Një lokal është përfshirë nga flakët gjatë mbrëmjes së sotme (25 mars) në fshatin Novoselë të Vlorës.
Gazetari i Report Tv, Armand Xhelili, informon se nga zjarri janë shkaktuar dëme materiale, kurse forcat zjarrfikëse kanë shkuar menjëherë në vendngjarje, duke bërë të mundur shuarjen e flakëve.
Nga hetimet paraprake dyshohet se shkak është bërë një shkëndijë elektrike, teksa do pritet edhe ekspertimi piroteknik për të vërtetuar dhe në rrugë shkencore. Gjithashtu po merret edhe dëshmia e pronarit të lokalit.
Tag: elektrike
-
Zjarri shkrumbon një lokal në Vlorë, shkak dyshohet shkëndija elektrike
-
Volkswagen nxjerr në treg makinën elektrike për masat
Siç kishte premtuar Volkswagen prezantoi ditën e sotme makinën e ardhshme elektrike buxhetore në Wolfsburg të Gjermanisë. Prodhuesi e përshkruan konceptin e ID.EVERY1 si një makinë smart, fleksibël dhe me kosto të përballueshme për masat.
Versioni prodhues pritet të kushtojë 20 mijë euro kur të mbërrijë në 2027. Modeli i bashkohet ID.2all dhe versionit sport ID.GTI në përdorimin e platformës modulare MEB e dizajnuar për të mbështetur çdo gjë nga makinat kompakte si ID.EVERY1 deri tek makinat e mëdha SUV.
Katër modele elektrike do të lançohet bazuar në versionin rrotat e përparme aktive deri në 2027. Duke qenë se është një makinë buxhetore, makina ka edhe disa limite. Së pari është shpejtësia maksimale prej 130km/h dhe motori me 94 kuaj fuqi.
Volkswagen thotë se me një karikim të vetëm përshkon 250km. Makina do të shitet vetëm në Europë dhe Volkswagen e përshkruan si nga “Europa për Europën.”/PCWorld Albanian
-
Xiaomi ngriti një investim 5.5 miliardë dollarë për të financuar ambicjet me makinat elektrike
Gjiganti Kinez Xiaomi tha ditën e Marte se ka ngritur 5.5 miliardë dollarë përmes shitjes së aksioneve ndërsa kompania po shtyn përpara planet ambicioze të prodhimit të makinave elektrike.
Prodhuesi i tretë më i madh në botë i smartfonvëve shiti 800 milionë aksione pas vlera e tyre u rrit me 150 përqind në 6 muajt e fundit nisur nga entuziasmi i krijuar rreth makinave elektrike.
Mëse 200 investitorë u përfshinë në blerjen e aksioneve ku 20 prej tyre morën 66 përqind të tyre. Xiaomi tha se investimi i ngritur do të përdorej për të mbështetur ekspansionin e biznesit si dhe në kërkim dhe zhvillim teknologjik.Xiaomi filloi prodhimin e makinave elektrike vitin e kaluar me lançimin e veturës SU7 një kthesë e madhe për një kompani e cila bëri emër duke shitur smartfonë dhe pajisje elektroshtëpiake.
Në tre mujorin e katërt të vitit raportoi një rritje të ardhurash prej 50 përqind ndërsa ngriti edhe objektivat e prodhimit të makinave elektrike për 2025 nga 300 mijë në 350 mijë.Raportoi se Xiaomi gjeneroi 4.4 miliardë dollarë të ardhura nga biznesi i saj i makinave elektrike në 2024 duke shitur 135 mijë vetura SU7. Xiaomi është shprehur se synon të fillojë shitjet e makinave jashtë Kinës në 2027. /PCWorld Albanian
-
Vendimi i ERE/ Ulet çmimi i energjisë elektrike për abonentët familjarë
Enti Rregullator i Energjisë (ERE) ka miratuar uljen e çmimit të energjisë elektrike për abonentët familjarë.
Çmimi i ri i energjisë ulet nga 9.5 Lekë në 8.5 Lekë për konsumin 700 KWH, pra ulet me 1 Lek.Ndërsa për konsumin mbi këtë fashë tarifa do të jetë e pandryshuar, 9.5 Lekë.
Çmimet e reja hyjnë në fuqi nga data 1 Shkurt 2025 dhe do të jetë në fuqi deri më 31 Dhjetor 2025.
Ulja e çmimit të energjisë me këto tarifa ishte propozim i Operatorit të Shpërndarjes së Energjisë Elektrike.Aktualisht çmimi i energjisë elektrike për familjet është 9,5 Lekë për kilovat pa TVSH, ndërsa me TVSH arrin në 11,4 Lekë.