Tag: emirates

Sonte u zhvilluan neshjet e para të sfidave çerekfinale në Champions League. Në “Emirates”, Arsenali priti kampionin në fuqi të Europës, Real Madridin. Të dyja ekipet vinin me mungesa të shumta në këtë takim, por në sfida si kjo nuk ka nevojë për motivim, kushdo që luan, është i detyruar të japë më të mirën në fushë.
Në minutën e 13-të ndodhi një episod i diskutueshëm, pas një topi të Martinelli-t në zonë, Declan Rice gjuan dhe topi i goditur prej tij prek dorën e Asencio-s. SHIKORASTIN
Vendasit pretendojnë për penallti. Arbitri Irfan Peljto, pasi merr konfirmimin e VAR vazhdon lojën dhe thotë se nuk ka asnjë gjë të parregullt në këtë rast. Në minutën e 30-të, Kylian Mbappe pati një shans të artë për të kaluar në avantazh, por portieri i “Topçinjve”, Raya, u tregua i vëmendshëm. Pjesa e parë u mbyll 0-0. Në pjesën e dytë do të vinte “shpërthimi” i Arsenalit.
Rezultati do të zhbllokohej në minutën e 57-të, mesfushori anglez, Declan Rice, shënoi një supergol nga goditja e dënimit, ekzekutim perfekt i tij. SHIKOGOLI1
Në minutën e 69-të do të përsëritej sërish skena. Declan Rice do të ekzekutonte një tjetër goditje dënimi perfekte dhe topi përfundon për herë të dytë në rrjetën e Courtois. SHIKOGOLIN2
Në minutën e 75-të, ishte Mikel Merino që shënoi golin e tretë për Arsenalin, duke vulosur kështu një fitore të jashtëzakonshme që do të mbahet mend gjatë. Spanjolli do të shënonte me një goditje shumë të bukur pas asistit të Myles Lewis-Skelly. Rezultati përfundimtar, Arsenal 3-0 Real Madrid. SHIKOGOLIN3