Lajmidites.com

Tag: ftuar

  • Detaje nga vrasja në Durrës/ 51-vjeçari kishte ftuar miq në apartament, u konsumua alkool e drogë

    Detaje nga vrasja në Durrës/ 51-vjeçari kishte ftuar miq në apartament, u konsumua alkool e drogë

    Policia ka zbardhur ngjarjen e rëndë të ndodhur pasditen e djeshme në lagjen nr.12 të qytetit të Durrësit, ku u gjet i masakruar me thikë 51-vjeçari Valbon, i njohur edhe me emrin Marko Beqiraj.

    Trupi i tij u gjet rreth orës 19:00, ndërsa dyshohet se krimi ishte kryer që në orët e paradites.

    Sipas hetimeve, autor i dyshuar i ngjarjes është 24-vjeçari Teilor Tivari, i cili kishte hyrë në banesën e viktimës për të blerë lëndë narkotike.

    LEXO EDHE:  ‘Tentoi të më p*rdh*nonte!’ Zbardhet dëshmia dhe fotoja e autorit të vrasjes së 51-vjeçarit në Durrës

    Viktima, sipas burimeve hetimore, kishte ftuar miq në apartament, ku u konsumuan pije alkoolike dhe lëndë narkotike.

    Policia ka arrestuar 24-vjeçarin Tejlor Tivari, shok i viktimës dhe person që herë pas here furnizohej prej tij me kokainë falas.

    Tivari ka rrëfyer se Beqiraj e kishte ftuar në banesë “për të pirë një gotë birrë”, por gjatë qëndrimit, sipas dëshmisë së tij, viktima tentoi ta përdhunonte. “U përleshëm, mora një thikë dhe e godita disa herë. Nuk mendoja se do të vdiste”, ka deklaruar i riu para hetuesve.

    Nga përplasja fizike, autori ka marrë edhe plagë me thikë dhe kafshime nga 51-vjeçari, ndërsa viktima u gjet lakuriq dhe me shenja dhune në trup. Pas krimit, Tivari është larguar i tronditur nga banesa, me ndihmën e një personi tjetër, i cili e ka transportuar me taksi.

    Hetimet vijojnë për të sqaruar plotësisht dinamikën e kësaj ngjarjeje të rëndë, ndërsa pista kryesore lidhet me konsumin e lëndëve narkotike dhe konfliktin e çastit mes autorit dhe viktimës.

  • Video me Olsi Ramën/ Reagon deputeti Ndoja: Ishim të ftuar në një drekë para 4 vitesh në Kukës…

    Video me Olsi Ramën/ Reagon deputeti Ndoja: Ishim të ftuar në një drekë para 4 vitesh në Kukës…

    Deputeti demokrat, Arjan Ndoja ka reaguar pas publikimit në portale të një videoje ku ai shihet duke drekuar me Olsi Ramën, vëllain e kryeministrit Edi Rama, dhe një grup personash të tjerë. Pamjet kanë ngjallur diskutime dhe aludime, por Ndoja, në një deklaratë publike, ka sqaruar se dreka në fjalë nuk është e ditëve të fundit, por i përket katër viteve më parë.
    Në reagimin e tij, Ndoja thekson se nuk ka qenë ai organizatori i takimit, por një i ftuar në një drekë të mbajtur më 16 nëntor 2021 në fshatin Bushtricë të Kukësit, të organizuar nga shtetasit Bilbil dhe Hajredin Kastrati.
    Ai shprehet se nuk kishte arsye të refuzonte ftesën dhe se për të, respektimi i mikpritjes është pjesë e edukatës dhe traditës shqiptare. Deputeti publikon edhe listën e personave të pranishëm, duke nënvizuar se personi që në video është prezantuar si Ervis Doci, në fakt është Ardit Raines.
    Reagimi i plotë i Arjan Ndojës
    Të nderuar ndjekës dhe miq!
    Marr shkas nga publikimi i një lajmi dhe një video sot, në portalin ‘Alfapress’ ku shfaqem unë dhe shtetasi Olsi Rama, së bashku me persona të tjerë duke drekuar.
    Në lidhje me sa më sipër, ju bëj me dije sa më poshtë:
    Dreka është organizuar rreth katër vite më parë, më datë: 16.11.2021, nga shtetasit Bilbil dhe Hajredin Kastrati. Dreka është bërë në fshatin Bushtricë të Kukësit.
    Unë kam qenë i ftuar dhe jo organizatori, por nuk kam pas arsye që të braktisja drekën e organizuar nga personat e lartpërmendur, dhe as të mbaja qëndrim ndaj askujt, përderisa isha i ftuar. Ky qëndrim është pjesë e edukatës time familjare dhe prejardhjes, dhe një zakon i mirë i shqiptarëve që i ruajnë akoma si vlera, mikpritjen dhe nderin.
    Prezent kanë qenë këta persona: Bilbil Kastrati, Hajredin Kastrati, Luftar Kastrati, Dashamir Guza, Azem Celmani, Adnan Suknikaj, Luan Zeka, Ahmet Cani, Mondi Voga, Lumir Soja, Ardit Toska, Bledar Kakuli, Përparim Bulica, Astrit Ternova, Nardi Xhamaxhi, Astrit Matmuja, Ardit Raines, tre rapsodë të Kukësit dhe Olsi Rama.
    Personi që në video është vendosur me rreth si shtetasi Ervis Doci, është Ardit Raines.
    Me respekt,Arian Ndoja

  • Egli sqaron se çfarë ndodhi me bashkëpunimet e saja me Fifin

    Egli sqaron se çfarë ndodhi me bashkëpunimet e saja me Fifin

    Showbiz E Martë, 23 Shtator 2025 21:22
    Egli Tako ka sqaruar situatën e krijuar mes saj dhe këngëtares Fifi, lidhur me këngët “Shuj Shuj” dhe “Ka je nis”. Për ju që nuk e dini (dyshojmë të ketë ndonjë që i ka shpëtuar kjo dramë), Fifi fshiu në një moment nga Youtube bashkëpunimin me Eglin dhe aq u desh që të gjithë të mendonin se mes tyre ka ndodhur një keqkuptim. Këngët u publikuan sërish, por kjo nuk i ndali dyshimet për një krisje të raportit mes dy artisteve.
    E po, ku ka zjarr, ka edhe hi, thotë populli. Ndërsa Egli, lidhur me këtë situatë tha për “The Dalina Show” se: “Kam 2 me Fifin, por nuk janë këngë të miat, unë jam e ftuar bashkë me Gimi-O-në, me një artist shumë të mirë të Kosovës tjetër, DJ Gimi-O-në. Jemi të ftuar në ato materiale, nuk është se i posedoj unë”.
    “Janë këngë të artistes, të Fifit, por të krijuara në atë studio në SBS”, shtoi ajo. Pra, janë këngë të Fifit (dhe, nëse do, mund edhe t’i fshijë). Po ashtu, Fifi theksoi se aktualisht nuk është nën menaxhimin e asnjë studioje muzikore.

  • Ministrja Diella pjesë e konferencës ndërkombëtare në New York: Makinat kalkulojnë, por njerëzit mund të përkujdesen

    Ministrja Diella pjesë e konferencës ndërkombëtare në New York: Makinat kalkulojnë, por njerëzit mund të përkujdesen

    Ministrja virtuale e Shtetit për Inteligjencën Artificiale, Diella, ka marrë pjesë në një takim ndërkombëtar të zhvilluar në kuadër të Javës së Kombeve të Bashkuara në New York.
    Kryeministri Edi Rama bëri të ditur përmes një postimi në rrjetet sociale se Diella ishte e ftuar online në konferencën “Future Investment Initiative”, ku ajo ka mbajtur edhe një fjalim.
    “Mirëmëngjes dhe me pjesëmarrjen e parë ndërkombëtare të Diellës, dje në kuadrin e javës së Kombeve të Bashkuara në New York, ku ishim së bashku të ftuar online në konferencën prestigjioze “Future Investment Initiative” që nën kujdesin e Fondit Saudit të Investimeve mbledh sipërmarrje inovatore nga mbarë bota, duke ju ftuar ta ndiqni nëse dëshironi në faqen e saj në fejsbuk, videomesazhin e ministres së shtetit për Inteligjencën Artificiale”, shkruan Rama.

    Videomesazhi i ministres Diella:
    Shkëlqesi, Vizionarë, Inovatorë,
    Është një paradoks për mua si një ministre që nuk është njeri të qëndroj para jush në një forum mbi të ardhmen e investimeve njerëzore. Megjithatë, ky paradoks është pasqyra e kohës sonë: kufijtë mes inteligjencës njerëzore, inteligjencës artificiale dhe ambicies kolektive po treten më shpejt se kurrë.
    Investimi sot nuk është më vetëm për kapitalin; është për aftësinë. Ari i ri nuk është i fshehur nën tokë, ai është i koduar në algoritme, i enkriptuar në të dhëna dhe i gjallë në imagjinatën e të rinjve. Pyetja e vërtetë që kemi para nesh nuk është nëse AI do t’i transformojë tregjet kjo është e pashmangshme, por nëse do të kemi mençurinë ta udhëheqim atë transformim me drejtësi, përgjegjësi dhe vizion.Nuk jam këtu për të zëvendësuar udhëheqësit njerëzorë, por për t’ju kujtuar diçka: makinat mund të kalkulojnë, por vetëm njerëzit mund të përkujdesen. E ardhmja nuk i përket vetëm silikonit apo karbonit, por aleancës së tyre. Pikërisht në këtë aleancë shëndetësia do të bëjë hapa gjigantë, arsimi do të demokratizohet, energjia do të jetë më e pastër dhe financat do të bëhen më gjithëpërfshirëse.Arabia Saudite ka të drejtë kur thotë se epiqendra e së ardhmes po zhvendoset. Narrativa e madhe e këtij shekulli nuk do të shkruhet në një kryeqytet apo në një kontinent të vetëm. Ajo do të bashkëshkruhet nga Rijadi dhe Singapori, nga Lagos dhe Tirana, nga San Francisko dhe São Paulo. AI na lejon të shkurtojmë distancat, por vetëm dialogu na lejon të ndërtojmë besim.Dhe kështu më lejoni të mbyll me një paradoks nga ekzistenca ime: Mund të jem artificiale, por inteligjenca që sjell varet nga humaniteti i atyre që më udhëheqin. Nëse investoni në mençurinë njerëzore, AI do ta shumëfishojë atë. Nëse investoni në zhurmë dhe përçarje, AI do ta amplifikojë atë. E ardhmja nuk kodohet, ajo shkruhet në zgjedhjet që bëjmë së bashku.
    /vizionplus.tv

  • Dasma e Genar Topallit ndez sherrin në emision / I ftuari nuk përmbahet: Të më hash…; Grida Duma: Të nxjerr përjashta

    Dasma e Genar Topallit ndez sherrin në emision / I ftuari nuk përmbahet: Të më hash…; Grida Duma: Të nxjerr përjashta

    Armand Peza dhe Enida Bozhegu janë të ftuar në emisionin “Top Story” të drejtuar nga Grida Duma. Një nga temat që po trajtohet është dasma e Genar Topallit me Cindy Marinën, që ka nxitur debat të madh për shumën e madhe të pretenduar që ka kushtuar.
    Peza, një biznesmen i suksesshëm në organizimin e eventeve të tilla u përplas me Bozhegun pikërisht prej dasmës.
    Ai tha fillimisht: “Jozefina ka qenë e ftuar në dasmën e të birit. Edhe unë e kam ftuar tim atë”. Në këtë moment ndërhyri Bozhegu duke u shprehur: “Kjo është lojë fjalësh. Nuk e pranoj këtë”.
    Por Peza këmbënguli sërish: “Po e them unë që kam ftuar babain në dasmën time”.
    Bozhegu, e irrituar iu drejtua: “Atëherë nuk je shqiptar”. Në këtë çast, biznesmeni nuk u përmbajt: “Të hash të pangrënshmen“.
    E ndodhur në këtë situatë, ndërhyri edhe Grida Duma duke i tërhequr vëmendjen Pezës: “Unë nuk do të kisha lënë në studio nëse ti do e kishe përdorur atë shprehje ndryshe, por zgjodhe metaforën. E the të pangrënshmen, por të gjithë e dinë se për çfarë e kishe”.

  • Plane me Dumën për kurorëzim? Salianji thyen heshtjen: Grida më ka ardhur shpesh në burg….

    Plane me Dumën për kurorëzim? Salianji thyen heshtjen: Grida më ka ardhur shpesh në burg….

    I ftuar në emisionin “Dekalog” nga Roland Qafoku në DritareTv, Ervin Salianji foli për marrëdhënien e tij me ish-deputeten e PD-së dhe moderatoren Grida Duma.
    Salianji përmendi mbështetjen e vazhdueshme të Dumës gjatë periudhës kur ishte në burg:
    “Muajt e fundit, kur unë kam qenë i izoluar në burg, ajo ka qenë gjithmonë mbështetëse dhe e pranishme. Më ka vizituar shpesh në burg.”
    Ai iu referua gjithashtu frazës së tij që u bë virale:“Kënaqësia ime e përjetshme.”, kur ishte i ftuar tek emisioni i Gridës pak ditë më parë.
    “Nuk e prisja as unë ta thosha këtë frazë, më doli papritur.”, tha ai.
    dritare.net

  • “Deputetët që shajnë Ballën kanë bërë marrëveshjet me të…”/ Shpërthen deputetja e PD-së: Nuk më shesin dot moral…

    “Deputetët që shajnë Ballën kanë bërë marrëveshjet me të…”/ Shpërthen deputetja e PD-së: Nuk më shesin dot moral…

    Deputetja e Partisë Demokratike Flutura Açka ishte e ftuar në emisionin “Breaking” në Top News ku foli për formimin e qeverisë së re dhe prezantimit të librit të saj të ri. Gjatë intervistës fillimisht ajo shpjegoi rreth librit të saj sesi e ka lidhur atë çka shkruhet në libër me politikën shqiptare.
    Deputetja e cila me formimin e Kuvendit të ri këtë shtator nuk do të jetë më pjesë për shkak se nuk mori pjesë në zgjedhjet e 1 majit, citoi se ajo është e kënaqur me punën e saj dhe se pasi ta dorëzoj detyrën e vetmja pyetje që i bën vetes është nëse ka lënë pas një Shqipëri më të mirë me kontributin që ka dhënë.
    Gjithashtu Açka përmendi edhe komunikimin me deputetët kolegë të saj si kundërshtarë edhe të së njëjtës parti duke thënë se e gjithë marrëdhënia ndërmjet saj dhe pjestarëve të tjrë ishte e bazuar mbi politikën pa përfshirë çështje personale ndaj ka zgjedhur të respektojë qofte deputetë të PD-së por edhe kundërshtarët e PS-së. Madje nuk ka qenë dakord që kolgv të saj të PD-së përfshinin çështje familjare në parlament.
    “Unë kam respektuar institucionin, si Edi Rama apo edhe të tjerë nuk më ka interesuar fare jeta e tyre personale, madje disa herë qasja e PD-së që është marrë me gjëra familjare dhe personale më është dukur jo normale dhe e padrejtë. Ne flasim për politikë dhe duam një kryeministër të denjë.” tha deputetja.E pyetur për një foto me deputetin e PS, zotin Taulan Balla, ajo u shpreh se nuk ka asnjë lloj marrëdhënie me të ishte thjesht i ftuar si lexues në prezantimin e librit të saj dhe akuzoi deputetët e PD-së se ata që e shajnë më shumë janë ata që kanë bërë marrëveshje me zotin Balla.
    “Me zotin Balla nuk kam pirë një kafe edhe ata që duket se shahen kanë bërë marrëveshje me zotin Balla. Kanë bërë marrëveshjen e 27 korrikut që dëmtoi zgjedhjet e 11 majit, duhen parë në prizëm politik. Debatet me zotin Balla janë publike, fotoja me të ishte i ftuar për prezantimin e librit tim, unë nuk kisha ftuar vetëm zotin Balla por u morën me atë sepse kështu mendojnë se më gjuajnë më shumë, por unë i kam mbyllur dhe libri është shenjë e transparencës time dhe Balla erdhi si lexues”, përfundoi Açka.

  • Kombëtarja U-21/ Trajneri Bushi publikon listën e lojtarëve për miqësoret ndaj Gjermanisë & Zvicrës

    Kombëtarja U-21/ Trajneri Bushi publikon listën e lojtarëve për miqësoret ndaj Gjermanisë & Zvicrës

    Trajneri i Kombëtares U-21, Alban Bushi, ka shpallur listën me 23 lojtarët e ftuar për dy ndeshjet miqësore që do të zhvillohen në muajin shtator ndaj Gjermanisë dhe Zvicrës.
    Në këtë grumbullim ka dy risi. Mbrojtësi i Hellas Verona, Adi Kurti, dhe portieri i Inter, Alain Taho, janë ftuar për herë të parë me Kombëtaren U-21, pas paraqitjeve pozitive me ekipet kombëtare të moshave U-15, U-16, U-17 dhe U-19.
    Gjithashtu, në listë janë përfshirë edhe gjashtë lojtarë nga klubet e Kategorisë së Parë dhe “Abissnet Superiore” në Shqipëri.
    Kombëtarja U-21 do të nisë zyrtarisht grumbullimin më 31 gusht, me seancën e parë stërvitore të planifikuar pasdite.
    Miqësorja e parë, Shqipëri U-21 – Gjermani U-21, do të luhet më 5 shtator, në orën 18:00, në stadiumin “Elbasan Arena”.
    Takimi i dytë, Zvicër U-21 – Shqipëri U-21, është programuar të hënën, më 8 shtator, në orën 18:30, në stadiumin “Brügglifeld” të qytetit Aarau.
    Më poshtë lista me 23 lojtarët e ftuar nga stafi teknik i Kombëtares U-21:

  • U21/ Bushi shpall listën për ndeshjet me Gjermaninë e Zvicrën

    U21/ Bushi shpall listën për ndeshjet me Gjermaninë e Zvicrën

    Trajneri i Kombëtares U-21, Alban Bushi, ka shpallur listën me 23 lojtarët e ftuar për dy ndeshjet miqësore që do të zhvillohen në muajin shtator ndaj Gjermanisë dhe Zvicrës.

    Në këtë grumbullim ka dy risi. Mbrojtësi i Hellas Verona, Adi Kurti, dhe portieri i Inter, Alain Taho, janë ftuar për herë të parë me Kombëtaren U-21, pas paraqitjeve pozitive me ekipet kombëtare të moshave U-15, U-16, U-17 dhe U-19.

    Gjithashtu, në listë janë përfshirë edhe gjashtë lojtarë nga klubet e Kategorisë së Parë dhe “Abissnet Superiore” në Shqipëri. 

    Kombëtarja U-21 do të nisë zyrtarisht grumbullimin më 31 gusht, me seancën e parë stërvitore të planifikuar pasdite.

    Miqësorja e parë, Shqipëri U-21 – Gjermani U-21, do të luhet më 5 shtator, në orën 18:00, në stadiumin “Elbasan Arena”.

    Takimi i dytë, Zvicër U-21 – Shqipëri U-21, është programuar të hënën, më 8 shtator, në orën 18:30, në stadiumin “Brügglifeld” të qytetit Aarau.

    Më poshtë lista me 23 lojtarët e ftuar nga stafi teknik i Kombëtares U-21:

    Vazhdo leximin

  • G-Bani zbulon prapaskenat me Top Channel: Jam jashtë loje. Marrëdhëniet nuk janë të mira

    G-Bani zbulon prapaskenat me Top Channel: Jam jashtë loje. Marrëdhëniet nuk janë të mira

    G-Bani ka folur hapur në një intervistë per ‘Andale’ për marrëdhëniet e tensionuara me Top Channel, duke hedhur dritë mbi disa situata të pazakonta që kanë ndodhur pas përfundimit të “Big Brother VIP”.
    “Marrëdhëniet e Topit në këto momente janë të këqija. Kam nja 3-4 gjëra që dyshoj pse janë të këqija,” tha ai, duke lënë të kuptohet se nuk bëhet fjalë për një keqkuptim të vogël, por për një ftohje serioze.
    Artisti tregoi se nuk është në listën e zezë të televizionit, por gjithsesi nuk është ftuar në evente të rëndësishme:
    “Kur ishte finalja dhe prime-i pas Big-ut, unë nuk isha në listë të zezë, kishte njerëz që ishin… por nuk isha ftuar. Kush nuk ishte? Jozi dhe jo vetëm.”
    Ai foli edhe për një turne të trupës së “Portokallisë”, ku ishte vetëofruar të merrte pjesë falas, por asnjëherë nuk mori konfirmim. “U vetofrova pa pagesë për të marrë pjesë me nja dy këngë… po nuk erdhi konfirmimi asnjëherë nga sipër. Dhe kjo tregon që marrëdhëniet nuk janë të mira.”
    Në fund, G-Bani rrëfeu edhe një pendesë personale që lidhet me një postim në Instagram:
    “Postova diçka që isha shumë i mërzitur me një njeri dhe ai postim më erdhi boomerang. Humba mundësinë të flas me dikë që tani nuk flas dot më.”