Lajmidites.com

Tag: europën

  • “Ne e duam Europën pa kushte, por na ka bërë të vuajmë shumë”, Rama në samitin në Slloveni: Në fund do të martohemi

    “Ne e duam Europën pa kushte, por na ka bërë të vuajmë shumë”, Rama në samitin në Slloveni: Në fund do të martohemi

    Kryeministri Edi Rama foli në edicionin e 20-të të forumit strategjik të BLED për anëtarësimin e Shqipërisë në BE.

    Ai foli për punën e Shqipërisë për të përmbushur kushtet europiane, teksa u shpreh se vendi ynë do të anëtarësohet në familjen e BE.
    “Miqtë tanë të dashur nga ana tjetër e oqeanit kanë menduar se bombat e blera mund të ndryshojnë një vend, edhe pse dolëm nga një histori e ngjashme sa i takon mungesës së lirisë është dija për ndërtimin e institucioneve, nuk është diçka që na pëlqen domosdoshmërisht, nuk na pëlqen ta kemi trafikun aq të përsosur sa në Gjermani por duhet ta bëjmë.
    Është e jashtëzakonshme… ne po ecim përpara, po përparojmë por në kuptimin e udhëheqjes tek ne është populli shqiptar. Ne e duam Europën pa kushte, edhe pse Europa na ka bërë të vuajmë shumë. Por jemi të bindur që në fund do të martohemi. Do të flasim, është një hap më tek. Na duhet të meritojmë martesën dhe po punojmë për këtë”, tha Rama.

    Top Channel

  • Sektori i kujdesit shëndetësor në Europën Qendrore dhe Lindore mbetet tërheqës

    Sektori i kujdesit shëndetësor në Europën Qendrore dhe Lindore mbetet tërheqës

    Dy dekada pasi fondet e kapitalit privat nisën të investonin fuqishëm në kujdesin shëndetësor privat në Europën Qendrore, sektori vazhdon të jetë një magnet për investitorët, që kërkojnë të rrisin asetet dhe të nxisin konsolidimin, edhe në kushtet e një klime makroekonomike më të pasigurt.Kujdesi shëndetësor privat lulëzoi krahas rritjes së klasës së mesme në Europën Qendrore dhe Juglindore. Popullsia me të ardhura në rritje zgjodhi shërbimet private kundrejt atyre shtetërore, që në vitet e para të tranzicionit ishin prapa atyre perëndimore. Skandalet në vende si Rumania, Bullgaria dhe Kroacia minuan më tej besimin në sistemet publike.Gjithashtu, për shkak të konkurrencës së fortë për talent në rajon, veçanërisht në sektorët e IT-së dhe teknologjisë, sistemi shëndetësor privat është kthyer në një nga përfitimet kryesore që kompanitë ofrojnë për të tërhequr dhe për të ruajtur punonjësit.Ndërkohë që investitorët e kapitalit privat vazhdojnë të fokusohen te sistemi shëndetësor, ka pasur gjithashtu një valë marrëveshjesh edhe në sektorët e lidhur si kujdesi dentar dhe ai veterinar, tregje që po rriten në përputhje me përmirësimin e nivelit të jetesës.Sipas një raporti të Bain & Company, vlera globale e marrëveshjeve në sektorin e kujdesit shëndetësor me kapital privat arriti në 115 miliardë dollarë në vitin 2024, niveli i dytë më i lartë ndonjëherë. Europa kaloi volumin e marrëveshjeve të vitit 2021, me investitorë që ndjekin transaksione në bioteknologji dhe pajisje mjekësore. Edhe pse aktiviteti total i kapitalit privat në Europën Qendrore dhe Lindore (CEE) ra vitin e kaluar, kujdesi shëndetësor dhe bioteknologjia mbetën sektori i tretë më aktiv në rajon.Në Rumani, një nga tregjet më të mëdha të rajonit, një anketë nga Roland Berger zbuloi se fondet e kapitalit privat që veprojnë në vend do t’u japin përparësi investimeve në shëndetësi dhe shërbime IT në vitin 2025, me mbi 40% që shohin më shumë mundësi tërheqëse sesa në 2024, pavarësisht klimës makroekonomike. Në fund të 2024-s, portofolat e kapitalit privat në Rumani përfshinin rreth 80 kompani me të ardhura të kombinuara prej 2.5 miliardë eurosh, ku dominuese ishin shëndetësia, energjia dhe mallrat e konsumit.Gjigantët e kapitalit privat, përfshirë MidEuropa Partners, Enterprise Investors dhe Innova Capital, kanë luajtur rol qendror në formësimin e peizazhit të kujdesit shëndetësor në CEE, duke mbështetur platforma të mëdha dhe ofrues më të vegjël specialistë, si dhe duke u zgjeruar në sektorët si kujdesi dentar dhe veterinar. Marrëveshja më e madhe në shëndetësi në rajonNë marrëveshjen më të madhe të firmosur ndonjëherë në sektorin e kujdesit shëndetësor në rajon, grupi finlandez Mehiläinen, i mbështetur nga firma globale CVC, njoftoi në prill se do të blejë ofruesin e dytë më të madh të shërbimeve mjekësore private në Rumani, Regina Maria, nga MidEuropa Partners, një marrëveshje me vlerë të raportuar 1.3 miliardë euro.Regina Maria operon 300 njësi në Rumani me 11,000 profesionistë që shërbejnë mbi 2 milionë pacientë çdo vit dhe zotëron gjithashtu MediGroup në Serbi, që u shërben edhe 1 milion pacientëve të tjerë. Të dyja së bashku raportuan të ardhura rreth 550 milionë euro në vitin 2024, sipas CVC.“Ky investim pasqyron besimin e grupit Mehiläinen në zhvillimin ekonomik të rajonit… Jemi të entuziazmuar të hyjmë në këtë fazë të re, ku synojmë të transformojmë së bashku peizazhin europian të kujdesit shëndetësor privat”, – tha Fady Chreih, CEO i Regina Maria dhe kryetar i bordit të MediGroup, siç citohet në njoftimin për shtyp të CVC. Ndërtimi i kampionëve kombëtarë dhe rajonalëShitja e Regina Maria nënvizon strategjinë afatgjatë të MidEuropa për të krijuar “kampionë kombëtarë” në tregjet e fragmentuara të kujdesit shëndetësor në Europën Qendrore. Gjatë 25 viteve të fundit, firma ka ndërtuar platforma si Lux Med Group në Poloni, Alpha Medical në Sllovaki dhe Optegra Eye Health Care në fushën e oftalmologjisë. Së fundmi ka blerë edhe FAMAR, një kompani kontraktuese për prodhim farmaceutik (CDMO).Në Poloni, Diagnostyka, e mbështetur nga MidEuropa, u listua në Bursën e Varshavës në shkurt 2025 në një nga IPO-të më të mëdha të pesë viteve të fundit, duke mbledhur mbi 400 milionë euro dhe duke arritur një kapitalizim tregu mbi 1 miliard euro. Të ardhurat e kompanisë janë rritur 15 herë nën menaxhimin e MidEuropa, duke mbuluar 99% të territorit të Polonisë nëpërmjet 128 blerjeve dhe zhvillimeve të reja.“Kemi një përvojë të thellë në shëndetësi që na ndihmon të ndërtojmë strategji të forta investimi dhe, së bashku me përvojën 25-vjeçare në kapital privat, na mundëson të identifikojmë mundësi tërheqëse konsolidimi në sektor”, – tha Matthew Strassberg, partner dhe drejtues i sektorit të Shëndetësisë në MidEuropa. Enterprise Investors aktive në sektorNë dhjetor 2024, firma polake e kapitalit privat Enterprise Investors nisi një fushatë për konsolidimin strategjik të sektorit të kujdesit ambulator në Poloni, duke angazhuar deri në 25 milionë euro nga fondi EIF IX për modernizimin dhe konsolidimin e klinikave në qytete të mesme. Iniciativa nisi me blerjen e NZOZ Śródmieście-Biały Kamień në Wałbrzych dhe përfshin blerje të tjera në vijim.Po ashtu, në vitin 2024 firma shiti Nu-Med, ofrues i kujdesit për kancerin, të cilin e rriti nga një qendër e vetme në katër njësi, tek Affidea. Partneri menaxhues i saj, Michał Rusiecki, deklaroi: “Nga një qendër e vetme radioterapie, e kthyem Nu-Med në një ofrues kryesor të trajtimit të kancerit”.Abris Capital Partners mbështeti grupin polak Scanmed në vitin 2020, duke e rritur përmes blerjes së kompanive si Centrum Rehabilitacji Sp. z o.o. Scanmed,     që u shit te American Heart of Poland në dhjetor 2024. Sektori dentar, në fokusNjë sektor tjetër tërheqës është ai i kujdesit dentar, ku fondet e kapitalit privat po shfaqin interes në rritje për klinikat dhe laboratorët dentarë në Europën Qendrore, për shkak të tregjeve të fragmentuara dhe kërkesës së qëndrueshme.Innova Capital ka marrë pjesë në kapitalin e Medicadent Stomatologia dhe Dentaurus Clinics në Poloni, ndërsa Morphosis Capital ka mbështetur rrjetin më të madh dentar në Rumani, Dr. Leahu Dental Clinics.BaltCap, aktor kyç në Baltik, investoi në Dental Invest Estonia (DIE), duke blerë një pjesë prej 56%. Abris Capital Partners ka realizuar tre blerje në sektorin dentar, përfshirë Dentstore në Rumani, si pjesë e një strategjie rajonale konsolidimi.Enterprise Investors gjithashtu ka investuar në Scan Lab, laboratorin më të madh të protezave dentare dixhitale në Poloni, duke reflektuar kërkesën në rritje për zgjidhje inovative në stomatologji në të gjithë rajonin. / BNE.intellinews Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Gati për Europën, rekordmeni Tedi Cara nis përgatitjet në Poloni për… Partizanin

    Gati për Europën, rekordmeni Tedi Cara nis përgatitjet në Poloni për… Partizanin

    Nga Partizani në Tiranë, te Partizani i Beogradit. Tedi Cara do të kthehet përsëri të luajë këtë javë në Europë, por këtë herë me një fanellë tjetër, atë të OIeksandrias.
    Sulmuesi u largua nga Partizani me petkun e rekordmenit të të kuqve në kompeticionet europiane, me 9 gola të shënuar me fanellën e “demave”. Ai nisi një aventurë të re te Oleksandria në Ukrainë duke u kthyer brenda pak muajsh në një nga liderët e kësaj skuadre që shkëlqeu në kampionatin vendas dhe kaloi çdo parashikim pasi siguroi Europën.

    Këtë javë, skuadra e tij është zhvendosur drejt Polonisë, aty ku këtë të enjte do të presë një kundërshtar shumë të vështirë, Partizanin e Beogradit, në ndeshjen e parë të turit të dytë të Ligës së Konferencës. Dhe për Carën do të jetë momenti për ta vazhduar aty ku e ka lënë, duke shënuar gola të rëndësishëm që dikur ndihmonin Partizanin të kalonin ture, por tani do të kenë si qëllim të fundosin një Partizan tjetër.

  • Kampet për emigrantët, Rama për ‘The Guardian’: Situatë e zymtë! U kam thënë jo Johnson, Sunak dhe Starmer

    Kampet për emigrantët, Rama për ‘The Guardian’: Situatë e zymtë! U kam thënë jo Johnson, Sunak dhe Starmer

    Një plan i Mbretërisë së Bashkuar për të dërguar azilkërkuesit e refuzuar në “qendra kthimi” në vende të treta tregon se Britania pas Brexit është “në një vend shumë të errët”, ka deklaruar kryeministri i Shqipërisë.
    Në intervistën e tij të parë për median ndërkombëtare që pas fitores historike të mandatit të katërt nga partia e tij socialiste, Edi Rama tha se ideja që Britania e Madhe të “kërkojë vende ku të hedhë emigrantët” do të ishte e paimagjinueshme një dekadë më parë.
    Por sipas tij, kjo ide është në përputhje me ndryshimin e diskursit publik në Britani që nga Brexit, ku “e papranueshmja, qesharakja dhe turpshmja” janë bërë të zakonshme.
    Plani për “qendrat e kthimit”, i shpallur muajin e kaluar nga Keir Starmer gjatë një vizite në Ballkan, parashikon ngritjen e disa qendrave në vende të treta, ku do të përpunohen kërkesat e personave që u është refuzuar azili dhe që kanë ezauruar të gjitha rrugët ligjore në MB.
    “Është një nga ato gjëra që 10 vite më parë nuk do të mund të imagjinohej … që Britania të kërkonte vende për të hedhur emigrantët”, tha Rama nga Tirana, kryeqyteti shqiptar.
    “Fakti që sot jo vetëm imagjinohet, por po ndodh, nuk është për shkak se Keir Starmer apo [Rishi] Sunak po bëjnë diçka skandaloze; është sepse vendi ndodhet në një gjendje shumë të errët.”
    Rama, i njohur për qëndrimet e tij të drejtpërdrejta dhe shpesh kundër rrymës, shprehu zhgënjim për nivelin e diskursit publik në Mbretërinë e Bashkuar. Si një anglofil i deklaruar, ai tha se ishte e vështirë për t’u pranuar. “Tetëdhjetë për qind e gjërave që thuhen, shkruhen ose pranohen si pjesë normale e diskursit në Britaninë e sotme janë gjëra që [para Brexit] do të kishin qenë plotësisht të papranueshme, plotësisht qesharake, plotësisht të turpshme,” u shpreh ai.
    Nën qeveritë e mëparshme konservatore, marrëdhëniet mes Mbretërisë së Bashkuar dhe Shqipërisë u tensionuan gjithnjë e më shumë, të errësuara nga kalimet me gomone dhe akuzat për emigrantë të paligjshëm shqiptarë që po “pushtonin” brigjet britanike.
    Vizita e Starmer në maj – e para ndonjëherë nga një kryeministër britanik – synonte të vendoste marrëdhëniet dypalëshe mbi një themel të ri. Gjatë qëndrimit në Tiranë, lideri laburist deklaroi se po zhvilloheshin bisedime “me një sërë vendesh” për ngritjen e qendrave të kthimit. Por, në një qëndrim që u pa si një kritikë e butë ndaj mysafirit të tij, Rama deklaroi në një konferencë të përbashkët për shtyp se Shqipëria nuk do të bëhej pjesë e këtij skeme.
    Duke kërkuar të sqarojë pozicionin në intervistë, Rama tha se Starmer, një “njeri shumë i ndershëm [dhe] shumë i këndshëm”, nuk kishte bërë një kërkesë të tillë publikisht dhe nuk ishte as lideri i parë britanik që e kishte hapur privatisht këtë temë. Rama theksoi se përgjigjja e tij kishte qenë gjithmonë e njëjtë: “Kam qenë i qartë për këtë që kur ma kërkoi Boris Johnson dhe më pas Rishi … gjithmonë kam thënë jo.”
    Fakti që Shqipëria kishte rënë dakord më herët për një skemë të ngjashme me kryeministren italiane, Giorgia Meloni, ishte ndryshe për shkak të “marrëdhënies shumë të veçantë” mes dy vendeve. Marrëveshja, e cila parashikon ndalimin e njerëzve në det dhe dërgimin e shumicës jo në Itali, por në një qendër pritjeje në Shqipëri ku do të përpunohen kërkesat e tyre për azil, është penguar deri më tani nga kundërshtime ligjore.
    Që nga dita kur ra regjimi stalinist brutal i Shqipërisë në vitin 1991, Italia ka qenë gjithmonë pranë vendit të tij, tha Rama. Si rrjedhojë, bashkëkombësit e tij kanë “një dobësi” për Romën.
    “Praktikisht, jemi një vend i përbërë nga dy shtete të pavarura … Italia ka qenë gjithmonë aty për ne, në çdo moment të errët dhe situatë të vështirë që nga dita kur dolëm nga ferri i të qenit Koreja e Veriut e Europës,” shtoi ai. “[Ne] kemi një dobësi për Italinë, prandaj kur Italia na kërkon diçka, themi po, pikë.”
    Qëndrimi i Ramës përkon me një vetëbesim të ri, teksa ky vend i vogël – ndër më të varfrit në Europë – po bën hapa dikur të paimagjinueshëm drejt anëtarësimit në BE. Me një ndryshim të ndjeshëm ritmi dhe toni që ai ia atribuon “frymës së re gjeopolitike” që ka përfshirë politikëbërësit europianë pas pushtimit të plotë të Ukrainës nga Rusia, negociatat e anëtarësimit janë përshpejtuar, pasi Brukseli më në fund po synon të përfshijë Ballkanin Perëndimor. Ky rajon është parë prej kohësh nga Moska si pjesë e sferës së saj të ndikimit.
    Rama, i cili mbush 60 vjeç në korrik, e zhvilloi fushatën e tij elektorale mbi premtimin se do të vazhdonte me vendosmëri rrugën drejt anëtarësimit në BE. Ai tani beson se negociatat do të përmbyllen deri në vitin 2027 dhe “brenda vitit 2030 do të jemi një vend anëtar i BE-së”. Shqipëria, e cila iu bashkua NATO-s në vitin 2009, është vend kandidat për anëtarësim prej më shumë se një dekade.
    “I gjithë qasja ndaj procesit ka ndryshuar në mënyrë dramatike,” tha ai. “Tani ata [BE-ja] janë shumë të etur për të ecur përpara … Me agresionin rus gjithçka ndryshoi, kështu që në një farë mënyre edhe Vladimir Putin e bëri këtë – e bëri Europën shumë më të interesuar për bashkimin.”
    Ai sheh një ndikim të ngjashëm mbi BE-në edhe nga banori i ri i Shtëpisë së Bardhë dhe është “100% i bindur se fitorja e Donald Trump është një gjë e mirë për Europën”. Rama tha se fitorja e Trump e nxori Europën nga përgjumja dhe solli “një shpirt shqetësues” që bota kishte nevojë.
    “Mendoj se kur Trump thotë se Zoti e shpëtoi sepse kishte një plan për Amerikën, ai thotë vetëm gjysmën e së vërtetës. Zoti e shpëtoi sepse kishte një plan edhe për Europën – për ta zgjuar,” tha ai.
    Më vonë këtë vit, piktori shqiptar i kthyer në kryeministër do të nisë një tur “falënderimi” në komunitetet e diasporës që, për herë të parë, patën mundësinë të votonin në zgjedhjet e muajit të kaluar, duke ndihmuar në fitoren e thellë të tij. Më shumë se 500 mijë shqiptarë etnikë mendohet se jetojnë vetëm në Greqi. Shpresa e Ramës është t’i tërheqë ata përsëri në atdhe, “sepse tani pagat tona janë shumë pranë atyre në Greqi – dhe këtu është shtëpia”.
    Por lideri i Partisë Socialiste, 2.01 metra i gjatë dhe ish-basketbollist në rininë e tij, ka edhe kritikët e vet. Akuzat për korrupsion në shoqërinë shqiptare janë të përhapura. Po ashtu edhe akuzat për autoritarizëm në rritje – Rama pritet të bëhet lideri më jetëgjatë që nga Enver Hoxha, ish-diktatori brutal i vendit – megjithëse këto akuza konsiderohen qesharake nga admiruesit e tij dhe zyrtarët në Bruksel.
    Një ish-ministër i BE-së ka deklaruar: “Edi është më i madh se vetë jeta. Problemi i tij është se ai është shumë i madh për vendin e vet – dhe nuk e kam fjalën për shtatlartësinë.”
    Nëse Shqipëria do të arrinte të anëtarësohej në BE, Rama tha se kjo do të ishte “momenti i duhur dhe më i mrekullueshëm për të dorëzuar stafetën”. Do të ishte një arritje personale, por gjithashtu do të “ndihmonte Europën të ishte më pak e mërzitshme dhe më shumë e diellit”./The Guardian

  • Lufta në Lindjen e Mesme, Trump: Irani nuk dëshiron të bisedojë me Europën!

    Lufta në Lindjen e Mesme, Trump: Irani nuk dëshiron të bisedojë me Europën!

    Presidenti i SHBA-së Donald Trump thotë se Irani nuk dëshiron të bisedojë me Europën.

    Në një prononcim për mediat, republikani tha se ka folur me Iranin dhe hedh dyshime mbi ndikimin që kanë pasur evropianët.
    “Ne kemi folur me Iranin dhe do të shohim se çfarë do të ndodhë”, tha ai, duke shtuar se beson që bisedimet e sotme në Gjenevë nuk ndihmuan.
    “Irani nuk dëshiron të flasë me Evropën, Irani dëshiron të flasë me ne. Evropa nuk do të jetë në gjendje të ndihmojë në këtë rast”, thotë ai.

    Top Channel

  • “Irani, rrezik edhe për Europën”, ambasadori izraelit në BE: Konflikti mund të përhapet!

    “Irani, rrezik edhe për Europën”, ambasadori izraelit në BE: Konflikti mund të përhapet!

    Ambasadori i Izraelit në BE dhe NATO, Haim Regev, e justifikoi sulmin e vendit të tij ndaj Iranit me arsyetimin e se veprimet e këtij të fundit nuk i kishin lënë zgjidhje tjetër.

    Në një intervistë për Euronews, Regev paralajmëroi se kërcënimi nga ambiciet bërthamore të Teheranit mund të përhapet përtej Lindjes së Mesme.
    Haim Regev: Irani përbën një kërcënim jo vetëm për Izraelin, por edhe për rajonin dhe për Europën. Iranianët janë të përfshirë në promovimin e terrorit, janë të përfshirë në provokime, janë të përfshirë në shumë, shumë akte të tjera. Praktikisht, ata janë tashmë shkak kryesor i paqëndrueshmërie për rajonin dhe për botën.
    Komentet e Regev vijnë në kohën kur pas shtatë ditësh konflikti, përplasjet Iran-Izraeli nuk japin shenja zbutjeje. Të enjte, Irani lëshoi 30 raketa balistike drejt Izraelit, e një prej tyre goditi Qendrën Mjekësore Soroka në Be’er Sheva.
    Breshëria e forcave të armatosura irakiane dukej se ishte një hakmarrje e drejtpërdrejtë për sulmet izraelite në infrastrukturën bërthamore të Teheranit një ditë më parë. “Irani ka një plan të qartë për shfarosjen e shtetit të Izraelit”, insistoi Regev, që shtoi se Irani po përshpejton programin e tij, planin e tij, në dy aspekte kryesore.
    Së pari, programin e tij bërthamor dhe së dyti, prodhimin e raketave tokë-tokë.”Pra, kështu mbërritëm në pikën kur e pamë se duhet të veprojmë për ta larguar këtë kërcënim’, insistoi ai.
     

    Top Channel

  • “Kronikë e një konflikti që desh ndezi Europën flakë”/ Satira e Gjekmarkajt për delegacionin në Strasburg: Gaz Bardhi me hungërima, Tao me dy hejbe të mbushura me mish qingji

    “Kronikë e një konflikti që desh ndezi Europën flakë”/ Satira e Gjekmarkajt për delegacionin në Strasburg: Gaz Bardhi me hungërima, Tao me dy hejbe të mbushura me mish qingji

    U pa që në Rinas se delegacionet parlamentare shqiptare ishin tejet të ngarkuara me mërira e zëte!
    Ata u shfaqën gjithë turinj e hundë, në odën e pritjes së aeroportit të mbushur nga dora e Margeritit (ah Margeritnë e gjorë e zëvendësoi një zullap) vite më parë me xhubleta, tirqe, brandavekë e rroba arbëreshe që me zor ja hoqën nga shtati Mamices, e cila bashkë me Babon duan të bëjnë Arbërinë siç i ka hije, bahçe!
    Si më frikacak dhe jo protagonist, duke parë tufanin që frynte, shkova i pari, thoja me vete “këmbët e lehta, faqja e bardhë” dhe u fsheha në kuzhinë, ku herë pas here lagia edhe fytin e tharë me ndonjë gjë e çoku cimbisja nga ku mund të shihja mesele!
    Xha Fatmiri ishte veshur me rroba kombëtare labe: fustanellë, jelek dhe një dyfek lodër në krah; nga pas kishte me vete një orkestër popullore që u binte sazeve për sukseset që ka korrur komisioni i posaçëm! Ashtu në rropulli e sipër, u fut vrik në një kthinë, derisa balona u nis!
    Evis Kushi, mbuluar kuq e zi, dukej si pasaporta europiane 2030, që befas shndërrohej në qilim fluturues!
    Saimir Koreshi u ndal te pragu me një shalqi sa një babunë, ku e çau fët fët e po aq seriozisht ja dha të ngrënës, se ç’të hamë – sokëlliu – mbetet e jona!
    Tao, po aq popullor, erdhi me dy hejbe të mbushura me bukë, djathë e mish qengji të zier; madje nja dy njolla yndyre i kishin mbetur në shpinë të xhaketës.
    Bënte me dorë që kush të mundte të afrohej e të merrte, po Lavdrim Krashi ndalonte secilin: “Më mirë të uritur se bukë haram,” psherëtinte!
    Të gjithë ngrinë kur krisma dëgjoheshin në rrethinat aty pranë! Ishte këshilltari i grupit të PD-së, Everest Dedaj, me dy pistoleta që shtinte në ajër: pau pau – si paralajmërues i qametit!
    Një buzëqeshje triumfi nuk i shqitej!
    Pra, po vinte Gaz Bardhi! Ai vetë u shfaq me hungërima, britma, klithma: “Ku janë, ku janë?!” thërriste kërcënueshëm! Shihja se si deputetët vraponin me shpejtësi drite për t’u fshehur!
    Fat që Jorushi i Tabakeve, si nëpër balada, doli përpara me një dihame që të këpuste shpirtin, me një qarje të butë e madhështore, e i tha: “Pashë hatrin e Zotit, ndalu, se vetëm Eni Xake ka mbetur, se të tjerët ikën me vrap, i mori ushtria dhe po i çon në Zyrih!”
    Oerdi mërmëriste me vete: “Tranzit gloria mundi, tranzit gloria mundi”! Aty për aty u ndal zëzona! Strasburgu na priste!
    Aeroplani u nis me uturimë! Dëgjoheshin aty-këtu vetëm skërmitje dhëmbësh që rrafshoheshin nga meria! Zheni Bebi Gjergji shpërndante melhem, e aspirina!
    Ina Zhupa lexonte një lajm se në Tiranë po festohej ditëlindja e Mbretit Karlo, dhe plot pezëm, Koreshi hodhi idenë: pse nuk festojmë vitet e Jorushit më mirë – e qajme per monë e madh, ka më kontribute dhe ka marrë mbi 20 mijë vota!
    “Jo, jo,” tha Gazi, “duhet diçka më e peshuar, më institucionale – ndoshta ditëlindja e Mamices është më përbashkuese për katër vilajetet!”
    Zbritëm ashtu si dreqër me dorën në çark! Lajmi që përhapte frikë kishte mbërritur para nesh!
    Toni Gogu ishte larë, rruar e qethur për t’i çuar deri në fund vullnetin e Zotit!
    Na priti i veshur si pastor, me librin e shenjtë nën sqetull e ujë të bekuar në dorë, e filloi me të pafetë e partisë së vet, dhe më pas me ne – besimtarët! Na qetësoi dhe kësisoj shpëtoi Europën nga një kataklizmo! Shënjtoret e nisin me gjëra njerzore!

    Top Channel

  • Ministeriali i Procesit të Bashkëpunimit në Europën Juglindore mbahet në Tiranë, Rama: Shqipëria, sërish në qendër të diplomacisë ndërkombëtare

    Ministeriali i Procesit të Bashkëpunimit në Europën Juglindore mbahet në Tiranë, Rama: Shqipëria, sërish në qendër të diplomacisë ndërkombëtare

    Të hënën organizohet në Tiranë, Ministeriali i Procesit të Bashkëpunimit në Evropën Juglindore

    Lajmin e ka ndarë kryeministri Edi Rama, i cii shkruan se vendi ynë është i angazhuar plotësisht për të nxitur përparimin e vendeve të rajonit drejt integrimit në Bashkimin Europian.
    “Shqipëria, sërish në qendër të diplomacisë ndërkombëtare. Më 16 Qershor 2025, zhvillohet Ministeriali i Procesit të Bashkëpunimit në Europën Juglindore. Vendi ynë është i angazhuar plotësisht për të nxitur përparimin e vendeve të rajonit drejt integrimit në BE“-shkruan Rama.

    Top Channel

  • Trump i bën nder Europës? Ka shansin që të rikthejë “trurin” e larguar, por…

    Trump i bën nder Europës? Ka shansin që të rikthejë “trurin” e larguar, por…

    Administrata amerikane po godet fort kërkimin shkencor, duke krijuar mundësi për Europën që të tërheqë talentet. Por për të arritur këtë, duhet një mbështetje financiare më e madhe.
    Për dekada me radhë, “rrjedhja e trurit” nga Europa në Shtetet e Bashkuara ka qenë e njëanshme, një rrjedhje e vazhdueshme përtej Atlantikut. Por tani situata po ndryshon. Ndërsa qeveria amerikane e Donald Trump-it po redukton ndjeshëm buxhetet për kërkimin shkencor, shumë studiues po mendojnë të largohen nga Amerika.
    Ndryshe nga pritshmëritë që goditja do të ishte e përqendruar në çështje kulturore të ideologjisë liberale të majtë, si mjedisi apo studimet gjinore, goditjet prekin fusha themelore të shkencës, pa dallim ideologjik. Për shembull, janë prekur fondet për kërkime mbi diabetin, sterilizimin e insekteve, kirurgjinë me lazer, dhe madje edhe studimet mbi valët gravitacionale që fituan çmimin Nobel.
    Sipas të dhënave, fondet për Institutin Kombëtar të Shëndetit (NIH) janë ulur me 40%, ato për NASA-n me 25%, ndërsa për Fondin Kombëtar për Shkencën (NSF) është bërë një shkurtim drastik prej 57%, që do të thotë 6 miliardë dollarë më pak. Financimi për matematikanët dhe fizikantët është ulur me mbi 60%, ndërsa edhe Inteligjenca Artificiale po merr më pak fonde sesa kërkohet.
    Kërkuesit duan të ikin
    Një pjesë e madhe e studiuesve amerikanë po shqyrtojnë seriozisht mundësinë e largimit. Sipas një sondazhi të revistës shkencore Nature, 75% e 1 mijë e 600 kërkuesve që u anketuan po mendojnë të emigrojnë kryesisht në Kanada dhe Mbretërinë e Bashkuar.
    Tashmë edhe Europa ka mundësinë e saj. Mes viteve 2012-2020, 1 milion të diplomuar europianë shkuan përtej oqeanit. Shpesh mes tyre ishin më të mirët. A mund të shpresohet në një kthim të madh të talentëve të rinj në shkencë? Madje, jo vetëm të rinjve premtues.
    Një studim i institutit Bruegel tregoi se rreth 10% e shkencëtarëve kryesorë në SHBA kanë lidhje me Europën. Madje kjo shifër arrin në 20% për universitetet e mëdha si Harvard dhe Columbia.
    A do të rikthehen në Europë?
    Shansi për Europën është i madh, por nuk duhet harruar se pagat për kërkuesit janë ende shumë më të ulëta në krahasim me Amerikën.
    Në Francë, për shembull, një studiues 35-vjeçar fiton rreth 4 mijë euro në muaj, ndërsa në SHBA paga është 2 mijë euro më e lartë. Për shkencëtarët më të njohur, diferenca është edhe më e madhe.
    Në SHBA mund të fitojnë mbi 500 mijë dollarë në vit, ndërsa në Europë pagat zakonisht nuk kalojnë 100 mijë euro. Megjithatë, për shumë studiues rëndësi ka edhe mbështetja morale, infrastruktura dhe financimi i projekteve.
    Bashkimi Europian ka krijuar një fond prej 500 milionë eurosh për kërkime, por kjo shumë është shumë e vogël për të konkurruar seriozisht me SHBA-të.
    Financimi është çelësi
    Bruegel sugjeron se duke përdorur fondet e mbetura nga paketa anti-Covid, Europa mund të arrijë të sigurojë deri në 4 miliardë euro për kërkimin shkencor gjatë 5 viteve të ardhshme.
    Kjo shumë do të ishte në nivel me investimet amerikane, ku vetëm Instituti Kombëtar i Shëndetësisë atje ka pësuar shkurtime fondesh prej 2.2 miliardë dollarësh.
    Deri tani, 13 vende europiane kanë kërkuar nga Komisioni Evropian që të rrisë ndihmën financiare. Disa universitete në Bruksel dhe Marsejë kanë nisur programe për të tërhequr kërkues nga SHBA-të.
    Italia, e cila nuk ofron stabilitet për studiuesit, mbetet jashtë kësaj gare, megjithatë potenciali që këta talentë të sjellin në Europë është i rëndësishëm për të gjithë rajonin./ Shkrim nga La Repubblica

  • “Europën ta bëjmë pjesë të Shqipërisë!” Arkitekti spanjoll rrëfen episodin me taksistin shkodran që i ndryshoi ‘panoramën’ për Shqipërinë: Ai na kuptoi gjuhën dhe…

    “Europën ta bëjmë pjesë të Shqipërisë!” Arkitekti spanjoll rrëfen episodin me taksistin shkodran që i ndryshoi ‘panoramën’ për Shqipërinë: Ai na kuptoi gjuhën dhe…

    150 arkitektë ndërkombëtarë nga Europa, Azia, Amerika Veriore e Jugore, të cilët punojnë në Shqipëri, së bashku me partnerët janë mbledhur në Tiranë për Festivalin “Bread & Heart”.

    Ata kanë rrëfyer edhe histori personale sesi e kanë njohur më parë Shqipërinë, ose më mirë… që nuk e njihnin! Por sipas tyre situata që ata kanë gjetur këtu dhe mikpritja e natyra, kanë qenë të mrekullueshme, dhe siç tha një prej arkitektëve spanjoll, “Shqipëria është si Spanja”.
    Ai u ndal edhe te një rast konkret, ditën kur kanë mbërritur për herë të parë në vendin tonë.
    “Ne kemi ardhur para një viti dhe nuk e dinim se ku ishte Shqipëria dhe asgjë për të. Por në momentin e parë në përshtypjen e parë, që kur morëm taksinë nga aeroporti për të shkuar në Shkodër, pyetëm taksistin, Petritin, dhe pastaj kuptuam që shumica e njerëzve e kuptonin mjaft mirë spanjishten.
    Po thoshim me njëri tjetrin që jemi lodhur dhe duam kafe, ai e kuptoi gjuhën dhe na tha doni kafe? Na ndaloi diku dhe nuk paguam asgjë, si kurdoherë këtu që nuk të lënë të paguajnë, dhe në atë moment e kuptova që Shqipëria është si Spanja….
    Të mos pretendojmë vetëm që Shqipërinë ta bëjmë pjesë të Europës, por le ta bëjmë dhe Europën pjesë të Shqipërisë, dhe në këtë gjë pamë këtu dhe këtë gjë dashurojmë”, u shpreh ai.

    Top Channel