Lajmidites.com

Tag: fjalë

  • Skënder Rusi: E dashur nënë… tani që s’të kam…

    Skënder Rusi: E dashur nënë… tani që s’të kam…

    Poezi nga Skënder Rusi

    Zoti të solli ty në këtë botë,Që ti të më sjellësh mua!Çdo mëngjes që lind është i errët,Pa u prekur nga duart e tua!Të janë shtrembëruar gishtat,Aq sa nuk i fut dot në unazë,Ti ke pasur duart më të bukura,Kur ke qenë vajzë!E dashur nënë!Tani që s’të kam,Më duhesh më shumë,Lermë dy fjalë të të them,Ato s’janë fjalë, ato janë unë,Dhe unë nuk di se ç’më dhemb!Se nuk kam erdhur ka kohë tek ti,S’të kam sjellë lule,S’të kam ndezur qirinj,O Zot më trembin këta mermerë,Nga sipër të bardhë,Nga brenda të zinj!E shtrenjta nënë,Unë jam bërë një djalë i keq,Mund të të thyhem në dorë si qelq!

    “Titulli i origjinalit: “O zot më trembin këta mermerë”

    Skënder Rusi

    LEXO EDHE: SKËNDER RUSI: NUK DI PSE TY, AJO, AQ SHUMË TË NGJANTE…

    I bëja natës ftesë, për një kafe,Se më pëlqente,por edhe më duhej!Në ora një, kur gjumi sytë hapte,Përballë meje, ajo vinte, ulej!

    Vetëm flokët i kishte prej nate,Se trupi, krejt, asaj i farfurinte!Sa herë e prekja, për çudi, me zjarrthe,Më mbushej prej asaj dhe dora ime!

    Nuk di pse ty, ajo, aq shumë të ngjante,Ty, që prej meje, tashmë, ishe e ikur!Ajo si ti lexonte dhe filxhanet,Si ti, me gjarpërinj, më shihte lidhur!

    Dhe veç kur dita ishte shumë afër,Ikte prej meje, ikte, zhdukej fare!Unë s’di të ngrihemsi somnambul, natën,Por di që ende kam, në duar zjarre!

    Dhe e di mirë që ende s’kam lajthitur,Si mund të flas me netëtqë shpirt s’kanë?!Por ende nuk e di pse pranë shtratit,Sa zgjohem nuk gjej një,por dy filxhanë!

  • Basti “i humbur” i Ramës, Berisha kalon Oqeanin e shkon në Amerikën …Latine

    Basti “i humbur” i Ramës, Berisha kalon Oqeanin e shkon në Amerikën …Latine

    Nga Lorenc Vangjeli

    Ka qenë një nga sfidat më spektakolare të politikës shqiptare. Mes dy njerëzve më të fuqishëm të Tiranës zyrtare. Njëri kryeministër në mandatin e dytë, tjetri paraardhës i tij, në mandatin e dytë në opozitë. Njëri gjuhë brisk, tjetri gjuhë shpatë. Në mes të tyre qëndronte një kandidat për kryeministër, që priste të bëhej i tillë duke u ngjitur mbi shpatullat e njërit dhe mbas shpinës së tjetrit.

    I pari ishte Edi Rama që foli dhe hodhi dorezën e sfidës.

    I dyti ishte Sali Berisha që u justifikua dhe nuk e injoroi dot sfidën.

    I treti ishte Lulzim Basha që fitonte vetëm nëse humbte njëkohësisht Rama e Berisha.

    “Tani kam unë një pyetje të drejtpërdrejtë për ty, Sali! Ti e kapërcen dot Oqeanin me dash?”.

    Berisha u përgjigj se ishte tërhequr nga politika aktive. Se i kishte ndërprerë të gjitha udhëtimet zyrtare, se nuk udhëton më, ngaqë nuk përfaqësonte asnjë parti politike.

    “Marr ftesa çdo dy muaj,por nuk dua vetë!”.

    Sfida solemne ishte hapur nën vështrimet e hutuara të dhjetra deputetëve që merrnin pjesë në atë seancë parlamentare në shkurt 2019. Shumica dërmuese e tyre kishte biletë për atë shfaqje, por nuk kuptonte tekstin, ishte dëshmitare e dramës, por nuk kishte lidhje me thelbin e saj. Në të majtë të sallës e qeshura brohoriste me e sigurt për liderin e saj, në të djathtë ngushëlloheshin se në mos Saliu, Luli dinte not e anglisht mjaftueshëm për të kaluar oqeanin Atlantik.

    Plot gjashtë vjet e nëntë muaj më pas sfida pati fituesin e saj të papritur. Një fitues që kaloi humbje pas humbjeje në zgjedhje të përgjithshme e lokale në Tiranë, bashkë me Non Gratën në Uashington, me një triumf të vetëm mbi Lulin e tij e me një cfilitje ciklike me drejtësinë.

    Hakmarrja është gjithmonë e pranishme në menutë ballkanase. Tanimë, i zgjedhur zëvendëspresident i CDI-së, një grupim politik partish nga pothuaj gjitha bota, Berisha bëri fjalë për fjalë e fiks siç e sfiduan me fjalë në Kuvendin e Shqipërisë në shkurt 2019: “…e kapërcen dot oqeanin?”. “Po, e kaloj!”. Atë që nuk e bënë miliona dollarët e lobimeve, shpresave për një biletë për në Neë York, lutjet e përgjërimet morale e financiare, e bëri ftesa për në Brazil.

    Sali Berisha e kapërceu oqeanin. Madje edhe shkoi në Amerikë. Por njëlloj si Kolombi dikur që kërkonte Indinë dhe zbuloi Amerikën, Doktori nuk shkoi në Amerikën e Veriut, por në Amerikën Latine.

    Gjashtë vjet e nëntë muaj më pas, Rama humbi, por është kryeministër. Berisha fitoi edhe pse e di që herët a vonë, me përjashtime të rralla vaji, do të dëgjojë të këndohet si himn në oborrin e partisë së tij, motivi i këngës së hershme:

    Morëm armët të luftojmë,
    Për PD e për atdhe,
    Ku ta dinim ne të mjerët,
    Se armiku ish’ me ne!

  • Vjosa Osmani lidhur me fem*cidin: S’ka kompromis kur bëhet fjalë për jetën dhe dinjitetin e grave

    Vjosa Osmani lidhur me fem*cidin: S’ka kompromis kur bëhet fjalë për jetën dhe dinjitetin e grave

    Presidentja e Kosovës, Vjosa Osmani ka ngritur shqetësimin për dhunë në familje dhe dhunën ndaj grave. Marrë shkak nga rasti i fundit ku në grua u sulmua barbarisht në Gadimë të Ulët, presidentja Osmani thekson se është e patolerueshme, që situata në Kosovë të arrijë në një gjendje të tillë.
    “Pas çdo shifre fshihet një jetë e thyer, një fëmijë i traumatizuar, një histori që nuk duhet të përsëritet kurrë”, ka thënë ajo.
    Më tej shton se nuk ka kompromis kur bëhet fjalë për jetën dhe dinjitetin e grave.
    “Femicidi vazhdon të jetë një plagë e hapur. Jo thjesht një problem. Jo një statistikë. Por, një krizë kombëtare që po gërryen themelet e shoqërisë sonë, ditë pas dite. Ajo që ndodhi në Gadime të Ulët nuk është thjesht “një rast tjetër”. Një grua, edhe pse e mbrojtur me urdhër aktiv, u sulmua barbarisht me sëpatë nga ish-bashkëshorti i saj. Kur një urdhër mbrojtjeje mbetet letër, atëherë rreziku bëhet realitet. Dhe realiteti na vret.
    Numri i rasteve të dhunës ndaj grave dhe dhunës në familje po na e thotë troç: letrat nuk shpëtojnë jetë. Zbatimi, vendosmëria, reagimi pa vonesë, po! Sepse pas çdo shifre fshihet një jetë e thyer, një fëmijë i traumatizuar, një histori që nuk duhet të përsëritet kurrë më.
    Në Ditën Ndërkombëtare për Eliminimin e Dhunës ndaj Grave, apeloj për VEPRIM. Me përgjegjësi. Me kujdes. Pa asnjë tolerim. Ashtu siç e kërkon ligji. Ashtu siç e meriton çdo grua dhe vajzë në Republikën e Kosovës.
    Çdo hap i gabuar, çdo neglizhencë, çdo vonesë mund të jetë fatale. Askush që ushtron dhunë nuk duhet të ndihet i paprekshëm. Asnjë grua nuk duhet të mbetet e pambrojtur. Nuk ka kompromis kur bëhet fjalë për jetën dhe dinjitetin e grave”, thotë Osmani.

  • “Rënia e një gjigandi”/ Si përfundoi Kevin Spacey duke shëtitur vetëm me një valixhe

    “Rënia e një gjigandi”/ Si përfundoi Kevin Spacey duke shëtitur vetëm me një valixhe

    Për më shumë se 20 vite, Kevin Spacey ishte një nga aktorët më të vlerësuar të Hollywood-it. Me dy çmime Oscar dhe role ikonike në filmat më të rëndësishëm të kinemasë moderne, ai konsiderohej një nga emrat që përcaktonin standardin e aktrimit. Por ashtu si ngritja e tij ishte spektakolare, edhe rënia rezultoi dramatike dhe e menjëhershme.
    Në vitin 2017, në kulmin e suksesit të serialit “House of Cards”, emri i Spacey shpërtheu në qendër të lëvizjes #MeToo. Një seri akuzash për sjellje të papërshtatshme dhe ngacmim seksual e transformuan aktorin nga protagonist i vlerësuar në personazh të padëshiruar për Hollywood-in.
    Reagimi i industrisë ishte i ashpër:

    Netflix ndërpreu menjëherë bashkëpunimin me të;
    projektet filmike u rimontuan për të hequr skenat e tij;
    rolet e ardhshme u anullluan pa hezitim.

    Edhe pse Spacey më vonë u lirua nga akuzat kryesore (në Nju Jork në vitin 2022 dhe në Londër në 2023), dëmi ndaj imazhit të tij publik ishte bërë tashmë i pakthyeshëm. Për më tepër, një vendim gjykate e detyroi aktorin të paguante rreth 31 milionë dollarë producentëve të House of Cards për shkelje të kontratës një goditje e rëndë që ndikoi ndjeshëm në gjendjen e tij financiare.
    Siç ndodh shpesh në Hollywood, largimi i tij u bë në heshtje, por pa kaluar pa u vënë re. Aktori i dikurshëm i tapetit të kuq u zhvendos drejt skenave më të vogla në Evropë dhe Lindjen e Mesme. Në Limasol prezantoi shfaqjen “Songs & Stories”, një performance muzikore-teatrale larg botës së filmave ku ai dikur sundonte.
    Nuk bëhej më fjalë për role kryesore, por për një aktor që përpiqej të rimerrte terren, në një udhëtim artistik shumë larg karrierës madhështore që kishte ndërtuar.
    Pak ditë më parë, Spacey u rikthye sërish në qendër të mediave, por këtë herë jo për një rol të ri. Në një intervistë për The Telegraph, ai tha se “fjalë për fjalë nuk ka shtëpi”, se jeton mes hoteleve, Airbnb-ve, dhe se sendet e tij janë të shpërndara në depo.
    “Unë shkoj aty ku ka punë,” tha ai, një frazë që e përshkruan më qartë se çdo analizë hendekun mes lavdisë së dikurshme dhe realitetit të sotëm.
    Pas reagimeve të shumta, Spacey publikoi një video në Instagram për të sqaruar situatën:
    “Në dritën e raportimeve të fundit që pretendojnë se jam i pastrehë, ndiej nevojën të përgjigjem. Jo shtypit, por mijëra njerëzve që më kanë kontaktuar për të më ofruar një vend për të qëndruar.”
    Ai u shpreh i prekur nga mbështetja e publikut, por theksoi se situata e tij nuk duhet keqinterpretuar:
    “Do të ishte mashtruese t’ju lija të mendonit se jam vërtet i pastrehë në kuptimin e përditshëm të fjalës.”
    Ajo që po përjeton, sipas tij, është një jetë në lëvizje të vazhdueshme, e diktuar nga mungesa e projekteve të qëndrueshme.

  • Më mirë që nuk i thamë njëri-tjetrit “të dua”, sepse disa fjalë kanë “afat skadence”

    Më mirë që nuk i thamë njëri-tjetrit “të dua”, sepse disa fjalë kanë “afat skadence”

    Nga Ahmed Khaled Tawfik

    Nuk të thashë kurrë që të dua, as ti nuk ma the kurrë. Por më mirë kështu! Disa fjalë skadojnë për shkak të përdorimit të tepërt, të tilla si fjala “atdhe”.

    Shumica e njerëzve që e citojnë fjalën “atdhe” janë ata që e shkatërrojnë pa pushim!

    (Marrë nga profili në Facebook i Elmaz Fidës )

    ObserverKult

    Lexo edhe:

    ËSHTË E BUKUR KUR NDIHMON NEVOJTARIN, PA TA KËRKUAR DHE JO PËR REKLAMË!

    Ka njerëz që japin pak nga e shumta që kanë, por edhe këtë e japin për hir të famës. Kjo dëshirë e tyre e fshehtë për famë ia humb vlerën bamirësisë së tyre.Ka të tjerë që kanë pak, por e japin të gjithën.Ka njerëz të cilët besojnë tek jeta dhe bujaria e jetës. Magazinat e këtyre njerëzve nuk boshatisen kurrë.Ka njerëz që japin me gëzim dhe me gëzim shpërblehen.Ka njerëz që japin me dhimbje dhe me dhimbje pagëzohen.

    Tekstin e plotë mund ta lexoni KËTU:

    ObserverKult

  • Korreshi: Ka ardhur dita që Ramës prangat t’i vihen në mes të këtij sheshi!

    Korreshi: Ka ardhur dita që Ramës prangat t’i vihen në mes të këtij sheshi!

    Korreshi: Ka ardhur dita që Ramës prangat t’i vihen në mes të këtij sheshi!
    Deputeti i PD, Sajmir Korreshi gjatë fjalë në Foltoren-Kuvendi i qytetarëve dhe deputetëve të opozitës para Kryeministrisë tha se, është dita për t’i dhënë dërmën kësaj qeverie e cila përditë vjedh xhepat e çdo shqiptari të ndershëm.
    Korreshi u bëri thirrje protestuesve të mbledhur para kryeministrisë të vijojnë të protestojnë deri në largimin e kësaj qeverie.
    “Jam mësuar të flas në parlament para hajdutëve. Sot kam emocion të veçantë para jush. Jemi mësuar ti shohim në sy e tit hemi: Ka ardhur dita që prangat t’i varen në mes të këtij sheshi po nga ju.
    Të dashur nëna që nuk keni më fëmijët tuaj që flini gjumë vetëm me fotot e tyre. Të dashur bujq që sot vuani dhe punoni si në mesjetë. Të dashur minatorë që jeni ngjitur në grevë dhe për pretendoni për statusin tuaj.
    Të dashur nxënës që gjeni ditë e përditë universitetet e mbyllura. Të dashur vëllezër dhe motra që eni nëpër spitale dhe nuk gjeni kura, të dashur njerëz dhe bashkëvuajtës që jeni sot te onkologjiku dhe merrni shërbimet mizerabël.
    Ka vetëm një fjalë, vetëm një fjalë dhe kjo është Rama ik. Rama ik me shpirtin. Rama me 40 hajdutë ishte një fjalë dhe e kemi thënë e stërthënë po bëhen 400, po bëhen 500 hajdutë. 5D dhe 6D, me diell dhe pa diell. Rama ik, po nga ai tunel që i korrupsionit që të ka mbytur brenda.
    Rama ik, Rama ik dhe s’do të lodhemi, do të themi përditë Rama ik, sepse nuk ka ngel gjë në Shqipëri pa vjedhur. Nuk mund të trajtohet buxheti i shtetit si me i pasur lekët e tyre në xhep. Si me i trajtuar sikur na hapin lëmoshë.
    Të nderuar vëllezër e motra, ju që nuk keni sot që trajtoheni me ndihmë ekonomike dhe nuk keni bukë me i shtru vakt fëmijëve tuaj. Është dita jonë. Është dita me i dhënë dërmën kësaj makutërie, këtyre hajdutëve ministra që ditë e përditë vjedhin e vjedhin xhepat e çdo shqiptari të ndershëm. Rama ik me gjithë taborë”, u shpreh Korreshi.

  • Fjalë që ndezin netët/ Mbrëmje poetike në nder të Ndre Mjedës në Kukël

    Fjalë që ndezin netët/ Mbrëmje poetike në nder të Ndre Mjedës në Kukël

    Në Qendrën Muzeale “Ndre Mjeda”, u zhvillua mbrëmja poetike “Fjalë që ndezin netët”, e mbushur me vargje, muzikë dhe referime në kuadër të “Ditëve të Mjedës”, aktivitetit të përvitshëm që nderon jetën dhe veprën e rilindasit të madh.

    Në këtë natë të veçantë, artdashësit u rikthyen pranë trashëgimisë së Mjedës, poetit që i dha gjuhës shqipe bukuri, rregull dhe një tingull të kristaltë poetik.

    Ngjarja mblodhi bashkë personalitete të kulturës, studiues, pedagogë, shkrimtarë, artistë dhe shumë të ftuar të tjerë, të cilët, përmes fjalëve përshëndetëse, interpretimit poetik, referimeve dhe muzikës, risollën Mjedën para publikut si një figurë që mbetet e afërt dhe e përjetshme, një zë i pastër që vazhdon të frymëzojë breza.

    Përgjegjësi i Qendrës Muzeore “Ndre Mjeda”, Dom Nikë Ukgjini, thekson se figura të tilla janë sinonim i atdhedashurisë dhe identitetit kombëtar, ndërsa Rektori i Universitetit të Shkodrës, Prof. Dr. Tonin Gjuraj, ndau lajmin për nisjen e një bashkëpunimi të ri me Akademinë e Jezuitëve në Krakov të Polonisë.  

    Në skenë u interpretua pjesa “Kuvend me Mjedën” nga Kol Kunora, duke i dhënë hapjen e duhur artistike mbrëmjes.

    Për krijimtarinë e Mjedës dhe aspekte të veçanta të veprës së tij referuan: Xhahid Bushati, Liridon Mulaj, Donika Dabishevci, Ismet Kallaba dhe Frano Kulli, ndërsa pjesa muzikore e mbrëmjes u pasurua me interpretimet e Savjana Vjerdhës, Rita Gjekës, Glerdit Turmetaj, Vladimir Dodas dhe Rozafa Shpuzës.

    Manifestimi i moderuar nga poetja Valbona Muaj Luka, u mbyll në një atmosferë të ngrohtë shoqëruar me verë dhe gështenja, duke e lënë pas një mbrëmje të paharrueshme kushtuar kujtimit dhe madhështisë së Ndre Mjedës.

    ObserverKult

  • Rënia e Ballukut/ Qyno: Ky është vetëm fillimi i procedimeve, do të ketë dhe dosje të tjera kundër zv.kryeministres

    Rënia e Ballukut/ Qyno: Ky është vetëm fillimi i procedimeve, do të ketë dhe dosje të tjera kundër zv.kryeministres

    Në emisionin “ÇIM PEKA LIVE” në Syri TV, gazetari Enton Qyno komentoi sot pezullimin nga detyra të Zëvendëskryeministres dhe Ministres së Infrastrukturës, Belinda Balluku, nga SPAK.

    Sipas Qynos, bëhet fjalë për një dosje që ai pretendon se është publikuar që 10 vjet më parë, dhe që tashmë po merr hov me zhvillimet e fundit. Ai tha se SPAK ka sjellë fakte të reja, që lidhen me tenderët për Tunelin e Llogarasë dhe segmentin e Unazës së Madhe (Loti 4), nga ish-uzina e autotraktorëve në Shkozë deri tek rrethrrotullimi i Freskut në Tiranë.

    “Në fakt është një dosje … është një çështje që bëhet fjalë pikërisht për tunelin e Llogarasë dhe … segmenti i Unazës së Madhe,” deklaroi Qyno.
    Ai shtoi që “sot fakti është i ri … nëse situata politike vazhdon e nxehtë, mos u çudisni që do të ketë edhe dosje të tjera kundër Ballukut.”

    Sipas Qynos, provat për shkelje të barazisë në tenderë janë “të qarta” dhe vijnë nga analiza e bisedave telefonike që, sipas tij, tregojnë se disa zyrtarë – përfshirë Evis Berberin, Valter Begajn dhe sekretaren e përgjithshme të Ministrisë së Infrastrukturës – kanë “përcaktuar fituesit e tenderëve”.

    Ai pohoi se Balluku është akuzuar vetëm për pabarazi në tendera, jo për korrupsion apo pasuri, megjithëse hetimi pasuror është në vijim.

    Ky koment vjen pas vendimit të Gjykatës së Posaçme (GJKKO), e cila sot vendosi pezullimin nga detyra për Ballukun, dhe ndalimin e daljes jashtë vendit, në kuadër të hetimit të SPAK për procedurat e prokurimit të dy projekteve të mëdha infrastrukturore.  

    Hetimet e SPAK-ut, sipas njoftimeve zyrtare, kanë identifikuar “veprime të kundraligjshme” gjatë prokurimeve publike, ku Balluku dyshohet se ka ndikuar në çdo fazë – nga faza paraprake, te vlerësimi i ofertave, e deri te nënshkrimi i kontratave.  

    Qyno:

    Në fakt është një dosje e cila ne e kemi publikuar qysh këtu e 10 vjet më përpara. Është një çështje që bëhet fjalë pikërisht për tunelin e Llogarasë dhe që sot faktikisht SPAK-u doli edhe me një fakt të ri, ku bëhet fjalë për shkeljen e pabarazisë së tenderave edhe përsa i përket ndërtimit të lotit të katërt që bëhet fjalë pikërisht segmenti i Unazës së Madhe nga zona e ish-uzinës së autotraktorëve në Shkozë deri tek rrethrrotullimi i Freskut në Tiranë.

    Kemi të bëjë me një fakt të ri dhe që padyshim që në ditët në vazhdim, nëse do të jetë situata politike akoma dhe më e zjarrtë se kjo dita e sotme, sigurisht që mos u çudisni që do të kemi dhe dosje të tjera kundër Belinda Ballukut. Kjo varet vetëm nga ligjshmëria e politikës, por varet edhe nga ligjshmëria tashmë edhe e SPAK-ut e cila, i cili, për hir të së vërtetës tashmë ka vënë një, një precedent të ri në aspektin juridik, por dhe në aspektin e figurave politike se sa lehtë janë ato të goditshme përsa i përket procedimeve penale. Dosja lidhet me çështjen e tunelit të Llogarasë dhe çështjen e, Unazës së Madhe. Lotit të katërt.

    Të dyja dosjet janë çështje të cilat SPAK ka ngritur akuzat shkeljes së pabarazisë në tenderave për shkak se nga telefonat e Evis Berberit, nga telefonat e Valter Begajt, por edhe nga telefonat e sekretares së përgjithshme të Ministrisë së Infrastrukturës dhe Energjitikës, janë konstatuar një sërë bisedash të cilat qartazi i përcaktonin fituesit e këtyre tenderave. ne po flasim për zyrtarë të cilët ishin të angazhuar dhe të ngarkuar për të vendosur përmes komisionit të vlerësimit të ofertave fituesit, ndërkohë që nga ana tjetër…

    Balluku akuzohet vetëm për, vetëm për pabarazinë e tenderave

    Nuk kemi ende akuza dhe procedime penale ëh, për korrupsion apo për hetim pasuror.Për hetim pasuror ka një hetim të hapur dhe unë jua kam thënë dhe në studion tuaj që bëhet fjalë për transferta në Zvicër, por që aktualisht zyrtarisht e vënë nën akuzë për ndjekje penale është pikërisht pjesa e pabarazisë në tenderave.

  • “I ligu kur të hipën mbi shpinë, nuk din me zbritë kurrë”, 20 fjalë të urta shqiptare

    “I ligu kur të hipën mbi shpinë, nuk din me zbritë kurrë”, 20 fjalë të urta shqiptare

    Shqiptarët kanë një opus të gjerë me fjalë të urta, që në mënyrë ironike, kryesisht, sjellin përvojën jetësore, mendime e gjykime për ngjarje, dukuri e çështje të ndryshme.

    Në vazhdim mund të lexoni disa fjalë të urta shqiptare që ObserverKult ka zgjedhur për ju:

    Trimi e ka me vete fatin. – VLORË

    2. Pushka e trimit dhe sofra e xhymertit, janë gjithmonë plot. -SHKODËR

    3. Supet e maleve dhe supet e shqiptarit nuk janë kërrusur kurrë. – JUG

    4. Dha pesë e hyri në valle, jep dhjetë e s’del dot. – BERAT

    5. Gozhda nxjerr gozhdën. – VLORË

    6. Kur dhelpra nuk arriti rrushtë, tha se janë të thartë. – JUG

    7. Gabimi falet njëherë, e jo përherë. – KOSOVË

    8. Gjuha ruhet atje ku shkruhet. – KORÇË

    9. Mendja me mendjen, pjellin mendje. JUG

    10. Së ligës ruaju, e mira të ndjek vetë nga pas. – SKRAPAR

    11. Më mirë nën hijes ne ferres sime, sesa nën hijen e fikut tonë. – KOSOVË

    12. Trimi që lëvdohet, nuk të vret. – KOSOVË

    13. Ha njëzet e nëntë kafshita me gjellë, s’thua gjë, të tridhjetën thatë dhe bën kiametin. – BERAT

    14. Dera e përtimit, caku i mjerimit. – LIBRAZHD

    15. Mbroje atdhenë si shqiponja folenë. – SHKODËR

    16. Nderi vjen e ikën, por turpi vjen e nuk ikën. – VLORË

    17. I mirë sa më s’ka, kur fle nuk ha. – JUG

    18. I ligu kur të hipën mbi shpinë, nuk din me zbritë kurrë. – TROPOJË

    19. Dora e huj të krun, po jo ku të kruhet. – KOSOVË

    20. Me mikun ha e pi, të dhënë e të marrë mos ki. – JUG

    E përgatiti: ObserverKult

    Lexo edhe:

    “KAFSHATA E MADHE TË MBETET NË FYT”, 25 FJALË TË URTA SHQIPTARE

  • “Ata vrasin edhe në mes të sheshit Skënderbej”, Hoxha tregon kartelin që vrau Glimando Danin: Prej tyre dridhet edhe…

    “Ata vrasin edhe në mes të sheshit Skënderbej”, Hoxha tregon kartelin që vrau Glimando Danin: Prej tyre dridhet edhe…

    Gazetari Artan Hoxha ka treguar detaje të reja nga vrasja e Gilmando Danit në Rinas. Ai u shpreh në një intervistë se bëhet fjalë për një skuadër pushkatimi, e cila sipas tij, u përfshi dhe te vrasja e Brilant Martinajt.
    Por sipas tij, bëhet fjalë për një aleancë mes disa grupeve, të cilët kanë krijuar një lloj karteli, duke i bërë ata të paprekshëm. Pra me pak fjalë, një lloj “familje mafioze”.
    “S’është një grup i vetëm, prandaj unë vazhdimisht këmbëngul për një aleancë. Pra kemi të bëjmë me një bashkim të disa grupeve kriminale, të cilat mbas rrëzimit ose mbas zhdukjes së, pra rrëmbimit, vrasjes dhe zhdukjes së kufomës së Ervis Martinajt, ka kaluar në, si të them, është epoka e saj, ata janë, vazhdojnë ta kenë nën kontroll situatën, pra ata janë sot për sot për mua në Shqipëri organizimi kriminal më i fuqishëm në vend, pra janë një organizatë nëse do ta quaja kështu, por në fakt nuk është një, dhe prandaj unë e quaj aleancë. Duket sikur ka nuancën e një karteli, por nuk është një kartel i mirëfilltë. Është një aleancë, e cila kontrollon territorin në mënyrë perfekte pa patur asnjë lloj frike, asnjë lloj, si të them, trembje nga, nga një reagim, nga agjencitë e zbatimit të ligjit. Për ata nuk ka rëndësi nëse është aeroporti i Rinasit, është sheshi Skënderbej, ja aty janë forca policore, janë forca speciale, për ata është një lloj”, tha ai.
    Sipas tij, prej tyre ka frikë edhe vetë policia. “Unë nuk besoj që policia nuk e ka haberin se kush janë këta. E di shumë mirë që ata e dinë. Por deri tani nuk kanë arritur dot t’i kapin, sepse thashë ata nuk janë të atashuar pranë një grupi të mirëfilltë. Ata në vetvete janë kthyer në një grup vetë, por që janë në dispozicion, ose që janë nën mbrojtje dhe nën, nën mbështetjen me informacion, me mjete logjistike”, tha ai.