Lajmidites.com

Tag: erëra

  • Mijëra australianë pa energji elektrike pasi cikloni ‘Fina’ goditi pjesën veriore

    Mijëra australianë pa energji elektrike pasi cikloni ‘Fina’ goditi pjesën veriore

    Mijëra njerëz në Territorin Verior të Australisë mbetën pa energji të dielën pasi një ciklon tropikal solli erëra shkatërruese në rajon, përfshirë qytetin Darwin, gjatë natës.

    Fina, një ciklon i kategorisë së tretë, të dielën shënoi erëra deri në 205 km/orë ndërsa u largua nga Darwin pasi kaloi qytetin vonë të shtunën si një “ciklon i rëndë tropikal”, tha Byroja e Meteorologjisë e vendit.

    Fina qëndroi pezull pranë brigjeve të Territorit Verior për shumë ditë përpara se të transformohej në një stuhi të Kategorisë 3.

    Natën e së shtunës, ajo kaloi pranë Darvinit dhe Ishujve Tiwi me erëra me shpejtësi 110 kilometra në orë.

    Ajo goditi Darvinin, një qytet me gati 140,000 banorë, duke dëmtuar prona dhe duke përmbytur rrugë, por nuk u raportuan të lënduar. Rreth 19,000 banorë në qytet mbetën pa energji elektrike.

    Kryeministrja e qytetit, Lia Finocchiaro, tha se po bëhen përpjekje për të rivendosur energjinë elektrike.

    Mediat australiane raportuan se një pjesë e çatisë së Spitalit Mbretëror të qytetit u shemb gjatë stuhisë.

    Ndërkohë, Aeroporti Ndërkombëtar i Darvinit u rihap të dielën pasi u detyrua të mbyllte operacionet të shtunën.

    Darvini ishte vendi i një prej katastrofave më të këqija natyrore në Australi, pasi Cikloni Tracy shkatërroi pjesën më të madhe të qytetit në Ditën e Krishtlindjeve të vitit 1974, duke lënë 66 të vdekur.

    “Ky ciklon pa një territor të bashkuar dhe të përgatitur për atë që do të vinte”, tha Finocchiaro për mediat të dielën.

  • Kuba goditet nga uragani “Melissa”, qindra mijëra të evakuuar, erëra mbi 200 km/orë

    Kuba goditet nga uragani “Melissa”, qindra mijëra të evakuuar, erëra mbi 200 km/orë

    Qindra mijëra banorë janë detyruar të braktisin shtëpitë e tyre dhe të strehohen në qendra emergjente, pasi uragani “Melissa” ka goditur Kubën me erëra shkatërruese deri në 200 km/orë.

    Autoritetet kubane kanë shpallur paralajmërim uragani për provincat Granma, Santiago de Cuba, Guantánamo, Holguin dhe Las Tunas, ndërsa reshjet e dendura dhe stuhitë kanë shkaktuar ndërprerje të energjisë dhe dëme në infrastrukturë.
    Sipas Qendrës Kombëtare të Uraganeve (NHC), “Melissa” ka erëra maksimale të qëndrueshme prej 193 km/orë dhe po lëviz me shpejtësi 16 km/orë në drejtim verilindor. Bërthama e stuhisë ndodhet 32 km në lindje të Chivirico-s dhe rreth 97 km në perëndim-jugperëndim të Guantánamos.
    Meteorologët paralajmërojnë se reshjet e vazhdueshëm mund të shkaktojnë përmbytje të rrezikshme për jetën dhe rrëshqitje dheu në zonat malore. Uragani pritet të kalojë mbi ishull gjatë mëngjesit dhe të drejtohet drejt Bahamas më vonë të mërkurën.

    Top Channel

  • Tajfuni Ragasa kërcënon Filipinet me erëra që arrijnë shpejtësinë 250 km/orë, evakuohen disa zona

    Tajfuni Ragasa kërcënon Filipinet me erëra që arrijnë shpejtësinë 250 km/orë, evakuohen disa zona

    Autoritetet në Filipine dhe Tajvan janë në gatishmëri të lartë për Supertajfunin Ragasa (ose Nando) teksa ai po shkon drejt Kinës kontinentale, duke u shoqëruar me erëra të forta dhe shira të rrëmbyeshëm.

    Stuhia e fuqishme pritet të godasë ishujt Batanes në orët në vijim, sipas shërbimit kombëtar meteorologjik të Filipineve. Tajfuni po shoqërohet me erëra deri në 250 km/orë.

    MONSTER NANDO
    Super Typhoon #Ragasa (#NandoPH) further intensifies sustaining winds of 215 km/h (10-min ave. winds) and gusts up to 265 km/h.
    EXTREMELY DANGEROUS and LIFE-THREATENING conditions are expected on areas near the center of this storm. pic.twitter.com/zOGfyp3gHY
    — Philippine Weather (@Phil_Weather) September 22, 2025

    Autoritetet filipinase kanë urdhëruar evakuimin e zonave të cenueshme në pjesën veriore të vendit. Shkollat ​​dhe shërbimet publike do të mbeten të mbyllura sot në Manila dhe 29 provinca në të gjithë vendin. Autoritetet lokale “nuk duhet të humbasin kohë” duke “zhvendosur familjet” nga zonat e cenueshme, tha Sekretari i Brendshëm Johnwick Remulia, ndërsa ekspertët paralajmëruan për rrezikun e përmbytjeve të përhapura dhe rrëshqitjeve të dheut në pjesën veriore të Luzonit, ishullit më të madh dhe më të populluar të vendit.
    Autoritetet në Tajvan janë gjithashtu në gatishmëri, ku pritet evakuimi i afërsisht 300 banorëve në Qarkun Hualien, në pjesën lindore të ishullit.

    Top Channel

  • Erëra mbi 100 km/h dhe përmbytje në Italinë veriore, shpallet alarm në rajonet Emilia-Romagna

    Erëra mbi 100 km/h dhe përmbytje në Italinë veriore, shpallet alarm në rajonet Emilia-Romagna

    Një stuhi e dhunshme ka ‘mbjellë’ shkatërrim në rajonet turistike të Emilia-Romagnas në Itali.

    Shira të rrëmbyer, erëra që mbërrinin shpejtësinë mbi 100 kilometra në orë dhe breshër kanë goditur Riminin e Ravenën, duke shkaktuar atje dëme të konsiderueshme materiale. Mediat lokale kanë folur për “një bombë të vërtetë moti”, duke përmendur faktin që stuhia e rrallë rigjeneron veten falë lagështirën që merr nga deti i ngrohtë.
    Gati 300 pemë llogaritet të jenë rrëzuar në Milano Marittima, ku janë dëmtuar edhe shumë makina të parkuara, megjithatë fatmirësisht, nuk ka raporte për të lënduar.  Autoritetet lokale po përgatiten të shpallin gjendje emergjence rajonale dhe ekipet e zjarrfikësve janë mobilizuar për pastrimin e zonave të goditura. Stuhia nisi në prët e para të ditës dhe përfshiu shumë shpejt të gjithë vijën bregdetare atje, duke shkaktuar përmbytje të mëdha dhe bllokime rrugësh. Plazhet po ashtu kanë marrë një goditje të fortë, me çadra të thyera e tenda të grisura. Departamenti i Mbrojtjes Civile ka lëshuar një alarm të verdhë për zonën në fjalë që do të jetë në fuqi përgjatë gjithë ditës.

    Top Channel

  • “Guardian”: Vala vdekjeprurëse e të nxehtit nxit zjarret në Mesdhe

    “Guardian”: Vala vdekjeprurëse e të nxehtit nxit zjarret në Mesdhe

    Vala vdekjeprurëse e të nxehtit që po nxit zjarret në rajonin e Mesdheut ka marrë të paktën tre jetë dhe ka detyruar mijëra njerëz të largohen nga shtëpitë e tyre, sipas “The Guardan”.

    Zjarrfikësit vazhdojnë sot të luftojnë me flakët, ndërkohë, që  autoritetet po përgatitën për dëme të tjera, pasi temperaturat në disa zona u rritën ndjeshëm mbi 40°Celcius.

    Shkencëtarët kanë paralajmëruar se vala e të nxehtit që po prek pjesë të mëdha të Evropës po krijon kushte ideale për zjarre dhe është një tjetër kujtesë për emergjencën klimatike.

    “Falë ndryshimeve klimatike, ne tani jetojmë në një botë dukshëm më të ngrohtë”, tha Akshay Deoras, studiues në departamentin e meteorologjisë të Universitetit të Reading, duke shtuar se “shumë ende e nënvlerësojnë rrezikun”.

    Zjarri në “Tres Cantos”, pranë Madridit, i nxitur nga erëra prej 70 km/h dhe që ka përpirë 1 000 hektarë tokë, ende nuk ishte nën kontroll dje në mbrëmje, kur priteshin sërish erëra të forta.

  • Stuhia Floris godet Skocinë me erëra deri në 137 km/orë, autoritetet mbyllin parqe dhe anulojnë trenat

    Stuhia Floris godet Skocinë me erëra deri në 137 km/orë, autoritetet mbyllin parqe dhe anulojnë trenat

    Skocia është përfshirë nga stuhia verore Floris, e cila ka sjellë erëra shkatërruese deri në 137 km/orë, duke detyruar autoritetet të mbyllin parqet, të anulojnë trenat dhe të lëshojnë paralajmërime për rrezik serioz për jetën dhe pronën. Zyra Meteorologjike e Mbretërisë së Bashkuar ka lëshuar një paralajmërim për erëra të forta, veçanërisht në zonat bregdetare ku valët e mëdha përbëjnë kërcënim të madh.

    Në Edinburg, hyrja në kështjellë është ndaluar për publikun, ndërsa u anulua edhe shfaqja tradicionale në natyrë “Edinburgh Military Tattoo”. Kompanitë hekurudhore ndërprenë shërbimet në pjesën më të madhe të vendit, ndërsa disa kalime me traget janë pezulluar.

    Ministrja skoceze Angela Constance u bëri thirrje qytetarëve që të jenë të përgatitur si për një udhëtim dimëror, duke mbajtur me vete ushqim, ujë, veshje të ngrohta dhe celularë të karikuar. Ndërkohë, operatori ScotRail paralajmëroi që objektet e kopshtit si trampolinat apo tendat të lidhen fort, për të shmangur dëme dhe ndërprerje të shërbimeve.

    Stuhia pritet të prekë gjithashtu pjesë të Irlandës së Veriut, Uellsit dhe Anglisë veriore, ndërsa në fuqi është edhe një alarm i verdhë për këto zona deri të martën në mëngjes. Floris është stuhia e gjashtë me emër që godet Britaninë në sezonin 2024/25 dhe e para që nga janari.

  • Stuhia pezullon fluturimet dhe shërbimet hekurudhore në Mbretërinë e Bashkuar

    Stuhia pezullon fluturimet dhe shërbimet hekurudhore në Mbretërinë e Bashkuar

    Mbretëria e Bashkuar po përgatitet për goditjen e stuhisë “Floris”, e cila pritet të sjellë erëra deri në 90 milje në orë në pjesën veriore të vendit, duke shkaktuar kaos në transportin ajror dhe hekurudhor.Shërbimi Meteorologjik Britanik (Met Office) ka lëshuar një alarm portokalli (amber warning) për erëra të forta në të gjithë Skocinë, me përjashtim të ishujve Shetland, ku është në fuqi një paralajmërim më i butë (verdhë). Paralajmërime për kushte të rënda atmosferike janë dhënë gjithashtu për Irlandën e Veriut, Anglinë Veriore dhe Uellsin Verior, përfshirë qytete si Leeds, Manchester, Liverpool, Snowdonia dhe Scarborough.Pasojat në transport:Të gjitha shërbimet e trenave në veri të Edinburgut dhe Glasgout janë anuluar që nga ora 12:00 e ditës së hënë. Kjo përfshin linjat drejt dhe nga Perth, Dundee, Aberdeen, Inverness, Wick, Thurso, Oban, Fort William dhe Mallaig.Qindra trena janë pezulluar, duke përfshirë edhe ato të mëngjesit në linjat kryesore.Kompani të shumta hekurudhore kanë lëshuar urdhra “mos udhëtoni” për shkak të rrezikut nga pemë të rrëzuara, mbeturina në linja dhe përmbytje.Në të gjithë Skocinë është vendosur kufizim shpejtësie prej 50 milje në orë, duke shkaktuar zgjatje të udhëtimeve dhe vonesa të mëdha.Dhjetëra tragete janë anuluar, duke shkaktuar ndërprerje të udhëtimeve detare në veri të vendit.Udhëtarëve u këshillohet të shtyjnë udhëtimet, sidomos drejt ose nëpër zonat e prekura. Autoritetet nënvizojnë se prioritet mbetet siguria publike dhe reagimi i shpejtë ndaj emergjencave që mund të shkaktohen nga stuhia.Shtabi i emergjencës është në gatishmëri të plotë dhe qytetarëve u bëhet thirrje të ndjekin udhëzimet zyrtare dhe të kontaktojnë kompanitë e transportit për informacione të përditësuara.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Mbretëria e Bashkuar po përgatitet për goditjen e stuhisë “Floris”, e cila pritet të sjellë erëra deri në 90 milje në orë në pjesën veriore të vendit, duke shkaktuar kaos në transportin ajror dhe hekurudhor.Shërbimi Meteorologjik Britanik (Met Office) ka lëshuar një alarm portokalli (amber warning) për erëra të forta në të gjithë Skocinë, me përjashtim të ishujve Shetland, ku është në fuqi një paralajmërim më i butë (verdhë). Paralajmërime për kushte të rënda atmosferike janë dhënë gjithashtu për Irlandën e Veriut, Anglinë Veriore dhe Uellsin Verior, përfshirë qytete si Leeds, Manchester, Liverpool, Snowdonia dhe Scarborough.Pasojat në transport:Të gjitha shërbimet e trenave në veri të Edinburgut dhe Glasgout janë anuluar që nga ora 12:00 e ditës së hënë. Kjo përfshin linjat drejt dhe nga Perth, Dundee, Aberdeen, Inverness, Wick, Thurso, Oban, Fort William dhe Mallaig.Qindra trena janë pezulluar, duke përfshirë edhe ato të mëngjesit në linjat kryesore.Kompani të shumta hekurudhore kanë lëshuar urdhra “mos udhëtoni” për shkak të rrezikut nga pemë të rrëzuara, mbeturina në linja dhe përmbytje.Në të gjithë Skocinë është vendosur kufizim shpejtësie prej 50 milje në orë, duke shkaktuar zgjatje të udhëtimeve dhe vonesa të mëdha.Dhjetëra tragete janë anuluar, duke shkaktuar ndërprerje të udhëtimeve detare në veri të vendit.Udhëtarëve u këshillohet të shtyjnë udhëtimet, sidomos drejt ose nëpër zonat e prekura. Autoritetet nënvizojnë se prioritet mbetet siguria publike dhe reagimi i shpejtë ndaj emergjencave që mund të shkaktohen nga stuhia.Shtabi i emergjencës është në gatishmëri të plotë dhe qytetarëve u bëhet thirrje të ndjekin udhëzimet zyrtare dhe të kontaktojnë kompanitë e transportit për informacione të përditësuara.

  • Erëra të forta që do të rrezikojnë jetën e banorëve! Paralajmërimet në Skoci, para se stuhia Floris të godasë vendin

    Erëra të forta që do të rrezikojnë jetën e banorëve! Paralajmërimet në Skoci, para se stuhia Floris të godasë vendin

    Një paralajmërim portokalli për erën është lëshuar në Skoci, ndërsa stuhia Floris pritet të godasë Mbretërinë e Bashkuar të hënën, me erëra që do të arrijnë në 145 km/orë.

    Stuhia do të sjellë “erëra të pazakonshme dhe shqetësuese” në shumë pjesë të Skocisë, thotë Zyra Meteorologjike. Pritet që era të arrijë 80 deri në 115 km/orë në shumë zona dhe do të arrijë 145 km/orë në bregdet.
    Paralajmërimi portokalli është në fuqi nga ora 10:00 deri në 22:00 të hënën, ndërsa një paralajmërim i verdhë është në fuqi për të njëjtën ditë në veri të Anglisë dhe Irlandës së Veriut, nga ora 6 e mëngjesit deri në mesnatë. Në zonat ku është paralajmërimi portokalli, Zyra Meteorologjike paralajmëron “lëndime dhe rrezik për jetën nga valët e mëdha dhe mbetjet që hidhen mbi rrugët bregdetare dhe pronat”.
    Mund të ketë anulime në linja të ndryshme udhëtimi pasi rrugët, hekurudha, shërbimet ajrore dhe ato detare mund të ndikohen. Zyra Meteorologjike paralajmëroi gjithashtu se mund të ketë ndërprerje të energjisë elektrike.

    Top Channel

  • Stuhi shiu dhe erëra të forta në Milano, humb jetën një grua, mbyllen parqet

    Stuhi shiu dhe erëra të forta në Milano, humb jetën një grua, mbyllen parqet

    Milano u godit sot nga një rrebesh shumë i fortë, me qiell të errësuar, vetëtima dhe erëra të forta. Pellgu i emergjencës i Seveso-s ishte aktivizuar më parë dhe parqet e qytetit të rrethuara ishin mbyllur.
    Një grua 63-vjeçare nga San Vittore Olona humbi jetën pasi një pemë e madhe u rrëzua nga vala e motit të keq që goditi zonën e Milanos këtë pasdite.
    Aksidenti ndodhi pak para orës 17:00 sot në Robecchetto, një qytet i vogël bujqësor në zonën e Milanos, në zonën Cascina Induno, në një zonë të pyllëzuar që është e vështirë për t’u arritur nga ekipet e shpëtimit.
    Pema ra dhe dy persona të tjerë u përfshinë, një grua 68-vjeçare dhe një burrë 70-vjeçar, të cilët u dërguan në spital me kod të verdhë. Sipas asaj që është konstatuar deri më tani, të tre po ktheheshin nga një shëtitje përgjatë Alzaia del Naviglio kur pema, ndoshta si pasojë e stuhisë, ra dhe i përmbyti ata.
     
     
    Zjarrfikësit dhe karabinierët e kompanisë Legnano (Milano) po ndërhyjnë në vendngjarje. U dërguan dy ambulanca dhe dy makina mjekësore dhe shërbimi ajror i shpëtimit u nis gjithashtu nga Como. Përpjekjet për të shpëtuar 63-vjeçarin ishin të kota; gruaja u shpall e vdekur në vend.
    Pas valës së përgjithshme të nxehtësisë afrikane, Italia mbetet e ndarë në dysh për sa i përket motit të keq dhe nxehtësisë. Në Veri, veçanërisht në Lombardi, stuhitë e forta kanë ulur temperaturat, të cilat kishin arritur në 40 gradë.

  • Moti i keq në Slloveni, madhësia e breshërit sa një vezë

    Moti i keq në Slloveni, madhësia e breshërit sa një vezë

    Një stuhi e fuqishme e shoqëruar me erëra të forta dhe breshër ka shkaktuar dëme të mëdha në disa pjesë të Sllovenisë.
    Dëmet më të mëdha janë regjistruar në fshatrat Lucova, Adrijanci, Shulinci dhe Zgornji Petrovci. Mësohet se janë dëmtuar shtëpi, automjete dhe të mbjellat janë shkatërruar plotësisht. Kryetari i komunës së Gornji Petrovci, Franc Shlihtuber, ka bërë thirrje për ndihmë urgjente, duke theksuar se komuna nuk mund t’i përballojë vetë pasojat e stuhisë.

    Sipas tij, breshëri ishte aq i dendur, sa në disa zona është dashur të pastrohet me makineri të rënda. Në disa vende, kokrrat e breshërit kanë arritur madhësinë e topave të tenisit, duke dëmtuar çati dhe automjete.
    Agjencia Sllovene për Mbrojtjen e Mjedisit (ARSO) ka raportuar për reshje të dendura breshëri në rajonin e prekur, ndërsa Meteoinfo Slovenia ka theksuar se stuhia është shoqëruar edhe me erëra të fuqishme dhe shumë rrufe. Edhe në fotot e shpërndara në rrjetet sociale duken dëmet që kanë shkaktuar stuhitë dhe breshëri.