Lajmidites.com

Tag: evakuuar

  • Turqia në luftë me flakët, zjarri masiv në Dardanele bllokon ngushticën, mbi 2,000 njerëz evakuohen

    Turqia në luftë me flakët, zjarri masiv në Dardanele bllokon ngushticën, mbi 2,000 njerëz evakuohen

    Për herë të dytë në më pak se një muaj, banorët e Dardaneleve në Turqi po përballen me një zjarr të madh, i cili po shkatërron gjithçka që i del përpara, që kishte mbetur e paprekur nga katastrofa e mëparshme.
    Zjarri i ri shpërtheu dje rreth orës 13:30, në një zonë rurale në qytetin Kepez, dhe për shkak të erërave të forta u përhap shpejt në zonat pyjore dhe vendbanimet në Guzelyaly.
    Gjatë natës, flakët dogjën shtëpi, kryesisht vila e rezidenca luksoze që ndodhen në këtë zonë të Stambollit, si dhe automjete. Zjarri po ashtu shkaktoi mbylljen e përkohshme të aeroportit të Dardaneleve, ndërsa lundrimi në ngushticë u ndërpre pjesërisht nga jugu në veri.

    Operacionet e shuarjes së zjarreve, të cilat vazhdojnë prej 24-orësh, përfshijnë 10 avionë zjarrfikës dhe 9 helikopterë, së bashku me një personel prej 760 persoash që po punojnë në terren.
    Ministri i Bujqësisë dhe Pylltarisë İbrahim Yumaklı raportoi se tre fshatra janë evakuuar, me 2.090 banorë të evakuuar në mënyrë të sigurt.
    Në total, Turqia po përballet me 55 vatra të mëdha zjarri në rajone të ndryshme. Përveç Dardaneleve, fronte serioze janë regjistruar në Soma në Manisa, Mudurnu Bolu, Mersin, Aydın, Kastamonu dhe Göksun në Kahramanmaraş.

  • Greqia “pushtohet” nga flakët, evakuohen disa zona banimi

    Greqia “pushtohet” nga flakët, evakuohen disa zona banimi

    Greqia vazhdon të pushtohet nga flakët.  Disa zona banimi janë evakuuar për shkak të zjarreve pyjore në ishujt grek të Kefalonisë dhe në Keratea, pranë Athinës.
    Sipas Shërbimit të Zjarrfikësve, zjarri i cili shpërtheu në mëngjes në një zonë bujqësore dhe pyjore midis Karavados dhe Peratata në Kefalonia, u përhap me shpejtësi për shkak të erëravetë forta, duke kërcënuar zonat e banuara.
    Tre fshatra në zonë janë evakuuar. Dyzet zjarrfikës, tre ekipe këmbësorie, 12 kamionë zjarrfikës, vullnetarë, shtatë avionë dhe tre helikopterë po luftojnë me zjarrin.
    Ndërkohë, disa zona banimi janë evakuuar për shkak të një zjarri pyjor në Keratea, afër Athinës.  Autoritetet u bënë thirrje banorëve në të dy rajonet të ndjekin udhëzimet e evakuimit për sigurinë e tyre.

  • Helikopterët mbi flakë, 40 të evakuuar. Zjarret rrezikojnë banesat në Borsh, Piqeras dhe Sasaj

    Helikopterët mbi flakë, 40 të evakuuar. Zjarret rrezikojnë banesat në Borsh, Piqeras dhe Sasaj

    Operacioni kundër zjarreve në jug të vendit është intensifikuar në orët e para të mëngjesit të kësaj të diele, 27 korrik.
    Ministri Pirro Vengu bën me dije se në zonat e Borshit, Piqerasit dhe Sasajt ka rinisur aksioni nga ajri me dy helikopterë të Forcës Ajrore, të cilët janë angazhuar për neutralizimin e flakëve që kanë kërcënuar banesat dhe bizneset për shkak të erës së fortë.
    Gjatë natës, zjarrfikësit dhe Forcat e Armatosura të dislokuara në Borsh siguruan perimetra sigurie përreth zonave të banuara, ndërsa Policia e Shtetit dhe punonjësit e emergjencave civile ndihmuan banorët dhe pushuesit të largohen në kohë nga rreziku.
    Sipas njoftimit zyrtar, 40 persona janë evakuuar drejt zonave të sigurta.
    Operacioni vijon edhe në këto momente, me ndërhyrje të koordinuar nga toka dhe ajri, për të vënë nën kontroll flakët që përhapen me shpejtësi në një terren të vështirë.

  • Zjarret në Delvinë, 11 banesa të djegura e mbi 2 mijë të evakuuar, flakët drejt Borshit

    Zjarret në Delvinë, 11 banesa të djegura e mbi 2 mijë të evakuuar, flakët drejt Borshit

    Vijojnë të jenë aktive disa vatra zjarri në zonën e Delvinës, të cilat kanë përfshirë fshatrat Kalasë, Tatzat, Senicë, Vergo, Kopaçëz dhe Palavli, në njësinë administrative Vergo.
    Zjarri është përhapur edhe në kodrën përballë fshatit Palavli dhe në zonën sipër baxhos në Kopaçez, prej nga dyshohet se ka avancuar në malin mbi Borsh.

    Për shkak të situatës së rrezikshme, mbi 2 mijë banorë nga gjashtë fshatra janë evakuuar gjatë ditës së djeshme.
    Bilanci paraprak flet për 11 banesa të djegura dhe dëme të mëdha në bujqësi, pemëtari, ullishte dhe blegtori.
    Mes objekteve të përfshira nga flakët është edhe kisha “Shën Dhimitri” në fshatin Senicë. Tre persona kanë marrë djegie dhe janë trajtuar për ndihmë mjekësore.
    Zjarret mbeten jashtë kontrollit në disa zona, ndërsa përmasat e dëmeve janë ende në vlerësim.

  • Përmbytje masive në Kinën jugperëndimore: Mbi 10 mijë të evakuuar, lumenjtë kapërcejnë nivelet e rrezikut

    Përmbytje masive në Kinën jugperëndimore: Mbi 10 mijë të evakuuar, lumenjtë kapërcejnë nivelet e rrezikut

    Mbi 10,000 persona janë evakuuar pasi 25 lumenj kanë kapërcyer nivelet e rrezikut për shkak të shirave ekstremë dhe mbetjeve të tajfunit Danas.

    Në disa zona u regjistruan nivelet më të larta të ujit në dekada, me rrezik real për shpërthim argjinaturash dhe dëme të mëdha.

    Autoritetet paralajmërojnë për kontaminim të ujit dhe ushqimeve, ndërsa ngjarja lidhet me ndikimin e ndryshimeve klimatike.

    Situata po sfidon seriozisht sistemet e vjetra të kontrollit të përmbytjeve dhe mund të godasë rëndë bujqësinë.

  • Të rrezikuar nga lufta, evakuohen nga Izraeli edhe 4 shqiptarë

    Të rrezikuar nga lufta, evakuohen nga Izraeli edhe 4 shqiptarë

    Katër shtetas të tjerë shqiptarë janë evakuuar nga Izraeli, pasi u rrezikohej jeta nga konfliktet në Lindjen e Mesme.
    Dy prej shqiptarëve janë evakuuar nga Jordania, ndërsa dy të tjerë përmes aeroportit të Egjiptit.
    Kjo për shkak se Izraeli i ka mbyllur aeroportet që prej nisjes së konfliktit me Iranin më 13 Qershor.
    Shqiptarët gjendeshin në Izrael për arsye profesionale dhe familjare, teksa lajmi për evakuuimin e tyre është bërë me dije nga Ministria e Jashtme.

  • Mbyllja e ambasadave dhe fluturimet e riatdhesimit, si po i ndihmojnë vendet qytetarët e tyre në Iran dhe Izrael

    Mbyllja e ambasadave dhe fluturimet e riatdhesimit, si po i ndihmojnë vendet qytetarët e tyre në Iran dhe Izrael

    Dhjetëra vende po përpiqen të ndihmojnë shtetasit e tyre që jetojnë dhe punojnë në Iran, ndërsa konflikti me Izraelin vazhdon të përshkallëzohet.
    Kina: Pekini ka evakuuar më shumë se 1,600 punëtorë, studentë dhe turistë kinezë nga Irani, ndërsa disa qindra qytetarë kinezë janë evakuuar nga Izraeli. Shumë kinezë në Iran punojnë për kompani kineze që kanë investuar në vendin e pasur me naftë.
    Japonia: Rreth 90 shtetas japonezë dhe familjet e tyre janë evakuuar nga Izraeli dhe Irani në vendet fqinje. Qeveria japoneze po planifikon një raund të dytë evakuimesh me autobus nga Irani që të shtunën.
    Australia: Ministrja e Jashtme Penny Ëong tha se Australia ka pezulluar operacionet në ambasadën e saj në Teheran dhe “ka urdhëruar largimin e të gjithë zyrtarëve australianë dhe personave në varësi”. Ambasadori i Australisë në Iran do të mbetet në rajon, por shtetasve të saj u është kërkuar të largohen. Australia ka evakuuar një numër të vogël qytetarësh nga Izraeli dhe rreth 1,500 australianë në Iran dhe 1,200 të tjerë në Izrael janë regjistruar për ndihmë .
     
     
    Zelanda e Re: Vendi ka mbyllur përkohësisht ambasadën e saj në Teheran që nga e enjtja. Zelandezët e rinj që kanë nevojë për ndihmë konsullore janë ridrejtuar në ambasadën në Ankara, Turqi.
    Republika Çeke: Operacionet në ambasadën çeke në Teheran u pezulluan përkohësisht nga e enjtja, tha ministria e jashtme .
    Franca: Ministri i Jashtëm francez Jean-Noel Barrot tha se do të organizohet një konvoj për shtetasit francezë që largohen nga Irani për në kufijtë turkë ose armenë, raportoi Reuters.
    India: India tha se do të evakuonte shtetasit indianë nga Izraeli në kuadër të Operacionit Sindhu, ndërsa rreth 100 studentë indianë u evakuuan nga Irani në fillim të kësaj jave me rrugë tokësore për në Armeni.
    Koreja e Jugut: 20 qytetarë të Koresë së Jugut dhe anëtarët e familjeve të tyre iraniane u evakuuan me rrugë tokësore në Turkmenistan të mërkurën vonë, sipas ministrisë së jashtme.