Myrto Uzuni mund t’i befasojë të gjithë në merkaton e ardhshme. Lojtari shqiptar po mendon largimin nga SHBA-të. Sipas “TuttoCagliari.net”, Uzuni i ka shprehur njerëzve të tij të afërt dëshirën për t’u larguar nga MLS-ja në fund të këtij viti.
Sulmuesi kuqezi pritet të rikthehet në elitën e futbollit europian. Mësohet se emri i tij gjendet në listën e Kaljarit. Klubi i Serisë A po shqyrton mundësinë e një huazimi në janar, në mënyrë që deri në fund të sezonit të shihet ndikimi i tij në skuadër. Në rast se Uzuni do të përshtatet me sukses, atëherë në verë mund të kryhet një ofertë zyrtare për kartonin e tij./Sport Ekspres/
Tag: elitën
-
Myrto Uzuni është gati të kthehet në elitën e futbollit europian, e kërkon klubi i Serisë A
-
Gjiko rrëfen historinë e dashurisë me Elitën: Ishte dashuri me shikim të parë
I ftuar ne ‘S’e luan topi’ ka qenë artisti i njohur Gjiko. Këngëtari ka ndarë me publikun histori të veçanta nga jeta e tij, duke filluar nga fëmijëria, pasioni për muzikën, deri tek krijimi i familjes. Gjiko tregoi se takimi i tij me moderatoren Elita Rudi ishte një moment vendimtar. Ai pranoi se që në intervistën e parë i kishte thënë se ajo do të bëhej gruaja e tij. “Ka qenë dashuri me shikim të parë,” – tha ai, duke shtuar se energjia, humori dhe traditat familjare ishin ato që i bashkuan.
Për këngëtarin, cilësia më e veçantë e bashkëshortes së tij është fakti që nuk lëkund bindjet e saj për askënd. “Kjo e bën një nënë të vendosur dhe një grua me karakter të fortë, gjë që unë e admiroj jashtë mase,” – u shpreh ai.
Në fund të intervistës, Gjiko dha edhe një premtim publik: së shpejti do t’i dedikojë një këngë Elitës. “Ajo e meriton, e meriton gjithë botën,” – tha artisti, duke e përmbyllur bisedën me një deklaratë dashurie.
‘Ishte me të gjitha. Unë si njeri gjithmonë e kam ditur se çfarë dua në jetën time dhe nuk është se kam gabuar ndonjëherë me ndonjë gjë. Me Elitën ka qenë edhe energjia, gjeneza. Në kuptimin që si familje ata janë shumë të mirë, kur përputhet sensi i humorit, aspiratat për jetën dhe tradita familjare atëherë nuk besoj se mund të ketë diçka që të mund të shkojë keq. -
“Elita më pyeti…”/ Akuzat për abuzim, Gjiko: Kalova ankth, stres, depresion
Reperi i njohur Gjiko ka folur hapur për periudhën më të vështirë të jetës së tij, kur ndaj tij u ngritën akuza të rënda rreth 10 vite më parë. Ai ka treguar se përveç presionit mediatik, në të njëjtën kohë familja po kalonte një dramë të madhe, pasi vëllai i tij Arlindi ishte i sëmurë nga kanceri.
“Na u shemb bota mbi neve. U përhapën aludime se unë kisha fjetur me një vajzë pa dëshirën e saj, nën ndikimin e kanabisit. Akuza nuk erdhi nga ajo, por nga prokuroria. Vajza ishte 18 vjeçe, një fanse shumë e zjarrtë që donte kontakt me mua. Kam pasur shkrimet e saj në Facebook ku i kam thënë se nuk dua të kem lidhje. Kur gjykata pa këto fakte, ne u shpallëm të pafajshëm,” tha reperi.
Gjiko shtoi se ky proces i ka shkaktuar dëme të mëdha emocionale dhe psikologjike: “Stresi, ankthi, dëmet psiqike… por më e rënda është kur mendon gruan, fëmijët, babin, nënën. Çfarë t’u bësh atyre?”
Ai tregoi gjithashtu se e ka diskutuar çështjen me bashkëshorten e tij, Elitën, e cila sipas tij ka treguar forcë dhe mbështetje të jashtëzakonshme: “Me Elitën e kemi bërë muhabet. Më ka pyetur a është e vërtetë. Ajo ka qenë stoike.”
“Kur nisën akuzat, kishim Arlindin të sëmurë nga kanceri dhe na u shemb bota mbi neve. U përhapën aludime se unë, para 10 vitesh, kisha fjetur me një vajzë pa dëshirën e saj, nën ndikimin e kanabisit. Ishte një gjë absurde. Akuza nuk erdhi nga ajo, por nga prokuroria. Vajza, atëherë 18 vjeçare, e kishte thënë në një deklaratë policie, por nuk kishte asnjë lidhje me mua. Ajo ishte një fanse e zjarrtë që kërkonte me çdo kusht kontakt me mua. Kam pasur shkrimet e saj në Facebook dhe i kam thënë qartë se nuk doja të kisha asgjë me të. Kur gjykata pa këto fakte, ne u shpallëm të pafajshëm.
Për mua u shkruan gjëra banale. Kam kaluar stres, ankth, dëme emocionale e psikologjike… por mendja më shkonte tek gruaja, fëmijët, babai, nëna. Çfarë mund t’u bëja atyre?
Me Elitën e kemi folur hapur. Më ka pyetur nëse ishte e vërtetë. Ajo ka qenë stoike, më ka qëndruar pranë.”