Moti mori një kthesë të papritur këtë pasdite, duke sjellë në disa qytete të vendit reshje shiu e breshëri në formë stuhie. Siç shihet edhe në videot e dërguara në redaksinë e ”Koha Jonë”, ndryshimi i motit ka shtuar trafikun në zonën te Liqeni Artificial në Tiranë. Për disa minuta qarkullimi u bllokua sepse ishin reshje me breshër dhe stuhi të forta shiu.
Ndryshon moti
Hulumtuesit e Universitetit Stanford kanë zbuluar ‘forma jete’ të ngjashme me virusin që ekzistojnë brenda gojës dhe zorrëve të njeriut, raporton KosovaPress.
Më i vogël se një virus dhe nuk konsiderohet jetë standarde, materiali gjenetik ende mund të transferojë informacion që mund të lexohet nga një qelizë.
Copa të vogla ARN-je, më të vogla se një virus, kolonizojnë bakteret brenda gojës dhe zorrëve tona dhe kanë fuqinë për të transferuar informacion që mund të lexohet nga një qelizë.I quajtur ‘jashtëzakonisht i çuditshëm’ nga ekipi i shkencëtarëve të Stanfordit që shkruajnë për zbulimin në revistën Nature, zbulimi tani ka një emër: obelisk. Dhe ne… nuk e dimë me të vërtetë qëllimin e tyre përfundimtar.
“Është çmenduri”, tha Mark Peifer, një biolog qelizor dhe zhvillimor në Universitetin e Karolinës së Veriut në Chapel Hill, sipas Science. “Sa më shumë që shikojmë, aq më shumë gjëra të çmendura shohim.”Të quajtura obeliskë për shkak të strukturave të tyre në formë shufre, ato janë edhe më të vogla se viruset, por ato prapëseprapë mund të transmetojnë udhëzime në qeliza. Megjithatë, ne thjesht nuk e dimë se çfarë thonë ato.Entitetet mikroskopike, sipas një shpjegimi të shkruar në revistën Conversation nga profesori i evolucionit mikrobik të Universitetit të Bath, Ed Feil, janë “copa rrethore të materialit gjenetik që përmbajnë një ose dy gjene dhe vetorganizohen në një formë si shufër”.
Ato janë, potencialisht, “forma jete” të vogla. Punimi paraprak nga Stanford i quan ato “të ngjashme me viroidet” – një viroid është një hap më poshtë se një virus. Ndërsa një virus ka nevojë për një strehues për ta lejuar atë të replikohet, kjo nuk i ka ngadalësuar ato. Ne kemi humbur numërimin se sa viruse ka për të ofruar kjo botë sepse ato janë kaq të shumta.
Por një viroid është edhe më i thjeshtë – një copëz e ARN-së gjenetike që nuk mund të bëjë proteina, por mund të rigrupohet dhe është e njohur se prek bimët me lule.
“Entiteti biologjik i zbuluar rishtazi bie diku midis viruseve dhe viroideve”, shkroi Feil. Ai shtoi se, ashtu si viroidet, obeliskët kanë një gjenom ARN rrethor me një fije dhe asnjë shtresë proteine. Por, ashtu si viruset, gjenomet e tyre përmbajnë gjene që parashikohet të kodojnë proteinat.Dhe nuk është sikur studiuesit e Stanfordit gjetën vetëm një nga këto gjëra – ata gjetën gati 30 mijë lloje të dallueshme obelisku. Ato ndodheshin në çdo cep demografik të botës dhe zakonisht gjendeshin në gojë por edhe në zorrë.
Tani detyra bëhet të përcaktohet nëse këta obeliskë janë miq apo armiq. Shkencëtarët duan të mësojnë rreth qelizave pritëse që ato duhet të replikohen, si luajnë rol bakteret dhe kërpudhat në funksionin e tyre dhe cili është në të vërtetë qëllimi i tyre i vërtetë.
Kosova Press
Pas blerjes së Neil El Aynaoui nga Lens, Roma ka bërë transferimin e dytë për sezonin 2025/26. Klubi njoftoi në një deklaratë se ka përfunduar blerjen e Evan Ferguson nga Brighton & Hove Albion në formë huazimi me mundësi blerjeje.
I lindur në Bettystown më 19 tetor 2004, Ferguson është lojtari i parë irlandez në historinë e Romës. Pasi u rrit te Bohemians, ai u shit te klubi i Premier League Brighton në vitin 2021, përpara se t’i bashkohej West Ham në formë huazimi në janar 2025.
Ai debutoi me ekipin e parë të Irlandës në nëntor 2022 dhe ka shënuar katër gola në 18 paraqitje deri më tani.
Në përgjithësi, ai ka bërë 103 paraqitje për klubin dhe kombëtaren, duke shënuar 21 gola. Ferguson do të veshë fanellën me numrin 11.
Evan Ferguson ka dhënë komentet e tij të para si sulmuesi i ri i Romës për kanalet zyrtare të klubit. Ai theksoi rëndësinë e veshjes së fanellës së Giallorossëve dhe diskutoi për synimet e tij sezonale, duke shprehur entuziazëm për aventurën e tij të re në Serie A.
Objektivi i Ligës së Kampionëve
“Roma është një klub i shkëlqyer dhe ne duam të arrijmë nivelin më të lartë të mundshëm. Kur arrita, dëgjova të flitej për një vend në Ligën e Kampionëve si një objektiv. Mendoj se pritja për këtë vit është të kthehemi në këtë garë”, tha Ferguson.
Sulmuesi shtoi: “Kur një klub si Roma, një nga më të mëdhenjtë në Evropë, është i interesuar për ty, është e vështirë ta refuzosh. Mendoj se është një mundësi e mirë për mua; është një nder i madh të vij këtu dhe të luaj para njerëzve që shpresojnë se mund të bëj mirë.”
Ai thotë se janë turpëruese ankesat e herëpashershme se Rama po vjedh zgjedhjet, në një kohë kur brenda PD ka vetëm bashkime të cilat i cilëson si falso.
Deputeti i PD-së, Kreshnik Çollaku kërkon një ‘riformatim’ të PD-së dhe opozitës. Në një reagim në rrjete sociale, ai shprehet kritik për qëndrimin për zgjedhjet, duke shkruar se nëse vazhdon në këtë gjendje në të cilën ndodhet aktualisht PD, në zgjedhjet e radhës do të pësojë disfata më të thella.
“PD duhet të reformohet në formë totale, në organizim, në koncept dhe në klimë. Bashkimet falso, me llogari personale mandate deputetësh nuk funksionojnë. Klima sektare me armiq brenda llojit, për llogari karrierash personale nëpër provinca rezultuan katastrofë”, shkruan deputeti.
Kritikat s’i kursen ndaj përfaqësuesve demokratë, teksa thotë se 500 mijë votat që siguron Berisha nuk mjaftojnë për të kënaqur ambiciozët apo dembelët e PD-së.
“Mungojnë thuajse edhe një herë aq, të cilat ose do të gjendet mënyra të rikthehen në PD – përmes respektit, pranimit, të drejtës për të menduar ndryshe, përmes fraksioneve apo rrymave të mendimit alternativ – ose e gjithë kjo energji opozitare dhe demokrate do të detyrohet të gjejë formë e rrugë riorganizimi e riformatimi. Rama do t’i vjedhë çdo herë e sa të mundet zgjedhjet.”, shton ai.
Më tej, ai shton se revoltat imagjinare për të mbrojtur votat, siç pretendon Berisha, janë një vetshpallje opozitë e përjetshme.
“Të presësh të tjerë, ose një revoltë imagjinare popullore që të na mbrojë votat, është të vetëshpallesh opozitë e përjetshme; është të pranosh këtë agoni disfatiste.”, shton ai.
Reagimi i plotë:
Opozita duhet të lexojë veten.PD duhet të lexojë veten.Në gjendjen si ndodhet sot, farsa elektorale e radhës do të jetë edhe më dramatike.Të ankohemi se çdo herë (për 4 apo 5 herë radhazi) Edi Rama na vjedh zgjedhjet, është turpëruese.PD duhet të reformohet në formë totale, në organizim, në koncept, në klimë.Bashkimet fallco, me llogari personale mandatesh deputetësh, nuk funksionojnë.Klima sektare me armiq brenda llojit, për llogari karrierash personale nëpër provinca, rezultuan katastrofë.500 mijë votat që siguron Berisha nuk mjaftojnë për të kënaqur çdo ambicioz apo çdo dembel në PD, e aq më pak për ta çuar PD-në në pushtet.Mungojnë thuajse edhe një herë aq, të cilat ose do të gjendet mënyra të rikthehen në PD – përmes respektit, pranimit, të drejtës për të menduar ndryshe, përmes fraksioneve apo rrymave të mendimit alternativ – ose e gjithë kjo energji opozitare dhe demokrate do të detyrohet të gjejë formë e rrugë riorganizimi e riformatimi.Rama do t’i vjedhë çdo herë e sa të mundet zgjedhjet.Të presësh të tjerë, ose një revoltë imagjinare popullore që të na mbrojë votat, është të vetëshpallesh opozitë e përjetshme; është të pranosh këtë agoni disfatiste.Kjo agoni duhet të ndalet, sot…
Blushi kritikoi procesin zgjedhor, duke e cilësuar atë si “terror elektoral” dhe duke përmendur edhe vlerësimet problematike të OSBE-së.
Sekretari i Përgjithshëm i Partisë së Lirisë, Tedi Blushi, i ftuar në një intervistë televizive theksoi se ndaj Ilir Metës nuk ekziston asnjë fakt penal dhe ai ndodhet në një izolim të padrejtë për shkak, sipas tij, të firmës së Braimllarit. Sipas tij, Ilir Meta është në gjendje të mirë në qeli dhe shqetësohet thellë për të ardhmen e Shqipërisë.
Tedi Blushi:
Procesi zgjedhor “u ekzekutua” nga Edi Rama. Edhe OSBE ka vlerësuar se zgjedhjet kanë pasur probleme. Zgjedhjet ishin terror i pastër elektoral. Liderët e opozitës janë vënë nën akuza, që janë qesharake. Ishte terror, që shkallmoi standardin e zgjedhjeve. Vota u vra pa hyrë në kuti. Para rrëmbimit të Ilir Metës, izoluan edhe Sali Berishën. Dosja e SPAK ndaj Metës nuk ka një fakt. Ndaj Ilir Metës nuk ka një fakt penal. SPAK orienton gazetarët në fakte të pavërteta. Edi Rama duhej të dënohej për lobime. Meta nuk ka shkelur ligje në Amerikë. Në SHBA janë dënuar njerëz për fotot e Ramës.
Për rastin që Meta akuzohet, nuk ka person të dënuar apo kompani që përmendet. Endrit Braimllari hyri në SPAK me teserën e PL-së dhe doli me teserën e PS-së. Nuk ka karakter dhe as fytyrë. Edhe Hamzai ka qenë shumë luftarak, nëse marrim këtë krahasim që paska qenë luftarak kur ka qenë me ne. Meta në izolim ekstrem ndodhet për firmën e Braimllarit. Është personazh dhe qesharak, edhe tragjik. Nuk është as politikan. Endrit Braimllari u transformua rrugës. Është peng i së kaluarës së vet. Ilir Meta është në top formë, e shqetëson e ardhmja e Shqipërisë.
Në një kohë kur kujdesi për trupin dhe shëndetin është bërë prioritet për shumë njerëz, dieta dhe ushqimi luajnë një rol kyç në mbajtjen e një forme fizike optimale.
Ekspertët e shëndetit rekomandojnë disa ushqime të veçanta që ndihmojnë në humbjen e peshës, rritjen e energjisë dhe ruajtjen e muskujve, pa sakrifikuar shijen apo kënaqësinë.
Proteinat e pasura: Ushqimet si pulat, peshku, vezët dhe thjerrëzat janë burime të shkëlqyera proteinash që ndihmojnë në ndërtimin dhe riparimin e muskujve, si dhe në ndjesinë e ngopjes për periudha më të gjata.
Perimet jeshile: Spinaqi, brokoli dhe lakra janë të pasura me fibra dhe antioksidantë, duke ndihmuar në përmirësimin e tretjes dhe largimin e toksinave nga organizmi.
Arrat dhe farat: Burime të mira yndyrnash të shëndetshme, të cilat mbështesin funksionin e zemrës dhe trurit, si dhe ndihmojnë në kontrollin e oreksit.
Drithërat integrale: Orizi kaf dhe buka integrale ofrojnë energji të qëndrueshme dhe ndihmojnë në ruajtjen e niveleve të sheqerit në gjak.
Uji: Ndonëse nuk është ushqim, pirja e ujit është thelbësore për metabolizmin, pastrimin e organizmit dhe ndihmon në kontrollin e peshës.
Ekspertët nënvizojnë se një dietë e ekuilibruar, e shoqëruar me aktivitet fizik të rregullt, është çelësi i një trupi të shëndetshëm dhe në formë. Për më shumë rezultate, këshillohet konsultimi me specialistë të dietologjisë dhe trajnerë personalë.
Këtë të premte, në Gjykatën e Posaçme kundër Korrupsionit dhe Krimit të Organizuar ishte planifikuar seanca gjyqësore për Ilir Metën, i cili kërkon ndryshimin e masës së sigurisë nga “arrest në burg”.
Gazetarja Anila Hoxha raporton seanca është shtyrë për në datën 26 qershor. Pas seancës, avokati i tij Kujtim Cakrani deklaroi se ish-presidenti “është në formë perfekte, bën palestër, i bën të gjitha veprimet”.
Prej tetë muajsh si i paraburgosur, Meta kërkon që gjykata të detyrojë SPAK-un që të raportojë mbi veprimet që po kryen dhe të informojë mbi gjendjen e procedimit, pasi ka bindjen se akuza nuk ka administruar asnjë provë prej 20 tetorit kur dhe e arrestoi.
Meta i thotë gjykatës se ka qenë në dispozicion të hetimeve, ndërsa i kujton faktin që është lideri opozitar i Partisë së Lirisë dhe ky është një argument tjetër përse gjykata duhet ta lirojë.
Top Channel
Është shtyrë sot seanca për presidentin e Partisë së Lirisë Ilir Meta.
Avokati i tij, Kujtim Cakrani, në një prononcim për mediat, ka rrëfyer se Meta ndodhet në gjendje perfektë. Sipas tij, ish-presidenti bën palestër dhe ushtrohet edhe pse në burg.
Avokati ka shtuar se kreu i PL është arrestuar me urdhër të Ayatollahut të Tiranës, duke nënkuptuar kryeministrin Edi Rama.
Gjykata Kushtetuese iu kundërpërgjigj Kryeministrit Edi Rama duke deklaruar se çdo formë ndikimi mbi vendimet e saj është e papranueshme.
Në një njoftim për mediat, gjykata theksoi se ajo është e pavarur në ushtrimin e funksionit të saj kushtetues.
“Gjykata Kushtetuese gjen rastin të ritheksojë se vendimet e saj mund të jenë objekt kritikash, megjithatë është e papranueshme çdo formë ndikimi, sikundër çdo përpjekje për të vënë në dyshim autoritetin dhe reputacionin e saj, çka do të cenonte vetë parimet themelore të shtetit të së drejtës dhe atë të ndarjes dhe balancimit ndërmjet pushteteve”, deklaruan anëtarët e Gjykatës Kushtetuese.
Kjo deklaratë erdhi një ditë pasi Kryeministri Edi Rama komentoi padinë e Unionit të Gjyqtarëve për rritjen e pagave në Kushtetuese. Rama paralajmëroi Kushtetuesen të mos u japë të drejtë gjyqtarëve, siç bëri 3 vite më parë.
/vizionplus.tv
