Artikull i Middle East Eye, nga Sean Mathews
Ekspertët dhe diplomatët arabë shqetësohen për skenarin e mundshëm që mund të ndodhë nëse trupat e një “Force Ndërkombëtare Stabilizimi” vendosen në Gaza dhe përballen me zjarr izraelit.
Një zyrtar i OKB-së që ka dekada përvojë në misionet e paqes kujton se një situatë e ngjashme ka ndodhur në jug të Libanit, ku trupat e UNIFIL-it u sulmuan disa herë nga Izraeli, por ushtarët irlandezë dhe italianë vepruan me kujdes.
Pyetja është se si do të reagonin ushtarët egjiptianë apo jordanezë nëse do të goditeshin nga Izraeli.
Edhe pse Egjipti dhe Jordania kanë marrëveshje paqeje me Izraelin, ato menaxhohen kryesisht nga shërbimet e inteligjencës dhe zyrtarët e lartë ushtarakë, sepse popullsitë e tyre janë kryesisht armiqësore ndaj Izraelit për shkak të okupimit të territoreve palestineze.
Në maj 2024, dy ushtarë egjiptianë u vranë gjatë një shkëmbimi zjarri me Izraelin në Rafah, duke treguar kështu rreziqet për një forcë të re stabilizimi.
Shtetet e përfshira në këtë forcë duhet të jenë të kujdesshme ndaj perceptimit nga palestinezët dhe Izraeli.
Siç thotë Jean Marie Guehenno, ish-nënsekretar i përgjithshëm i OKB-së për misionet e paqes:
Forca duhet të duket legjitime për palestinezët dhe jo e kontraktuar nga Izraeli.
Nga ana tjetër, Izraeli nuk do të donte të delegonte sigurinë e tij te një forcë mbi të cilën nuk ka kontroll direkt.
Egjipti ka kërkuar që forca të ketë një mandat të Këshillit të Sigurimit të OKB-së për të shmangur perceptimin e bashkëpunimit me Izraelin. SHBA-të po diskutojnë pjesëmarrjen e Emirateve të Bashkuara, Katarit dhe Azerbajxhanit, ndërsa Indonezia ka ofruar 20 mijë ushtarë paqeruajtës.
Misioni do të jetë i ngjashëm me ato në Haiti apo në Afganistan pas pushtimit amerikan, me mandat të OKB-së por komandë të pavarur.
Megjithatë, përveç sfidave operacionale, forca do të ketë nevojë për financim dhe furnizime, të cilat, sipas Trump, duhet të sigurohen nga Shtetet e Gjirit për rindërtimin e Gazës.
Një sfidë tjetër është marrëdhënia me Hamasin.
Trump kërkon largimin e grupit nga qeverisja dhe çarmatimin e tij, por Hamas tregon forcën e tij duke kontrolluar rrugët dhe duke luftuar “bandat” dhe bashkëpunëtorët izraelitë.
Sipas ekspertëve, forca arabe dhe myslimane mund ta bindë Hamasin të pranojë paqeruajtësit, duke ruajtur stabilitetin dhe duke parandaluar një ndërhyrje të drejtpërdrejtë izraelite.
Në fund, vendosja e një force paqeruajtëse në Gaza ngjan me misionin e UNIFIL-it në jug të Libanit, ku për dekada trupat ndërkombëtare kanë ruajtur balancën mes Hezbollahut dhe Izraelit.
Çdo përpjekje për t’u bashkuar me Hamasin mund të shkaktojë reagime të ashpra nga Izraeli, duke i lënë trupat “në mes të gurëve”.
Tag: forca
-
Opinion/ Plani për Gazën, ushtarët arabë në territor të nxehtë
-
“Pse, do presim rrëmbimin e vajzës së Albana Vokshit ne?”, Balliu: Si u kërcënuan nga krimi
Klevis Balliu, deputet i Partisë Demokratike, i ftuar në studion e “Off the Record” nga Andrea Danglli, në A2CNN, tregoi debatin që pati me kreun e SPAK, Altin Dumani, ditën e sotme në Komisionin e Ligjeve.
Deputeti demokrat përmendi edhe telefonatën që i kishte bërë zonja Albana Vokshi, e cila denoncoi kërcënimet që kishte marrë ajo dhe vajza e saj.
“Kur e pyeta që zonja Vokshi ju ka marrë në telefon, ju ka thënë që po kërcënohem unë dhe vajza ime, s’ka pasur ndonjë reagim. Pse nuk morët masa? Pse nuk erdhi as policia, as task forca? E vetmja përgjigje që patën është se nuk ishte kompetencë e jona. Tani, si nuk është kompetenca juaj? Ju për sa kohë keni krijuar task forcën… Çfarë të presim ne, derisa ta rrëmbejnë ata gocën dhe pastaj të gjejmë kompetencat? Nëqoftëse ty të ka rënë telefoni dhe bëhet fjalë për krim të organizuar, e ke kompetencë”, deklaroi Balliu.
“Deputetët apo kandidatët apo partitë politike nuk janë institucione hetimore. Ne nuk hetojmë. Edhe kur e bëjmë një denoncim mund ta bëjmë publik apo çfarëdo. Task forca për të cilën ne e paguajmë me rrogat më të larta në Shqipëri, ajo është task forca që ka për detyrë t’i gjejë këto hetime. Ne si kandidatë kemi për detyrë të shpalosim programin tonë dhe jo të bëjmë hetime atje. Hetimet duhet t’i bënte Dumani. Pra, nuk mund të thuash që jo po meqë s’më kanë ardhur mua denoncime, nuk e bëj dot unë këtë çështje. Nëqoftëse s’e bën dot, ik. Ndërkohë, ti e ke detyrë për ta ngritur hetimet, për të filluar hetimet. Institucioni duhet të nisë hetimet vetë se për atë punë është nuk do e bëjë hetimin kandidatët për deputetë”, shtoi Balliu.
Sipas tij, SPAK-u ka edhe mbi 250 masa arresti të paekzekutuara.
“Unë e pyeta në lidhje me fletarrestet. Janë rreth 251 masat e arrestit të paekzekutuara dhe e pyeta zotin Dumani që kush po ju dekonspiron? Pse nuk janë ekzekutuar këto fletarreste? Dhe për t’u qartësuar se ku ishte dhe keqkuptimi aty, këto janë fletarreste që nga momenti i krijimit të SPAK-ut, që kur ka filluar punën SPAK-u. Pra, në këto pesë vite 251 janë të paekzekutuara dhe zoti Dumani tha se kjo nuk është detyra jonë të ekzekutojmë. Kjo është detyra e Policisë së Shtetit”, tha Balliu.
-
Altin Dumani bën bilancin e SPAK: Zgjasni mandatin e prokurorëve, task forca për zgjedhjet nuk dështoi
Altin Dumani raportoi për herë të fundit para deputetëve të parlamentit të Shqipërisë pasi mandati i tij si drejtues SPAK-ut mbaron në fund të këtij viti.
Dumani shfrytëzoi këtë mundësi të fundit në Komisionin e Ligjeve për të kërkuar sërish ndryshimin e Kushtetutës në mënyrë që prokurorët e SPAK-ut të kenë mundësi të kandidojnë për një mandat të dytë.
“Dumani unë do të rikandidoj e kam vendosur këtë sido që të jetë ligji. Por në 2028, 11 prokurorëve iu mbaron mandati, dhe nuk kemi burime njerëzore për t’i zëvendësuar. Këta prokurorë ndjekin çështje që zgjasin me vite të tëra, dhe cënohen hetime në këtë drejtim”, u shpreh kreu i SPAK.Pak muaj pas zgjedhjeve parlamentare, opozita akuzoi SPAK-un se dështoi të hetojë krimet zgjedhore.
“Shitblerja e votës është një faktorët kryesore të masakrës zgjedhor dhe taks forca rezultoi një fiasko e madhe”, tha Bylykbashi.
“Task forca nuk ka dështuar. Ne kemi marrë një kryetar bashkie të pandehur për korrupsion aktiv. Kemi në hetim një kryebashkiak tjetër për korrupsion zgjedhor, kemi arrestuar disa persona. Duhet të bënim më shumë, por në 20 prokurore jemi”, u përgjigj Dumani.
Opozita shfrytëzoi mbledhjen e Komisionit të Ligjeve për të ngritur shqetësimin për aplikimin e masës së sigurisë arrest shtëpie për një vit ndaj kryetarit të Partisë Demokratike Sali Berisha, duke kërkuar sqarime për dy standartet e SPAK-ut në masat e sigurisë.
“Unë kam garantuar pavaresinë e prokurorëve dhe kam deleguar të drejtën time për të nënshkruar shkresa të ndryshme Prokurorët udhëhiqen nga dispozitat që parashikojnë masat e sigurimit”, shtoi kreu i SPAK.
Dumani shpjegoi se personalisht ka porositur prokurorët e SPAK-ut të kene kujdes kur kërkojnë masë sigurie arrest me burg, edhe pse theksoi se pjesa dërrmuese e masave të sigurisë arrest me burg i përkasin krimit të organizuar.
-
Shqiptari Pano Ruçi rrëfehet pas grevës së urisë: Forca ime vinte nga mendimi për fëmijën tim!
Drejtësia greke ka dhënë dritën jeshile për zhvarrosjen e Denis Ruçit, 22-vjeçarit shqiptar që humbi jetën në aksidentin hekurudhor të Tempi-t tre vite më parë. Vendimi i Gjykatës së Larisës përfshin gjithashtu kryerjen e analizave të ADN-së dhe atyre toksikologjike, pas kërkesës së familjes së të ndjerit.
Verdikti erdhi pas një greve urie që babai i tij, Pano Ruçi, mbajti për 23 ditë rresht përpara Parlamentit grek, duke kërkuar lejen për zhvarrosje dhe rihetim të çështjes. Pas përmbushjes së kërkesave, ai e ndërpreu grevën javën e kaluar. Në një intervistë për emisionin “To Proino”, Ruçi rrëfeu përvojën e tij të dhimbshme dhe mbështetjen që ka marrë nga qytetarë të shumtë, përfshirë edhe figura të njohura të artit dhe kulturës greke.“Kompozitori Nikos Karvelas vinte në Syntagma pothuajse çdo natë dhe më mbështeste”, tha ai.
Ai përmendi në mënyrë të veçantë edhe Nikos Karvelasin, i cili, siç tha ai, ishte pranë tij pothuajse çdo natë, larg vëmendjes. Kompozitori, pa kamera apo deklarata, qëndroi i qetë pranë tij, duke i ofruar forcë dhe prani njerëzore në një nga momentet më të vështira të jetës së tij, informon “Prothothema”.
“Kanë kaluar edhe disa artistë nga Syntagma. Është e vërtetë që Nikos Karvelas vinte pothuajse çdo natë. Më tha se donte të ishte me mua që të mos isha vetëm. Bisedonim me orë të tëra. Ishte shumë bukur. E bënte me zemër pa publicitet, pa kamera. Nuk donte, prandaj vinte vonë natën”, zbuloi ai.
Ruçi tregoi edhe se ku e gjente forcën për të vijuar grevën: Forca ime gjatë gjithë kësaj kohe vinte nga mendimi për fëmijën tim dhe nga mbështetja e njerëzve, të cilët i dërgonin mesazhe mbështetjeje çdo ditë./ -
VIDEO/ Ndeshje me Serbinë, Meta kujton supergolin e Kushtës në Beograd: Forca Shqipëri
Presidenti i Partisë së Lirisë Ilir Meta që ndodhet i arrestuar politikisht me urdhër të Edi Ramës, i ka uruar suksese kombëtares së Shqipërisë në ndeshjen me Serbinë stadiumin e Leskovacit.
Meta ka kujtuar supergolin e Sokol Kushtës në Beograd.
Mesazhi i presidentit të PL-së, Ilir Meta:
Bashkë me urimin për një mbrëmje të paharrueshme i përshëndes të gjithë shqiptarët kudo janë me këtë supergol të legjendës Sokol Kushta në Beograd, që shpresoj të frymëzojë sonte çunat kuqezi!
FORCA SHQIPËRI, sot dhe përgjithmonë me ty!
-
Përgatitjet për Serbi-Shqipëri, rreth 5000 forca policie për të ruajtur rendin
Asnjë taksi apo makinë nuk lejohet të dalë apo të vijë në hotel. Në çdo pikë kontrolli, ku ndodhen makinat e sigurisë, na kërkuan mjet identifikimi dhe kartën e dhomës së hotelit.
Ndërkohë, përfaqësuesit e FSHF-së dhe stafi i kombëtares janë nisur drejt Leskovcit, ku do të zhvillohet mbledhja teknike me UEFA-n dhe përfaqësuesit e Serbisë për ngjyrën e fanellës që do të luhet.
Sa i përket organizimit të ndeshjes, do të angazhohen rreth 5000 forca policie, të ardhura nga Beogradi, për të mbajtur rendin në zonën mes Nishit dhe Leskovcit, ku ndodhet hoteli dhe do të zhvillohet ndeshja.
Edhe pse janë të lejuar rreth 6000 tifozë, konfidencialisht më thanë se numri nuk do të kalojë 3500-4000 tifozë, për të garantuar sigurinë dhe kontrollin maksimal. Përveç badge-ve, do të kërkohen edhe pasaportat për hyrjen në stadium.
Për momentin, autoritetet presin konfirmimin e presidentit Vuçiç, i cili mund të jetë i pranishëm, por deri tani ka konfirmuar Ivica Daçiç. -
Kombëtarja përgatitet për sfidën epike me Serbinë, forca të shumta policore
Kombëtarja shqiptare ka kryer stërvitjen e saj të fundit përpara duelit më të rëndësishëm të kualifikueseve të Botërorit 2026, atë me Serbinë.
Seanca stërvitore është kryer në stadiumin “Duboçiça”, aty ku do të luhet dhe sfida mbrëmjen e nesërme.
Stadiumi është i rrethuar nga forca të shumta policore, të cilat do të shoqërojnë skuadrën nga fusha për në hotelin në Nish. -
PS forca Tiranës mobilizohet për fitoren e radhës – Balluku: “Shtabet tona janë fuqizuar, forca buron nga bashkimi”
Zëvendës-ministrja Elisa Balluku ka zhvilluar një takim vonë mbrëmë në selinë e Partisë Socialiste me @manastirliu.ogerta dhe të gjithë drejtuesit e shtabeve të njësive të Tiranës, përgatitur për zgjedhjet e ardhshme.
Në fjalën e saj, Balluku theksoi se skuadra është forcuar edhe me përfshirjen e figurave si @taulantballaps, @npeleshi, @ulsimanja, @milva.ekonomi dhe kolegë të tjerë, duke i dhënë zë motivimit dhe vendosmërisë për fitoren politike, pavarësisht sulmeve dhe akuzave që sipas saj vinë vetëm nga rivalët politikë.“Forca e socialistëve buron nga bashkimi, angazhimi i palodhur, misioni për ta parë Shqipërinë gjithmonë e më mirë, gjithmonë e më të fortë,” u shpreh Balluku.
PS duket se po synon të konsolidojë pozicionin në kryeqytet, ndërsa përgatitjet për ballotazh apo sondazhe të reja rriten. “Pak hapa larg Europës” ishte mesazhi që përmbylli takimin.
-
Tetori rozë/ Deputetja Bylykbashi, thirrje grave e vajzave: Kujdesuni për shëndetin tuaj, jeni forca e familjes
Kronikë E Mërkurë, 1 Tetor 2025 09:29
Tetori rozë është muaji që na kujton të gjithëve rëndësinë e parandalimit dhe zbulimit të hershëm të kancerit të gjirit. Është një thirrje për çdo grua e vajzë që, mes përditshmërisë dhe angazhimeve të pafundme, të gjejë kohë për shëndetin e saj.
Deputetja e Partisë Socialiste, Aulona Bylykbashi, iu drejtua nënave dhe vajzave me një mesazh të fortë sensibilizues.“Kujdesu sot për shëndetin tënd, që nesër të jesh forca e familjes tënde! ”Ajo theksoi se gjatë gjithë muajit tetor, të gjitha gratë mund të kryejnë falas ekzaminimin me mamografi në rrjetin e poliklinikave dhe spitaleve rajonale.Fushata e Tetorit Rozë nuk është thjesht një simbol. Ajo është një kujtesë e përditshme se shëndeti është dhurata më e çmuar dhe se një kontroll i thjeshtë mund të shpëtojë jetë.
“Mos e shtyni për nesër atë që mund ta bëni sot. Shëndeti juaj është forca e familjes suaj”, shtoi Bylykbashi.