Një vit para zgjedhjeve të nëntorit 2024, Barack Obama e paralajmëroi Joe Bidenin se fushata e tij nuk po shkonte mirë, zbulon një libër nga tre gazetarë.
Libri nga Josh Dossey, Tyler Pager dhe Isaac Arnsdorf, siç raportohet nga The Guardian, dokumenton tensionin midis palës së Obama-s dhe palës së Biden-it në një kohë kur, nga kampi tjetër, Donald Trump ishte i pandalshëm.
Autorët përshkruajnë se si Biden, duke mbetur prapa në sondazhe, u ankohej vazhdimisht demokratëve të Kongresit se fushata e tij nuk po shfaqej në distriktet e tyre. Fushata e Biden-it në Wilmington, Delaware, ishte “e dëshpëruar” dhe presidenti ia rrëfeu një këshilltari: “Kam një problem me lidershipin në fushatë”.
Ata shkruajnë se më 20 nëntor 2023, Biden mori një telefonatë nga Obama duke i uruar atij një ditëlindje të 81-të.
Presidenti e ftoi ish-shefin e tij në Shtëpinë e Bardhë për drekë. Obama ishte “pak skeptik” se Biden do të kandidonte për një mandat të dytë.
Në drekë në dhjetor, Obama argumentoi se ndarja e fushatës midis Wilmington-it dhe Washington-it nuk ishte një ide e mirë për vendimmarrjen e shpejtë të kërkuar në zgjedhjet presidenciale moderne.
“Pas drekës”, shkruajnë autorët, “Obama nuk u largua menjëherë nga Shtëpia e Bardhë. Ai u ndal për të takuar ndihmësit e ngushtë të Biden-it, shumë prej të cilëve punonin për të, dhe ndau me ta rrëfimin e tij për atë që kishte diskutuar me Biden-in. Obama ishte më i drejtpërdrejtë me stafin. Fushata juaj është një rrëmujë”, u tha ai atyre.
Biden duket se e ka marrë parasysh paralajmërimin. Në janar, ai urdhëroi zëvendësshefen e tij të stafit të Shtëpisë së Bardhë, Jen O’Malley Dillon, të rregullonte gjërat me fushatën e tij. Menjëherë pas kësaj, Biden njoftoi se O’Malley Dillon do të transferohej në Wilmington për t’u bërë menaxhere e fushatës, ndërsa këshilltari i gjatë Mike Donilon do të mbetej në Uashington si strateg kryesor.
Por prapëseprapë, disa në rrethin e ngushtë të Bidenit nuk e shikonin me sy të mirë Obama-n.
Arsyeja – një nga arsyet – ishte një video e vitit 2023 për të ndihmuar presidentin me mbledhjen e fondeve online. “Në një klip, Obama u kujtoi demokratëve se ‘ai kishte fituar “një ose dy zgjedhje”, duke bërë që disa nga ndihmësit e Biden-it të rrotullonin sytë”, thuhet në libër.
Për ndihmësit besnikë të Biden-it, Obama ishte arrogant dhe besonin se ai dhe rrethi i tij i ngushtë nuk e respektonin dhe nuk e trajtonin vazhdimisht Biden-in, pavarësisht se ai ishte nënkryetari i tij besnik.
Biden përfundimisht u tërhoq nga gara për rizgjedhje vetëm pas një performance katastrofike në debat me Trump-in, duke i dhënë Kamala Harris vetëm 107 ditë për të kandiduar për rizgjedhje.
Sa i përket Trump-it, i cili në fund fitoi mjaft lehtë, para dhe pas fushatës ai e quajti Biden-in një “mashtrues”, një “dështimtar”, një “gjumëmadh” dhe “presidentin më të keq në historinë e vendit tonë”. Por kur Biden e telefonoi për ta përgëzuar, Trump ishte shumë më i butë.
“Në një jetë tjetër”, i tha ai presidentit në largim, “ne do të ishim miq dhe do të shkonim të luanim golf”.
Tag: fushata
-
Paralajmërimi që Obama e kishte dhënë Biden-it
-
“Zgjedhjet ishin konkuruese”/ Situata politike në vend, flet deputeti: Gabimet e opozitës…
Malaj theksoi se shumë të rinj janë angazhuar në fushatën e Partisë Socialiste dhe se fushata ishte e gjatë. I ftuar në një intervistë televizive deputeti i zgjedhur i PS në Kuvendin e Shqipërisë Erion Malaj i cili diskutoi për angazhimin e të rinjve në parlament.
Ai tha se kalimi i tij jnga fusha e arsimit drejt politikës nuk ishte drastik dhe dhe se në zgjedhjet e 11 majit kandidoi për deputet në qarkun e Tiranës. Sipas tij, edhe pse ndodhej në listë të mbyllyr anagazhimi i tij ishte maksimalisht dhe se të njëjtën mënyrë do të vepronte edhe nëse do të qëndronte në listën e hapur.
“Unë vij nga pjesa e arsimit, dhe nuk e quaj drastik kalimin pasi kandidova për të qënë deputet në Partinë Socialiste dhe në zgjedhjet e 11 majit garova për qarkun e Tiranës. Ishte një fushatë e gjatë, dhe vura re se kishte shumë të rinj që ishin të angazhuar. Këshilla e babait tim ishte që cilido detyrë unë të isha vetvetja dhe çdo angazhim ta merrja me përgjegjësi.
Fushata zgjedhore ishte një eksperiencë shumë e vecante dhe unë do të jap më të mirën time. Bëra fushatë për maksimizimin e votës së PS. Në listë të mbyllur, por unë u u angazhova maksimalisht. Njësinë 11 unë e njoh shumë mirë dhe i di nevojat që ka. Investimet kanë çaluar dhe sfidat do të jenë të mëdha. Unë do bëja fushatë edhe në listë të hapur”, tha ai.
Gjatë fjalës së tij në studio ai u ndal edhe tek fushata e opozitës të cilën sipas tij e konsideroi si të dobët dhe se gabimet e tyre konsistojnë tek mos vendosja e disa personave të tjerë të cilët mund të sillnin një frymë të re tek partia por edhe përçarja që ata kishin midis tyre. Malaj theksoi se në PS ka shumë persona të cilët dijnë të bëjnë politikë dhe se qytetarët i kanë besuar për të disatën herë.
“Unë kam vënë re se fushata e opozitës ishte e dobët dhe këtë gjë e vura re në listën e mbrojtjes dhe duhet të ishin disa fytyra të tjera të cilët mund të sillnin një frymë të re dhe përçarjet që ata kishin. Sepse të hedhësh baltë mbi gjithçka , politike jo e drejtë. Do të jap kontributin tim , kudo të kem mundësi. Denoncimet do të shqyrtohen nga drejtësia, dhe cilido që ka dyshime ka të drejtë që të kërkoj numërimimin. Unë mendoj se zgjedhjet ishin konkuruese, dhe se mosnjohja e zgjdhjeve një film i parë shumë herë.
Unë besoj se në Partinë Socialiste ka shumë njerëz që dinë të bëjnë politikë dhe se qytetarët janë ata që i besuan për të disatën herë PS. Duhet që ne të shikojmë përpara për integrimin dhe do të mundohem të jem i pranishëm për qytetarët të cilët më besuan. Kuvendin e kam parë jo në nivelin e duhur. Zgjedhjet ishin shumë konkurruese dhe ka qënë një fushatë elektorale model”, përfundoi Malaj. -
IDF: Fushata kundër Iranit nuk ka mbaruar, nis një fazë e re
Fushata kundër Iranit do të vijojë është shprehur IDF.
“Kemi përfunduar një fazë të rëndësishme, por fushata kundër Iranit nuk ka mbaruar. Po hyjmë në një fazë të re bazuar në rezultatet e asaj aktuale. Kemi pezulluar me vite projektin bërthamor iranian, dhe po ashtu programin e tij raketor,” deklaroi shefi i shtabit të përgjithshëm izraelit, Eyal Zamir.
Pas armëpushimit me Iranin, “vëmendja tani kthehet sërish tek Gaza. Për të rikthyer në shtëpi pengjet dhe për të rrëzuar regjimin e Hamasit,” -tha shefi i shtabit të përgjithshëm izraelit, Eyal Zamir. -
Klosi: Ne i dhamë fund pandëshkueshmërisë, Shqipëria më afër BE-së! Dibra një shembull
Blendi Klosi, kreu politik i qarkut të Dibrës për PS, ku për herë të parë mazhoranca mori një fitore politike në këtë qark (3 me 2 në mandate deputetësh), ka treguar pse fituan. Partia Socialiste e mori fitoren e thellë në zgjedhjet e 11 majit për disa faktorë, por motivi kryesor ishte puna e 4 viteve të kaluara, reforma në drejtësi, fundi i pandëshkueshmërisë dhe rruga drejt integrimit në BE, duke i bashkuar edhe punën brenda strukturave dhe gjendjen ku ndodhej opozita pas një lufte të brendshme dhe fraksioneve.
”Ishte një votë masive për PS-në, qytetarët nuk zgjodhën të keqen më të vogël por programin dhe ekipin që u jep shpresë për të ecur para. PS ishte më e qartë dhe e strukturuar, në atë që ofron për 4 vitet e ardhshme. Ne nuk e morëm mandatin për premtime, por për atë qëkemi bërë në katër vite apo që u bën më shumë punë dhe u zgjidh hallet. Që rrit pozicionin e Shqipërisë në Europë”,-tha Klosi.Nga ana tjetër, ai vuri në dukje se PS qëndron larg ndërhyrjeve si në arsim, shëndetësi, punësimeve në administratë, fushatave elektorale në orare zyrtare, presioneve apo mënyrës së si bëhet fushata elektorale në krahasim me vitet e kaluara. “Fushata nuk ishte agresive, ishte e qetë, aq sa më shumë lajm bëri Giro D’Italia dhe Samiti i Europës”.
-
Samiti/ Rama: Fushata jonë ishte BE, na dha 52% të votave
Edi Rama
TIRANË- Në fjalën hapëse të samitit të Komunitetit Politik Europian, kryeministri Edi Rama komentoi fitoren e tij në zgjedhjet parlamentare të 11 majit. Rama u shpreh se fushata elektorale e socialistëve u përqendrua e gjitha tek Europa, gjë që i siguroi socialistëve 52% të votave.
“Ishe dyshim, por u shndërrua në provë shkencore nga Institucioni i Parashikimit të Motit Evropian, që shiu jo i brendshëm dhe këmbëngulës ishte sjell nga delegacioni britanik dje në mëngjes. Më vjen keq. Sa herë largohuni nga Europa qani. Në fakt kemi ardhur në një moment shumë domethënës në këtë vend, ku je i mësuar të shohim Shqipërinë në sytë e së ardhmes, e jo më të ta shohim të ardhëm me sytë e së shkuarës. Në fakt mbërritje juaj vijon një fushatë zgjedhore, ku Europa ka qenë më e pranishme se kurrë dhe jo si një çështje që krijon ndasi, por si një deklaratë e përbashkët dhe pretendimi të, jo si një nismë politikash, por si një pretendim i thellë për përkatësi, jo si një grup e grumbull detyrash shtëpie, por si një fat i bashkëndarë. Ja pse është kaq kënaqësi që fushata u përqendrua tek këto fjalë, Europë, identitet, përkatës. Dhe identiteti fitoi më shumë se 52% të votave. Në Ballkan i kemi mbijetuar luftës shkatërrimit e rrënimin, kemi mësuar se paqja nuk ka konkurent. I kemi mbijetuar lajmeve të rreme dhe kemi mësuar se bashkëpunimi nuk ka humbës,”-u shpreh Rama.
Ndër të tjera, kreu i qeverisë shqiptare e vendosi theksin të Bashkimi Europian.
“Është një mozaik rajonesh, ndjejmë nevojën për një politikë që ripërcakton edhe se si jemi së bashku mes vetes dhe me botën. Një politikë që e sheh Europën si një shpirt i përbashkët që duhet mbrojtur. Dhe për ta bërë këtë duhet të investojmë edhe tek zemrat dhe mendjet që mbartin me vete shpirtin e Europës. Përse të mos imagjinojmë një Aleancë ndërkombëtare përtej armatimit. Kërkimesh shkencore, ku territore që ende nuk janë anëtare të bëhen pjesë…Duke nxitur epokën e fundit të rritjes reale…Le tu japim të rinjve të Europës, bizneseve të reja, një arsye më të mirë se sa të flasin vetëm për armë. T’i japim arsye për të ndërtuar në tokën Europiane. Beteja jonë duhet të edhe diçka me atë që ne mund të bëjmë për veten tonë, fëmijët tanë. Ka të bëjë me kurajën për të ndërtuar dhe forcuar besimin. Kur Trump tha se Zoti e shpëtoi se kishte një plan për Amerikën tha vetëm gjysmën e të vërtetës, sepse Zoti kishte një plan edhe për Europën. Të sigurohemi që udhëtimi i Europës të jetë një udhëtim kthim dhe rilindje,”- tha Rama./ZËRI -
“Kjo nuk ishte fushata për betejën tonë”, Kumbaro: Një udhëtim zemre për Gjirokastrën që duam (VIDEO)
Mirela Kumbaro ka shpërndarë një video-mesazh për rrugëtimin e kësaj fushate elektorale. Ajo falenderon të gjithë ata që iu bashkuan nëpër takime dhe që do të mbështesin me votë Partinë Socialiste në 11 maj.
“Ky nuk ishte thjesht një muaj fushate dhe kjo nuk ishte fushata për betejën tonë. Jam falenderuese për këdo që na u bashkua në takime, na priti në shtëpi, dyqan a bujtinë, na shtrëngoi dorën, na dha energji, kurajë e mbi të gjitha besën se do të jenë me ne më 1️⃣1️⃣ maj. Dhe këta nuk ishin vetëm socialistët. Këta ishin banorët e qarkut Gjirokastër, ngahera me zemrën e krahët hapur për të mirën, për të ecur përpara”, shkruan Kumbaro teksa ndan këtë video. -
Zgjedhjet/ Spahiu: Pse partitë i mbushin sheshet me karrige?
“Kjo është fushata e karrigeve. Karriget janë simboli dhe fenomeni i ri i zgjedhjeve në Shqipëri. Të gjith partitë, partitë e reja apo të vjetra, partia qeveritare, apo ato opozitare, po vuajnë krizën e pjesëmarrjes, që do të thotë se kjo është fushata më apatike, më e ftohtë, më paentuziasëm dhe me numrin më të vogël të pjesëmarrësve. Po ta vini re, edhe mitingjet përmbyllëse, edhe mitingjet e para, në çdo qytet, këta ulen nëpër karrige sepse është e vetmja mundësi që sheshi të ngjajë plot, sepse duke vendosur karriget 4 ose 5-fishohet për shkak të distancës, ajo gjeometria hapësira.
Nëse këta do jenë në këmbë atëherë do të duken shumë pak dhe mendoj që karrigia është simbolika dhe ajo çfarë demostron krizën politike të partive në Shqipëri, që do të thotë kanë mbetur një grup shumë i vogël dhe nga ana tjetër ngjan si një kinema verore, konferenca shtypi në hapësirë, në ajër të pastër, sepse edhe njerëzit janë të ftohtë, janë indiferentë, po të rrinë në këmbë nuk ka brohoritje, nuk ka thirrje, nuk ka shpresë dhe kjo ndodh për disa arsye. Kjo ndodh si në një ndeshje ku rezultati dihet. Populli nuk është i interesuar për një fushatë ku 80% e publikut e dinë shumë mirë kush është fituesi dhe humbësi. Në një garë shkohet me interes kur ka konkurencë”,- tha Spahiu -
Berisha falënderon pjesëmarrësit në takime: Fushatë e njerëzve të lirë
Kryetari i Partisë Demokratike Sali Berisha e cilësoi këtë fushatë elektorale si “fushatën më të bukur, më entuziaste, më optimiste, të shqiptarëve të lirë, të njerëzve të lirë”.
Gjatë një konference për mediet, Berisha ftoi qytetarët për takimin përmbyllës elektoral të Partisë Demokratike-Aleanca për Shqipërinë Madhështore, në Bulevardin e Ri të kryeqytet.
“Kjo fushatë, për të cilën unë dua të falënderoj me mirënjohje çdo pjesëmarrës nga të katër anët e Shqipërisë, nga Saranda në Tropojë, kjo fushatë u karakterizua me një uragan të vërtetë që buroi nga zemra dhe shpirti i popullit shqiptar”, tha Berisha,
Berisha tha se “dy fushata ecën paralel në territoret e vendit, njëra fushata me detyrim e narkoshtetit dhe tjetra fushata e qytetarëve të lirë të vendosur për të përzënë narkoshtetin”.
Berisha shtoi se “sonte, kësaj fushate fantastike, që u zhvillua për një muaj, duhet t’i vendosim kurorën më të bukur në ballin e saj, në ballin e Shqipërisë.
“Ndaj dhe ftoj qytetarët e Tiranës dhe të gjithë Shqipërisë të bashkohemi sot në Bulevardin e Ri në një festë madhështore të fitores të datës 11 maj”, përfundoi Berisha. -
Fushata e Berishës! E nisi si Trump, e mbylli si Biden. Gafat, LaCivita e lobimi
E frymëzuar nga fitorja presidenciale e Donald Trump, Partia Demokratike nisi fushatën 30 ditore të saj nën një premtim: Për ta bërë Shqipërinë Madhështore sërish.
Për këtë, hapi i parë i demokratëve ishte blerja e konsulentit të Presidentit amerikan Trump, Chris Lacivita, për të cilin premtoi të ishte arkitekt i fitores së saj.
Por, në fakt LaCivita qëndroi shumë pak ditë pranë fushatës së demokratëve. Shpejt, ai e braktisi selinë blu, ndërsa fushatën e saj e ndoqi në distancë.
Nën sugjerimin e konsulentit amerikan, fushata u përqendrua te programi, të cilit Sali Berisha i vuri vetëm fytyrën e tij.
Kandidatët u panë shumë pak, vetëm në ato raste kur shërbyen si dekor të liderit të tyre në mitingje.
Ndonjëherë, programi i tij për ta bërë Shqipërinë Madhështore, shkaktoi jo pak habi edhe te vetë qytetarët.
Për të ardhur ndryshe, jo si një figurë e konsumuar e politikës, ai u përpoq të freskonte pamjen e tij me një imazh të ri, por sërish nën gjurmët e presidentit amerikan Trump, me kapele me numrin 1.
Por rrugës, fushata e Sali Berishës, nisi t’i përngjajë më shumë asaj të Joe Biden-it, se sa të Trump-it: gafa të njëpasnjëshme, të cilat bënë edhe xhiron e rrjeteve sociale.
Në përpjekjen për të dëshmuar forcë dhe siguri, ai kërkoi në mënyrë të përsëritur një përballje publike, me Ramën.
Ftesat u refuzuan me injorimin e tyre, ndërsa Rama nuk linte rast pa vënë në pah gafat që shoqëronin Berishën.
Ndërsa debati me Ramën, mbeti thjesht në distancë
Nga Amerika, Chris Lacivita nuk qe i vetmi lajm i PD-së në 30 ditëshin e fundit të zgjedhjeve. Në mes të saj, fushata u trondit edhe nga publikimi i një kontrate lobimi që selia blu kishte lidhur në SHBA, më një vlerë 6 milionë dollarë. Berisha nuk dha kurrë një përgjigje bindëse për burimin e parave.
“Është gjithçka në përputhje me ligjin”, shprehej ai.
Afrimi i datës së zgjedhjeve u shoqërua nga një ashpërsim i gjuhës së kryedemokratit. Strategjia e ditëve të fundit i diktoi paralajmërime të drejtpërdrejta ndaj Edi Ramës.
“Edi Rama, jam betuar para Ismail Qemalit se do të marrësh atë që meriton”, do të shprehej kreu i PD-së.
Ndërsa disa nga kandidatët e tij përfshinë në konflikte apo akte dhune: Xhelal Mziu në Bulqizë me përfaqësues lokalë të PS-së, Bledion Nallbati në Devoll, i cili së bashku me vëllain goditën një shoferi kamioni e deri te kërcënimi për përgjakje të fushatës njëjtë si në 2021.
Në 30 ditë të fushatës së tij, Berisha pati rreth 80 takime mes të cilave disa në diasporë, nga e cila pret mbështetje të lartë. (Shqiptarja.com) -
Mbyllet sot fushata elektorale/ Tirana ‘skena’ e fundit, PD&PS miting përmbyllës
Edi Rama dhe Sali Berisha
TIRANË-Pas një muaji, sot mbyllet fushata elektorale për zgjedhjet e 11 majit. Tirana, do të jetë ‘skena’ e fundit e fjalimeve, pankartave dhe e energjisë elektorale.
Partia Demokratike dhe ajo Socialiste do të mbajnë miting përmbyllës në Tiranë në të njëjtën orë. PD do të zhvillojë takimin përmbyllës në Bulevardin e Ri në orën 19:00, ndërsa PS mbyll fushatën pranë Parkut Olimpik.
Partia Mundësia, një ndër alternativat më të reja në garë, ka zgjedhur për këtë qëllim Pallatin e Kongreseve. Ndërkohë, Lëvizja Bashkë do të organizojë aktivitetin e saj në Qendrën Kulturore pranë Katedrales Ortodokse, me moton “E reja po lind”.
Pavarësisht dallimeve ideologjike, të gjitha partitë ndajnë një qëllim të përbashkët: të bindin votuesit përpara se kutitë të hapen. Të shtunën heshtje zgjedhore dhe të dielën 3, 713, 761 shqiptarë do tu drejtohen kutive. Për herë të parë, voton edhe diaspora, me 245 935 emigrantë shqiptarë të regjistruar./ZËRI