Zëvendëspresidenti i CDI, Elmar Brok, ka mbajtur fjalën në takimin elektoral të PD-së në Kavajë. Brok shprehu vlerësimin e tij për opozitën dhe rolin e Berishës në integrimin euroatlantik të Shqipërisë dhe theksoi nevojën urgjente për ndryshim politik në vend. Brok bëri thirrje për një të rikthyer demokracinë e vërtetë më 11 Maj.
Ai kritikoi ashpër qeverisjen e Edi Ramës, duke e cilësuar si pengesë për integrimin e Shqipërisë në Bashkimin Evropian, ndërsa u shpreh i bindur se vetëm pushteti i demokracisë do të mund ta çojë vendin përpara. Gjithashtu ai u bëri thirrje qytetarëve që të mos kenë frikë, por të votojnë për ndryshimin që do të rikthejë shpresën dhe besimin në të ardhmen.
Fjala e Elmar Brok:
I dashur President Berisha,
Zonja dhe zotërinj, miq të dashur të demokracisë dhe të Europës, jam shumë krenar që jam sot këtu, në këtë vend të mrekullueshëm që i përket vetë zemrës së Europës. Jam veçanërisht krenar sepse jam ftuar të flas përpara numrit një të politikës shqiptare, Partisë Demokratike.
Zonja dhe zotërinj, ne patëm zgjedhjet në Gjermani, dhe më 6 maj, miku ynë i partisë, Friedrich Merz, do të bëhet Kancelar i Gjermanisë. Ne e dërguam në pension një qeveri socialiste, pas 33 vitesh. Pas 12 vitesh, tani edhe unë jam në pension. Socialistët janë gjithmonë të njëjtë. Ata dështojnë në të tashmen. Flasin për premtime për të ardhmen, të cilat nuk i kanë përmbushur kurrë, dhe gjithmonë justifikohen. Ky teatër duhet të marrë fund. Në fund të fundit, kemi nevojë për një politikë ku premtimet bëhen dhe vendimet merren që në fillim.
Unë besoj se tani jetojmë në një rend të ri botëror, dhe kemi nevojë për një Europë më të bashkuar, që ka mundësinë të jetë sovrane, në mënyrë që të gjitha vendet tona të mbijetojnë në unitet, demokraci dhe përparim. Prandaj, besoj fort se sot Europa ka nevojë për Shqipërinë, dhe Shqipëria ka nevojë për Europën, më shumë se kurrë.
Zonja dhe zotërinj, zoti Berisha e ka çuar vendin tuaj drejt një të ardhmeje më të mirë. E kam takuar shpesh. Ai e solli vendin tuaj në liri. Ai e solli Shqipërinë në NATO, dhe tani është koha që ai të marrë shansin e tretë për ta çuar NATO-n drejt Europës. Sepse zoti Rama po e trajton Europën në të njëjtën mënyrë siç e trajton edhe Shqipërinë: premton, por nuk i përmbush kurrë ato premtime. Me politikat e zotit Rama, është shumë e vështirë që Shqipëria të hyjë në Bashkimin Europian.
Prandaj, ne kemi nevojë për këtë ndryshim në qeveri – për zotin Berisha. Besoj se është në interesin tuaj më të mirë. Zonja dhe zotërinj, mendoj se kemi nevojë për personin e duhur, për partinë e duhur. Duhet të zhvillojmë vlera të përbashkëta dhe interesa europiane e shqiptare të kombinuara. Të jem i qartë: ky qytet, Kavaja, është një shembull i kësaj.
Në mars të vitit 1990, populli i Gjermanisë Lindore votoi në zgjedhjet e para të lira për një Gjermani të bashkuar e të lirë. Në mars të vitit 1990, pikërisht në këtë qytet, u organizuan demonstratat e para për t’u çliruar nga diktatura komuniste, në të gjithë Gjermaninë. Të gjitha këto ndodhën në mars 1990. Dhe ky qytet e ka bërë të mundur atëherë, prandaj mund ta bëjë sërish.
Besoj se atëherë, në Gjermaninë Lindore, njerëzit kishin frikë nga diktatura. Por në mars 1990, ata nuk kishin më frikë. Sot, në Shqipëri, vetëm një person ka frikë, dhe ky është Rama. Dhe fuqia e demokracisë do të fitojë më 11 maj. Prandaj, veproni sot. Veproni gjatë javës që vjen. Nuk kam frikë, sepse besoj se nga ky qytet do të vijë sërish një Shqipëri më e mirë dhe një Europë më e mirë. Ju uroj gjithë të mirat për të ardhmen, dhe dua që zoti Berisha t’i përmbushë premtimet e tij.
Tag: frikë
-
Elmar Brok nga Kavaja: Koha për të larguar Ramën, fuqia e demokracisë do të fitojë më 11 maj
-
Vijojnë çudirat nga PD! Këlliçi: Në administratë do punësojmë njerëz që kanë frikë nga Zoti
Drejtuesi i fushatës së PD-së në Tiranë, Belind Këlliçi, ka siguruar punonjësit e ndershëm të administratës shtetërore se nuk do t’u cënohet vendi i tyre i punës në rast fitoreje të demokratëve në zgjedhjet e 11 Majit.
Këtë zotim ai e bëri nga studio e emisionit Opinion në Tv Klan, ku theksoi se zyrtarët e administratës të përfshirë në vjedhje dhe korrupsion do të largohen, ndërsa pjesa e shëndoshë e punonjësve do të jenë të sigurt në vendin e punës.
Belind Këlliçi u angazhua se administratë publike do të pasurohet me punonjës që kanë frikë ligjin dhe Zotin.
“Jemi në kontakt të panumërt me punonjës të administratës që janë njerëz që kërkojnë dhe shpresojnë ndryshimin në datë 11 Maj, duan një garanci dhe po ja u jap sot edhe nga Opinioni, padiskutim administrata publike, punonjësit e ndershëm, ata që janë aset publik nuk preken nga ndryshimi në datë 11 dhe nuk do të preken. Ata që marrin rrogë 800 mijë Lekë-1 milionë Lekë të vjetra dhe kanë biznese me miliona Euro. Një pjesë e drejtorëve të bashkisë i ke në burg, por pjesa tjetër i ke me biznese. Një ish-drejtor, ky i policisë bashkiake, Kapllani, kishte dalë aksioner me 700 mijë Euro para një muaji, do merremi, se sot më kanë ardhur letrat. Këta lloj njerëzish që e kanë rrogën 800 mijë Lekë dhe që kanë biznese miliona Euro, këta nuk do ekzistojnë më.
Administrata publike duhet ta dijë që është pasuri kombëtare, ka investuar PD edhe në forcimin e kapaciteteve të administratës publike edhe nuk preken njerëzit e ndershëm, dhe mbi të gjitha do pasurohet ajo administratë me njerëz që kanë frikë ligjin dhe padiskutim njerëz që kanë frikë Zotin, njerëz besimtarë. Ta them me bindje këtë, se po nuk pate frikë ligjin dhe Zotin përfundon si këta që kanë marrë lekët e shqiptarëve, i kanë bërë rrush e kumbulla, kanë vjedhur miliona Euro dhe sot me tallava, me këngë thonë që nuk kanë nevojë shqiptarët për programe”, tha ndër të tjera Belind Këlliçi. -
‘Mami, kam frikë’/ Nëna nga Kievi përshkruan se si i ngushëllon fëmijët e saj gjatë sulmeve ruse
John Sparks, korrespondenti ndërkombëtar i Sky News, ka folur me një nënë në Kiev pas sulmeve të mbrëmshme nga Rusia.
Sipas mediave të huaja, ai ndan rrëfimin e saj dhe se si është për ukrainasit që jetojnë nën frikën e sulmit.
Ajo përshkruan se si reaguan fëmijët e saj kur filloi bombardimi dhe rutina e tyre e pasigurt e mëngjesit.
Kotsira është redaktore botuese në faqen e lajmeve hromadske. Burri i saj është një gazetar, i cili tani shërben në ushtrinë ukrainase.
Pjesë nga biseda:
Pyetje: A mund të gjeni fjalët për të qetësuar fëmijën tuaj në mes të një sulmi rus?
Përgjigje: Kjo ishte diçka për të cilën banorja e Kievit, Khrystyna Kotsira vendosi të shkruajë këtë mëngjes, pas bombardimeve gjatë natës në kryeqytetin ukrainas.
Ja çfarë shkroi ajo këtë mëngjes në Kiev:
Ata ishin shtrirë në korridor. Fëmijët tanë të vegjël të frikësuar.
“Mami, kam frikë… Mami? Je i sigurt që raketat nuk do të godasin shtëpinë tonë?”, pyesin ata.
Ne i mbajmë duart e tyre të vogla dhe unë përpiqem të mbaj veten së bashku me ta.
“Gjithçka do të jetë mirë bir. Gjithçka do të jetë mirë bijë. Flini”, u them atyre.
Por raketat godasin shtëpinë e dikujt.
Fatlumët bëhen gati për në shkollë, pa gjumë, në mëngjes.
Unë bëj qull dhe çaj.
“Mami, më duhen dy lugë sheqer, dy!”, thonë fëmijët.
I dhashë 2 lugë sepse jeta tashmë është kaq e hidhur dhe e vështirë.
“Unë vendos një sanduiç atje për ju, ashtu siç ju pëlqen. Mos harroni ta hani në kohën e pushimit,” i them.
“Me sallam dhe bukë të bardhë?”, pyesin ata.
“Po me sallam e bukë të bardhë”, i përgjigjem.
Bie zilja për klasën e tyre.
Në orën 9 fëmijët do të ndalen për një minutë heshtje dhe himnin.
Në pushimin e shkollës, ata do të hanë një sanduiç ose një mollë.
Jeta do të vazhdojë për disa. Për të tjerët, ky është një imitim i jetës.
Për disa, mëngjesi i sotëm ishte i fundit.
-
Profecia e Nostradamusit për ‘Papën e Zi’/ Frikë dhe pritje në Vatikan
Parashikimet që i atribuohen Nostradamusit kanë rikthyer debatet, veçanërisht ato që përmendin ardhjen e një “Pape të Zi” dhe shkatërrimin e mundshëm të Qytetit të Vatikanit në vitin 2024. Në një kontekst pasigurie për shkak vdekjes Papa Françeskut, këto profeci kanë shkaktuar frikë dhe spekulime në mbarë botën.
Misteri i Papës së Zi
Ndër interpretimet e shumta të profecive të Nostradamusit, njëra ndër më shqetësueset është ajo që parashikon ardhjen e një “Pape të Zi” në Vatikan. Disa analistë besojnë se kjo mund të simbolizojë një ndryshim të thellë brenda Kishës Katolike.
Të tjerë e lidhin këtë me një udhëheqës që vjen nga urdhri i jezuitëve, pjesë e të cilit është edhe vetë Papa Françesku. Kjo teori ka gjeneruar një sërë hamendësimesh për të ardhmen e institucionit fetar.
Shqetësimi për Vatikanin
Një tjetër profeci e Nostradamusit përmend shkatërrimin e “Qytetit të shtatë kodrave”, që shumë e interpretojnë si një referencë ndaj Vatikanit.
Edhe pse këto profeci kanë qenë subjekt i interpretimeve të ndryshme gjatë historisë, përputhja e tyre me ngjarjet aktuale me vdekjen e Papës e ka shtuar alarmin dhe debatin si në botën fetare ashtu edhe në mediatike. / Marca – Syri.net
-
“Sot Kamzës mund t’i thuash qytet pa pasur frikë se dukesh qesharak”, Rama me gratë: Dikur fortesë burrash e zhytur në llum
Kreu i qeverisë, Edi Rama, pasditen e kësaj të diele ka zhvilluar një takim me gratë dhe vajzat e Kamzës. Rama tha se Kamza është shembulli më i mirë për të treguar se ku duhet të shkojë vota, me ndryshimet që ka pësuar nën drejtimin e kryebashkiakut socialist Rakip Suli.
Ndaj, ai bëri thirrje, që më 11 maj, vota të shkojë për të ardhmen.
Rama: Kjo bashki ishte fortesa e burrave, e zhytyr në llum dhe në këtë vijë ku sot është një bulevard i mbushur me gra dhe vajza dhe deri dje ishte një kanal, ku baballarët mbanin në krah fëmijët për t’i çuar në shkollë. Kamza ka ndryshuar shumë dhe mjafton të shikosh si ka ndryshuar bashkia, administrata, falë një burri që e ka kuptuar që në krye të herës, Rakip Suli. Sot ne jemi këtu në një qytet që mund t’i thuhet qytet pa pasur frikë se dukesh qesharak. Si mund t’i thoshe Kamzës qytet, atëherë kur i vinte turp njerëzve të thoshin “Jam nga Bathorja”.Sot kjo është një e shkuar sepse me guxim Kamza zgjodhi rrugën e të ardhmes dhe parafytyrojeni pak sikur ta kishte zgjedhur këtë rrugë në 2011 se ku do ishte sot. Kamza është vendi ku kush nuk e kupton akoma sa e rëndësishme është vota, mjafton të shikojë votën. Kur vota shkon për të ardhmen dhe kur vota shkon për të shkuarën./vizionplus.tv
-
“Sot Kamzës mund t’i thuash qytet pa pasur frikë se dukesh qesharak”, Rama me gratë: Dikur fortesë burrash e zhytyr në llum
Kreu i qeverisë, Edi Rama, pasditen e kësaj të diele ka zhvilluar një takim me gratë dhe vajzat e Kamzës. Rama tha se Kamza është shembulli më i mirë për të treguar se ku duhet të shkojë vota, me ndryshimet që ka pësuar nën drejtimin e kryebashkiakut socialist Rakip Suli.
Ndaj, ai bëri thirrje, që më 11 maj, vota të shkojë për të ardhmen.
Rama: Kjo bashki ishte fortesa e burrave, e zhytyr në llum dhe në këtë vijë ku sot është një bulevard i mbushur me gra dhe vajza dhe deri dje ishte një kanal, ku baballarët mbanin në krah fëmijët për t’i çuar në shkollë. Kamza ka ndryshuar shumë dhe mjafton të shikosh si ka ndryshuar bashkia, administrata, falë një burri që e ka kuptuar që në krye të herës, Rakip Suli. Sot ne jemi këtu në një qytet që mund t’i thuhet qytet pa pasur frikë se dukesh qesharak. Si mund t’i thoshe Kamzës qytet, atëherë kur i vinte turp njerëzve të thoshin “Jam nga Bathorja”.Sot kjo është një e shkuar sepse me guxim Kamza zgjodhi rrugën e të ardhmes dhe parafytyrojeni pak sikur ta kishte zgjedhur këtë rrugë në 2011 se ku do ishte sot. Kamza është vendi ku kush nuk e kupton akoma sa e rëndësishme është vota, mjafton të shikojë votën. Kur vota shkon për të ardhmen dhe kur vota shkon për të shkuarën./vizionplus.tv
-
“Dukej si një demon, kisha frikë mos më lëndonte dhe mua”, zbardhet dëshmia e nënës së vrasësit të Ilaria Sulës: Pas krimit më tha…
Zbardhen të tjera detaje nga dëshmia e nënës së vrasësit të Ilria Sulës.
“Më hapi derën, i ishte skuqur në fytyrë, dridhej shumë, më tha ‘nuk kam fjetur, nuk kam ngrënë… Ai dukej si një demon, kisha frikë se mos më lëndonte dhe mua’”, kështu është shprehur Nors Man Lapaz, nëna e Mark Antony Samson, 23-vjeçarit që vrau me thikë Ilaria Sula në Romë, gjatë marrjes në pyetje më 7 prill në komisariatin ku ajo u shfaq si e dyshuar për fshehjen e kufomës.
Më tej ajo zbuloi se çfarë i tha të birit. “I thashë ‘qetësohu’ dhe ai dridhej dhe më thërriste ‘mami, mami’”, raporton La Repubblica.
E reja shqiptare u vra nga ish-i dashuri i saj Mark Antony Samson, 23 vjeç, student në universitetin “La Sapienza”, me familje me origjinë nga Filipinet, por i lindur në Itali i cili ka refuzuar ti përgjigjet disa pyetjeve kyçe të prokurorëve lidhur me këtë ngjarje.
Vrasësi, pasi e ka masakruar Ilarian, e fshehu trupin në një valixhe, e cila ishte shumë e vogël për të mbajtur trupin e saj të tërë, dhe më pas e transportoi 40 km larg, duke hedhur thikën në një kazan plehrash.Top Channel
-
“Dukej si një demon, kisha frikë mos më lëndonte dhe mua”, zbardhet dëshmia e nënës së vrasësit të Ilaria Sulës: Ja çfarë më tha pas krimit
“Më hapi derën, i ishte skuqur në fytyrë, dridhej shumë, më tha ‘nuk kam fjetur, nuk kam ngrënë… Ai dukej si një demon, kisha frikë se mos më lëndonte dhe mua’”, kështu është shprehur Nors Man Lapaz, nëna e Mark Antony Samson, 23-vjeçarit që vrau me thikë Ilaria Sula në Romë, gjatë marrjes në pyetje më 7 prill në komisariatin ku ajo u shfaq si e dyshuar për fshehjen e kufomës.
Më tej ajo zbuloi se çfarë i tha të birit. “I thashë ‘qetësohu’ dhe ai dridhej dhe më thërriste ‘mami, mami’”, raporton La Repubblica.
E reja shqiptare u vra nga ish-i dashuri i saj Mark Antony Samson, 23 vjeç, student në universitetin “La Sapienza”, me familje me origjinë nga Filipinet, por i lindur në Itali i cili ka refuzuar ti përgjigjet disa pyetjeve kyçe të prokurorëve lidhur me këtë ngjarje.
Vrasësi, pasi e ka masakruar Ilarian, e fshehu trupin në një valixhe, e cila ishte shumë e vogël për të mbajtur trupin e saj të tërë, dhe më pas e transportoi 40 km larg, duke hedhur thikën në një kazan plehrash. -
“Nëse unë vdes, dua një vdekje me zë të lartë”/ Tragjike! Vetëm pak orë para dasmës, forcat izraelite vrasin fotoreporteren e Gazës
Fatima Hassouna, e cila kishte dokumentuar luftën në Gaza për 18 muaj dhe ishte subjekt i një dokumentari të ri, u vra së bashku me 10 anëtarë të familjes së saj
Si një fotoreportere e re e luftës, 25-vjeçarja e dinte se vdekja ishte në prag, por ndoshta nuk e ka pritur kurrë që do vritej disa orë para dasmës së saj. Ndërsa kaloi 18 muajt e fundit të luftës duke dokumentuar sulmet ajrore, shkatërrimin e shtëpisë së saj, zhvendosjen e pafund dhe vrasjen e 11 anëtarëve të familjes, gjithçka që ajo kërkoi ishte që të mos lejohej të shkonte në heshtje.
“Nëse unë vdes, dua një vdekje me zë të lartë”, shkroi Hassouna në rrjetet sociale.
“Unë nuk dua të jem thjesht lajm i fundit, ose një numër në një grup, dua një vdekje që bota do ta dëgjojë, një ndikim që do të mbetet në kohë dhe një imazh të përjetshëm që nuk mund të varroset nga koha apo vendi.”, është shprehur ajo
Të mërkurën, vetëm disa ditë para dasmës së saj, 25-vjeçarja Hassouna u vra në një sulm ajror izraelit që goditi shtëpinë e saj në Gazën veriore. Dhjetë anëtarë të familjes së saj, përfshirë motrën e saj shtatzënë, u vranë gjithashtu.
Ushtria izraelite tha se kishte qenë një sulm në shënjestër ndaj një anëtari të Hamasit të përfshirë në sulmet ndaj ushtarëve dhe civilëve izraelitë.
24 orë para se të vritej, u njoftua se një dokumentar që fokusohet në jetën e Hassouna në Gaza që nga fillimi i ofensivës izraelite do të debutonte në një festival francez të filmit të pavarur që shkon paralel me Kanë.
I realizuar nga regjisorja iraniane Sepideh Farsi, filmi, “Vë shpirtin në dorë dhe ec”, tregon historinë e sprovës së Gazës dhe jetën e përditshme të palestinezëve përmes bisedave video të filmuara mes Hassouna dhe Farsi. Siç e përshkroi Farsi, Hassouna u bënë “sytë e mi në Gaza… të zjarrta dhe plot jetë. Kam filmuar të qeshurat, lotët, shpresat dhe depresionin e saj”.
“Ajo ishte shumë e lehtë, kaq e talentuar. Kur ta shihni filmin do ta kuptoni. Kisha biseduar me të disa orë më parë për t’i thënë se filmi ishte në Kanë dhe për ta ftuar,” tha Farsi për Deadline.
Ajo tha se kishte jetuar me frikë për jetën e Hassouna, por shtoi se “I thashë vetes se nuk kisha të drejtë të kisha frikë për të, nëse ajo vetë nuk kishte frikë. Unë u ngjita pas forcës së saj, besimit të saj të palëkundur.”
Farsi, e cila jeton në mërgim në Francë, tha se kishte frikë se Hassouna ishte shënjestruar për punën e saj shumë të ndjekur si fotoreportere dhe pjesëmarrjen e publikuar së fundmi në dokumentar. Gaza ka qenë konflikti më vdekjeprurës për gazetarët në historinë e kohëve të fundit, me më shumë se 170 të vrarë që nga viti 2023, megjithëse disa vlerësime e vlerësojnë atë deri në 206.
Që kur Izraeli filloi bombardimin e Gazës, pas sulmit në Izraelin jugor më 7 tetor 2023, më shumë se 51,000 njerëz janë vrarë, më shumë se gjysma prej tyre gra dhe fëmijë, sipas ministrisë së shëndetësisë së Gazës.
Që prej rënies së armëpushimit me Hamasin në mars, Izraeli ka rifilluar me vrull sulmet e tij vdekjeprurëse ajrore dhe të paktën 30 njerëz u vranë në sulmet të premten.Top Channel
-
Frikë, bastisje dhe shkarkim pa paralajmërim! Rasti i profesorit kinez që po trondit universitetet amerikane
Agjentët e FBI-së dhe Departamentit të Sigurisë Kombëtare të SHBA-së kanë bastisur së fundmi dy rezidenca në pronësi të Xiaofeng Wang, një profesor i njohur kinez dhe ekspert i sigurisë kibernetike në Universitetin e Indianës.
Ngjarja ka tronditur komunitetin e qytetit universitar Bloomington, veçanërisht komunitetin aziatik.
Profesor Wang u mor në pyetje në dhjetor nga universiteti për dyshime mbi marrjen e fondeve të padeklaruara nga Kina për një projekt që gjithashtu kishte financim federal amerikan.
Në të njëjtën ditë me bastisjen, ai u pushua nga puna nëpërmjet një emaili – një veprim që bie ndesh me procedurat standarde të institucionit.
Megjithatë, Wang nuk është akuzuar për asnjë vepër penale dhe, sipas avokatit të tij, nuk ka asnjë akuzë në pritje ndaj tij apo bashkëshortes së tij, e cila punonte si analiste bibliotekash në të njëjtin universitet.
Ngjarja ka shkaktuar frikë mes profesorëve dhe studentëve kinezë, të cilët shprehin shqetësim për mundësinë e ndëshkimeve të ngjashme, në një klimë politike gjithnjë e më armiqësore ndaj Kinës.
“Kam dëgjuar profesorët kinezë të flasin për frikën se diçka e tillë mund t’u ndodhë edhe atyre,” tha një student kinez i doktoraturës që kërkoi të mbetej anonim.
Frikë nga rikthimi i profilizimit racor
Gjatë administratës së parë të Donald Trump, Departamenti i Drejtësisë kishte nisur “Iniciativën e Kinës” për të hetuar ndikimin e dyshuar të spiunazhit kinez në akademi, por programi u kritikua gjerësisht për profilizim racor dhe u ndërpre në 2022 nga administrata Biden.
Por me rikthimin e retorikës së ashpër ndaj Kinës nga Trump në fushatën e tij të re, ekspertët dhe akademikët janë të shqetësuar për një rikthim të kësaj qasjeje.
Gang Chen, profesor në MIT dhe ish-i akuzuar në mënyrë të ngjashme, e konsideroi rastin e Wang “thellësisht shqetësues”.
“Universiteti i Indianës e pushoi atë dhe gruan e tij pa proces të rregullt, duke supozuar fajësinë në vend të pafajësisë,” theksoi ai.
Efekte të mëdha në komunitetin studentor kinez
Universitetet në zonat qendrore të SHBA-së, si Indiana, janë ndër institucionet që përfitojnë më shumë nga prania e studentëve ndërkombëtarë – veçanërisht atyre nga Kina. Vetëm në Universitetin e Indianës regjistrohen çdo vit rreth 2000 studentë nga Kina, të cilët kontribuojnë ndjeshëm në ekonominë lokale.
“Jam i shqetësuar për armiqësinë politike ndaj Kinës dhe ndikimin që mund të ketë kjo në statusin tim si student,” tha një tjetër student kinez.
Megjithëse shqetësimet për ndërhyrjen kineze në institucionet arsimore amerikane nuk janë të pabazuara – siç tregojnë disa raste të mëparshme dhe raportet e inteligjencës – shumë ekspertë paralajmërojnë kundër përgjithësimeve dhe frikës që mund të largojë talentet nga vendi.
Për momentin, faqja e profilit të Wang është hequr nga uebsajti i universitetit dhe zyrtarët nuk kanë komentuar publikisht për rastin. Ndërkohë, avokati i tij ka theksuar se klientët e tij “presin me padurim të pastrojnë emrat e tyre dhe të rifillojnë karrierën e tyre”.Top Channel