Lajmidites.com

Tag: ekspozita

  • Ekspozitë kostumografike në Korçë, “Na ishte dikur” sjell veshjet tradicionale të juglindjes

    Ekspozitë kostumografike në Korçë, “Na ishte dikur” sjell veshjet tradicionale të juglindjes

    Në qytetin e Korçës është çelur ekspozita kostumografike “Na ishte dikur”, nisma e dytë artistike e Lirika Pojanit, realizuar në bashkëpunim me Vasil Mihon. Përmes butaforisë dhe punës së kujdesshme artizanale, autorët kanë sjellë në jetë figurat historike të Themistokli Gërmenjit dhe komandantit francez që shpalli Korçën krahinë autonome, duke e ndërthurur historinë me elementet e pasura të veshjeve tradicionale të juglindjes shqiptare.
    Nëpërmjet kësaj ekspozite, vizitorët udhëtojnë ndër shekuj për të zbuluar larminë e kostumeve të komuniteteve maqedonase, rome, si edhe të figurave të njohura të teatrit e muzikës korçare, që kanë lënë gjurmë në kujtesën kulturore të qytetit.
    Më shumë se 25 kostume autentike përfaqësojnë trashëgiminë dhe identitetin e trevave juglindore, ndërsa qëllimi i Pojanit mbetet i qartë: ruajtja dhe përcjellja e traditës së veshjeve popullore shqiptare tek brezat e rinj.

    Ekspozita do të qëndrojë e hapur për publikun edhe gjatë javës së ardhshme, duke ftuar çdo vizitor të prekë nga afër hijeshinë e historisë së dikurshme./vizionplus.tv

  • Ekspozita “Fraktura”, integron një ndërthurje të fuqishme ndërmjet artit bashkëkohor dhe kujtesës historike

    Ekspozita “Fraktura”, integron një ndërthurje të fuqishme ndërmjet artit bashkëkohor dhe kujtesës historike

    Ekspozita “Fraktura” nga tetë artistë në muzeun “Shtëpia me gjethe” në Tiranë. Ekspozita vjen si një reflektim artistik mbi kontrollin, manipulimin, vëzhgimin dhe censurën, por edhe mbi qëndresën, kujtesën dhe refleksionet e reja në të tashmen tonë.
    Artistët pjesëmarrës: Berina Kokona, Fabrizio Bellomo, Ergys Krisiko, Ervis Gjini, Kristanja Çene, Ardian Isufi, Ena Bulku dhe Altin Çelmeta. Ekspozita është e kuruar nga Elton Koritari që shprehet se “Fraktura 2025” integron një ndërthurje të fuqishme ndërmjet artit bashkëkohor dhe kujtesës historike, në një nga hapësirat më simbolike të Tiranës: Muzeu “Shtëpia e Gjetheve” ku janë mbajtur peng shumë shpirtra të lirë.  Sipas tij, titulli i ekspozitës nënkupton thyerjen metaforike jo thjesht në trup, por në mendjet tona, në realitetin kolektiv dhe si pasojë e një regjimi diktatorial, që ka lënë gjurmë të pashlyeshme në historinë shqiptare. Kuratori Elton Koritari thotë se artistët ndërtojnë përmes veprave të tyre një trajektore simbolesh, gjurmësh dhe imazhesh që dialogojnë me historinë e errët të persekutimit dhe me sfidat e sotme për të mbrojtur lirinë dhe të drejtat e njeriut. “Ky akt është ndërhyrje radikale artistike si një mundësi për të shëruar frakturat e së shkuarës përmes forcës së artit. Çdo cep i muzeut bëhet një pikë takimi midis aksionit artistik dhe historisë, për të analizuar mbi raportet komplekse që autoritarizimi dhe izolimi krijoi në marrëdhëniet njerëzore. Veprat shfrytëzojnë elementë të arkivit si “Epika e yjeve të mëngjesit” e Edison Gjergos, materiale audio-vizuale, objekte të ripërdorura, performanca, dhe ndërhyrje site-specific për të krijuar një atmosferë të ngarkuar emocionalisht dhe intelektualisht. Artistët janë ftuar të përballen me hapësirën si dëshmi, por edhe si një vend procesual për rivendosje, apo për të çarë heshtjen me gjuhën e artit bashkëkohor”, shprehet kuratori Elton Koritari.
    Projekti  në këtë muze është mbështetur nga Ministria e Turizmit, Kulturës dhe Sportit dhe në kuadër të ekspozitës u prezantua edhe guida me ilustrime pamore dhe animacione, si një udhëtim interaktiv dhe tërheqës, projektuar posaçërisht për fëmijë dhe prindër. Sipas organizatorëve, kjo eksperiencë edukative u ofron familjeve një mundësi për të eksploruar muzeun “Shtëpia me gjethe” nëpërmjet lojërave, pyetjeve, mjeteve kreative dhe narrativave të përshtatura për grupmosha të ndryshme.

  • “Fraktura 2025”, ekspozita në muzeun “Shtëpia me Gjethe”

    “Fraktura 2025”, ekspozita në muzeun “Shtëpia me Gjethe”

    “Fraktura 2025” është ekspozita e sapoçelur në Muzeun Kombëtar të Përgjimeve “Shtëpia me Gjethe”, aty ku janë mbajtur peng shumë shpirtra të lirë.

    Nëpërmjet elementeve të ndryshme artistike përshkruhet si frakturat e krijuara prej ideologjive nuk mund të anashkalohen, përkundrazi, ato duhet të analizohen. Me materiale audio-vizuale, objekte të ripërdorura e performanca, çdo cep i muzeut bëhet një pikë takimi midis historisë dhe artit.
    E kururar nga Elton Koritari, “Fraktura”, që rikthehet në një edicion të ri pas ndërhyrjes artistike në ish-burgun kamp të Spaçit, është një reflektim mbi kontrollin, manipulimin, vëzhgimin dhe censurën, por edhe mbi qëndresën, kujtesën dhe refleksionet mbi të tashmen.
    Për herë të parë, në Muzeun “Shtëpia me Gjethe”, u promovua edhe Guida e Familjes, një udhëtim interaktiv dhe tërheqës i projektuar për fëmijë dhe familje për të eksploruar Muzeun, historinë e diktaturës shqiptare dhe për të reflektuar mbi të Drejtat e Njeriut.
     

    Top Channel

  • Shqipëria e vitit 1921 e dokumentuar nga antropologu dhe akademiku Eugène Pittard, fotografitë pasqyrojnë jetën…

    Shqipëria e vitit 1921 e dokumentuar nga antropologu dhe akademiku Eugène Pittard, fotografitë pasqyrojnë jetën…

    Nga Julia Vrapi
    Shqipëria në vitin 1921 në një ekspozitë fotografike, ku pasqyrohen traditat, qytetet dhe peizazhet e asaj kohe. Ekspozita “Shqipëria 1921 – Eugène Pittard” sjell për publikun mbi 200 fotografi. Shqipëria e vitit 1921, e dokumentuar nga antropologu dhe akademiku i shquar zviceran Eugène Pittard, ku ekspozita me fotografi është dhe ndër më të rejat që u hap këto ditë në Qendrën për Hapje dhe Dialog-COD e kuruar nga Elton Koritari. Ekspozita shoqërohet edhe me instalacione e video, ku sipas organizatorëve dëshmohet miqësia zvicerano-shqiptare dhe një homazh për trashëgiminë tonë kulturore. Ekspozitat me kurimin e Elton Koritarit kanë qenë të pranishme herë pas here në Tiranë, por e radhës është ekspozita fotografike që vjen me titullin “Shqipëria 1921 – Eugène Pittard”. Një ekspozitë, ku fotografitë e ekspozuara i tregojnë vizitorëve  jetën e përditshme, portretet, qytetet dhe fshatrat shqiptare në 1921. Kuratori Elton Koritari sjell në vëmendje kontributin e Eugène Pittard si antropolog dhe arkeolog. “Në vitin e brishtë të vitit 1921, Eugène Pittard së bashku me gruan e tij Hélène, i njohur edhe si shkrimtari Noëlle Roger, ndërmorën një udhëtim nëpër Shqipëri, pas ndalesës së parë në vitin 1910 në Shkodër. Eugène Pittard ishte një antropolog, arkeolog dhe humanitar zviceran i njohur për punën e tij të rëndësishme mbi parahistorinë dhe kulturën shqiptare në vitet 1920. Ai ishte profesor në Universitetin e Gjenevës dhe është i famshëm për themelimin e Kryqit të Kuq Shqiptar në vitin 1921. Pittard është gjithashtu autor i librit me ndikim të vitit 1924 Les Races et l’Histoire”, shprehet Koritari.
     Një fotograf i rrallë
    Në ekspozitë janë vetëm një pjesë e fotografive të realizuara prej tij. Fotot e tij Pittard tregojnë një pamje të jashtëzakonshme të vendit dhe njerëzve në vitet 1921. Ndër të tjera kuratori Elton Koritari sjell në vëmendje se vepra e Pittard bëhet shembull i një forme rezistence kundër harresës. “Pittard ishte gjithashtu një artist, një fotograf i rrallë dhe unik. E gjithë vepra e Pittard bëhet shembull i një forme rezistence kundër harresës, pasqyra e aparatit fotografik të tij pasqyron historinë tonë të fundit, dhe njëkohësisht fotografitë e viteve 1920 na ftojnë të rimendojmë identitetin, trashëgiminë dhe historinë tonë. Ata janë shembull se si arti dhe humanizmi mund të bashkohen në një gjuhë që i mbijeton kohës, për të na treguar jo vetëm kush kemi qenë, por edhe kush mund të jemi”, vijon kuratori Elton Koritari. Në ceremoninë e hapjes së ekspozitës folën edhe Luan Rama, publicist dhe shkrimtar, Kudret Isai studiues, si dhe Ambasadorja e Zvicrës në Shqipëri, Ruth Huber, të cilët sipas COD theksuan rëndësinë e këtij projekti si një dëshmi e rrallë e miqësisë zvicerano-shqiptare dhe e ruajtjes së kujtesës historike përmes artit dhe fotografisë. Gjatë ekspozitës u promovua edhe katalogu, që përmbledh veprat dhe dokumentet e rralla të prezantuara në këtë projekt. Ekspozita për publikun vijon deri më 7 nëntor.

  • Shqipëria e vitit 1921, ekspozita me fotot e rralla të antropologut zviceran Eugene Pittard

    Shqipëria e vitit 1921, ekspozita me fotot e rralla të antropologut zviceran Eugene Pittard

    Antropologu zviceran Eugene Pittard erdhi Shqipërinë në vitin 1920, ku vizitoi dhjetëra qytete dhe fshatra, për të bërë një studim antropologjik.

    Ndërsa me lenten e aparatit, realizoi shkrepje të rralla që prekën nga afër jetën e përditshme të shqiptarëve.
    Kurator i ekspozitës, Elton Koritari thotë: “Ne shohim si realisht ka qenë jeta përpara një shekulli, pasi Pittard fotografonte jetën siç ishte, pra nuk vinte njeri në pozë. Nga ana tjetër kanë një vlerë sociale, ka kërkuar të reflektojë anën sociale të shoqërisë, problematikat e asaj kohe, që në fakt janë edhe problemet e shoqërisë së sotme”.
    Pittard nuk inskenonte asnjë çast, nuk i kërkonte askund të pozonte, ndaj personazhet e tij janë tërësisht të vërtetë. Janë ruajtur rreth 300 fotografi të tilla, shumica prej të cilave u ekspozuan në Qendrën për Hapje dhe Dialog, kur për herë të parë publiku mund të shohë imazhe që nuk i gjejmë në arkivat shqiptare.
    “Nuk gjejmë Pallatin e Princ Vidit, nuk kemi muret e Durrësit të vjetër në 1920, as imazhet e Leskovikut të djegur nga grekët”, shprehet shkrimtari Luan Rama.
    Si mik i shqiptarëve, akademiku dhe humanisti i njohur kontribuoi në mbrojtjen e integeritetit tё shtetit shqiptar nё arenёn ndёrkombёtare në vitet 1920.
    “Madje ai e cilësonte ‘Shqipëria ime’, u lidh me Shqipërinë… Aty pikas fytyra e Shqipërisë, ishte një fotograf social, një fotograf historic, na la dëshmi të jashtëzakonshme për gjendjen e Shqipërisë në atë kohë. E mbështeti Shqipërinë në futjen në Shoqatën e Kombeve”, shton Rama.
    Ekspozita “Shqipëria e vitit 1921”, që shoqërohet edhe me instalacione e një  film dokumentar do të qëndrojë e hapur deri në 13 nëntor.

    Top Channel

  • “Shqipëria e vitit 1921”, ekspozita me fotot e rralla të antropologut zviceran Eugene Pittard

    “Shqipëria e vitit 1921”, ekspozita me fotot e rralla të antropologut zviceran Eugene Pittard

    Antropologu zviceran Eugene Pittard erdhi në Shqipëri në vitin 1920, ku vizitoi dhjetëra qytete dhe fshatra, për të bërë një studim antropologjik.

    Ndërsa me lenten e aparatit, realizoi shkrepje të rralla që prekën nga afër jetën e përditshme të shqiptarëve.
    “Ne shohim si realisht ka qenë jeta përpara një shekulli, pasi Pittard fotografonte jetën siç ishte, pra nuk vinte njeri në pozë. Nga ana tjetër kanë një vlerë sociale, ka kërkuar të reflektojë anën sociale të shoqërisë, problematikat e asaj kohe, që në fakt janë edhe problemet e shoqërisë së sotme”, u shpreh kuratori i ekspozitës, Elton Koritari.
    Pittard nuk inskenonte asnjë çast, nuk i kërkonte askund të pozonte, ndaj personazhet e tij janë tërësisht të vërtetë. Janë ruajtur rreth 300 fotografi të tilla, shumica prej të cilave u ekspozuan në Qendrën për Hapje dhe Dialog, kur për herë të parë publiku mund të shohë imazhe që nuk i gjejmë në arkivat shqiptare.
     “Nuk gjejmë Pallatin e Princ Vidit, nuk kemi muret e Durrësit të vjetër në 1920, as imazhet e Leskovikut të djegur nga grekët”, tha shkrimtari Luan Rama.
    Si mik i shqiptarëve, akademiku dhe humanisti i njohur kontribuoi në mbrojtjen e integritetit tё shtetit shqiptar nё arenёn ndёrkombёtare në vitet 1920.
    “Madje ai e cilësonte ‘Shqipëria ime’, u lidh me Shqipërinë… Aty pikas fytyra e Shqipërisë, ishte një fotograf social, një fotograf historik, na la dëshmi të jashtëzakonshme për gjendjen e Shqipërisë në atë kohë. E mbështeti Shqipërinë në futjen në Shoqatën e Kombeve”, shpjegoi Rama.
    Ekspozita “Shqipëria e vitit 1921”, që shoqërohet edhe me instalacione e një  film dokumentar do të qëndrojë e hapur deri në 13 nëntor.
     

    Top Channel

  • Ekspozita “The Wounds of Conflict, Albania 1997” kushtuar një prej periudhave më të trazuara të historisë sonë të afërt

    Ekspozita “The Wounds of Conflict, Albania 1997” kushtuar një prej periudhave më të trazuara të historisë sonë të afërt

    Nga Julia Vrapi
    “The Wounds of Conflict Albania 1997” me fotografi rikthen atmosferën e trazuar të vitit 1997 në vendin tonë. Një ekspozitë fotografike që u hap këto ditë në Tiranë, në vijim dhe të aktiviteteve të tjera që janë pjesë e edicionit të 16-të të Focus -International Photography Awards Albania. “The Wounds of Conflict Albania 1997” është një ekspozitë fotografike nga italiania Isabella Balena dhe në hapje të saj ishin të pranishëm artistë, studentë, gazetarë dhe dashamirës të fotografisë, të cilët sipas COD patën mundësinë të reflektojnë mbi rolin e artit, si dëshmi historike dhe humaniste. Ekspozita me fotografi u hap në Qendrën për Hapje dhe Dialog-COD, ndërsa shprehet se artistja Isabella Balena, e cila dokumentoi ngjarjet e atyre muajve përmes objektivit të saj, rikthehet në Shqipëri me një seri fotografish që kapin kaosin, humanitetin dhe rezistencën e një populli në pikën e tij më kritike. “Ekspozita “The Wounds of Conflict, Albania 1997” sjell një dëshmi të fuqishme vizuale mbi një periudhë të errët të historisë sonë të afërt. Përmes imazheve dokumentare, Balena rikthen atmosferën e trazuar të vitit 1997- rrënojat, shpresat, protestat dhe njerëzit që u përballën me një realitet dramatik, duke ruajtur dinjitetin në mes të kaosit”, thuhet në materialin e COD rreth ekspozitës me fotografi. Ekspozita që u hap me fotografi këto ditë në COD është në vijim dhe të tjera veprimtarive artistike dhe kulturore që zhvillohen në këto mjedise. Në vijim të aktiviteteve të ndryshme ekspozitat që hapen herë pas here sjellin punë të artistëve shqiptarë, por dhe të huaj në këto mjedise.
    Ekspozita edhe në galerinë FAB dhe në galerinë e Fierit
    Qendra për Hapje dhe Dialog (COD) në bashkëpunim me Festivalin Fokus Awards, solli edicionin e 16-të të Fokus – International Photography Awards Albania, me një ekspozitë të fuqishme kushtuar një prej periudhave më të trazuara të historisë sonë të afërt: Shqipërisë së vitit 1997, por aktivitetet vijuan edhe në galerinë FAB të Fakultetit të Arteve të Bukura- Universiteti i të Arteve në Tiranë apo dhe në galeri në qytete të tjera në vend. Prof. Asc. Albes Fusha ishte dhe kurator i “Fokus Award 2025” . Edicioni i 16 i konkursit ndërkombëtar të fotografisë “Fokus Award” ishte në disa hapësira njëkohësisht mes datave 9 – 10 – 11 tetor 2025 në qytetin e Tiranës dhe Fierit. Në galerinë FAB të Universitetit të Arteve në Tiranë u inaugurua ekspozita e konkursit në kategorinë Press & News Category, ekspozita e studentëve të Programit të Studimit Fotografi, në Fakultetin e Arteve të Bukura, Universiteti i Arteve dhe dy ekspozitat personale In Memoriam të fotografëve Alqi Golloshi dhe Leon Çika. Fokus është një aktivitet ndërkombëtar kushtuar fotografisë artistike dhe vlerave që ajo përcjellë në fushën e madhe të arteve pamore. Sipas organizatorëve, për bazë kanë pasur traditën e fotografisë shqiptare, por gjithmonë duke ndjekur edhe eksperiencat ndërkombëtare.

  • Një ekspozitë me guralecë, Emjona Stasi sjell portrete dhe peizazhe plot ngjyra

    Një ekspozitë me guralecë, Emjona Stasi sjell portrete dhe peizazhe plot ngjyra

    Në Galerinë e Artit Pamor “Nikolet Vasia” në Durrës është çelur ekspozita personale e artistes Emjona Stasi, me titullin “Ndjesi”, kuruar nga Suzana Varvarica Kuka.
    Ekspozita sjell një përzgjedhje veprash që përmes ngjyrave dhe kompozimeve përcjellin ndjesinë e qetësisë, lidhjen me natyrën dhe reflektimin e brendshëm të elementeve që përbëjnë thelbin e krijimtarisë së artistes.
    Autorja tregon se  në ekspozitën e 7-të vetjake, ka ardhur ndryshe, duke përdorur guralecë të mbledhur në gjirin e Durrësit për të formuar peizazhe dhe portrete që pasqyrojnë emocionet.

    Emjona Stasi ka një karrierë të gjatë në fushën e artit pamor, duke marrë pjesë që prej vitit 1977 në mbi 50 ekspozita brenda dhe jashtë vendit.
    Punimet e saj gjenden në fondet e Galerisë Kombëtare të Arteve, të Galerisë së Durrësit, si edhe në koleksione të ndryshme private Brenda e jashtë vendit
    Ekspozita “Ndjesi” do të qëndrojë e hapur deri më 26 tetor./vizionplus.tv

  • “Një popull në lëvizje”, ekspozita fotografike me pamjet e kohëve të varfërisë së Shqipërisë 1994

    “Një popull në lëvizje”, ekspozita fotografike me pamjet e kohëve të varfërisë së Shqipërisë 1994

    Mbrëmjen e së premtes u çel në Durrës ekspozita fotografike “Shqipëria 1994, Një popull në lëvizje”, me autor fotografin italian Gianni Bellesia dhe e kuruar nga Petrit Kozeli.

    Kjo ekspozitë sjell për publikun shqiptar një rrëfim të fuqishëm vizual, të realizuar tri dekada më parë, në një kohë kur Shqipëria përpiqej të ngrihej mbi plagët e diktaturës dhe të ndërtonte një jetë të re. Fotot e shkrepura në Durrës dhe në zonën e thellë të Nënshatit pasqyrojnë fytyrat, rrugët dhe shpresat e njerëzve të thjeshtë, që në fillim të viteve ’90 nisën një udhëtim të ri drejt lirisë dhe dinjitetit njerëzor.
    “Kur erdha për herë të parë në Shqipëri në janar të vitit 1994 me një mision humanitar, pashë një vend që donte të rilindte. Ishte një kohë plot vështirësi, por edhe plot dritë në sytë e njerëzve. Kjo ekspozitë është një dëshmi për atë shpirt të fortë që më frymëzoi shumë dhe sot shoh ndryshime të mëdha”, shprehet Gianni Bellesia, fotograf.
    Ekspozita u çel dhe me mbështetjen e FotoKlub Durrësit, që është një nismë e re, e cila synon të krijojë një hapësirë bashkëpunimi dhe zhvillimi për dashamirësit e fotografisë në qytet.
    Ekspozita do të qëndrojë e hapur në fundjavë në Qendrën Kulturore të Fëmijëve në Durrës. Ajo u cilësua nga të pranishmit si një udhëtim emocional në kujtesën e një kohe që ndryshoi rrënjësisht jetën e shqiptarëve, por që mbetet ende e gjallë përmes artit të fotografisë
     

    Top Channel

  • “Një popull në lëvizje”, ekspozita fotografike që dokumenton varfërinë e Shqipërisë në vitin 1994

    “Një popull në lëvizje”, ekspozita fotografike që dokumenton varfërinë e Shqipërisë në vitin 1994

    Mbrëmjen e së premtes u çel në Durrës ekspozita fotografike “Shqipëria 1994, Një popull në lëvizje”, me autor fotografin italian Gianni Bellesia dhe e kuruar nga Petrit Kozeli.

    Kjo ekspozitë sjell për publikun shqiptar një rrëfim të fuqishëm vizual, të realizuar tri dekada më parë, në një kohë kur Shqipëria përpiqej të ngrihej mbi plagët e diktaturës dhe të ndërtonte një jetë të re.
    Fotot e shkrepura në Durrës dhe në zonën e thellë të Nënshatit pasqyrojnë fytyrat, rrugët dhe shpresat e njerëzve të thjeshtë, që në fillim të viteve ’90 nisën një udhëtim të ri drejt lirisë dhe dinjitetit njerëzor.
    “Kur erdha për herë të parë në Shqipëri në janar të vitit 1994 me një mision humanitar, pashë një vend që donte të rilindte. Ishte një kohë plot vështirësi, por edhe plot dritë në sytë e njerëzve. Kjo ekspozitë është një dëshmi për atë shpirt të fortë që më frymëzoi shumë dhe sot shoh ndryshime të mëdha”, tregon Gianni Bellesia, fotograf.
    Ekspozita u çel dhe me mbështetjen e FotoKlub Durrësit, që është një nismë e re, e cila synon të krijojë një hapësirë bashkëpunimi dhe zhvillimi për dashamirësit e fotografisë në qytet.
    Ekspozita do të qëndroje e hapur në fundjavë në Qendrën Kulturore të Fëmijëve në Durrës. Ajo u cilësua nga të pranishmit si një udhëtim emocional në kujtesën e një kohe që ndryshoi rrënjësisht jetën e shqiptarëve, por që mbetet ende e gjallë përmes artit të fotografisë

    Top Channel