Lajmidites.com

Tag: forcimin

  • Ambasada e SHBA dhuron pajisje të avancuara për forcimin e sigurisë kibernetike në Shqipëri

    Ambasada e SHBA dhuron pajisje të avancuara për forcimin e sigurisë kibernetike në Shqipëri

    Ambasada Amerikane në Tiranë ka njoftuar se muajin e kaluar Zëvendës Shefja e Misionit në detyrë, Kathryn Hammond, i ka dorëzuar Autoritetit Kombëtar për Sigurinë Kibernetike pajisje të avancuara për mbrojtjen e sigurt të rrjetit.

    Sipas njoftimit, siguria kibernetike mbetet një element kyç i sigurisë kombëtare dhe i qëndrueshmërisë së infrastrukturave kritike.

    “Shtetet e Bashkuara janë të kënaqura që kanë mbështetur Shqipërinë në forcimin e mbrojtjes së saj kibernetike – duke çuar përpara sigurinë rajonale dhe atë të NATO-s.” theksohet në komunikatën zyrtare.

    Njoftimi i Ambasadës së SHBA

    Muajin e kaluar, Zëvendës Shefja e Misionit në detyrë Kathryn Hammond i dorëzoi pajisje të avancuara për mbrojtje të sigurt të rrjetit Autoritetit Kombëtar për Sigurinë Kibernetike, si pjesë e mbështetjes së fortë të qeverisë së Shteteve të Bashkuara për forcimin e sigurisë kibernetike në Shqipëri.

    Në një botë gjithnjë e më digjitale, siguria kibernetike është një përbërës thelbësor i sigurisë kombëtare dhe i forcimit të mbrojtjes sonë të përbashkët ndaj kërcënimeve kibernetike keqdashëse.

    Shtetet e Bashkuara janë të kënaqura që kanë mbështetur Shqipërinë në forcimin e mbrojtjes së saj kibernetike – duke çuar përpara sigurinë rajonale dhe atë të NATO-s.

  • 113-vjetori i Pavarësisë/ Trump: Pres me padurim forcimin e bashkëpunimit tonë mbi prioritetet e përbashkëta

    113-vjetori i Pavarësisë/ Trump: Pres me padurim forcimin e bashkëpunimit tonë mbi prioritetet e përbashkëta

    Zbardhet mesazhi i urimit që presidenti amerikan Donald Trump i dërgoi presidentit Bajram Begaj me rastin e 113-vjetorit të Shpalljes së Pavarësisë.
    Në telegramin e dërguar në presidencë, Trump uron që SHBA dhe Shqipëria të vijojnë partneritetin e fortë në çështjet e sigurisë dhe ekonomisë.
    Sakaq, Trump pret me padurim edhe forcimin e bashkëpunimit në prioritetet e përbashkëta mes Shqipërisë dhe SHBA-së, edhe duke shtuar luftën ndaj organizatave kriminale ndërkombëtare.
    “Në emër të popullit të Shteteve të Bashkuara, ju dërgoj urimet tona më të mira juve dhe popullit të Shqipërisë ndërsa festoni pavarësinë tuaj.
    Shtetet e Bashkuara dhe Shqipëria gëzojnë një partneritet të fortë të krijuar nga lidhje të ngushta sigurie, ekonomike dhe njerëzore. Pres me padurim forcimin e bashkëpunimit tonë mbi prioritetet e përbashkëta, duke përfshirë stabilitetin rajonal, përballjen me organizatat kriminale ndërkombëtare dhe zgjerimin e mundësive dypalëshe të biznesit dhe tregtisë. Ju uroj juve dhe popullit të Shqipërisë një Ditë të gëzuar Pavarësie”, shkruan Presidenti Donald J. Trump në telegramin e tij dërguar Presidentit të Republikës së Shqipërisë”, uron Donald Trump.

  • Çfarë lloje frutash duhet të hani nëse keni ftohje?

    Çfarë lloje frutash duhet të hani nëse keni ftohje?

    Moti i ftohtë sjell edhe ftohje më të shpeshta, dhe nëse keni probleme me një të tillë, lloje të ndryshme frutash, nga agrumet te manaferrat, mund të ndihmojnë imunitetin tuaj.

    Kur na kaplon një ftohje, ushqyerja e duhur mund të jetë një aleat i fortë në forcimin e imunitetit dhe shërimin më të shpejtë. Një rol veçanërisht të rëndësishëm luajnë frutat e pasura me vitamina, minerale dhe antioksidantë, pasi ato ndihmojnë trupin të luftojë viruset dhe të zvogëlojë proceset inflamatore.

    Agrumet janë ndër burimet më të pasura të vitaminës C, e cila luan një rol kyç në forcimin e imunitetit. Vitamina C ndihmon qelizat e bardha të gjakut të sulmojnë viruset në mënyrë më efektive, ndërsa vepron edhe si një antioksidant që zvogëlon inflamacionin.

    Prandaj, frutat agrume (portokaj, limon, grejpfrut, mandarina) rekomandohen mbi të gjitha. Uji i ngrohtë me limon qetëson gjithashtu fytin dhe hidraton trupin.

    Kivi është ndër burimet rekord të vitaminës C, dhe konsumi i rregullt i tij ndihmon në forcimin e sistemit mbrojtës dhe zvogëlimin e ndjenjës së lodhjes.

    Ananasi përmban bromelainë, një enzimë që hollon mukusin dhe lehtëson kollën. Është gjithashtu i këndshëm dhe freskues, kështu që shumë njerëz e tolerojnë mirë edhe kur nuk kanë oreks.

    Mollët janë të buta për stomakun dhe të pasura me fibra dhe antioksidantë. Ato janë një zgjedhje e shkëlqyer kur përjetoni humbje të oreksit ose një stomak të ndjeshëm.

    Manaferrat (boronicat, mjedrat, manaferrat) – këto “bomba” të vogla ushqyese përmbajnë një përqendrim të lartë antioksidantësh që ndihmojnë trupin të luftojë infeksionet.

    Duke përfshirë këto ushqime me fruta në dietën tuaj të përditshme gjatë një ftohjeje, trupi merr mbështetje shtesë në luftimin e simptomave dhe në rifitimin e energjisë më shpejt.

  • Rama: Integrimi në BE nuk kërkon veto por synojmë forcimin e Bashkimit

    Rama: Integrimi në BE nuk kërkon veto por synojmë forcimin e Bashkimit

    Kronikë E Mërkurë, 19 Nëntor 2025 14:33
    Kryeministri Edi Rama dha një intervistë për gazetën holandeze Volkskrant, ku foli mbi procesin e integrimit të Shqipërisë në Bashkimin Europian. Ai theksoi se vendi i tij nuk ka nevojë për veto dhe synon të kontribuojë në forcimin e Bashkimit:
    “E drejta e vetos nuk është vetëm një pengesë psikologjike, por shpesh paraqet një kërcënim për unitetin e BE-së. Ne duam të bëhemi më të fortë së bashku dhe nuk jemi këtu për të prishur punë apo për t’ju dobësuar,” tha Rama.

    Sipas tij, Shqipëria dhe vendet e tjera kandidate, si Mali i Zi dhe Maqedonia e Veriut, duhet të heqin dorë nga e drejta e vetos pas anëtarësimit, duke siguruar se vendi do të mbështesë vendimet e shumicës dhe nuk kërkon komisioner të veçantë.

    Rama gjithashtu komentoi mbi sfidat dhe vonesat e procesit të integrimit, duke përmendur bllokadat e mëparshme nga Holanda dhe Franca. Ai vlerësoi ndryshimin e qasjes së Holandës dhe u shpreh mirënjohës ndaj kryeministrit holandez Mark Rutte, të cilin e përshkroi si politikan mjeshtër që di të kombinojë vendosmërinë me diplomacinë.

    Në intervistë, Rama foli edhe për sfidat e brendshme të Shqipërisë, duke përfshirë korrupsionin dhe krimin e organizuar, të cilat sipas tij kërkojnë mbështetje për të ndërtuar institucione të forta dhe të besueshme. Ai përmendi edhe iniciativën e qeverisë për dixhitalizimin e shërbimeve publike si një mjet për të reduktuar korrupsionin, duke prezantuar Diellën, robotin e parë të inteligjencës artificiale i emëruar si Ministre e Prokurimit, e cila do të ndihmojë në menaxhimin transparent të procedurave qeveritare.
    Rama përfundoi intervistën me një mesazh të qartë: “Evropa nuk është perfekte, por ne besojmë në projektin e saj. Për të qëndruar në këmbë mes fuqive të reja globale, ne kemi nevojë për më shumë Evropë, jo më pak.”

  • Rama pritet nga kryeministri i Holandës në Hagë: Takim i rëndësishëm për forcimin e partneritetit dypalësh

    Rama pritet nga kryeministri i Holandës në Hagë: Takim i rëndësishëm për forcimin e partneritetit dypalësh

    Kryeministri Edi Rama u prit nga kryeministri i Mbretërisë së Holandës Dick Schoof në Hagë.

    Ka qenë vetë kreu i qeverisë që ka ndarë pamjet në llogarinë e tij në Facebook, ndërsa shkruan se është një takim i rëndësishëm për forcimin e partneritetet dypalësh dhe themelimin e bashkëpunimit me Holandën.
    “Me Kryeministrin e Mbretërisë së Holandës, Dick Schoof
    Një takim i rëndësishëm për forcimin e partneritetit dypalësh dhe thellimin e bashkëpunimit me Holandën”, u shpreh Rama.

    Top Channel

  • Kundër paqes fiskale, FMN: Qeveria ka bërë përparim në forcimin e administrimit të të ardhurave, por kemi frikë nga…

    Kundër paqes fiskale, FMN: Qeveria ka bërë përparim në forcimin e administrimit të të ardhurave, por kemi frikë nga…

    Këtë të premte u mbajt konferenca e përbashkët për shtyp me Shefen e Misionit, Anke Weber, dhe Guvernatorin e Bankës së Shqipërisë, Gent Sejko, mbi analizën e ecurisë së ekonomisë dhe financave shqiptare si dhe prezantimin e rekomandimeve të FMN-së. 
    FMN tha se është kundër paqes fiskale, duke argumentuar se qeveria ka bërë përparim të konsiderueshëm gjatë viteve të fundit në forcimin e administrimit të të ardhurave në përputhje me këshillat e FMN-së, por theksoi se ekziston frika që disa preje elementëve mund të minojë progresin e Shqipërisë në administrimin e tatimeve dhe të krijojë risqe. 
    Cili është qëndrimi juaj për paqen fiskale dhe sa e shëndetshme iu duket për ekonominë? 
    FMN: Kemi parë draftin e fundit të paketës së propozuar për paqen fiskale. Vërejmë se qeveria ka bërë përparim të konsiderueshëm gjatë viteve të fundit në forcimin e administrimit të të ardhurave në përputhje me këshillat e FMN-së. Ne kemi frikë që disa prej elementeve të projekt-propozimit mund të minojnë progresin e fundit të Shqipërisë në administrimin e tatimeve dhe të krijojnë disa risqe për përmbushjen dhe për drejtësinë. 
     
     

  • FMN kundër paqes fiskale: Qeveria ka bërë përparim në forcimin e administrimit të të ardhurave, por kemi frikë nga…

    FMN kundër paqes fiskale: Qeveria ka bërë përparim në forcimin e administrimit të të ardhurave, por kemi frikë nga…

    Këtë të premte po mbahet konferenca e përbashkët për shtyp me Shefen e Misionit, Anke Weber, dhe Guvernatorin e Bankës së Shqipërisë, Gent Sejko, mbi analizën e ecurisë së ekonomisë dhe financave shqiptare si dhe prezantimin e rekomandimeve të FMN-së.

    FMN tha se është kundër paqes fiskale, duke argumentuar se qeveria qeveria ka bërë përparim të konsiderueshëm gjatë viteve të fundit në forcimin e administrimit të të ardhurave në përputhje me këshillat e FMN-së, por theksoi se ekziston frika që disa preje elementëve mund të minojë progresin e Shqipërisë në administrimin e tatimeve dhe të krijojë risqe.
    Cili është qëndrimi juaj për paqen fiskale dhe sa e shëndetshme iu duket për ekonominë?
    FMN: Kemi parë draftin e fundit të paketës së propozuar për paqen fiskale. Vërejmë se qeveria ka bërë përparim të konsiderueshëm gjatë viteve të fundit në forcimin e administrimit të të ardhurave në përputhje me këshillat e FMN-së. Ne kemi frikë që disa prej elementeve të projekt-propozimit mund të minojnë progresin e fundit të Shqipërisë në administrimin e tatimeve dhe të krijojnë disa risqe për përmbushjen dhe për drejtësinë.

    Top Channel

  • Forcimi i sistemit të inspektimit të punës, Inspektorati i Punës bashkëpunim me Austrinë

    Forcimi i sistemit të inspektimit të punës, Inspektorati i Punës bashkëpunim me Austrinë

    Inspektorati Shtetëror i Punës dhe Shërbimeve Shoqërore mirëpriti një delegacion të lartë nga Austria, në kuadër të një vizite treditore që synon shkëmbimin e eksperiencave dhe mbështetjen teknike për forcimin e sistemit të inspektimit të punës në Shqipëri.
    Delegacioni austriak, i përbërë nga përfaqësues të Ministrisë Federale për Punën, Çështjet Sociale, Shëndetin dhe Mbrojtjen e Konsumatorit, Inspektoratit të Punës dhe Ndërtimit, si dhe Policisë Financiare të Austrisë, u fokusua në temat kyçe të zbatimit dhe transpozimit të direktivave europiane për sigurinë dhe shëndetin në punë, strategjinë kombëtare për periudhën 2025-2030, përdorimin e teknologjisë dhe sistemit MIRA për planifikimin e inspektimeve bazuar në rrezikun, si dhe masat për luftën kundër ekonomisë informale. Palët diskutuan praktikat më të mira dhe sfidat aktuale, ndërkohë që u organizuan inspektime të përbashkëta në terren në sektorin e ndërtimit, në kuadër të bashkëpunimit institucional dhe mbështetjes për forcimin e sistemit të inspektimit të punës në Shqipëri. Këto inspektime shërbyen si një mundësi për të vlerësuar në terren praktikat ekzistuese, për të ndarë përvoja profesionale dhe për të dhënë rekomandime konkrete që synojnë përmirësimin e sigurisë dhe shëndetit në punë në Shqipëri.
    Ky bashkëpunim përbën një hap të rëndësishëm drejt avancimit të standardeve inspektuese në vend dhe afrimit me praktikat më të mira europiane, duke kontribuar në përmirësimin e klimës në punë dhe forcimin e institucioneve.

  • Peleshi takon ambasadorin britanik: Kuvendi, partner kyç në forcimin e demokracisë dhe reformave

    Peleshi takon ambasadorin britanik: Kuvendi, partner kyç në forcimin e demokracisë dhe reformave

    Kryetari i Kuvendit, z. Niko Peleshi, priti sot në një takim Ambasadorin e Mbretërisë së Bashkuar në Tiranë, z.Nicholas Abbott.
    Biseda u fokusua në partneritetin e qëndrueshëm mes dy vendeve dhe rolin udhëheqës të Kuvendit në forcimin e demokracisë, transparencës dhe dialogut politik.
    Kryeparlamentari Peleshi shprehu mirënjohjen për mbështetjen e vazhdueshme që Mbretëria e Bashkuar i jep Shqipërisë në fushën e zhvillimit, konsolidimit institucional dhe qeverisjes llogaridhënëse.
    Ai nënvizoi se kjo mbështetje është një shtysë e rëndësishme për të forcuar vlerat demokratike dhe për të avancuar reformat që pasqyrojnë interesin dhe vullnetin e qytetarëve shqiptarë.
    Të dy palët ritheksuan rëndësinë e bashkëpunimit të ngushtë në fusha me interes të përbashkët dhe të rolit të Kuvendit si institucioni qendror ku marrin formë reformat kyçe për të ardhmen e vendit.

  • Ministri britanik: Po shqyrtojmë forcimin e mbrojtjes ajrore të Polonisë

    Ministri britanik: Po shqyrtojmë forcimin e mbrojtjes ajrore të Polonisë

    Forcat e armatosura britanike do të shqyrtojnë mundësitë për të forcuar mbrojtjen ajrore të NATO-s në Poloni, tha të mërkurën Sekretari Britanik i Mbrojtjes, John Haley, pasi Polonia rrëzoi dronë në hapësirën e saj ajrore gjatë një sulmi ajror rus në Ukrainë.
    “Si aleatët tuaj në NATO, ne do t’ju mbështesim ju, miqtë tanë polakë. Si aleatët tuaj në NATO, ne do të ndihmojmë në sigurimin e sigurisë së popullit tuaj”, tha Haley në një konferencë për shtyp pas takimit me përfaqësues nga Franca, Gjermania, Italia, Polonia dhe Ukraina.
    “Pas diskutimeve tona sot, u kam kërkuar Forcave të Armatosura të Mbretërisë së Bashkuar të shqyrtojnë mundësitë për forcimin e mbrojtjes ajrore të NATO-s mbi Poloninë”, theksoi ai.