Lajmidites.com

Tag: filma

  • “P*nisi yt është i çuditshëm”, në Tring shfaqen filma +18 pa paralajmërim, regjisori: Babai del nudo para vajzës së mitur

    “P*nisi yt është i çuditshëm”, në Tring shfaqen filma +18 pa paralajmërim, regjisori: Babai del nudo para vajzës së mitur

    FILMI me permbajtje te papershtatshme ne tring

    TIRANË- Regjisori Kastriot Çipi ka denoncuar transmetimin e filmave në platformën Tring, pa kaluar më parë në një filtër për përmbajtjen e tyre, apo mesazhet që transmetohen. Në një postim të bërë në rrjetet sociale Çipi shkruan se në kanalin “Life”, të platformës Tring, ku supozohet që të transmetohen filma që mund të shihen me të gjithë familjen, ka skena të papërshtatshme. Sipas tij, kur kanë kaluar vetëm 5 minuta nga nisja e filmit “Grua e pabesë”, përballesh me një skenë ku babai shfaqet nudo përpara vajzës së tij të mitur, ndërkohë që në përshkrimin e filmit, nuk ka asnjë kufizim moshe.
    Postimi i Çipit
    Në platformën Tring, kanali Life (Jeta) supozohet të përmbajë filma, që mund të shihen me familjen.
    Të dhënat e filmit “Grua e pabesë” nuk sugjerojnë asnjë lloj paralajmërimi për prindërit.
    Pas 5 minutash, ti përballesh me një skenë, ku babai është nudo para vajzës së tij të mitur dhe ajo bën komentin që lexohet në foto.
    E kuptoni tani pse duhet një institucion i fortë, i zgjedhur me votë nga prindërit, që klasifikon filmat dhe programet televizive në këtë vend?
    PS: Personazhi i babait në film, me profesion është shkrimtar. Shkruan libra për fëmijë. Merreni me mend çfarë lloj librash shkruan një baba, që rri nudo para vajzës së vet 10 vjeçare…

    SKENA NGA FILMI

    Përshkrimi që filmi ka në platformën Tring
    Një grua e pabesë
    Dramë; Jeff Bridges, Kim Basinger, Jon Foster; Një film sa tragjik, aq edhe komik, i përshtatur në bazë të romanit me titullin “The door in the floor”. Ngjarjet zhvillohen në Ist Hempton, në Nju Jork. Në qendër të tyre është jeta e autorit të librave për fëmijë, Ted Kole dhe gruas së tij të bukur, Marlonës.
    /ZËRI 

  • Skenë si në filma, 26-vjeçari i përplas makinën policisë dhe largohet

    Skenë si në filma, 26-vjeçari i përplas makinën policisë dhe largohet

    Një skenë si nëpër filma është regjistruar në  fshatin Fushë Kuqe të Lezhës.
    Një 26-vjeçar nuk i është bindur urdhrit të policisë për të ndaluar makinën që ai drejtonte, por është larguar.
    Gjatë largimit, 26-vjeçari përplasi automjetin e Policisë që u dëmtua pjesërisht.

    “Shërbimet e Komisariatit të Policisë Kurbin shpallën në kërkim shtetasin K. V., 26 vjeç, banues në fshatin Fushë Kuqe, pasi nuk i është bindur urdhrit të punonjësve të Policisë, për të ndaluar automjetin që drejtonte, por ka vijuar lëvizjen. Gjatë largimit, automjeti përplasi automjetin e Policisë që u dëmtua pjesërisht. Punohet për kapjen e 26-vjeçarit”, njofton policia.
    Materialet procedurale iu referuan Prokurorisë së Lezhës, për veprime të mëtejshme./vizionplus.tv

  • Grabitje si në filma, sulmohet autoblindi në mes të autostradës, vidhen dy milionë euro

    Grabitje si në filma, sulmohet autoblindi në mes të autostradës, vidhen dy milionë euro

    Një grabitje si në filma është regjistruar në Reggio Calabria të Italisë. Një autoblindë që transportonte para u grabit brenda një tuneli midis kryqëzimeve Scilla dhe Bagnara, në drejtim të veriut.
    Ansa raporton se gjatë grabitjes, banditët qëlluan disa herë, por nuk pati të lënduar. Po ashtu për të kryer grabitjen, grabitësit bllokuan trafikun duke vendosur dy makina të djegura përgjatë rrugës.
    Sipas vlerësimeve fillestare, këtë mëngjes në provincën e Reggio Calabria-s, përgjatë autostradës, ku është përfshirë një automjet i blinduar në pronësi të Sicurtransport, vlerësohet të jenë grabitur afërsisht dy milionë euro.

  • 19 filma ikonë të ish-Kinostudios “Shqipëria e Re” të restauruara në 4K (video)

    19 filma ikonë të ish-Kinostudios “Shqipëria e Re” të restauruara në 4K (video)

    Arkivi Qendror Shtetëror i Filmit (AQSHF) ka restauruar deri tani 19 filma të ish-Kinostudios “Shqipëria e Re”.

    Kryeministri i Shqipërisë, Edi Rama, ndau në rrjetet sociale një video me pjesë të filmave të restauruar, teksa shkruan se “19 filma ikonë të ish-Kinostudios “Shqipëria e Re”, me figurë, zë dhe ngjyra të rikthyera mjeshtërisht në 4K nga Arkivi Qendror Shtetëror i Filmit, që së shpejti do të shfaqen ekskluzivisht në ekranin e RTSH”.

    Arkivi Qendror Shtetëror i Filmit nisi punë me restaurimin veprave filmike në vitin 2012 në bashkëpunim edhe me studiot e huaja. Filmat që janë restauruar deri tani janë prodhime kinematografike para viteve ’90.

    Filmat “Ngadhënjim mbi vdekjen”, “Kthimi i ushtrisë së vdekur”, “Lulëkuqe mbi mure”, “Përrallë nga e kaluara”, “Liri a vdekje”, “Nëntori i dytë”, “Kapedani” etj. janë disa nga produksionet e restauruara në 4K.

    Këto produksione kanë kaluar në një proces të mirëfilltë digjitalizimi si në video ashtu edhe në audio për të qenë një pasuri e veçantë në fondin e kinematografisë shqiptare.

    ObserverKult

    Lexo edhe:

    53 VJET NGA KONGRESI I DREJTSHKRIMIT TË GJUHËS SHQIPE

  • Rama: 19 filma ikonë të ish-Kinostudios do të shfaqen së shpejti në 4K

    Rama: 19 filma ikonë të ish-Kinostudios do të shfaqen së shpejti në 4K

    Kryeministri Edi Rama thotë se 19 filma ikonë të ish-Kinostudios “Shqipëria e Re”, me figurë, zë dhe ngjyra janë restauruar në 4K.
    Përmes një postimi në Facebooko, Rama shprehet se filmat, së shpejti do të shfaqen ekskluzivisht në ekranin e RTSH.
    “Mirëmëngjes dhe me kryeveprat e restauruara të kinemasë shqiptare, 19 filma ikonë të ish-Kinostudios “Shqipëria e Re”, me figurë, zë dhe ngjyra të rikthyera mjeshtërisht në 4K nga Arkivi Qendror Shtetëror i Filmit, që së shpejti do të shfaqen ekskluzivisht në ekranin e RTSH, ju uroj një ditë të mbarë”, shkruan Rama.

  • Filma të shkurtë nga Gjilani vijnë në Kino Armata

    Filma të shkurtë nga Gjilani vijnë në Kino Armata

    Programi i filmave të shkurtë të Kino Armatës nis me dy filma nga Gjilani: “Sinkopa” nga Drilon Kurti, dhe “Dogme 666” nga Donart Zymberi, më 19 nëntor nga ora 19:00.

    “Sinkopa”

    Një grua që kthehet në shtëpi, në rutinën e saj të përditshme dhe jetën e vetmuar, fillon të humbasë në ëndrra me sy hapur. Përmes imazheve rrjedhëse dhe një estetike filmash shtëpiakë, frikërat e saj të brendshme shfaqen në ekran.

    Regjisori i filmit, Drilon Kurti ka lindur në Prishtinë, Kosovë (1999) dhe rritur në Bresalc të Gjilanit.

    “Dogme 666”

    Një vrasës serial dhe një regjisor punojnë së bashku në një film, derisa problemet dalin në shesh gjatë xhirimit dhe idetë e ndryshme shkaktojnë konflikt midis të dyve.

    Regjisori i këtij filmi, Donart Zymberi ka lindur në vitin 2000 në Gjilan, Kosovë. Ai ka realizuar filmat “A Manual for Breaking Up”, “What is Cinema?” dhe filmin e tij më të fundit “Dogme 666”.

    ObserverKult

    Lexo edhe:

    SONTE NË PRISHTINË, OPERA DHE FILARMONIA E KOSOVËS ME KONCERT PREMIERË

  • Goli i 1000-të në finale Botërori? CR7 i përgjigjet pyetjes provokuese të gazetarit: “Paske parë shumë filma…”

    Goli i 1000-të në finale Botërori? CR7 i përgjigjet pyetjes provokuese të gazetarit: “Paske parë shumë filma…”

    13 Nëntor 2025

    10:33

    Alfred Lleshi

    Cristiano Ronaldo do të luajë në “Aviva Stadium” të Dublinit në ndeshjen kualifikuese për Botërorin 2026 kundër Irlandës. Gjatë konferencës për shtyp, CR7 tregoi se shpreson të fishkëllehet nga tifozët vendas: “Kështu do ta largojnë presionin ndaj lojtarëve të tjerë”.
    Ai vlerësoi gjithashtu atmosferën e tifozëve irlandezë: “E vlerësoj shumë qëndrimin e tyre. Është privilegj të luash në Irlandë. E dimë që do të jetë një ndeshje e vështirë dhe jo vendimtare për kualifikimin, por na mungon edhe pak për të shkuar në Botëror”.
    Ronaldo vazhdon të ndjekë synimin e tij historik prej 1000 golash në karrierë, një objektiv që mund të realizohet edhe në Botëror. Një gazetari i sugjeroi mundësinë e golit të 1000-të në finale, teksa CR7 ia ktheu me shaka: “Paske parë shumë filma…, do të ishte diçka perfekte. Nëse ndodh kështu, do ta mbyll karrierën me një moment të paharrueshëm”.

  • FOTO/ Ndjekje si në filma, shqiptarët aksidentohen duke iu arratisur policisë

    FOTO/ Ndjekje si në filma, shqiptarët aksidentohen duke iu arratisur policisë

    Një ndjekje me makinë u regjistrua të hënën në mbrëmje në Zvicër.

    Një makinë ku po udhëtonin dy persona tentoi që të shmangë një kontroll policor.

    Makina po udhëtonte drejt Bernës. Policët vunë re se shoferi po e drejtonte mjetin në mënyrë të çrregullt. Pasi i bënë thirrje për të ndaluar, drejtuesi i mjetit i dha gaz dhe u largua.

    Mediat zvicerane shkruajnë se pas një ndjekje si në filma, makina u përplas me mbrojtëset anësore të rrugës në një dalje nga autostrada.

    Dy persona përfunduan në prangat e policisë. Bëhet fjalë për dy shqiptarë, 28 dhe 33 vjeç. Njër prej tyre u dërgua me urgjencë në spital pasi ishte plagosur.

    Arsyeja e arratisjes së tyre mendohet se është fakti se ishin nën ndikimin e alkoolit ose drogës. Policia dhe prokuroria kanë nisur hetimet.

  • Ndahet nga jeta aktorja ikonike, Diane Keaton

    Ndahet nga jeta aktorja ikonike, Diane Keaton

    Diane Keaton ka ndërruar jetë në moshën 79-vjeçare. Ajo luajti në më shumë se shtatëdhjetë filma, drejtoi dy filma artistikë dhe një seri filmash televizivë, por për të gjithë Diane Keaton, e cila ndërroi jetë dje në Kaliforni në moshën 79 vjeç, do të mbetet gjithmonë Annie Hall, e cila e kryqëzoi jetën e Woody Allen (kinematografike dhe reale) në Annie Hall.

    Dhe jo vetëm sepse fitoi çmimin e saj të vetëm Oscar për atë rol, por edhe sepse ishte në gjendje të portretizonte një personazh të papërmbajtshëm së bashku me prototipin, të ngulitur në kujtesën e të gjithëve, të njujorkezes së emancipuar, por paksa neurotike të viteve 1970, kur idetë anti-establishment të dekadës së mëparshme ishin zbehur, por fryma e një “rebelimi” që përziente lirinë seksuale me psikoanalizën, pavarësinë dhe ironinë mbeti, e çuar përpara nga gratë.
    E lindur si Diane Hall në Los Angeles më 5 janar 1946, ajo ndoqi shkollën e mesme Santa Ana në Kaliforni përpara se të transferohej në Nju Jork në moshën nëntëmbëdhjetë vjeç, ku e ndryshoi emrin në Diane Keaton (kishte tashmë një Diane Hall tjetër) dhe ndoqi kurse aktrimi në Neighborhood Playhouse.
    Shfaqjet e para muzikore në skenën verore të Woodstock-ut, pastaj, në vitin 1968, roli kryesor në edicionin e ri të Hair on Broadway, ku Woody Allen e vuri re dhe e donte për komedinë e tij teatrale Play It Again, Sam.
    Debutimi i saj në film ishte në filmin “Lovers and Other Strangers” (1970, nga Cy Howard), por ishte Coppola ai që i ofroi rolin e saj të rëndësishëm në filmin “The Godfather” (1972): e shohim në rolin e mësueses së shkollës fillore Kay Adams , të fejuar me djalin më të vogël të Don Corleones, Michael (domethënë Al Pacino), por e vërejmë edhe me një hundë mjaft të theksuar e cila pas këtij filmi do të zhduket përgjithmonë.
    Përpara se të luante pjesën e dytë të sagës së Corleones, në vitin 1974, ku ajo tani është gruaja e Michael, por gjithashtu vendos në mënyrë të njëanshme të ndërpresë një shtatzëni, ajo takon përsëri Allenin në Play It Again, Sam (versioni filmik i drejtuar nga Herbert Ross i Play It Again, Sam ) dhe fillon një marrëdhënie me të që do të zgjasë deri në vitin 1978 .
    Në ato vite, me regjisorin njujorkez ajo luajti në filmat Sleeper (1973), Love and Death (1975), Annie Hall (Oscar dhe Golden Globe), Interiors (1978) dhe, pas përfundimit të marrëdhënies së tyre, Manhattan (1978): pesë filma të paharrueshëm, ku aktorja demonstroi një shkathtësi artistike që nuk duhej marrë si e mirëqenë, e aftë të lëvizte në tre titujt e fundit, nga komedia në dramë dhe përsëri në komedi, e paharrueshme, në filmin e fundit, kur ajo shfryn për «Van Gagh» dhe Bergman, duke çliruar zemërimin e Woody-t të shtypur dobët.

    Top Channel

  • Si në filma/ 4 persona të armatosur grabisin të armatosur argjendarinë (VIDEO)

    Si në filma/ 4 persona të armatosur grabisin të armatosur argjendarinë (VIDEO)

    Një grabitje si në filma ka ndodhur mbrëmjen e së premtes në qendër të Gostivarit. 
    Katër persona të maskuar dhe të armatosur me armë automatike kanë hyrë në një argjendari pranë tregut të vogël në Gostivar dhe në pak sekonda, kanë grabitur gjithçka që kanë mundur dhe janë larguar me një automjet të tipit BMW, pa targa, ku më pas u gjet i djegur në zonën e Mavrovës. 
    Pamjet nga vendngjarja, të shpërndara në rrjetet sociale, tregojnë momentin kur katër personat e maskuar dalin me thes në dorë, duke ikur me shpejtësi nga vendi i ngjarjes. 
    Sipas të dhënave nga Ministria e Punëve të Brendshme, rasti është raportuar në orën 18:45, ndërsa menjëherë janë ndërmarrë masa për gjetjen e autorëve. 
    Hetimet janë në vijim, ndërsa autorët e grabitjes ende ndodhen në arrati.