Pesë telefona celularë të markës iPhone u sekuestruan sot gjatë një kontrolli të befasishëm në Burgun e Durrësit.
Pajisjet e ndaluara u gjetën të fshehura në dyert e dusheve, një ambient i përbashkët për të gjithë të burgosurit në Godinën A, kati i 3-të, sektori 1.
Autoritetet dyshojnë se telefonat i përkisnin të dënuarve Flamur Kapri, Aldo Prifti dhe Vladimir Ibrushi.
“Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.
Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit.
Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion”-njofton policia.
Tag: Durrës
-
Kontrollet/ Gjenden 5 iPhone në burgun e Durrësit, ja kujt i përkisnin
-
Kontroll ‘blic’ në Burgun e Durrësit, gjenden 5 ‘iphone’ të fshehur në dushe, ja kujt i përkasin
FOTO ILUSTRUESE
DURRËS-Një kontroll i befasishëm është zhvilluar në ambjentet e burgut të Durrësit. Forcat operacionale të Drejtorisë së Përgjithshme të Burgjeve zhvilluan aksionin në Institucionin e Ekzekutimit të Vendimeve Penale (IEVP) Durrës pas informacioneve se brenda institucionit mund të ketë lëndë narkotike, telefona celularë dhe sende të tjera të ndaluara.
Raportohet se gjatë operacionit janë gjetur pesë aparate celularë ‘iphone’ të fshehur në dushe. Konkretisht telefonat janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1. Dyshohet se telefonat i përkisnin të dënuarve Flamur Kapri, Aldo Prifti dhe Vladimir Ibrushi.
“Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës. Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit. Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1. Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion”-njofton policia.
Autoritetet po vijojnë hetimin për identifikimin e plotë të personave përgjegjës dhe mënyrën se si janë futur sendet e ndaluara në institucion./ZËRI -
Afera me mbejet, denoncimi: Bashkia Durrës i dha miliona euro kompanisë nën sekuestro nga SPAK
Zëdhënësja Antikorrupsion në PD, Genta Vangjeli ka denoncuar depozitimin e mbetjeve urbane në Durrës.
Në një deklaratë për shtyp, Vangjeli deklaroi se Bashkia Durrës në vitin 2021, ka lidhur një kontratë me negocim pa shpallje me kompaninë Integrated Energy BV SPV, me vlerë rreth 13.5 milionë euro për një afat katërvjeçar, për sasinë e pritshme prej 320 mijë ton mbetjesh.
Të njëjtën kompani, sipas Vangjelit, Bashkia Durrës e ka shpallur sërish fituese këtë vit, për një tjetër procedurë prokurimi pa shpallje paraprake.
Vangjeli deklaroi se ky tender ngre disa pikëpyetje, si mungesa e transparencës apo dyshime për abuzime me procedurat e prokurimit.
Deklarata e Genta Vangjelit
Depozitimi i mbetjeve urbane në Durrës është kthyer në një tjetër histori të dyshuar korruptive, me kontrata pa transparencë dhe me miliona euro që përfundojnë në llogaritë e një kompanie që ndodhet nën sekuestro për shkak të hetimeve nga SPAK.
Më 8 tetor 2021, Bashkia Durrës ka lidhur një kontratë me negocim pa shpallje me kompaninë Integrated Energy BV SPV, me vlerë rreth 13.5 milionë euro për një afat katërvjeçar, për sasinë e pritshme prej 320 mijë ton mbetjesh.
Pas skandalit me inceneratorin inekzistent dhe kallëzimit penal të bërë nga opozita, SPAK nisi hetimet për kompaninë Integrated Energy BV SPV, e cila aktualisht ndodhet nën masën e sekuestros preventive.
Pavarësisht kësaj situate, më 14 tetor 2025, Bashkia Durrës ka shpallur sërish fituese të njëjtën kompani, për një tjetër procedurë prokurimi-sërish me negocim pa shpallje paraprake të njoftimit të kontratës- me objekt ‘Depozitimi i mbetjeve urbane, Bashkia Durrës’, me një fond limit prej 6.2 milionë euro për një afat 3-vjeçar. Vlera fituese ka qenë 100% e fondit limit, ose rreth 7.4 milionë euro me tvsh.
Ky tender ngre disa pikëpyetje serioze:
Mungesë transparence-nuk ka asnjë informacion mbi sasinë e pritshme të mbetjeve apo specifikimet teknike të shërbimit.
Dyshime për abuzim me procedurat e prokurimit-përdorimi i procedurës me negocim pa shpallje paraprake nuk justifikohet ligjërisht.
Sipas nenit 47 të Ligjit për Prokurimin Publik, kjo procedurë lejohet vetëm në raste të veçanta, si mungesë ofertash të vlefshme, arsye teknike të pamundësisë së konkurrencës, apo nevoja ekstreme të paparashikueshme-asnjë nga këto kushte nuk është i zbatueshëm në rastin konkret.
Mospërputhje financiare-në kontratën e vitit 2021, vlera ishte rreth 2.8 milionë euro në vit, ndërsa në tenderin e vitit 2025 shkon në rreth 2 milionë euro në vit. Nuk ka asnjë sqarim nëse kjo diferencë lidhet me uljen e sasisë së mbetjeve apo me arsye të tjera.
Partia Demokratike i kërkon SPAK-ut të hetojë me urgjencë këto kontrata, të cilat-sipas Kontrollit të Lartë të Shtetit – nuk garantojnë qëndrueshmëri financiare, pasi të ardhurat e krijuara nuk mbulojnë shpenzimet e shërbimit.
Edhe më shqetësues është fakti se incenerimi i mbetjeve nuk kryhet, pasi inceneratori nuk ekziston.
Kjo është një tjetër provë se si qeverisja e Edi Ramës dhe bashkitë nën drejtimin e tij vijojnë të shpërdorojnë fondet publike në shërbim të aferave korruptive, në kurriz të qytetarëve. -
Depozitimi i mbetjeve/ Denoncimi i PD: Bashkia Durrës i jep 6.2 mln euro kompanisë nën sekuestro nga SPAK
Partia Demokratike akuzon Bashkinë e Durrësit për një tjetër aferë korruptive me kontrata për depozitimin e mbetjeve urbane, duke i dhënë miliona euro një kompanie që ndodhet nën hetim dhe sekuestro nga SPAK.
Zëdhënësja e Antikorrupsionit në PD, Genta Vangjeli, deklaroi sot se depozitimi i mbetjeve urbane në Durrës është kthyer në një “histori të re të dyshuar korrupsioni”, me kontrata pa transparencë dhe me fitues të paracaktuar.
“Depozitimi i mbetjeve urbane në Durrës është kthyer në një tjetër histori të dyshuar korruptive, me kontrata pa transparencë dhe me miliona euro që përfundojnë në llogaritë e një kompanie që ndodhet nën sekuestro për shkak të hetimeve nga SPAK.”- deklaron Vangjeli.
Sipas saj, më 8 tetor 2021, Bashkia Durrës ka lidhur një kontratë me negocim pa shpallje me kompaninë Integrated Energy BV SPV, me vlerë rreth 13.5 milionë euro për katër vjet, për depozitimin e rreth 320 mijë ton mbetjesh.
PD deklaron se pas skandalit me inceneratorin inekzistent dhe kallëzimit penal të bërë nga opozita, SPAK nisi hetimet për kompaninë Integrated Energy BV SPV, e cila aktualisht ndodhet nën masën e sekuestros preventive.
Pavarësisht kësaj situate, më 14 tetor 2025, Bashkia Durrës ka shpallur sërish fituese të njëjtën kompani, për një tjetër procedurë prokurimi-sërish me negocim pa shpallje paraprake të njoftimit të kontratës- me objekt ‘Depozitimi i mbetjeve urbane, Bashkia Durrës’, me një fond limit prej 6.2 milionë euro për një afat 3-vjeçar. Vlera fituese ka qenë 100% e fondit limit, ose rreth 7.4 milionë euro me tvsh.
PD thekson se ky tender ngre disa pikëpyetje serioze:Mungesë transparence-nuk ka asnjë informacion mbi sasinë e pritshme të mbetjeve apo specifikimet teknike të shërbimit.
Dyshime për abuzim me procedurat e prokurimit-përdorimi i procedurës me negocim pa shpallje paraprake nuk justifikohet ligjërisht.“Sipas nenit 47 të Ligjit për Prokurimin Publik, kjo procedurë lejohet vetëm në raste të veçanta, si mungesë ofertash të vlefshme, arsye teknike të pamundësisë së konkurrencës, apo nevoja ekstreme të paparashikueshme-asnjë nga këto kushte nuk është i zbatueshëm në rastin konkret.
Mospërputhje financiare-në kontratën e vitit 2021, vlera ishte rreth 2.8 milionë euro në vit, ndërsa në tenderin e vitit 2025 shkon në rreth 2 milionë euro në vit. Nuk ka asnjë sqarim nëse kjo diferencë lidhet me uljen e sasisë së mbetjeve apo me arsye të tjera”- deklaron Vangjeli.
Partia Demokratike i kërkon SPAK-ut të hetojë me urgjencë këto kontrata, të cilat-sipas Kontrollit të Lartë të Shtetit – nuk garantojnë qëndrueshmëri financiare, pasi të ardhurat e krijuara nuk mbulojnë shpenzimet e shërbimit.
“Edhe më shqetësues është fakti se incenerimi i mbetjeve nuk kryhet, pasi inceneratori nuk ekziston.”- shprehet Vangjeli.
PD thekson se kjo është një tjetër provë se si qeverisja e Edi Ramës dhe bashkitë nën drejtimin e tij vijojnë të shpërdorojnë fondet publike në shërbim të aferave korruptive, në kurriz të qytetarëve.
DOKUMENTAT – KLIKO -
U vra pas konfliktit për një kafe në Manëz, mediat italiane: 33-vjeçari ishte në kërkim për plagosje të dyfishtë në Perugia
Flori Paluçi, 33-vjeçari që mbeti i vrarë në Manëz të Durrësit, pasi një sherri për një kafe ishte në kërkim në Itali për tentativë vrasjeje të dyfishtë në Perugia.
Mediat italiane bëjnë me dije se Paluçi ishte nën hetim nga Prokuroria e Perugias për ngjarjen e ndodhur më 19 qershor të këtij viti, përpara një bari në zonën e Vernës në Umbertide, ku dy persona mbetën të plagosur rëndë pas një shkëmbimi zjarri.
Sipas hetimeve nga autoritetet fqinje ngjarja ishte e lidhur me përplasje për çështje droge. Pas atentatit, 33-vjeçari, i cili ishte i njohur më parë për policinë, ishte arratisur menjëherë, duke u bërë i paidentifikueshëm për muaj të tërë.
Fundi i arratisjes së Paluçit erdhi në orët e vona të mbrëmjes mes 21 dhe 22 tetorit, kur në Manëz të Durrësit ndodhi një tjetër përplasje me armë përpara një karburanti. Teksa i referohen raportimeve nga Shqipëria, mediat italiane shkruajnë se ngjarja ndodhi për një kafe.
Një 23-vjeçar, që ndodhej ulur në një lokal me një mik, kishte kërkuar një ekspres, por kamarieri nuk e kishte shërbyer pasi ekspresi ishte fikur. Kjo shkaktoi një debate të ashpër, në të cilën ndërhyri edhe Flori Paluçi.
Sipas hetimeve paraprake, Paluçi dyshohet se qëlloi me armë ndaj 23-vjeçarit, duke e vrarë në vend. Në ato momente, miku i viktimës reagoi, nxori armën dhe hapi zjarr drejt Paluçit, duke e vrarë gjithashtu.
Autori i dyshuar për vrasjen e Flori Paluçit është në kërkim nga policia ndërsa hetimet janë në zhvillim për të zbardhur plotësisht ngjarjen dhe për të përcaktuar rrethanat e konfliktit fatal. -
Kontrolle të befasishme në burgun ku ndodhet Veliaj, ja çfarë dyshon policia
Një kontroll i befasishëm është zhvilluar në burgun e Durrësit.
Në ambientet e brendshme të burgut ku ndodhen të paraburgosur dhe të burgosur disa politikanë dhe individë me rrezikshmëri të lartë deri te krerë bandash kriminale mësynë dhjetëra efektive te drejtorisë së përgjithshme të burgjeve.
Po zhvillohen kontrolle në disa dhoma banimi dhe ambiente te përbashketa, pasi kishte informacione se brenda institucionit mund te kete lende narkotike, telefona apo sende te tjera te ndaluara. -
Gjenden pesë celularë në burgun ku qëndron Veliaj, ja çfarë thotë policia
Nga kontrollet e zhvilluara këtë të shtunë në burgun e Durrësit, janë gjetur pesë aparate telefoni celular të markës “iPhone”, të cilat përbëjnë sende të ndaluara në ambientet e institucionit.
Dyshohet se telefonat e gjetur i përkasin shtetasve Flamur Kapri, Aldo Prifti, Vladimir Ibrushi.
Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.
Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion. -
PD: Projekti TID, klientelizëm që shkatërron pronën dhe trashëgiminë e Durrësit
Deputetja e Partisë Demokratike, Ina Zhupa, zhvilloi sot një vizitë në qytetin e Durrësit për të denoncuar projektin e njohur si “TID”, që synon rijetëzimin dhe rikualifikimin urban të disa zonave të qytetit.
Në një deklaratë për mediat, Zhupa e përshkroi këtë projekt si një plan korruptiv dhe klientelist, i cili nuk ka si qëllim mbrojtjen e trashëgimisë historike të qytetit, por krijimin e hapësirave të reja për interesa të ngushta politike dhe ekonomike.
Deputetja theksoi shembjen e një shtëpie historike të shekullit të 16-të, e cila është e kualifikuar nga projekti për tu prishur, ndërkohë që tabela informuese tregonte se muri ishte pjesë e trashëgimisë osmane dhe duhej të mbrohej nga shteti, jo të shkatërrohej.
Ajo shtoi se vetëm disa metra më tej po ndërtohet një pallat i ri mbi një lulishte, me beton dhe pilota, në një zonë arkeologjike pranë shkollës së muzikës “Jani Kukuzeli”, duke evidentuar kështu mospërputhjen mes planeve të zhvillimit urban dhe mbrojtjes së historisë.
Deklarata e plotë për media:
Ndodhem në qytetin e Durrësit, kam ardhur këtu për të denoncuar projektin e famshëm “TID” për rijetëzimin dhe rikualifikimin urban të disa zonave të Durrësit.
Në fakt është thjeshtë një projekt korruptiv dhe klientelist që nuk ka rëndësi për të mbrojtur trashëgiminë apo historinë e Durrësit por për të krijuar hapësira të reja për interesa klienteliste.
Këtu jemi në një rast tipik në cilin mund të gjykojnë vetë qytetarët që do ta ndjekin.
Kjo është një shtëpi e cila është e kualifikuar nga projekti TID për tu shëmbur. Para këtu ka qenë një tabelë e cila tregonte se ky mur është një mur otoman i vitit 1500 dhe duhet të mbrohej nga shteti dhe jo të shkatërrohej nga shteti.
Ndërkohë është parashikuar se do të shëmbet dhe vetëm 5 hapa larg ngjitur po ndërtohet një pallat i ri në një zonë e cila ishte lulishte.
Ky pallat po ndërtohet me beton, me pilota në një zonë arkeologjike dhe shumë pranë shkollës së muzikës “Jani Kukuzeli”.
Pse ndodh kjo gjë në Durrës?!
Sepse ky projekt i cili është mbushur me pika të kuqe për shtëpi që duhet ti prishen durrsakëve të vjeter, atyre që janë banorët lokal të Durrësit, që kanë historinë dhe trashëgiminë e Durrësit edhe në përjetimet dhe kujtesen e tyre, ka vetëm një qëllim, ka si qëllim të krijoj hapësira të reja publike për qëllime klienteliste.
Pse duhet të prishet një shtëpi e vjetër që nga 1500-ta ku zotëria këtu është pronar për t’u ndërtuar një pallat i ri në një vend të një lulishtje ngjitur?!
Nuk ka asnjë arsyetim!
Ky projekt i gjithi nuk ka asnjë arsyetim!
Dhe ndaj do të kundërshtohet nga ne në gjitha format, në gjitha instancat, në gjyqe, në Parlament dhe kudo.
Sepse Durrësi do të duhet të ruhet për trashëgiminë e vet për historinë edhe për rrëfimet e banorëve lokal dhe të mbrohet ajo që është identitet i këtij qyteti dhe jo ndërtimet e reja për qëllime klienteliste.
Shumë faleminderit.
-
Anëtari i ‘Babagjyshëve’ bashkë me mikun e tij tentuan të arratisen me çarçaf, 3 efektivët e burgut ‘313’, në gjyq
Burgu 313
TIRANË-Tre punonjës të burgut ‘313’ janë dërguar për gjykim nga Prokuroria e Tiranës për tentativën e arratisjes së dy të burgosurve më 2021. Efektivët e burgut akuzohen për ‘shpërdorim detyre’. Sipas hetimit efektivët Bashkim Muça, Oldi Myzyri dhe Radion Maloku nuk kryen kontrolle duke u mundësuar dy të burgosurve, Arbër Çekaj e Fatmir Pjetri tentuan arratisjen para katër vitesh.
Fatmir Pjetri pjesë e “Bandës së Babagjyshëve” së bashku me Arbër Çekajn më 8 gusht 2021 tentuan arratisjen përmes çarçafit në burgun 313 në Tiranë. Pjetri, së bashku me Arbër Çekajn shfrytëzuan momentin e e ajrosjes por nuk ia dolën që të arratiseshin.
Gjykata e Lartë ka lënë në fuqi vendimin për dënimin me 14 vite burg të Arbër Çekajt, i cili u shpall fajtor për trafikimin e një sasie prej 613 kg kokainë që u sekuestrua në vitin 2018 në Portin e Durrësit. Lënda narkotike u gjet në një kontejner me banane që vinte nga Amerika Latine dhe ishte e destinuar për kompaninë “Arbi Garden”, në pronësi të Çekajt.
Ndërkohë Fatmir Pjetri ndodhet në regjimin “41 biss”. Ai është dënuar me 30 vite burg për vjedhje me dhunë e kryer në bashkëpunim, grup të strukturuar kriminal dhe kryerjen e veprave penale nga organizata kriminale dhe grupi i strukturuar kriminal. Pjetri pjesë e grupii kriminal ‘Babagjyshët’ gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit ku ka grabitur me armë disa argjendari në këto qytete.
NJOFTIMI:
Nuk kryen kontrolle duke mundësuar dy të burgosur të tentojnë arratisjen, Prokuroria e Tiranës dërgon në gjyq tre punonjës të burgut 313 për ‘Shpërdorim detyre’
Prokuroria pranë Gjykatës së Shkallës së Parë të Juridiksionit të Përgjithshëm, Tiranë, përfundoi hetimet dhe dërgoi në gjyq shtetasit R.M., B.M., dhe O.M., për veprën penale ‘Shpërdorimi i detyrës’ parashikuar nga neni 248 i Kodit Penal.
Në përfundim të hetimeve mbi procedimin penal nr.5648, të vitit 2022, të nisur pas tentativës për t’u arratisur e dy të burgosurve A. Ç. dhe F.P, në IEVP ‘Jordan Misja’, rezultoi se këta shtetas për kryrjen e tentativës për t’u arratisur kanë përfituar dhe nga shkelja e rregullave të shërbimit të rojes të kryera nga disa punonjës të IEVP “Jordan Misja” Tiranë, që kanë qenë me shërbim në momentin e arratisjes.
Sipas referimit të bërë, në datë 08.08.2021, policia gjyqësore në SHKB ka marrë njoftim zyra e informacionit të IEVP “Jordan Misja“ Tiranë se rreth orës 15:40 të asaj dite të paraburgosurit A.Ç. dhe F.P. kanë tentuar të arratisen duke zbritur me një litar të improvizuar me çarçaf, nga pjesa e ajrimit që ndodhen në tarracën e godinës “A” te shkallët e administratës dhe më pas janë neutralizuar nga forcat e policisë në pjesën e oborrit të IEVP.
Në ushtrim të detyrës së tyre si punonjës të rolit bazë, të pandehurit R.M. B.M. dhe O.M., rezultuan se kanë shkelur skemën e sigurisë të IEVP “Jordan Misja”.
Këta tre shtetas kanë mbajtur detyrën si punonjës të rolit bazë në momentin e tentativës së arratisjes dhe nga hetimi i kryer, provohet plotësisht se nuk kanë kryer kontrollin edhe pse ishte detyra e tyre sipas ligjit dhe rregullores. Nëse këta punonjës do të kishin kryer detyrën e tyre, dy personat që tentuan të arratisen nuk do të mund të lëviznin në ambientet e brendshme të IEVP-së me sende të ndaluara ose të prodhuara prej tyre, për t’i përdorur për arratisje apo për të ushtruar dhunë fizike ndaj punonjësve të policisë të burgjeve që tentuan t’i ndalojnë të dalin nga rrethimi i institucionit. Gjë e cila vërtetohet plotësisht nga pamjet filmike të ambienteve të brendshme të IEVP 313.
Nga pamjet filmike konstatohet se shtetasit R.M., B.M. dhe O.M., nuk kanë kryer fare kontroll fizik të të paraburgosurit F. P., i cili dukej qartë se mbante një çantë në dorë brenda të cilës kishte sendet e ndaluara, aq më tepër të imtësishëm, duke bërë të mundur që dy personat që tentuan të arratisen të qarkullonin me sende të ndaluara brenda ambjenteve të IEVP, sende të cilat më pas u përdorën prej tyre. -
Thyente xhamat e makinave dhe i vidhte, arrestohet 37-vjeçari në Durrës
Policia e Durrësit ka finalizuar operacionin policor të koduar “Refleksi”, i cili çoi në arrestimin e një 37-vjeçari nga Tirana, autor i disa vjedhjeve me thyerje të automjeteve në qytetin bregdetar.
Sipas njoftimit zyrtar të Policisë së Shtetit, i arrestuari, V. K., 37 vjeç, qarkullonte me biçikletë në lagje të ndryshme të Durrësit, thyen xhamat e automjeteve dhe vidhte sende personale, para dhe pajisje elektronike.
Më pas, ai përdorte automjetin e tij për të transportuar dhe fshehur sendet e vjedhura.
Gjatë operacionit, 37-vjeçari u kap në flagrancë teksa tentonte të vidhte një tjetër automjet
“Në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, shërbimet e Komisariatit të Policisë Durrës, pas një pune të gjatë hetimore, bazuar edhe në informacionet e marra në rrugë operative dhe nga administrimi i pamjeve filmike, organizuan dhe finalizuan operacionin policor të koduar “Refleksi”.
Në kuadër të operacionit u bë kapja në flagrancë, në tentativë për të vjedhur në një automjet, dhe u vu në pranga shtetasi V. K., 37 vjeç, banues në Tiranë.
Nga veprimet hetimore ka rezultuar se ky shtetas është autor i disa vjedhjeve me thyerje të automjeteve, të ndodhura në lagjet nr. 6, 8 dhe 12 të qytetit të Durrësit.
Ky shtetas ka vjedhur në 5 automjete, në pronësi të shtetasve Xh. B., J. B., S. Q., L. K. dhe Xh. M., shuma parash, laptopë dhe sende të tjera personale të drejtuesve të këtyre automjeteve.
Në bashkëpunim me Prokurorinë vijojnë veprimet hetimore për zbardhjen dhe dokumentimin me prova ligjore edhe të disa vjedhjeve të tjera të ndodhura më parë, që dyshohet se janë kryer nga ky shtetas.”- njofton policia.