Lajmidites.com

Tag: frymëzuar

  • Stresi i frymëzuar nga Keisi: 3 këngë të reja pas ndarjes

    Stresi i frymëzuar nga Keisi: 3 këngë të reja pas ndarjes

    Reperi i njohur Stresi ka zgjedhur t’i japë fund zhurmës së përditshme dhe të fokusohet vetëm tek krijimtaria e tij. Ai ka gjetur strehë në jug të Shqipërisë, ku po kalon kohë të izoluar për të punuar pa ndërprerje në projekte të reja muzikore. Ky “karantinim” artistik po i sjell frytet e para, duke i dhënë mundësinë për të krijuar muzikë të freskët, por gjithashtu për të reflektuar mbi një periudhë të rëndësishme të jetës së tij.
    Një frymëzim i veçantë për Stresin ka ardhur nga Keisi, ish-partnerja e tij. Ajo ka ndarë me ndjekësit një bisedë private mes tyre në WhatsApp, ku Stresi i dërgon tre demo të reja muzikore dhe i tregon se ato janë frymëzuar nga ajo. “Tek të treja këngët më ke frymëzu,” – ka shkruar reperi, duke treguar hapur ndikimin e Keisit në këtë krijimtari.

    Keisi ka pritur me humor këtë dedikim dhe ka bërë një shaka në lidhje me emrin e saj, duke thënë se në një nga këngët e ka dëgjuar të përmendet. Kjo bisedë konfirmon se, edhe pse tashmë të ndarë, ata kanë mbetur miq të ngushtë dhe vazhdojnë të mbështesin njëri-tjetrin. Tani mbetet vetëm të presim publikimin e këngëve për të dëgjuar se si kjo histori e tyre do të shfaqet në muzikën e Stresit.

  • Berisha: Deklarata e Marta Kos për zgjedhjet e frymëzuar nga propaganda e paguar e Ramës! Përshëndes deklaratën e KE

    Berisha: Deklarata e Marta Kos për zgjedhjet e frymëzuar nga propaganda e paguar e Ramës! Përshëndes deklaratën e KE

    Berisha: Deklarata e Marta Kos për zgjedhjet e frymëzuar nga propaganda e paguar e Ramës! Përshëndes deklaratën e KE
    Kryetari i Partisë Demokratike, Sali Berisha, reagoi pas deklaratës së Marta Kos mbi zgjedhjet në Shqipëri, duke e cilësuar atë si një qëndrim të frymëzuar nga propaganda e paguar e Edi Ramës.
    Berisha tha se, deklarata e zonjës Kos përbën shkelje të parimeve ndërkombëtare të monitorimit të zgjedhjeve dhe se PD e ka kundërshtuar publikisht si të njëanshme dhe të ndikuar nga dizinformimi i qeverisë.
    Kreu i PD përshëndeti qëndrimin e Komisionit Europian, i cili sipas tij distancohet nga deklarata e Kos dhe mban një linjë më të drejtë e të paanshme mbi proceset zgjedhore në Shqipëri.
    Partia Demokratike pas deklaratës së Marta Kos, bëri një deklaratë në të cilën ajo e publikisht dhe gjerësisht, deklaratën e frymëzuar të zonjës Kos, nga propaganda e paguar e Edi Ramës, ekstremizmit politik i majtë apo dizinformimi, si një deklaratë që shkel rëndë ligjin ndërkombëtar të vlerësimit të zgjedhjeve dhe ligjin kombëtar.
    Ajo çka unë dua të them, sot lexova para se të vij këtu, se ka patur një reagim nga ana e zëdhënësit të Komisionit Europian, i cili shpreh qëndrimin korrekt të Komisionit Europian të papajtueshëm me qëndrimin e Marta Kos, një adhuruese pa kushte për arsye të saj, të Edi Ramës dhe bëmave, gjëmave të tij.
    Ndaj dhe unë falënderoj Komisionin për reagimin dhe garantoj se PD mbetet e përkushtuar totalisht për procesin e integrimit të Shqipërisë në BE si e ardhmja më e shkëlqyer për shqiptarët.
    Sikundër thekson se sot Shqipëria në mënyrë absolute përveç pozicionit gjeostrategjik, nuk plotëson asnjë nga kushtet dhe kriteret që kërkohen për këtë anëtarësim”, tha Berisha.

  • “Përshëndes deklaratën e KE-së”, Berisha: Marta Kos, e frymëzuar nga propaganda e paguar e Ramës

    “Përshëndes deklaratën e KE-së”, Berisha: Marta Kos, e frymëzuar nga propaganda e paguar e Ramës

    Kreu i PD, Sali Berisha, ka reaguar pas deklaratës së Marta Kos, e cila u shpreh se “zgjedhjet në Shqipëri ishin të lira”.
    Berisha tha se Partia Demokratike e ka dënuar publikisht këtë deklaratë, duke e cilësuar si të frymëzuar nga propaganda e paguar e kryeministrit Edi Rama dhe nga ekstremizmi i majtë.
    Sipas tij, deklarata e Kos përbën një shkelje të rëndë të ligjit të zgjedhjeve dhe ligjit kombëtar.
    Ai shtoi se ka pasur një reagim nga ana e zëdhënësit të Komisionit Europian, i cili ka shprehur një qëndrim të papajtueshëm me atë të zonjës Kos. Berisha e cilësoi Marta Kos si “një adhuruese pa kushte të Edi Ramës”.
    “PD pas deklaratës së Marta Kos, bëri një deklaratë në të cilën ajo e publikisht dhe gjerësisht, deklaratën e frymëzuar të zonjës Kos, nga propaganda e paguar e Edi Ramës, ekstremizmit politik i majtë apo dizinformimi, si një deklaratë që shkel rëndë ligjin ndërkombëtar të vlerësimit të zgjedhjeve dhe ligjin kombëtar.
    Ajo çka unë dua të them, sot lexova para se të vij këtu, se ka patur një reagim nga ana e zëdhënësit të Komisionit Europian, i cili shpreh qëndrimin korrekt të Komisionit Europian të papajtueshëm me qëndrimin e Marta Kos, një adhuruese pa kushte për arsye të saj, të Edi Ramës dhe bëmave, gjëmave të tij.
    Ndaj dhe unë falënderoj Komisionin për reagimin dhe garantoj se PD mbetet e përkushtuar totalisht për procesin e integrimit të Shqipërisë në BE si e ardhmja më e shkëlqyer për shqiptarët.
    Sikundër thekson se sot Shqipëria në mënyrë absolute përveç pozicionit gjeostrategjik, nuk plotëson asnjë nga kushtet dhe kriteret që kërkohen për këtë anëtarësim”, u shpreh Berisha.
     

  • Yamal dhe festimi i frymëzuar nga LeBron James, pse po shkakton kaq shumë polemika në Spanjë

    Yamal dhe festimi i frymëzuar nga LeBron James, pse po shkakton kaq shumë polemika në Spanjë

    10 Shtator 2025

    10:04

    Alfred Lleshi

    Lamine Yamal ka ndryshuar mënyrën e festimit të golave, duke lënë pas numrin 304 që simbolizonte lagjen e fëmijërisë së tij, Rocafonda, dhe adoptuar një gjest të ri, “kurorëzimin”, frymëzuar nga LeBron James. Ky veprim ka shkaktuar diskutime në Spanjë, disa media mendojnë se talenti i Barcelonës po ndikohet shumë nga famësia dhe suksesi.
    Trajneri i Spanjës, De la Fuente, e qartësoi situatën me humor: “Kush tha që Lamine po kurorëzohej? Mua më duket si të kishte vendosur një kapelë magjike. Ishte thjesht një truk magjie”. De La Fuente shtoi se vëmendja e tepërt ndaj gjesteve të tij shpesh e humb fokusin te faktet reale:
    “Ky djalosh, në moshën 16-vjeçare, ka debutuar në kombëtare dhe punon shumë. Stërvitet 6 orë në ditë, shkon në palestër, trajtohet nga fizioterapistët dhe bën të gjitha stërvitjet ‘e padukshme’. Çfarë e ka bërë të arrijë kaq lart nuk është mënyra e festimit të golit, por angazhimi i tij i palodhur”.

  • Piktura frymëzuar nga deti, ekspozita e piktorit Gjergj meta në galerinë “Arta Saranda”

    Piktura frymëzuar nga deti, ekspozita e piktorit Gjergj meta në galerinë “Arta Saranda”

    Pas një mungese të gjatë 25-vjeçare, piktori Gjergj Meta është rikthyer me një ekspozitë personale në Galerinë “Art Saranda”, duke sjellë 51 punime që shpalosin peizazhin e kompozuar dhe abstragime dekorative, të gjitha të frymëzuara nga drita dhe bukuria unike e bregdetit të Sarandës.

    Drejtori i galerisë, piktori Lefter Çeko, u shpreh se kjo ekspozitë paraqet zhvillimin e ritmit krijues të autorit deri në trajtimet abstrakte që gjejnë vend sot në ambiente të ndryshme.
    “Ekspozita e piktorit Gjergj Meta na vjen sot me 51 vepra të peizazhit të kompozuar e në një farë mënyre tregon edhe ritmin e zhvillimit të vet deri tek abstragimet dekorative që janë të dëshirueshme në ambiente të ndryshme. Ekspozita ka motive nga i gjithë vendi, edhe nga Saranda ,bregu i detit, drita e Sarandës. Me mënyrën e vet, me penelatën e tij, me teknikën e kombinuar brenda tablosë, të përmasave të mëdha e të vogla. Të gjitha përcjellin emocione e imazhe të vlerave të qytetit tonë”, tha piktori, Lefter Çeko.
    Për autorin, rikthimi në Sarandë është një lidhje emocionale e vazhdueshme me qytetin që e ka frymëzuar që prej fillimeve të tij artistike.
    “Është një dashuri e vjetër dhe unë jam këtu me këtë ekspozitë pas 25 vjetësh. Kam sjellë vepra të Sarandës dhe disa vepra të tjera që i kam realizuar këtë vit. Saranda ka shumë motive për të punuar ,është një qytet fantastik. Është një qytet dinamik dhe në ndryshim. Është një amfiteatër modern, me një strukturë të rrëmujshme, por shumë interesante ,që nga varkat e vogla e deri tek anijet, turistët, ndryshimet, problemet që nuk ia heqin bukurinë”, u shpreh piktori, Gjergj Meta.
    Ekspozita do të qëndrojë e hapur për publikun dhe grupet turistike deri më 25 korrik, duke ofruar një mundësi të veçantë për t’u njohur me artin bashkëkohor të frymëzuar nga peizazhi shqiptar.
    Pas kësaj ekspozite, Galeria “Art Saranda” ka programuar disa autorë të tjerë për të vijuar sezonin artistik të verës.
     
     

    Top Channel

  • “Nuk kam luajtur kurrë ndaj Messit, por ai ka frymëzuar një brez të tërë”

    “Nuk kam luajtur kurrë ndaj Messit, por ai ka frymëzuar një brez të tërë”

    29 Qershor 2025

    8:44

    Alfred Lleshi

    Në prag të ndeshjes shumë të pritur të 1/8 finale të Botërorit për Klube mes PSG-së dhe Inter Miami të Lionel Messit, ishte Désiré Doué, ai që u paraqit në zonën e intervistave për të folur rreth sfidës dhe emocionit për t’u përballur me njërin prej lojtarëve më të mëdhenj në historinë e futbollit.
    Pas stërvitjes së mëngjesit të së shtunës në Atlanta, e përfunduar me një seancë goditjesh në portë dhe disa shkëmbime me Kvaratskhelia, i riu iu përgjigj pyetjeve të gazetarëve me qetësi dhe respekt.
    Kur u pyet se çfarë do të thotë për të të luajë kundër Messit dhe nëse flitet për këtë në dhomat e zhveshjes, Doué u përgjigj me thjeshtësi: “Flasim për ndeshjen, si për të gjitha të tjerat. Është emocion i vërtetë për mua, sepse nuk kam luajtur kurrë ndaj Messit. E di që do të jetë një ndeshje shumë interesante për t’u zhvilluar”.
    Më pas, kur u pyet se çfarë përfaqëson për të Lionel Messi, talenti i ri francez nuk kishte asnjë dyshim: “Është thjesht një nga lojtarët më të mëdhenj në histori. Një ‘GOAT’. Më ka frymëzuar që kur isha fëmijë, ka frymëzuar një brez të tërë. Besoj se do të flitet për të edhe pas 20, 30, 50 vitesh”.