Lajmidites.com

Tag: Elbasan

  • Faza e parë mbyllet me tre finale, në tre fusha…cilësore

    Faza e parë mbyllet me tre finale, në tre fusha…cilësore

    Stadiumet “Flamurtari”, “Elbasan Arena” dhe “Air Albania Stadium” ofrojnë cilësi maksimale.

    Këtë të mërkurë Abissnet Superiore ka në program 3 ndeshjet e fundit të javës së nëntë. Do të nisë me Flamurtari-Vllaznia në orën 17:00 për të vijuar me dy supersfidat Tirana-AF Elbasani dhe Dinamo- Partizani me start orën 19:30.

    Në Vlorë presin kthesën e madhe për fitoren e parë. Kura Moriero edhe pse skuadra po qaset më mirë ende nuk ka dhënë efekt pasi nën drejtimin e tij në dy takime janë regjistruar 2 humbje. E ndërsa sot do të duhet të përballet me Vllazninë kryesuese, vështirësia rritet ndjeshëm.

    Ndërkohë në 19:30, Dinamo pret në Elbasan, Partizanin. Dy skuadrat e kryeqytetit vijnë nga momenti i mirë duke premtuar një sfidë të pasur me tregues teknik. Blutë duan të mbajnë ritmin me kreun ndërsa të kuqtë pas një fitorje e një barazimi nën drejtimin e Kërnajës janë në kërkim të pikëve që të largojnë nga zona e poshtme.

    Duel mjaft interesant pritet të zhvillohet në “Air Albania” aty ku Tirana e Elbasani do ndeshën për gjithëçka. Bardheblutë e Bordin kanë vetm një “dalje”, derën me emrin ‘fitore’. Ndryshe skuadra më e titulluar në vend do të katranoste seriozisht situatën te zona e kuqe. Më ndryshe duket Elbasani i cili edhe pse pati luhatje javët e fundit, në aktin e tetë, mori një fitore që e mban në katërshen e parë./Erga Kenga/

    Sot java e 9-të

    Flamurtari- Vllaznia 17:00

    Tirana- AF Elbasani 19:30 (Air Albania)

    Dinamo- Partizani 19:30 (në Elbasan)

    Luajtur të martën 28 tetor 2025

    Bylis- Vora 2-1

    Egnatia- Teuta 1-0

    Vazhdo leximin

  • Egnatia i shkakton Teutës humbjen e parë, Bylis mund Vorën

    Egnatia i shkakton Teutës humbjen e parë, Bylis mund Vorën

    Java e 9-të e Kategorisë Superiore nisi dje me dy duelet e paera të saj, ku ra në sy humbja parë sezonale e Teutës, humbje 1-0 që ia shkaktoi Egnatia, kurse Bylisi mori tri pikë pasi mundi Vorën 2-1. Konkretisht, Egnatia ka marrë dje një fitore historike përballë Teutës, pasi për herë të parë ia ka dalë të mposhtë durrsakët në Rrogozhinë në Superiore. Për ta bërë këtë i është dashur një gol i shënuar nga Albaneze në fundin e pjesës së parë, pas një gjuajtje mjeshtërore që nuk i la mundësi të reagonte Selmanit. Ky gol i dha tre pikët rrogozhinasve, duke i shkaktuar humbjen e parë të këtij sezoni në kampionat Teutës.
    Ndërkohë, në ndeshjen tjetër të luajtur dje, Bylis duhet të luante nga minuta e 17-të me një lojtar më pak, pasi kapiteni Marin Abazaj u largua me karton të kuq. Gjyqtari Ditmar Grimci e largoi Abazajn nga loja, pas faullit të shkaktuar ndaj Karricës. Kur pritej që gjithçka të vijon në favor të miqve, çuditërisht Bylisi vazhdoi të ishte më kërkues dhe menjëherë kaloi në avantazh. Rrugën e rrjetës e gjeti Ualison. Barazimi i Vorës erdhi në minutën e 57-të nga Karrica. Gjyqtari anësor sinjalizoi për pozicion jashtë loje fillimisht, por VAR ndërhyri që goli të ishte i rregullt. E njëjta situatë si një pjesën e parë u përsërit, ku Bylisi dhe pse në inferioritet numerik vazhdonte më kërkues. Golin e përmbysjes së rezultatit e solli Sanogo, që detyroi portierin Ruçi të shkaktonte autogol. Ishte një trepikësh me vlera për Bylisin, pasi i largohet për momentin zonës së ftohtë dhe i afrohet Vorës me vetëm një pikë më pak.
    Superiore/ Java 9
    Të martën
    Bylis-Vora      2-1
    Egnatia-Teuta  1-0
    Të mërkurën
    Flamurtari-Vllaznia 17:00
    Dinamo-Partizani 19:30
    Tirana-Elbasani 19:30
    Renditja
    Nr.Skuadra    Pikë
    1.Vllaznia        19
    2.Egnatia         18
    3.Teuta            14
    4.Elbasani        14
    5.Dinamo        14
    6.Vora             10
    7.Bylis             9
    8.Partizani       8
    9.Tirana           6
    10.Flamurtari   2

  • “Turizmi po përdoret si alibi për skemat korruptive”/ Personat e veshur me pushtet, flet Zhupa: Janë premtuar…

    “Turizmi po përdoret si alibi për skemat korruptive”/ Personat e veshur me pushtet, flet Zhupa: Janë premtuar…

    Deputetja e Partisë Demokratike, Ina Zhupa në Takimin e njëzetë të Komitetit Parlamentar të Stabilizim-Asociimit Shqipëri – Bashkimi Evropian deklaroi se turizmi po përdoret si alibi për skemat korruptive.
    Zhupa tha se investitorët strategjikë gjatë fushatës elektorale kishin objektiv votat në zonat e tyre, ku kanë premtuar investime në shkëmbim të votave. Më tej, deputetja u shpreh se çdo ditë merren 80 mijë euro nga taksat e qytetarëve në lidhje me aferën e inceneratorëve.
    Fjalimi i plotë:
    Turizmi po përdoret si alibi për skemat korruptive dhe preferenciale të “investimeve strategjike”. Këta të fundit kanë përfituar këtë status jo rrallëherë në mungesë të theksuar të procedurave konkurruese dhe të transparencës publike. Mbi të gjitha, bëhet fjalë për persona të veshur me pushtet politik, si në rastin e bashkëshortit të ish-ministres së Jashtme, znj. Xhaçka, apo për pastrimin e parave nga krimi i organizuar nëpërmjet individëve “prestanome”, pa historik të kapitalit financiar të justifikueshëm.
    Gjatë fushatës elektorale, investitorët strategjikë kishin si objektiv votat në zonat e tyre. Në zonën time elektorale janë premtuar investime të reja strategjike në Lekurës e në Ksamil.
    Mega-afera e koncesionit të aeroportit të Vlorës është provuar me dokumente shtetërore si një procedurë fiktive, me kompani fiktive dhe me veprime të kryera hapur në mashtrim të ligjit. Projekti tashmë i korruptuar edhe publikisht dhe në shkelje të MSA-së, për mungesë konkurrimi në tenderim, mbetet një rrezik për biodiversitetin, florën dhe faunën e lagunës së Nartës.
    Nga ana tjetër, prej muajsh mediat raportojnë se kantieri është jashtë pune, duke kujtuar se Aeroporti i Mynihut është tërhequr nga supervizimi, për shkak të presionit mbi shkeljet e konventave ndërkombëtare dhe rrezikut mjedisor. Dëmi që i është shkaktuar aktualisht, edhe nëse projekti nuk përfundon, do të krijojë një ndotje afatgjatë dhe mjaft të rëndë për mjedisin e zonës së mbrojtur.
    Projektet infrastrukturore mbeten projekte korruptive, që nuk janë ngritur në nivelin për ta kthyer Shqipërinë në një destinacion turistik. Ato janë më shumë dosje hetimore sesa investime të frytshme për vendin.
    Ligji nr. 81/2017 “Për zonat e mbrojtura” ishte hartuar në frymën e legjislacionit dhe të parimeve evropiane, me asistencën e ekspertëve. Deri në këtë moment nuk është paraqitur asnjë raport apo analizë studimore që të dëshmonte vështirësitë e zbatimit të ligjit apo probleme të mundshme në terren.
    Pra, dukshëm nuk kishte asnjë arsye apo shqetësim real për të propozuar ndryshime drastike në këtë kuadër ligjor. E aq më pak, nuk ishte e nevojshme që këto ndryshime të bëheshin pa konsultime me ekspertë dhe institucionet përgjegjëse vendase apo të huaja.
    Në lidhje me mjedisin, kujtojmë se në vitin elektoral janë përcaktuar të mbillen të paktën 1 miliard e 200 mijë rrënjë kanabis, sa kurrë ndonjëherë më parë në histori. Dhe të gjitha këto, tashmë jo bimë klandestine, por bimë të mbjella me “certifikatë shteti”. Narkoqeveria ka shpërndarë në mënyrë të paligjshme leje për mbjelljen e mbi 29.000 hektarëve drogë, ndërkohë që ligji parashikon vetëm 200 hektarë në total. Ky veprim ishte një formë blerjeje masive të votave, në kundërshtim me ligjin dhe me konventat ndërkombëtare.
    Në Shqipëri janë harxhuar miliona euro, dhe vazhdojnë të harxhohen, për futjen e metodës së incenerimit. Tashmë, pa pranuar dështimin, ne vijojmë të paguajmë kostot e korrupsionit. Në fakt, asnjë incenerator nuk funksionon: as ai i Elbasanit, as i Fierit, ndërsa ai i Tiranës as që ekziston, por merr 80 mijë euro çdo ditë nga taksat e qytetarëve. Një aferë prej 430 milionë eurosh, ndërkohë që problemi i mbetjeve është kthyer jo vetëm në problem mjedisor, por edhe në problem të thellë korrupsioni. Shumë kanë përfunduar në burg, dhe të tjerë do të shkojnë.
    Bashkimi Evropian nuk mbështet afera korruptive që fshihen pas pretendimit të zhvillimit të turizmit, mjedisit dhe procesit të integrimit.

  • Derbi ndaj Partizanit, Bregu: Dua të shënoj, ekipi është i fokusuar

    Derbi ndaj Partizanit, Bregu: Dua të shënoj, ekipi është i fokusuar

    Futbollisti i Dinamos, Dejvi Bregu iu përgjigj pyetjeve të gazetarëve para ndeshjes ndaj Partizanit.
    “Atmosfera në skuadër para derbit me Partizanin është shumë e mirë. Kemi pasur një ecuri mjaft pozitive këto javët e fundit. Derbi është një ndeshje e bukur, ka një rëndësi të veçantë dhe besoj se jemi gati për këtë sfidë.
    Ndeshja në Elbasan? Kemi luajtur gati një vit aty dhe na është bërë si shtëpia jonë. Është derbi i Tiranës dhe mirë do të ishte të luhej në Tiranë, por këto janë gjëra të jashtme dhe ne duhet të fokusohemi vetëm te ndeshja.
    Normalisht, do të ishte më mirë nëse të dyja skuadrat dp të rivalizonin për kreun, por mbetet një derbi. Ne jemi përgatitur dhe ata vijnë nga dy rezultate pozitive radhazi. Dhe ne vijmë nga një paraqitje goxha e mirë dhe mbetet ta tregojë fusha gjithçka.
    Partizani mbetet një kundërshtar i fortë, pavarësisht se njerëzit mund të thonë që ka pasur krizë më përpara. Nuk i besoj këto zëra, ata kanë lojtarë me cilësi në përbërje. Edhe ne kemi lojtarë shumë të mirë që janë gati.
    Gol në derbi? Do të ishte bukur, por siç e kam thënë gjithmonë, e rëndësishme është që të fitojë skuadra. Kemi një ecuri të mirë dhe do të ishte mirë për ne të kemi vazhdimësi. Si lojtarët e formacionit, edhe ata që janë në stol, janë të gatshëm plotësisht për këtë sfidë.

    Ndeshjet e ardhshme janë sfida interesante, me rivalët tanë direkt, por ne duhet të fokusohemi vetëm te përballja e nesërme me Partizanin. Shpresoj shumë ta kalojmë me rezultat pozitiv Partizanin, pastaj do të mendojmë për ndeshjet e tjera”.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Vora, Bellai: I zhgënjyer me rezultatin, kjo humbje le të shërbejë si mësim

    Vora, Bellai: I zhgënjyer me rezultatin, kjo humbje le të shërbejë si mësim

    Trajneri i Vorës, Arjan Bellai u shpreh i zhgënjyer pas humbjes 2-1 ndaj Bylisit.
    “Nuk jam fare i kënaqur sot, besoj se ndeshja u humb, domethënë e humbëm qejfin e dëshirën duke u kënaqur në anë psikologjike te kartoni i kuq. Duke e ditur që Ballshi e kishim thënë që në ndeshje brenda është mundur me vështirësi më përpara. Me Elbasanin luajti mirë e barazoi me një gol që nuk u quajt. Aty besoj ajo dëshira që ta bëj unë, të shënoj unë, bëri të mos shkojmë shpesh, nuk ishim të saktë në goditje standarte.

    Kjo erdhi si rezultat edhe me mungesat që kemi, edhe me dëmtimet që vijnë një herë njëri e një herë tjetri. Por duhet të jemi të gjithë të gatshëm, ky është futbolli, nuk duhet të themi mungon Bellaj e duhet të luajë dikush tjetër. Duhet të jemi të gjithë të gatshëm e të japim maksimumin në çdo ndeshje. Qe më e mirë kjo shuplakë, që të rrimë më mirë me këmbë në tokë, që të mos mendojmë se u bëmë dikush, Duhet të shikojmë sa kemi lartësinë tonë, mos e çojmë shumë kokën lart. Besoj kjo humbje sot na ul tamam me këmbë në tokë, duke e ditur programin që fillon që nga java tjetër me Partizanin. Ndeshjet në vazhdim fillojnë nga e para dhe është një kampionat më i vështirë duke e ditur se tabela në zonën ku jemi ne është më e ngjeshur” – tha ai.
    Ne kur ndërtojmë lojën, Kasalla luan 8-sh me Tabakun dhe Dalipi është 6 i pastër që organizon nga mbrapa. Kasalla, meqë topin e njeh shumë mirë, na organizon gjithmonë lojën dhe nuk bëri keq. Ai kishte një problem me dhëmbin, ka qenë tre ditë te dentisti dhe ishte pa dhëmbë, ju nuk e keni parë. Nuk kishte atë freskinë që duhej pasi edhe dje në darkë, edhe sot në mëngjes jemi marrë vetëm me të. Për mua ka bërë shumë mirë, thjesht e penalizoi pak fusha, ishte pak e rëndë se ai është teknik. Tabaku kishte urdhër të ngjitej më lart se ishin me 10 lojtarë e dikush duhej të ngjitej. U fola shumë herë edhe Kasallës e Dalipit që të ngjiteshin dhe u vonuam.
    Duke u ngjitur Dalipi më lart, edhe Kasalla të shkonte me lart, u bë dy herë. Në pjesën e dytë ishte urdhër që duhej të luanim kështu.
    Ne kemi filluar në pjesën e parë jo mirë, në pjesën e dytë mirë. Ky është futboll dhe nuk mund ta dish kur luan mirë apo keq. Por pjesën e dytë është si pjesa e parë e ndeshjeve të tjera, na mungonte freskia e shpirti i ndeshjeve të tjera.
    Daka ka ndihmuar, e ka bërë mirë në krah, e provova edhe me Dinamon Bardhin duke hequr Zunën. Nuk dhamë atë që duhej, është edhe lodhje se janë të njëjtat futbollistë dhe Bardhi është nga ata që bën kilometrat më të shumta. Edhe në ndeshjen me Elbasanin kishte probleme. Ndaj u detyrova, isha i kënaqur se bëri shumë mirë”,

  • Elbasan: 33-vjeçari plagos me thikë një 52-vjeçar pas një konflikti, arrestohet nga policia

    Elbasan: 33-vjeçari plagos me thikë një 52-vjeçar pas një konflikti, arrestohet nga policia

    Një 33-vjeçar ka rënë në prangat e policisë së Elbasanit, pasi pas një konflikti ditën e djeshme në lagjen “Vullnetari”, plagosi me thikë një 52-vjeçar.
    52-vjeçari i plagosur, fatmirësisht ndodhet jashtë rrezikut për jetën.
    I arrestuari, me precedent penal për vjedhje akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
    “Menjëherë pas marrjes së njoftimit se në lagjen “Vullnetari”, një shtetas ishte plagosur me mjet prerës (thikë), shërbimet e Komisariatit të Policisë Elbasan organizuan punën dhe shkuan në vendngjarje. Si rezultat i veprimeve të shpejta hetimore dhe operacionale, u bë i mundur  identifikimi dhe kapja e autorit të dyshuar të plagosjes, shtetasit:
    -B. S., 33 vjeç, banues në Elbasan.
    Nga hetimet dyshohet se ky shtetas, dje, në lagjen “Vullnetari”, gjatë një konflikti për motive të dobëta, me shtetasin S. D., 52 vjeç, e ka goditur atë, me mjet prerës (thikë).
    52-vjeçari është në kujdesin e mjekëve, jashtë rrezikut për jetën.”– njofton policia.

  • “Na duhen pikët”, Bordin përpara Elbasanit: Jemi investuar për të qenë lart

    “Na duhen pikët”, Bordin përpara Elbasanit: Jemi investuar për të qenë lart

    Me 6 pikë në 8 javë, Tirana vijon të lundrojë në ujera të turbullta, për momentin bardheblutë ndodhen në zonën e kuqe, ne vendin e 9-të. Situata në letër është shumë shqetësuese, por trajneri Roberto Bordin beson se tabela nuk tregon realitetin pasi ky është një ekip që është investuar për të qenë në pjesën e lartë të tabelës:
    “Ka një rritje përsa i përket pjesës fizike që është e rëndësishme, qëkur kam ardhur kam ndërhyrë edhe në pjesën taktike se i kam parë vetëm nga videot dhe nuk i njihja. Flas vetëm për pjesën qëkur kam ardhur unë mendoj se jemi përmirësuar shumë qëkur kam ardhur, por është një moment që asgjë nuk vlen përveç pikëve.

    Kundër Vllaznisë bëmë një ndeshje të mirë, gabuam kur pësuam dy gola dhe më pas ishim në superiritet numerik por na e bënë të vështirë pasi u mbyllën shumë. Është për të ardhur keq se në pjesën e parë patëm 4-5 raste shumë të mira për të shënuar edhe normalisht do ishte gjë e mirë nëse do të kishte ndodhur. Siç e ka thënë dhe presidenti ynë, duhet të vendosim zemrën në fushë, jemi investuar për të qenë lart në renditje, do të jetë një përballje e rëndësishme me Elbasanin.
    Në futboll faji nuk është individual fitojmë ose humbim të gjithë, goli i parë i Vllaznisë ishte i paparashikueshëm, iu ngriti moralin dhe ne na demoralizoi, Patëm raste në pjesën e dytë dhe duhet të kishim shënuar golin e dytë, në pjesën e dytë nuk mund të bënim gjë. Boris nuk mund ti shënonte përballë portierit se do të hapnim ndeshjen. Janë ndryshuar shumë lojtarë, ka pasur shumë hyrje dalje, 6 lojtarë të ndryshuar, Elbasani dhe sapo u fut në Superiore ishte deri në fund për në katërshe dhe Elbasani ka kualitete dhe një skuadër të fortë.
    Unë them që skuadra është rritur që nga momnenti që unë kam ardhur, ka raste që luan shumë mirë si me Dinamon por nuk merr pikë, kemi edhe ndeshje direkte pas Elbasanit që kanë pothuajse pikë të njëjta me ne dhe duhet ti shfrytëzojmë për tu ngjitur. Kjo është një skuadër shumë e mirë qëkur kam ardhur dhe duhet të punojmë shumë fort deri kur të vijë janari mundohem të korrigjoj gjërat që nuk shkojnë, e rëndësishme është që deri në janar të bëjmë sa më mirë, jam i lumtur me lojtarët që kam.
    Përveç Rafës që nuk është rikuperuar 100%, nuk është se kemi ndonjë problem madhor dhe do të jenë të gatshëm. Presionet janë normale, por nuk na vendosin në vështirësi, jemi të vetëdijshëm për situatën e vështirë që po kalojmë”, u shpreh Bordin.

  • Disiplina zbulon vendimet, Vllaznia dhe Elbasani dënohen me gjobë

    Disiplina zbulon vendimet, Vllaznia dhe Elbasani dënohen me gjobë

    Komisioni i Disiplinës, në Federatën Shqiptare të Futbollit, ka zbuluar vendimet, në lidhje me ngjarjet e fundit të ndodhura në futbollin shqiptar.
    Vllaznia dhe Elbasani janë dënuar me gjobë, për sjellje të gabuar të tifozëve në ndeshjet e fundit. Po ashtu, zyrtari i Burrelit, Arjan Lleshaj, është pezulluar me 10 ndeshje, për kërcënim ndaj zyrtarëve të ndeshjes.
    Nuk mungojnë dënimet as në kategoritë e tjera të futbollit shqiptar.
    Vendimet e plota:
    1. KF Vllaznia, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
    2. AF Elbasani për sjellje të gabuar të spektatorëve, duke ndezur flakadanë dhe mjete të tjera piroteknike si dhe duke përdorur kore fyese, në bazë të neneve 17/2/b, 17/2/c dhe 17/2/e të KDE, dënohet me gjobë në masën 200.000 (dyqind mijë) lekë.
    3. Zyrtari i KF Burreli, Arjan Lleshaj, për kërcënime ndaj zyrtarëve të ndeshjes, në bazë të nenit 14/1/k të KDE, dënohet me 10 (dhjetë) ndeshje pezullim nga veprimtaritë.
    Në zbatim të nenit 6/2/c të KDE, zyrtarit i ndalohet hyrja në të gjitha stadiumet dhe në veprimtaritë sportive të organizuara nga FSHF, deri në përfundim të dënimit.
    4. Lojtari i KF Gramshi, Ernis Dhimitri, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.
    5. Lojtari i KSSH Veleçiku, Elsaid Nika, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
    6. Çeljen e hetimit disiplinor në lidhje me incidentet e ndodhura në ndeshjen Eagle Football kundër KF Butrinti.
    7. Lojtari i KF Maliqi, Enrik Agolli, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.
    8. Lojtari i Partizani B, Marselo Gjuzi, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 3 (tre) ndeshje pezullim nga veprimtaritë.
    Kundër vendimit lejohet ankim brenda 3 (tre) ditëve përpara Komisionit të Apelit.

  • Plagosi me thikë një 52-vjeçar, arrestohet autori në Elbasan

    Plagosi me thikë një 52-vjeçar, arrestohet autori në Elbasan

    Policia e Elbasanit ka vënë në pranga një 33 vjeçar, i cili ditën e djeshme, pas një konflikti për motive të dobëta plagosi me thikë një 53-vjeçar.
    Blutë njoftojnë se kanë vënë në pranga shtetasin B. S., 33 vjeç, banues në Elbasan.
    Nga hetimet dyshohet se ky shtetas, dje, në lagjen “Vullnetari”, gjatë një konflikti për motive të dobëta, me shtetasin S. D., 52 vjeç, e ka goditur atë, me mjet prerës (thikë).

    52-vjeçari është në kujdesin e mjekëve, jashtë rrezikut për jetën.
    Ndaj 33-vjeçari rëndojnë veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”./vizionplus.tv

  • Sherr me thika në Elbasan, arrestohet 33-vjeçari, autori me precedent penal për ‘vjedhje’

    Sherr me thika në Elbasan, arrestohet 33-vjeçari, autori me precedent penal për ‘vjedhje’

    Një konflikt me thika ka ndodhur në Elbasan, ku një 33-vjeçar ka plagosur 52-vjeçarin.

    Sipas burimeve, autori i kësaj ngjarjeje ka pasur edhe një precedent penal për vjedhje.

    I plagosuri ndodhet në spital jashtë rrezikut për jetën. Autoritetet po hetojnë ngjarjen deri në një vendim final ndaj fajtorit.

    Njoftimi i plotë i Policisë së Shtetit:

    Plagosi me thikë, një shtetas, gjatë një konflikti për motive të dobëta, kapet dhe vihet në pranga 33-vjeçari.

    I arrestuari, me precedent penal për vjedhje.

    Menjëherë pas marrjes së njoftimit se në lagjen “Vullnetari”, një shtetas ishte plagosur me mjet prerës (thikë), shërbimet e Komisariatit të Policisë Elbasan organizuan punën dhe shkuan në vendngjarje. Si rezultat i veprimeve të shpejta hetimore dhe operacionale, u bë i mundur  identifikimi dhe kapja e autorit të dyshuar të plagosjes, shtetasit:

    -B. S., 33 vjeç, banues në Elbasan.

    Nga hetimet dyshohet se ky shtetas, dje, në lagjen “Vullnetari”, gjatë një konflikti për motive të dobëta, me shtetasin S. D., 52 vjeç, e ka goditur atë, me mjet prerës (thikë).

    52-vjeçari është në kujdesin e mjekëve, jashtë rrezikut për jetën.

    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.