Lajmidites.com

Tag: flokët

  • Sa herë në vit duhet t’i prisni flokët?

    Sa herë në vit duhet t’i prisni flokët?

    Stilimi dhe modelimi i flokëve është një proces shumë personal megjithatë të gjithë njerëzit duhet t’i presin flokët.
    Prerja e tyre mund të jetë e rregullt, madje disa herë në vit në mënyrë që të hiqni flokët e këqinj e të mund t’i jepni jetë atyre të rinjve.
    Nëse do të pyesnim një ekspert do të thoshte se të paktën një herë në 2 muaj duhet të bëni një vizitë tek parukieri juaj.

    Në këtë mënyrë do të arrini të hiqni të gjithë majat e këqija nga koka juaj.
    Por edhe këtu disa lloje floku e modelesh mund të bëjnë përjashtim.
    Pra, sa herë në vit duhet t’i prisni flokët realisht?
    Rregulli i përgjithshëm
    Siç treguam dhe më lart ku vjen puna tek flokët nuk ka një përgjigje universal për të gjithë njerëzit.
    Dy faktorë kyç që duhet të merrni parasysh në këtë proces janë: nëse po arrini rezultatin e dëshiruar dhe a janë flokët tuaj shumë të dëmtuar.
    Pasi t’i jepni përgjigje të dy këtyre pyetjeve, fokusohuni në modelin e flokëve që keni.
    Flokët e shkurtër
    Ekspertët rekomandojnë prerjene flokëve të shkurtër çdo 3 apo 7 javë në varësi të rritjes së tyre.
    Edhe nëse nuk jeni shumë të dhënë pas tyre, por dëshironi të mbani gjatësinë e fillimit kjo kohë mund të zgjatet deri në 4-5 javë.
    Flokët e gjatë
    Për flokët e gjatë e sidomos ato poshtë shpatullave, prerja mund të shtyhet çdo tre muaj.
    Kjo sigurisht edhe në varësi të flokëve që ju keni dhe intensitetin të rritjes s ëtyre apo gjendjes nga dëmtimet.
    Personat me flokë të gjatë duhet të kenë në mendje që flokët e gjatë janë të vjetër e për këtë arsye është më e thjeshtë që të dëmtohen apo këputen.
    Për këtë arsye flokët e gjatë janë zakonisht më të dëmtuar në maja.
    Flokët kaçurrela
    Flokët kaçurrela shpesh ndër më të vështirët për tu menaxhuar.
    Megjithatë ekspertët sugjerojnë që t’i prisni çdo 12 javë nëse keni flokë me onde.
    Flokët me kaçurrela shumë të denduar nga ana tjetër mund të kenë një kohë më të vonë për tu prerë nëse nuk i shikoni të dëmtuar.
    Flokët e dëmtuar
    Nëse keni flokë shumë të dëmtuar, që bien e kanë tendencë të këputen kini kujdes që t’i prini flokët tuaj çdo tetë javë.
    Prisni vetëm majat në mënyrë që të largoni flokët e djegur e t’i jepni jetë atyre të rinjve.

  • Pas vajzës së Pink, edhe djali i saj i lyeu flokët rozë (Foto)

    Pas vajzës së Pink, edhe djali i saj i lyeu flokët rozë (Foto)

    Djali 8-vjeçar i Pink ka zgjedhur një ngjyrë të re flokësh, të cilën e kishte zgjedhur edhe motra e tij disa vite më parë, dhe nuk është gjë tjetër veçse rozë! Jameson duket se është frymëzuar nga pamja ikonike e nënës së tij nga fillimi i viteve 2000.
    Në një postim në Instagram, bashkëshorti i Pink, Carey Hart, ndau një foto të Jameson, i cili pozon i veshur me uniformën e tij të hokejit me flokë të lyer rozë – të njëjtën ngjyrë që Pink mbante në vitet e para të karrierës së saj.
    Në mbishkrimin e fotos, ai komentoi mbi dashurinë e vogëlushit për këtë sport: “Jamo nuk bën shaka. Gati për t’u hedhur në betejë. Nuk di asgjë për hokejin. Mamaja e tij e futi në këtë sport dhe ai e do shumë! Është e mrekullueshme ta shohësh të zhvillohet në diçka të re”, shkroi ai.

    Në komente, fansat u përqendruan menjëherë te flokët e tij: “Ngjyra rozë i shkon shumë,” shkroi njëri. “Bravo Jamo na pëlqejnë shumë flokët e tua rozë ,” komentoi një tjetër.
    “Me flokë të shkurtër rozë ai duket tamam si mamaja e tij,” vuri në dukje një tjeter.
    Jameson tregoi gjithashtu pamjen e tij të re në një video të kohëve të fundit. Më 14 tetor, Carey Hart postoi një foto të ëmbël të tyre duke dalë së bashku në një restorant. Në të, vogëlushi ka veshur një bluzë rozë dhe flokët e tij janë rozë të ndezur, duke krijuar një pamje mbresëlënëse në total.
    “Na pëlqen shumë ngjyra e flokëve! I shkon shumë mirë “, shkroi një ndjekës.
    Përveç Jameson, Pink dhe Hart kanë edhe një vajzë, Willow, 14 vjeç.

  • Si t’i zgjasni flokët më shpejtë, 6 truke që do ju habisin

    Si t’i zgjasni flokët më shpejtë, 6 truke që do ju habisin

    Flokë të gjatë, të shëndetshëm dhe plot volum janë ëndrra e shumë prej nesh. Por shpesh ndodh që rriten ngadalë dhe mund të duken të dobët. Edhe pse nuk ka “magji të shpejtë” që të bëjë që flokët të rriten me 10 cm brenda një jave, ekzistojnë zakone dhe rutina efikase që e stimulojnë rritjen edhe përmes përkujdesjes së përditshme dhe zgjedhjeve të mira.
    Në këtë artikull do të zbulojmë se cilat janë hapat kryesorë nga ushqimi deri te masazhet që mund të ndihmojnë që flokët të rriten me më shumë forcë, shëndet dhe bukuri.
    Ushqimi i duhur: burimi nga brendaNjë flok i fortë varet nga mënyra se si ushqehemi, për të ndihmuar rrënjët të jenë të ushqyera mirë: Konsumo vitamina A, C dhe E, ato ndihmojnë në mbrojtjen e gjëndrave dhe kutikulës së flokut nga dëmtimet. Biotina dhe vitaminat e grupit B përmirësojnë qarkullimin në skalp dhe kontribuojnë në prodhimin e keratinës, proteinës themelore të flokut.Minerale si hekuri dhe zinku janë thelbësore për të shmangur rënien dhe për të ruajtur elasticitetin. Shto në dietë frutat e stinës, perimet me gjethe, vezët, arrat, peshkun dhe drithërat integrale. Një dietë e mirë është themeli. Pa të, asnjë trajtim nuk do të japë efekt optimal.

    Hidratim i dyanshëmFlokët janë të përbërë nga ujë në masë të konsiderueshme, prandaj: Pi të paktën 2 litra ujë në ditë. Kjo ndihmon që kaloritë, qelizat dhe shpërndarja e lëndëve ushqyese të jenë optimale.Përdor produktet e duhura për flokë: shampo pa sulfate, balsamë dhe maska që ushqejnë.Një ose dy herë në javë, aplikoni vajra natyrale (p.sh. ricino, jojoba, kokosi) në gjatësitë e flokëve dhe lëreni 30 minuta para larjes.
    3. Masazh i skalpit: stimulo qarkulliminMasazhi i lehtë i lëkurës së kokës për 5–10 minuta në ditë ndihmon që gjaku të qarkullojë më mirë.Mund ta bësh edhe me pak vaj ushqyes për të forcuar efektin. Kjo nxit që rrënjët të marrin më shumë oksigjen dhe lëndë ushqyese.
    Prerje e rregullt (jo për rritje, por për mirëqenie)Edhe pse prerja nuk rrit flokët, ajo largon majat e dyfishta që, nëse nuk hiqen, pengojnë rritjen e shëndetshme. Prerja çdo 6–8 javë siguron që flokët të kenë bazë të pastër dhe nuk dëmtohen më tej.
    Shmang burimet e dëmshmeGjithnjë bëje kujdes: Nxehtësitë e larta: tharje me temperaturë të lartë apo pajisje stiluese si pjastër, mashë etj, ndikojnë në dëmtimin e shpejtë të flokut. Tërheqja e fortë e flokëve kur lapen bisht me lidhëse apo kapsa, shkaktojnë dëmtim.
     Suplemente, përdorini me kujdes dhe këshillë mjekësoreNëse dieta nuk e siguron nga brenda gjithë ushqimin e nevojshëm, mund të marrësh suplemente si biotina apo vitamina për flokët. Por: konsultohu patjetër me mjekun para se t’i përdorësh.

  • Pse rënia intensive e flokëve në vjeshtë është më e zakonshme nga sa mendojmë

    Pse rënia intensive e flokëve në vjeshtë është më e zakonshme nga sa mendojmë

    E kemi vënë re përsëri. Kur lajmë ose krehim flokët, na mbeten shumë qime në duar ose në furçë. Instinkti ynë na thotë të shqetësohemi, por e vërteta është se kjo “humbje” sezonale është shumë më normale nga sa imagjinojmë. Pra, nëse në muajt e fundit kemi ndjerë sikur flokët na janë rralluar pak më shumë, ndoshta është thjesht rënia.

    Në fakt, nuk është rastësi. Ndryshimet e stinëve, veçanërisht kalimi nga vera në vjeshtë, ndikojnë në ciklin jetësor të flokëve tanë. Gjatë verës, folikulat e flokëve “mbajnë” më shumë flokë për të mbrojtur skalpin e kokës nga dielli. Por, ndërsa vjeshta fillon, shumë prej këtyre flokëve hyjnë në fazën e rënies së tyre. Dhe kjo rënie mund të bëhet mjaft e dukshme.

    Nuk po flasim domosdoshmërisht për rënie serioze të flokëve. Në shumicën e rasteve, është një gjendje e përkohshme . Flokët tanë thjesht “ndryshojnë stinët”, njësoj siç bëjmë me rrobat dhe humorin tonë. Megjithatë, kjo nuk do të thotë që nuk mund të kujdesemi më mirë për flokët tanë gjatë kësaj periudhe kalimtare.

    Hapi i parë është hidratimi. Mjedisi i vjeshtës dhe dimrit, me lagështinë e reduktuar dhe përdorimin e ngrohësve, than si lëkurën ashtu edhe flokët tanë. Nëse kësaj i shtojmë nxehtësinë nga tharësja e flokëve ose pistoletat kaçurrela, kemi një “recetë” të përsosur për majat e çara dhe flokët e brishtë. Pra, duhet ta rrisim kujdesin tonë me maska, vajra dhe produkte hidratuese që mbrojnë nga nxehtësia.

    Ushqyerja është po aq e rëndësishme . Flokët e fortë dhe të shëndetshëm fillojnë nga brenda. Vitaminat si D, zinku, hekuri dhe sigurisht proteinat ndihmojnë në mbështetjen e rritjes normale të flokëve. Nëse mendoni se dieta juaj nuk po ju jep gjithçka që ju nevojitet, mund të shtoni një suplement ushqimor.

    Gjithashtu nuk harrojmë rëndësinë e kujdesit të duhur për flokët. Ne përdorim krehër me dhëmbë të gjerë, shmangim tërheqjen e flokëve kur janë të lagur dhe shmangim modelet shumë të ngushta të flokëve që stresojnë rrënjët.

    Sigurisht, të mos harrojmë rolin e stresit. Kthimi në jetën e përditshme shpesh shoqërohet me rritje të ankthit, i cili madje mund të ketë ndikim në ciklin e flokëve. Ndaj ndoshta është koha të përfshijmë pak më shumë relaksim në jetën tonë të përditshme, qoftë përmes meditimit apo thjesht momenteve më të qeta.

    Sidoqoftë, nëse vërejmë rënie të fortë të flokëve ose zona me hollim të dukshëm të tyre, është mirë të konsultohemi me një dermatolog. Ndonjëherë, rënia e flokëve mund të lidhet me diçka më komplekse, siç janë ndryshimet hormonale ose mungesa e vitaminave, dhe është e rëndësishme të bëhet një diagnozë profesionale.

    Gjëja kryesore është të mos na zërë paniku. Trupi ynë e di se çfarë po bën dhe, shumicën e kohës, rënia sezonale e flokëve është pjesë e atij cikli. Nëse i kushtojmë vëmendjen dhe kujdesin që i nevojitet, flokët tanë do të rriten përsëri, ndoshta edhe më të fortë se më parë.

  • ‘Tërbohet’ Trump pasi revista “Time” i nxjerr foton në kopertinë: Më zhdukën flokët…

    ‘Tërbohet’ Trump pasi revista “Time” i nxjerr foton në kopertinë: Më zhdukën flokët…

    Revista Time e nxori në kopertinë, por fotoja që shoqëronte artikullin e acaroi presidentin amerikan Donald Trump. 
    Artikulli kishte të bënte me marrëveshjen e paqes që u arrit falë tij në Lindjen e Mesme. Për shkrimin në vetvete Trumpi nuk kishte ankesa; ajo që nuk i pëlqeu ishte pjesa tjetër. 
    “Time shkroi një histori relativisht të mirë për mua, por fotoja ilustruese mund të jetë më e keqja e të gjitha kohërave”, shkroi Trump në rrjetin e tij Truth Social. 
    “Dua të them, ata  ‘zhdukën’ flokët e mi. Pastaj kishte dhe diçka që lundronte në majë të kokës sime që dukej si një lloj kurore, por jashtëzakonisht e vogël. Vërtet e çuditshme”, shtoi shefi i Shtëpisë së Bardhë. 
    Ai vazhdoi ta përshkruante imazhin si “një fotografi super të keqe që nuk meriton të përmendet. Artikulli i Time, me titull “Triumfi i tij”, shoqërohej me një foto të presidentit amerikan të realizuar nga poshtë, ndërsa pjesën e sipërme të kokës së tij e ndriçonte një dritë verbuese e  diellit. 
    Komentet e Trump erdhën disa orë pasi ai përfundoi vizitat në Tel Aviv, Jerusalem dhe Sharm el-Sheikh të hënën, ku ai mbikëqyri nënshkrimin e marrëveshjes së paqes në Gaza – një plan të cilin republikani e mbështeti personalisht dhe që i dha fund dy viteve konflikti pas sulmit të Hamasit më 7 tetor 2023, i cili nxiti hakmarrjen e Izraelit me një luftë shkatërrimtare në enklavë. 

  • Revista “Time” i nxjerr foton në kopertinë, ‘tërbohet’ Trump: Më zhdukën flokët

    Revista “Time” i nxjerr foton në kopertinë, ‘tërbohet’ Trump: Më zhdukën flokët

    Revista Time e nxori në kopertinë, por fotoja që shoqëronte artikullin e acaroi presidentin amerikan Donald Trump.

    Artikulli kishte të bënte me marrëveshjen e paqes që u arrit falë tij në Lindjen e Mesme. Për shkrimin në vetvete Trumpi nuk kishte ankesa; ajo që nuk i pëlqeu ishte pjesa tjetër.
    “Time shkroi një histori relativisht të mirë për mua, por fotoja ilustruese mund të jetë më e keqja e të gjitha kohërave”, shkroi Trump në rrjetin e tij Truth Social.
    “Dua të them, ata  ‘zhdukën’ flokët e mi. Pastaj kishte dhe diçka që lundronte në majë të kokës sime që dukej si një lloj kurore, por jashtëzakonisht e vogël. Vërtet e çuditshme”, shtoi shefi i Shtëpisë së Bardhë.
    Ai vazhdoi ta përshkruante imazhin si “një fotografi super të keqe që nuk meriton të përmendet. Artikulli i Time, me titull “Triumfi i tij”, shoqërohej me një foto të presidentit amerikan të realizuar nga poshtë, ndërsa pjesën e sipërme të kokës së tij e ndriçonte një dritë verbuese e  diellit.
    Komentet e Trump erdhën disa orë pasi ai përfundoi vizitat në Tel Aviv, Jerusalem dhe Sharm el-Sheikh të hënën, ku ai mbikëqyri nënshkrimin e marrëveshjes së paqes në Gaza – një plan të cilin republikani e mbështeti personalisht dhe që i dha fund dy viteve konflikti pas sulmit të Hamasit më 7 tetor 2023, i cili nxiti hakmarrjen e Izraelit me një luftë shkatërrimtare në enklavë.
     
     

    Top Channel

  • Sa shpesh duhet t’i lani flokët?

    Sa shpesh duhet t’i lani flokët?

    Sa herë duhet t’i lani flokët? Çdo ditë? Një herë po, një herë jo? Dy herë në javë? Apo vetëm një herë në javë? Kjo pyetje e përjetshme vazhdon të krijojë diskutime, konfuzion dhe shpesh, polemika sidomos në epokën e rrjeteve sociale ku çdo opinion kthehet në një trend.

    Kujdesi për flokët është një trend në rritje të pandalshëm, me gjithnjë e më shumë konsumatorë që i kushtojnë rëndësi mirëqenies së lëkurës së kokës dhe gjendjes së flokëve të tyre. Por, pavarësisht kësaj rritjeje të ndërgjegjësimit, disa mite vazhdojnë të mbijetojnë, veçanërisht ai që thotë se larja e shpeshtë dëmton flokët.

    Në të vërtetë, sipas ekspertes së bukurisë Naila Battel, nuk ka një rregull universal për të gjithë. Gjithçka varet nga tipi i skalpit, struktura e flokëve dhe stili i jetesës.

    “Nëse skalpi është i yndyrshëm, ndoshta është e nevojshme të lahen çdo dy ditë. Nëse është i thatë, dy herë në javë mund të jetë e mjaftueshme. Në kushte ‘normale’, çdo 2-3 ditë është një frekuencë e mirë,” shpjegon ajo. “Edhe faktorët e jashtëm kanë rëndësi: ata që bëjnë aktivitet fizik rregullisht apo jetojnë në qytete me ndotje të lartë mund të kenë nevojë për më shumë larje.”
    A është e dëmshme larja e shpeshtë?
    Sipas Battel, jo – përkundrazi. “Një skalp i pastër është gjithmonë më i mirë se ai që mban për ditë me radhë sebum, papastërti dhe ndotje. Sekreti është përdorimi i një shampoje të butë dhe të përshtatur për tipin e flokëve.”

    Si të zgjidhni shampon e duhur?
    Gjithçka nis nga një analizë e skalpit:

    Flokë me yndyrë? Zgjidhni formula që rregullojnë prodhimin e sebumit.
    Flokë të thatë ose të trajtuar kimikisht? Zgjidhni shampo hidratuese dhe ushqyese.
    Në çdo rast, preferoni produkte me pH natyral, pa sulfate e parabene, të cilat mund të jenë agresive në përdorim afatgjatë. Dhe mos harroni të lexoni INCI-n (listën e përbërësve): shmangni silikonët, derivatet e naftës dhe, mbi të gjitha, parabenet – që mund të ndikojnë në balancat hormonale.

    Po balsami? A duhet përdorur gjithmonë?
    “Po, është një hap thelbësor pas shampos. Balsami zbut, shpërbën nyjet dhe mbron fibrën e flokëve. Për një trajtim më të thellë, mund të alternohet me një conditioner më ushqyes apo maska hidratuese. Të dyja janë pjesë thelbësore e një rutine bukurie të plotë për flokët.”

    A është shampo e thatë zgjidhje për flokët që yndyrosen shpejt?
    “Shampo e thatë është një ndihmë e madhe kur nuk kemi kohë të lajmë flokët. Ai përmban pluhura që thithin yndyrën e tepërt dhe japin një ndjesi freskie. Por nuk mund të zëvendësojë larjen me ujë dhe duhet përdorur me masë.”

  • Si ta kuptosh që rënia e flokëve në vjeshtë është sezonale

    Si ta kuptosh që rënia e flokëve në vjeshtë është sezonale

    Rënia e flokëve në fillim të vjeshtës është një problem shqetësues, jo vetëm i grave, por edhe i burrave. Por si mund ta kuptosh që kjo rënie është sezonale dhe si rrjedhim, jo edhe aq shqetësuese?

    Pse bien flokët në këtë periudhë?

    Rënia e flokëve në këtë stinë është e ngjashme me rënien e gjetheve të vdekura të pemëve. Pra, edhe flokët bien, sepse përsërisin ciklin e tyre të përvitshëm (lindja e një floku të ri, rritja, faza e maturimit dhe vdekja). Këtë proces e përshpejton një faktor kryesor: dielli. Kështu, gjatë pranverës dhe verës, rrezet e diellit rrisin sekretimin e hormoneve përgjegjëse për rritjen e flokut dhe shkaktojnë një reaksion të ngjashëm me atë të bimëve. Një periudhë prej gati 4-6 javësh mund të fillojë në fund të gushtit dhe të zgjasë deri në fund të nëntorit. Pas kësaj periudhe, gjithçka kthehet në normalitet.

    Por norma e rënies së flokëve ndryshon nga një person tek një tjetër, ndaj është e rëndësishme të kuptosh, nëse kjo rënie është sezonale apo duhet të shqetësohesh e të konsultohesh me mjekun për të marrë trajtimin e duhur.

    Si ta kuptosh që është thjesht një rënie sezonale?

    Për të kuptuar nëse është vetëm një rënie sezonale, bëj këtë test të thjeshtë:

    Mbaji flokët të palarë, të paktën për tri ditë. Kalo gishtat midis flokëve nga rrënja deri në majë. Vëri mënjanë flokët e rënë. Përsërite këtë veprim të paktën pesë herë, duke e kaluar dorën tek të gjitha pjesët.

    Rezultati:

    – Nëse në total të kanë rënë më pak se 10 fije floku, gjithçka është brenda normales.

    – Nëse të kanë rënë gjithsej 10-15 fije, nuk është thjesht një rënie sezonale, prandaj duhet të marrësh një trajtim shtesë me vitamina.

    – Nëse të kanë rënë më shumë se 15 fije, duhet të bësh patjetër një trajtim specifik për të parë nga se të shkaktohet kjo rënie.

    Trajtimi për rënien sezonale

    Para se të marrësh një trajtim, fillimisht duhet të bësh këtë test të thjeshtë (ose të konsultohesh me mjekun), për të kuptuar në ç’nivel të rënies së flokëve je. Ki parasysh që trajtimet e flokëve nuk veprojnë në mënyrë specifike tek flokët që bien, sepse ato tashmë janë të vdekur dhe rënia e tyre është e pashmangshme, por ato ndikojnë në rritjen e flokëve të rinj për t’i rikthyer densitetin normal.

    Megjithatë, ki parasysh që jo gjithçka duhet justifikuar me sezonin e rënies. Për flokët duhet të kujdesesh si për çdo pjesë tjetër të trupi. Lyerja me bojëra me kimikate të ndryshme, tharja dhe krehja në temperaturë maksimale, kequshqyerja etj., janë faktorë të jashtëm, të cilët ndikojnë në dëmtimin dhe rënien e flokëve. Në të tilla raste, përdor sa më shumë maska me produkte natyrore, si p.sh maska me vezë dhe vaj ulliri, 30 minuta para larjes, do të të ndihmojë shumë për eliminimin e rënies.

  • Pse flokët thinjen: çfarë ndodh në trupin tonë dhe si lidhet me vitaminën B12

    Pse flokët thinjen: çfarë ndodh në trupin tonë dhe si lidhet me vitaminën B12

    Thinjet e flokëve janë një nga shenjat më të dukshme të kalimit të viteve, por shumë pak njerëz e dinë pse ndodhin në të vërtetë. Shkenca e sotme tregon se pas çdo fije floku të bardhë fshihet një proces biologjik kompleks, që lidhet me radikalet e lira, antioksidantët dhe gjendjen e përgjithshme të trupit.

    Kur trupi lodhet nga mbrojtja e vet

    Me kalimin e kohës, trupi humbet aftësinë për t’u mbrojtur nga dëmtimet qelizore. Gjatë proceseve normale si frymëmarrja apo prodhimi i energjisë, në trup krijohen radikale të lira molekula shumë të vogla që, nëse nuk neutralizohen, dëmtojnë qelizat e pigmentit të flokëve. Kur këto qeliza lodhen ose shkatërrohen, flokët fillojnë të humbasin ngjyrën dhe bëhen gri ose të bardhë.

    Kjo quhet “teoria oksidative e thinjes”: me moshën, trupi nuk pastron më me efikasitet mbetjet kimike që krijohen gjatë prodhimit të pigmentit, duke dëmtuar rrënjët e flokëve.

    Gjenetika, duhani dhe stili i jetesës

    Shkencëtarët besojnë se gjenetika është faktori kryesor deri në 90% e njerëzve që thinjen herët e kanë këtë prirje në familje. Por mënyra si jetojmë mund ta përshpejtojë procesin. Studimet tregojnë se duhani ndikon direkt në rritjen e radikaleve të lira, duke përshpejtuar humbjen e pigmentit. Nga ana tjetër, alkooli, ndonëse krijon stres oksidativ në trup, nuk është lidhur drejtpërdrejt me thinjen e parakohshme.

    Një nivel i ulët antioksidantësh në gjak është gjithashtu i lidhur me këtë proces pasi antioksidantët janë “rojet” që neutralizojnë radikalet e lira dhe mbrojnë qelizat.

    Vitaminat që mund të ndryshojnë gjithçka

    Një nga shkaqet e pakta që mund të kthejë thinjat në mënyrë natyrale është mungesa e vitaminës B12. Kjo vitaminë është thelbësore për shëndetin e gjakut dhe për rigjenerimin e qelizave. Kur trupi ka mungesë të saj, prodhimi i pigmentit në flokë ndalet, por kur nivelet rikthehen, flokët mund të rifitojnë ngjyrën origjinale.

    Një tjetër shkak i kthyeshëm është hipotiroidizmi një gjendje ku gjëndra tiroide punon më ngadalë. Me trajtim të duhur, flokët shpesh marrin sërish ngjyrën e tyre natyrale.

    Thinjet nuk janë thjesht një shenjë e plakjes janë një pasqyrë e ekuilibrit të brendshëm të trupit. Kujdesi ndaj ushqyerjes, shmangia e duhanit dhe mbajtja e niveleve të shëndetshme të vitaminës B12 mund të ngadalësojnë këtë proces natyral.

    Në fund të fundit, flokët tanë tregojnë historinë e qelizave tona sa mirë i kemi mbrojtur dhe sa mirë kemi jetuar.

  • Katër këshilla të dobishme për ata që duan të rrisin flokët e gjatë

    Katër këshilla të dobishme për ata që duan të rrisin flokët e gjatë

    E vërteta është se, sado që e duam trendin përfundimtar të viteve të fundit, pra prerjen në stilin bob, flokët e gjatë gjithmonë do të na tundojnë, kryesisht sepse ofrojnë shumë mundësi për modele flokësh. Nëse jeni duke u përpjekur t’i rrisni flokët gjatë, mbani shënime.
    Mbani një dietë të ekuilibruar
    Shëndeti dhe rritja e flokëve tanë lidhet drejtpërdrejt me dietën tonë, si dhe me kujdesin dhe higjienën tonë personale, prandaj është këshilla më e zakonshme dhe e rëndësishme që u jepet grave që duan flokë të gjatë dhe të shëndetshëm.

    Megjithatë, edhe nëse dieta juaj është plotësisht e ekuilibruar, mbani mend se stresi dhe çekuilibrat hormonalë mund të ndikojnë në shpejtësinë e rritjes së flokëve tuaj, duke ju privuar nga rezultati i dëshiruar.
    Kujdesuni për skalpin tuaj të kokës
    Kujdesi për skalpin është thelbësor kur doni t’i rrisni flokët e gjatë, pasi është pika nga e cila dalin flokët dhe më pas rriten. Për fat të mirë për ne, ekziston një sërë produktesh që specializohen në shëndetin dhe pastërtinë e kësaj zone, siç janë serumet ose maskat e flokëve. Së fundmi, sigurohuni që të mos i lani flokët më shpesh seç duhet, pasi kjo shkatërron mbrojtjen natyrale të shëndetit të skalpit.
    Shmangni nxehtësinë dhe zbardhjen e papritur të ngjyrës së flokëve tuaj
    Praktika më e rëndësishme për të nxitur rritjen e flokëve është shmangia e praktikave të dëmshme. Kjo sigurisht përfshin shmangien e çdo lloj aplikimi me nxehtësi ose zbardhjen e flokëve, si dhe shmangien e ekspozimit të tepërt në diell. Nëse duhet patjetër të përdorni tharëse flokësh ose mjete të tjera stilimi flokësh që përdorin nxehtësi, mos harroni të aplikoni më parë një mbrojtës nga nxehtësia.
    Mos i prisni flokët (përveç majave)
    Miti se sa më shpesh t’i prisni flokët, aq më shpejt do të rriten është thjesht një mit. Të lini flokët të rriten pa asnjë ndërhyrje është praktika më e mirë që mund të përdorni për të fituar gjatësi shtesë. Përjashtim nga ky rregull janë sigurisht majat e dëmtuara dhe të çara që kanë nevojë për kujdes dhe shkurtim të rregullt.