Lajmidites.com

Tag: edmond

  • I arrestuar për vrasjen e biznesmenit Mëhalla, zbardhet dëshmia e Xhino Agës

    I arrestuar për vrasjen e biznesmenit Mëhalla, zbardhet dëshmia e Xhino Agës

    Dëshmia e Xhino Ago-s përpara hetuesve ka hedhur dritë mbi momentet para dhe pas ekzekutimit të biznesmenit Edmond (Mondi) Mëhalla.

    Ish-ortaku i tij ka rrëfyer se ditën e ngjarjes kishte tentuar disa herë ta kontaktonte Mëhallën në telefon, por pa rezultat. Sipas tij, në banesë ndodhej edhe Fatlinda Istrefi dhe po diskutonin për t’u nisur drejt Tiranës.

    “Pas kësaj bisede unë shikova nga shtëpia ime autostradën dhe pashë se kishte trafik dhe i thashë kunatit, Urimit,  ‘Shko t’i tako Mondin, unë po çoj në Tiranë Fatlindën’. Dhe kështu ndodhi. Unë me makinën time çova Fatlindën në Kodër Institut dhe jam kthyer në Elbasan. Kam shkuar direkt te zyrat dhe po prisja Mondin. I rashë telefonit dhe nuk më përgjigjej. Kam qëndruar rreth 20 minuta; ora ka qenë 18 e ca, nuk e mbaj mend saktë. Më pas kam qëndruar deri kur më mori në telefon Enola, operatorja e kompanisë sime”, ka dëshmuar Ago.

    Mediat shkruajnë se ai ka treguar se në banesë ndodhej me babain dhe gjyshen, ndërsa nëna ishte në Tiranë me kunatin, pasi  sipas tij fëmijët i mbajnë prindërit e tij. Ago ka theksuar gjithashtu se zotëron 16 automjete elektrike të markës kineze, nga të cilat 7 ose 8 i kishte me qira Edmond Mëhalla.

    Sapo është njoftuar për ngjarjen nga operatorja, Ago është nisur menjëherë drejt karburantit “Xh* Oil”, ku ka parë policinë dhe automjetin “Range Rover” të ndaluar. Nga personat në vendngjarje ka mësuar se Mëhalla ishte vrarë me armë zjarri.

    Edmond Mëhalla (Hyka) u qëllua me tre plumba mbrëmjen e 30 nëntorit në Elbasan, në një atentat të kryer pranë biznesit të tij.

    Të arrestuarit deri tani:

    Nevzat Spaho – nga Prrenjasi, dyshohet se ka drejtuar automjetin që ndihmoi autorin të largohej nga Miraka.

    Kujtim Pisha – punonjës karburanti, proceduar për moskallëzim krimi.

    Xhino Ago – ortak në biznes me Mëhallën, i akuzuar për mosndryshim pronësie të automjetit Audi të përdorur në krim.

    Në kërkim janë shpallur edhe Armando Kola, nga Laçi; Marselo Arani, nga Elbasani, i cili përveç largimit ka thyer edhe masën e arrestit shtëpiak për pastrim parash; si dhe 35-vjeçari Oklid El Ouejdi. Autoritetet vijojnë punën për lokalizimin dhe kapjen e tyre.

  • Vrasja e biznesmenit Edmond Mëhalla, kush është Oklid El Ouejdi dhe konflikti për 700 mijë euro

    Vrasja e biznesmenit Edmond Mëhalla, kush është Oklid El Ouejdi dhe konflikti për 700 mijë euro

    Pas vrasjes së biznesmenit Edmond Mëhalla në Elbasan, hetuesit po zbulojnë çdo ditë të dhëna të reja që mund të çojnë në zbardhjen e ngjarjes. 
    Dyshohet se shkak për ekzekutimin e 43-vjeçarit ka qenë një konflikt për një borxh të madh ndërsa në qendër të hetimeve ka dalë një emër i njohur në zonën e Elbasanit. 
    Ai është 35-vjeçari Oklid El Ouejdi, i njohur me nofkat “Kiço” dhe “Oliver”, dhe i identifikuar nga komuniteti lokal si nip i personazhit të njohur “Timi i Elbasanit”. 
    El Ouejdi është larguar nga pika kufitare e Qafë-Thanës drejt Maqedonisë së Veriut dhe konsiderohet person kyç në dosjen hetimore. 
    Hetuesit po verifikojnë gjithashtu aktivitetin e biznesit “SOLEIL”, një kompani import-eksporti dhe tregtimi automjetesh e regjistruar në emër të tij që prej vitit 2018, marrëdhëniet tregtare të së cilës dyshohet se kanë shkaktuar konfliktin me Mëhallën. 
    Rreth 10 ditë para vrasjes, në ambientet e karburantit “Xhaxhi Oil” ka ndodhur një përplasje fizike midis dy biznesmenëve, lidhur me një marrëveshje tregtare prej rreth 700 mijë eurosh, e cila nuk ishte finalizuar. 
    Sipas dëshmitarëve okularë, Mëhalla ishte i revoltuar dhe përplasja ndodhi në prani të një personi që shoqëronte El Ouejdin. 
    Hetuesit dyshojnë se ai mund të ketë ofruar si kompensim katër apartamente në Tiranë, të cilat sipas të dhënave paraprake kishin probleme pronësie, duke tensionuar situatën. 
    Pas konfliktit, dyshohet se El Ouejdi ka ndërmarrë hapa për organizimin e atentatit që çoi në ekzekutimin e Mëhallës. 
    Edmond Mëhalla dhe Oklid El Ouejdi 
    Deri tani për vrasjen janë arrestuar tre persona me role të ndryshme: 
    Nevzat (Nevi) Spaho, nga Përrenjasi, i dyshuar si shoferi që ndihmoi autorin të largohej nga zona e Mirakës. 
    Kujtim Pisha, punonjës karburanti, proceduar për moskallëzim të informacionit. 
    Xhino Ago, ortak në biznes me Mëhallën, i akuzuar për mosndryshimin e pronësisë së mjetit “Audi” të përdorur në krim. 
    Në kërkim janë shpallur: Armando Kola, nga Laçi, dhe Marselo Arani, nga Elbasani, i cili ka thyer edhe masën e “arrestit në shtëpi” për çështje të mëparshme. 
    Edmond Mëhalla, i njohur si Mondi, u ekzekutua me tre plumba mbrëmjen e 30 nëntorit në Elbasan, pranë biznesit të tij. Euronews.al
     

  • VIDEO-Vrasja e biznesmenit Edmond Mëhalla në Elbasan/ Lihet në burg Nevzat Spaho

    VIDEO-Vrasja e biznesmenit Edmond Mëhalla në Elbasan/ Lihet në burg Nevzat Spaho

    Zhvillimet gjyqësore për vrasjen e biznesmenit Edmond (Mondi) Mëhalla, të ndodhur më 30 nëntor, hynë sot në një fazë të re, teksa Gjykata e Shkallës së Parë të Juridiksionit të Përgjithshëm Elbasan zhvilloi seancën për caktimin e masës së sigurisë ndaj të arrestuarit Nevzat Spaho, i dyshuar si bashkëpunëtor në ekzekutimin me armë zjarri të 43-vjeçarit.
    Seanca u hap në orën 10:30, me dyer të mbyllura, sipas vendimit të gjykatës. Prokuroria e Elbasanit kishte depozituar një ditë më parë kërkesën me objekt “vleftësim ndalimi, caktim mase sigurimi”, duke kërkuar arrest me burg për Spahon.
    Pas shqyrtimit të akteve të dosjes dhe pretendimeve të palëve, gjyqtari Elis Dine vendosi të pranojë kërkesën e prokurorit Gjergji Ceka, duke vlerësuar si të ligjshëm ndalimin e Nevzat Spahos dhe duke lënë në fuqi masën e sigurisë “arrest me burg”.
    Avokati mbrojtës dhe vetë i hetuari kundërshtuan masën, duke kërkuar një alternativë më të lehtë dhe duke pretenduar se ndalimi ishte i pabazuar, por gjykata i rrëzoi këto argumente, duke theksuar se provat e administruara deri tani justifikojnë mbajtjen e tij në qeli.

     

     

     

  • Vrasja e Edmond Hykës/ Elbasan, mbërrin në gjykatë Nevzat Spaho, pritet masa e sigurisë

    Vrasja e Edmond Hykës/ Elbasan, mbërrin në gjykatë Nevzat Spaho, pritet masa e sigurisë

    Nevzat Spaho, i akuzuar si vrasësi i Edmond Hyjës, ka mbërritur në Gjykatën e Elbasanit, për t’u njohur me masën e sigurisë.

    Spaho është shoqëruar për në gjykatë nga forca të policisë.

    Një ditë më parë, gjykata caktoi burg pa afat për ish ortakun e tij në biznes, Xhino Ago, dhe rojen e pikës së karburantit, Kujtim Pisha. Po ashtu, policia ka shpallur në kërkim dy persona, Marselo Arani 32 vjeç dhe Armando Kola, 35 vjeç.

    Ndonëse jo e konfirmuar zyrtarisht, pista kryesore e hetimit për vrasjen mbeten mosmarrëveshjet në biznes, për shkak se raportet mes Agos e Mëhallës ishin shkëputur dy vite më parë.

    Edhe pse ortakëria në biznes ishte ndërprerë në 2023-shin, konfliktet mes tyre vijonin edhe gjatë ditëve të fundit. Së bashku me Xhino Agon, në pranga për moskallëzim krimi ka përfunduar edhe roja i karburantit në pronësi të viktimës, aty ku edhe ndodhi ngjarja.

  • Ekzekutimi i biznesmenit Edmond Mëhalla në Elbasan/ Gjykata lë në burg ish-ortakun dhe rojën

    Ekzekutimi i biznesmenit Edmond Mëhalla në Elbasan/ Gjykata lë në burg ish-ortakun dhe rojën

    Gjykata e Elbasanit këtë të premte ka marrë vendimin për dy të dyshuarit në vrasjen e biznesmenit Edmond Mëhalla. Gjykata ka lënë në burg ortakun Xhino Ago dhe rojën Kujtim Pisha.
    Xhino Ago, ortaku i viktimës akuzohet për veprat penale “Vrasje me paramendim”, kryer në bashkëpunim ndërsa Kujtim Pisha, roja i Karburantit të Mëhallës akuzohet për “Moskallëzim i krimit”.
    Seanca u mbaj me dyer të mbyllura, për shkak të natyrës së hetimeve dhe nevojës për ruajtjen e sekretit hetimor. Ndërkohë, lidhur me Nevzat Spahon, po ashtu i prangosur, nga verifikimet në sistemin e menaxhimit të çështjeve gjyqësore nuk rezulton që Prokuroria e Elbasanit të ketë depozituar një kërkesë për caktimin e masës së sigurimit.

  • Vrasësi i biznesmenit në Elbasan, dyshohet se është nga Mali i Zi

    Vrasësi i biznesmenit në Elbasan, dyshohet se është nga Mali i Zi

    Vrasësi i biznesmenit 43-vjeçar, Edmond Mëhalla, të ekzekutuar mbrëmjen e së dielës në Elbasan, dyshohet se është nga Mali i Zi. 
    Burime pranë grupit hetimor i thanë TV Klan se kjo dyshohet nga analizimi i dhjetra provave të administruara deri tani. 
    Emri i tij nuk bëhet me dije për shkak të sekretit hetimor, por mësohet se ai është fiksuar nga një kamerë sigurie duke lëvizur në zonën e Rrajcës, në qytetin e Prrenjasit. 
    Nga aty ai më pas ka lëvizur në drejtim të Maqedonisë së Veriut, ku ka dyshime se ka kaluar në mënyrë ilegale. 
    Deri në këtë fazë të hetimit ekzistojnë dyshime se ai është paguar për të kryer vrasjen e biznesmenit Edmond Mëhalla, ngjarje që duket se e kreu i vetëm, siç tregojnë pamjet e kamerave të sigurisë. 
    Deri tani policia ka identifikuar 5 persona, 3 prej të cilëve janë arrestuar, mes tyre edhe ish-ortaku i viktimës, Xhino Aga, ndërsa dy të tjerë janë shpallur në kërkim. 
    Të dyshuarit do të dalin të premten para gjykatës së Elbasanit, aty ku prokuroria ka kërkuar të vijojë masa e sigurisë “arrest me burg”. 
    Hetuesit dyshojnë se ngjarja e rëndë e 30 nëntorit ka si prapavijë një konflikt biznesi, por nuk dihet nëse provat e administruara e provojnë këtë pistë. 
     
     
     

  • Salianji, mjeshtri i mashtrimit, simbol i shpresës/ Spaho: Berisha ra nga shiu në breshër

    Salianji, mjeshtri i mashtrimit, simbol i shpresës/ Spaho: Berisha ra nga shiu në breshër

    Politikani demokrat Edmond Spaho vazhdon të këmbëngulë që lideri demokrat Sali Berisha duhet të lërë drejtimin e partisë, duke hapur rrugë për mendim të ri, njerëz të rinj dhe ndryshime thelbësore që i japin shpresë vendit.“Nuk kam asgje kunder me levizjen ne vetvete. PD ka nevoje per mendim te ri, njerez te rinj, per ndryshim thelbesor dhe vecanerisht zgjedhje te ndershme e te pamanipuluara. Vetem keshtu mund te hape kapitull te ri dhe te ribehet shprese per vendin”, shkruan ai.Ish-deputeti qe mbeti jashtë Kuvendit në zgjedhjet e fundit, sulmon kolegun Ervin Salianji, për të cilin thotë se nga mjeshtër i mashtrimit, po kërkon të bëhet simbol shprese.Megjithatë, ai zbulon për herë të parë prapaskena nga ngjarjet në selinë blu. Sipas Edmond Spahos, Sali Berisha ka qenë gati ta bënte Ervin Salianjin drejtues të grupit parlamentar; një personazh për të cilin ai thotë se ka përçarë demokratët.“Por kur shoh se kush po behet simbol i ndryshimit me vjen te qesh. Mjeshtri i piruetave, i mashtrimit dhe i shkopit te bejzbollit. Doktori e meriton kete tip. Ra nga shiu ne bresher. E mori dhe e beri hero, per pak Kryetar te Grupit Parlamentar.Per shkak te kushteve qe ky individ i vuri, larguan mbeshtetesit e Foltores dhe ngriten kete ne piedestal.I kthehem prape ceshtjes se ndryshimit. PD ka nevoje per qilizem dhe jo per foltore te reja kur e para ngeli rrugeve, jo per protesta simbolike apo levizje “per ndryshim” motivuar nga interesa personale e meskine”, vijon politikani Edmond Spaho.Ai i quan lëvizjet brenda Partisë Demokratike si një “sezon i ri i një avazi të vjetër”, ndërsa nuk kursen ironinë kur shkruan se kjo teori përforcohet edhe më shumë “kur sheh se cilët po udhëheqin përpjekjet për ndryshim.”

  • Publikohet videoja e vrasjes së biznesmenit në Elbasan

    Publikohet videoja e vrasjes së biznesmenit në Elbasan

    Opinion.al ka siguruar videon e vrasjes së biznesmenit Edmond Mëhalla në Elbasan.
    Në këtë video, shihet autori i cili shkon me makinë tip “Audi” dhe ndodhet pak metra larg “Range Rover” ku kishte hipur Edmond Mëhalla. Ai i afrohet makinës së biznesmenit dhe qëllon disa herë me pistoletë.
    Pasi sigurohet që ka ndërruar jetë largohet me Audi drejt Librazhdit dhe në Mirakë është djegur mjeti. Qitësi, i cili ka vepruar i vetëm, ka shkuar vetë si shofer. Ai nuk është identifikuar ende dhe  ka të dhëna që ai mund të jetë i shtetësisë së huaj, i kontraktuar vetëm për këtë ngjarje.
    Pamjet e sigurisë në zonë kanë treguar të gjitha lëvizjet e atentatorit. Për disa minuta ka pritur që biznesmeni të lerë ambientet pranë karburantit.
    Sa i përket Edmond Mëhallës ai mori dy plumba në koka dhe katër plumba të tjerë në pjesë e trupit.
    Ndërkohë, policia në lidhje me këtë ngjarje kanë arrestuar tre persona dhe janë shpallur në kërkim dy të tjerë. Sot, 3 dhjetor u arrestua N.S., 29 vjeç nga Prrenjasi që rezulton me precedent penal për tentativë vrasjeje, armëmbajtje pa leje, shtrëngim me anë të kanosjes për dhënie të pasurisë, si dhe për vjedhje.
    Përpara hetuesve i riu ka deklaruar se nuk ka dijeni për vrasësin, por nga ana tjetër ka treguar se makina e vrasjes i është dhënë disa lezhjanëve nga ish-ortaku i viktimës, Xh. A.
    Ky i fundit u vu në pranga nga policia së bashku me rojen e karburantit ku ndodhi ngjarja, teksa në kërkim vijojnë të jenë M. A. dhe A. K., gjithashtu të dyshuar si bashkëautorë në vrasjen e së dielës së shkuar.

  • Ekzekutimi i biznesmenit Edmond Mëhalla në Elbasan, publikohet videoja e plotë nga ngjarja

    Ekzekutimi i biznesmenit Edmond Mëhalla në Elbasan, publikohet videoja e plotë nga ngjarja

    Publikohet video e atentatit ku u ekzekutua biznesmeni 43-vjeçar Edmond Mëhalla, të dielën në mbrëmje në qytetin e Elbasanit. 
    BalkanWeb ka siguruar pamjet që tregojnë momentin kur autori afrohet i vetëm pranë makinës së viktimës dhe qëllon disa herë. 
    Personi i armatosur mban një kapuç në kokë për të shmangur identifikimin nga kamerat e sigurisë. 

  • Spaho zbulon prapaskenat dhe sulmon Berishën: Donte ta bënte Salianjin kryetar Grupi! Tani hap krahun…

    Spaho zbulon prapaskenat dhe sulmon Berishën: Donte ta bënte Salianjin kryetar Grupi! Tani hap krahun…

    Politikani demokrat Edmond Spaho vazhdon të këmbëngulë që lideri demokrat Sali Berisha duhet të lërë drejtimin e partisë, duke hapur rrugë për mendim të ri, njerëz të rinj dhe ndryshime thelbësore që i japin shpresë vendit.
    “Nuk kam asgje kunder me levizjen ne vetvete. PD ka nevoje per mendim te ri, njerez te rinj, per ndryshim thelbesor dhe vecanerisht zgjedhje te ndershme e te pamanipuluara. Vetem keshtu mund te hape kapitull te ri dhe te ribehet shprese per vendin”, shkruan ai.
    Ish-deputeti qe mbeti jashtë Kuvendit në zgjedhjet e fundit, sulmon kolegun Ervin Salianji, për të cilin thotë se nga mjeshtër i mashtrimit, po kërkon të bëhet simbol shprese.
    Megjithatë, ai zbulon për herë të parë prapaskena nga ngjarjet në selinë blu. Sipas Edmond Spahos, Sali Berisha ka qenë gati ta bënte Ervin Salianjin drejtues të grupit parlamentar; një personazh për të cilin ai thotë se ka përçarë demokratët.
    “Por kur shoh se kush po behet simbol i ndryshimit me vjen te qesh. Mjeshtri i piruetave, i mashtrimit dhe i shkopit te bejzbollit. Doktori e meriton kete tip. Ra nga shiu ne bresher. E mori dhe e beri hero, per pak Kryetar te Grupit Parlamentar.
    Per shkak te kushteve qe ky individ i vuri, larguan mbeshtetesit e Foltores dhe ngriten kete ne piedestal.
    I kthehem prape ceshtjes se ndryshimit. PD ka nevoje per qilizem dhe jo per foltore te reja kur e para ngeli rrugeve, jo per protesta simbolike apo levizje “per ndryshim” motivuar nga interesa personale e meskine”, vijon politikani Edmond Spaho.
    Ai i quan lëvizjet brenda Partisë Demokratike si një “sezon i ri i një avazi të vjetër”, ndërsa nuk kursen ironinë kur shkruan se kjo teori përforcohet edhe më shumë “kur sheh se cilët po udhëheqin përpjekjet për ndryshim.”