Lajmidites.com

Tag: fazën

  • Procesi kundër ish-krerëve të UÇK-së në Hagë hyn në fazën e mbrojtjes, më 15 shtator paraqitet dëshmitari i parë

    Procesi kundër ish-krerëve të UÇK-së në Hagë hyn në fazën e mbrojtjes, më 15 shtator paraqitet dëshmitari i parë

    Ish-krerët e uÇk-së

    HAGË- Procesi kundër ish-krerëve të UÇK-së në Hagë hyn në fazën e mbrojtjes. Në seancën e 15 shtatorit, që do të fillojë në orën 09:00, do të paraqitet dëshmitari i parë i thirrur nga mbrojtja e Thaçit. 
    Më 15 shtator, Dhomat e Specializuara të Kosovës e njohur si Gjykata Speciale, do të nisin fazën e re të procesit gjyqësor ndaj ish-presidentit Hashim Thaçi dhe të tjerëve, me paraqitjen e provave nga mbrojtja.
    Bëhet me dije se seanca do të jetë kryesisht publike dhe do të transmetohet me 45 minuta vonesë në shqip, serbisht dhe anglisht përmes faqes zyrtare të DHSK-së.
    Deri më tani, në këtë proces kanë dëshmuar 127 dëshmitarë – 125 të thirrur nga Prokuroria dhe dy nga Mbrojtja e Viktimave – ndërsa janë pranuar edhe 137 deklarata me shkrim.
    Trupi gjykues ka paralajmëruar se paraqitja e provave nga mbrojtja pritet të mbyllet më 14 nëntor 2025, ndërsa dosjet përfundimtare dhe deklaratat mbi pasojat për viktimat duhet të dorëzohen deri më 22 dhjetor 2025.
    Ndërkohë, më 15 prill 2025, Zyra e Prokurorit të Specializuar njoftoi se ka përfunduar paraqitjen e provave në këtë rast. Aktakuza e konfirmuar ndaj Thaçit, Veselit, Krasniqit dhe Selimit u dorëzua më 30 shtator 2022 dhe përmban dhjetë pika, ku të akuzuarit ngarkohen për krime lufte dhe krime kundër njerëzimit. Ish-krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit të vitit 2020./ZËRI

  • Tërhiqet nga gara Denar Biba/ Vakanca në Kushtetuese, kalojnë fazën 6 të tjerë

    Tërhiqet nga gara Denar Biba/ Vakanca në Kushtetuese, kalojnë fazën 6 të tjerë

    Kreu i Komisionit të Autoritetit të Konkurrencës, Denar Biba, është tërhequr nga gara për një vend vakant në Gjykatën Kushtetuese. Këshilli i Emërimeve në Drejtësi vendosi të përfundojë procedurën e verifikimit të kandidatit Biba për shkak të tërheqjes së tij nga kandidimi.
    Në mbledhjen e së enjtes, KED konsideroi të përfunduar fazën e verifikimit të kandidatëve për vendin vakant të Holta Zaçajt. Në lidhje me këtë vakancë, organ emërtese është Gjykata e Lartë.
    Deri në këtë fazë, KED, pasi ka verifikuar kriteret ligjore të kandidatëve, pasurinë, figurën dhe përvojën personale ka kualifikuar gjashtë kandidatë për këtë vend në Kushtetuese. Ata janë Alban Toro, Alma Faskaj, Asim Vokshi, Florian Ballhysa, Genta Tafa Bungo dhe Naureda Llagami.
    Pas përfundimit të verifikimit, procesi kalon në fazën që përfshin vlerësimin, pikëzimin dhe renditjen e kandidatëve sipas kritereve të përcaktuara në ligj dhe rregulloret e KED.

  • Belinda Balluku: Burimi i Tragjasit do furnizonte Jugun, po presim banorët të binden

    Belinda Balluku: Burimi i Tragjasit do furnizonte Jugun, po presim banorët të binden

    Zëvendëskryeministrja Ministrja Balluku e konsideron të mbyllur fazën e parë të reformës për ujin. Ajo theksoi se po hedhin hapat e parë drejt fazës së dytë, me synimin për të krijuar një Operator Kombëtar të prodhimit dhe shpërndarjes së ujit.
    Një nga rastet që ka ngjallur shqetësim sipas Ballukut është ai i burimit ujor në zonën e Tragjasit, i cili sipas ekspertëve mund të furnizojë një pjesë të mirë të jugut të vendit.
    Megjithatë, banorët e zonës kanë kundërshtuar përdorimin e këtij burimi për furnizimin e zonës Dhërmi–Palasë, duke ushtruar të drejtën e tyre për të refuzuar transferimin e sasive të ujit. Ministrja theksoi se do prisnin banorët të binden.
    “Në 2021 nisëm një reformë të thellë. Patëm rezultate dhe ne e quajmë të përmbyllur fazën e parë të kësaj reforme të thellë.
    Kemi parasysh që qëllimi dhe përmbajtja e fazës 1 të reformës, na vë para një përgjegjësie të re dhe në fazën e dytë që konsiston në krijimin e operatorit të dytë të Shpërndarjes së Ujit.
    Nuk do të thotë që do të shpikim rrotën. Shpeshherë e quajmë humbje teknike, nuk bëhet fjalë për humbje teknike, marrim rastin e energjisë me shërbime që nuk ofroheshin, fatura aforfe. Pra, duke pasur shembullin e sektorit të energjisë elektrike dhe aksionin dhe përparimin që ka bërë, por edhe për ndryshimin e thellë që pësoi në 2019 me ndarjen e shoqërive si një kërkesë e BE-së, ne sot kemi një skemë të qartë të funksionimit të kompanive që ofrojnë shërbime jetike në vendin tonë.
    Për këtë arsye, duke diskutuar si me drejtuesit rajonalë, kemi arritur në rezultatin që krijimi i një Operatori Kombëtar të prodhimit të ujit do të na çonte në një nivel tjetër.
    Do të sjell një rast që na ka shqetësuar mjaftueshëm, që ka të bëjë me një burim ujëor në zonën e Tragjasit, i cili i parashikuar nga ekspertët do furnizonte një pjesë të mirë të jugut, por me të drejtën e tyre banorët e zonës e refuzojnë marrjen e këtyre sasive të ujit për të furnizuar zonën e Dhërmi-Palasës. Por ne kemi vendosur ti bëjmë ata pjesë të bisedës dhe ti bindim.”, tha Balluku.
    “Ndaj jemi nëntë muaj me vonesë.”, shtoi ministrja.

  • Hidhet shorti, përplasje titanësh në Champions League që në fazën e ligës

    Hidhet shorti, përplasje titanësh në Champions League që në fazën e ligës

    Adriatik BALLA
    Ashtu siç ishte parashikuar, shorti i djeshëm që u hodh për fazën e ligës në kuadër të Champions League, solli përplasje sa interesante aq dhe të mëdha, ku nuk do të mungojë spektakli. E pranojnë edhe specialistët e ndryshëm të futbollit kontinental, superndeshje do të luhen në fazën e ligës në garën elitare evropiane për klube të futbollit, Ligën e Kampionëve. Shorti është tërhequr të enjten pasdite në Monaco.
    Zlatan Ibrahimoviç e Leita Kaka madhështuan ceremoninë e shortit, ndërsa kjo dyshe përcaktoi përmes shortit disa ndeshje të nivelit më të lartë. Kampioni në fuqi, Paris San Zhermen, do të përballet me Bajernin e Barcelonën, ndër të tjera, në fazën e ligës. Atalanta, Bajer Leverkuseni, Totenhemi, Sportingu, Njukasëll dhe Athletic Bilbao janë kundërshtarët e tjerë të PSG-së në fazën e ligës. Real Madrid – Mançester Siti është tjetër superndeshje. Klubi mbretëror spanjoll do të përballet edhe me Liverpulin, Juventusin, Benfikën, Marsejën, Olimpiakosin, Monakon e Kairat Almatinë. Mançester Siti përpos me Real Madridin do të përballet edhe me Dortmundin, Bajer Leverkusenin, Vilarrealin, Napolin, Bodo/Glimtin, Galatasarayn e Monakon.
    Bajerni përballet me Çelsin, Parisin, Bruzhin, Arsenalin, Sportingun, PSV-në, Unionin dhe Pafosin. Liverpuli luan ndër të tjera me Interin, por edhe me skuadra tjera të mëdha. Championsi për herë të dytë zhvillohet me fazë të ligës që ka zëvendësuar atë grupore. Në ligë janë plot 36 skuadra, ndërsa secila skuadër përballet me nga tetë kundërshtarë të ndryshëm. Pas tetë xhirove në fazën e ligës, tetë skuadrat e para kualifikohen direkt në një të tetën e finales. Skuadrat prej vendit të nëntë deri në vendin e 24-t kualifikohen në plejofin e fazës nokaut. Ndërkohë skuadrat prej vendit të 25-të e deri në vendin e 36-të eliminohen. Të gjitha skuadrat përballen me nga dy kundërshtarë të vazos së parë, dy të vazos së dytë, dy të vazos së tretë dhe dy të vazos së katërt. Orari i ndeshjeve do të saktësohet të shtunën. Ndeshjet e xhiros së parë janë prej 16 deri më 18 shtator. Më 30 shtator dhe 1 tetor është xhiroja e dytë. Xhiroja e fundit e fazës së ligës është më 28 janar 2026. Në fazën e ligës janë katër skuadra debutuese: Bodo/Glimt, Kairat, Pafos dhe Union Saint-Gilloise. Në fakt, Barcelona kishte shortin më të lehtë në letër mes skuadrave të mëdha, ashtu si edhe Juventusi që në pamje të parë ka kundërshtarë jo të nivelit më të lartë të mundshëm në vazot përkatëse.

  • Dinamo eliminohet nga Jagellonia, Drita e Kosovës dhe Shkëndija e Tetovës shkojnë në grupe të Conference League

    Dinamo eliminohet nga Jagellonia, Drita e Kosovës dhe Shkëndija e Tetovës shkojnë në grupe të Conference League

    Adriatik BALLA
    Dinamo nuk ia doli mbrëmë të bëjë mrekullinë përballë skuadrës polake Jagiellonia, duke u eliminuar kështu nga Liga e Konferencës. Skuadrën dinamovite e vrau më shumë humbja e thellë 3-0 që kishte pësuar në takimin e parë. Mbrëmë në “Arena Kombëtare” e Tiranës, Dinamo mori masa të mira në mbrojtje dhe në këtë pikë ia doli për shumicën e kohës. Madje me Dejvi Bregun shënoi në minutën e 68-të, duke hapur fatet e kualifikimit. Por entuziazmi do të zgjaste vetëm disa minuta, pasi Jagiellonia do të barazonte në të 79’ me Rallis. Rezultati nuk ndryshoi dhe barazimi bëri që në fazën e grupeve të shkojnë polakët e Jagiellonias. Gjithsesi, Dinamo eliminohet me nder, pasi shkoi deri në “play-off” të kësaj lige, si asnjëherë më parë.
    Drita në grupe
    Drita korri sukses historik dje në Diferdonzh të Luksemburgut, pasi mposhti 1:0 kampionin e Luksemburgut, Diferdonzhin, për të bërë vend në fazën e ligës në “Conference League”. Në Ligën e Konferencës, kampionia e Kosovës në futboll do t’i ketë edhe të paktën gjashtë ndeshje. Faza e ligës prej edicionit të kaluar e ka zëvendësuar fazën grupore në garat evropiane për klube të futbollit. Ballkani ishte paraqitur dy herë në fazën grupore të Ligës së Konferencës dhe Drita bëhet skuadra e dytë kosovare e kualifikuar. Dhe e para që do të garojë në fazën e ligës të garës së tretë evropiane për nga niveli. Drita e kishte fituar 2:1 ndeshjen e parë të plejofit të Ligës së Konferencës, të enjten e kaluar në “Fadil Vokrri”. Dhe me tjetër fitore, 1:0, konfirmoi kualifikimin historik. Sfida u vendos në minutën e 62-të kur Besnik Krasniqi shënoi nga pika e bardhë. Në fakt, gjërat u bënë më të lehta për Dritën që në nisje të ndeshjes. Për një ndërhyrje të rrezikshme në Radi Ovoukan, sulmuesi i Differdange, Andreas Bush u ndëshkua direkt me të kuq që në minutën e tretë. Drita është takuar me Differdangen për herë të katërt këtë edicion. Dhe skuadra e Zekirija Ramadanit edhe ka fituar për herë të katërt. Fillimisht Drita e kaloi ekipin luksemburgas në raundin e parë kualifikues të Ligës së Kampionëve. Në raundin e dytë kualifikues të Championsit, gjilanasit u ndalën nga Kopenhageni. Më pas u eliminuan edhe në raundin e tretë kualifikues të Ligës së Evropës. Kampioni rumun, Steau Bukuresht fitoi dy ndeshjet me Dritën. Por kaloi Diferdonzh dhe tani ndodhet në grupe.
    Edhe Shkëndija në grupet e Conference League
    Edhe pse kishte fituar ndeshjen e parë 2-1 dhe mbrëmë u përpoq e ishte shumë afër kualifikimit në Ligën e Europës, Shkëndija e Tetovës zbriti në Conference League, pasi humbi në transfertë ndaj Ludogoretz të Bullgarisë 4-1 pas kohës shtesë. Bullgarët shënuan dy gola të shpejtë në minutën e 9-të dhe 25-të respektivisht me Kurtulus dhe Koçev. Pjesa e parë mbyllet 2-0. Në pjesën e dytë tetovarët shënuan me anë të Tambas në të 64’, duke bërë që me shifrat 2-1 për bullgarët takimi të shkonte në kohën shtesë. Por aty vendasit shënuan dy herë, me anë të Tekpetei dhe Bile, në minutat 109-të dhe 120-të. Por Shkëndija edhe pse eliminohet nga Liga e Europës, ka të drejtën të luajë në grupet e Conference League, për herë të parë në historinë e saj.

  • Drita bën histori, kualifikohet për herë të parë në fazën e Ligës së Konferencës

    Drita bën histori, kualifikohet për herë të parë në fazën e Ligës së Konferencës

    Skuadra e Dritës ka shkruar një faqe të re të futbollit kosovar në arenën europiane. Pas suksesit në Ballkan, kampionia e Kosovës është bërë skuadra e dytë kosovare që arrin fazën e ligës në Ligën e Konferencës.

    Gjilanasit triumfuan edhe në ndeshjen e kthimit ndaj Differdange në Luksemburg, duke fituar 1:0. Ndeshja e parë në Prishtinë kishte përfunduar 2:1 në favor të Dritës, gjë që i dha avantazh të madh ekipit për këtë sfidë.

    Në minutën e tretë, futbollisti i Differdange, Buch, u ndëshkua me karton të kuq, duke lënë ekipin e tij me 10 lojtarë, çka e bëri më të lehtë dominimin e Dritës. Gol i vetëm u shënuar nga Besnik Krasniqi në minutën e 61-të, nga penalltia.

    Me këtë fitore, Drita siguron vendin në fazën e ligës dhe nesër do t’i mësojë kundërshtarët në shortin që do të tërhiqet në mesditë./KultPlus.com

  • Shorti i Champions League, mësoni përballjet big në sezonin e ri europian

    Shorti i Champions League, mësoni përballjet big në sezonin e ri europian

    28 Gusht 2025

    19:22

    Telesport

    Sot, në Monaco të Francës shorti për fazën e grupeve për kompeticionin më të ndjekur të futbollit në klube, atë të UEFA Champions League.
    Shorti ka paraqitur shumë përballje interesante, disa prej të cilave mund të konsiderohen dhe si finale të parakohshme.
    Kampionët në fuqi të Paris Saint Germain gjejnë në raundin e parë Barcelonën dhe Bayernin e Munihut, teksa tek ekipet më të lehta mund të rendisim Sportingun dhe Bilbaon.
    Reali i Madridit gjen në fazën e parë, Manchester City, Liverpool, Juventus e Benfica, si përballjet më të forta.
    Manchester City-n goglat e vunë përballë Dortmund e Napoli, teksa ndeshjet e tjera konsiderohen si më të lehta në letër.
    Bayern Munchen, përveç PSG, do të gjejë në raundin e parë Chelsea, Arsenal, por edhe modestët e Pafos.

  • Drita në prag të historisë, sonte sfidon Differdange për fazën e grupeve të Conference League

    Drita në prag të historisë, sonte sfidon Differdange për fazën e grupeve të Conference League

    Skuadra e Dritës është vetëm një hap larg historisë, duke synuar për herë të parë kualifikimin në fazën e grupeve të Conference League.

    Kampioni i Kosovës do të luajë sonte në transfertë ndaj ekipit nga Luksemburgu, Differdange, në kuadër të play-offit të kësaj gare prestigjioze evropiane.

    Drita e ka një avantazh të lehtë pas ndeshjes së parë në Gjilan, ku fitoi me rezultatin 2-1. Kjo fitore i jep gjilanasve shpresa të mëdha për ta mbyllur me sukses këtë rrugëtim evropian.

    Ndeshja Differdange – Drita nis në orën 20:00 dhe pritet me shumë interes nga tifozët, të cilët shpresojnë të shohin skuadrën e tyre për herë të parë në një fazë grupesh të UEFA-s./KultPlus.com

  • Champions/ Surpriza në fazën “Play-off”, kualifikim historik për K.Almaty dhe Pafos

    Champions/ Surpriza në fazën “Play-off”, kualifikim historik për K.Almaty dhe Pafos

    Mbrëmja e parë e sfidave të kthimit të fazës Play off në Champions League rezervuan surpriza të mëdha. Kairat Almaty eliminoi gjigandin skocez të Celtic, modestët qipriotë të Pafos eliminuan Crvena Zvezdës, ndërsa Bogo Glimt e kishte një formalitet kalimin për në fazën e ligës, pas fitores së thellë 5-0 në ndeshjen e parë.
    Lajmi bujshëm ishte padyshim eleminimi i kampionëve skocezë të Celtic Glasgow. 90 minutat e ndeshjes së dytë po ashtu edhe shtesa prej 30 minutash nuk prodhuan asnjë gol. Në këtë mënyrë fatin e skuadrës që do të kalonte më tej do ta ndante ruleta e penalltive. Skocezët u treguan jo të qetë teksa gabuan 3 nga 5 penalltitë me Idah, McCowan dhe Maeda, duke bërë që kazakët të siguronin një kualifikim historik në fazën e ligës.

    Kualifikim historik arrin edhe skuadra qipriotë e Pafos, e cila eliminoi kampionët serbë të Crvena Zvezdës. Qipriotët vinin me avantazhin 2-1 të ndeshjes së parë në Beograd. Megjithatë serbët barazuan rezultatin e përgjithshëm pas 1 ore lojë me anë të kapitenit Ivaniç. Por atëherë kur u mendua se çdo gjë do të shkonte drejt shtesës pas një goditje dënimi sulmuesi brazilian Jaja shpik një super gol teksa fluturimthi e dërgon topin në trekëndësh duke kualifikuar Pafos për herë të parë mes më të mirave të kontinentit.
    Sturmi Grazi fitoi 2-1 ndaj Bodo Glimt në ndeshjen e kthimit të zhvilluar në Graz, por një fitore që nuk vlen për vendasit, pasi norvegjezët e kishin hipotekuar kualifikimin që në ndeshjen e parë, pas suksesit të thellë 5-0.

  • Dinamo përballë Jagiellonia, ëndrra e grupeve nis nga Polonia

    Jagiellonia Białystok-Dinamo Tiranë këtë mbrëmje (20:15) për fazën play off të Ligës së Konferencës. Kjo është sfida historike e skuadrës shqiptaree cila është shumë pranë kalimit për herë të parë në histori fazën e grupeve.

    Luhet përpara 30 000 tifozëve (në fakt dhe ndaj Hajduk në transfertë ishin thuajse aq njerëz) por ekipi i teknikut Ilir Daja ka treguar se nuk ndikohet nga ‘shkallët’ madje as nga emri që rivali ka në Europë.

    Blutë kanë udhëtuar dy ditë më parë për këtë ndeshje të parë dhe sipas asaj që trajneri deklaroi dje në konferencë shtypi pritet të shihet një formacion me shumë ndryshime.

    Vazhdo leximin