Tag: fitojnë

Papa Françesku kishte refuzuar të merrte rrogën e tij dhe para se të vdiste dhuroi 200 mijë euro për të burgosurit e burgut romak të Regina Coeli.
Me këtë donacion, Papa Françesku kujtoi edhe një herë se si puna e tij është shënuar nga maturia. Paratë u morën nga llogaria e tij personale, por gjesti i fundit i tij ngriti një pyetje: Sa fiton vërtet Papa? Dhe sa fitojnë kardinalët?
Papa nuk ka një pagë fikse. Që nga viti 2013, Papa Françesku kishte hequr dorë nga çdo kompensim personal, duke vendosur në praktikë varfërinë dhe thjeshtësinë që kishte përqafuar duke zgjedhur emrin e Poverello-s së Asizit.
Sipas disa burimeve, atij i takonte një pagë simbolike (e barabartë me atë që merrte Benedikti XVI) rreth 2500 euro në muaj, por nuk e kishte marrë kurrë. Të gjitha shpenzimet e tij (ushqimi, akomodimi, transporti, kujdesi shëndetësor, siguria) mbuloheshin tërësisht nga Selia e Shenjtë. Françesku më pas zgjodhi të jetonte në Domus Sanctae Marthae, në vend të banesës papale, si një zgjedhje tjetër përulësie.
Përveç pagës dhe banesës së tij, çdo pontifik teorikisht ka akses në Peter’s Pence, një fond i Vatikanit i ushqyer nga donacionet e besimtarëve dhe synon të financojë nismat bamirëse dhe misionare të Kishës.
Deri në vitin 2021, kardinalët e Kurisë Romake merrnin një pagë mujore nga 4000 deri në 5500 euro. Por me dekretin e shkurtimeve të marsit 2021, i kërkuar nga Papa Françesku në përgjigje të krizës ekonomike pandemike, u aplikua një shkurtim prej 10%, që më pas u pasua nga reduktime të mëtejshme të shtesave. Sot paga mesatare për një Kardinal është rreth 5 mijë  euro në muaj.
Ndërkohë, Peshkopët marrin rreth 3,000 euro në muaj, ndërsa priftërinjtë kanë një pagë mesatare prej rreth 1,200 euro. Së fundi, fretërit dhe murgeshat nuk marrin të ardhura reale nëse nuk mbajnë role me përgjegjësi specifike.