Berisha me kandidatët e rinj: Kurrë ky kryeqytet nuk ka pasur një ekip me personalitete të reja dhe të spikatura!Kryetari i PD, Sali Berisha e ka konsideruar Tiranën, si kryeqytetin e të rinjve, me një ekip në përbërje të të cilit janë personalitete të reja dhe të spikatura.
Gjatë prezantimit të programit për të rinjtë, kryedemokrati Berisha tha se ekipi i kandidatëve të rinj, është ekipi më i mire që Shqipëria ka njohur ndonjëherë në zgjedhje të përgjithshme parlamentare.
Teksa ka prezantuar të rinjtë që garojnë më 11 maj në Qarkun e Tiranës, Berisha i cilësoi ata njerëz të shquar dhe të suksesit, atdhetarë dhe patriotë të vërtetë, që kanë vendosur t’i përkushtojnë të gjitha energjitë e tyre një misioni të madh, atë të shpëtimit të Shqipërisë.
Të dashur të rinj dhe të reja të FRPD. Një përshëndetje të përzemërt për të gjithë ju këtë, por një përshëndetje të përzemërt për anëtarët e këtij forumi kudo që ndodhen sot, në Shqipëri dhe jashtë saj.
Një përshëndetje të përzemërt drejtuesve të këtij forumi, z.Besart Xhaferri dhe Grigels Muçollari, dhe sh-drejtuesi i FRPD, drejtuesi politik i Qarkut të Tiranës, z.Belind Këlliçi.
Pra se të nis fjalën time, kam nder dhe kënaqësi të ftoj, të bashkohen këtu ekipi i kandidatëve të rinj, i cili është ekipi më i mirë, më fantastik që Shqipëria ka njohur ndonjëherë në zgjedhje të përgjithshme parlamentare.
Ndaj dhe ftoj, z. Adriatik Hoxha, z.Akil Kraja, z.Albi Jahelezi, z.Alis Narazani, znj.Andia Ulliri, znj. Armonela Marku, z.Arnold Kariqi, z.Aulon Kalaja, z.Aurel Markaj, z.Belind Këlliçi, Besart Xhaferri, Bledion Nallbati, Denisa Vati, Edison Doçi, Elda Hoti, Elmira Ndreveshaj, Elton Roshi, Elvira Peka, Erisa Xhixho, Fation Semanjaku, Fatmira Kola, Fidel Kreka, Gazment Bardhi, Genti Çela, Gentian Koçi, Gentian Ndoj, Gersa Rudha, Ilirjana Kuçana, Ina Zhupa, Ira Boja, Jola Hysaj, Jonathan Pano, Jorida Mazeliu, Klevis Balliu, Klodian Çapja, Kristiano Koçibelli, Lisandër Hoxha, Lorenca Hoxha, Maltin Dogani, Mario Runa, Matilda Qurku, Melisa Vuthaj, Nada Daullja, Ndrec Pjetri, Parid Mahmutaj, Pranvera Kurbalaj, Renato Kumuria, Rivelino Çuno, Romario Meminaj, Samena Malenaj, Senada Mehmeti, Shyqyri Myrtollari, Silvia Hasaj, Tedi Kopliku, Valbona Doko, Viola Kullolli, Xhulja Xheka.
Kurrë ky kryeqytet nuk ka patur, kurrë zgjedhjet parlamentare të përgjithshme në Shqipëri nuk kanë patur një ekip me personalitete të reja, të spikatura. Njerëz të shquar, të suksesit. Por atdhetarë të flaktë, patriotë të vërtetë, që kanë vendosur t’i përkuthojnë të gjitha energjitë e tyre një misioni të madh, një misioni shpëtimtar për Shqipërinë.
