Transmetuesi irlandez, RTÉ ka thënë se nuk do të marrë pjesë në Festivalin e Këngës Eurovision 2026 nëse përfaqësuesja e Izraelit do të jetë e pranishme në këto kompeticion
Në një deklaratë, RTÉ tha se pjesëmarrja e Irlandës në këtë ngjarje do të ishte e paarsyeshme duke pasur parasysh humbjen e vazhdueshme dhe të tmerrshme të jetëve në Gaza.
Irlanda e ka fituar konkursin shtatë herë në total, së fundmi në vitin 1996.
RTÉ do të marrë një vendim përfundimtar pasi organizatorët e Eurovisionit, Unioni Evropian i Transmetimeve të kthejnë një përgjigje.
Transmetuesi kombëtar i Sllovenisë, RTVSLO, ka thënë gjithashtu se do të tërhiqet nga konkursi nëse merr pjesë Izraeli.
Stefán Eiríksson nga transmetuesi kombëtar i Islandës RÚV tha se përfshirja e tij në konkursin e vitit 2026 ishte “në varësi të rezultatit të procesit të konsultimit në vazhdim brenda EBU-së, për shkak të pjesëmarrjes së transmetuesit shtetëror izraelit KAN në konkurs”.
Eiríksson shtoi se RÚV “rezervon të drejtën të tërhiqet nga pjesëmarrja në të nëse EBU nuk përgjigjet në mënyrë të kënaqshme”.
Më herët këtë vit, më shumë se 70 ish-konkurrentë të Eurovisionit nënshkruan një letër duke u bërë thirrje organizatorëve të ndalojnë Izraelin nga konkursi i vitit 2025.
Tag: eurovision
-
Irlanda kërcënon të tërhiqet nga Eurovision nëse Izraeli merr pjesë
-
Shqipëria jashtë Eurovision-it?! Kriza financiare lë gazetarët pa rroga, Eni Vasili: RTSH në situatë katastrofike, s’është faji im por…
Foto ilustrim: Eni vasili-rtsh-eurovision
TIRANË- Shqipëria rrezikon të mbetit jashtë Eurovisionit. Shkak për këtë është bërë kriza e thellë financiare me të cilën po përballet Radio Televizioni Shqiptar (RTSH). Kjo situatë krijon pasiguri mbi pjesëmarrjen e Shqipërisë në Eurovision 2026, pasi çdo dështim në përmbushjen e detyrimeve financiare ndaj EBU-së mund të rrezikojë bashkëpunimin e transmetuesit dhe të drejtat ndërkombëtare të transmetimit. Për të shmangur humbjen e një prej ngjarjeve më të rëndësishme vjetore të transmetuesit, menaxhmenti i RTSH-së pritet të rishikojë dhe borxhet dhe të marrë vendime që synojnë stabilizimin financiar.
Ndërkohë, drejtuesja e re, Eni Vasili thotë se ka një prioritizim të pagesave, duke u përqendruar në detyrimet ndaj Unionit Evropian të Transmetimeve (EBU) për të siguruar pjesëmarrjen e Shqipërisë në Eurovision.
“Sigurisht, ka një prioritizim të pagesave në këtë moment dhe po përpiqemi të shlyejmë disa detyrime ndërkombëtare fillimisht, disa prej të cilave nuk janë paguar që nga janari 2024. Mosshlyerja e tyre do ta vendoste RTSH-në në rrezik për të humbur partneritetin me EBU-në dhe pjesëmarrjen në Eurovizion, apo humbjen e shumë të drejtave televizive”, tha Vasili për BIRN.
Siç u bë me dije më herët, kriza financiare e RTSH ka arritur një pikë kritike: drejtuesit kanë kërkuar zyrtarisht një paketë emergjente prej 2 milionë euro. Menaxhmenti e ka përshkruar situatën si një “nivel katastrofik borxhesh dhe detyrimesh”, teksa bordi i ri “po bën çmos për të menaxhuar krizën”.
“Falenderoj të gjithë gazetarët, autorët dhe moderatorët e projekteve të mars-qershorit 2025 për mirëkuptimin lidhur me vonesat në pagesat e RTSH-së. Sigurisht, nuk është përgjegjësia e tyre që iu premtuan projekte që nuk mund të paguheshin, por kjo nuk e bën menaxhmentin e ri përgjegjës, i cili është përballur me një situatë katastrofike borxhesh dhe detyrimesh dhe po përpiqet të bëjë më të mirën për ta menaxhuar atë”, tha Vasili për BIRN.
Keqmenaxhimi i financave të institucionit publik, ka sjellë ngërç që prej marrjes së detyrës nga Eni Vasili, e cila ka theksuar rrezikun për pamundësinë e shlyerjes së pagave ndaj punonjësve. Kriza e thellë financiare ka lënë dhjetëra gazetarë dhe bashkëpunëtorë të jashtëm pa pagesë deri në pesë muaj. Siç është raportuar në media, stafi dhe bashkëpunëtorët kanë kërkuar vazhdimisht shpjegime nga drejtuesit, ndërsa nuk iu është dhënë asnjë komunikim zyrtar apo afat për shlyerjen e detyrimeve.
Vasili ngriti alarmin për gjendjen kritike financiare, duke pranuar se kjo gjendje është si pasojë e keqmenaxhimit dhe abuzimi nga drejtuesit e paraardhshëm, duke përfshirë periudhën e emërimit dhe shkarkimin të Alfred Pezës.
Gazetarja dhe moderatorja, Eni Vasili është zgjedhur drejtoreshë e Radio Televizionit Shqiptar. Gazetarja u vendos në krye të RTSH, duke siguruar 7 votat e nevojshme.
Debati për garën e drejtuesit të ri të RTSH, nisi pas largimit të Alfred Pezës nga detyra. Për kreun e RTSH garuan: Harilla Koçi; Jetmir Shpuza; Enrik Mehmeti; Floriana Paskali; Eni Vasili; Ermal Hoxha; Aurora Polo; Kliton Rama; Flamur Buçрарај dhe Laureta Roshi. Por, 8 prej tyre u skualifikuan dhe në raundin e dytë kaluan vetëm dy: drejtuesja e komanduar Aurora Polo dhe Jetmir Shpuza. Në garë u gjetën parregullsi, gjë që solli edhe reagimin e partive politike (PS dhe PD), ku kërkuan zgjedhje të drejta. Po ashtu, edhe ndërkombëtarët bënë thirrje për transparencë në këtë garë. Pas kësaj ndërhyri Kuvendi i Shqipërisë ku vendosi shkarkimin e Këshillit Drejtues të RTSH-së./ZËRI -
Shqipëria jashtë Eurovision-it?! Kriza financia lë gazetarët pa rroga, Eni Vasili: RTSH në situatë katastrofike, s’është faji im por…
Foto ilustrim: Eni vasili-rtsh-eurovision
TIRANË- Shqipëria rrezikon të mbetit jashtë Eurovisionit. Shkak për këtë është bërë kriza e thellë financiare me të cilën po përballet Radio Televizioni Shqiptar (RTSH). Kjo situatë krijon pasiguri mbi pjesëmarrjen e Shqipërisë në Eurovision 2026, pasi çdo dështim në përmbushjen e detyrimeve financiare ndaj EBU-së mund të rrezikojë bashkëpunimin e transmetuesit dhe të drejtat ndërkombëtare të transmetimit. Për të shmangur humbjen e një prej ngjarjeve më të rëndësishme vjetore të transmetuesit, menaxhmenti i RTSH-së pritet të rishikojë dhe borxhet dhe të marrë vendime që synojnë stabilizimin financiar.
Ndërkohë, drejtuesja e re, Eni Vasili thotë se ka një prioritizim të pagesave, duke u përqendruar në detyrimet ndaj Unionit Evropian të Transmetimeve (EBU) për të siguruar pjesëmarrjen e Shqipërisë në Eurovision.
“Sigurisht, ka një prioritizim të pagesave në këtë moment dhe po përpiqemi të shlyejmë disa detyrime ndërkombëtare fillimisht, disa prej të cilave nuk janë paguar që nga janari 2024. Mosshlyerja e tyre do ta vendoste RTSH-në në rrezik për të humbur partneritetin me EBU-në dhe pjesëmarrjen në Eurovizion, apo humbjen e shumë të drejtave televizive”, tha Vasili për BIRN.
Siç u bë me dije më herët, kriza financiare e RTSH ka arritur një pikë kritike: drejtuesit kanë kërkuar zyrtarisht një paketë emergjente prej 2 milionë euro. Menaxhmenti e ka përshkruar situatën si një “nivel katastrofik borxhesh dhe detyrimesh”, teksa bordi i ri “po bën çmos për të menaxhuar krizën”.
“Falenderoj të gjithë gazetarët, autorët dhe moderatorët e projekteve të mars-qershorit 2025 për mirëkuptimin lidhur me vonesat në pagesat e RTSH-së. Sigurisht, nuk është përgjegjësia e tyre që iu premtuan projekte që nuk mund të paguheshin, por kjo nuk e bën menaxhmentin e ri përgjegjës, i cili është përballur me një situatë katastrofike borxhesh dhe detyrimesh dhe po përpiqet të bëjë më të mirën për ta menaxhuar atë”, tha Vasili për BIRN.
Keqmenaxhimi i financave të institucionit publik, ka sjellë ngërç që prej marrjes së detyrës nga Eni Vasili, e cila ka theksuar rrezikun për pamundësinë e shlyerjes së pagave ndaj punonjësve. Kriza e thellë financiare ka lënë dhjetëra gazetarë dhe bashkëpunëtorë të jashtëm pa pagesë deri në pesë muaj. Siç është raportuar në media, stafi dhe bashkëpunëtorët kanë kërkuar vazhdimisht shpjegime nga drejtuesit, ndërsa nuk iu është dhënë asnjë komunikim zyrtar apo afat për shlyerjen e detyrimeve.
Vasili ngriti alarmin për gjendjen kritike financiare, duke pranuar se kjo gjendje është si pasojë e keqmenaxhimit dhe abuzimi nga drejtuesit e paraardhshëm, duke përfshirë periudhën e emërimit dhe shkarkimin të Alfred Pezës.
Gazetarja dhe moderatorja, Eni Vasili është zgjedhur drejtoreshë e Radio Televizionit Shqiptar. Gazetarja u vendos në krye të RTSH, duke siguruar 7 votat e nevojshme.
Debati për garën e drejtuesit të ri të RTSH, nisi pas largimit të Alfred Pezës nga detyra. Për kreun e RTSH garuan: Harilla Koçi; Jetmir Shpuza; Enrik Mehmeti; Floriana Paskali; Eni Vasili; Ermal Hoxha; Aurora Polo; Kliton Rama; Flamur Buçрарај dhe Laureta Roshi. Por, 8 prej tyre u skualifikuan dhe në raundin e dytë kaluan vetëm dy: drejtuesja e komanduar Aurora Polo dhe Jetmir Shpuza. Në garë u gjetën parregullsi, gjë që solli edhe reagimin e partive politike (PS dhe PD), ku kërkuan zgjedhje të drejta. Po ashtu, edhe ndërkombëtarët bënë thirrje për transparencë në këtë garë. Pas kësaj ndërhyri Kuvendi i Shqipërisë ku vendosi shkarkimin e Këshillit Drejtues të RTSH-së./ZËRI -
Spanja do të tërhiqet nga Eurovision 2026, shkak Izraeli
Showbiz E Mërkurë, 10 Shtator 2025 18:53
Ministri spanjoll i Kulturës, Ernest Urtasun tha se vendi do të tërhiqet nga pjesëmarrja në Eurovision 2026 nëse Izraeli nuk përjashtohet. ”Nuk mendoj se mund ta normalizojmë pjesëmarrjen e Izraelit në evente ndërkombëtare sikur s’po ndodh asgjë”,-tha Urtasun.
Gjatë një interviste, Urtasun tha se pjesëmarrja e Izraelit në konkurs nuk mund të tolerohet.“Ngjarje si Eurovision apo Vuelta a España sjellin një përfaqësim të veçantë të vendit”, tha ai duke iu referuar protestave kundër ekipit të çiklistëve Israel-Premier Tech gjatë këtij edicioni të garës. ”Në rastin e Eurovision nuk është një artist individual që merr pjesë, por dikush që merr pjesë në emër të qytetarëve të atij vendi”.
-
Eurovision 2026 prezanton logon e re, fansat reagojnë me kritika
Për herë të parë që nga viti 2015, Unioni Evropian i Transmetimeve (EBU) ka zbuluar logon e re të Eurovisionit, e cila do të përdoret nga edicioni i vitit 2026 e më tej.
Në dizajnin e ri, zemra ikonike mbetet në qendër, por logoja është modernizuar me fontin “Singing Sans” dhe shkronja “E” nuk është më e madhe si më parë. Pamja e re është krijuar nga studion britanike PALS, e cila ka punuar edhe në identitetin vizual të Eurovision 2023, transmeton KultPlus.
Drejtori i konkursit, Martin Green, e përshkruan logon si “E guximshme, e gjallë dhe plot zemër”, duke theksuar rëndësinë e saj për platformat digjitale dhe mbrojtjen globale të markës.“Eurosong ka qenë gjithmonë një evolucion muzikor, kulturor dhe krijues. Ky rifreskim është një nderim për 70 vitet e jashtëzakonshme dhe një hap drejt së ardhmes.”,tha Green.
Megjithatë, ndryshimi nuk është pritur mirë nga fansat, të cilët kanë reaguar me kritika në rrjetet sociale: “Kthehuni te logoja e vjetër”, “Duket sikur është bërë nga një fëmijë” dhe “Nuk është as Disney Channel, as konkurs për fëmijë – logoja e vjetër ishte më e mirë”./KultPlus.com
-
U ndoq nga 166 milionë njerëz, Eurovision 2025 theu rekordet e shikueshmërisë
Këtë vit, Festivali i Këngës në Eurovision konfirmoi statusin e tij si një nga ngjarjet kulturore më të shikuara në botë, dhe edicioni i konkursit, i mbajtur në Bazel të Zvicrës, u ndoq nga 166 milionë njerëz në 37 vende anëtare të shërbimeve publike – tre milionë më shumë se në vitin 2024.
Qindra milionë shikues në mbarë botën shijuan përmbajtje në lidhje me konkursin dhe interpretuesit, ndërsa njoftimet, videot dhe historitë nga Eurovision i këtij viti në kanalet zyrtare dixhitale regjistruan pothuajse dy miliardë shikime, njoftoi faqja zyrtare e internetit.
Prezantuesi, transmetuesi publik zviceran SRG SSR, organizoi tre emisione – më 13, 15 dhe 17 maj – që sollën më shumë se nëntë orë prodhim televiziv me cilësi të lartë, të transmetuar në të gjithë botën.
Shikim rekord
Finalja e Madhe arriti një përqindje shikueshmërie prej 47.7 për qind, që është rezultati më i mirë që nga viti 2004 dhe më shumë se dyfishi i mesatares së të gjitha kanaleve që transmetuan konkursin.
Midis të rinjve (15-24 vjeç), pjesa e shikueshmërisë ishte një shifër mbresëlënëse prej 60.4 për qind, rezultati më i lartë i regjistruar.
Finalet në 19 nga 37 vende patën shikueshmëri më të lartë se 50 për qind, të kryesuara nga Islanda (97.8 për qind), Finlanda (90.5 për qind), Suedia (89.6 për qind), Norvegjia (85.4 për qind) dhe Danimarka (75.1 për qind). Zvicra pa një rritje prej 57 për qind të shikueshmërisë krahasuar me vitin e kaluar.
Vendet me shikueshmërinë më të lartë
Gjermania: 9.1 milionë shikues – rezultati më i mirë që nga viti 2016.
Polonia: katër milionë – tre herë më shumë se në vitin 2024.
Franca : 40 për qind e audiencës – një nivel historik i lartë
Greqia : 2.8 milionë shikues dhe 70.8 për qind e shikueshmërisë – shifra më e mirë që nga viti 2010.
Në kanalin e Eurovision në YouTube, finalja e madhe regjistroi 12.1 milionë shikime në shtatë ditët pas transmetimit, një rritje prej tetë për qind krahasuar me vitin 2024. Gjysmëfinalet tërhoqën 4.4 dhe 3.4 milionë shikime. -
Dimension i ri i këngës “ZJERM” nga Shkodra Elektronike, interpretim në gjuhën e shenjave
Kënga “ZJERM” nga “Shkodraelektronike”, përfaqësuese e Shqipërisë në Eurovision 2025, vjen tani në një version të ri, të interpretuar në gjuhën e shenjave.
Ky format e bën muzikën më të aksesueshme për personat me dëmtime dëgjimi, duke u dhënë mundësinë të ndjejnë emocionet dhe mesazhin e këngës në një mënyrë unike.
Interpretimi në gjuhën e shenjave përdor lëvizjet e duarve, mimikën dhe gjuhën e trupit për të transmetuar emocionet, jo vetëm përkthim fjalë për fjalë.
Nisma pasqyron angazhimin e “Shkodraelektronike” dhe Eurovision për diversitet dhe përfshirje, duke e bërë “ZJERM” një urë lidhëse mes njerëzve dhe kulturave të ndryshme. -
Fituesi i Eurovision: Do doja që konkursi i radhës të mbahej në Vjenë, pa Izraelin
Showbiz E Premte, 23 Maj 2025 10:45
JJ, përfaqësues i Austrisë dhe fitues i Eurovision 2025, komentoi rastin kontrovers të pjesëmarrjes së Izraelit në konkursin më të madh muzikor dhe tha se pret që në edicionin e ardhshëm në Vjenë në vitin 2026 “nuk do të ketë”.
Johannes Piech, i njohur më mirë si JJ, fitoi me diferencë të ngushtë çmimin “Mikrofoni i Kristalit”, sepse deri në momentin e fundit dukej se votat e publikut i jepnin përfaqësuesit izraelit Yuval Rafael një avantazh drastik.Pas finales së Eurovisionit, shumë shërbime publike në Evropë folën hapur, duke vënë në dukje mundësinë që votat e shikuesve mund të ndikohen nga konfliktet aktuale të armatosura, të cilat mund të çojnë në humbjen e thelbit të tij kulturor të konkursit.
JJ tani thotë se Eurovision ka nevojë për reformë.
“Sidomos kur bëhet fjalë për sistemin e votimit dhe kush merr pjesë në festival”, tha kontratenori i ri në një intervistë me El Pais disa orë pas fitores në Bazel.
“Nevojitet më shumë transparencë kur bëhet fjalë për televotimin. Gjithçka ishte shumë e çuditshme këtë vit”, theksoi JJ, pasi delegacioni spanjoll kërkoi një shqyrtim për të sqaruar se si Izraeli dominoi votimin publik për të dytin vit radhazi. Transmetuesi publik belg VRT madje kërcënoi të tërhiqej nëse rrethanat nuk sqaroheshin. -
Fituesi i ”Eurovision 2025”, JJ: Uroj që Israeli të mos vijë vitin e ardhshëm
JJ nga Austria është fitues i ”Eurovision 2025” dhe shpreson që Izraeli të përjashtohet nga konkursi i vitit të ardhshëm, që do të mbahet në Vjenë. Emri i vërtetë i tij është Johannes Pietsch, dhe për gazetën spanjolle El Pais tha se është “zhgënjyese” që Izraeli vazhdon të marrë pjesë në konkursin europian të këngës.
“Do të doja që Eurovision-i të mbahej vitin e ardhshëm në Vjenë dhe pa Izraelin. Por topi është në duart e EBU-së. Ne, artistët, mundet vetëm të ngremë zërin për këtë çështje”, tha këngëtari 24-vjeçar.Pjesëmarrja e Izraelit në konkurs ka pasur kritika të përsëritura gjatë muajve të fundit për shkak të luftës së tyre me Hamasin në Rripin e Gazës.
Kryeministri spanjoll Pedro Sánchez ka ndërhyrë në këtë debat, duke kërkuar përjashtimin e Izraelit me arsyetimin se Rusia u përjashtua nga konkursi për shkak të pushtimit të plotë të Ukrainës në vitin 2022.
