Lajmidites.com

Tag: fituar

  • Guardiola: Herë të tjera kemi luajtur më mirë dhe nuk kemi fituar këtu

    Guardiola: Herë të tjera kemi luajtur më mirë dhe nuk kemi fituar këtu

    11 Dhjetor 2025

    8:49

    Alfred Lleshi

    Pep Guardiola analizoi fitoren e Manchester City ndaj Real Madridit duke vlerësuar shumë nivelin e kundërshtarit dhe vështirësinë e “Bernabéu”. “Deri te goli nuk e kontrollonim ndeshjen, nuk ishim agresivë. Rodrygo na dëmtoi shumë, por goli na zgjoi”, – tha ai, duke theksuar se për shumë lojtarë ishte përvoja e parë në këtë stadium. Guardiola u shpreh mirënjohës: “Kam përjetuar shumë beteja këtu. Shpesh kemi luajtur më mirë dhe nuk kemi fituar. Në fillim madrilenët ishin shumë më të mirë”.
    Ai kujtoi aftësinë e Real Madridit për t’i kthyer ndeshjet: “Në tre sekonda topi përfundon në zonën tënde. Këtu lindin përmbysjet”. Pep rrëfeu se City duhet të përmirësohet për t’i synuar gjysmëfinalet: “Në janar, shkurt e mars duhet nivel më i lartë, kaq nuk mjafton”.
    Ai vlerësoi lojtarët e rinj dhe ritmin e City këtë sezon: “Kemi 13 pikë, jemi më mirë se vjet. Kemi dëshirë dhe mund të rritemi”. Për paraqitjen e Realit tha: “Kishte shumë mungesa. Ishte më mirë se ne derisa gjetëm golin”. Për penalltinë u shpreh: “Ishte shumë e qartë, VAR e konfirmoi”.

  • 45′ e para: City “spektakël” në Bernabeu, Arsenal mjaftohet me “perlën” e Madueke. Mungon goli në Torino dhe “San Mames” (video)

    45′ e para: City “spektakël” në Bernabeu, Arsenal mjaftohet me “perlën” e Madueke. Mungon goli në Torino dhe “San Mames” (video)

    Kanë përfunduar pjesët e para në takimet e mbrëmjes në Champions League. Në “Bernabeu”, pjesa e parë mes Real Madridit dhe Man. City është mbyllur 1-2 për “Qytetarët”. Në minutën e tretë ka një kontakt në kufijtë e zonës së rreptësisë mes Matheus Nunes dhe Vinicius Junior, braziliani pengohet, arbitri drejton gishtin nga pika e bardhë e penalltisë. Vinicius Junior nis festën.
    Ndërhyn VAR, ka faull ndaj Vinicius Junior, por është jashtë zonës së rreptësisë. Goditje dënimi për madrilenët, gjuan Federico Valverde, por topi përplaset në murin e City-t dhe përfundon në goditje këndi. Në mintuën e 28-të, madrilenët kanë kaluar në avantazh me Rodrygo-n, braziliani shënoi pas asistit të marrë nga Jude Bellingham dhe një daljeje të bukur në krahun e djathtë të sulmit. City barazoi shifrat 1-1 në minutën e 35-të, pas një goditjes këndit, Josko Gvardiol godet me kokë, Thibaut Courtois nuk e kontrollon mirë topin dhe Nico O’Reilly që gjendej në kohën dhe vendin e duhur, e shtyn atë në rrjetë. Në minutën e 43-të, Manchester City gjen golin e dytë, Erling Haaland shënon nga penalltia, e fituar nga vetë norvegjezi pas një kontakti në zonë me Antonio Rudiger.
    Në Brugge, Arsenal është duke udhëhequr 0-1 ndaj Club Brugge, falë golit të bukur të Noni Madueke në minutën e 25-të, i cili pasi mori një top pak më tutje se mesi i fushës, dribloi dy nga kundërshtarët dhe me një goditje nga distanca, “shkundi” rrjetën.
    Në “BayArena”, Leverkusen është duke fituar 1-0 ndaj Newcastle, falë autogolit të Bruno Guimaraes, pas një goditje këndi ëpr gjermanët. Në “Signal Iduna Park”, Dortmund është duke barazuar 1-1 ndaj Bodo/Glimt. Julian Brandt shënoi për verdhezinjtë në minutën e 18-të, Aleesami barazoi për norvegjezët në minutën e 42-të.
    Benfica është duke fituar 1-0 ndaj Napolit, falë golit të Richard Rios. Mungoi goli në dy sfidat e tjera, Bilbao-PSG dhe Juventus-Pafos.
    SHIKOGOLATl

  • Elbasani fiton duelin e kreut me Vllazninë, Egnatia ngjitet e dyta, Dinamo e treta

    Elbasani fiton duelin e kreut me Vllazninë, Egnatia ngjitet e dyta, Dinamo e treta

    Adriatik BALLA
    Java e 15-të e Kategorisë Superiore, quajtur edhe “Abissnet Superiore”, mbylli dje ndeshjet e saj, ku pati rezultate interesante por edhe të papritura të shumta. Në tërësi fituan skuadrat e mëdha dhe të kreut, duke dominuar skenën futbollistike në garë por njëherësh pati edhe derbi që i dhanë Partizanit të drejtën të ikë nga fundi e të afrohet me grupin e “Final Four”, pasi të dielën të kuqtë mposhtën rivalen e tyre historike, Tiranën, me rezultatin 2-0. Ndërkohë, dje u luajtën tre ndeshje, ku e para në radhë ishte ajo mes Egnatias dhe Vorës, fituar nga rrogozhinasit 2-0 dhe që me trepikëshin e djeshëm arrijnë të forcojnë pozitat e tyre në grupin kryesues. Ndeshje mjaft e vështirë dje ishte ajo mes Elbasanit dhe Vllaznisë, që ishte një përplasje mes dy kryesuesve të garës. Në fakt, Vllaznia u penalizua që në fillim të lojës së djeshme, pasi Gjini me dy kartonë të verdhë në pak minuta u detyrua të lëshonte fushën e lojës me karton të kuq, duke e lënë Vllazninë me 10 vetë në fushë. Të gjendur në epërsi numerike, elbasanasit e patën më të lehtë në këtë ndeshje. Pjesa e parë, në fakt, u mbyll me rrjeta të paprekura 0-0. Por me fillimin e pjesës së dytë Elbasani gjeti golin me anë të Blaise Tsague. Ky rezultat nuk ndryshoi deri në fund dhe elbasanasit morën një trepikësh me shumë vlera për vazhdimësinë e garës, pasi mundën një rival direkt për kreun dhe tani kryesojnë të vetëm me 29 pikë, ndjekur nga Egnatia me 28, e më pas Dinamo me 26 pikë. Vllaznia zbret në vend të katërt me 25 pikë.
    Dinamo, “nëndetësja” mposht Flamurtarin
    Dinamo e bëri si duhet detyrën dje në Vlorë përballë Flamurtarit, duke fituar dhe duke marrë tri pikë të çmuara në garën për titull. Ishte Vila që shënoi golin e parë në minutën e 29-të, pothuajse në aksionin e parë sulmues serioz që bënë dinamovitët në portën vlonjate. Pjesa e parë do të mbyllej 1-0 për kryeqytetasit, kurse në pjesën e dytë, kur duhej të reagonte Flamurtari, ndodhi e kundërta. Kështu, Dinamo e kontrolloi lojën dhe arriti madje të shënonte edhe golin e sigurisë, me anë të Qefalijës në minutën e 78-të. Por “nëndetësja” doli përfundimisht mbi “ujë” në minutën e 87-të, kur Xhejms shënoi golin e tretë, duke vulosur fitoren e thellë të Dinamos dhe ngjitjen e saj në vend të tretë, me 26 pikë, duke qenë kështu në pozita të pretendojë titullin.
    Egnatia nuk fal, mposht Vorën dhe vijon rivalitetin për kreun
    Ndërkohë që dueli Elbasani-Vllaznia shihej dje si përplasje për kryesimin, duket se kjo gjë favorizoi një tjetër skuadër rivale për titullin, Egnatia, e cila e bëri si duhet detyrën e saj përballë Vorës, duke marrë tri pikë të vyera në rrugëtimin ambicioz të saj në këtë edicion futbollistik në Kategorinë Superiore. Kampionët në fuqi kanë fituar tani edhe përvojë dhe kanë një grup të mirë që dinë të marrin rezultatin e duhur në kohën e duhur. Kështu, Egnatia rikthehet te fitorja në kampionat, teksa mposhti Vorën me rezultatin 2-0, në duelin që rrogozhinasit e patën nën kontroll, thuajse gjatë gjithë sfidës. Për golin e avantazhit do të mendonte Albaneze, në minutën e 51-të, i cili u tregua i saktë nga pika e bardhë e penalltisë së fituar nga Buriç. Goli i qetësisë do të vinte nga Ndreca në minutën e 68-të. Ky ishte triumfi i tetë në 15 javë për Egnatian, që ka arritur të sigurojë 28 pikë.

  • Tirana – Partizani derbi i shumë problemeve, nis futja e tifozëve në stadiumin ‘Air Albania’

    Tirana – Partizani derbi i shumë problemeve, nis futja e tifozëve në stadiumin ‘Air Albania’

    Raundi i 15-të në Superligën e futbollit shqiptar ka rezervuar derbin Tirana – Partizani, i cili merr jetë sot në ‘Air Albania’ duke nisur nga ora 18:00. Forma e dy skuadrave nuk është ajo e një përballje kalibri si kjo, çka mund të ketë detyruar tifozët t’i qëndrojnë larg shkallëve të stadiumit.
    Nuk priten më shumë se 4 mijë tifozë sot në impiant, duke e bërë duelin e sotëm ndeshjen më pak të ndjekur mes tyre në histori. Një orë para sfidës ka nisur edhe futja e tifozëve në stadium.
    Pas 14 ndeshjeve të luajtura, Tirana me vetëm 7 pikë mban vendin e fundit në renditje dhe fitoren e vetme të sezonit e ka pikërisht kundër Partizanit në derbin e fazës së parë. Partizani nga ana tjetër me 17 pikë mban pozitën e gjashtë, me nëntë pikë më pak se kryesuesit e AF Elbasanit.
    Ndeshja e 210-të në histori
    Dueli i sotëm do të jetë përballja e 210-të në historinë mes tyre, në të gjitha kompeticionet. Në bilancin e përgjithshëm, të kuqtë e Partizanit numërojnë 82 fitore, 65 barazime dhe 62 fitore janë për bardheblutë.
    Kjo epërsi vjen kryesisht nga rezultatet e arritura në kampionat, në të cilin Partizani në 179 ndeshje ka arritur 73 fitore, 57 janë barazime, ndërsa 49 janë fitoret e Tiranës.
    Në ndeshjet për Kupën e Shqipërisë, bilanci është më pozitiv për bardheblutë që në 29 ndeshje kanë fituar 13, barazuar 8 dhe 8 ndeshje janë fituar nga të kuqtë.
    Gjithashtu të dyja klubet kanë luajtur edhe një ndeshje finale në Superkupën e Shqipërisë më 17 gushtin e 2004, të fituar nga Partizani me rezultatin 2-0.
    Dy ndeshjet e fundit janë fituar nga Tirana, të dyja me rezultatin e njëjtë 3-0.

  • Bylisi është “kockë e fortë”! Teuta nuk del dot me tre pikë, vendosin dy gabime

    Bylisi është “kockë e fortë”! Teuta nuk del dot me tre pikë, vendosin dy gabime

    Bylisi është një “kockë e fortë” në një kampionat të Superiroes ku të gjithë janë të etur për tre pikë, mes objektivave të larta për të kapur Final Four. Ndryshe nga e kaluara kur vendet e fundit të jepnin sadopak qetësi për të fituar, këtë herë ka tjetër situatë.
    Bylis nuk është një kafshat e lehtë për t’u përtypur dhe në javën e fundit Partizani vuajti deri në sekondën e fundit për të fituar. Ndërkohë sot ndeshja me Teutën u ndal në barazimin 1-1. Boci shënoi në minutën e 75 pas një gabimi të Brunos te durrsakët dhe vetëm gjashtë minuta më vonë, pas gabimit të lojtarëve të Teutës, Mustafa barazoi ndeshjen. /Sport Ekspres/

  • Xhaka dhe Sunderland i tij nuk i rezistojnë dot Man. City-t. Tottenham “ok”, Broja titullar. Chelsea e mbyll pa gola (video)

    Xhaka dhe Sunderland i tij nuk i rezistojnë dot Man. City-t. Tottenham “ok”, Broja titullar. Chelsea e mbyll pa gola (video)

    6 Dhjetor 2025

    16:50

    Telesport

    Kanë përfunduar pjesët e para në takimet e javës së 15-të në Premier League. Në “Etihad”, Manchester City është duke fituar 2-0 ndaj Sunderland të Granit Xhakës. Ruben Dias zhbllokoi shifrat në minutën e 31-të me një gol spektakolar nga distanca. Goditja fuqishme e qendërmbrojtësit portugez përfundon në rrjetë. Në minutën e 35-të, Josko Gvardiol shënon me kokë pas krosimit të Phil Foden nga goditja e këndit.
    Në “St. James’ Park”, Newcastle po fiton 2-0 ndaj Burnley. Për “Qymyrxhinjtë” shënoi Bruno Guimaraes direkt nga goditja e këndit në minutën e 30-të. Antony Gordon dyfishoi shifrat në fund të pjesës së parë nga pika e bardhë e penalltisë. Armando Broja titullar për Burnley. Miqtë janë me një lojtar më pak, Lucas Pires u ndëshkua direkt më karton të kuq për faullin ndaj Elanga.
    Tottenham është duke fituar 2-0 ndaj Brentford. Vendasit gjetën avantazhin në minutën e 25-të me golin e Richarlison pas asistit të Xavi Simons. Në fund të pjesës së parë ishte Xavi Simons që dyfishoi shifrat. Everton është duke fituar në shtëpi 2-0 ndaj Nottingham Forest, autogol i Milenkovic dhe goli i Thierro Barry në fund të pjesës së parë.. Në ndeshjen tjetër, Bournemouth-Chelsea, mungoi goli në pjesën e parë.
    SHIKOGOLAT

  • Danilo, një rast unik në futboll. Dy Champions, dy Libertadores dhe dy gola në finale

    Danilo, një rast unik në futboll. Dy Champions, dy Libertadores dhe dy gola në finale

    6 Dhjetor 2025

    9:19

    Alfred Lleshi

    Danilo Luiz da Silva është shndërruar në një rast unik në botën e futbollit. Ish-lojtari i Real Madridit dhe Juventusit u bë vendimtar me golin e fitores kundër Palmeiras (1-0), duke i dhënë Flamengos të katërtën “Coppa Libertadores”. Kjo është Libertadores e dytë për të, pasi e fitoi edhe në vitin 2011 me Santos, ku shënoi në finalen (2-1) ndaj Peñarol, së bashku me Neymar.
    Mbrojtësi, sot i spostuar në qendër të prapavijës, ka fituar gjithashtu dy Champions League me Real Madridin (2016, 2017), duke krijuar një “palmares” të paprecedentë. I zgjedhur MVP i finales, Danilo tha: “Do t’i thoja Danilos së vogël të guxojë të ëndërrojë. Nëse ëndërron, mund ta arrish aty ku synon”. Ai shkëlqeu me 6 ndërhyrje të sakta, 98% saktësi pasimesh dhe tri goditje të bllokuara.
    Danilo ia dedikoi triumfin babait të tij, tifoz i Flamengos, i cili po udhëtonte drejt Limës, por u detyrua të kthehej pas një humbjeje familjare. Ai zbuloi gjithashtu se refuzoi oferta të rëndësishme në janar: “Nuk mendova për paratë, por ëndrrën time për të fituar me Flamengon”.

  • Kroos, i bindur: Real Madridi i ka lojtarët e duhur për të fituar gjithçka

    Kroos, i bindur: Real Madridi i ka lojtarët e duhur për të fituar gjithçka

    6 Dhjetor 2025

    9:08

    Alfred Lleshi

    Toni Kroos u shfaq sërish publikisht një javë pasi mori “Kryqin e Kalorësit të Urdhrit të Meritës” të Gjermanisë. Në akademinë e tij në Boadilla, ku prezantoi një aleancë të re me “Allianz”, ai u pyet për krahasimet e vazhdueshme me mesfushën e dikurshme të Real Madridit. Kroos ishte i qartë: “Nuk ndihmon të flasim gjithmonë për ata që ishin më parë… Nuk kam nevojë të më thonë se më mungojnë”.
    Pra, sipas tij fokusi duhet të jetë tek ekipi aktual. Ai kujtoi se u largua “me buzëqeshje dhe me një titull të mirë”, duke shtuar se Real Madridit i duhet të fitojë me lojtarët që ka tani: “Duhet të gjejë mënyrën me lloje të tjerë lojtarësh”. Për partneritetin legjendar me Casemiron dhe Modric, tha: “Janë dy gjenerata të ndryshme…, është një mënyrë tjetër loje, jo më e mirë apo më e keqe”.
    Për Vinicius u shpreh: “Ka qenë kënaqësi ta shoh si është zhvilluar… Ndonjëherë del nga shinat, por si person është i mrekullueshëm. Ka presion të madh nga rivalët dhe tifozët kundërshtarë. Nuk shoh nervozizëm te Real Madridi, besoj se ka lojtarët e duhur për të fituar gjithçka”.
    Si trajner i fëmijëve, Kroos theksoi se më e rëndësishme është liria e tyre: “Fëmijët luajnë më mirë kur janë të çliruar, pa frikë nga gabimet”. Ai nuk mendon të bëjë trajnerin profesionist: “Ndihem i lumtur aty ku jam”.

  • Bebeto kujton triumfin në “SHBA ’94”: Fanella e Brazilit ishte si lëkurë e dytë për mua

    Bebeto kujton triumfin në “SHBA ’94”: Fanella e Brazilit ishte si lëkurë e dytë për mua

    5 Dhjetor 2025

    13:35

    Alfred Lleshi

    Bebeto rikthen kujtimet e Botërorit 1994, të fituar kundër Italisë në SHBA: “Kam shumë kujtime. Që kur mbërritëm ishim të gjithë shumë të përqendruar, donim të hynim në historinë e futbollit”. Ai e cilëson atë turne si mundësinë e artë: “Brazili nuk fitonte prej më shumë se 24 vitesh. Organizimi ishte fantastik.
    Vetëm oraret ishin të vështira, luanim në mesditë dhe nxehtësia ishte e madhe. Por dëshira jonë për të fituar ishte aq e fortë sa do të kapërcenim çdo gjë, çdo pengesë. Të gjithë kishim të njëjtin mentalitet, të njëjtin objektiv. Kur ndodh kjo, asgjë s’të ndal. Ishim gati, mendërisht dhe fizikisht, për ta fituar Kupën e Botës”.
    Ai rrëfen edhe ëndrrën e fëmijërisë: “Të vishja fanellën e Brazilit ishte si lëkurë e dytë. Të luaja për vendin tim dhe të bëhesha kampion bote…, e kuptoni sa e madhe është? Nuk ka shumë kampionë bote, ndoshta 400 apo 500. Është jashtëzakonisht e vështirë ta fitosh një Botëror pa vendosmëri dhe përqendrim të plotë”.

  • Simeone “shenjtëron” Raphinha: Nuk e di si nuk e ka fituar “Topin e Artë”

    Simeone “shenjtëron” Raphinha: Nuk e di si nuk e ka fituar “Topin e Artë”

    Gjatë konferencës për shtyp pas ndeshjes, trajneri i Atletico Madridit, Diego Simeone, vlerësoi sulmuesin e Barcelonës, Raphinha: “Raphinha luan çdo ndeshje. Shënon, bën presion…, nuk e di si nuk e ka fituar ‘Topin e Artë’.
    Dëmtimi i Cardoso na detyroi ta ndryshonim pak formacionin. Kishim pritshmëri të mëdha për Johny, por ai pësoi atë dëmtim që e largoi nga loja. Nga Julián Alvarez presim gjithmonë më shumë. Ai është një lojtar që ndryshon fatet e ndeshjes, është lojtari më i rëndësishëm i ekipit tonë.
    Jam i sigurt se do të shfaqet i plotë në ndeshjen e ardhshme. Në përgjithësi skuadra luajti mirë, ndihem shumë i qetë dhe i kënaqur. Humbëm kundër një kundërshtari të madh, këto gjëra të ndihmojnë të përmirësohesh.
    Tani na pret një ndeshje tjetër e vështirë në Bilbao. Barrios është lojtar ndryshe; i ri, energjik, teknik, me rikuperim të mirë dhe qarkullim topi. Duhet të kujdesemi për të, sepse është një nga lojtarët më të rëndësishëm të mesfushës”.