Lajmidites.com

Tag: duhur

  • Raporti i BE-së, Rama: Konfirmon se Shqipëria është në rrugën e duhur për të përmbyllur negociatat deri në 2027

    Raporti i BE-së, Rama: Konfirmon se Shqipëria është në rrugën e duhur për të përmbyllur negociatat deri në 2027

    Kryeministri Edi Rama dhe Ambasadori i Bashkimit Europian në Shqipëri, Silvio Gonzato, zhvilluan sot një konferencë të përbashkët për shtyp në Kryeministri, në vijim të publikimit të raportit të Komisionit Europian për zgjerimin dhe përparimin e Shqipërisë drejt integrimit në Bashkimin Europian.
    Rama:
    Ky raport mbi të gjitha thotë një gjë: që Shqipëria është në rrugën e duhur për të përmbyllur negociatat brenda vitit 2027. Duke thënë këtë, raporti i ka thënë të tëra. Patjetër që në këtë rrugë të duhur ka sfida në çdo hap.

    Sfida dhe çështje për t’u adresuar jo vetëm në mënyrë sasiore, por edhe cilësore në çdo hap. Natyrisht që raporti i progresit është një gotë e mbushur përgjysmë. Ajo që ne kemi bërë gjithmonë dhe do të bëjmë përsëri është që, duke marrë gjithë energjinë e nevojshme nga gjysma plot, të fokusohemi me gjithë energjinë e nevojshme te gjysma bosh, në mënyrë që në 2027 ta mbyllim këtë proces. Raporti në 2027 të shkruajë: “Rekomandojmë anëtarësimin e Shqipërisë në BE.” Jam shumë krenar që askush nuk harron të thotë që Shqipëria është në pararojë të këtij procesi bashkë me Malin e Zi. Më në fund, Shqipëria është shembulli pozitiv që u jepet edhe të tjerëve që duan të bëhen pjesë e BE-së.
    Të tjerat janë pjesë të detajuara të një procesi, ku ne kemi kryer në kohë rekord hapjen e grup kapitujve. Do të kryejmë edhe hapjen e grup kapitulit të gjashtë. Do ta mbyllim vitin me gjithë kapitujt e hapur.

  • “Vlahovic? Porta mbetet e hapur nga të dyja palët. Spalletti, njeriu i duhur për të hapur një cikël”

    “Vlahovic? Porta mbetet e hapur nga të dyja palët. Spalletti, njeriu i duhur për të hapur një cikël”

    5 Nëntor 2025

    8:02

    Alfred Lleshi

    Giorgio Chiellini, përpara ndeshjes së Champions-it mes Juventusit dhe Sporting Lisbona, foli për të ardhmen e Vlahovic dhe punën e Spallettit: “Që në fillim të sezonit kam thënë se Vlahovic është i përqendruar dhe mendon vetëm për Juven.
    Në kohën e duhur do të bëhen vlerësimet së bashku, por nuk ka asnjë derë të mbyllur nga asnjëra palë. Gjithçka është e hapur. Të dyja palët duan të ulen dhe të flasin”.
    Sa i përket trajnerit, Chiellini shtoi: “Mendoj se Luciano ka përvojën dhe autoritetin për të krijuar një cikël të ri. Dëshira e të dyja palëve është të ndërtojnë një projekt që ta kthejë Juven aty ku ka qenë gjithmonë. Ndikimi i tij ka qenë shumë pozitiv”.

  • Cilat janë sekretet e një diete të ekuilibruar për fëmijë?

    Cilat janë sekretet e një diete të ekuilibruar për fëmijë?

    Një dietë e ekuilibruar së bashku me hidratimin e duhur janë “dhurata” të vlefshme që i japin fëmijës shëndet dhe mirëqenie.
    Një dietë e ekuilibruar është një nga gurët themelorë të mirëqenies dhe shëndetit të përgjithshëm, jo vetëm për të rriturit, por veçanërisht për fëmijët, të cilët janë në një fazë zhvillimi.
    Në epokën moderne, ku të vegjlit kanë detyrime në rritje, siç janë shkolla, aktivitetet jashtëshkollore dhe sportet, nevojat e tyre ushqyese janë më të mëdha.
    Një dietë e duhur dhe cilësore jo vetëm që forcon sistemin e tyre imunitar, por edhe i “pajis” me energji, përqendrim e humor për të shijuar atë që duan.
    Këshillat “e arta” për fëmijë të shëndetshëm
    Shumëllojshmëria është themeli i ushqyerjes së mirë të fëmijërisë. Asnjë ushqim i vetëm nuk ofron të gjitha lëndët ushqyese të nevojshme, ekuilibri arrihet përmes kombinimit të duhur dhe rotacionit të zgjedhjeve.
    Proteinat nga mishi i ligët, peshku, vezët, bishtajoret dhe produktet e qumështit kontribuojnë në zhvillimin e muskujve dhe kockave, ndërsa mbështesin gjithashtu funksionin normal të sistemit imunitar.
    Karbohidratet komplekse (si tërshëra, orizi kaf dhe patatet) sigurojnë energji të qëndrueshme gjatë gjithë ditës, ndërsa yndyrnat “e mira” nga vaji i ullirit, arrat dhe avokadoja përmirësojnë funksionin e trurit e kujtesën.
    Frutat dhe perimet si karotat, mollët, manaferrat, specat, brokoli dhe spinaqi janë një burim i vlefshëm antioksidantësh dhe vitaminash (kryesisht A, C dhe E) që mbrojnë trupin, veçanërisht gjatë muajve të dimrit, kur fëmijët janë më të prekshëm ndaj viruseve.
    Siç thekson Organizata Botërore e Shëndetësisë, shumëllojshmëria dietike kontribuon jo vetëm në zhvillimin normal, por edhe në ruajtjen e një peshe të shëndetshme, duke zvogëluar rrezikun e zhvillimit të sëmundjeve kronike në të ardhmen.
    Sigurisht, hidratimi është një faktor tjetër kyç në mirëqenie. Trupi i një fëmije përbëhet deri në 70% nga uji. Prandaj, edhe dehidratimi i lehtë mund të ndikojë në humorin, përqendrimin dhe performancën e tyre fizike. Hulumtimet tregojnë se fëmijët që pinë mjaftueshëm ujë kanë kujtesë dhe funksion kognitiv më të mirë në shkollë.
    Megjithatë, për shkak se shpesh e ngatërrojnë etjen me urinë, zakoni për të pasur gjithmonë me vete një shishe uji, është mënyra më efektive për t’i mbajtur ata të hidratuar, aktivë dhe plot energji.

  • Alonso i kënaqur: Moment i mirë, Real Madrid po tregon mentalitetin e duhur

    Alonso i kënaqur: Moment i mirë, Real Madrid po tregon mentalitetin e duhur

    3 Nëntor 2025

    10:04

    Telesport

    Real Madrid, nën drejtimin e trajnerit Xabi Alonso po kalon një moment të mirë në La Liga, çka e konfirmon edhe fitorja 4-0 ndaj Valencia. “Ajo ishte një ndeshje e plotë dhe serioze, me energji të shkëlqyer nga djemtë”.
    “Po kalojmë një moment të mirë, po fitojmë ndeshje dhe po shënojmë gola. Ky është mentaliteti i duhur për të ecur përpara dhe për të arritur objektivat. Uroj që kështu të vazhdojmë sa më gjatë”, tha Alonso.
    Në lidhje me penalltitë, trajneri spanjoll tha: “Ne caktojmë gjuajtësit e penalltive dhe Kylian është i pari që gjuan, pastaj ata marrin vendimet. Më pëlqen që ata gjuajnë penallti sepse është një mundësi e mirë”.

  • “Këneta e dëshpëruar”, Rama komenton kandidaturën e Binajt për Tiranën: Shkriu gazit Kongresin e PS kur luajti rolin tim

    “Këneta e dëshpëruar”, Rama komenton kandidaturën e Binajt për Tiranën: Shkriu gazit Kongresin e PS kur luajti rolin tim

    Kryeministri Edi Rama, në episodin më të fundit të podcastit “Flasim”, komentoi garën për kryebashkiakun e Tiranës, pas shkarkimit të Erion Veliaj.
    Rama u shpreh se kushdo që voton Partinë Socialiste dhe PDS do të mbështesë Ogerta Manastirliun si kandidaten e duhur për drejtimin e kryeqytetit. Ai e vlerësoi kandidaturën e saj, duke theksuar përvojën e saj në drejtimin e Qendrës Spitalore Universitare dhe Spitalit Rajonal të Vlorës, si shembuj të kapacitetit të saj menaxherial dhe vullnetit të hekurt.
    Kryeministri komentoi edhe kandidaturën e opozitës, Florian Binajn, një aktor i njohur për shfaqjet e tij komike në “Portokalli”, duke e përshkruar kandidaturën e tij si një përpjekje simbolike të opozitës.

    “Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.
    Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë. Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama.
    /vizionplus.tv

  • ”Gati t’ju mbështesim”/ Takimi me Begajn dhe Ramën, Von der Leyen: Shqipëria, në rrugën e duhur drejt BE-së

    ”Gati t’ju mbështesim”/ Takimi me Begajn dhe Ramën, Von der Leyen: Shqipëria, në rrugën e duhur drejt BE-së

    Presidentja e Komisionit Europian, Ursula Von der Leyen nisi turneun e saj në Ballkanin Perëndimor, teksa vendosi që ndalesën e parë ta bënte në Tiranë.

    Në një postim në ”X{{, presidentja e KE, theksoi se Shqipëria është në rrugën e duhur drejt Bashkimit Europian,.
    ”Jemi gati t’ju mbështesim në çdo hap të këtij rrugëtimi. Jam e lumtur që po e filloj turneun tim vjetor në Ballkanin Perëndimor në Tiranë. Shqipëria është në rrugën e duhur drejt BE-së. Me një përshpejtim rekord në tre vitet e fundit. Ne jemi gati t’ju mbështesim në çdo hap të rrugës”, tha Von der Leyen.

    Top Channel

  • Takimi me Begajn dhe Ramën, Von der Leyen: Shqipëria, në rrugën e duhur drejt BE-së! Gati t’ju mbështesim

    Takimi me Begajn dhe Ramën, Von der Leyen: Shqipëria, në rrugën e duhur drejt BE-së! Gati t’ju mbështesim

    Presidentja e Komisionit Europian, Ursula von der Leyen nisi turneun e saj në Ballkanin Perëndimor, duke bërë ndalesën e parë në Tiranë.  
    Në një postim në rrjetet sociale, ajo theksoi se Shqipëria është në rrugën e duhur drejt Bashkimit Europian, duke shënuar një përshpejtim rekord në tre vitet e fundit. 
    “Jemi gati t’ju mbështesim në çdo hap të këtij rrugëtimi,” tha von der Leyen me anë të një postimi në X pas takimit me presidentin Bajram Begaj dhe kryeministrin Edi Rama. 
    Postimi i Presidentes së Komisionit Europian, Ursula von der Leyen  
    Jam e lumtur që po e filloj turneun tim vjetor në Ballkanin Perëndimor në Tiranë. Shqipëria është në rrugën e duhur drejt BE-së. Me një përshpejtim rekord në tre vitet e fundit. Ne jemi gati t’ju mbështesim në çdo hap të rrugës. 
     
     
     
     

  • Del Piero “bekon” Yildiz: Djalë serioz dhe punëtor, dëshiron të bëhet ikonë e Juventusit

    Del Piero “bekon” Yildiz: Djalë serioz dhe punëtor, dëshiron të bëhet ikonë e Juventusit

    4 Tetor 2025

    10:44

    Alfred Lleshi

    Alessandro Del Piero ka folur për Kenan Yildiz, talentin e Juventusit, i lindur më 2005, në një intervistë për “Gazzetta dello Sport”: “Nga ajo që kam parë deri tani, brenda dhe jashtë fushës, nuk ka nevojë për këshilla. Është një djalë serioz, punëtor, që dëshiron të bëhet simbol i klubit dhe të ketë sukses. Deri tani po e bën punën e tij në mënyrën më të duhur”.
    Ish-numri 10, legjenda e bardhezinjve shtoi për talentin turk: “Është e qartë që do të ketë momente të vështira, momente më shumë ose më pak pozitive, ndaj duhet të mbështetet te njerëzit e duhur. Shpresoj që gjithmonë të ketë pranë vetes njerëzit e duhur, që mund t’i thonë atë këshillë për të cilën ka nevojë në atë moment”.
    Del Piero komentoi edhe për sulmuesit e parë të skuadrës së Tudor, Vlahovic, David dhe Openda: “Duhet të njihni karakterin dhe personalitetin e sulmuesve për të kuptuar çfarë është më e mira. Ndryshimet janë të nevojshme për të pasur lojtarë të freskët kur luan çdo tri ditë, ashtu si më parë, por atëherë ekipet ishin të strukturuara ndryshe dhe shpesh luanim titullarë”.

  • Xhesika Polo flet për lidhjen e saj: Jemi martuar që në ditën e parë bashkë

    Xhesika Polo flet për lidhjen e saj: Jemi martuar që në ditën e parë bashkë

    Këngëtarja e njohur Xhesika Polo ka sjellë për publikun projektin e saj më të fundit muzikor, me titullin “Oj ti vajzë”. Kënga, e cila mbart një mesazh të fuqishëm, është shkruar nga vëllai i saj, siç u shpreh vetë artistja gjatë një interviste në emisionin “Zgjohu me MCN”.
    Por përveç muzikës, Xhesika ndau edhe momente intime nga jeta e saj private. Ajo konfirmoi se mban një unazë në gisht dhe se tashmë është e martuar. “Unë jam shumë e lumtur, shumë e dashuruar. Jam vetja ime që kur hap sytë e deri sa i mbyll, dhe jetoj në paqe me lëkurën time,” tha këngëtarja.
    Xhesika tregoi se partneri i saj nuk është pjesë e botës së showbiz-it, megjithatë ka një shpirt artistik të veçantë. “Partneri im nuk është i fushës, por në shpirtin e tij ka art, muzikë dhe një bukuri që e bën unik. Në çdo vendim që marr, konsultohem me të dhe ndihem e sigurt që gjithmonë do të më udhëheqë drejt së mirës. Njeriu i duhur vjen në kohën e duhur,” shtoi ajo.
    Deklarata e saj:
    Unë jam shumë e lumtur, shumë e dashuruar. Jam vetja ime që kur hap sytë dhe deri sa i mbyll dhe jetoj në paqe me lëkurën time. Partneri im nuk është i fushës, nuk merrem me të fushës. Partneri im në shpirtin e tij ka art, muzikë, ka shpirtin më të bukur në gjithësi. Sot jam shumë krenare të them se në çdo vendim që marr konsultohem me të dhe jam e sigurt që për çdo gjë do është e mirë për mua. Njeriu i duhur vjen në kohën e duhur. Po kam thënë “po”. Ne jemi martuar që në ditë të parë bashkë. Ne kemi bërë disa këngë bashkë, njëra është “Fatale”, kemi bërë vijën melodike. Kemi bërë dhe dy vija melodike. Nuk e pëlqen famën, por pas skenës jemi bashkë.

  • Gara për bashkinë e Tiranës, Boçi zbulon kriteret që duhet të plotësojë kandidati i opozitës

    Gara për bashkinë e Tiranës, Boçi zbulon kriteret që duhet të plotësojë kandidati i opozitës

    Nënkryetari i PD, Luçiano Boçi, zbuloi kriteret që duhet të ketë kandidati opozitar për garën në Bashkinë e Tiranës.
    Në një lidhje të drejtpërdrejtë në edicionin qendror të lajmeve në televizionin kombëtar Vizion Plus me moderator Aleksandër Furxhi, Boçi tha se kandidati duhet të jetë një person që e do Tiranën, të jetë opozitar, teksa shtoi se duhet të jetë edhe një kandidat që të ketë fibrën e duhur politike, por sidomos edhe fibrën e duhur qytetare.
    Luçiano Boçi u shpreh se në PD ka shumë kandidatë, duke nënvizuar se disa vetëofrohen, ndërsa disa të tjerë edhe u kërkohet të kandidojnë.
    INTERVISTA E PLOTË:
    Si e shikoni ju përballjen e radhës elektorale që do të kemi në 6 bashki?
    Boçi: Është një përplasje që mundohet të nxitohet, të kapë ritmet euforike të një rezultati që dihet që nuk është një rezultat i drejtë, rezultati i grabitur i 11 majit. Për të ruajtur atë inercinë dhe për të ruajtur pompozitetin e një fitoreje që nuk është e tillë, por që interpretohet e tillë.
    Si shpjegohet që Partia Demokratike ende nuk e ka një emër për garën në Tiranë?
    Boçi: Në PD ka figura me influencë publike dhe politike, pavarësisht vendeve që ato zënë në hierarkinë drejtuese të Partisë Demokratike. Kjo tregon që ka një konkurrencë. Ka shumë kandidatë. Ka edhe kandidatë që vetëofrohen, ka edhe kandidatë që u kërkohet të jenë pjesë e kandidimit. Ka një negocim me pjesën tjetër të opozitës, me qëllim që të kemi një produkt serioz, një kandidat që përfaqëson PD, por edhe qytetarët e Tiranës. Janë disa procese që tregojnë që ka seriozitet në zgjedhjen e një kandidati që ai të paraqitet me ato parametra që e kërkon publiku.
    PD bëri një betejë shumë të fortë për ta rrëzuar Veliajn. Duket sikur tani e keni marrë më shtruar, kur ju këtë keni pritur apo jo, që ajo zyrë të lirohet dhe ju të nxitoni për të konkurruar?
    Boçi: Shpalljen e zgjedhjeve nuk e ka në dorë as Edi Rama, as opozita. Është kushtetuta dhe vendimet ligjore që përcaktojnë kohën kur janë zgjedhjet. Jemi duke ndjekur me vëmendje çdo hap ligjor dhe në momentin më të duhur do të kemi kandidatin tonë. Nuk mund të themi pse është përpara PS se u kujtua Rama në asamble të paraqesë një kandidat.
    A është pjesë e diskutimeve tuaja ideja që është hedhur edhe nga forcat e tjera të opozitës, që kandidati mund të jetë edhe një përfaqësues që nuk vjen nga politika, por një njeri që të bashkojë gjithë frymën antiqeveri? E keni këtë ide në diskutim?
    Boçi: Të gjitha opsionet janë në tavolinë. Këto pika do të bashkohen me profilin që do të jetë përfaqësues. Së pari, të jetë një person që e do Tiranën. Së dyti, të jetë opozitar dhe së treti, të jetë një kandidat që të ketë fibrën e duhur politike, por sidomos edhe fibrën e duhur qytetare.
    /vizionplus.tv