Lajmidites.com

Tag: frabotta

  • “Sarri u përpoq ta mësonte Ronaldon, por përgjigjja e portugezit ishte…”

    “Sarri u përpoq ta mësonte Ronaldon, por përgjigjja e portugezit ishte…”

    18 Tetor 2025

    16:40

    Telesport

    Ish-mbrojtësi i Juventusit, Gianluca Frabotta, ka zbuluar se Cristiano Ronaldo një herë ka shfaqur hapur antipatinë e tij për trajnerin e tij te Juventusi, Maurizio Sarri.
    Edhe pse gjithmonë ka qenë i disiplinuar, një rast portugezi veproi ndryshe.
    “Cristiano Ronaldo ishte një shembull i përditshëm për të gjithë ne, por një ditë, gjatë një ushtrimi taktik, Sarri po i tregonte lëvizjet që duhej të bënte në goditjet standarde”.
    “Ronaldo ishte i irrituar. Ai nuk kishte nevojë për udhëzime, sepse ishte ndryshe. Për ta bërë trajnerin të kuptonte, shkuli pak bar, e nuhati dhe e përtypi. Tha se i pëlqente të shihte paraprakisht se ku shkon topi”, ka deklaruar Frabotta.

  • Kur lojtari bezdisej nga këshillat e trajnerit; del në dritë përplasja e Sarrit me Ronaldon te Juventusi

    Kur lojtari bezdisej nga këshillat e trajnerit; del në dritë përplasja e Sarrit me Ronaldon te Juventusi

    18 Tetor 2025

    11:00

    Alfred Lleshi

    Në verën e vitit 2019, ai u bashkua me Juventusin, ku u përfshi në skuadrën U-23. Trajneri i asaj kohe i ekipit të parë, Maurizio Sarri, e thërriti disa herë në stërvitjen e tij, ndërsa më pas Andrea Pirlo e aktivizoi titullar në ndeshjen e parë të kampionatit, fituar 3-0 ndaj Sampdorias.
    Gianluca Frabotta, sulmues i lindur më 1999 dhe aktualisht te Cesena, rrëfen një episod me Cristiano Ronaldon, të cilin e përshkruan si “shembull të përditshëm”. “Gjatë një ushtrimi taktik, Sarri i tregonte lëvizjet që duhej të bënte te goditjet e lira. Ai ishte pak i pakënaqur, – tregon Frabotta për “Corriere.it”.
    – Ishte futbollist ndryshe, nuk kishte nevojë për udhëzime, e ndiente brenda vetes se ku do të shkonte topi. Për ta bërë të kuptueshme pakënaqësinë për udhëzimet e trajnerit, Ronaldo këputi pak bar, e afroi te hunda dhe e nuhati. Aty për aty tha: Më pëlqen ta kuptoj fushën, të ndiej se ku do të arrijë topi”.