Tag: fiton

Në shumicën e rasteve, shpejtësia në punë shihet si sinonim i efikasitetit.Por kërkimet e fundit po e rrëzojnë këtë mit: puna me nxitim nuk është domosdoshmërisht më produktive.Përkundrazi, ngadalësimi mund të rrisë rezultatet dhe mirëqenien, duke treguar se “breshka” e fiton garën ndaj “lepurit”.Kultura e punës që mbështet lodhjen dhe oraret ekstreme, si “9-9-6” (nga ora 9 e mëngjesit deri në 9 të mbrëmjes, 6 ditë në javë), po shtrihet edhe në SHBA, veçanërisht në startup-et e inteligjencës artificiale që përpiqen të “fitojnë garën” me rivalët kinezë.Por studimet tregojnë se ky model 72-orësh jo vetëm që nuk rrit produktivitetin, por ndikon negativisht në performancë dhe shëndet.Një analizë e publikuar në Harvard Business Review thekson paradoksin: kompanitë që punojnë më ngadalë, me qëllim për të reflektuar dhe koordinuar veprimet, në vend që të nxitojnë, arrijnë rezultate më të mira.Në një studim me 343 biznese, ato që ulën ritmin e punës patën 40% më shumë shitje dhe 52% fitime më të larta operative në tre vjet, krahasuar me ato që nxitonin për të fituar terren.Puna me ritëm të qëndrueshëm sjell përfitimeEkspertët theksojnë se ritmi i punës duhet të jetë i qëndrueshëm.Puna e ngadaltë lejon mendim cilësor, rikuperim dhe ndihmon në ruajtjen e ekuilibrit midis objektivave profesionale dhe ritmeve personale.Përndryshe, përqendrimi vetëm te shpejtësia çon në gabime, tension dhe ulje të cilësisë.Kompanitë me “shpejtësi strategjike” vënë theksin te bashkëpunimi dhe reflektimi, ndërsa ato që veprojnë me nxitim humbin perspektivën dhe krijojnë mjedise toksike.Shpejtësia e pandalshme sjell gabime, aksidente dhe burnout profesional, një “qark të shkurtër” që në vitin 2025 po prek 66% të fuqisë punëtore, duke shkaktuar probleme shëndetësore si diabeti i tipit 2 dhe lodhje kronike.“Breshka” që fiton garënShumëkush e barazon shpejtësinë me suksesin, por “breshka” fiton gjithmonë. Punonjësit që punojnë me ritëm të qetë janë më të shëndetshëm, më optimistë dhe kanë karriera më jetëgjata.Ndërsa “lepujt”, që ndjekin çdo sekondë, vuajnë nga ankthi i kohës, humbasin balancën dhe përfundojnë në lodhje të plotë.Studimet tregojnë se shumë punonjës sot e përdorin kohën e lirë për t’u rikuperuar nga puna, jo për të jetuar.60% e të anketuarve në një studim të “Headway App” pohuan se ndihen të lodhur dhe pa energji; një në katër tha se nuk ka më as personalitet jashtë punës.Si të ngadalësoni punën për të ecur më shpejtKa disa hapa praktikë për të përmirësuar ekuilibrin dhe produktivitetin:Menaxhoni kohën, mos e lejoni t’ju menaxhojë ajo. Mos hani në këmbë ose në lëvizje.Lini hapësira midis takimeve, thoni jo kur jeni të mbingarkuar.Pranoni kufijtë tuaj si shenjë force, jo dobësie.Merrni frymë e bëni pushime të shkurtra për t’u qetësuar dhe rimbushur me energji.Mos dëgjoni zërin kritik të brendshëm që kërkon gjithnjë më shumë shpejtësi./ Forbes, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.