Lajmidites.com

Tag: franceze

  • Franca demonstron aftësitë e saj ushtarake në stërvitjen TARANIS mes rritjes së kërcënimeve me dronë

    Franca demonstron aftësitë e saj ushtarake në stërvitjen TARANIS mes rritjes së kërcënimeve me dronë

    Pilotët, teknikët dhe ekipet mbështetëse të ushtrisë franceze po testojnë operacionet më kritike që vendi mund të thirret të kryejë, në një klimë sigurie ndërkombëtare që po përkeqësohet me shpejtësi. Euronews siguroi akses të rrallë në bordin e një helikopteri Fennec gjatë ngritjes mbi Bazën Ajrore Orléans-Bricy, duke dokumentuar nga afër operacionet që aktualisht ndodhen në qendër të luftës së Francës kundër dronëve.

    Stërvitja vjetore TARANIS (Prova Taktike e Transportit Ajror në Skenarë të Avancuar Jo-Lejues dhe Intensiv) nisi më 10 nëntor dhe e vendos personelin në skenarë me intensitet të lartë të frymëzuar nga realitetet e luftës moderne. Për tre javë, ekipet trajnohen në një gamë të gjerë misioni—nga transporti i trupave, evakuimet emergjente dhe shpërndarja e ndihmave, deri tek operacionet komplekse anti-dronë.

    Baza Orléans-Bricy është qendra e flotës franceze të 24 avionëve A400M, të cilët dominonin qiellin gjatë stërvitjes. Një nga testet më të rëndësishme të këtij viti ishte ulja e avionëve në një pistë zhavorri të sapondërtuar, e projektuar për të simuluar shiritat e improvizuar të përdorur në misionet ndërkombëtare. Pavarësisht kushteve me shi, ulja e parë e A400M u prit me duartrokitje nga të ftuarit dhe gazetarët.

    Në linjën e fluturimit, ushtria franceze prezantoi dy konfigurime të helikopterit Fennec: një i pajisur me sistem anti-dronë—i instaluar së fundmi edhe në Danimarkë—dhe një tjetër me një armë të rëndë të montuar për t’u përballur me dronët më të mëdhenj që po shfaqen gjithnjë e më shpesh në Evropën Lindore.

    Në fund të shtatorit, Franca, së bashku me Gjermaninë dhe Suedinë, dërgoi trupa dhe sisteme anti-dronë në Danimarkë për të forcuar mbrojtjen ajrore pas disa incidenteve me dronë në hapësirën ajrore daneze.

    Oficeri komandues Grégoire, pilot i një prej helikopterëve Fennec, theksoi se misioni i brigadës franceze është i dyfishtë.

    “Motoja jonë është: të luftojmë dhe të shpëtojmë”, tha ai. “Luftimi përfshin futjen ose nxjerrjen e komandove dhe mbrojtjen e hapësirës ajrore. Shpëtimi nënkupton evakuimin e njerëzve në zona të sigurta dhe ndihmën e atyre në rrezik. Kjo është ajo që demonstrojmë këtu.”

    Stërvitja TARANIS përfundon më 27 nëntor, në të njëjtën ditë që shënon 80-vjetorin e Komandës së Transportit Ajror Ushtarak të Francës—një përvjetor që kujton traditën e forcës dhe sfidat e reja që formësojnë operacionet e saj sot.

  • Zelensky në Paris! Nënshkruan marrëveshjen me Macron për furnizimin e Ukrainës me avionë Rafale

    Zelensky në Paris! Nënshkruan marrëveshjen me Macron për furnizimin e Ukrainës me avionë Rafale

    Presidenti i Ukrainës, Volodymyr Zelensky, dhe presidenti francez, Emmanuel Macron, nënshkruan të hënën në Paris një deklaratë për qëllimin e marries deri në 100 avionëve luftarakë Rafale nga Ukraina, duke hapur rrugën për herë të parë për furnizimin e kësaj aeroplanë francez në Forcat e Armatosura të Ukrainës.
    Sipas Presidencës Franceze, marrëveshja ka një horizont afatshkurtër prej rreth dhjetë vjetësh dhe përfshin mundësinë e lidhjes së kontratave të ardhshme për blerjen e pajisjeve të reja të mbrojtjes franceze. Përveç avionëve Rafale, Ukraina mund të blejë edhe sisteme antiaeroplanësh të gjeneratës së re SAMP/T, radarë të avancuar dhe dronë.
    Nënshkrimi u zhvillua në bazën ushtarake Villacoublay, në prani të dy liderëve. Përmbajtja e plotë e marrëveshjes nuk është bërë publike ende, ndërsa pritet një konferencë e përbashkët për media në Presidencën Franceze. Burime qeveritare franceze theksojnë se kjo marrëveshje tregon qëllimin e Kievtit për të forcuar kapacitetin e aeroplanëve luftarakë në një kohë kur vazhdon pushtimi rus.

    Plani i Ukrainës parashikon rritjen graduale të flotës së saj të avionëve luftarakë në total prej 250 aeroplanësh, duke përfshirë edhe F-16 amerikanë dhe Gripen suedezë. Integrimi i avionëve francezë konsiderohet kyç për përmirësimin e kapaciteteve operacionale të forcave ajrore ukrainase.
    Angazhimi francez për mbështetje afatgjatë ushtarake për Ukrainën përfshin gjithashtu furnizimin me sisteme antiaeroplani të avancuara, teknologji të mbikëqyrjes dhe njohjes përmes radarëve dhe dronëve, me qëllim forcimin e mbrojtjes së Ukrainës dhe sigurimin e furnizimeve të qëndrueshme të pajisjeve ushtarake në afat të gjatë.
    /vizionplus.tv

  • Çifti shqiptar gjendet i vdekur në banesë, zbulohen detaje te reja

    Çifti shqiptar gjendet i vdekur në banesë, zbulohen detaje te reja

    Një ngjarje e rëndë ka tronditur qytetin e Brestit në Francë, ku një çift me origjinë shqiptare është gjetur i pajetë në banesën e tyre. Sipas autoriteteve franceze, dyshohet se burri ka vrarë bashkëshorten dhe më pas ka kryer vetëvrasje.
    Detajet e ngjarjes

    Policia franceze ndërhyri mbrëmjen e së enjtes, pas alarmit të dhënë nga një fqinj që kishte dëgjuar dy krisma arme. Trupat e pajetë të çiftit u gjetën në apartamentin e tyre. Gruaja, 30 vjeçe, u gjet në banjë ndersa bashkeshorti 36 vjeç, u gjet në një dhomë tjetër, pranë një arme zjarri .

    Sipas hetimeve paraprake, pista kryesore është ajo e vrasjes së gruas nga bashkëshorti, e ndjekur nga vetëvrasja e tij. Çifti kishte dy fëmijë të mitur. Njëri 8 vjeç, i cili ndodhej në banesë në momentin e ngjarjes dhe u gjet i mbyllur në shtëpi, ndersa tjetri 3 vjeç, që ishte në kopsht gjatë kohës së tragjedisë

    Autoritetet franceze po vijojnë hetimet për të zbardhur plotësisht rrethanat e ngjarjes, ndërsa fëmijët janë marrë nën kujdesin e shërbimeve sociale.

  • Francë, çifti nga Korça gjendet i pajetë në banesë

    Francë, çifti nga Korça gjendet i pajetë në banesë

    Një ngjarje tronditëse ka ndodhur të enjten në qytetin Brest të Francës, ku një çift shqiptar u gjet i pajetë në apartamentin e tyre, raportojnë mediat franceze.
    Alarmi është dhënë rreth orës 16:30, pasi një banor i lagjes Europe telefonoi policinë duke deklaruar se kishte dëgjuar dy të shtëna arme në adresën 101 Rue Général-Paulet.
    Forcat e rendit mbërritën menjëherë në vendngjarje, ku gjetën trupat e Andon Janaqit (36 vjeç) dhe Anjeza Zenelit (30 vjeçe). Pranë tyre u gjet edhe një armë gjahu, ndërsa shenjat paraprake sugjerojnë se gruaja është vrarë fillimisht dhe më pas autori i dyshuar ka kryer vetëvrasje.
    Sipas hetuesve, pista kryesore e ngjarjes po trajtohet si vrasje e ndjekur nga vetëvrasja.
    Çifti ishte prindër i dy fëmijëve. Në momentin e ngjarjes, njëri fëmijë nuk ishte ende kthyer në shtëpi, ndërsa fëmija më i vogël ndodhej në shkollë.
    Autoritetet franceze po vijojnë hetimet për të zbardhur motivet e kësaj tragjedie të rëndë që ka tronditur komunitetin.

  • Juventusi “hedh grepat” për Maignan. “Joshje” franceze, ja si Comolli mund ta bindë portierin e Milanit

    Juventusi “hedh grepat” për Maignan. “Joshje” franceze, ja si Comolli mund ta bindë portierin e Milanit

    12 Nëntor 2025

    14:26

    Alfred Lleshi

    Në ditën e emërimit të tij si administrator i Juventusit, Damien Comolli theksoi se klubi nuk mund të shpenzojë pa kufi, por do të veprojë me kujdes financiar. Për këtë arsye, bardhezinjtë po kërkojnë afrime me kosto të ulët, ose me parametër zero, si rasti i Jonathan David. Tashmë ka vënë në shënjestër Mike Maignan të Milanit dhe Zeki Çelik të Romës.
    Maignan, që mbushi 30 vjeç këtë verë, ka afro 400 ndeshje profesionale, përfshirë 32 në Champions dhe 14 në “Europa League”, si dhe dy Kampionate Europiane me Francën. Kontrata e tij me Milanin skadon më 30 qershor 2026, por negociatat për rinovim janë ndalur. Portieri pëlqehet nga Chelsea, por ende nuk ka asgjë të dakorduar.
    Juventusi shpreson ta bindë, duke u mbështetur në “bërthamën franceze” të skuadrës: Comolli, Khephren Thuram dhe Kalulu. Aktualisht, Maignan fiton rreth 3 milionë euro në vit, por si lojtar i lirë do kërkojë shumë më tepër. Megjithatë, Juve po përgatit terrenin për një mundësi reale.
     

  • Liceu Francez në Korçë/ Kumbaro dhe ambasadorja franceze prezantojnë ecurinë

    Liceu Francez në Korçë/ Kumbaro dhe ambasadorja franceze prezantojnë ecurinë

    Në Korçë është zhvilluar takimi përmbyllës i Komitetit Pilotues për projektin e Liceut Francez, një nismë e përbashkët mes qeverisë shqiptare dhe asaj franceze. Projekti synon ngritjen e një institucioni arsimor me standarde europiane, që do të ofrojë një diplomë të dyfishtë, shqiptare dhe franceze, për nxënësit që do të diplomohen në këtë lice.
    Ambasadorja e Francës në Tiranë, Catherine Suard u shpreh se Liceu Francez do të jetë një projekt i përbashkët franko-shqiptar, me kurrikula dhe staf pedagogjik të integruar, ndërsa nxënësit do të mund të vazhdojnë studimet në universitetet më të mira të Evropës. Ajo falenderoi ministren Kumbaro dhe institucionet shqiptare për bashkëpunimin, duke theksuar se hapja e Liceut parashikohet të realizohet në shtator të vitit 2027.
    “Sot jemi mbledhur për takimin përmbyllës të Komitetit Pilotues në lidhje me projektin e Liceut Francez. Ky do të jetë një projekt i përbashkët franko-shqiptar, kurrikulat do të jenë të përbashkëta, pasi është bërë një punë e madhe për ekuivalentimin e tyre nga ana e ekspertit francez. Stafi pedagogjik do të jetë gjithashtu i përbashkët, me profesorë francezë dhe një pjesë shqiptare, si dhe me një diplomë të dyfishtë. Nxënësit që do të diplomohen në këtë lice do të kenë si diplomën e maturës shqiptare, ashtu edhe ekuivalentin e maturës franceze, dhe në këtë mënyrë ata do të mund të vazhdojnë studimet në universitetet më të mira të Evropës, ky është një lajm shumë i mirë. Falënderoj ministren Kumbaro dhe të gjithë partnerët lokalë. Ashtu siç e dini, kemi një vit që po punojmë së bashku me ekspertin francez, por edhe me institucionet e tjera publike për hapjen e Liceut Francez. Është bërë studimi i fizibilitetit, i cili është dorëzuar. Dua të falenderoj qeverinë shqiptare për angazhimin, ministren Kumbaro për udhëheqjen që ka marrë tani në këtë projekt, dhe jam e bindur se do të shkojë drejt finalizimit në shtator të vitit 2027”, tha ambasadorja.
    Ministrja e Arsimit, Mirela Kumbaro, tha se me përfundimin e fazës së parë është hedhur një hap i rëndësishëm drejt krijimit të këtij institucioni me karakter kombëtar dhe ndërkombëtar. Sipas saj, kurrikula dhe programi arsimor janë përgatitur në masën 90%, ndërsa po punohet për fazën finale që do ta kthejë liceun në një kampus të plotë me shkollë, bibliotekë, konvikt dhe mensë. Një element thelbësor, shtoi ministrja, do të jetë njohja e të dy diplomave nga ministritë përkatëse të Shqipërisë dhe Francës.
    “Sot në Korçë ishte mbyllja e një etape që zhvillohet prej një viti. Ishte mbledhja e fundit e Komitetit të Pilotimit të fazës së parë të një projekti shumë të rëndësishëm për Korçën, por përtej saj edhe për arsimin shqiptar, një projekt me karakter kombëtar, që ka të bëjë me ngritjen, ndërtimin, organizimin dhe hapjen e Liceut Francez. Ky do të jetë një institucion arsimor me karakter kombëtar dhe ndërkombëtar, pasi synimi është që Liceu Francez të ofrojë dy diploma për nxënësit që do ta frekuentojnë: diplomën e maturës shtetërore shqiptare dhe maturën franceze. Është përgatitur në masën 90% kurrikula dhe programi arsimor, ndërkohë që po punohet për fazën finale të zbatimit të projektit, i cili do të jetë më shumë se një shkollë, në fakt, një kampus me të gjithë elementët e nevojshëm, shkollë, bibliotekë, konvikt, mensë dhe më e rëndësishmja, me një sistem të përbashkët administrimi dhe menaxhimi. Një aspekt thelbësor i projektit do të jetë njohja e të dy diplomave nga të dyja ministritë, shqiptare dhe franceze”, deklaroi Kumbaro.
    Liceu Francez pritet të jetë një prej projekteve më ambicioze në fushën e arsimit, që do t’i ofrojë nxënësve shqiptarë mundësi të reja për studime dhe formim në standarde europiane.

  • Apeloi vendimin, Gjykata franceze pritet të vendosë sot nëse Sarkozi do të dalë nga burgu

    Apeloi vendimin, Gjykata franceze pritet të vendosë sot nëse Sarkozi do të dalë nga burgu

    Një gjykatë franceze pritet të vendosë sot nëse ish-presidenti Nicolas Sarkozi, mund të lirohet nga burgu pas apelimit të tij.

    Ish-presidenti po kërkon të lirohet pas apelit të tij kundër dënimit me pesë vjet burg për konspiracion kriminal.
    Sarkozi ndodhet në burg që nga 21 tetori, por avokatët e tij kërkuan që ai të lirohej, ose të lihej në arrest shtëpie.
    Ai raportohet të jetë ankuar se jeta e tij në burg ishte “shumë e vështirë”, ndërsa këmbënguli edhe një herë se ishte i pafajshëm.
    “Nuk do të rrëfej kurrë diçka që nuk e kam bërë”, tha ai, duke shtuar se vazhdon luftën e tij “që e vërteta të triumfojë”.
     

    Top Channel

  • Frika nga helmimi, Sarkozy po ha vetëm kos në burg, familjarët në ankth: Po humb shumë peshë

    Frika nga helmimi, Sarkozy po ha vetëm kos në burg, familjarët në ankth: Po humb shumë peshë

    NICOLAS SARKOZY

    FRANCË- Ish-presidenti francez, Nicolas Sarkozy po e jeton paraburgimin e tij në burgun La Santé të Parisit me shumë dyshime, ndërsa reëfuzon shumicën e ushqimeve, me frikën e ndonjë helmimi të mundshëm.
    I dënuar në Shkallën e Parë në rastin e financimit të supozuar libian të fushatës së tij zgjedhore të vitit 2007, mediat franceze raportojnë se Sarkozy ka nisur të ushtrojë zakone të pazakonta të të ngrënit. E përditshmja franceze, “Le Point” raporton se Sarkozy po ha vetëm kos, duke refuzuar të gjitha ushqimet e tjera të ofruara nga burgu.
    Kjo zgjedhje motivohet nga frika se të burgosurit e tjerë mund ta manipulojnë ose ta helmojnë ushqimin. Ky shqetësim thuhet se ndahet edhe nga familja dhe miqtë e tij, të cilët janë të shqetësuar për shëndetin e ish-kreut të shtetit, i cili “nuk di as të gatuajë një vezë” dhe ka refuzuar të përdorë kuzhinën e vogël në qelinë e tij.
    Frika e Sarkozisë nga ushqimi në burg – Raporti, i cituar nga disa gazeta franceze, përshkruan një jetë të përditshme të shënuar nga mosbesimi.
    “I vetëdijshëm për armiqësinë që shumë të burgosur të tjerë kanë ndaj tij, ai refuzon të prekë as pjatën më të vogël që i serviret në qelinë e tij”, shkruan gazeta, duke shpjeguar se Sarkozy ka frikë se “dikush mund të pështyjë në ushqimin e tij, ose më keq”.
    Prandaj ka vendosur për t’u mbështetur në produkte të paketuara dhe të vulosura, të tilla si kosi dhe toni i konservuar, të cilat konsiderohen më të sigurta.
    Ish-presidenti thuhet gjithashtu se ka blerë një fshesë për të mbajtur të pastër hapësirën prej afërsisht dhjetë metrash katrorë, ku ai kalon pjesën më të madhe të ditës së tij.
    Sipas “Le Point”, situata po “shqetëson rrethin” e ish-presidentit, i cili thuhet se humbi peshë në javët e para të paraburgimit të tij.
    Konteksti gjyqësor dhe dënimi – Nicolas Sarkozy mbahet në La Santé që nga 21 tetori 2025, pas një dënimi me pesë vjet burg të dhënë më 25 shtator për “komplot kriminal” në rastin e financimit të supozuar nga Libia të fushatës së tij presidenciale të vitit 2007.
    Sipas burimeve gjyqësore dhe gazetave kryesore franceze, dënimi duhet të ekzekutohej menjëherë, pavarësisht apelit të ish-presidentit.
    Seanca dëgjimore për lirimin e tij është planifikuar për 10 nëntor, ndërsa gjyqi i Shkallës së Dytë është planifikuar për mars 2026.
    Sarkozy vazhdon të pretendojë pafajësinë e tij dhe gjithmonë i ka mohuar akuzat, duke pohuar se nuk ka marrë kurrë fonde nga regjimi libian i Muammar Gaddafit.
    Avokatët e tij kanë përsëritur se ish-kreu i shtetit synon të mbrohet “deri në fazën përfundimtare të gjyqit”.
    Jeta në qeli dhe kushtet e paraburgimit – Brenda Burgut La Santé, një nga institucionet më famëkeqe të Parisit, Sarkozy ka një qeli të vetme prej afërsisht dhjetë metrash katrorë, të vendosur në një seksion të sigurt të caktuar për të burgosurit me nevoja të veçanta sigurie.
    Gazeta “Le Monde” raporton se ish-presidenti jeton në izolim të pjesshëm, me mbikëqyrje të vazhdueshme dhe kontakt të kufizuar me të burgosurit e tjerë.
    Ai lejohet të blejë ushqime të paketuara dhe produkte pastrimi, por e kalon pjesën më të madhe të kohës duke lexuar dhe shkruar.

  • Shpëtohen 94 emigrantë në La Mansh, varka e tyre u ça pranë bregdetit francez

    Shpëtohen 94 emigrantë në La Mansh, varka e tyre u ça pranë bregdetit francez

    Roja bregdetare franceze shpëtoi 94 persona pasi varka e tyre e vogël u ça, ndërsa ata përpiqeshin të kalonin La Manshin nga Dunkirk.
    Prefektura detare franceze tha se dërgoi disa roja bregdetare dhe anije sot në mëngjes, pasi mori raportime për disa varka që transportonin emigrantë që po niseshin.
    Në orën 09:20 u njoftua se një nga varkat ishte çarë, katër milje detare larg bregdetit francez, me 94 personat që po hidheshin në ujë.

    Një numër anijesh u përfshinë në operacionin e shpëtimit, përfshirë një avion të dërguar nga Mbretëria e Bashkuar dhe anijen franceze të shpëtimit ”The Minck”. 

  • Vjedhja e bujshme në Luvër, policia franceze arreston pesë të tjerë

    Vjedhja e bujshme në Luvër, policia franceze arreston pesë të tjerë

    Vjedhja në Luvër: Pesë të dyshuar të rinj të arrestuar, raporton RTL
    Pesë persona të tjerë janë arrestuar në lidhje me vjedhjen në Muzeun e Luvrit në Paris, ka raportuar sot radioja franceze RTL.Lexo edhe :Related Posts
    Më herët gjatë ditës, televizioni francez BFM kishte njoftuar për arrestimin e një të treti të dyshuari në periferi të Parisit mbrëmjen e së mërkurës, duke shtuar se ai dyshohet se ishte i pranishëm në vendngjarje më 19 tetor, kur ndodhi grabitja spektakolare.

    Dy persona të tjerë të arrestuar gjatë fundjavës së kaluar kanë pranuar pjesërisht përfshirjen e tyre në ngjarje, sipas një deklarate të prokurores së Parisit të bërë dje.
    Zyrtarët e zyrës së prokurorisë së kryeqytetit francez nuk kanë komentuar ende mbi këto raportime.
    /vizionlpus.tv