E ftuar sonte në Syri TV, avokatja dhe kryetarja e Komisionit të Apelimit në PD, Adriana Kalaja, u shpreh se Partia Demokratike në 2022, kur gjërat ishin bërë fakt i kryer, mori informacion mbi një memorandum që lidhet me sistemin gjyqësor, por nuk kishte prova të mjaftueshme për të denoncuar abuzimet.
Ajo e konsideroi absurde punësimin e specialistëve të jashtëm dhe personave të pakualifikuar brenda Gjykatës së Lartë, institucioni më i rëndësishëm në vend.
Avokatja publikoi dokumente që tregojnë shkelje ligjore dhe mungesë transparence nga KLGJ-ja, duke përfshirë mosdhënien e informacionit mbi menaxhimin e dosjeve stok dhe rekrutimin e stafit të përfshirë. Kalaja denoncoi gjithashtu ndikimin e paligjshëm të Fondacionit Lindje-Perëndim dhe ndërhyrjet e kryetarit të Gjykatës së Lartë, Sokol Sadushi.
Një pjesë e fondeve është kanalizuar përmes projektit “Justice for All”, ku KLGJ ka firmosur memorandum bashkëpunimi me USAID. Në këtë kuadër, PD ka dorëzuar një kërkesë zyrtare me 70 pyetje për KLGJ-në, për të zbuluar detaje të rëndësishme mbi memorandumet dhe përdorimin e fondeve, si:
• Mekanizmat dhe procedurat e reduktimit të stokut të dosjeve dhe menaxhimit të kalimit të dosjeve.
• Rolin dhe produktet e realizuara nga instituti EËMI dhe numrin e stafit të angazhuar, si dhe qasjen e tyre në dosjet gjyqësore.
• Rekrutimin e stafit, statusin ligjor dhe aksesin e tyre në dosjet e Gjykatës së Lartë.
• Procedurat për krijimin e metodave të raportimit, monitorimit dhe vlerësimit të eficencës së gjykatës, si dhe parandalimin e krijimit të stokut.
• Vendimet e KLGJ-së në lidhje me detyrimet nga ky memorandum dhe përgjegjësitë e përbashkëta të anëtarëve të Gjykatës së Lartë.
• Buxhetin e planifikuar dhe shpenzimet e realizuara për projektin.
• Statusin aktual të memorandumit dhe burimin e financimit pas ndërprerjes së fondeve nga USAID.
• Numrin e dosjeve të prapambetura para dhe pas zbatimit të memorandumit.
Kalaja theksoi se qëllimi i PD-së është të zbardhë mënyrën se si janë përdorur fondet dhe të rivendosë transparencën dhe llogaridhënien në sistemin gjyqësor. Ajo akuzoi gjithashtu që disa mekanizma janë krijuar për të kontrolluar vendimet e gjyqtarëve, duke rrezikuar pavarësinë e gjyqësorit.
Në fund, Kalaja theksoi se PD do të monitorojë çdo shkelje, duke kërkuar zbardhjen e kësaj afere dhe mbrojtjen e pluralizmit dhe shtetit ligjor.
Kalaja:
Partia Demokratike në fakt që në 2022, kur gjërat ishin bërë fakt i kryer, mori informacion në lidhje me këtë memorandum, por së pari ne nuk kishim provat e nevojshme dhe së dyti na dukej absurde sesi, unë si specialist i jashtëm, njerëz të pakualifikuar të punonin brenda Gjykatës së Lartë, gjykatës më të rëndësishme në vend, në fakt që jep edhe gjithë definicionin e procedurës dhe etapave gjyqësore në shqipëri që të merrnin vendime lidhur me këto dosje.
Në këtë kuadër ne e kemi bërë këtë denoncim në mënyrë vijues, më shumë jemi marrë duke denoncuar, bazuar në prova gjithmonë, të përfitimeve marramendëse që kishte marrë fondacioni ose instituti Lindje-Perëndim që drejtohej nga Delinda Ficos.
Nga ana tjetër kemi parë përveçse një mpiksje nga ana e organeve të drejtësisë, pra për të mos bërë publike asgjë, se për shembull ky draft duhet të jetë publik në sistemin online të KLGJ për sa kohë që ata pretendojnë se kjo është në respektin e ligjit e Kushtetutës.
E dyta kemi parë një publikim ose një sponsorizim të mediave pa pushtet për të mirat që do sillte ky memorandum dhe tashmë qoftë edhe e zëra brenda apo jashtë ambasadës amerikane, brenda apo jashtë SHBA, gjatë kohës së presidentit Biden, duke ditur edhe ndikimin e madh që kishte George Soros në këtë administratë dhe u lobua, dhe ne kemi denoncuar me fakte dhe prova të gjithë pagesat që janë përfituar nga ky institut.
Kush do ta ekzekutonte këtë nismë, sepse ti nuk mund të shkelësh Kushtetutën duke përfshirë në këtë projekt njerëz që jo vetëm nuk e kanë kapacitetin e nevojshëm juridik për t’u marrë me këto çështje, por nga ana tjetër janë në konflikt të pastër interesi.
Është një fondacion që është dukshëm në krah të pushtetit, është një fondacion i cili dukshëm sponsorizohet nga Fondacioni Soros, të cilit këtë kishin qëllim kryesor, kapjen e drejtësisë, dhe mbi të gjitha nëse ne do t’i kishim një projekt të qartë me këtë fokus, uljen e numrit të dosjeve, do ishim edhe të dhëna konkrete se fare është bërë, por mbi të gjitha do të kishim edhe njerëz të specializuar të cilët do të merreshim me uljen e numrit të dosjeve stok.
Ne kemi ngritur këto pyetje që mendoj se janë shumë me interes për publikun: kush janë tsgri i këtyre personave, nëse ti më thuaj mua që këto persona nuk kanë pasur punë e dosjet, pse u paguan dhjetë milionë?
