Milan ka fituar 2-1 ndaj Napolit në supersfidën e javës së pestë në Serie A, e luajtur në “San Siro”. Kuqezinjtë gjetën golin që në minutën e tretë, ku Christian Pulisic tregohet fenomenal, pas një pasimi të marrë nga Estupinan, amerikani niset më shumë se nga gjysma e fushës dhe kalon secilin që i del përpara dhe në fund asiston për Alexis Saelemaekers, i cili e kishte shumë të lehtë për ta dërguar në rrjetë. SHIKOGOLIN
Në minutën e 30-të, kuqezinjtë do të dyfishonin shifrat, pas një kombinimi të përkryer Pavlovic-Fofana-Pulisic, ky i fundit “shkund” portën e mbrojtur nga Meret. SHIKOGOLIN
Pjesa e parë mbyllet 2-0 nga kuqezinjtë, një dominim absolut në çdo drejtim nga të besuarit e Max Allegri-t. Pjesa e dytë nisi më mirë për napolitanët. Në minutën e 55-të, Estupinan shkakton penallti, pas një ndërhyrjeje të gabuar ndaj Di Lorenzo. SHIKORASTIN
Arbitri kryesor i takimit shkon të shohë vetë pamjet në ekran, penallti për Napolin, karton i kuq për Estupinan. Kevin De Bruyne dërgon topin në rrjetë nga 11-metrat.
Allegri menjëherë kryen një zëvendësim të detyruar, largohet Pulisic, për të forcuar mbrojtjen me Davide Bartesaghi. I gjithë “San Siro” në këmbë dhe me duartrokitje të shumta për amerikanin, lojtarin më të mirë të ndeshjes.
Në 20 minutat e fundit u aktivizua edhe Rafael Leao, i rikthyer nga dëmtimi. Në minutat e mbetura nuk pati ndryshim të rezultatit. Milan fiton 2-1 dhe kryeson renditjen me 12 pikë, aq sa Napoli dhe Roma, por kuqezinjtë kanë golavarazhin më të mirë.
Tag: estupiñán
-
Milan ia del të fitojë me 10 lojtarë kundër Napolit dhe ngjitet në krye (video)
-
Nga Jashari tek Estupiñán (dhe Højlund); Milani në kërkim të agresivitetit të humbur
Kur një sezon përfundon në mënyrë sportivisht të dështuar, klubi është i thirrur të bëjë analiza të thella për të identifikuar shkaqet dhe shmangur përsëritjen e tyre. Është e qartë se duhet gërmuar më thellë, pa u kufizuar te banaliteti sipërfaqësor i sulmuesit që nuk shënon, ose portierit që pëson shumë gola.
Shfrytëzimi i fluksit të madh të të dhënave të disponueshme ndihmon edhe për të përcaktuar një linjë më të mirë në merkaton pasardhëse. Përforcimet e reja duhet të zgjidhen jo vetëm mbi bazën e aftësive individuale, por edhe përfitimeve potenciale që sjellin në përputhje me identitetin që dëshiron t’i japësh skuadrës. Pra, nëse dëshiron ta ndërtosh skuadrën më të orientuar te loja, më kundërsulmuese, më agresive, më fizike e kështu me radhë.
Në këtë kuadër, Tare dhe Allegri, ndër shumë vlerësime, kanë nxjerrë në pah një të dhënë që ka gjeneruar reflektime. Milani e mbylli sezonin e kaluar në vendin e tretë nga fundi për numrin e faulleve të kryera: 415. Më “të pastër” se kuqezinjtë ishin vetëm Roma (406) dhe Parma (405). Në podiumin e “të këqijve” u renditën Verona (579 faulle), Empoli (570) dhe Udinese (543).
Kjo statistikë, e shkëputur nga konteksti, thotë relativisht pak. Gjithsesi, duke parë sezonin e kaluar, mund të ofrojë padyshim një shpjegim për disa nga vështirësitë e kuqezinjve. Sa herë kemi parë një Milan pak të bindur, pak luftarak, thuajse të dorëzuar ndaj ritmit të kundërshtarëve, i paaftë për të dhënë “shkëndija”, edhe duke përdorur më shumë “ashpërsi agonistike” se ç’duhej?
Sigurisht, në thelb skuadrat që përpiqen të ndërtojnë më shumë lojë, rrallë dallohen për grintë. Agresiviteti, si kolektivisht, ashtu edhe individualisht, është prej vitesh një përbërës i domosdoshëm në futboll. Dhe pikërisht në këtë drejtim, klubi kuqezi është orientuar në merkaton e verës, duke kërkuar lojtarë agresivë si Jashari, Estupiñán dhe Athekame.
Edhe Højlund, ndonëse nuk bën pjesë te sulmuesit “e ashpër”, ka në ADN qasje agresive ndaj mbrojtjeve kundërshtare. Një vijë udhëzuese që, natyrisht, nuk vlen për të gjithë. Modrić është padyshim profil tjetër, por në skuadër tashmë kishte elementë të tillë si Fofana, Loftus-Cheek dhe Pavlović.
Jashari, në këtë kontekst, e ka konfirmuar që në paraqitjen e parë atë që thuhej për të: lojtar i plotë që di të sillet me topin, por është po aq i vlefshëm edhe kur bëhet fjalë për ta rimarrë atë nga këmbët e kundërshtarëve. -
Estupiñán: Krenar që zëvendësoj Theo Hernandez te Milani, numrin 2 e zgjodha prej… Cafu
Te Milani u prezantuan Pervis Estupiñán dhe Pietro Terracciano. Mbrojtësi i majtë ekuadorian ka detyrën të zëvendësojë Theo Hernández, ndërsa portieri italian është gati kur Maignan të mungojë. Estupiñán tha: “Kur mësova se Milani kishte shprehur interes, ishte emocionuese. Me gruan, fëmijët dhe familjen time u gëzuam shumë.
Të gjithë më kanë ndihmuar dhe janë thelbësorë për karrierën time. Dua ta shfrytëzoj këtë mundësi në maksimum, është një ëndërr që bëhet realitet. Në çdo ndeshje dua t’i bëj tifozët të lumtur e të kënaqur. Kemi tri kompeticione dhe objektivi është t’i fitojmë të tre. Kam shumë ëndrra dhe e di që nëse punojmë mirë mund t’ia dalim”.
Ai u shpreh i nderuar të veshë numrin 2 si nderim për Cafu: “Jam shumë i lumtur që ndodhem këtu. Kam punuar gjatë dhe fort për të luajtur në një klub si ky. Të gjithë e dimë që Theo është një lojtar i shkëlqyer me këmbë fantastike dhe që ka lënë gjurmë. Dua t’i bëj komplimente.
Tani është radha ime, jam shumë i lumtur dhe mezi pres të marr atë krah. Do të punoj fort për ta kthyer besimin që Milani ka pasur tek unë. Dua të fitoj sa më shumë tituj. Jam i lumtur që mbaj numrin 2, fanellë të cilin e ka veshur një lojtar i madh si Cafu”.
Për trajnerin aktual, Allegri: “Që në kontaktin e parë kuptova se është shumë i këndshëm, bën shaka me lojtarët. Pastaj, kur vjen puna për të punuar, është shumë serioz dhe do të fitojë. Më pëlqen shumë ky qëndrim.
Trajneri kërkon shumë dhe do që mentaliteti ynë fitues të zgjohet. Dua të qëndroj gjatë në këtë klub, kam punuar shumë për të ardhur këtu. Dua të shkruaj histori dhe të kontribuoj me asistet e golat e mi”.