Lajmidites.com

Tag: dreamliner

  • Katër ditë pas aksidentit fatal me 270 viktima, shmanget tragjedia! Avioni i “Air India” bën ulje emergjente një orë pas nisjes

    Katër ditë pas aksidentit fatal me 270 viktima, shmanget tragjedia! Avioni i “Air India” bën ulje emergjente një orë pas nisjes

    Një avion Boeing 787-8 Dreamliner i Air India me destinacion New Delhi u kthye në pikën e nisjes, Hong Kong, të hënën, 16 qershor, pas dyshimeve të njërit prej kapitenëve për një problem teknik gjatë fluturimit.

    Incidenti vjen disa ditë pasi një aeroplan i ngjashëm Boeing, që operonte një fluturim të Air India për në Londër, u rrëzua më 12 qershor, në qytetin perëndimor indian të Ahmedabadit menjëherë pas ngritjes, duke vrarë 241 nga 242 personat në bord.
    Numri i viktimave ka shkuar në 270, pasi avioni u rrëzua mbi një zonë të banuar.

    Aeroplani Dreamliner, i cili u kthye sot në Hong Kong, tani po i nënshtrohet kontrolleve,.
    “Fluturimi AI315 u devijua për në Aeroportin Ndërkombëtar të Hong Kongut, ai u ul në mënyrë të sigurt rreth orës 13:15”, tha një zëdhënës i Autoritetit të Aviacionit Civil të Hong Kongut. Shërbimet e aeroportit nuk janë prekur, tha zëdhënësi.
    Fluturimi AI315 u nis nga Hong Kongu në orën 12:20 të pasdites sipas orës lokale dhe u ul rreth një orë më vonë.
    Ai kishte arritur një lartësi prej 22,000 metrash përpara se të fillonte zbritjen e tij, sipas faqes së internetit të ndjekjes së fluturimeve AirNav Radar.
    Boeing dhe Air India nuk iu përgjigjën menjëherë një kërkese për koment në lidhje me fluturimin Hong Kong-Nju Delhi./vizionplus.tv

  • Doktoresha dha dorëheqjen nga puna në Indi për të nisur një jetë të re në Londër, historitë zemërthyese që vijnë nga tragjedia ajrore! Ëndrrat e familjes të “prera” në mes

    Doktoresha dha dorëheqjen nga puna në Indi për të nisur një jetë të re në Londër, historitë zemërthyese që vijnë nga tragjedia ajrore! Ëndrrat e familjes të “prera” në mes

    Historitë njerëzore që kanë dalë në dritë pas rrëzimit të avionit të Air India, i cili vrau të paktën 265 persona, janë prekëse.

    Një histori e tillë është ajo e Dr. Prateek Joshi, i cili po shkonte në Londër për një “fillim të ri”.
    Prindërit dhe tre fëmijët e tyre, në fakt, kishin bërë një selfie pak para se avioni të ngrihej, të pavetëdijshëm për atë që do të ndodhte në minutat në vijim.

    Fotografia tregon Dr. Joshi-n, gruan e tij, gjithashtu mjeke, dy djemtë e tyre binjakë, 5-vjeçarët Nakul dhe Pradyut, dhe vajzën e tyre më të madhe, 8-vjeçaren Miraya, duke buzëqeshur para kamerës.
    Gruaja e Dr. Joshit, Komi Vas, e cila punonte në Udaipur, kishte lënë punën për t’u transferuar në Londër me bashkëshortin dhe fëmijët e tyre.“Ata duhej të largoheshin nga Ahmedabad dje me një fluturim për në Londër. Prateek kishte ardhur nga Anglia dy ditë më parë për t’u kthyer me gruan dhe dy fëmijët e tij”, tha një i afërm i Dr. Joshit.

    Çifti ishte martuar prej 10 vjetësh dhe kishte tre fëmijë që atëherë.
    “Çelësi” i kutive të zeza
    Çfarë ndodhi saktësisht në fluturimin AI171 i nisur nga Ahmedabad për në Londër të enjten pasdite do të zbulohet vetëm pas një hetimi të detajuar, me hetuesit që presin që misteri të zgjidhet nga “kutitë e zeza”, ose regjistruesit e të dhënave të fluturimit.
    Hetuesit indianë, duke punuar me ekspertë nga SHBA-ja dhe Mbretëria e Bashkuar, do të përpiqen të përcaktojnë se çfarë e shkaktoi rrëzimin e Boeing 787-8 Dreamliner  menjëherë pas ngritjes, vetëm 1.5 km nga pista në Aeroportin Ndërkombëtar Sardar Vallabhbhai Patel.
    Fluturimi i Air India mbante 242 persona (230 pasagjerë dhe 12 anëtarë të ekuipazhit) kur u nis nga Aeroporti Ndërkombëtar i Ahmedabad për në Aeroportin Gatwick të Londrës. Vetëm një pasagjer mbijetoi, i cili doli nga rrënojat. Vishwas Kumar Ramesh, 39 vjeç,  ishte ulur pranë njërës prej daljeve të emergjencës.
    Pasagjerët ishin 169 shtetas indianë, 53 shtetas britanikë, 7 shtetas portugezë dhe 1 shtetas kanadez.
    Zëdhënësi i policisë lokale, Kanan Desai, u tha gazetarëve se “265 trupa janë dërguar në spital”, që do të thotë se 24 persona u vranë në tokë kur aeroplani u rrëzua në një strukturë mjekësore. Operacioni i shpëtimit përfundoi herët të premten pa u raportuar vdekje të tjera.
    Boeing 787-8 Dreamliner u nis nga Ahmedabad në orën 13:38 sipas orës lokale, me destinacion Londrën. Të dhënat e gjurmimit të fluturimit përfundojnë me aeroplanin në një lartësi prej rreth 190 metrash.
    Para rrëzimit të aeroplanit, pilotët lëshuan një thirrje për ndihmë Mayday në kullën e kontrollit, sipas Drejtorisë së Përgjithshme të Aviacionit Civil të Indisë.
    787-8 Dreamliner po drejtohej nga Kapiteni Sumit Sabhawal dhe bashkëpiloti Clive Kundar. Dyshja ishin shumë të përvojë, me më shumë se 9,000 orë fluturim të kombinuar. Sabhawal kishte më shumë se 22 vjet përvojë si pilot i një linje ajrore komerciale.
    Kapiteni i fluturimit fatal të Air India paralajmëroi se aeroplani i tij po “humbte fuqi ” sekonda para se të përplasej me një ndërtesë në Ahmedabad.
    “Mayday! Pa shtytje, po humbasim fuqi, nuk mund të fitojmë lartësi”, paralajmëroi Kapiteni Sumit Sabharëal ndërsa aeroplani i tij filloi të humbiste lartësi.
    Megjithatë, pas këtij mesazhi, kulla e kontrollit nuk mori asnjë lajm apo komunikim të mëtejshëm.
    Nuk është e qartë se çfarë e shkaktoi sinjalin e fatkeqësisë, por i mbijetuari i vetëm i fluturimit u tha mediave indiane se dëgjoi një zhurmë të fortë ndërsa aeroplani luftonte për të fituar lartësi.
    Ministri i Brendshëm i Indisë, Amit Shah, tha se aeroplani mbante 100 ton karburant, praktikisht një ngarkesë të plotë, ndërsa u ngrit nga Ahmedabad.
    Videot treguan aeroplanin duke fluturuar ulët mbi një zonë banimi.
    Skenarët
    Ndërsa kërkimi për kutitë e zeza vazhdon, ekspertët tashmë po regjistrojnë skenarë për shkaqet e tragjedisë,  me dy mbizotërues:
    1. Se u shkaktua nga një gabim në rregullimin e krahëve dhe2. Se një tufë zogjsh hynë në motorë. Sigurisht, gjithmonë ekziston mundësia e gabimit njerëzor.
    Rrëzimi i parë i Boeing 787 Dreamliner
    Ky është rrëzimi i parë i Boeing 787 Dreamliner, sipas bazës së të dhënave të Rrjetit të Sigurisë së Aviacionit.
    Modeli, një avion me dy motorë dhe trup të gjerë, ka bërë pesë milionë udhëtime në 14 vite që nga fluturimi i tij i parë për pasagjerë.
    Eksperti i aviacionit Julian Bray i tha Sky News se ai e kuptoi që piloti arriti të bënte një sinjal rreziku, që do të thotë se ekuipazhi ishte në dijeni të një problemi para rrëzimi.
    Air India u ble nga Grupi Tata nga qeveria indiane në janar 2022, pasi akumuloi miliarda paund humbje.
    Grupi tani operon më shumë se 8,300 fluturime javore në 312 itinerare, duke lidhur më shumë se 100 destinacione vendase dhe ndërkombëtare me një flotë prej 300 avionësh.

  • Çfarë dihet deri më tani mbi tragjedinë ajrore në Indi, reagon “Boeing”

    Çfarë dihet deri më tani mbi tragjedinë ajrore në Indi, reagon “Boeing”

    Një ngjarje e rëndë ajrore ka tronditur sot Indinë, pasi një avion pasagjerësh i tipit Boeing 787-8 Dreamliner, me 242 persona në bord, ra nga lartësia  vetëm pak sekonda pas ngritjes.
    Sipas të dhënave paraprake, në bord ndodheshin 2 pilotë dhe 10 anëtarë të ekuipazhit, ndërsa 230 ishin pasagjerë, përfshirë 169 shtetas indianë, 53 britanikë, 1 kanadez dhe 7 portugezë.
    Avioni ka lëshuar një sinjal emergjence menjëherë pas ngritjes, por më pas ka humbur çdo kontakt me qendrën e kontrollit.
    Sipas Flight Radar, sinjali është ndërprerë kur mjeti fluturues ndodhej në një lartësi prej rreth 190 metra.
    Raportohet se avioni është rrëzuar në një zonë të banuar pranë aeroportit, mbi një konvikt mjekësh, dhe ka shpërthyer në flakë.
    Kompania Boeing ka reaguar zyrtarisht pas lajmit për rrëzimin e avionit të saj. Në një deklaratë të shkurtër për mediat, kompania amerikane thekson: “Jemi në dijeni të raportimeve fillestare dhe jemi duke punuar për të mbledhur më shumë informacion.”
    Boeing nuk ka dhënë detaje të mëtejshme për shkaqet e mundshme të aksidentit apo për gjendjen e avionit para fluturimit. As autoritetet lokale ende nuk kanë dhënë një bilanc zyrtar mbi viktimat apo të mbijetuarit.
    Hera e parë që një Boeing 787 rrëzohet në këtë mënyrë
    Sipas BBC, ky aksident i Air India është hera e parë që një aeroplan Boeing 787 rrëzohet në këtë mënyrë.
    Modeli u lançua 14 vjet më parë dhe vetëm gjashtë javë më parë, prodhuesi i aeroplanëve vlerësoi faktin se modeli, i njohur edhe si Dreamliner, ka arritur momentin e transportit të 1 miliard pasagjerëve.
    Për të shënuar këtë rast, kompania tha se flota globale e avionëve 787 me më shumë se 1,175 aeroplanë ka kryer gati 5 milionë fluturime duke mbuluar më shumë se 30 milionë orë fluturimi.
    Aksidenti është një goditje e madhe për kompaninë, e cila ka pasur vështirësi në kapërcimin e një sërë problemesh, përfshirë aksidente fatale, me programet e saj të 737.
    Do të jetë një tjetër provë për CEO-n Kelly Ortberg, i cili është gati të shënojë përvjetorin e tij të parë në këtë detyrë.
    Ai u soll për të ndihmuar prodhuesin amerikan të aeroplanëve të zgjidhte një sërë problemesh që po ngrinin pikëpyetje rreth të ardhmes së tij.

  • LAJMI I FUNDIT/ Rrëzohet një avion që udhëtonte drejt Londrës, dyshohet se ndodhen 242 pasagjerë në bord

    LAJMI I FUNDIT/ Rrëzohet një avion që udhëtonte drejt Londrës, dyshohet se ndodhen 242 pasagjerë në bord

    Një aeroplan Boeing Dreamliner 787-8 është rrëzuar pranë aeroportit në Ahmedabad, në Indinë perëndimore.
    Ka raportime se avioni po shkonte drejt Mbretërisë së Bashkuar, por sipas BBC kjo nuk është konfirmuar.
    Sipas agjencisë Reuters, e cila citon policinë, në bordin e avionit ndodheshin 242 pasagjerë.
    Imazhet nga vendi i ngjarjes treguan tym të zi të dendur që ngrihej në qiell.
    Nuk ishte menjëherë e qartë se sa njerëz ishin në bord ose numri i viktimave.
    Air India tha se një nga fluturimet e saj me destinacion Londrën ishte përfshirë në një “incident”.
    “Fluturimi AI171, që operonte Ahmedabad-Londër Gatwick, u përfshi në një incident sot, më 12 qershor 2025”, thuhet në një deklaratë, duke shtuar se linja ajrore po mbledh më shumë informacion dhe do të japë përditësime të mëtejshme.

    An aeroplane has crashed in India’s northwestern city of Ahmedabad
    The flight, a Boeing 787-8 Dreamliner, was carrying 242 people, including 230 passengers and 12 crew members, local media reported. It was flying to London’s Gatwick airport pic.twitter.com/X2fZlT0ebi
    — The Telegraph (@Telegraph) June 12, 2025

     

  • Boeing Dreamliner, avioni civil i sofistikuar që u rrëzua në Indi, xhevahiri i prodhuesve amerikanë

    Boeing Dreamliner, avioni civil i sofistikuar që u rrëzua në Indi, xhevahiri i prodhuesve amerikanë

    Një tragjedi e madhe aviacioni goditi Ahmedabadin të enjten kur një Boeing 787-8 Dreamliner i Air India, që operonte si fluturimi AI171 për në Aeroportin Gatwick të Londrës, u rrëzua pranë Aeroportit Ndërkombëtar Sardar Vallabhbhai Patel menjëherë pas ngritjes.
    Avioni mbante 230 pasagjerë dhe 12 anëtarë të ekuipazhit, për një total prej 242 personash në bord.
    Pamjet dramatike nga vendi i ngjarjes treguan rrënojat e avionit të përfshirë nga flakët dhe tym të zi të dendur që ngrihej pranë pistës, ndërsa ekipet e emergjencës nxituan në vendngjarje për të kryer operacione shpëtimi.
    Boeing 787-8 Dreamliner është një avion i teknologjisë së fundit, me trup të gjerë dhe për distanca të gjata, i projektuar për efikasitet, rehati dhe performancë mjedisore. I prezantuar në vitin 2011, 787-8 është modeli i parë në serinë Dreamliner të Boeing dhe përdoret gjerësisht nga linjat ajrore në nivel global për fluturime ndërkontinentale.
    Kapaciteti: Zakonisht ka kapacitet midis 242 dhe 290 pasagjerëve, varësisht nga konfigurimi i linjës ajrore, duke e bërë të përshtatshëm si për itinerare me trafik të lartë ashtu edhe për itinerare në distanca të gjata.
    Diapazoni: Mund të fluturojë deri në 13,530 kilometra pa ndalesa, duke lejuar lidhje të drejtpërdrejta midis qyteteve të largëta.
    Ndërtimi: Ndërtuar me materiale të përparuara kompozite, të cilat përbëjnë rreth 50% të strukturës primare, duke rezultuar në një avion më të lehtë dhe më efikas në karburant.
    Teknologjia: E pajisur me avionikën më të fundit, kontrollet fluturuese me tela dhe sisteme të përparuara sigurie.
    Boeing 787-8 Dreamliner është i pajisur me sisteme të përparuara navigimi dhe sigurie që rrisin ndërgjegjësimin për situatën dhe efikasitetin operacional. Sistemi Sintetik i Shikimit (SVS) ofron një pamje 3D të terrenit dhe pengesave të mundshme, duke përmirësuar vendimmarrjen e pilotëve, veçanërisht në kushte me dukshmëri të ulët.
    Avioni është i pajisur me Sistemin e Integruar Modular të Avionikës (IMA), një sistem i centralizuar që përmirëson mirëmbajtjen dhe optimizon performancën duke integruar funksione të shumëfishta të avionikës në më pak komponentë.
    Aksidenti ndodhi menjëherë pas ngritjes, ndërsa shkaku është ende nën hetim nga Air India dhe Drejtoria e Përgjithshme e Aviacionit Civil (DGCA).
    Ekipet e shpëtimit dhe zjarrfikësve reaguan shpejt dhe qeveria qendrore ka premtuar mbështetje të plotë për operacionet në vazhdim. Deri më tani, numri i viktimave dhe shkaku i saktë i aksidentit mbeten të pakonfirmuara.
    Kryeministri Narendra Modi foli me Ministrin e Aviacionit Civil, Rammohan Naidu, dhe bëri një vlerësim të incidentit të rrëzimit të avionit të Air India në Ahmedabad.
    Boeing 787-8 Dreamliner, i njohur për besueshmërinë dhe karakteristikat e përparuara të sigurisë, ka një rekord të fortë operativ, duke e bërë rrëzimin e së enjtes një ngjarje të rrallë dhe thellësisht shqetësuese për sektorin e aviacionit të Indisë.