Lajmidites.com

Tag: ferrari

  • Shpërthen Lewis Hamilton: Mezi po pres që ky sezon me Ferrari të marrë fund

    Shpërthen Lewis Hamilton: Mezi po pres që ky sezon me Ferrari të marrë fund

    24 Nëntor 2025

    11:02

    Telesport

    Vendi i tetë në fund të garës së Las Vegas, edhe ai i arritur pas skualifikimit të makinave McLaren, nuk e kënaq aspak 7 herë kampionin e botës në Formula 1, Lewis Hamilton. Piloti i Ferrari e nisi garën nga vendi i fundit, por s’mund të bënte asgjë më shumë se kaq.
    “Nuk e di se çfarë të shpresoj më. Do të doja shumë t’u jepja djemve një rezultat të mirë, sepse e meritojnë. Ky është qëllimi im për dy garat e fundit. Në Las vegas matëm një garë të vështirë, sigurisht jo një garë që do ta kujtoj me nostalgji”, deklaroi Hamilton.
    Më tej, britaniku tha: “Ne patëm një nisje të mirë dhe arrita të fitoja disa pozicione në pjesën e parë. Kontakti me Albon në pjesën e dytë shkaktoi disa dëme, ndikoi në ritmin tim dhe e bëri më të vështirë afrimin me Hulkenberg. Nga ana pozitive, ne prapë arritëm të ktheheshim në pikë dhe çdo pikë vlen për kampionatin e konstruktorëve.”
    Më pas, piloti i “kokëkuqes” u shfry në deklaratën e tij: “Gjithsesi, ky është një rezultat i tmerrshëm. Nuk ka asgjë pozitive për të nxjerrë nga kjo garë. Mezi pres që të mbarojë ky sezon. Mezi pres për garën tjetër… dhe dy të fundit“.

  • Vasseur: Në Las Vegas për t’u rikthyer në podium, Ferrari synon vendin e dytë për konstruktorë

    Vasseur: Në Las Vegas për t’u rikthyer në podium, Ferrari synon vendin e dytë për konstruktorë

    Në garën e Las Vegas, skuadra Ferrari synon të rinovojë sfidën e saj kundër Mercedes dhe Red Bull për vendin e dytë në botërorin për konstruktorë. Drejtori sportiv i “kokëkuqes” Frederic Vasseur sugjeron optimizëm të moderuar për një garë në të cilën Ferrari dy herë është ngjitur në podium (Leclerc 2023 dhe Sainz 2024).
    Një mision i mundshëm, por po aq i komplikuar, duke pasur parasysh se rivalët e tyre të drejtpërdrejtë kanë fituar aty (Red Bull me Max Verstappen në vitin 2023 dhe George Russell me Mercedes në vitin 2024). Ndërkohë që, gara e fundit në Brazil për Ferrari ishte një dështim, pasi të dy pilotët u tërhoqën nga gara.
    “Las Vegas është një ngjarje unike në kalendar: atmosfera, programi, me garën që zhvillohet të shtunën në mbrëmje, por edhe vetë pista e bëjnë atë diçka të veçantë. Në raundet e fundit, kemi dhënë performanca të forta dhe kemi qenë në gjendje të luftojmë për vendet e para, dhe synojmë ta përsërisim këtë këtë fundjavë”, tha Vasseur.
    “Do të jetë e rëndësishme të përqendrohemi në të gjitha sfidat specifike që paraqet kjo pistë. Menaxhimi i gomave në temperatura shumë të ulëta do të jetë përsëri çelësi, ashtu si edhe interpretimi i saktë i garës për të identifikuar mundësitë më të mira strategjike. Si gjithmonë, do të përqendrohemi te vetja, duke u siguruar që të mos lëmë asgjë të paplotësuar për sa i përket performancës”, tha Vasseur.

  • Hamilton: Pas një viti me Ferrari ndjej se jam në një pozicion më të mirë për vitin 2026

    Hamilton: Pas një viti me Ferrari ndjej se jam në një pozicion më të mirë për vitin 2026

    Kampionati botëror për skuadrën Ferrari padyshim nuk shkoi ashtu siç shpresonte ekipi dhe Lewis Hamilton. Piloti britanik, 7 herë kampion bote në Formula 1, nuk priste të kalonte 21 gara i veshur me të kuqe pa pasur kurrë kënaqësinë e përfundimit në podium.
    “Ne nuk po luftojmë për kampionatin, kështu që tani puna jonë është të përpiqemi të marrim rezultatet më të mira për të bërë më të mirën për konstruktorët“, pranoi Lewis Hamilton në një intervistë pas mbërritjes në vendlindje pas garës së Brazilit.
    “Askush nuk interesohet për pozicionin në kampionatin e pilotëve. Nuk më intereson të jem i pesti apo i gjashti apo diçka e tillë. Është më shumë e rëndësishme për ekipin të ruajmë vendin e dytë në kampionatin e konstruktorëve”, shtoi britaniku.
    Piloti anglez reflektoi më pas mbi udhëtimin e këtij viti, duke parë përpara drejt vitit 2026: “Ky ka qenë një vit i vështirë, por sinqerisht, e prisja. Po bashkohem me një ekip të ri dhe një kulturë të re, dhe jam shumë i vetëdijshëm se progresi kërkon kohë”.
    “Pra, është një vit i ndërtimit të themeleve dhe ka qenë i vështirë, por ndiej se po bëjmë përparim. Ndiej se kjo po më vendos në një pozicion të mirë për vitin e ardhshëm, dhe kjo është gjëja më e rëndësishme“, përfundoi Hamilton.

  • Te Ferrari të zhgënjyer: Në Brazil një garë “horror”, do të japim gjithçka deri në fund të sezonit

    Te Ferrari të zhgënjyer: Në Brazil një garë “horror”, do të japim gjithçka deri në fund të sezonit

    Gara e fundit e Formula 1 në Brazil ishte një dështim total për Ferrari, që nuk mori asnjë pikë në pistën e Interlagos. Të dy pilotët e “kokëkuqes” u detyruan të braktisin para kohë garën pas incidenteve që patën në pistë në xhiron e parë. “Na ka mbetur pjesa e fundit e sezonit, do t’i japim gjithçka”, tha Lewis Hamilton.
    Ferrari zbriti në vendin e katërt të botërorit për konstruktorë. “Padyshim një garë për t’u harruar. Pas kontaktit në xhiron e parë, dëmi i pësuar na kushtoi shumë force dhe e bëri pjesën e pasme shumë të vështirë për t’u menaxhuar. Pavarësisht përpjekjeve tona për të gjetur një zgjidhje në fund u detyruam të tërheqim makinën”, tha Hamilton.
    “Jam shumë i zemëruar, pasi nuk bëra asnjë gabim. Nuk jam i zemëruar me Kimi ose Piastri, janë incidente që ndodhin. Le të themi se Oscar ishte optimist, por Kimi mund t’i kishte dhënë më shumë hapësirë, ai u kthye sikur McLaren të mos ishte aty”, tha Charles Leclerc, që doli nga pista që në kthesën e parë.
    “Është për të ardhur keq që të përfundojmë me një tërheqje nga gara. Është frustruese, duke pasur parasysh se po luftojmë për vendin e dytë në kampionatin e konstruktorëve. Tani do të jetë më e vështirë të sigurojmë atë pozicion dhe do të duhet të përballemi në mënyrë perfekte tre fundjavat e ardhshme për të pasur një shans”, shtoi monegasku.

  • Norris triumfon në Brazil dhe nis shkëputjen, Verstappen i jashtëzakonshëm, Ferrari e mbyll me 0 pikë

    Norris triumfon në Brazil dhe nis shkëputjen, Verstappen i jashtëzakonshëm, Ferrari e mbyll me 0 pikë

    Piloti britanik Lando Norris fitoi sot garën e Cmimit të Madh të Brazilit në Formula 1, zhvilluar në pistën e Interlagos. Një garë mjaft e mirë e pilotit të McLaren, që arrin të shkëputet 24 pikë ndaj shokut të tij Oscar Piastri në renditjen e përgjithshme.
    Në vendin e dytë u klasifikua 19-vjecari italian Kimi Antonelli, që arrin rezultatin e tij më të mirë në karrierë pas një gara mjaft të mirë. Në xhirot e fundit ai arriti të mbajë pas 4 herë kampionin e botës në Formula 1, holandezin Max Verstappen me Red Bull, që u rendit i treti.
    Një garë e jashtëzakonshme për Verstappen, që e nisi atë nga pit-lane (vendi i fundit) dhe në fund arrin të ngjitet në podium. Një garë zhgënjyese kjo për Ferrari, e pafat me të dy pilotët, që u detyruan të tërhiqen për shkak të aksidenteve dhe problemeve.
    Në vendin e katërt i rendit britaniku George Russell me Mercedes, që arriti të lërë pas Oscar Piastri me McLaren. Piloti australian u penalizua me 10 sekonda nga komisarët, pasi ishte ai që shkaktoi aksidentin që nxori jashtë gare Charles Leclerc në start.
    Në zonën e pikëve edhe Oliver Berman (vendi 6), Liam Lawson (vendi 7), Isack Hadjar (vendi 8), Niko Hulkenberg (vendi 9) dhe Pierre Gasly (vendi 10). Lewis Hamilton u tërhoq në mesin e garës pas disa problemeve që pati pas startit, ku makina e tij mori disa papastërti nga aksidenti.
    Norris, me këtë fitore, konsolidon vendin e parë, më 24 pikë epërsi ndaj Piastri, ndërsa Verstappen ndodhet i treti me 49 pikë pas kreut. Garë “horror” për Ferrari, që zbret në vendin e katërt të renditjes për konstruktorë (pas McLaren, Mercedes e Red Bull), pasi ikën nga Brazili me 0 pikë,

  • Vasseur: Ferrari në Brazil i karikuar dhe optimist pas dy podiumeve në garat e fundit

    Vasseur: Ferrari në Brazil i karikuar dhe optimist pas dy podiumeve në garat e fundit

    Dy garat e fundit të Formula 1 kanë sjellë optimizëm te Ferrari, pasi makina italiane ka arritur të ngjitet dy herë radhazi në podium (në Austin dhe Mexico City). Pilotët shpresojnë në një rol mbështetës të skuadrës në finalen e sezonit, për të mbrojtur vendin e dytë në renditjen e konstruktorëve.
    Edhe pse pati shenja pozitive nga Lewis Hamilton, ishte përsëri Charles Leclerc ai që dha rezultatet më të mira në dy garat e fundit. Monegasku do të duhet të thyejë tabunë në garën e radhës në Brazil, pasi nuk ka arritur kurrë një vend në tre vendet e para në pistën e Interlagos.
    Ndërsa Lewis Hamilton, dëshiron të përfitojë nga progresi i tij për të siguruar podiumin e tij të parë si pilot i Ferrari. Drejtori i ekipit Frederic Vasseur nuk po përqendrohet te pilotët, por te ai përmirësim që i ka lejuar “kokëkuqes” të nxjerrin maksimumin nga SF-25 gjatë dy garave të fundit.
    “Në Interlagos, do të përballemi me garën sprint, e cila përfaqëson një tjetër provë të vështirë për të gjithë ekipin, si fizikisht ashtu edhe mendërisht. Në një format kaq kompakt, çdo detaj ka shumë rëndësi: Nga puna përgatitore e bërë në Maranello deri te mbështetja në kohë reale”, tha Vasseur.
    “Mbërrijmë në Brazil të mbushur me energji pozitive pas dy fundjavave të mira në Austin dhe Mexico City, ku maksimizuam potencialin e makinës. Qëllimi është të ruajmë këtë vrull, të përqendrohemi në ekzekutim dhe të jemi të gatshëm të përballemi dhe të shfrytëzojmë sa më shumë çdo kusht moti që mund të hasim në São Paulo”, tha Vasseur.

  • Ermal Mamaqi: Më mirë t’i fshish lotët me 500 euro në Ferrari, sesa me biletën e autobusit

    Ermal Mamaqi: Më mirë t’i fshish lotët me 500 euro në Ferrari, sesa me biletën e autobusit

  • “Të gjithë e ëndërrojnë një punë te Ferrari, por kur vjen këtu kupton presionin dhe stimulin”

    “Të gjithë e ëndërrojnë një punë te Ferrari, por kur vjen këtu kupton presionin dhe stimulin”

    Kur Frederic Vasseur kaloi për herë të parë portat e Maranello, më 9 janar 2023, si drejtor i ekipit Ferrari, ai nuk kishte asnjë ide se çfarë do të thoshte të ishe në krye të ekipit më të dashur në botë.
    “Kur fillova në Formula 1, nuk ëndërroja për Ferrari. Fuqinë e markës e ndjen vetëm kur hyn në Ferrari. Kur je jashtë, është pak më ndryshe. Kur je brenda kompanisë, është një ndjenjë super pozitive. Herën e parë që mbërrin në portë dhe gjen tifozët jashtë që nga mëngjesi, është diçka super e çuditshme”, tha Vasseur.
    Sigurisht një botë e ndryshme nga ekipet Renault dhe Sauber që ai kishte drejtuar deri atëherë. “Në 10 vitet e mëparshme në Formula 1, pashë më pak tifozë para fabrikës sesa kishte në ditën e parë në Ferrari. Kudo që shkon në botë, në çdo qark të kampionatit botëror, të paktën gjysma e tifozëve janë tanët”, tha francezi.
    Më tej, Vasseur shtoi: “Vitin e kaluar, kur fituam në Monza dhe mekanikët u kthyen në orën 1 të mëngjesit, ata gjetën tifozë që i prisnin. Kjo është e pazakontë në industrinë tonë. Ndoshta ndodh vetëm në futboll“.
    Frederic Vasseur nuk i fshehu vështirësitë e një pozicioni kaq të shquar: “Kjo dashuri nga tifozët është një nxitje e madhe për ne, një energji e madhe. Ne e marrim atë si motivim shtesë, i cili gjithashtu gjeneron shumë presion”.
    “Unë e vë veten nën presion gjatë gjithë kohës. Ferrari është shembulli më i mirë i faktit se mund të jesh shumë krenar për të kaluarën tënde, por në të njëjtën kohë të shikosh drejt së ardhmes. Është pjesë e magjisë së Ferrari”, tha Vasseur.

  • Mbappé merr dhuratë luksoze dhe të personalizuar, por ka një problem; nuk di ta ngasë

    Mbappé merr dhuratë luksoze dhe të personalizuar, por ka një problem; nuk di ta ngasë

    Kylian Mbappé, ylli i Real Madridit, ka shtuar në koleksionin e tij një BMW i7 plotësisht elektrike, me vlerë rreth 130 mijë euro. Makina përfaqësuese, pjesë e partneritetit “BMW-Real Madrid”, do t’i shtohet garazhit të tij luksoz, por me një detaj të veçantë: Mbappé ende nuk ka patentë drejtimi.
    Ky fakt riktheu vëmendjen mbi pasionin e kampionit francez për automjetet luksoze; Ferrari, Mercedes, Audi RS e shumë modele të tjera, që deri tani janë përdorur nga shoferë të tjerë. BMW i7 e personalizuar, me targë dhe detaje të veçanta, promovon mobilitetin elektrik, ndërsa lojtarë të tjerë si Vinícius dhe Bellingham janë parë duke vozitur mbi to. Mbappé, tani për tani do të ulet në sediljen e pasagjerit.
    Zgjedhja për të mos marrë patentë nuk është rastësore. Ai dëshironte të qëndronte larg syrit të publikut gjatë adoleshencës. Ndër makinat e tij të tjera të njohura janë Ferrari 488 Pista, Ferrari SF90 Stradale, Mercedes V-Class, Volksëagen Tiguan, Range Rover dhe më parë Volksëagen ID.5 dhe Audi RS e-tron GT, gjatë periudhës te PSG-ja.

  • Lando Norris siguron “pole position”, Ferrari në podium me të dy pilotët, zhgënjen Verstappen

    Lando Norris siguron “pole position”, Ferrari në podium me të dy pilotët, zhgënjen Verstappen

    26 Tetor 2025

    0:09

    Telesport

    Piloti britanik Lando Norris siguroi “pole position” në Meksikë, ku mbrëmjen e së dielës do të zhvillohet gara e radhës së botërorit të Formula 1. Ai dha kohën 1’15”586, duke e nisur për herë të parë në karrierë garën meksikane nga vendi i parë.
    Ai arriti t’ia rrëmbejë “pole” dy pilotëve të Ferrari, që u renditën ne vendet 2-3. Charles Leclerc arriti të lërë pas shokun e tij të skuadrës Lewis Hamilton. Kjo është paraqitja më e mirë e pilotëve të “kokëkuqes” në provat zyrtare këtë sezon.
    Në vendin e katërt u rendit George Russell me Mercedes, që la pas Max Verstappen me Red Bull. Një rezultat zhgënjyes ky për kampionin e botës në fuqi, që duhet të bëjë një garë në sulm për të rikuperuar e mbajtur gjallë shpresat për titull.
    Zhgënjen edhe kryesuesi i botërorit, australiani Oscar Piastri me makinën tjetër McLaren, që do ta nisë garën nga vendi i shtatë. Para tij doli edhe Kimi Antonelli me Mercedes, ndërkohë që në “top-10” janë edhe Hadjar, Berman e Tsunoda.