E marta e 28 tetorit mund të konsiderohet e zezë dhe e përgjakur. Tre persona humbën jetën dje si pasojë e sulmeve me thikë. Në Durrës, babai vrau djalin. Në Tiranë, picieri vrau kolegun e tij brenda në lokal ndërsa në Berat, një vizitor nga kryeqyteti u qëllua me thikë nga pronari i një kali në zonën e kalasë.
Tre ngjarje kriminale me emërues të përbashkët, një fjalë goje që çoi në ekstrem. Sot janë zbardhur edhe dëshmitë e autorëve të krimeve.
Kristo Mema i cili shëtiste turistët me kalë në kalanë e Beratit, qëlloi për vdekje Keli Hoxhën në sy të familjarëve dhe vizitorëve të tjerë. Ky i fundit i preku kalin, ndërsa përpara autoriteteve, Mema ka rrëfyer si e bëri vrasjen.
“I thashë mos e prek kalin se është i acaruar sot dhe mund të reagojë keq, por ai më shau dhe ofendoi. Humba kontrollin, mora thikën që e mbaja në samarin e kalit dhe e godita në gjaknxehtësi.”-ka dëshmuar Mema.
Në Tiranë, Filip Shehu, prej 3 muajsh punonte si ndihmës picier dhe ku ishte vartës i Indrit Ismaillarit, viktimë në ngjarje. 43-vjeçari Shehu deklaroi se është ndjerë i fyer dhe i poshtëruar publikisht me fjalë të rënda para kolegëve, për një proshutë pice.
“Jam ndjerë i ngacmuar gjatë gjithë kohës dhe nuk duroja më. Kishim debate të vazhdueshme për punën, por ai më ngacmonte shpesh. Viktima më tha mos merr këtë proshutë të hapur që është në frigorifer, por merr proshutë të re. Ai shkoi të merrte proshutën e re dhe aty nisëm të ziheshim. Më shau me fjalë të rënda dhe aty nuk durova”, ka dëshmuar Shehu. Viktima u qëllua tre herë me thikë kuzhine, një herë në qafë dhe dy herë në bark.
Në Durrës, Pjetër Kodheli u vra nga i biri. Ky i fundit, pretendon se ka pasur konflikte të vazhdueshme me të atin dhe gjatë drekës, ai nuk po e linte të qetë.
“Po hanim drekë dhe papritur babai mu hodh me nerva në debat. Nuk më linte të haja i qetë. Nuk e kujtoj mirë pse ndodhi, por kemi pasur konflikte të vazhdueshme që prej se jam kthyer nga Greqia, disa muaj më parë”, ka dëshmuar Kodheli.
Tag: fjalë
-
Tre vrasje për një fjalë goje, zbardhen dëshmitë e autorëve që përgjakën të martën, nga Durrësi në Tiranë dhe Berat
-
Historia e lashtë dhe misterioze e fjalës abrakadabra
Nga Tom Metcalfe
Fjala abrakadabra shpesh sinjalizon se diçka magjike pritet të ketë ndodhur, ndonjë transformim ndoshta, ose të paktën ndonjë rreng. Fjala vetë është e çuditshme, por tashmë është bërë një shenjë pothuaj universale e asaj që mendohet se është e pamundur. Ndërsa ekspertët debatojnë mbi origjinën e saktë të abrakadabrës, fjala është pa dyshim e lashtë.
abrakadabra shfaqet për herë të parë në shkrimet e Quintus Serenus Sammonicus më shumë se 1800 vjet më parë, si një ilaç magjik kundër etheve, një gjendje potencialisht vdekjeprurëse në një epokë para antibiotikëve dhe simptomë e malaries. Ai ishte mësues i fëmijëve që më vonë do të bëheshin perandorët romakë Geta dhe Caracalla, dhe pozita e tij e privilegjuar në një familje fisnike e pasur i jepte peshë fjalëve të tij.
Duke shkruar në shekullin II pas Krishtit, në një libër të quajtur Liber Medicinalis, Serenus këshillonte që të përgatitej një amulet me një copë pergamene ku ishte shkruar fjala magjike, për t’u varur në qafën e të sëmurit. Ai përshkruante që fjala të shkruhej në rreshta të njëpasnjëshëm në formë trekëndëshi të përmbysur, me një shkronjë më pak në çdo rresht, derisa të mos mbetej asnjë.
Në këtë mënyrë, mbishkrimi do të përbëhej nga 11 rreshta, dhe, po ashtu siç zhdukej fjala, thoshte Serenus, do të zhdukej edhe ethet.
Origjina dhe kuptimi i abrakadabrës
Sipas kërkimeve të fundit, versione të abrakadabrës shfaqen edhe në një papirus egjiptian të shkruar në greqisht nga shekulli i tretë pas Krishtit, ku në rreshtat pasues mungojnë zanoret në fillim dhe në fund të fjalës. Ajo shfaqet gjithashtu në një kodeks koptik nga shekulli i gjashtë, që përdor të njëjtën metodë, por me një fjalë tjetër magjike.
Për ndjekësit e magjisë greke, shkrimi i një fjale në formë trekëndëshi të përmbysur krijonte një ‘vile rrushi’ ose ‘formë zemre’, një mënyrë për të shkruar një formulë magjike që përsëriste dhe zvogëlonte emrin e një fryme të lig, në të njëjtën mënyrë. Besohej se këto shkaktonin sëmundje, dhe se këto versione të magjisë së abrakadabrës shërbenin për të kuruar ethe e sëmundje të tjera.
‘Abrakadabra ishte një fjalë apotropaike, një fjalë që mund të largonte gjëra të këqija,’ shpjegon Elyse Graham, historiane e gjuhës në Universitetin Stony Brook, duke theksuar se origjina e saj ka qenë objekt debatesh të shumta.
Disa mendojnë se vjen nga fraza hebraike ‘ebrah k’dabri’, që do të thotë ‘krijoj ndërsa flas’; të tjerë mendojnë se rrjedh nga ‘avra gavra’, një frazë aramaike që do të thotë ‘do të krijoj njeriun’, fjalët e Zotit në ditën e gjashtë të krijimit.
Të tjerë vënë re ngjashmërinë e saj me ‘avada kedavra’, mallkimin vdekjeprurës në librat e Harry Potter-it, për të cilin autorja J.K. Rowling ka thënë se do të thotë në aramaisht ‘le të shkatërrohet gjëja’.
Historiani mesjetar Don Skemer, specialist i magjisë dhe ish-kurator i dorëshkrimeve në Universitetin Princeton, sugjeron se abrakadabra mund të ketë origjinë nga fraza hebraike ‘ha brachah dabarah’, që do të thotë ‘emri i të bekuarit’ dhe që është konsideruar si emër magjik.
‘Mendoj se kjo shpjegim është i besueshëm, sepse emrat hyjnorë kanë qenë burime të rëndësishme fuqie mbinatyrore për mbrojtje dhe shërim, siç shihet në magjinë e lashtë, mesjetare dhe moderne,’ thotë ai.
Për të krishterët e hershëm, shton ai, ‘emrat që rridhnin nga hebraishtja kishin vlerë të lartë, sepse hebraishtja konsiderohej gjuha e Zotit dhe e Krijimit.’
Një fjalë magjike për të kuruar sëmundjet
Duket se abrakadabra e ka ruajtur funksionin e saj si kurë magjike kundër sëmundjeve për shumë shekuj. Një dorëshkrim hebraik i shekullit të 16-të nga Italia përmban një version të magjisë abrakadabra për një amulet kundër etheve.
Shkrimtari anglez Daniel Defoe shënon në veprën A Journal of the Plague Year se ajo përdorej në Londrën e shekullit të 17-të për të parandaluar infeksionin, ‘sikur murtaja të mos ishte dora e Zotit, por një lloj posedimi nga një shpirt i lig, dhe se ajo mund të mbahej larg me kryqe, shenja të zodiakut, letra të lidhura me shumë nyje dhe me disa fjalë ose figura të shkruara mbi to, veçanërisht fjalën Abrakadabra, të formuar në trekëndësh ose piramidë.’
Por me kalimin e kohës, fjala e humbi funksionin e saj si mjekim. Në fillim të viteve 1800, ajo u përdor në një pjesë teatrale të William Thomas Moncrieff, si shembull i një fjale që do ta shqiptonte një magjistar në skenë.
Në shekullin XX, përmendja më e njohur ndoshta është në fenë Thelema, themeluar në fillim të viteve 1900 nga okultisti Aleister Crowley. Ai përdori shpesh fjalën ‘abrahadabra’ në librin e tij Liber Al Vel Legis (‘Libri i Ligjit’, 1904), duke thënë se ajo ishte emri i një epoke të re të njerëzimit.
Crowley pretendonte se e kishte nxjerrë fjalën nga sistemi numerologjik i njohur si Hermetic Qabalah, i cili e kishte shtyrë të zëvendësonte shkronjën C me H.
Rënia drejt iluzioneve skenike
Historiania Graham vëren se magjia ishte e dobishme si mjet kurash vetëm para zhvillimeve moderne mjekësore. ‘Dikur na duhej magjia për të bërë gjëra të ndryshme, por tani kemi ilaçe më të mira,’ thotë ajo.
Kështu, abrakadabra u zhvendos në botën e magjive skenike dhe trukeve iluzioniste. ‘Sot magjia lidhet më shumë me spektaklin dhe shpërqendrimin,’ shton ajo.
Nëse abrakadabra ruan ende ndonjë fuqi, kjo mund të jetë sepse askush nuk është i sigurt se çfarë do të thotë vërtet. ‘Një fjalë magjike i jep magjistarit fuqi, ndërsa të tjerët nuk e dinë kuptimin e saj,’ shpjegon Graham. ‘Ajo i jep magjistarit autoritet në sytë e të tjerëve.’
Pra, nëse abrakadabra tingëllon pa kuptim, ndoshta ky është edhe qëllimi, përfundon ajo: ‘Nëse fjala nuk do të ishte misterioze, atëherë nuk do të ishte magjike.’
/Nacional Geographic-SYRI.net
-
“Shqiptari vritet për një fjalë goje”/ Aktivistja: Shoqëria, e rënduar psikologjikisht duhen…
Kjo e martë ka qenë e zeze për shoqërinë tonë, pasi në pak orë kanë ndodhur tre vrasje me thikë. Një në një fshat të Durrësit ku djali qëllon për vdekje me thikë babain, një në Berat dhe një në Tiranë te “Komuna e Parisit”.
Të dyja rastet e fundit kanë ndodhur për shkak të një konflikti për motive të dobëta. Marrë shkas nga ngjarjet e rënda, aktivistja Suela Koçibellinj gnriti alarmin për atë se çfarë po ndodh me shoqërinë tonë. Ajo theksoi faktin që duhet të fushatë ndërgjegjësimi për të ulur nivelin e kriminalitetit në vend.
“Flasim për bullzimin tek të rinjtë, ndërkohë që tek të rriturit është më e ashpër. Bullizmi është një problematike e theksuar. Sjelljet ofenduese dhe kërcënuese janë konstante. Është një 40-vjeçar që ka bërë këtë akt. Një gjë e tillë nuk duhet të ndodhë. Ngjarja mund të ishte parandaluar. Shqiptarët vriten vetëm për një fjalë goje.
Kemi një situatë të rënduar në shoqërinë shqiptare, një lloj pasigurie e cila të fut në kushte ankthi. Largimi i mundësisë për të pasur armë në dorë është një shans më pak për të pasur krime. Por, për të pasur efekt afatgjatë ne duhet të kemi një frymë ndërgjegjësimi për marrëdhëniet në punë, në familje. Çdo ditë duhet të ketë fushata ndërgjegjësimi sociale. Është një punë e madhe, e cila kërkon shumë më shumë vite se sa një fushatë për mbledhjen e armëve. Kemi 3-4 humbje jete sot dhe kjo ishte alarmante”, tha Suela Koçibellinj. -
“Shqiptari vritet për një fjalë goje”/ Në pak orë tre vrasje me thikë, reagon aktivistja: Shoqëria, e rënduar…
Kjo e martë ka qenë e zeze për shoqërinë tonë, pasi në pak orë kanë ndodhur tre vrasje me thikë. Një në një fshat të Durrësit ku djali qëllon për vdekje me thikë babain, një në Berat dhe një në Tiranë te “Komuna e Parisit”.
Të dyja rastet e fundit kanë ndodhur për shkak të një konflikti për motive të dobëta. Marrë shkas nga ngjarjet e rënda, aktivistja Suela Koçibellinj ngriti alarmin për atë se çfarë po ndodh me shoqërinë tonë. Ajo theksoi faktin që duhet të fushatë ndërgjegjësimi për të ulur nivelin e kriminalitetit në vend.
“Flasim për bullzimin tek të rinjtë, ndërkohë që tek të rriturit është më e ashpër. Bullizmi është një problematike e theksuar. Sjelljet ofenduese dhe kërcënuese janë konstante. Është një 40-vjeçar që ka bërë këtë akt. Një gjë e tillë nuk duhet të ndodhë. Ngjarja mund të ishte parandaluar. Shqiptarët vriten vetëm për një fjalë goje.
Kemi një situatë të rënduar në shoqërinë shqiptare, një lloj pasigurie e cila të fut në kushte ankthi. Largimi i mundësisë për të pasur armë në dorë është një shans më pak për të pasur krime. Por, për të pasur efekt afatgjatë ne duhet të kemi një frymë ndërgjegjësimi për marrëdhëniet në punë, në familje. Çdo ditë duhet të ketë fushata ndërgjegjësimi sociale. Është një punë e madhe, e cila kërkon shumë më shumë vite se sa një fushatë për mbledhjen e armëve. Kemi 3-4 humbje jete sot dhe kjo ishte alarmante”, tha Suela Koçibellinj. -
Shumica në Kosovë e përdorin fjalën “kerr” për veturën – por a e dini nga e ka prejardhjen kjo fjalë?
Në përditshmërinë e të folurit në Kosovë, pothuajse secili prej nesh e ka dëgjuar shprehjen: “Hajde me kerr!”, “Kerri s’po ndizet!” apo “Ai kerri i vjetër mezi po ecë!”. Fjala “kerr” është bërë pjesë e gjuhës së përditshme, sidomos për t’iu referuar veturës ose makinës. Por pak kush e di se kjo fjalë ka një histori shumë më të vjetër sesa automjetet moderne.
Në fakt, “kerr” është një variant dialektor i fjalës “qerre”, e cila në të kaluarën nënkuptonte mjetin me rrota të tërhequr nga kafshët – si qerret me kuaj ose me qe, që dikur ishin mënyra kryesore e transportit në viset shqiptare.
Por rrënjët e kësaj fjale shkojnë edhe më thellë në histori. Ajo vjen nga latinishtja e vjetër – fjala carrus, që do të thotë “karrocë” ose “mjet me rrota”. Nga kjo rrënjë latine kanë dalë edhe shumë fjalë të ngjashme në gjuhë të tjera evropiane:
italisht carro,
frëngjisht char,
spanjisht carro,
anglisht car (veturë),
dhe madje rumunisht car.
Pra, “kerri” që sot e përdorim për veturë moderne, në të vërtetë është pasardhës i drejtëpërdrejtë i një fjale mijëravjeçare që dikur përshkruante qerren me rrota të drurit. Me kalimin e kohës, kuptimi u zhvendos bashkë me teknologjinë: nga qerret me kuaj, te veturat me motorë.
Në disa zona të Shqipërisë është ruajtur më shumë forma “qerre”, ndërsa në Kosovë, Gjakovë, Prizren e më gjerë, është përhapur më shumë forma e shkurtuar “kerr”, që tashmë e identifikon një veturë si pjesë të pandashme të jetës urbane moderne.
Dhe kështu, sa herë që themi “me kerr”, në fakt po përdorim një fjalë që lidh epokën e kuajve me epokën e motorëve — një shembull i bukur se si gjuha jonë ruan gjurmë të historisë njerëzore brenda vetes. /Trungu & InforCulture -
Mjeku mbështet një metodë popullore të gjumit, konsiderohet efektive
Ky është një lajm shumë mirë i strukturuar dhe me vlerë praktike për lexuesit që vuajnë nga pagjumësia ose “mbingarkesa mendore” gjatë natës.
Nëse dëshiron, mund ta përpunoj tekstin në një version më të shkurtuar dhe më tërheqës për publikim si artikull lajmi online, me titull, nën-tituj dhe përfundim që nxit lexuesin të provojë metodën. Ja një shembull i tillë:
Vuani nga mendja tepër aktive para gjumit? Kjo metodë e rekomanduar nga mjekët mund të jetë zgjidhja që kërkoni
Pagjumësia po bëhet gjithnjë e më e zakonshme në botën moderne. Shumë njerëz ndihen të lodhur gjatë ditës, por sapo shtrihen për të fjetur, mendja u mbushet me mendime pa fund. Sipas një studimi të vitit 2022, rreth 71% e banorëve të Mbretërisë së Bashkuar nuk flenë mjaftueshëm për shkak të stresit, ekspozimit ndaj ekraneve dhe mendimeve shqetësuese.
“Ngadalësimi kognitiv” – teknika që ndihmon të biesh në gjumë për pak minuta
Një metodë e thjeshtë, por shumë efektive, po fiton popullaritet: ngadalësimi kognitiv (cognitive shuffling). Kjo teknikë, e mbështetur nga mjeku britanik Dr. Arthur Giustra, synon të shpërqendrojë trurin nga mendimet që nxisin ankthin dhe e fusin trupin në gjendjen “lufto ose ik”.
“Ngadalësimi kognitiv më ka ndryshuar jetën. Më ndihmon të fle brenda pak minutash, edhe pas turneve të natës,” – thotë Dr. Giustra.
Si funksionon metoda?
Qëllimi është ta “mashtrosh” trurin të ndiejë se është i sigurt dhe gati për gjumë. Ja si ta praktikoni:
1. Mendoni për një fjalë të rastësishme dhe imagjinoni se çfarë përfaqëson ajo.
2. Zgjidhni një fjalë të re që fillon me shkronjën e fundit të fjalës së mëparshme (p.sh. elefant → notë → ëmbëlsirë).
3. Vazhdoni derisa të ndjeni se mendimet tuaja ngadalësohen dhe trupi relaksohet.
Një variant tjetër, i sugjeruar nga shkencëtari kognitiv Dr. Luc Beaudoin, është të zgjidhni një fjalë neutrale si “ëndërr” dhe të mendoni fjalë të ndryshme që fillojnë me çdo shkronjë të saj.
Pse funksionon?
Kjo teknikë imiton procesin natyror të trurit gjatë fazës hipnagogjike — momentin midis zgjimit dhe gjumit, kur mendimet bëhen të çrregullta dhe të lidhura lirshëm. Kjo ndihmon trurin të dalë nga rrethi i të menduarit tepër dhe ta çojë trupin drejt qetësisë.
“Duke ndalur përpjekjen për të kontrolluar mendimet, truri hyn natyrshëm në gjendje pushimi,” – shpjegon neurologia Dr. Amy Reichelt.
-
Rrëfimi i Kendall Jenner për herën e parë që e la nënën e saj pa fjalë: Asaj nuk i interesonte fare
Kendall Jenner bëri një rrëfim të papritur gjatë episodit të 23 tetorit të The Kardashians. Në mes të një lamtumire emocionale në shtëpinë ku u rrit, modelja 29-vjeçare e surprizoi nënën e saj, Kris Jenner, me një koment që i la të gjithë pa fjalë: “E humba virgjërinë në atë dhomë”, tha Kendall, përpara se të sqaronte me të qeshur: “Në fakt jo, ishte në shtëpinë tënde”.
Kris, 69 vjeç, u habit dukshëm, megjithëse Kendall siguroi se prindërit e saj “nuk u interesonte vërtet” se çfarë po bënte ajo në atë kohë. “Jo vetëm që nuk e dinte, por as nuk i interesonte fare”, shtoi ajo me humor, duke kujtuar se prindërit e saj ishin tashmë të rraskapitur pasi kishin rritur kaq shumë fëmijë. “Ne ishim fëmijë numër pesë dhe gjashtë, dhe ajo thjesht nuk kishte më energji për ne“, bëri shaka ajo.
Diku tjetër në episod, Kendall ndau një detaj tjetër nga vitet e adoleshencës që e la nënën e saj pa fjalë: “Po shkoj në kasolle për të thënë lamtumirë. Kam pirë shumë marihuanë atje kur ti nuk po shikoje,” tha ajo me të qeshur.
“Unë isha 16 vjeç dhe Kylie ishte 14. Ne i mbyllnim ato perde.”
Kendall, e cila ka bërë bujë gjatë viteve për jetën e saj dashurore, duke përfshirë marrëdhëniet e saj me Bad Bunny dhe Devin Booker, gjithashtu e shfrytëzoi episodin si një mundësi për të folur për vizionin e saj të ardhshëm dhe dëshirën e saj për të krijuar një familje “me ritmin e saj”.
Me deklaratat e saj, supermodelja dëshmon edhe një herë pse mbetet një nga protagonistet më spontane dhe më të përfolura të klanit Kardashian-Jenner. -
“Ne këtë tokë e trashëgojmë nga Skënderbeu dhe nuk i jemi bindur askujt deri tani dhe e ruajmë me kokën tonë këtë vend”
Ermal Nurja, osmanist dhe osmanolog
Një akt në gjuhën osmane i datës 25 qershor 1577 nga kohët kur patriotizmi lidhej me tokën e të parëve dhe në gjykatën osmane raportohej: “Ne këtë tokë e trashëgojmë nga Skënderbeu dhe nuk i jemi bindur askujt deri tani dhe e ruajmë me kokën tonë këtë vend”.
“Ferman drejtuar sanxhakbeut të Ohrit dhe kadiut të Krujës se keni dërguar letër ku shkruani se personi i quajtur Hasan me banim në Krujë që varet nga sanxhaku i sipërpërmendur, bashkë me tre bijtë e tij dhe me pesëdhjetë apo gjashtëdhjetë persona që e ndjekin nga pas, vazhdimisht bastisin rrugët e kalimtarëve dhe fshatrat duke vrarë të pafajshëm dhe grabitur pasuri dhe përveç kësaj kanë grabitur edhe dele të popullsisë në fjalë kur i dërgojnë në bjeshkë dhe nuk lënë mundësi pa e shfrytëzuar për gjëra të tilla. Megjithëse paria dhe kadinjtë i kanë thirrur në gjyq, ata nuk janë bindur dhe kanë vazhduar ende që të bastisin fshatra ku grabisin bagëtitë dhe pasuritë e fshatarëve, për të cilën janë thirrur sërish në gjykatë dhe nuk janë paraqitur. Meqenëse është e pamundur të shtihen në dorë, qe dërguar urdhri perandorak për Hysenin, i cili është sanxhakbeu i Kystendilit, por ai qe përgjigjur se sanxhaku i tij është larg nga ai vend dhe nuk është e lehtë që të shkohet deri atje që të shtihen në dorë. Nëse nuk shtihen në dorë personat në fjalë apo nuk u digjen shtëpitë ku banojnë, banorët e fshatrave përreth kanë vendosur që të largohen nga vendbanimet e tyre. Kur janë thirrur sërish që të paraqiten në gjyq, ata janë përgjigjur se:
‘Ne këtë tokë e trashëgojmë nga Skënderbeu dhe nuk i jemi bindur askujt deri tani dhe e ruajmë me kokën tonë këtë vend’
duke shprehur me këto fjalë se nuk do të binden dhe meqenëse keni paraqitur kërkesën tuaj që këtyre personave t’u vihet hakut urdhëroj:
Kur të mbërrijë fermani im nëse personat në fjalë nuk janë ende të bindur dhe vazhdojnë me veprimet e tyre të kryengritjes dhe rebelimit, atëherë të përpiqeni që me masa të kujdesshme t’i shtini në dorë dhe nëse para ligjit dhe gjykatës vërtetohet se janë të pabindur dhe të përzier në trazira, t’u vihet hakut sipas rregullave të ligjit pa ju dhënë mundësi tjetër veç ligjit, por të tregohet kujdes që me këtë sebep mos të shqetësohen dhe merren para drejtësisë banorët e vendit që shohin punët e tyre dhe janë të bindur ndaj shtetit”. -
U dënua nga Gjykata për shpifje, Egla Ceno ka dy fjalë për Saimir Kodrën
Showbiz E Martë, 21 Tetor 2025 22:02
Gjykata e Tiranës ka shpallur fajtore aktoren dhe fituesen e ”BBVA3”, Egla Cenon për shpifje ndaj Saimir Kodrës. Ajo kishte deklaruar se ishte ngacmuar seksualisht nga Kodra në vendin e punës. Në një intervistë për emisionin “Goca dhe Gra”, ajo refuzoi të komentojë menjëherë vendimin e gjykatës, duke shtuar se do të presë zbardhjen e tij dhe do të apelojë. Egla Ceno theksoi se është e bindur për qëndrimin e saj dhe se do të ndjekë çështjen në të gjitha instancat ligjore, pasi vazhdon të qëndrojë pas deklaratës që bëri më herët. Ajo u shpreh se nuk ka ndryshuar mendim dhe do të bëjë çdo përpjekje për të mbrojtur të drejtat e saj.
Pjesë nga deklaratë e sajNuk marr përsipër të flas për vendimin e gjykatës, ende nuk është zbardhur. Avokati më ka telefonuar, nuk kam qenë vetë prezente në seancë, avokati më tha që unë dënohem si fajtore dhe detyrohem të shkruaj në një media një përgënjeshtrim, ky është dënimi që avokati më tha që është marrë. Vendimi nuk është zbardhur, nuk dihet mbi ç’bazë arsyetimesh. Më vjen mirë që kjo kauzë është në vëmendjen e të gjithëve, sepse ky është dhe qëllimi i kësaj kauze.
Unë nuk do të tërhiqem, me mjete ligjore do ta vazhdoj këtë betejë, dhe dy jetë të kisha do i shfrytëzoja për të vazhduar këtë betejë. Ndihem shumë mirë që flitet për këtë gjë publikisht, duhet të flitet. Njerëzve që dinë të lexojnë nën reshta dhe që respektojnë figurën time apo këtë kauzë, të jenë të kujdesshëm sesi drejtohen. Kjo është një çështje që do durim dhe unë kam gjithë durimin e botës për ta çuar përpara.
Unë bëra rrëfim personal për një kauzë të lartë sociale, nuk u shpreha padashje apo në emocione e sipër. Do ta ankimoj, do t’i shkoj deri në fund, tani më shumë se kurrë. Do doja ta kisha bërë më herët, por nuk ka një kohë të përcaktuar për këtë. E thashë në Big Brother sepse nuk kanë qenë kushtet për ta folur më parë, nuk ma ka tërhequr truri. Konteksti ku isha, konteksti ku dola, ishte në kontekstin e një bisede të organizuar me letra, ku flitej për këtë temë, dhe unë solla eksperiencën time. Nuk më lidh asgjë me zotërinë në fjalë, nuk kam folur dhe as takuar pas deklaratës. Çfarë kam për të thënë do zhvillohen brenda institucioneve përkatëse.
-
“Ka shumë fjalë për Leaon”, Alegri i përgjigjet gazetarëve: Ja ku është fusha!
Masimiliano Alegri është paraqitur në konferencë për shtyp në prag të ndeshjes kundër Fiorentinës. Trajneri italian i është përgjigjur pyetjeve të gazetarëve në lodhje me Rafael Leaon. Alegri ka vlerësuar së tepërmi cilësitë e portugezit, por nga ana tjetër ka nënvijëzuar se të qenurit kampion do ta provojë fusha e lojës dhe koha.
“Ai ka cilësi të jashtëzakonshme teknike, por mendoj se duhet t’i lejohet të luajë dhe të jetë vetvetja. Gjëja e rëndësishme është e thjeshtë: ja ku është fusha. Ka një performancë Ka një performancë për t’u bërë atje. Ka shumë fjalë për Leaon. Ai është një djalë i artë dhe është i etur për të performuar, por për fat të keq lëndimi e ndaloi. Ai po gjen një formë të pranueshme dhe mendoj se do të bëjë shumë mirë që nga tani e tutje. Në fund të karrierës së tij, do të shohim, me kalimin e kohës, nëse Rafa ka qenë kampion”, ka deklaruar Masimiliano Alegri, citon “Tuttomercatoweb.com”./Sport Ekspres/