Lajmidites.com

Tag: familja

  • Familja Cani reagon pas vendimit që dha gjykata për vrasësin e djalit të saj!

    Familja Cani reagon pas vendimit që dha gjykata për vrasësin e djalit të saj!

    Familja e Martin Canit ka reaguar pas dënimit me 16 vite burg të Mario Përlleshaj, vrasësit të djalit të tyre.
    Ata shprehen se “kemi parë për herë të parë një rreze të fortë drejtësie”.

    Ragimi i familjes së Martin Canit:

    Sot, pas një viti dhimbjeje që nuk përshkruhet me fjalë, ne familja e Martin Canit kemi parë për herë të parë një rreze të fortë drejtësie.

    Gjykata vendosi të mos ndjekë rekomandimin e Prokurorisë, e cila e trajtoi ngjarjen si një vepër të vetme penale por e njohu qartë atë që ne e kemi thënë që në ditën e parë: janë DY vepra penale vrasja e Martinit dhe tentativë vrasje ndaj Luisit.
    Ky vendim është një akt kurajoz, profesional dhe i drejtë.
    Është një vlerësim real i asaj që ndodhi: dy fëmijë të goditur me thikë, dy akte të veçanta dhune, dy qëllime kriminale të ndara.
    I falenderojmë gjyqtarët për integritetin dhe ndershmërinë e tyre, që zgjodhën të shohin të vërtetën dhe jo rrugën më të lehtë procedurale.
    Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton.
    Sot, Martini është më i gjallë se kurrë në ndërgjegjen e shoqërisë.
    Ne do të vazhdojmë misionin tone me:
    Falënderojmë të gjithë qytetarët që kanë qëndruar pranë nesh.
    Sot, drejtësia foli me zë të qartë për Martin Canin.

  • “Nuk i shpenzova paratë nëpër diskoteka”; Uzuni sqaron kritikët: Familja është mbi gjithçka!

    “Nuk i shpenzova paratë nëpër diskoteka”; Uzuni sqaron kritikët: Familja është mbi gjithçka!

    Myrto Uzuni është rikthyer në qendër të vëmendjes mediatike, por këtë herë jo për golat apo paraqitjet në fushë. Sulmuesi i kombëtares shqiptare u komentua gjerësisht në rrjetet sociale pas publikimit të disa pamjeve nga dasma e motrës së tij, ku shihet duke hedhur shumë para gjatë festës. Një moment gëzimi familjar që u interpretua ndryshe nga një pjesë e opinionit publik dhe u shoqërua me kritika, duke e cilësuar gjestin si të tepruar dhe pa etikë.

    Përballë reagimeve, futbollisti beratas vendosi të flasë hapur. Me një mesazh të drejtpërdrejtë në Instagram, Uzuni sqaroi se veprimi i tij nuk kishte lidhje me mendjemadhësinë apo shpërdorimin, por ishte thjesht shprehje emocionesh në një ditë të rëndësishme familjare. Ai theksoi se prioriteti i tij mbetet familja dhe e ardhmja e saj, ndërsa nënvizoi se paratë nuk janë shpenzuar për luks, por për gëzim dhe bashkim familjar.

    Ja mesazhi i plotë i Myrto Uzunit:“Sqarim.Familja Nr. 1Videoja e hedhjes së lekëve ishte thjesht një moment gëzimi për motrën time. E di që gjithmonë ka shumë keqkuptime, por unë jam ai që kam qenë, sot kam arritur t’ia siguroj familjes të ardhmen, Faleminderit Zotit!
    Nuk i shpenzova lekët në diskoteka duke hapur shisha. Do të ketë njerëz që gjejnë arsye për të folur. Edhe po të mos kisha hedhur, dikush do të kishte komentuar. Pra, çfarëdo që të bësh, nuk mund t’i kënaqësh të gjithë.
    Unë vetëm bëra atë që ndjeva dhe nuk ka asgjë për t’u keqkuptuar. Faleminderit atyre që e kuptojnë dhe e respektojnë gëzimin e familjes! Gëzime paçi në familjet tuaja! Me respekt, familja Uzuni”.

  • Familja kundër Klodit? Letra për Lodrimin dhe mesazhi i ”fshehtë” nga nëna e tij

    Familja kundër Klodit? Letra për Lodrimin dhe mesazhi i ”fshehtë” nga nëna e tij

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Labi-Elijonës: Po viktimizohesh se të ka vdekur nëna, të ishe e mirë s’do ishe larguar nga familja

    Labi-Elijonës: Po viktimizohesh se të ka vdekur nëna, të ishe e mirë s’do ishe larguar nga familja

    Në mbrëmjen e së premtes në Big Brother VIP Kosova 4, banorët u përballën me një debat të tensionuar mes Labinot Rexhës dhe Elijonës, teksa po përgatiteshin për gjumë në dhomën e fjetjes. Situata u ndez pas disa provokimeve, të cilat duket se Labi nuk i përballoi dot.
    Ai u kthye ashpër ndaj Elijonës, duke i thënë: “Ti po viktimizohesh pse të ka vdekur nëna.” Komenti i tij tronditi banorët e tjerë, pasi prekte një ngjarje tragjike nga jeta e Elijonës, të cilën ajo e kishte ndarë më parë me publikun.
    Elijona kishte treguar se nëna dhe motra e saj kishin humbur jetën në një aksident teksa udhëtonin nga Gjermania në Kosovë, një histori që kishte prekur publikun dhe fansat e programit.
    Por përplasja nuk përfundoi këtu. Labi vazhdoi me një koment tjetër të rëndë, duke thënë: “Po të ishe e mirë, nuk do ishe larguar nga familja. Në moshën 13-vjeçare je larguar nga shtëpia.” Ky ishte një moment i tensionuar që lidhej me periudhën kur Elijona, sipas raportimeve, kishte jetuar për pesë vite nën kujdesin e shtetit gjerman, larg familjes së saj.
    Reagimet e banorëve tjerë dhe tensioni në dhomën e fjetjes treguan qartë se situata po merrte një kthesë serioze, duke ngritur debate mbi kufijtë e respektit dhe etikës brenda shtëpisë së Big Brother VIP Kosova.
    Ngjarja pritet të diskutohet edhe gjatë ditëve të ardhshme në emision, ndërsa fansat e programit kanë reaguar me kritika të ndryshme ndaj sjelljes së Labit.

  • Erdhën nga Bulqiza për një jetë e arsim më të mirë/ Familja e 15-vjeçarit, mbyll dyert e shtëpisë në Durrës

    Erdhën nga Bulqiza për një jetë e arsim më të mirë/ Familja e 15-vjeçarit, mbyll dyert e shtëpisë në Durrës

    Shtëpia me qira e familjes Boba në lagjen e ish-Kënetës në Durrës qëndron ende e mbyllur, disa ditë pas ngjarjes së rëndë që tronditi komunitetin. Në banesë ndodhet vetëm pronarja e katit të parë, e cila ua kishte dhënë hapësirën me qira familjes tre vite më parë.
    Ngjarja tragjike u shënua më 25 nëntor, kur 14-vjeçari Erion Boba u godit disa herë me thikë nga një bashkëmoshatar. Pas nëntë ditësh luftë për jetën në spital, adoleshenti ndërroi jetë. Asnjë nga anëtarët e familjes nuk është kthyer më në banesën e tyre në Durrës, ndërsa edhe shtëpia e gjyshërve nga ana e nënës është bosh; të afërmit ndodhen ende në Tiranë.
    Sipas informacioneve, trupi i Erionit pritet të prehet në Bulqizë, qyteti nga i cili familja ishte shpërngulur për t’u vendosur në Durrës, me shpresën për arsimim dhe kushte më të mira për fëmijët.
    Ekspertët dhe autoritetet paralajmërojnë se rastet e përsëritura të dhunës mes të miturve, të nxitura shpesh nga konflikte të çastit dhe gjuha e urrejtjes, janë një sinjal alarmi që kërkon reagim të koordinuar nga shteti, shkolla, familja dhe shoqëria. Sipas tyre, është jetike të forcohen programet edukative dhe mekanizmat e zgjidhjes paqësore të konflikteve, për të parandaluar situata të tilla tragjike.

  • VD- Pllakos heshtja në banesën e familjes Boba në Durrës, Erioni do të prehet në Bulqizë: Ta bësh djalin 15-vjeç dhe të ta vrasin…

    VD- Pllakos heshtja në banesën e familjes Boba në Durrës, Erioni do të prehet në Bulqizë: Ta bësh djalin 15-vjeç dhe të ta vrasin…

    pronarja e baneses ku jetonte familja e erionit

    DURRËS- Banesa ku jetonte familja Boba në zonën e ish-Kënetës Durrës, është sot e braktisur, për shkak se trupi i Erionit 15-vjeçar do të varroset në Bulqizë, nga ku ishte dhe origjina e prindërve të tij. Familja ishte shpërngulur 3 vite më parë në Durrës, për një jetë e edukim më të mirë për fëmijët, njëri prej të cilëve iu vra në mënyrë barbare nga një bashkëmoshatar i tij.
    Ngjarja ka shokuar të gjithë banorët e zonës, pore dhe shokët e lagjes së të miturit, i cili për ditë më radhë u dergj në QSUT, pa mundur që t’iu mbijetojë plagëve të marra me thikë, pas një sherri që ka nisur fillimisht në rrjetet sociale.
    “Na erdhi shumë keq për ngjarjen, tani çfarë të bëjmë? Më erdhi shumë keq. Duhet të merren masa, po ndodhin ngjarje të rënda shpesh. Unë nuk i njoh familjarët, por djali i djalit ka qenë moshatar në shkollë, dhe më ka ardhur shumë keq”, shprehet një banor i zonës me lot në sy.
    Ndërkohë që një prej shokëve të Erionit, me të cilin qëndronin në të njëjtën lagje u shpreh: “E kam pasur shok në lagje dhe më erdhi shumë gjynah. Ishte djalë shembullor. Ka qenë djalë shumë i mirë, se di… djalin tjetër (autorin) nuk e njoh. Erionit i pëlqente të bëhej mekanik.”

    Pronarja e shtëpisë ku jetonte familja Boba, e përshkroi Erionin si djalë të urtë dhe të sjellshëm.
    “Jemi tronditur të gjithë. Ta bësh djalin 15 vjeç… kur ta merr Zoti ta merr… te kabina e kanë varrë afër shtëpisë. Kanë tre vite që jetojnë në shtëpinë me qira. Erioni djalë i urtë, i sjellshëm. Ta varin atje në litar, kam rritur 5 fëmijë dhe s’ka ndodhur ndonjëherë diçka e tillë”, u shpreh ajo.

    Erion Boba, vetëm 15 vjeç, u godit me thikë nga një bashkëmoshatar gjatë një përleshjeje të nxitur nga një debat online. Katër plagë i përshkuan gjoksin, një prej të cilave në zemër, që rezultoi të ishte fatale për të miturin. Jo më larg se dy ditë më parë, familja e Erion iu bëri thirrje shqiptarëve për ndihmë, pasi shpresat te shteti shqiptar duket se u shuan. Pavarësisht përpjekjeve të mjekëve në spitalin e Durrësit, dhe më pas të atyre në QSUT, Erioni nuk ia doli, duke u bërë rasti i dytë në pak kohë, pas atij të Martin Camit, ku nxënësit vriten pas konflikteve të nisura në shkollë.
    Autori, 14-vjeçar ka shprehur pendesë përpara grupit hetimor, ku me keqardhje deklaroi se nuk kishte qëllim për të vrarë 15-vjeçarin. Sipas dëshmisë mësohet se në sherr janë përfshirë shumë persona, bashkëmoshatarë, të ndarë në grupe. I mituri deklaroi se ishin pajisur me mjete të forta, si masë për ndonjë konflikt të mundshëm. Ditën e ngjarjes, pasi kanë debatuar dhe qëlluar me sende të forta, 14-vjeçari ka nxjerrë thikën, por sipas tij për vetëmbrojtje dhe vetëm për ta trembur./ZËRI

  • ”Ke ikur nga shtëpia”, Labi thumbon Elijonën. Reagon familja: Po përdoren informacione të rreme

    ”Ke ikur nga shtëpia”, Labi thumbon Elijonën. Reagon familja: Po përdoren informacione të rreme

  • Tragjedia në familjen Boba/ I mituri ndërroi jetë pas sulmit me thikë në zemër, familja largohet, banesa me qira braktiset

    Tragjedia në familjen Boba/ I mituri ndërroi jetë pas sulmit me thikë në zemër, familja largohet, banesa me qira braktiset

    Shtëpia e familjes Boba në lagjen e ish-Kënetës në Durrës qëndron e mbyllur. Asnjë person nuk ndodhet aty, me përjashtim të pronares së objektit që 3 vite më parë ua kishte dhënë me qira katin e parë të ndërtesës dykatëshe e cila ndodhet fare pranë vendit të ngjarjes.

    Aty, ku djali i tyre u godit me thikë disa herë nga një 14-vjeçar dhe nuk arriti të mbijetojë, duke humbur jetën 9 ditë pas ngjarjes që u regjistrua në datën 25 nëntor pas shkolle.
    Asnjë nga familja Boba nuk është kthyer në banesën me qira. Edhe tek gjyshërit nga e ëma të të miturit Erion Boba nuk ka njeri. Të gjithë janë ende në Tiranë, raporton gazetarja e Top Channel, Vali Qyrfyçi.
    Paraprakisht thuhet se trupi i Erionit do të prehet në Bulqizë, atje ku familja jetonte deri para disa vitesh, por u shpërngul për një jetë më të mirë, shkollim më të mirë për 3 fëmijët e saj, dy djem dhe një vajzë në Durrës. Erioni sot nuk është më, ndërsa krimet e përsëritura mes të miturve që në të shumtën e rasteve janë pjesë e gjuhës së urrejtjes mes tyre, janë këmbanë e fortë alarmi që shteti, shoqëria,  shkolla dhe familja duhet të reagojnë dhe të veprojnë si pjesë të një të tëre për të ndryshuar situatën konfliktuale mes të miturve, për t’i edukuar dhe për t’u dhënë vëmendje e orientuar në zgjidhjen e konflikteve pa dhunë.

    Top Channel

  • “Më shanin, më thoshin që s’jam argjentinas”; Messi zbulon dhimbjen që mbante përbrenda

    “Më shanin, më thoshin që s’jam argjentinas”; Messi zbulon dhimbjen që mbante përbrenda

    Lionel Messi, duke u ndalur te familja, mbështetësja më e madhe në karrierën e tyij të jashtëzakonshme, zbulon se ka pasur brenda vetes edhe dhimbje të mëdha. Për t’i përballuar ato e ka ndihmuar pikërisht familja, gjëja më e shtrenjtë për të:
    “Familja është gjithçka për mua. Ata kanë qenë gjithmonë pranë meje, sepse ka edhe momente të vështira, momente që i kemi vuajtur shumë me kombëtaren.  Flisnim pak për këtë më parë. Ti je tashmë duke menduar për ndeshjen tjetër, unë kthehesha nga Argjentina dhe tri ditë më pas luaja me Barcelonën. Po jetoja dy realitete të ndryshme.
    Në Barcelonë po fitonim gjithçka, po luaja mirë dhe po shënoja gola, pastaj shkoja te kombëtarja dhe rezultatet nuk vinin. Më shanin. Më thonin nga të gjitha, se nuk e ndieja fanellën, se nuk isha argjentinas, se nuk do të luaja më, që s’duhej të isha fare atje.
    Familja ime po kalonte një periudhë shumë të vështirë. Dhe pikërisht atëherë e vlerëson edhe më shumë dashurinë e vërtetë që njerëzit kanë për ty, që janë pranë teje.Dhe kam qenë gjithmonë me fat që familja ime është kaq pranë meje. Ne jemi shumë të bashkuar, ashtu si edhe familja e gruas time. Kjo e bën çdo gjë më të lehtë, sepse ata sillen në të njëjtën mënyrë si ne”.

  • “Faleminderit për dashurinë dhe mbështetjen”, familja e Shpat Kasapit mesazh prekës pas ikjes së parakohshme të këngëtarit: Buzëqeshja e tij do jetë gjithmonë dritë për ne

    “Faleminderit për dashurinë dhe mbështetjen”, familja e Shpat Kasapit mesazh prekës pas ikjes së parakohshme të këngëtarit: Buzëqeshja e tij do jetë gjithmonë dritë për ne

    Pas ndarjes nga jeta të këngëtarit të dashur Shpat Kasapi, familja e tij ka ndarë një mesazh prekës në Instagram, duke falënderuar të gjithë ata që i qëndruan pranë në këto ditë të vështira.
    “Ju falënderojmë nga zemra secilin prej jush për mbështetjen, ngushëllimet dhe respektin që na keni dhënë,” shkruan familja Kasapi.
    Ata theksuan se largimi i Shpatit është një humbje e madhe, jo vetëm për familjen, por edhe për gjithë komunitetin artistik dhe për adhuruesit e muzikës së tij.

    Familja shprehet se buzëqeshja dhe energjia e Shpatit do të mbeten gjithmonë dritë për ta dhe falënderojnë publikisht për praninë, lutjet dhe fjalët e ngrohta që iu janë dhënë.
    Mesazhi
    Të dashur familjar, miq, kolegë, dhe të gjithë ju, publik e dashamirë të muzikës së Shpat Kasapit, Në emër të familjes sonë, ju falënderojmë nga zemra secilin prej jush për mbështetjen, ngushëllimet dhe respektin që na keni dhënë në këto ditë të rënda. Falë jush, kujtimi i Shpatit u nderua ashtu siç e meritonte, me dashuri dhe me mirënjohje.
    Ikja e tij në amshim është një humbje e madhe, jo vetëm për ne si familje, por për gjithë komunitetin artistik shqipfolës dhe për të gjithë ata që e deshën artin dhe muzikën e tij. Jeta është e tillë jetojmë sot, por nesër mund të ikim – dhe pikërisht për këtë arsye, kujtimet e bukura mbeten pasuri e përjetshme.
    Buzëqeshja dhe energjia e Shpatit do të mbeten gjithmonë dritë për ne. Ju falënderojmë pafund për praninë tuaj, për fjalët e ngrohta, për lutjet dhe për respektin që i kushtuat.
    Me mirënjohje të thellë, Familja Kasapi

    Shpat Kasapi ndërroi jetë në Itali në moshën 40-vjeçare më 26 nëntor pas një arresti kardiak.