bojkot masiv për produktet amerikane
Një lëvizje e re e quajtur “Le boycott” ka shpërthyer në Francë, duke nxitur qytetarët të bojkotojnë markat amerikane të njohura, si McDonald’s, Coca-Cola dhe Tesla.
Kjo fushatë është një reagim i drejtpërdrejtë ndaj politikave të presidentit amerikan, Donald Trump, dhe pasojave të tij në tregtinë ndërkombëtare.
Pjesë e këtij bojkoti janë tarifa të larta tregtare të imponuara nga administrata Trump, si dhe një retorikë anti-europiane që ka shkaktuar shqetësime dhe pakënaqësi te qytetarët e Bashkimit Europian.
Ky bojkot ka marrë mbështetje të gjerë nga të rinjtë dhe disa grupe të tjera sociale, të cilët e shohin këtë si një mënyrë për të shprehur kundërshtimin ndaj politikave të Trump dhe ndikimin e tij në jetën e përditshme.
Megjithatë, pjesëmarrja në këtë fushatë është e vështirë për shumë qytetarë, veçanërisht për studentët dhe punëtorët, të cilët përballen me vështirësi financiare dhe mundësi të kufizuara për të shmangur përdorimin e këtyre markave të mëdha, të cilat janë të përhapura kudo.
Në këtë mënyrë, bojkotimi i markave amerikane ka filluar të shndërrohet në një lëvizje më të madhe që thekson pakënaqësinë ndaj administratës Trump dhe politikat e saj, duke nxitur diskutime të gjera në rrjetet sociale, ku shumë individë e shohin këtë si një mundësi për të shprehur mendimet e tyre kundër administratës së SHBA-së.
Kampanja është bërë një simbol i unitetit dhe rezistencës ndaj asaj që shumë njerëz e shohin si një politikë të padrejtë dhe të dëmshme për ekonomitë europiane dhe interesat e qytetarëve, shkruan theguardian.
Ndërkohë, kjo fushatë bojkotimi ka pasuar një tendencë të ngjashme edhe në Kanada, ku qytetarët kanë vendosur të bojkotojnë gjithçka që vjen nga SHBA-ja, duke përfshirë produktet dhe shërbimet amerikane.
Kjo ka sjellë një unitet të plotë mes qytetarëve kanadezë, të cilët janë të shqetësuar për ndikimin e politikave amerikane në vendin e tyre.
-
“Në listat e kandidatëve kanë futur gjithë fisin”, Rama thumbon opozitën nga Kreta: Me këta fitojmë edhe pa bërë fushatë fare!
Kryeministri Edi Rama thumboi opozitën gjatë takimit me emigrantët shqiptarë në Kretë.
Ai tha se përballë tyre i fiton zgjedhjet e 11 majit pa bërë fare fushatë.
Rama e krahasoi kreun e PD-së, Sali Berishën me shprehjen popullore “ç’do atje o bufi kënetës”. Kryesocialisti nënvizoi se partitë e reja kanë futur në listat e kandidatëve gjithë fisin.Rama: Bufi ynë atje në Tiranë është bufi i dalë nga shprehja e popullit “ç’do atje o bufi kënetës”. Besoj se i keni parë që dalin nga diaspora dhe thonë “na jepni ne rinisë votën” dhe në listat e kandidatëve kanë babanë, mamanë, xhaxhanë, sepse nuk i kanë aq njerëz sa t’i fusin në lista. Ndërkohë, ne ju kemi dhënë një skuadër që ka më shumë vajza dhe janë të reja dhe të rinj, sa kanë të gjitha partitë e tjera së bashku. Është partia që ka më shumë eksperiencë në qeverisje, sec kanë të gjitha partitë e tjera së bashku. Me këta fitojmë edhe pa bërë fushatë fare.
/vizionplus.tv -
‘Berisha duhet të ishte në burg dhe jo në fushatë’, Ndocaj: Anti-shqiptar, të hetohen krimet e tij që nga 1991
Ish-deputeti Eduart Ndocaj ka kritikuar ashpër kryetarin e PD-së, Sali Berisha, duke deklaruar se ai duhet të ishte në burg për veprimtarinë e tij dhe jo në fushatë elektorale. Gjatë një emisioni televiziv, Ndocaj ka kërkuar që SPAK të hetonte të gjithë veprimtarinë e Berishës, duke përmendur disa ngjarje të rëndësishme, përfshirë vrasjet e 2 prillit në Shkodër, Gërdecin, 21 janarin dhe furnizimin e makinerisë ushtarake të Millosheviçit me naftë kundër Kosovës.
Ndocaj ka theksuar se Koalicioni Euroatlantik, i drejtuar nga Lulzim Basha, është përballë dy figurave intrigante, si Rama dhe Berisha, ku njëri premton pasaportë për BE dhe tjetri do të “shkrijë” SPAK-un. Sipas Ndocajt, fitorja e këtyre dy figurave do të nënkuptonte fundin e Shqipërisë dhe një rritje të emigracionit.
Ai ka theksuar se Berisha është një nga njerzit më antikosovarë, duke e akuzuar atë për veprime që dëmtoi interesat e Kosovës gjatë luftës, duke furnizuar makinerinë serbe me naftë. Gjithashtu, Ndocaj ka kërkuar që SPAK të hetojë gjithashtu aksidentin misterioz të Sokol Olldashit në vitin 2013 dhe të hulumtojë veprimtarinë e Berishës për tre dekada, duke nisur nga ngjarjet e 2 prillit në Shkodër.
Ai e ka përfunduar intervistën duke apeluar për drejtësi dhe hetim të plotë mbi këto ngjarje, për të siguruar që të bëhet drejtësi për qytetarët shqiptarë. -
Meta, optimist në burg: Do zgjidhem deputet nga qelia, do jem më i votuari në Tiranë
Kreu i Partisë së Lirisë Ilir Meta ka dhënë një intervistë për Opinion në Tv Klan i cili u është përgjigjur pyetjeve me shkrim. Inteligjenca Artificiale e ka kthyer në një intervistë të mirëfilltë duke përdorur pamjen dhe zërin e tij.
Meta thotë se u fut si kandidat në listë të hapur pasi është në kushte të pabarabarta për fushatë elektorale.
“Unë e kam thënë, e kam deklaruar publikisht në Konventën e Tiranës në mesazhin tim me audio se do të jem në listë të hapur në qarkun e Tiranës edhe ndër më të votuarit madje. Natyrisht kjo ka qenë kërkesë e Kryesisë e Partisë së Lirisë, por edhe sugjerimi i drejtuesve të PD-së. Për të qenë në listë të mbyllur duke patur në konsideratë izolimin tim ekstrem dhe pamundësinë për të bërë fushatë në kushte të barabarta apo të pranueshme. Por unë nuk mund të pranojë kurrsesi e për çdo arsye se në vitin 2008 kam bërë grevë urie në parlament bashkë me disa kolegë të tjerë kundër ndryshimeve kushtetuese, të cilat sollën edhe listat e mbyllura të kryetarëve që e kanë dobësuar kaq shumë parlamentarizmin, llogaridhënie dhe përfaqësimin e qytetarqëve. Ky është gjithashtu një rast i mrekullueshëm për të arritur një rekord të ri, të panjohur, për t’u zgjedhur deputetë nga qelia numër 5. Unë e di pavarësisht nga vështirësia për të bërë fushatë, rezultati do të jetë përtej çdo parashikimi optimist”, tha Meta.
Ai u shpreh bindshëm se më 11 Maj shqiptarët do të votojnë masivisht Ilir Metën.
“Të gjithë shqiptarët e ndershëm dhe patriotë e dinë përse unë jam në këtë izolim ekstrem dhe absurd. Të gjithë e dinë se rrëmbimi im kriminal ishte për të frikësuar ata dhe jo mua. Natyrisht, u inskenua dy javë para fitores së pritshme, sipas tyre, të Soros në SHBA në mënyrë që kukulla e tij atje të dilte në Zoom të falenderonte Kryeministrin kukull të Sorosit këtu për përparimet e mëdha në fushën e drejtësisë dhe arrestimet në nivelet më të larta. Kjo do të ndodhte gjatë prezantimit të një libri në Tiranë. Shqiptarët e dinë shumë mirë se unë jam më i lirë këtu në qelinë Nr.5 se sa ata janë jashtë kësaj qelie ku intimidohen, bullizohen dhe nëpërkëmben çdo ditë nga një bandë që nuk njeh as Kushtetutë dhe asnjë normë njerëzore. Ndaj shqiptarët në 11 Maj do të votojnë për Lirinë e tyre në rradhë të parë dhe një votë masive për Ilir Metën do të jetë për këtë arsye”, tha Meta.