Barcelona po merr rezultate të shkëlqyera këtë sezon dhe është e pabesueshme se çfarë kthese Hansi Flick arriti t’u sjellë katalanasve në sezonin e tij të parë. Blaugranët tashmë e kanë fituar Superkupën e Spanjës dhe kjo skuadër është në garë për tre trofetë e mbetur deri në fund të këtij sezoni.
Katalanasit janë të parët në La Liga me katër pikë epërsi ndaj Realit, me të cilin do të luajnë edhe në finalen e Kupës së Mbretit në fund të këtij muaji, dhe përveç kësaj, arritën në në gjysmëfinale të Champions League, ku do të përballen me Interin. Mundo Deportivo njoftoi mëngjesin e sotëm se Flick po përpiqet t’i mbajë lojtarët në rregull strikte.
Përplasja mes Barcelonës dhe Real Madridit do të luhet më 26 prill në Sevilje dhe më pas, katalanasit do të kenë dy ndeshje në gjysmëfinale të Ligës së Kampionëve kundër Interit, si dhe në El Clasico-n e re në La Liga. Domethënë, në rast se Barcelona mposht Real Madridin dhe fiton Kupën e Mbretit, Flick u tha qartë lojtarëve se nuk ka festë.
Trajneri gjerman nuk dëshiron festime dhe parada nëse Barcelona fiton këtë kompeticion sepse dëshiron që lojtarët të jenë maksimalisht të fokusuar në ndeshjen e parë gjysmëfinale kundër Interit që e pret këtë ekip vetëm katër ditë më vonë. /Elio Hajdari-Sport Ekspres/
Tag: flick
-
Trajneri i Barcelonës fut rregullin e ri në skuadër që venit Real Madridin: Mos festoni nëse fitojmë kundër madrilenëve, kemi Interin…
-
Preferon Interin apo Bayern në gjysmëfinale? Flick është shumë i qartë me përgjigjen e tij
16 Prill 2025
19:48
Telesport
Edhe pse humbi 3-1 në ndeshjen e kthimit, Barcelona u kualifikua për në gjysmëfinalet e Champions League, pas fitores 4-0 në sfidën e parë dhe rezultati i përgjithshëm ishte 5-3 në favor të katalanasve.
Barcelona do të përballet në gjysmëfinale me fituesin e çiftit Inter-Bayern Munich, sfida që fillon pas pak dhe luhet në “San Siro”. I pyetyr, cilin ekip preferon në gjysmëfinale, Flick dha një përgjigje tejet të sinqertë.
“Champions League është padyshim kompeticioni më i bukur në botë. Të jesh në 4 ekipet më të mira të këtij kompeticioni është diçka fantastike për klubin dhe tifozët, por kemi ende rrugë për të bërë për të shkuar deri në fund. Inter apo Bayern? Do e shoh ndeshjen nga divani në shtëpi dhe nuk kam preferencë për asnjërën nga skuadrat”, tha Flick. -
Flick sheh lart… Në 50 ndeshjet e para me Barcelonën, statistikat e tij janë si të Guardiolës
Barcelona u mposht të martën mbrëma 3-1 nga Borussia Dortmundi në Gjermani, rezultat që vjen pas fitores 4-0 në ndeshjen e parë dhe ndoshta u ndikua nga një qetësi e tepërt, por e kuptueshme. Humbja bën të reflektojnë Yamal dhe shokët e tij, por nuk errëson arritjen e madhe të katalanasve, të cilët pas një periudhe të gjatë janë kthyer në gjysmëfinalet e Champions League.
Pak i ekspozuar mediatikisht, Hansi Flick shënon kështu një tjetër arritje të rëndësishme në karrierën e tij. Statistikat tregojnë se edhe te Barcelona, trajneri gjerman ka atë ndikim që pak njerëz e kishin parashikuar. Me transfertën e fundit gjermane, Flick, kampion Europe me Bayern Munich më 2021 dhe kampion bote me Gjermaninë më 2014, ka arritur 50 ndeshje në pankinën e Barcelonës.
Bilanci: 37 fitore, 6 barazime dhe 7 humbje, me skuadrën e tij që është në gjysmëfinale të Champions League, në vendin e parë të La Liga-s dhe në finalen e Kupës së Mbretit.
Me një fitore ndaj Dortmundit, Flick do të ishte barazuar me Pep Guardiolën dhe Gerardo Martinon, të cilët kishin 37 fitore, 8 barazime dhe 5 humbje në 50 ndeshjet e tyre të para me Barcelonën.
Luis Enrique, aktualisht te Paris Saint-Germain, mban rekordin për startin më të mirë me Barcelonën pas 50 ndeshjesh: 42 fitore. Flick, ndërkohë, lë pas emra si Rijkaard (28 fitore), Koeman (33) dhe Xavi (28). Ernesto Valverde, tani tek Athletic Bilbao, është ai që ka pësuar më pak humbje në 50 ndeshjet e para si trajner i Barcelonës: vetëm 3.
Ja deklarata e Flick pas humbjes 3-1 në fushën e Borussia Dortmundit: “Nuk ishte dita jonë më e mirë, por në fund u kualifikuam në gjysmëfinalet dhe ky ishte qëllimi ynë. Arritja e gjysmëfinales është shumë e rëndësishme për tifozët tanë dhe për klubin. Gjysmëfinalja e parë që nga viti 2019? Një arritje fantastike. E di sa e fortë është Borussia Dortmundi dhe këtë e tregoi. Kaluam momente të vështira për pak, por ia dolëm”. -
Flick: Nuk kemi luajtur në mënyrën më të mirë, por meritat i shkojnë Borussia Dortmundit
Hans-Dieter Flick, trajneri i Barcelonës, analizoi për mikrofonat e “uefa.com” humbjen 3-1 ndaj Borussia Dortmund, në ndeshjen e kthimit çerekfinale të Ligës së Kampionëve: “Jemi në gjysmëfinale. Dy ndeshjet u vlerësuan në tërësi dhe e meritojmë kalimin e turit.
Verdhezinjtë kanë një skuadër fantastike, na e bënë jetën shumë të vështirë, por jemi kualifikuar dhe kjo është ajo që ka rëndësi. Nuk kemi luajtur në mënyrën më të mirë sot, por kjo është edhe meritë e Borussia Dortmundit, që bëri një ndeshje shumë të mirë. Ajo që skuadra ime ka arritur në javët e fundit është fenomenale. Tani jemi një hap përpara, por ende jemi larg fundit”.
Gjatë konferencës për shtyp, Hansi Flick foli edhe për rivalitetin e mundshëm mes Wojciech Szczesny dhe Marc-André ter Stegen për vendin e titullarit në portë, pasi ky i fundit po rikuperohet më shpejt se pritej nga një dëmtim i gjatë (edhe pse ende nuk është grumbulluar).
Trajneri gjerman, megjithatë, nuk deshi të jepte një përgjigje të prerë për zgjedhjen mes tyre, por theksoi frymën e bashkëpunimit që ekziston mes lojtarëve të skuadrës, edhe kur ata janë në konkurrencë për një vend në formacion:
“Në futboll gjithçka mund të ndryshojë shumë shpejt, çdo gjë mund të ndodhë, ndaj nuk mund të jap një përgjigje 100%. Ajo që mund të them është se Szczesny është shumë i rëndësishëm për skuadrën. Gjithashtu, portierët që kemi në skuadër shkojnë shumë mirë me njëri-tjetrin. Ata e mbështesin njëri-tjetrin çdo ditë, ndaj të gjithë përmirësohen çdo ditë. Kjo është diçka që e vlerësoj shumë”.
Sa i përket dëmtimit të Balde, që mund të ndikojë edhe ndaj kundërshtarit të ardhshëm të mundshëm në gjysmëfinale të Ligës së Kampionëve, që do të jetë njëri mes Interit dhe Bayern Munich, trajneri gjerman u shpreh: “Humbja e Balde? Nuk është kurrë mirë të humbasësh një lojtar me këto karakteristika, por Gerard Martin është rritur shumë dhe është i gatshëm”. -
Barcelona i synon të gjithë trofetë sezonalë? Flick: Mendoj vetëm për sfidën në Dortmund
Barcelona do ta vizitojë Dortmundin me qetësi maksimale, për ta mbyllur kualifikimin drejt gjysmëfinaleve të Ligës së Kampionëve. I gjithë respekti për “murin e verdhë” të tifozëve gjermanë, por për vendasit do të duhej një përmbysje pothuajse e pamundur, duke nisur nga humbja 4-0 në ndeshjen e parë.
Trajneri i katalanasve, Hansi Flick, foli në konferencë për shtyp përpara ndeshjes:“Kam besim absolut te skuadra ime. Vijmë nga një fitore 4-0 në ndeshjen e parë. Po përpiqemi të luajmë në maksimum dhe mendoj se në ndeshje të tilla duhet të jemi shumë të përqendruar, të luajmë siç dimë”.
Nëse Interi në Itali ëndërron të fitojë 3 trofe, plus Kupën e Botës për Klube, te Barcelona ëndrra është akoma më e madhe: “sextete”. Pra, fitimi i La Liga-s, Kupës së Mbretit, Champions-it, Superkupës së Spanjës, Superkupës së Europës dhe Botërorit për Klube. Sidoqoftë, Flick është i matur dhe nuk ndikohet nga krahasimet me të kaluarën:
“Të përsëris atë që kam bërë me Bayernin? E them gjithmonë; nuk jetoj në të kaluarën dhe me atë që fitova te Bayerni. Jetoj në të tashmen. Gjithçka që do të vijë, do të jetë e mirëpritur, por kjo është në të ardhmen. Tani duhet të përqendrohemi te ndeshja ndaj Borussia Dortmundit. Duhet të jemi të fokusuar vetëm te sfida e radhës”.
Për Dani Olmo, që po rikuperon nga dëmtimi: “Do të shohim nëse do të jetë gati për sot apo fundjavën. Ka shumë cilësi, por është e vërtetë që nuk kemi mundur të llogarisim gjithmonë tek ai për shkak të dëmtimeve. Megjithatë, jemi shumë të lumtur që është sërish me ne”.
Për Lewandowski: “Qartësisht, të kesh një lojtar të këtij niveli në skuadër është ndihmë e madhe. Është shumë profesionist, ka përvojë të madhe. Llogarisim shumë tek ai dhe çdo ditë tregon se çfarë lojtari është. I ka të gjitha cilësitë për të qenë një shembull për të gjithë”. -
Super lojtar, por problematik për Flick! Barcelona merr ofertën 75 milionë euro për yllin e mbrojtjes
14 Prill 2025
18:13
Telesport
Jules Kounde, mbrojtësi i krahut të djathtë te Barcelona, po ndiqet me shumë interes nga dy klubet e mëdha të Londrës: Chelsea dhe Arsenal. Këta të fundit ofrojnë 75 milionë euro për francezin, pasi e shohin atë si lojtarin ideal për të përforcuar krahun e tyre të djathtë për sezonin e ri.
Kounde është një nga lojtarët kyç për Barcelonën, por herë pas here problematik me mënyrën e tij të të sjellurit, gjë që nuk tolerohet nga një trajner gjerman si Flick. Përveç kesaj shitja e francezit mund të ndihmojë Barcelonën për të rregulluar disi situatën e saj financiare.
Përveç dy klubeve londineze per Kounde ka interes të madh edhe nga Manchester United, por “Djajtë” ende nuk kanë paraqitur apo përmendur shifra. Te Barcelona tashmë po përgatiten për shitjen e francezit, ndërkohë që po punojnë për të gjetur një zëvendësues të denjë për francezin. -
Flick: Pas Krishtlindjeve sezoni i Barcelonës ndryshoi, gati për këtë fundsezon
14 Prill 2025
9:12
Telesport
Barcelona ruan avantazhin prej 4 pikësh karshi Real Madrid në ndeshjet e javës së fundit. Katalanasit fituan 1-0 ndaj Leganes, një sukses i vështirë për skuadrën e trajnerit Hansi Flick.
“Jam shumë krenar për atë që ekipi im ka bërë në këto javë dhe muaj të fundit. Tri pikët janë të rëndësishme në çdo ndeshje. Ndonjëherë mendon se ndeshjet janë si ato mes Dortmund dhe Atlético… por jo”, tha Flick.
“Ka ndeshje shumë të vështira, ndaj jam shumë krenar për ekipin dhe mbi të gjitha për mënyrën se si u mbrojtën. Nuk më interesojnë se çfarë bëjnë rivalët, ne duhet të shikojmë veten tonë”, tha trajneri gjerman.
Më tej, Flick tha: “Tani duhet të rikuperojmë për Champions, kjo është e rëndësishme. Do të udhëtojmë në Dortmund dhe duhet të jemi gati. Lojtarët duhet të rikuperohen më shumë, por ne nuk mund ta kontrollojmë këtë”.
“Të gjithë kanë bërë një hap përpara këtë vit. Ne vuajtëm në fillim të nëntorit dhe, pas pushimit të Krishtlindjeve, gjithçka ndryshoi. Çelësi ishte humbja kundër Atletico. Ne humbëm, por luajtëm shumë mirë dhe me atë besim e filluam vitin”, tha Flick. -
Mbledhje Flick-Deco, nis puna për ndërtimin e Barcelonës perfekte
Drejtori sportiv Deco dhe trajneri Hansi Flick kanë zhvilluar dy mbledhje me stafin teknik dhe me bordin drejtues të Barcelonës, duke vendosur piketat për merkaton e verës.
Deri tani, sipas mediave katalanase, janë përcaktuar pozicionet ku Barcelona do të ndërhyjë me investime të reja. Plani fillestar nuk ndryshon: do të tentohen lojtarë të rinj në moshë.
Së pari, Barcelona pritet të transferojë një mbrojtës të djathtë. Kounde ka nevojë për një zëvendësues, sepse nuk mund të përballojë i vetëm gjithë sezonin. Hector Fort është ende i paformuar sa duhet.
Së dyti, Hansi Flick ka kërkuar një mesfushor difensiv me tipare mbrojtëse. Ky pozicion po kthehet shumë i vështirë për t’u mbuluar nga klubet e sotme, por katalanasit kanë disa ide.
Së treti, Barcelona do të investojë për një sulmues të majtë. Ansu Fati dhe Ferran Torres nuk e kanë të ardhmen të garantuar në “Camp Nou”, kështu që duhet ndërhyrje.
Së katërti, katalanasit do të afrojnë një qendërsulmues. Robert Lewandowski është në fund karriere, kështu që po diskutohet nëse duhet ndërhyrë me një lojtar të gatshëm apo për një talent që pranon stolin, derisa të afrohet një sulmues tjetër në verën e vitit 2026. -
Flick bën misteriozin për rinovimin e kontratës: Te Barcelona ndihem shumë mirë, por…
12 Prill 2025
14:44
Alfred Lleshi
Hansi Flick po e çon Barcelonën në majë. Trajneri që fitoi një tripletë sezonale me Bayern Munich duket se i ka të gjitha qëllimet për ta përsëritur këtë sukses edhe në Katalonjë. Raphinha dhe shokët e tij të skuadrës janë ende në garë për fitimin e La Liga-s, Ligës së Kampionëve dhe Kupës së Mbretit.
Kjo është arsyeja pse drejtuesit blaugrana duan ta rinovojnë kontratën me gjermanin. Megjithatë, Flick duket se ka ide të tjera: “Po e shijoj shumë kohën time këtu. E dua jetën në Barcelonë dhe të punuarit e përditshëm për ta përmirësuar këtë skuadër.
Nuk jam tipi i trajnerit që nënshkruan një kontratë 3-vjeçare vetëm për t’u ndjerë i sigurt. Dua të punoj për këtë klub, por hap pas hapi. Me qetësi. Për momentin është edhe një vit, në të ardhmen do të shohim. Nëse të gjithë do të jemi të kënaqur, do të vazhdojmë së bashku. Sidoqoftë, për momentin jam i përqendruar vetëm tek e tashmja”. -
Hansi Flick “urdhër” drejtuesve të Barcelonës: Ky lojtar nuk duhet të largohet në verë, mos pranoni oferta
11 Prill 2025
18:24
Telesport
“Mundo Deportivo” raporton se Hansi Flick iu ka dhënë urdhër drejtuesve të Barcelonës të mos mendojnë shitjen e mundshme të Fermin Lopez gjatë merkatos së verës dhe të mos pranojnë ofertat që mund të vijnë për të. Për djaloshin spanjoll kanë shprehur interes konkret Atletico madrid dhe Liverpool, po ashtu ndiqet dhe nga klubet e tjera si PSG e Aston Villa.
Trajneri gjerman i ka kërkuar drejtpërdrejt bordit që të mos mendojnë shitjen e mesfushorit të ri, të cilin ai e konsideron një aset jetik për sistemin e tij. Pavarësisht konkurrencës së ashpër në mesfushë, për Flick, Fermín sjell energji, vertikalitet dhe përkushtim që e bëjnë atë të domosdoshëm për rotacionin e nevojshëm në këtë repart.
Sipas raportimit në fjalë, Flick ka folur personalisht me 21-vjeçarin duke besuar se zhvillimi i tij do të jetë edhe më i madh nëse ai qëndron në klub dhe garon në nivelin më të lartë i rrethuar nga lojtarë të klasit botëror.