Lajmidites.com

Tag: dyqani

  • Rakuni i dehur ‘sulmon’ dyqanin e pijeve në SHBA, humb ndjenjat në dysheme

    Rakuni i dehur ‘sulmon’ dyqanin e pijeve në SHBA, humb ndjenjat në dysheme

    Një ngjarje e pazakontë ka ndodhur në shtetin amerikan të Virxhinias, ku stafi i një dyqani pijesh u përball me një “vizitor” të papritur. Të shtunën në mëngjes, punonjësit e dyqanit “ABC” në qytetin Ashland zbuluan se lokali ishte thyer gjatë natës nga një rakun i dehur. Po, e lexuat mirë, një rakun i dehur!

    Kafsha, e njohur shpesh si “banditi me maskë”, u gjet e shtrirë pa ndjenja në tualet, mes WC-së dhe koshit të plehrave, pasi kishte konsumuar pije alkoolike nga raftet e poshtme. Oficerja e kontrollit të kafshëve, Samantha Martin, e mori “të dyshuarin” në mbrojtje, duke e transportuar në Qendrën e Mbrojtjes së Kafshëve të Qarkut Hanover. Pas disa orësh gjumë dhe pa asnjë lëndim serioz, rakuni u lirua i sigurt në natyrë.

    Siç shkruan BBC, dyqani kishte qenë i mbyllur për festën e Falënderimeve, kur ndodhi ajo që stafi e quajti “thyerja e së Premtes së Zezë”. Kur punonjësit u kthyen në punë, gjetën shishe të thyera dhe alkool të derdhur në dysheme, përfshirë edhe skocin, dukshëm pijen e preferuar të rakunit.

    Sipas oficeres Martin, kafsha kishte rënë përmes një pllake të tavanit dhe më pas kishte nisur një “shfrenim të plotë, duke pirë gjithçka që gjente”. Nga ngjarja ekziston vetëm një pamje e paqartë nga kamerat e sigurisë, ndaj nuk dihet saktësisht sa alkool konsumoi rakuni përpara se të binte pa ndjenja.

    Në një postim në rrjetet sociale, dyqani falënderoi Qendrën e Mbrojtjes së Kafshëve të Qarkut Hanover për profesionalizmin dhe për “udhëtimin kthjellues” që i ofroi vizitorit të veçantë. Oficerja Martin e përshkroi episodin si “thjesht një ditë tjetër në jetën e një oficeri të kontrollit të kafshëve”.

  • Rakuni i dehur ‘sulmon’ dyqanin e pijeve në SHBA, dehet dhe humb ndjenjat në dysheme

    Rakuni i dehur ‘sulmon’ dyqanin e pijeve në SHBA, dehet dhe humb ndjenjat në dysheme

    Një ngjarje e pazakontë ka ndodhur në shtetin amerikan të Virxhinias, ku stafi i një dyqani pijesh u përball me një “vizitor” të papritur. Të shtunën në mëngjes, punonjësit e dyqanit “ABC” në qytetin Ashland zbuluan se lokali ishte thyer gjatë natës nga një rakun i dehur. Po, e lexuat mirë, një rakun i dehur!

    Kafsha, e njohur shpesh si “banditi me maskë”, u gjet e shtrirë pa ndjenja në tualet, mes WC-së dhe koshit të plehrave, pasi kishte konsumuar pije alkoolike nga raftet e poshtme. Oficerja e kontrollit të kafshëve, Samantha Martin, e mori “të dyshuarin” në mbrojtje, duke e transportuar në Qendrën e Mbrojtjes së Kafshëve të Qarkut Hanover. Pas disa orësh gjumë dhe pa asnjë lëndim serioz, rakuni u lirua i sigurt në natyrë.

    Siç shkruan BBC, dyqani kishte qenë i mbyllur për festën e Falënderimeve, kur ndodhi ajo që stafi e quajti “thyerja e së Premtes së Zezë”. Kur punonjësit u kthyen në punë, gjetën shishe të thyera dhe alkool të derdhur në dysheme, përfshirë edhe skocin, dukshëm pijen e preferuar të rakunit.

    Sipas oficeres Martin, kafsha kishte rënë përmes një pllake të tavanit dhe më pas kishte nisur një “shfrenim të plotë, duke pirë gjithçka që gjente”. Nga ngjarja ekziston vetëm një pamje e paqartë nga kamerat e sigurisë, ndaj nuk dihet saktësisht sa alkool konsumoi rakuni përpara se të binte pa ndjenja.

    Në një postim në rrjetet sociale, dyqani falënderoi Qendrën e Mbrojtjes së Kafshëve të Qarkut Hanover për profesionalizmin dhe për “udhëtimin kthjellues” që i ofroi vizitorit të veçantë. Oficerja Martin e përshkroi episodin si “thjesht një ditë tjetër në jetën e një oficeri të kontrollit të kafshëve”.

  • “Outlet” në Yzberisht, zbulohet dyqani me mallra të kontrabanduara, arrestohet administratorja

    “Outlet” në Yzberisht, zbulohet dyqani me mallra të kontrabanduara, arrestohet administratorja

    Policia e Tiranës ka goditur një rast kontrabande të mallrave të dyshuara të vjedhura në Greqi, duke vënë në pranga administratoren e një dyqani në Yzberisht. Sipas policisë, gjatë kontrollit në subjektin tregtar që administronte 49-vjeçarja u gjet dhe u sekuestrua një sasi e konsiderueshme veshjesh të ndryshme, për të cilat ajo nuk dispononte dokumentacion doganor apo fatura blerjeje
    “Seksioni i Hetimit të Krimeve Ekonomiko-Financiare, në bashkëpunim me Drejtorinë për Krimet në Volum në DPPSh, si rezultat i administrimit të informacioneve të siguruara për një rast të kontrabandës së mallrave, organizuan dhe finalizuan operacionin policor të koduar “Outlet”, si rezultat i të cilit u vu në pranga shtetasja: E. K., 49 vjeçe, banuese në Tiranë. 
    Gjatë kontrollit në subjektin tregtar që administronte kjo shtetase, në rrugën “Demneri”, Yzberisht, u gjet dhe u sekuestrua një sasi e konsiderueshme veshjesh të ndryshme, për të cilat ajo nuk dispononte dokumentacion doganor apo fatura blerjeje”. 
    Vijojnë hetimet për identifikimin e shtetasve të tjerë të përfshirë në këtë veprimtari. Materialet procedurale i janë referuar Prokurorisë së Tiranës, për veprime të mëtejshme.

  • “Shitet dyqani”, Dega nr.1 e demokratëve e boshatisur, Rama ironizon PD

    “Shitet dyqani”, Dega nr.1 e demokratëve e boshatisur, Rama ironizon PD

    Kryeministri i vendit, Edi Rama, ditën e sotme ka ironizuar opozitën përmes një postimi në Facebook. Rama  ka publikuar një foto që tregon degën numër 1 të demokratëve në Tiranë, e cila është e boshatisur, ndërsa dyqani ka dalë në shitje.

    Partia Socialiste gjatë Asamblesë së PS-së më 11 shtator, shpalli Ogerta Manastirliun si kandidate të socialistëve për bashkinë Tiranë, ndërsa opozita nuk ka ende një emër.

    Kryetari i Partisë Demokratike, Sali Berisha, tha dje pas mbledhjes së Kryesisë se PD do të mbështesë figurat jo politike, teksa u bëri thirrje qytetarëve nga shoqëria civile që të shpallin kandidaturat e tyre nëse janë të interesuar.
    Vakancat në bashkitë Vlorë, Berat, Mat, Tepelenë dhe Cërrik janë krijuar për shkak të dorëheqjes së kryetarëve të bashkive.
    Ndërsa në Bashkinë Tiranë për shkak se ish-kryetari Erion Veliaj ndodhet në qeli prej dats 10 Shkurt dhe u shkarkua me vendim të Këshillit Bashkiak./vizionplus.tv

  • Foto/ Rama ironizon PD-në në prag të zgjedhjeve në Tiranë: Dyqani shitet!

    Foto/ Rama ironizon PD-në në prag të zgjedhjeve në Tiranë: Dyqani shitet!

    Në prag të zgjedhjeve të pjesshme për kryebashkiak në Tiranë, kryeministri Edi Rama ka ironizuar Partinë Demokratike.

    Teksa ka shpërndarë një foto nga Dega 1 e Partisë Demokratike në kryeqytet, në xham shihet njoftimi “Shitet dyqani”.

    Top Channel

  • ‘Shitet dyqani’, kryeministri Rama ironizon PD-në në prag të zgjedhjeve në Tiranë, poston foto nga boshatisja e degës nr.1

    ‘Shitet dyqani’, kryeministri Rama ironizon PD-në në prag të zgjedhjeve në Tiranë, poston foto nga boshatisja e degës nr.1

    Kryeministri Edi Rama ka nisur ironitë ndaj Partisë Demokratike, ndërsa zgjedhjet e pjesshme lokale të 9 nëntorit në 6 bashki të vendit për kryetarë bashkie po afrohen.
    Rama ka publikuar në rrjetin e tij social Facebook, një foto që tregon degën numër 1 të demokratëve në Tiranë, e cila ka dalë në shitje.
    “Shitet dyqani” shkruhet në derën e kësaj njesie.
    Partia Socialiste ka shpallur Ogerta Manastirliun si kandidate të socialistëve për bashkinë Tiranë, ndërsa opozita nuk ka shpallur ende asnjë kandidat.
    Vakancat në bashkitë Vlorë, Berat, Mat, Tepelenë dhe Cërrik janë krijuar për shkak të dorëheqjes së kryetarëve të bashkive, ndërsa në Bashkinë Tiranë për shkak se ish-kryetari Erion Veliaj ndodhet në qeli prej dats 10 shkurt, pasi u shkarkua me vendim të Këshillit të Minstrave.

  • Përleshje masive mes dy familjeve turke jashtë një restoranti në Britani, grupet përdorën shpata, thika dhe shkopinj metalikë

    Përleshje masive mes dy familjeve turke jashtë një restoranti në Britani, grupet përdorën shpata, thika dhe shkopinj metalikë

    Ky është momenti i tmerrshëm kur disa banda përdorin shpata, thika dhe shkopinj metalikë gjatë një përleshjeje shumë të frikshme jashtë një dyqani në Britaninë  e Madhe.

     

    Shtatë persona janë arrestuar pas përleshjes që shpërtheu midis dy bandave familjare në një rrugë kryesore britanike të ngarkuar.

    Burrat dhe një djalë adoleshent kanë pranuar rolin e tyre në përleshjen masive ku u përdorën thika, shkopinj metalikë dhe një shpatë jashtë një dyqani kebapësh dhe një dyqani ushqimesh.

  • Historia e Dyqanit Shqiptar në Londër

    Nga Daut Dauti

    Dikur në Londër, në një pjesë prominente të këtij qyteti, gjegjësisht në ‘Covent Garden’, ka ekzistuar ‘Albanian Shop’ (Dyqani Shqiptar). Dyqani është hapur gjatë viteve të 70-ta dhe është mbyllur në vitin 1991. Në këtë dyqan keni mund të bleni libra (kryesisht veprat e Enver Hoxhës), materiale tjera propagandistike komuniste, postera, fotografi, pllaka të gramofonit, kaseta të kasetofonit, punime artizanale, suvenire të ndryshme dhe buste, kryesisht atë të Enver Hoxhës që shihet në vitrinën e këtij dyqani në këtë fotografi. Këtë dyqan e kanë mbajtur një një grup i komunistëve britanikë, të cilët e kanë përkrahur regjimin komunist të Enver Hoxhës. Pra, në shumë aspekte, ky dyqan ka qenë pikë e propagandës komuniste të Shqipërisë mu në mes të Londrës.Në vitin 1991, kur ra komunizmi në Shqipëri, dyqani u mbyll pasi që Tirana më nuk kishte mundësi të vazhdonte furnizimin me mallëra dhe para. Është vështirë të dihet niveli i qarkullimit apo shitjes që ka bërë ky dyqan, por gjithsesi ka qenë atraktiv për sytë e atyre që e kanë parë pasi që Shqipëria atëherë ka qenë vend ekzotik.Megjithatë, ky dyqan ka hyrë në histori. John Peel, i cili ka qenë radio prezentues, promovues i grupeve muzikore, dhe gazetar legjendar, e ka vizituar këtë dyqan. Në vitin 1990, John Peel, në emisionin e tij të popullarizuar në Radio BBC1, ka folur për këtë dyqan dhe ka emituar muzikë folklorike shqipe nga CD që i ka blerë aty. Në linkun e postuar më poshtë, mund ta dëgjoni komentin e tij dhe muzikën shqipe, e cila është një këngë nga Festivali i Gjirokastrës të vitit 1988. Natyrisht, kënga është për Enver Hoxhën dhe Partinë e Punës.Ky ka qenë dallimi mes sistemit kapitalist të Britanisë së Madhe dhe komunizmit të Shqipërisë. Në Londër ka ekzistuar Dyqani Shqiptar (propagandistik) dhe në BBC keni mund të dëgjoni edhe këngë për Enver Hoxhën kurse në Shqipëri nuk ka patur gjasa që e njejta gjë të aplikohet për Britaninë. Nejse, anglezët as që kanë këngë për politikanët dhe heronjtë e tyre.https://www.youtube.com/watch?v=Mqe6Avm3IkQ

  • Kontratë fiktive për shitjen e një dyqani, Ajola Xoxa ‘pastroi’ 100 mijë € me shitjen e librarisë

    Kontratë fiktive për shitjen e një dyqani, Ajola Xoxa ‘pastroi’ 100 mijë € me shitjen e librarisë

    SPAK ka zbuluar një tjetër rast pastrimi parash nga çifti Veliaj-Xoxa. Në një prej episodeve, për shitjen e një dyqani, Ajola Xoxa i ka dhënë blerësit paratë cash, dhe pas një kontrate fiktive ai do ja rikthente paratë në llogari bankare dhe do të merrte pronësinë e dyqanit. Transaksioni u krye në shumën e 150 mijë eurove, ndërkohë që vlera reale e shitjes ishte vetëm 50 mijë euro. 100 mijë euro, u qarkulluan nga vetë Ajola Xoxa me qëllim pastrimin e parave.
    Dosja e Prokurorisë së Posaçme kundër kryebashkiakut të arrestuar, Erion Veliaj dhe bashkëshortes së tij, Ajola Xoxa, përmban një numër të konsiderueshëm eposidoesh, në të cilat çifti i parë i kryeqytetit akuzohet se kanë kryer pastrim parash. Në një episod, prokurorët dyshojnë se Ajola Xoxa ka pastruar të paktën 100 mijë euro të dyshimta, nëpërmjet kontratës fiktive për shitjen e një librarie.
    Dyqani dikur ishte pronësi e shoqërisë “Botime Enciklopedike”, e drejtuar nga babai i Ajolës, i ndjeri Arben Xoxa. Pasi ai ndërroi jetë, kjo pronë, si edhe të tjera, i kaluan me trashëgimi ligjore vajzës së tij. Dyqani ishte ngjitur me një librari të vogël, e cila prej vitesh ishte në pronësi të një shtetasi, Agim Kuçuku, edhe ky tashmë ka ndërruar jetë. Sa ishte gjallë, Kuçuku kishte rënë dakord me Ajola Xoxën për të blerë dyqanin ngjitur me librarinë, me qëllim që të zgjeronte aktivitetin tregtar.
    Kuçuku dhe Ajola Xoxa ranë dakord që çmimi i shitjes do të ishte 50 mijë euro. Por, me insistimin e bashkëshortes së Veliajt, kontrata u bë sikur vlera e shitjes ishte 150 mijë euro. Blerësi, Agim Kuçuku, nuk i kishte mundësitë financiare për të kaluar në llogarinë e Ajolës shumën 150 mijë euro. Për këtë arsye, Xoxa i ka dhënë në gjendje cash dhe në mënyrë të fshehtë 100 mijë euro, me qëllim që blerësi Kuçuku t’ia kalonte Ajolës në llogari bankare dhe, në këtë mënyrë, kjo shumë të konsiderohej e ardhur e ligjshme e bashkëshortes së kryebashkiakut të Tiranës.
    Prokuroria e Posaçme i ka konfirmuar këto të dhëna nga bashkëshortja e të ndjerit Agim Kuçuku, e cila ka pranuar para grupit hetimor se familja e saj nuk ka pasur asnjëherë mundësi për të krijuar shumën 150 mijë euro, me të cilën është deklaruar si i blerë dyqani nga Ajola Xoxa. Po ashtu, SPAK-u ka kryer një ekspertizë financiare mbi të ardhurat e familjes Kuçuku ndër vite, në të cilat ka rezultuar tërësisht e konfirmuar se ata nuk kishin asnjë mundësi reale për të mbledhur atë shumë, e cila i është kaluar më pas Ajola Xoxes në llogarinë e saj bankare.
    Grupi hetimor është i bindur se shuma prej 100 mijë eurosh është një e ardhur me burim të paligjshëm i familjes Veliaj-Xoxa dhe skema e kontratës fiktive është zbatuar për të ligjëruar burimin e tyre, nëpërmjet pastrimit të parave.

  • Skandal ushqimor në Turqi/ Dyqani qebapëve mbyllet pasi helmoi 950 klientët

    Skandal ushqimor në Turqi/ Dyqani qebapëve mbyllet pasi helmoi 950 klientët

    Një dyqan qebapësh në zonën Korfez të Stambollit u bë i famshëm për arsyet më të gabuara të mundshme, pasi rreth 950 klientë u helmuan nga ushqimi.

    Ngjarja ndodhi gjatë ditëve të fundit të Ramazanit të këtij viti, sipas raportimeve të gazetës spanjolle AS.

    Qindra qytetarë vizituan dyqanin për të konsumuar ushqim, por shumë shpejt pas ngrënies, filluan të ndjenin shqetësime të forta në stomak.

    Pas hetimeve të shpejta, autoritetet shëndetësore identifikuan mishin e pulës si shkaktarin e përbashkët të helmimit masiv. Si pasojë, dyqani u mbyll menjëherë dhe media vendase ndoqi nga afër zhvillimet.

    Pronari i dyqanit, njëherësh edhe kuzhinieri kryesor, u përpoq të justifikonte situatën me një deklaratë që shkaktoi reagime të shumta:

    “Ne u shitëm qebapë rreth 2,000 personave brenda dy ditësh. Nuk jemi në dijeni të shkakut të incidenteve. Nëse pula do të ishte e prishur, do ta kishim kuptuar gjatë gatimit. Ndoshta njerëzit janë sëmurë sepse kanë ngrënë shumë qebapë. Ndoshta trupat e tyre nuk e kanë përballuar. Ne ndjekim rregullat e higjienës dhe receta ime ka pasur një shije të veçantë për vite me radhë. Ne nuk luajmë me shëndetin e askujt.” thuhet në deklaratë.

    Pavarësisht numrit të madh të të prekurve, fatmirësisht nuk u raportuan viktima.
    “Shumë pacientë u paraqitën në spitale si masë paraprake, por nuk ka raste kritike,” deklaroi Drejtori i Shëndetësisë në Stamboll, Yuksel Peçlevan. Syri.net-iefimerida