Përshtatur në shqip, artikull i BBC-së
Familja e një prej viktimave të abuzuesit seksual Jeffrey Epstein i ka kërkuar Presidentit të SHBA-ve, Donald Trump, të mos e marrë parasysh faljen e bashkëpunëtores së tij, Ghislaine Maxwell.
“Ghislaine Maxwell është një përbindësh që meriton të kalojë pjesën tjetër të jetës në burg,” tha familja e të ndjerës Virginia Giuffre.
Ata gjithashtu shprehën shqetësim për një koment të fundit të Trump-it, i cili tha se Epstein “i vodhi njerëzit që punonin për mua”, duke përfshirë Giuffre-n, e cila dikur ka qenë punonjëse në klubin e golfit të tij në Florida, Mar-a-Lago.
Një zyrtar i lartë i Shtëpisë së Bardhë i tha BBC-së se, përsa i përket Maxwell-it, “asnjë lehtësim nuk është dhënë apo diskutuar”.
Në një deklaratë, anëtarët e familjes Sky dhe Amanda Roberts, si dhe Danny dhe Lanette Wilson, thanë se ende po përballen me dhimbjen pas vetëvrasjes së Giuffre-s në prill.
Trump bëri deklaratën që Epstein i ka “vjedhur” punonjësit e tij nga Epstein gjatë një deklarate për gazetarët në bord të Air Force One, të martën. Ai tha se një nga këta persona ishte Giuffre.
Giuffre kishte thënë në një dëshmi të vitit 2016 se kishte filluar punë në Mar-a-Lago në verën e vitit 2000, kur ishte vetëm 16 vjeç. Familjarët e saj thanë në deklaratë se “duan të sqarojnë” nëse motra e tyre ishte “shënjestruar” nga Maxwell gjatë kohës që punonte për Trump.
Ata theksuan se kjo ndodhi në vitin 2000, katër vite përpara se Trump dhe Epstein të kishin një përplasje.
“Ishte tronditëse të dëgjonim Presidentin Trump të përmendte motrën tonë dhe të thoshte se ishte në dijeni se Virginia ishte ‘vjedhur’ nga Mar-a-Lago,” shkruajti familja.
“Kjo na bën të ngremë pyetje nëse ai ishte në dijeni për veprimet kriminale të Jeffrey Epstein dhe Ghislaine Maxwell.”
Familja e Giuffre dënoi gjithashtu prokurorët federalë për takimet e tyre të fundit me Maxwell në burgun e Floridës, ku ajo po vuan një dënim 20-vjeçar. Ata thanë se Maxwell është dënuar më parë për dëshmi të rreme dhe “do të vazhdojë të gënjejë për aq kohë sa kjo i shërben asaj.”
“Një grabitqare që mendonte vetëm për veten, ajo shkatërroi jetët e vajzave dhe grave të reja pa ndërgjegje,” tha familja e Giuffre. “Virginia gjithmonë ka thënë se Ghislaine Maxwell ishte e egër dhe shpeshherë më mizore se vetë Epstein.”
Ata shtuan gjithashtu se kalvari i Giuffre kishte vazhduar edhe kur ajo ndihmonte prokurorët.
“Ajo përjetoi kërcënime për vdekje, kërcënime ndaj fëmijëve dhe familjes së saj, shkatërrim financiar, si dhe dëm të rëndë fizik dhe mendor,” deklaruan ata.
Ata i bënë thirrje Trump-it që “të mos e marrë kurrë parasysh mundësinë për t’i dhënë ndonjë lehtësi Ghislaine Maxwell”.
Deklarata përfundoi: “Ajo duhet të qëndrojë në burg — çdo gjë më pak do të hynte në histori si një nga padrejtësitë më të rënda ndaj drejtësisë.”
Javën e kaluar, Trump u pyet nëse po e mendonte faljen për Maxwell. Ai tha se “nuk e kishte menduar”.
Zëdhënësja e Shtëpisë së Bardhë, Karoline Leavitt, tha në një deklaratë: “Presidenti Trump u përgjigj drejtpërdrejt ndaj një pyetjeje nga një gazetar për zonjën Giuffre – ai nuk e përmendi vetë atë.”
“Ajo që mbetet fakt është se Presidenti Trump e përjashtoi Jeffrey Epstein-in nga klubi i tij sepse ishte i papërshtatshëm me punonjëset femra.”
Maxwell po merret në pyetje nga zyrtarë të Departamentit të Drejtësisë si pjesë e një përpjekjeje të administratës Trump për të zbutur kritikat që ka marrë për mënyrën se si është trajtuar çështja Epstein.
Ish-socialistja britanike ka kaluar së fundmi dy ditë në bisedime me zyrtarin e dytë më të lartë të Departamentit, Todd Blanche. Avokatët e Maxwell-it kanë thënë se ajo është e gatshme të dëshmojë para Kongresit nëse i jepet imunitet nga ndjekjet penale të ardhshme.
Administrata Trump ka qenë nën presion për të publikuar dosjet që lidhen me Epstein-in, pasi ka dështuar të bëjë publike një listë të përfolur klientësh të këtij financieri të turpëruar.
Në vitin 2006, Epstein u akuzua në Florida për kërkim prostitucioni dhe më vonë u deklarua fajtor. Në vitin 2019, ai u arrestua për trafik seksual dhe vdiq në burg nga vetëvrasja përpara se të dilte në gjyq.
Ndërsa Shtëpia e Bardhë ka thënë se Trump e përjashtoi Epstein nga klubi për sjellje të papërshtatshme, raporte të tjera thonë se përplasja mes tyre ndodhi në vitin 2004 për një pronë buzë oqeanit në Palm Beach, të cilën Trump e bleu pasi ia kaloi Epstein-it në ankand.
Tag: epstein
-
“Mos e fal Maxwell-in”, thirrja e familjes së Virginia Giuffre për Donald Trump-in
-
Presion ndaj Trump, kërkesa e demokratëve në SHBA: Të publikohen dosjet Epstein
Demokratët në SHBA kanë ndërmarrë një hap të pazakontë për të detyruar ish-presidentin Donald Trump të publikojë dosjet e hetimit për abuzuesin seksual të dënuar, Jeffrey Epstein, një rast që vazhdon të trazojë politikën amerikane.
Nëpërmjet një ligji të vjetër dhe rrallë të përdorur, të njohur si “rregulli i pesë”, pesë anëtarë të Komitetit të Sigurisë dhe Çështjeve Qeveritare në Senat i kanë kërkuar zyrtarisht Departamentit të Drejtësisë të dorëzojë dokumentet e plota për çështjen Epstein.
Senatori Chuck Schumer deklaroi se “Publiku ka të drejtë të dijë kush e ndihmoi, kush kishte dijeni dhe kush mori pjesë në një nga rrjetet më të tmerrshme të trafikut seksual në histori. Trump premtoi publikimin e dosjeve dhe e theu premtimin.”
Rasti është ndezur më tej kur vetë Trump pranoi të martën se kishte ndërprerë marrëdhëniet me Epstein pasi ky i fundit kishte “vjedhur” disa punonjëse nga spa-ja e resortit Mar-a-Lago në Florida.
Përkrahësit e Trump u irrituan kur Departamenti i Drejtësisë konfirmoi më herët këtë muaj se Epstein kishte vdekur nga vetëvrasja dhe se nuk kishte asnjë “listë klientësh të fshehtë”, duke kundërshtuar teoritë e konspiracionit që e lidhin rastin me figura të larta nga Partia Demokratike.
Ndërkohë, Dhoma e Përfaqësuesve, e kontrolluar nga republikanët, u mbyll para kohe për pushimet verore, pas përpjekjeve të demokratëve për të lidhur çështjen Epstein me projektligje të tjera.
Në të njëjtën kohë, demokratët po shtyjnë një projektligj të veçantë me emrin “Epstein Files Transparency Act”, por ai nuk mund të shqyrtohet para shtatorit, kur Kongresi të rifillojë punimet.
Ndërsa debati vazhdon në Kongres, Gjykata e Lartë pritet të shqyrtojë më 29 shtator nëse do të marrë në shqyrtim apelimin e Maxwell për dënimin e saj për trafikim seksual.
Demokratët thonë se kjo është një çështje që tejkalon politikën.
“Epstein dhe Maxwell nuk bënë një krim pa viktima. Ata shfrytëzuan vajza të mitura dhe i ekspozuan ndaj abuzimit dhe trafikimit të pamëshirshëm,” tha senatori Richard Blumenthal.
Top Channel
-
Dosja Epstein/ Kongresi kërkon që gruaja e milionerit të dëshmojë para tyre, avokatët e Maxwell: Nuk do e bëjë pa imunitet apo falje presidenciale
Avokatët e bashkëshortes së Jeffrey Epstein, Ghislaine Maxwell, thanë në një letër drejtuar Kongresit të hënën se ajo nuk është e gatshme të dëshmojë pa imunitet ose një falje presidenciale për të ulur dënimin e saj me 20 vjet burg, sipas New York Times.
Vëmendja publike kohët e fundit është zhvendosur në mundësinë e Maxwell për të dëshmuar para ligjvënësve pasi administrata Trump ndryshoi papritur kursin dhe refuzoi të publikonte më shumë informacion nga hetimi i dosjes Epstein.
Jeffrey Epstein, një multimilioner me lidhje të shumta në elitën amerikane, vrau veten në një qeli burgu federal në vitin 2019, menjëherë pas arrestimit dhe padisë së tij për akuza trafikimi seksual.
Një hetim më shumë se një dekadë më parë e kishte shpallur Epstein fajtor për akuza shtetërore në Florida, gjë që rezultoi në një dënim për krimin e pagesës së vajzave të mitura për të kryer akte seksuale.
Pas vdekjes së Epstein, Maxwell u akuzua dhe u dënua për konspiracion për të rekrutuar vajza të mitura për t’u abuzuar seksualisht nga Epstein, por çështja ka ngritur dyshime dhe akuza kundër të tjerëve.
Për muaj të tërë, Prokurorja e Përgjithshme Pam Bondi dhe zyrtarë të tjerë të lartë të Trump kanë parashikuar publikisht publikimin e afërt të informacioneve të reja të rëndësishme në lidhje me hetimin e Epstein, vetëm për ta ndryshuar papritur kursin këtë muaj dhe për të këmbëngulur që të mos publikohen më informacione, duke zemëruar shumë nga mbështetësit e tyre.
Trump ishte një mik i hershëm i Epstein përpara se të dy të kishin një krisje në vitin 2004. Presidenti ka mohuar çdo shkelje dhe ka shprehur zhgënjim ditët e fundit që ende i bëhen pyetje në lidhje me çështjen.Top Channel
-
Dosja Epstein dhe roli i Trump/ Maxwell ofron të dëshmojë para Kongresit amerikan, por me kushte: Më garantoni marrëveshje për imunitet!
Ghislaine Maxwell, bashkëpunëtorja e ngushtë e Jeffrey Epstein, është shprehur e gatshme të dëshmojë para Kongresit të SHBA-së, por vetëm nëse i garantohen disa kushte kyçe, përfshirë një marrëveshje për imunitet.
Në një letër drejtuar Komitetit Mbikëqyrës të Dhomës së Përfaqësuesve, avokatët e saj theksojnë se Maxwell, e cila aktualisht po vuan një dënim për trafik seksual të të miturve, nuk do të dëshmojë nëse nuk i sigurohen të drejtat kushtetuese dhe një “rrugë e sigurt përpara”. Ajo gjithashtu po apelon dënimin në Gjykatën e Lartë dhe argumenton se çdo dëshmi mund të kompromentojë mbrojtjen e saj.
Kushtet që ajo kërkon për të dëshmuar përfshijnë:
• Dhënie formale e imunitetit nga ndjekja penale.• Marrja e pyetjeve paraprakisht dhe jo në formë të papritur.• Dëshmia të mos zhvillohet në burgun ku ajo ndodhet aktualisht.• Procesi të ndodhë vetëm pas përfundimit të çështjes së saj në Gjykatën e Lartë dhe kërkesës për habeas corpus.
Në fund të letrës, avokatët e saj i bënë edhe një apel të drejtpërdrejtë Presidentit Donald Trump për ‘mëshirë/ falje’, duke theksuar se nëse ajo do të merrte falje presidenciale, do të ishte “e gatshme dhe e etur të dëshmonte hapur dhe sinqerisht, publikisht, para Kongresit në Uashington DC”.
Megjithatë, reagimi i zyrtarëve të Kongresit ka qenë i ftohtë. Një zëdhënëse e Komitetit Mbikëqyrës e hodhi poshtë mundësinë e dhënies së imunitetit, duke theksuar se kjo nuk është një rrugë që po shqyrtohet.
“Nuk mendoj se ka shumë republikanë që duan t’i japin imunitet dikujt që mund të ketë qenë trafikant seksual i fëmijëve,” tha kryetari i komitetit, James Comer, për CNN.
Maxwell u dënua në vitin 2021 për rekrutimin dhe abuzimin seksual të vajzave të mitura në bashkëpunim me Epstein-in, i cili vdiq në burg në rrethana të diskutueshme në vitin 2019. Ajo po vuan një dënim 20-vjeçar në një burg federal në Florida.Top Channel
-
Trump mohon përfshirjen në rastin Epstein: Nëse do të kishin diçka kundër meje, do e kishin publikuar
Donald Trump
SHBA- Donald Trump u pyet për “dosjet famëkeqe Epstein” gjatë një konference për shtyp me kryeministrin britanik Keir Starmer. Kur një gazetar e pyeti nëse emri i tij shfaqet në dokumentet në fjalë, Trump foli shumë shkurt.
“Është një farsë, e ekzagjeruar jashtë mase,”- theksoi ai, duke ua atribuar trajtimin e çështjes njerëzve që i quajti “llumi më i keq në tokë”. Midis atyre që ai akuzoi me emër ishte ish-Presidenti Joe Biden. Trump u përpoq të distancohej plotësisht nga Epstein, duke pretenduar se kishte ndërprerë të gjitha kontaktet me të për vite me radhë.
“Nuk kam folur me të për vite me radhë. Unë nuk shkova në ishull. E refuzova. Nuk doja të shkoja,”- theksoi ai, madje duke sqaruar se kishte refuzuar një ftesë.
Së fundmi, ai këmbënguli se nëse do të kishte diçka inkriminuese rreth tij, kjo do të ishte bërë publike gjatë kandidimit të tij për president.
“Nëse do të kishin diçka rreth meje, do ta kishin publikuar kur unë kandidoja për president,”- tha ai, duke u përpjekur të largonte çdo dyshim për përfshirjen e tij.
Kush ishte Jeffrey Epstein ?
Milioneri i njohur për shoqërimin me personazhe të famshëm, politikanë, miliarderë dhe yje akademikë, u arrestua në Palm Beach, Florida, në vitin 2005, pasi u akuzua se i kishte paguar një vajze 14-vjeçare për seks. Dhjetëra vajza të tjera të mitura përshkruan abuzime të ngjashme seksuale. Disa të njohur të famshëm e braktisën Epstein pas dënimit të tij, përfshirë ish-presidentët Bill Clinton dhe Donald Trump, por shumë të tjerë nuk e bënë këtë. Epstein vazhdoi të shoqërohej me të pasurit dhe të famshmit edhe për një dekadë tjetër, shpesh përmes punës filantropike. Ai vrau veten në burg ndërsa priste gjyqin. Prokurori amerikan në Manhattan më pas ndoqi penalisht ish-të dashurën e Epstein, Ghislaine Maxwell, e cila e ndihmonte në rekrutimin e viktimave të tij të mitura. Ajo u dënua në vitin 2021 dhe po vuan një dënim me 20 vjet burg.
Çfarë kanë “Epstein files”?
Dokumentet që po zbulohen janë pjesë e një padie të ngritur kundër Maxwell në vitin 2015 nga një prej viktimave të Epstein, Virginia Giuffre. Ajo është një nga dhjetëra gratë që paditën Epstein duke thënë se ai i kishte abuzuar ato në shtëpitë e tij në Florida, New York, Ishujt Virgjër të SHBA-së dhe New Mexico. Disa të dhëna janë publikuar, qoftë pjesërisht ose të plota, në raste të tjera gjyqësore. Pjesa më e madhe e pjesës tjetër përfshin tema dhe njerëz që janë trajtuar në mënyrë të plotë në artikuj gazetash, dokumentarë televizivë, intervista, libra dhe dëshmi për gati dy dekada në gjyqin penal të Maxwell./ZËRI -
Trump mohon përfshirjen në dosjen Epstein, presidenti: Nëse do ekzistonte diçka inkriminuese, do e kishin publikuar kur kandidova
Presidenti amerikan, Donald Trump u pyet të përgjigjej për “dosjet famëkeqe Epstein” gjatë një konference për shtyp me kryeministrin britanik, Keir Starmer.
Kur u pyet nga një gazetar nëse Prokurorja e Përgjithshme duhet ta informojë atë nëse emri i tij shfaqet në dokumentet në fjalë, Trump ishte kategorik: Ai e përshkroi përfshirjen e tij në këtë rast si një “mashtrim” dhe një argument që “ka tejkaluar çdo arsye”.
“Është një farsë, e ekzagjeruar jashtë mase”, theksoi ai, duke ua atribuar trajtimin e çështjes njerëzve që ai i quajti “llumi më i keq në tokë”. Midis atyre që ai akuzoi me emër ishte ish-presidenti Joe Biden.
Trump u përpoq të distancohej plotësisht nga Epstein, duke pretenduar se kishte ndërprerë të gjitha kontaktet me të për vite me radhë.
“Nuk kam folur me të për vite me radhë”, tha ai, duke shpjeguar se arsyeja ishte sjellja e papërshtatshme e Epstein.
“Ai kishte punësuar staf që punonin për mua, i thashë të mos e bënte më. Ai e bëri përsëri dhe e nxora nga vendi. E nxora jashtë dhe kaq ishte”, tha ai.
Presidenti amerikan vazhdoi të mohonte çdo përfshirje në aktivitetet e Epstein në ishullin e tij privat.
“Unë nuk shkova në ishull”, tha ai, madje sqaroi se kishte refuzuar një ftesë përkatëse.
“Shumë njerëz në Palm Beach ishin ftuar. Në një nga momentet e mia të mira, e refuzova. Nuk doja të shkoja”, tha presidenti
Së fundmi, ai këmbënguli se nëse kishte diçka inkriminuese për të, kjo do të ishte bërë publike gjatë kandidimit të tij presidencial.
“Nëse do të kishin diçka për mua, do ta kishin publikuar tashmë kur unë po kandidoja për president”, përfundoi presidenti.Top Channel
-
“Obama nuk ka lindur në SHBA”, Bin Laden “gjallë” dhe “ari i zhdukur”/ Të gjitha teoritë konspirative të Trump që tani e përndjekin
Në vitin 1964, historiani amerikan Richard Hofstadter shkroi një ese të famshme në revistën Harper’s Magazine me titull Stili Paranojak në Politikën Amerikane.
Në të, ai argumentonte se një kombinim i “teprimit të zjarrtë, dyshimit dhe fantazisë konspirative” ka qenë gjithmonë i pranishëm në jetën publike amerikane,nga aktivitetet e supozuara subversive të Illuminatëve të Bavarisë në fund të shekullit XVIII, deri tek Makkartizmi i viteve pesëdhjetë.
Sfida ndaj elitave
Dhe në të vërtetë, teoritë e konspiracionit kanë pasur një vend të rëndësishëm në historinë dhe imagjinatën e Amerikës që nga fillesat, si një dëshmi e një sfide të përhershme ndaj elitave politike, mediatike dhe gjyqësore që përshkojnë shoqërinë amerikane. 65% e amerikanëve besojnë se vrasja e John F. Kennedy ishte fryt i një komploti dhe se dikush tjetër, përveç Lee H. Oswald-it ose bashkë me të, vrau Presidentin. Ndërsa përqindje të konsiderueshme besojnë se zbritja në Hënë ishte një inskenim në një studio të Hollywood-it; se sulmet e 11 shtatorit ishin një “punë e brendshme” e organizuar nga shteti dhe se qeveria ka fshehur provat për vizitat e jashtëtokësorëve në Roswell të New Mexico-s.
Në këtë kontekst futet edhe rasti Epstein, miliarderi mik i Donald Trump, që vetëvra në vitin 2019 ndërsa ishte në burg i akuzuar për abuzime seksuale dhe trafik të të miturve. Rasti Epstein është pjesë e plotë e këtij tregimi, i cili është bipartizan, që do të thotë se prek si republikanët ashtu edhe demokratët. Uashingtoni sot është plot me teori konspirative, intriga dhe dyshime që qarkullojnë mes Shtëpisë së Bardhë dhe Kongresit, duke përmbytur ciklin e lajmeve në televizione dhe gazeta dhe duke u përhapur masivisht në rrjete sociale.
Kush guxoi të përmendte emrin e Trump në atë dosje? Ç’lidhje kanë Barack Obama, Hillary Clinton apo Joe Biden, i cili sipas zërave firmoste dekretet me stilolapsin automatik sepse ishte shumë i plakur?
Një dallim thelbësor
Ka një dallim thelbësor, megjithatë, me të kaluarën: presidentët, në përgjithësi, jo vetëm që nuk ishin burim i teorive të tilla, por përpiqeshin t’i hidhnin poshtë për të mbrojtur dinjitetin e zyrës dhe për të forcuar besimin në institucione. Lyndon Johnson, për shembull, në vitin 1964 krijoi Komisionin Warren për të përgënjeshtruar zërat për vrasjen e Kennedy-t, edhe pse pa sukses.
Karburanti
Por, në rastin e Donald Trump, komploti ka qenë si lëndë ushqyese dhe karburant për ngjitjen e tij politike. Që në vitin 2008, gjatë fushatës së parë të Barack Obamës, ai e përforcoi dhe ndihmoi në përhapjen e gënjeshtrës së “birther”-ëve, sipas të cilës Obama nuk ishte lindur në SHBA. As publikimi i certifikatës së plotë të lindjes së Obamës në vitin 2011 nuk e ndali plotësisht këtë shpifje. Po atë vit, Trump pretendoi se Osama bin Laden nuk ishte vrarë kurrë dhe madje akuzoi Obamën dhe Bidenin se kishin urdhëruar vrasjen e skuadrës së Navy SEAL që kreu operacionin, për të mos lejuar që ata ta zbulonin të vërtetën.
Më vonë, kur hyri në politikë, Trump nuk hezitoi të përdorte teoritë konspirative për të sulmuar kundërshtarët e tij, madje edhe brenda partisë së vet. Në vitin 2016 ai aludoi se babai i senatorit Ted Cruz (kundërshtar në primaret republikane) kishte qenë i përfshirë në vrasjen e Kennedy-t, duke treguar një foto ku babai i Cruz-it shfaqej me Oswald-in. Ishte një gënjeshtër, natyrisht, e ndërtuar për të dëmtuar Cruz-in, siç pranoi më pas një gazetar i National Enquirer, mik i vjetër i Trump.
Në Shtëpinë e Bardhë
Problemi është se as përgjegjësia e zyrës së presidentit nuk e ndaloi Trump-in nga përhapja e teorive të çuditshme dhe të rreme, pavarësisht se ai vetë drejtonte qeverinë që shumë nga këto teori e akuzonin si orkestruese të fshehtë. Përveç gënjeshtrës se zgjedhjet e vitit 2020 ishin manipuluar në favor të Joe Biden-it, një tjetër ishte pretendimi se rezervat e arit të vendit nuk ndodheshin më në Fort Knox, Kentucky, ku supozohet të ruhen. “Do të isha shumë i zemëruar nëse nuk janë më aty”, tha Trump disa muaj më parë, sikur të mos kishte vetë mundësi ta dinte. Ky dyshim ishte aq i rëndë dhe potencialisht shkatërrues për tregjet sa që ministri i Thesarit, Scott Bessent, u detyrua të deklaronte: “Ari nuk është vjedhur”.
Por rasti Epstein rrezikon ta zbulojë Trump-in si një nxënës magjistar që nuk është më në gjendje të kontrollojë forcat që vetë ka thirrur. Përpjekjet për të devijuar vëmendjen, përmes drejtoreshës së bindur të inteligjencës, Tulsi Gabbard, nuk ndihmuan shumë: që nga akuza ndaj Obamës për dirigjimin e hetimeve mbi ndërhyrjen ruse në fushatën e vitit 2016, deri tek zërat se në atë periudhë Hillary Clinton ishte gjithmonë e droguar me një “regjim të rëndë qetësuesish”.
Por, tema Epstein nuk po largohet. Emri i Trump është në dosje. Populli MAGA (Make America Great Again) do të dijë më shumë. Dhe kur përqafohen teoritë konspirative, është e pamundur të ndash ato që të leverdisin nga ato që më mirë do të doje t’i shmangje./ Paolo Valentino- Corriere della SeraTop Channel
-
Nga Obama tek Epstein, teoritë konspirative të Trump që tani po e ndjekin nga pas
Që nga fillimet, teoritë konspirative janë shfaqur si një mënyrë e vazhdueshme për të sfiduar elitën politike, mediatike dhe juridike në SHBA. Sot, rreth 65% e amerikanëve besojnë se vrasja e presidentit John F. Kennedy ishte rezultat i një komploti, ku Oswald nuk ka qenë vetëm.
Shumë të tjerë besojnë se zbritja në Hënë ishte xhiruar në një studio në Hollywood, se sulmet e 11 shtatorit ishin një “komplot i brendshëm” nga vetë shteti, apo se autoritetet fshehën provat për praninë e alienëve në Roswell, New Mexico.
Një rast që i shtohet kësaj narrative është ai i Jeffrey Epstein, miliarderit mik i Donald Trump-it, i cili vdiq në rrethana misterioze në burg në vitin 2019, ndërsa ishte nën hetim për trafik të miturish dhe abuzime seksuale. Ky rast ka ndezur sërish teoritë konspirative në SHBA, dhe ato nuk janë të njëanshme: përfshijnë si republikanët, ashtu edhe demokratët.
Por ndryshe nga presidentët e mëparshëm që përpiqeshin të rrëzonin këto teori për të ruajtur besimin në institucione, në rastin e Donald Trump-it ndodh e kundërta: konspiracionet janë kthyer në karburant të karrierës së tij politike.
Qysh në vitin 2008, ai përhapi mitin se Barack Obama nuk kishte lindur në SHBA, një gënjeshtër që nuk u shua as kur u publikua certifikata e tij e lindjes. Në vitin 2011, Trump pretendoi se Osama bin Laden nuk ishte vrarë dhe se Obama me Biden kishin eliminuar ekipin që kreu misionin, për të fshehur të vërtetën.
Në fushatën e vitit 2016, Trump akuzoi babain e senatorit republikan Ted Cruz për lidhje me vrasjen e Kennedy-t, duke publikuar një foto të tij me Oswald. Edhe pse pretendimi ishte i rremë, ndikoi në diskreditimin e kundërshtarit.
As detyra presidenciale nuk e ka ndalur Trump-in nga përhapja e teorive të tilla. Ai vazhdon të përsërisë se zgjedhjet e vitit 2020 iu “vodhën”, dhe ka hedhur dyshime edhe mbi rezervat e arit të SHBA-së në Fort Knox, duke lënë të kuptohet se nuk është i sigurt nëse janë ende aty. Kjo deklaratë detyroi Sekretarin e Thesarit të sigurojë publikun se “ari nuk është vjedhur”.
Por më delikate është çështja Epstein, e cila po i kthehet Trump-it si një bumerang. Emri i tij ndodhet në dokumentet e hetimit, dhe mbështetësit e tij më të zellshëm, lëvizja MAGA, kërkojnë përgjigje. Tashmë, edhe nëse përpiqet të hedhë fajin mbi të tjerët, duke përdorur figura si Tulsi Gabbard për të akuzuar Obama-n, Clinton-in apo Biden-in, tema nuk zhduket.
Sepse, kur përqafon teoritë konspirative, është e pamundur të ndash ato që të shërbejnë nga ato që të fundosin. -
Emri i Elon Musk në dokumentet sekrete të çështjes Epstein? Prestigjiozja britanike zbulon: U përmend gjatë marrjes në pyetje të Ghislaine Maxwell
Emri i Elon Musk dhe ai i vëllait të tij, Kimbal Musk, rezultojnë ndër dokumentet ende të klasifikuara në lidhje me çështjen Epstein.
Këtë e raporton “Daily Mail”, duke cituar burime të njohura me seancën e gjatë në burg me Ghislaine Maxwell, ish-e dashura dhe bashkëpunëtorja e financierit të ndjerë pedofil Jeffrey Epstein, i cili vdiq në burg në vitin 2019.
Mediat nuk saktësojnë nëse përmendja e emrit të Elon Musk ka lidhje me ndonjë përfshirje direkte apo thjesht me ndonjë referencë, por raportimi është domethënës, veçanërisht pasi vetë Musk kishte akuzuar publikisht Donald Trump për përpjekje për të mos i publikuar dosjet, duke sugjeruar se ish-presidenti amerikan kishte diçka për të fshehur.
Ironikisht, sipas “Daily Mail”, Musk rezulton të jetë vetë i përfshirë në këto dokumente – së bashku me vëllain e tij.
Gjithçka lidhet me një seancë marrjeje në pyetje në burg, ku Ghislaine Maxwell ka bashkëpunuar me hetuesit amerikanë. Ajo është pyetur për një listë prej më shumë se 100 emrash të lidhur me Epstein, përfshirë figura të rëndësishme si princi Andrew, Bill Clinton, Bill Gates, Alan Dershowitz, Les Wexner, Leon Black dhe shumë financues të fuqishëm të Wall Street.
Burime të “Daily Mail” thonë se kjo ishte hera e parë që Maxwell është pyetur zyrtarisht për princin Andrew dhe të tjerë. “Ajo foli me ndershmëri dhe pa frikë. Nuk u tërhoq nga asnjë pyetje dhe dëshiron që e vërteta të dalë në dritë”, deklaroi një burim i afërt me hetimin.
Në raport thuhet se përfshirja e emrit të Elon Musk mund të jetë pjesë e një loje hakmarrjeje apo ndëshkimi ndaj tij, pas konfliktit të hapur me Trump në rrjetin X. Megjithatë, vetë hetimi duket se është shtrirë në një spektër më të gjerë figurash publike, çka në mënyrë indirekte ul fokusin te Trump.
Aktualisht nuk ka ndonjë provë që lidhet konkretisht me ndonjë veprim të paligjshëm nga ana e Musk, por përmendja e tij në një çështje kaq të nxehtë vjen në një moment delikat për reputacionin e tij publik.
Ndërkohë, Prokurori i Përgjithshëm i SHBA-së, Todd Blanche, pritet të takohet me Trump pas kthimit të këtij të fundit nga vizita në Skoci. Në axhendë do të jetë analiza e dëshmive të Ghislaine Maxwell dhe mundësia për ndonjë falje apo lehtësim të dënimit për ish-mikeshën e Epstein, në këmbim të bashkëpunimit të saj me drejtësinë amerikane.Top Channel
-
Vëllai i Jeffrey Epstein: Jam i sigurt që s’është vetëvrarë, kishte informacione dëmtuese për Trump
Mark Epstein, vëllai i financierit famëkeq, ka shprehur bindjen se Jeffrey Epstein nuk është vetëvrarë dhe se fshihet një vrasje pas vdekjes së tij.
Duke folur nga Florida për gazetën Corriere della Sera, ai akuzon Departamentin amerikan të Drejtësisë dhe FBI-në për fshehje të së vërtetës dhe kërkon hetim të ri mbi rrethanat e vdekjes.
“Kur vdiq, nuk më njoftoi askush. E mësova nga CNN në mëngjes. Fillimisht e pranova si vetëvrasje, por kur shkova të identifikoja trupin dhe u bë autopsia, dy mjekë ligjorë thanë se ngjante më shumë me vrasje. Asnjëri prej tyre nuk mund ta quante vetëvrasje”, tha Mark Epstein, duke theksuar se raporti fillestar i vdekjes e shënonte si “në pritje të analizave të mëtejshme”, përpara se të shpallej vetëvrasje pa shpjegime të qarta.
Ai ngre dyshime për rolin e ish-prokurorit të përgjithshëm, Bill Barr, dhe mundësinë që të kenë qenë të burgosur të tjerë ata që mund të kenë vrarë vëllain e tij.
“Në atë kat të burgut kishte edhe 12 të burgosur të tjerë. Pse u përjashtua mundësia që dikush prej tyre ta ketë vrarë”, tha ai.
Mark ka kërkuar të shohë disa intervista që Steve Bannon i kishte bërë Epstein-it pak muaj para arrestimit, për një dokumentar që nuk ka dalë ende.
“Kam parë vetëm një pjesë, ku Jeffrey thotë se kishte ndërprerë kontaktet me Trump sepse e konsideronte mashtrues. Pas vdekjes së tij, kontaktova Bannon për të parë intervistat e tjera, por nuk më është përgjigjur më”, tha ai.
Ai shpreh gjithashtu skepticizëm për dëshminë e Ghislaine Maxwell, bashkëpunëtores së ngushtë të Epstein, e cila po merret në pyetje nga zyrtarë të lartë të Departamentit të Drejtësisë.
“Do të ishte me interes të dinim nëse ajo është pyetur për lidhjet e Trump me Epstein. Jeffrey më pati thënë se kishte informacione dëmtuese për Trump”, tha Epstein.
Për sa i përket vetë Ghislaine Maxwell-it, Mark pranon se nuk ka pasur kontakte me të prej dekadash dhe nuk di çfarë mund të dëshmojë. Megjithatë, ai kritikon zyrtarët që paragjykojnë dëshminë e saj.
“Kur kryetari i Dhomës së Përfaqësuesve, Mike Johnson, tha se ajo ka arsye për të gënjyer, pashë që po përgatitej terreni për ta diskredituar atë, para se të flasë”, theksoi ai.
Në fund, i pyetur nëse e dinte për lidhjet e vëllait me vajza të mitura, Mark Epstein pranon: “Ma kishte mbajtur të fshehtë. E dija që dilte me shumë vajza, por jo për gjithë situatën. Më pas, kur u përball me akuzat, më tha se ishte për marrëdhënie me të mitura dhe e pranoi si një gabim të madh”.