Lajmidites.com

Tag: droga

  • Po trafikonte 105 kg kokainë, 6 vite burg për shqiptarin, droga e spërkatur me aromë mente

    Po trafikonte 105 kg kokainë, 6 vite burg për shqiptarin, droga e spërkatur me aromë mente

    droga e sekuestruar

    ITALI- Leart Taullaraj, 42 vjeç, është dënuar nga Gjykata e Latinës në Itali me 6 vite burg dhe 30 mijë euro gjobë. Ai u kap në mars të vitit të kaluar me 105 kilogramë kokainë të pastër, të fshehur në bagazhin e një “Fiat 500”. Droga ishte paketuar në 90 pako dhe zhytur në një substancë me aromë mentoli (mente) për të shmangur kontrollin, raporton media italiane.
    Hetuesit nga Skuadra Latine Flying e kishin kontrolluar makinën, e cila po ecte në mënyrë të dyshimtë. Shqiptari nuk kishte precedentë penalë dhe gjatë hetimit, shfaqi menjëherë një sjellje nervoze, një rrethanë që ngjalli dyshimet e hetuesve. Hetimet vijojnë për të zbuluar rrjetin kriminal që fshihet pas ngarkesës, i lidhur dyshohet me grupin e Patrizio Fornitit./ZËRI

  • 105 kg kokainë në Fiat 500 – shqiptari dënohet me 6 vite burg në Itali. EMRI

    105 kg kokainë në Fiat 500 – shqiptari dënohet me 6 vite burg në Itali. EMRI

    Gjykata e Latinës në Itali ka shpallur vendimin për Leart Taullaraj, 42 vjeç, i cili u arrestua në mars të vitit të kaluar me një sasi prej 105 kilogramësh kokainë të pastër, të fshehur në bagazhin e një automjeti tip “Fiat 500”.

    Droga, e ndarë në 90 blloqe të mbështjella me celofan dhe zhytur në një substancë vajore me aromë mentoli, kishte një vlerë të vlerësuar prej dhjetëra milionë euro në tregun e zi.

    Gjyqtari Giuseppe Cario i Gjykatës së Latinës vendosi dënimin me 6 vite burg dhe një gjobë prej 30,000 eurosh ndaj Taullarajt, në kuadër të një gjykimi të shkurtuar. Prokurorja Marina Marra kishte kërkuar të njëjtin dënim. I pandehuri u përfaqësua nga avokatët Oreste Palmieri dhe Andrea Barbesin.
    Taullaraj u ndalua më 5 mars pranë qendrës tregtare “Aprilia 2”, në një rrugë që dilte nga rruga shtetërore Pontina. Ai kishte mbërritur në Itali përmes aeroportit Ciampino dhe kishte marrë me qira automjetin ku u gjet droga. Sjellja e tij nervoze gjatë kontrollit nga Skuadra Latine Flying ngjalli dyshime, çka çoi në zbulimin e ngarkesës së jashtëzakonshme.
    Sipas autoriteteve italiane, ky është një nga sekuestrimet më të mëdha të drogës në provincën e Latinës vitet e fundit. Hetimet pritet të vazhdojnë për të zbuluar rrjetin kriminal pas Taullarajt, i cili dyshohet se ka lidhje me grupin e Patrizio Forniti, kreu i një bande lokale që ndodhet ende në arrati.

  • “Droga me vlerë 16 milionë euro – Shqiptari kapet me arsenal në mes të Romës”

    “Droga me vlerë 16 milionë euro – Shqiptari kapet me arsenal në mes të Romës”

    Një 23-vjeçar shqiptar është arrestuar në Romë nga karabinierët italianë, pasi u kap me një sasi të madhe kokaine, një armë të vjedhur dhe mijëra euro në para cash.
    Sipas autoriteteve italiane, i riu, i lindur në vitin 2002, u ndalua gjatë një patrullimi rutinë në rrugët e kryeqytetit, pasi sjellja e tij e dyshimtë tërhoqi vëmendjen e forcave të rendit.
    Gjatë kontrollit, atij iu gjetën rreth 30 mijë euro në para të gatshme, ndërsa më vonë u zbulua se ishte i papunë dhe nuk mund të justifikonte burimin e tyre.
    Kontrolli në banesë zbuloi një qendër logjistike të mirëorganizuar për ruajtjen e drogës, ku u gjetën tetë çanta të mbushura me kokainë të ndarë në 191 pako, me logo të ndryshme që tregonin klasifikimin dhe destinacionin e dërgesave. Sipas hetuesve, droga ishte destinuar për tregun e kryeqytetit italian dhe vlera e saj arrinte në 16 milionë euro.
    Përveç drogës, karabinierët sekuestruan edhe një pistoletë të vjedhur me municion, e cila dyshohet se do të përdorej për mbrojtjen e lëndës narkotike, si dhe një shumë tjetër prej 30 mijë eurosh në para cash.

  • Berisha: Çopja gati t’i falë Edi Ramës 5 miliardë euro, që të investojë 1 miliard

    Berisha: Çopja gati t’i falë Edi Ramës 5 miliardë euro, që të investojë 1 miliard

    Kryetari i PD Sali Berisha, ka bërë një deklaratë të fortë gjatë mbledhjes së Kryesisë, duke theksuar se “forca kryesore” e asaj që ai e quan “diktaturë autoritare” e Kryeministrit Edi Rama është droga. Ai u shpreh se paratë e paligjshme nga droga po përdoren për të kontrolluar politikën dhe shoqërinë në Shqipëri.
    Berisha përmendi konkretisht klanin “Çopja” ose “Troplini”, duke thënë se ky grup kriminal, i panjohur më parë, ka akumuluar rreth 6 miliardë euro. Sipas tij, ky klan është i gatshëm t’i dhurojë 5 miliardë euro Ramës, në këmbim të mundësisë për të investuar 1 miliardë.
    “Është droga, ajo që emëron ministra,” tha Berisha, duke shtuar se paratë e paligjshme janë duke vendosur emërimet në të gjitha nivelet, përfshirë drejtorët e policisë, prokurorët dhe deputetët. Si shembull, ai përmendi se 38,000 metra katrorë tokë publike në Durrës iu falën kartelit Troplini, duke i hapur rrugën për ndërtimin e kullave, të cilat ai i konsideron si “qindra milionë të drogës prapa tyre”.
    Berisha theksoi se opozita ia ka dalë të dokumentojë këtë situatë në disa rezoluta ndërkombëtare, përfshirë atë të Valencias, duke paralajmëruar për një “farsë elektorale” në Shqipëri. Ai e cilësoi këtë si një arritje të rëndësishme për çdo shqiptar, pasi “fuqia e drogës është misteri i kësaj diktature”.

  • “Është droga ajo që emëron ministrat dhe drejtorët”/ Berisha: Forca korruptive e saj është e tmerrshme!

    “Është droga ajo që emëron ministrat dhe drejtorët”/ Berisha: Forca korruptive e saj është e tmerrshme!

    Kreu i Partisë Demokratike, Sali Berisha, në mbledhjen Kryesisë ka deklaruar se është droga ajo që emëron ministrat, drejtorët e policisë dhe deputetët.
    “Është droga ajo që emëron ministrat, ajo që emëron drejtorët e policisë, prokurorin, deputetët, ajo që vendos në të gjithë nivelet”, tha Berisha, ndërsa theksoi se forca korruptive e saj është e tmerrshme.
    Berisha u shpreh se PD ia doli të paraqes te ndërkombëtarët situatën e korrupsionit në vend me anë të rezolutave.
    “Diktatura autoritare shqiptare, përveç kontrollit të vullnetit të qytetarëve shqiptarë në votim, kontrollit të hapësirës informative të qytetarëve, ka një forcë tjetër të padukshme, shkatërrimtare, të jashtëzakonshme. Dhe kjo forcë janë 6 miliardë euro në dorën e një Çopja, Çopja apo Troplini, Troplini. Miliardat e eurove në duart e kriminelëve anonimë apo të njohur, të gjitha kundër demokreacisë, ligjit, shtetit ligjor në Shqipëri.Të gjitha me një padrino, një kryetar, që është Edi Rama.
    Imagjinoni ju një njeri që quhet Franç Çopja, nuk ia kishim dëgjuar emrin kurrë, dhe ky del tani pa djersitur një ditë në punë, përveçse me kartelet, 6 miliardë euro.Ky miq, është gati të falë Edi Ramës 5 miliardë, mjafton të investojë 1 miliard.Kjo është! Në qoftë se, në diktaturën totalitare, ideologjia marksiste leniniste konsiderohej forca kryesore lëvizëse, në diktaturën autoritare të Edi Ramës, droga dhe vetëm droga është forca kryesore lëvizëse. Është droga, ajo që emëron ministra.
    Është droga, ajo që emëron drejtorët e policisë. Është droga, ajo që emëron prokurorin, deputetin, ajo që vendos në të gjitha nivelet. 38 mijë metër katrorë tokë publike iu falën kartelit Troplini me 5 kulla dhe 12 ndërtime në zonën Niko Dovanës në Durrës për punën që bëri. Kudo që dëgjoni kulla është droga.
    Janë qindra milionët e drogës prapa tyre. Por, këtë situatë ne ia dolëm ta paraqesim, ta stamposim në disa dokumente ndërkombëtare dhe kjo është një arritje jo për ne, por për çdo shqiptar. Sepse, nuk është e thjeshtë. Fuqia e drogës është misteri i kësaj diktature.Forca korruptive e saj është e tmerrshme. Por, ne u jemi shumë mirënjohës të gjithë atyre që votuan ato rezoluta të rëndësishme, në të cilat u paralajmërua farsa elektorale.Cilido që e lexon edhe rezolutën e Valencias, të gjithë rezolutat paralajmëruan se në Shqipëri do ketë një farsë elektorale”, tha Berisha.

  • “Droga si meritë biografike!”, denoncimi i Berishës: Rama emëron Ergys Hoxhën në krye të IKMT

    “Droga si meritë biografike!”, denoncimi i Berishës: Rama emëron Ergys Hoxhën në krye të IKMT

    Kredemokarti Sali Berisha ka bërë publik denoncimin e një qytetari i cili zbulon se Edi Rama ka emëruar në fshehtësi, në krye të IKMT-së, Ergys Hoxhën i cili njihet ndryshe si “Gysi i drogës”.
    “Kush është ky kriminel që sa herë që Rama do të shtypi popullin dhe t’ju rrënojë pasuritë, emërohet në detyrë nga Rama, në menyrë të paligjshme” – pyet qytetari i revoltuar.
    Berisha shprehet se droga tashmë shihet si meritë biografike për të ngjitur shkallët e karrierës në narkoshtetin e Edi Ramës.
    Postimi i plotë i Berishës:
    Droga si meritë biografike!
    Ergysi i drogës emërohet në krye të IKMT.
    Miq, shkallaren e turpit të narkoshtetit e ngjit vetëm me drogë!
    Dënoj me forcën më të madhe konsiderimin e drogës si meritë biografike nga Ramaduro i Tiranës.
    Lexoni denoncimin e qytetarit dixhital:
    “Doktor mirdita familjarisht
    Gojet e liga thone,se Ergusin e paska emeru Ramesi ne fshehtesi e pa zhurme,ne krye te IMT-se
    Ergys Hoxha dora krimininale,i cili po ushtron presion ne hije e fshetesi,duke ba reprezale ne hapsirat publike…
    Duke nxjerre mijra bare e lokale ne meshir te zotit,dhe qytetaret gati te marrin rrugat e botes.
    Kush ashte ky kriminel,qe sa here qe Rama don te shtypi popullin dhe t’ju rrenoje pasurite,emerohet ne detyre nga Rama,ne mnyre te pa ligjshme..
    Aq ma teper i thirrur nga SPAK?
    Ky emerim vjen; Mbasi Rama e shkarkoj ‘Gysin e drogës’ si nëndrejtor i Doganave,per ti hapur rrugë shkarkimit të nëndrejtorit të Përgjithshëm të Drejtorisë së Doganave, Ergys Hoxha, i etiketuar në media dhe i vetëprezantuar si ‘Gysi i drogës’. Nuk dihen arsyet e largimit të personazhit kontrovers Ergys Hoxha, por nuk përjashtohet ndonjë hetim nga SPAK ose informacion mga partnerët ndërkombëtar për veprimtarinë e tij.
    Ergys Hoxha po hetohej nga Prokuroria e Durrësit për një skemë korrupsioni me zhdoganimin e makinave, bashkë me kunatin e tij doganier Endrit Pëllumbi si dhe Drejtorin e Hetimit Doganor, Artur Sejati, një ‘ujk i vjetër’ i trarëve të doganave, i arrestuar në Greqi për kontrabandë.
    Kte Ergysin me kapele me yllin e kuq partizan,Edi Rama pa ba zhurme as buje,direkt te komanduar e paska emeruar drejtor te IMT -se .
    Nga kreu i antidroges ku levizte droga vuu.Te Dogana eTR ne pozionin e nendrejtorit.Dhe tashi Ramsi ne heshtje e emeron Krye Inspektor per Mbrojtjen e Territorit.
    Kte Ergysin me kapele me yllin e kuq partizan,Edi Rama pa ba zhurme as buje,direkt te komanduar e paska emeruar drejtor te IMT -se .
    Nga kreu i antidroges ku levizte droga vuu.Te Dogana eTR ne pozionin e nendrejtorit.Dhe tashi Ramsi ne heshtje e emeron Krye Inspektor per Mbrojtjen e Territorit.”
     

  • Captagoni, droga që përdornin luftëtarët sirianë… si dhe presidenti al-Shaara!

    Captagoni, droga që përdornin luftëtarët sirianë… si dhe presidenti al-Shaara!

    Analizë e Financial Times
    Pas rrëzimit të regjimit të Bashar al-Assad, Siria po përballet me një betejë të re: zhdukjen e tregtisë së Captagonit (amfetaminë sintetike), drogës stimulante që u bë simbol i fuqisë dhe financave të regjimit.
    Nën regjimin e Assad, prodhimi i Captagonit kishte kthyer vendin në një nga narco-shtetet më të mëdha të botës, duke financuar luftën civile me miliarda dollarë dhe duke përfshirë ushtrinë dhe milicitë pro-regjimit.
    Ahmed, ish-ushtar sirian, tregon sesi përdorte kapsulat për të mbijetuar gjatë rënies së qytetit Damask, duke thënë se droga i siguronte energji për të përballuar rebelët. Tani, ndërsa Captagoni mungon, crystal meth është alternativa për të vazhduar jetën sociale dhe natën në Damask.
    Edhe pse Ahmed ende merr herë pas here një pilulë në klubet e natës të Damaskut, Siria prej dhjetorit ka parë një kthesë të papritur, një luftë totale kundër drogës.
    “Siria u bë një fabrikë kryesore për Captagonin,” deklaroi al-Sharaa në Xhaminë Umayyad të Damaskut menjëherë pas marrjes së pushtetit. “Dhe sot Siria po pastrohet prej tij, me mirësinë e Zotit të Madh.”
    Rezultatet kanë qenë të shpejta. Prodhimi dhe trafiku kanë rënë deri në 80% sipas tregtarëve të drogës, autoriteteve ligjzbatuese, zyrtarëve rajonalë dhe studiuesve, ndërsa autoritetet kanë shkatërruar laboratorë e kësaj droge në bastionet e regjimit të mëparshëm dhe kanë asgjësuar miliona pilula.
    Kërkesa për Captagon nuk ka rënë: pilula e lirë shitet për 30 cent në Damask, ndërsa versionet më të cilësisë së lartë arrijnë deri 30 herë më shumë në Jordani, Arabinë Saudite dhe Emiratet e Bashkuara Arabe.
    Forcat kundër narkotikëve përballen me korrupsionin në radhët e veta dhe me kontrabandistë të aftë, duke përdorur dronë, raketa dhe balona të kontrolluara nga distanca për të transportuar pilulat drejt kufirit me Jordaninë.
    Ndërkohë, qytetarët dhe ish-ushtarët si Ahmed përballen me mungesën e shërbimeve të trajtimit të varësisë: Siria ka vetëm katër qendra për trajtim, ku shumica ofrojnë vetëm një periudhë dyjavore të tërheqjes nga droga. Çmimet e larta të Captagonit kanë shtyrë shumë përdorues drejt drogave më të rrezikshme, duke përkeqësuar krizën shëndetësore.
    Ahmed përfundon: “Mes gjithë asaj që kemi kaluar, qeveria nuk mund të na ndalojë plotësisht. Droga do të gjejë gjithmonë rrugë të mbijetojë.”

  • Berisha: Droga dikton nomenklaturën e narkoshtetit, Narkosi Petrit Çullhaj është emëruar në sektorin shkencor të Ministrisë së Brendshme

    Berisha: Droga dikton nomenklaturën e narkoshtetit, Narkosi Petrit Çullhaj është emëruar në sektorin shkencor të Ministrisë së Brendshme

    Gjatë konferencës për mediat, kryetari i Partisë Demokratike, Sali Berisha, ka hedhur akuza të tjetra ndaj qeverisë së Edi Ramës, që sipas tij është një ‘narko-diktaturë’ e lidhur ngushtë me botën e krimit, brenda dhe jashtë vendit.
    Gjatë komunikimit me gazetarët, kryedemokrati Berisha u ndal veçanërisht në atë që e cilësoi si kapje e strukturave shtetërore nga individë të inkriminuar. Ai akuzoi qeverinë se e ka dorëzuar Ministrinë e Brendshme në duart e personave me precedent penal, duke përmendur edhe emra konkretë.
    ‘Perlat Çulhaj, një trafikant i shkarkuar nga Policia e Shtetit në vitin 2010 për bashkëpunim me grupet kriminale, manipulim provash dhe përfshirje në aktivitete të paligjshme, është sot pjesë e strukturave drejtuese të ministrisë, duke u emëruar si drejtor i sektorit të analizës shkencore të ministrisë së Brendshme. Ai ka qenë bashkëpunëtor i ngushtë i Saimir Tahirit dhe një nga arkitektët kryesorë të kanabizimit të Shqipërisë,’ -theksoi kreu i PD-së Sali Berisha.
    Sipas liderit të demokratëve, këto emërime janë prova e qartë se ‘droga dikton nomenklaturën e narkoshtetit’, duke sjellë si pasojë rënien e rendit dhe ligjit dhe përhapjen e kriminalitetit në të gjitha nivelet e administratës publike.

  • Droga nga Amerika Latine në vendet e BE dhe Britani e fshehur në palete druri ose mes kafes, emrat e të arrestuave

    SPAK, në bashkëpunim me EUROPOL, EUROJUST, agjencitë ligjzbatuese të Amerikës Latine dhe vendeve të Bashkimit Evropian, ka shkatërruar një rrjet të sofistikuar kriminal që merrej me trafikimin ndërkombëtar të kokainës.

    Organizata, e drejtuar nga shtetas shqiptarë, ka trafikuar sasi të mëdha droge nga Amerika Latine drejt tregjeve evropiane dhe Britanisë së Madhe. Sipas SPAK, grupi përbëhej nga 16 persona, të cilët janë identifikuar dhe janë tashmë nën hetim.

    Janë sekuestruar mbi 6 ton kokainë, me vlerë rreth 411 milionë euro. Në Shqipëri, me kërkesë të SPAK, janë lëshuar 7 urdhra-arresti. Deri tani janë ekzekutuar 6 prej tyre, ndërsa një tjetër dyshohet se ndodhet në Dubai.Mbrëmjen e së premtes (25 korrik 2025), policia arrestoi në Palas dhe Elbasan shtetasit Artur dhe Klevis Hoxhosman, si dhe Ilir Lloshin.

    Pjese e këtij grupi janë dhe emra të njohur të botës së krimit, si Plarent Dervishi dhe Erion Alibej, të cilët u përballën me akuza të reja në ambientet e paraburgimit ku po vuajnë dënime për vepra të tjera të rënda penale.

    Goditja e grupit u bë e mundur falë dekriptimit të qindra komunikimeve të koduara në aplikacionin Sky ECC, si dhe dëshmisë së të penduarit Alibej.Organizata kriminale operonte përmes tre hallkave: financuesit, logjistika dhe shpërndarësit e drogës.

    Lënda narkotike vinte kryesisht nga Santa Marta në Kolumbi dhe nga Ekuadori, dhe transportohej me kontejnerë detarë drejt porteve në Belgjikë, Holandë, Itali e Spanjë, ose në rrugë tokësore përmes Francës dhe kanalit anglez drejt Britanisë së Madhe.

    Për të shmangur kontrollin doganor, droga fshihej me metoda të sofistikuara si brenda paletave me dru, kutive me banane apo thasëve me kokrra kakaoje, duke u kamufluar si mallra tregtarë të rregullt.

  • Peshkopi/ Shiste droga të forta në disa lagje të qytetit, arrestohet 21 vjeçari

    Peshkopi/ Shiste droga të forta në disa lagje të qytetit, arrestohet 21 vjeçari

    Shpërndante droga të forta në disa lagje të qytetit të Peshkopisë, bie në pranga 21 vjeçari. Specialistët për Hetimin e Narkotikëve të DVP Dibër kapën dhe vunë në pranga shtetasin O. F. banues në fshatin Pollozhan.
    Në momentin e kapjes, iu gjet e fshehur në trup një sasi lënde e dyshuar narkotike kokainë, e ndarë në doza të gatshme për shitje, të cilat u sekuestruan në cilësinë e provës materiale.
    Vijon puna në bashkëpunim me Prokurorinë, për dokumentimin e plotë ligjor të veprimtarisë kriminale të kryer nga 21 vjeçari.
    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.