Kryeministri Edi Rama ka deklaruar se Ushtria, Forcat e Armatosura dhe Ministria e Mbrojtjes janë një nga pikat e shkëlqyera të kurorës së Shqipërisë.Teksa mori pjesë këtë të premte në prezantimin e arritjeve dhe sfidave të së ardhmes në fushën e mbrojtjes, Rama shprehu mirënjohje për të gjithë sektorin.
“Ndjehemi mirë për çka kemi bërë. Në fund të kësaj dekade, kur të shohim këtë ditë ose këtë moment të këtij rrugëtimi ne do të ndjehemi shumë mirë sepse Ushtria, Forcat e Armatosur, Ministria e Mbrojtjes dhe gjithë sektori delikat i garantimit të sigurisë dhe integritetit territorial dhe kushtetues të Republikës së Shqipërisë do të jetë vërtet një nga pikat më të shkëlqyera të gjithë kurorës së vendit tonë. Shumë faleminderit dhe shumë respekt e mirënjohje për të gjithë ju”, tha Rama.Më tej, Rama nuk kurseu as batutat teksa u kërkoi ndjesë pjesëmarrësve që sipas tij “u detyruan ta dëgjonin ditë të shtunë”.
“Me një mirënjohje shumë të posaçme për të gjitha familjet tuaja, sepse në fund të ditës ju e dini më mirë se sa unë. Dhe unë di diçka që jemi në detyrë me barrën më të rëndë dhe sakrificën më të posaçme në fakt e kanë më shumë familjet tona, e kanë bashkëshortet, fëmijët dhe të afërmit. Kështu që me shumë respekt dhe mirënjohje me ta…Megjithëse edhe pse në një ditë të shtunë, ishit të detyruar që të dëgjonit fjalimin tim, gjë që nuk e keni për herë të parë dhe gjë që ju ndodh rregullisht, kur hapni televizorin. Gjithsesi për aq kohë sa nuk kam dalë akoma në frigorifer ndjehuni mirë se të paktën kur hapni frigoriferin nuk iu dal aty”, përfundoi kryeministri.
Tag: forcat
-
“Në një të shtunë u detyruat të dëgjonit fjalimin tim”/ Rama me Forcat e Armatosura: Të paktën nuk ju dal…
-
Kryeministri Rama: Forcat e Armatosura do kenë pagën sa mesatarja e rrogave të NATO-s!
Kryeministri Edi Rama ka bërë një deklaratë të rëndësishme gjatë një takimi në Zall Herr, ku njoftoi një sërë iniciativash për forcimin e Forcave të Armatosura të Shqipërisë.
Ai theksoi se paga e pjesëtarëve të Forcave të Armatosura do të jetë në nivelin e mesatares së rrogave të vendeve të NATO-s, si një pjesë e përpjekjeve për të rritur motivimin dhe standardet e ushtrisë shqiptare. Rama gjithashtu tha se Shqipëria do të bëhet një vend eksportues i prodhimeve ushtarake brenda një dekade dhe se po punohet për krijimin e një industrie kombëtare të mbrojtjes.Pjesë e këtij plani është dhe mbështetje për familjet e ushtarakëve dhe një rritje e numrit të vajzave në ushtri, që tashmë ka arritur në 20%. Kryeministri theksoi gjithashtu nevojën për të aktivizuar asetet e Forcave të Armatosura dhe për të zhvilluar pronat që FA zotëron.
Rama në Zall Herr: Numri i vajzave në Forcat e Armatosura është rritur në 20 përqind. Do krijojmë industrinë tonë kombëtare të mbrojtjes. FA do paguhen sa mesatarja e vendeve të NATO-s. Kemi program mbështetës për familjet e pjesëtarëve të Forcave të Armatosura. Shqipëria do jetë vend eksportues i prodhimeve ushtarake brenda dekadës. Jemi në dialog me kompani botërore për këtë gjë. Ushtria shqiptare ka shumë esete të fjetura, që as nuk vihen në punë, një situatë që duhet ta adresojmë. Duhet të zhvillohen pronat, që janë të FA-së. Ky drejtim ka mundësi që të bëjë para. -
Negociatat/ Këshilltari i Sigurisë Kombëtare i Tajvanit mbërrin në SHBA për bisedime
Këshilltari i Sigurisë Kombëtare i Administratës Tajvaneze Joseph Wu është në Uashington për negociata me administratën e presidentit amerikan Donald Trump, raportoi Financial Times, duke cituar burime.
Negociatat do të zhvillohen përmes të ashtuquajturit “kanal sekret” ekzistues, vëren botimi.
Kina i sheh kontaktet zyrtare midis Uashingtonit dhe Taipeit, si shkelje të sovranitetit dhe integritetit territorial të saj, në kundërshtim me parimin kryesor të vendosjes së marrëdhënieve diplomatike midis dy vendeve për të njohur ekzistencën e një Kine. Nëpërmjet kontakteve të tilla, beson Pekini, Shtetet e Bashkuara mbështesin “pavarësinë e Tajvanit”.
Ministri i Jashtëm kinez Wang Yi, gjatë seancës së NPC të mbajtur në mars, tha: “Përpjekjet për të frenuar Kinën duke luajtur kartën e Tajvanit, janë të dënuara të dështojnë. Ribashkimi i Atdheut është një prirje historike e pandalshme.”
Në fillim të kësaj jave, ushtria kineze kreu stërvitje ushtarake në shkallë të gjerë, për të praktikuar afrimin e anijeve dhe avionëve drejt Tajvanit nga drejtime të ndryshme.
Stërvitjet përfshinin forcat tokësore, forcat detare, forcat ajrore dhe forcat raketore; Patrullat luftarake u kryen me qëllim të fitimit të epërsisë gjithëpërfshirëse, sulmeve mbi objektivat detare dhe tokësore, masat dhe metodat për bllokimin e zonave dhe rrugëve detare më të rëndësishme, siç njoftoi më parë përfaqësuesi i Zonës Lindore të Komandës Luftarake të PLA, Shi Yi.
Ai theksoi se stërvitja është “një paralajmërim i ashpër dhe frenim i fuqishëm i forcave separatiste që mbrojnë pavarësinë e Tajvanit, një veprim legjitim dhe i nevojshëm për të mbrojtur sovranitetin dhe unitetin kombëtar të Kinës”./ Interfax.
-
Forcat izraelite sulmojnë një shkollë në Gaza, 25 viktima dhe mbi 100 të plagosur
Të paktën 25 persona u vranë në një sulm ajror në një shkollë ku palestinezët e zhvendosur ishin strehuar, tha Agjencia e Mbrojtjes Civile të Gazës.
“Njëzet e pesë persona u vranë dhe të paktën 100 u plagosën në sulmin izraelit në shkollën Dar al-Arqam, në verilindje të Gazës”, tha Mahmoud Bassal, zëdhënësi i agjencisë.
Më herët, Bassal tha se 19 persona kishin humbur jetën.
Ushtria izraelite, nga ana e saj, tha se kishte kryer një sulm ajror në “një qendër komanduese të Hamasit” në Gaza.
“Kjo qendër komandimi u përdor nga terroristët për të planifikuar dhe kryer sulme kundër civilëve dhe ushtarëve izraelitë”, thuhet në deklaratën e lëshuar nga forcat izraelite.
-
Lufta në Gaza/ Forcat izraelite sulmojnë një shkollë, 25 viktima dhe mbi 100 të plagosur
Agjencia e Mbrojtjes Civile të Gazës tha se të paktën 25 persona u vranë në një sulm ajror në një shkollë ku palestinezët e zhvendosur ishin strehuar.
“Njëzet e pesë persona u vranë dhe të paktën 100 u plagosën në sulmin izraelit në shkollën Dar al-Arqam, në verilindje të Gazës”, tha Mahmoud Bassal, zëdhënësi i agjencisë.
Më herët, Bassal tha se 19 persona kishin humbur jetën.
Ushtria izraelite, nga ana e saj, tha se kishte kryer një sulm ajror në “një qendër komanduese të Hamasit” në Gaza.
“Kjo qendër komandimi u përdor nga terroristët për të planifikuar dhe kryer sulme kundër civilëve dhe ushtarëve izraelitë”, thuhet në deklaratën e lëshuar nga forcat izraelite.Top Channel
-
Forcat ruse vijojnë bombardimet në Ukrainë, një i vdekur dhe pesë të plagosur në Zaporizhzhia
Një person është vrarë dhe pesë të tjerë janë plagosur pasi forcat ruse bombarduan një qytet të vijës së parë në rajonin Zaporizhzhia të Ukrainës.
Në një postim në Telegram, guvernatori i rajonit, Ivan Fedorov, tha se viktimë nga sulmet ruse mbeti një grua 66-vjeçare.
Rajoni është një nga katër pjesërisht të pushtuara nga forcat ruse pasi ato u aneksuan zyrtarisht nga Moska shtatë muaj pas pushtimit në shkallë të plotë në 2022, diçka që Ukraina dhe aleatët e saj perëndimorë e kanë etiketuar si të paligjshme.
Rajoni përmban gjithashtu centralin bërthamor të Zaporizhzhia, të cilin forcat ruse e pushtuan në fillim të pushtimit të tij – të dyja palët kanë akuzuar njëra-tjetrën për organizimin e sulmeve që rrezikojnë sigurinë e centralit bërthamor më të madh në Evropë.
Në një telefonatë me presidentin ukrainas, Volodymyr Zelenksy muajin e kaluar, Donald Trump sugjeroi se SHBA mund të ndihmonte në drejtimin dhe ndoshta të zotëronte centralet bërthamore të Ukrainës, por presidenti ukrainas më vonë këmbënguli që centralet i përkasin popullit ukrainas.Top Channel
-
U vranë 106 shqiptarë/ 26 vite nga masakra në Pastasel të Rahovecit
Sot shënohet 26-vjetori i Masakrës në Pastasel të Rahovecit në Kosovë, atje ku u vranë dhe masakruan 106 shqiptarë nga ky fshat dhe fshatrat përreth.
Pasditen e datës 31 mars, të vitit 1999, forcat ushtarake, paraushtarake dhe policore serbe rrethuan këtë fshat prej rreth 100 shtëpish në komunën e Rahovecit, i cili në javët e mëparshme e kishte dyfishuar popullsinë e tij pasi shumë njerëz të zhvendosur nga fshatra të tjerë nga lufta kishin ardhur për t’u strehuar atje.
Pasi hodhën granata për një orë me radhë, forcat serbe mblodhën banorët vendas në fushë dhe i ndanë burrat nga gratë.
Kjo masakër është një nga më të tmerrshmet që kanë kryer forcat serbe gjatë luftës në Kosovë.
Edhe sot e kësaj dite nga kjo masakër ende ka familjarë që kërkojnë t’i kthehen trupat e më të dashurve të tyre, të cilët edhe pas 26 vitesh nuk rezultojnë të gjetur.
Nga kjo masakër kanë mbijetuar 13 persona. -
U vranë 243 persona! 26 vite nga masakra në Pastasel të Rahovecit në Kosovë
foto ilustruese
KOSOVË-26 vjet më parë, nga data 25 deri më 27 mars 1999, forcat serbe kryen një masakër të tmerrshme në Krushë të Rahovecit, ku u vranë 243 persona dhe 893 shtëpi u shkatërruan nga zjarri. Kjo ngjarje tragjike mbetet masakra më e madhe që ka ndodhur në Kosovë gjatë luftës së vitit 1998-1999.
Pasditen e 31 marsit 1999, forcat ushtarake dhe policore serbe rrethuan këtë fshat të përbërë prej rreth 100 shtëpish në komunën e Rahovecit, i cili në javët e mëparshme e kishte dyfishuar popullsinë e tij pasi shumë njerëz të zhvendosur nga fshatra të tjerë nga lufta kishin ardhur për t’u strehuar.
Pasi hodhën granata, forcat serbe mblodhën banorët vendas në fushë dhe i ndanë burrat nga gratë. Grave iu kërkua të largoheshin nga fshati. Nga kjo masakër ende ka familjarë që kërkojnë t’i kthehen trupat e më të dashurve të tyre, të cilët edhe pas 26 vjetësh figurojnë të zhdukur e ndërsa nga tmerri kanë mbijetuar vetëm 13 persona./ZËRI