Lajmidites.com

Tag: dosja

  • Dosja 5D/ Qato e Molla, pronar de facto i kompanisë, fitoi tender nga Bashkia e Tiranës

    Dosja 5D/ Qato e Molla, pronar de facto i kompanisë, fitoi tender nga Bashkia e Tiranës

    Dosja penale e njohur si “5D” do të gjykohet me procedurë të zakonshme dhe i gjithë grupi i të pandehurve do të përballet së bashku me drejtësinë. Trupa gjykuese e çështjes ka rrëzuar kërkesat e disa prej të pandehurve për ndarje të procedimit, duke vendosur që çështja të vijojë në një proces të unifikuar për të gjithë të akuzuarit.

    Për shtatë të pandehur tre ish-drejtorët e Bashkisë Tiranë, Redi Molla, Taulant Tusha dhe Mariglen Qato, si dhe Enton Punavija, Julian Zanaj, Albano Janku dhe Nestor Muhametllari gjykimi në themel do të nisë në ditët në vijim.

    Më herët, gjykata kishte rrëzuar edhe kërkesën e të pandehurve për të përfituar nga gjykimi me procedurë të shkurtuar.

    Të arrestuar në mars të vitit 2024 me urdhër të Prokurorisë së Posaçme Antikorrupsion (SPAK), ish-zyrtarët e lartë të Bashkisë Tiranë u lanë në masën e sigurisë “arrest në burg”, ndërsa pesë persona të tjerë u lanë në masën “detyrim paraqitjeje”. Këta janë: Enton Punavija, Julian Zanaj, Albano Janku, Nestor Muhametllari, Deborah Keçi dhe Englatina Zere.

    Ndërkohë, Keçi dhe Zere, së bashku me disa anëtarë të Komisionit të Vlerësimit të Ofertave (KVO), janë veçuar nga dosja kryesore dhe do të gjykohen veçmas.

    Sipas hetimeve të SPAK, Mariglen Qato dhe Redi Molla janë pronarë de facto të kompanisë “5D”, e cila dyshohet se ka përfituar në mënyrë të paligjshme një sërë tenderësh pranë Bashkisë Tiranë. Organi i akuzës ka identifikuar gjithsej 11 procedura tenderimi të fituara nga kjo kompani gjatë periudhës 2016–2022.

    Kompania “5D” rezulton se është e regjistruar dhe operon edhe me emrat “Igor Electric” dhe “Vas Construction”.

  • Dosja “Toyota Yaris”, GJKKO dënon me burg avokatin Radovan Çela

    Dosja “Toyota Yaris”, GJKKO dënon me burg avokatin Radovan Çela

    GJKKO ka dënuar me 4 vite qëndrim pas hekurave avokatin Radovan Çela, lidhur me dosjen Toyota Yaris. Radovan Çela përfiton nga gjykimi i shkurtuar dhe dënimi i ulet përfundimisht në 2.8 vite burg.
    I pandehuri ka qenë përfaqësues ligjor i Alfred dhe Elvis Vladi, të arrestuar në vitin 2018 pas sekuestrimit të 3.4 milionë eurove në portin e Durrësit, si pjesë e të ashtuquajturës dosja ‘Toyota Yaris’.
    Radovan Çela është përfshirë  në dosjen e ish-Kryeprokurorit të Vlorës, Aurel Zarka, i cili po ashtu u dënua më 20 Maj nga Gjykata e Posaçme me 4 vite burg, por nga gjykimi i shkurtuar i ulet në 2.8 vite qëndrim pas hekurave.
    Në dosje janë përfshirë gjithashtu ish-oficerja e policisë gjyqësore pranë ish-prokurorisë për Krime të Rënda, Erjona Daupaj dhe Astrit Vladi. Ndaj tyre rëndojnë akuzat e korrupsionit në disa raste, si dhe ushtrimit të ndikimit të paligjshëm si dhe nxjerrje të sekretit të hetimit.
    Sipas prokurorisë të pandehurit në bashkëpunim me njëri tjetrin kanë kërkuar dhe pranuar ryshfet për të ndikuar tek gjyqtarë e prokurorë që hetonin dhe gjykonin dosjen e 3.4 milion eurove që u bllokua në Portin e Durrësit, me qëllim që të favorizoheshin të pandehurit.
    SPAK i akuzon po ashtu edhe për favorizim të Suel Çelës për t’i çliruar pasuritë e sekuestruara në kuadër të Operacionit Forca e Ligjit.
    Hetimi nisi mbi bazën e të dhënave të Sky Ecc që SPAK iu vunë në dispozicion nga autoritetet franceze, ku mes të pandehurve u zbuluan  komunikime për çështjet.

  • Dosja “Toyota Yaris”/ GJKKO dënon me burg ish-kryeprokurorin e Vlorës, Aurel Zarka

    Dosja “Toyota Yaris”/ GJKKO dënon me burg ish-kryeprokurorin e Vlorës, Aurel Zarka

    Gjykata e Posaçme kundër Korrupsionit dhe Krimit të Organizuar ka shpallur vendimin për ish-prokurorin e Vlorës, Aurel Zarka, duke e dënuar me 4 vite burg, i konvertuar në 2 vite e 8 muaj pas aplikimit të gjykimit të shkurtuar.
    Zarka është dënuar gjithashtu me 5 vite përjashtim nga ushtrimi i funksioneve publike.
    Vendimi u dha nga trupa gjykuese, e përbërë nga gjyqtarët Erjon Çela, Bibe Ndreca dhe Rudina Palloj.
    Dosja penale përfshin edhe ish-oficeren e policisë gjyqësore, Eriona Daupaj, avokatin Radovan Çela dhe biznesmenin Astrit Vladi, por dhe të pandehur të tjerë në atë që njihet dosja “Toyota Yaris”
    Hetimet ndaj Zarkës dhe bashkëpandehurve të tjerë nisën në bazë të të dhënave të siguruara nga aplikacioni i komunikimeve të enkriptuara SKY ECC, ku sipas Prokurorisë së Posaçme, është provuar se të pandehurit, në bashkëpunim me njëri-tjetrin, kanë ofruar dhe premtuar përfitime të parregullta për të ndikuar te zyrtarë të drejtësisë.
    Veprimet e paligjshme janë kryer gjatë viteve 2019–2020, periudhë kur Zarka ushtronte funksionin e prokurorit në Prokurorinë e Vlorës. Eriona Daupaj në atë kohë ishte oficere e policisë gjyqësore në ish-Prokurorinë për Krime të Rënda dhe më vonë në SPAK, ndërsa Radovan Çela ishte avokat i shtetasit Alfred Vladi në çështjen e njohur “Toyota Yaris”. Kjo çështje lidhet me sekuestrimin e 3.4 milionë eurove të padeklaruara në dy automjete të ardhura nga Belgjika, në portin e Durrësit në qershor 2018.

  • Vjedhjet dhe abuzimet më të mëdha në 100 e kusur vite shtet kanë ndodhur pas krijimit të SPAK…

    Vjedhjet dhe abuzimet më të mëdha në 100 e kusur vite shtet kanë ndodhur pas krijimit të SPAK…

    Nga Gëzim Seferi/

    Ndërkohe Ju jeni idiotët që besonit se SPAK do ndalte vjedhjet .

    E vazhduat të besonit se do ndalonte vjedhjen e zgjedhjeve.

    Se do ndëshkonte ata që blenë votat tuaja me thes mielli, kontratë pune dhe 50, 100, 200, 300 mijë lekëshin në derë.

    Se do ndalte PPP-të dhe do kthente pas miliardat e vjedhura.

    Harruat se çfarë kishte ndodhur realisht nder vite.

    T’jua rrjeshtoj pak?

    ●Dosja 184 – Dibra

    U degdis në Peshkopi, sikur aty nuk flitej për zgjedhje kombëtare, por për ndonjë sherr mbi kufirin e pronës.

    ●Dosja 339 – Durrësi

    Krimi, zgjedhjet, bandat – të gjitha u bënë “copëza” pa përgjegjësi.

    Krerët politikë?

    Nëpër fushata.

    ●Dosja e Bajrave.

    U transferua në Shkodër që të marrë frymë drejtësia, ndoshta në ajër më të pastër.

    ●Inceneratorët.

    Më shumë se 100 milionë euro për të djegur tym.

    Të arrestuarit?. Zëvendësit.

    Të pasurit?

    Në Dubai, ose në TV.

    ●Sterilizimi & Check-up-i

    Me para publike u sterilizuan kontrata, jo instrumentat. SPAK kontrolloi disa letra dhe ndoshta tensionin e hajnave.

    ●Kontratat koncesionare

    Rrugë me kosto tripluar, porte për klientët, energji për oligarkët.

    Populli paguan.

    Drejtësia?

    Në “pritje të rezultateve”.

    ●Zgjedhjet 2021 dhe 2023

    Patronazhistë, blerje votash, presion.

    SPAK-u: “Nuk kemi prova të mjaftueshme”.

    Kujto prokurorin qe manipuloi provat I cili u shperblye duke u bere pjese e SPAK-ut.

    ●Prona në bregdet.

    Tapitë fluturojnë nga bregu në Dubai, ndërsa trashëgimtarët enden nëpër gjykata.

    ●Unaza e Madhe & Bashkia e Tiranës

    Asfalt, fasada, palma, miliona. SPAK bën ndonjë hetim teknik, për ndonjë gabim në logon e tenderit.

    …dhe pastaj erdhi 5D-ja.

    Një projekt imagjinar me kosto reale.

    Pa garë. Pa transparencë.

    Me një firmë që ndërtoi më shumë iluzione sesa shkolla.

    SPAK?

    E pa nga dritarja  dhe vendosi të mos shqetësojë.

    Në vend që SPAK të ndalonte vjedhjen, vuri firmën.

    Një strukturë që më shumë se drejtësinë, mbron sistemin.

  • Dosja “Partizani”, Berisha mbërrin në SPAK në zbatim të masës “detyrim paraqitje”

    Dosja “Partizani”, Berisha mbërrin në SPAK në zbatim të masës “detyrim paraqitje”

    Kreu i Partisë Demokratike, Sali Berisha është paraqitur në SPAK ditën e sotme në zbatim të masës së sigurisë “detyrim paraqitje”.
    Ai shoqërohej nga avokati i tij mbrojtës Genc Gjokutaj, ndërsa jashtë ambienteve të Prokurorisë së Posaçme u prit nga mbështetës demokratë.

    Ditën e sotme në orën 11:30, Gjyata e Posaçme do të vendosë nëse dosja “Partizani” do të kalojë për gjykim, do të kthehet për plotësim të hetimeve në SPAK apo do të pushohet nëse gjyqtarja Flojera Davidhi vlerëson se nuk provohet dyshimi i arsyeshëm i ngritur nga SPAK.
    Në seancat e mëparshme avokatët mbrojtës kanë kërkuar përjashtimin e gjyqtares Davidhi./vizionplus.tv

  • Afera ‘Partizani’/ Sot seanca paraprake, GJKKO pritet të vendosë nëse dosja do të kalojë për gjykim…

    Afera ‘Partizani’/ Sot seanca paraprake, GJKKO pritet të vendosë nëse dosja do të kalojë për gjykim…

    Për dosjen “Partizani”, sot në orën 11:30, GJKKO do të mbajë seancën paraprake ku do të vendoset nëse ish-kryeministri Sali Berisha dhe dhëndri i tij Jamarbër Malltezi do të kalojnë në gjykim. Mbrojtësit e Berishës kanë tentuar të shtyjnë procesin, teksa kanë hedhur edhe akuza ndaj gjyqtares së hetimit paraprak, Irena Gjoka, lidhur me një dënim të supozuar në Greqi për falsifikim dokumentesh.
    Në këtë seancë, gjyqtarja Floreja Davidhi do të shqyrtojë kalimin e dosjes për gjykim për të pandehurit Berisha, Malltezi, Fatmir Bektashi, Xhimi Begejan dhe Andia Pustinën. Në seancën e fundit, më 5 maj, mbrojtja e Berishës kërkoi revokimin e vendimit për pavlefshmërinë e disa provave, duke pretenduar se çdo vendimmarrje e gjyqtares Gjoka do të ishte e pavlefshme nëse dokumenti i dënimit është autentik.
    Gjithashtu, më 13 maj, GJKKO rrëzoi kërkesën për përjashtimin e gjyqtares Floreja Davidhi nga dosja. Nëse dosja kalon për gjykim, Berisha dhe Malltezi do të përballen për herë të parë me akuzat për korrupsion dhe pastrim parash.
     

  • Dosja ‘Sterilizimi’/ Shkak mungesa e avokatëve, shtyhet sërish seanca për ish-ministrin, Beqaj

    Dosja ‘Sterilizimi’/ Shkak mungesa e avokatëve, shtyhet sërish seanca për ish-ministrin, Beqaj

    Për shkak të mungesës së avokatëve, seanca për çështjen e sterilizimit në GJKKO është shtyrë.
    Ish-ministri i Shëndetësisë, Ilir Beqaj, ka shtuar numrin e avokatëve që do ta mbrojnë në këtë proces. Përveç avokatit Ermal Yzeiri, ai do të përfaqësohet edhe nga avokati Florian Bonjaku.

  • Dosja “Gërdeci”, shtyhet gjyqi për Fatmir Mediun

    Dosja “Gërdeci”, shtyhet gjyqi për Fatmir Mediun

    Gjykata e Posaçme ka shtyrë seancën gjyqësore ndaj ish-ministrit të Mbrojtjes, Fatmir Mediu, në dosjen “Gërdeci”.
    Shkak u bë mungesa e gjyqtares Irena Gjoka, e cila kishte paraqitur një raport mjekësor.
    Gjyqi ndaj Mediut ndodhet në fazën e kundërshtimeve që ish-ministri i Mbrojtjes po bën ndaj akt-ekspertizës tekniko-ushtarak të sjellë nga ekspertët.

  • Dosja “Partizani”, shtyhet seanca për Sali Berishën

    Dosja “Partizani”, shtyhet seanca për Sali Berishën

    Teksa sot pritej të vendosej nëse do kalonte dosja për gjykim, GJKKO ka shtyrë seancën për kreun e PD Sali Berishën.

    Seanca është shtyrë për datën 19 maj. Avokati i Berishës, Genc Gjokutaj deklaroi para gazetarëve se kanë kërkuar revokimin e vendimit të gjyqtares Flojera Davidhi, e cila rrëzoi të gjitha kërkesat e mbrojtjes për pavlefshmëri të akteve, por kjo kërkesë u rrëzua.
    “Sot ishte seanca ku ne vijmë nga një rrëzim kërkese për përjashtimin e gjyqtares, Flojera Davidhi, një vendim i çuditshëm, ku kërkesa është bërë nga ne avokatët dhe është gjobitur zoti Berisha pa pasuri firmën e tij. Është gjobitur me 10 mijë lekë të reja.
    Ndërkohë që nuk është ai firmëtari i kërkesës. Kjo është një lajthitje e gjykatës. Ne sot vazhduam, i dhamë mundësinë kësaj gjykatë që të revokonte vendimin për pavlefshmëri që ne kemi ngritur, për ta sjellë këtë proces në shina, por gjyqtarja e rrëzoi këtë kërkesë. Ne njoftuam gjykatën që do bëjmë kërkesë për pavlefshmërinë e gjithë vendimmarrjes së Irena Gjokës, sepse ne kemi vendimin e gjykatës greke për dënimin e saj.
    Edhe këtë kërkesë, pavarësisht se ne kërkuam kohë për ta formalizuar këtë kërkesë, ajo e rrezon. Mbi këtë bazë kemi kërkuar një përjashtim tjetër. Për të marrë vendimin e përjashtimit të gjyqtares Irena 2, ne na u dha koha dhe seanca u caktua në datën 19 maj në orën 11:30”, tha avokati.

    Top Channel

  • Dosja “Partizani” shtyhet sërish seanca, vendimi për Berishën pas zgjedhjeve

    Dosja “Partizani” shtyhet sërish seanca, vendimi për Berishën pas zgjedhjeve

    Është shtyrë përsëri seanca në lidhje me dosjen “Partizani”, ku sot pritej të merrej një vendim nëse çështja do të kalonte në gjykim apo jo.
    Seanca u shty për një datë tjetër, që është pas zgjedhjeve, dhe është planifikuar të zhvillohet më 19 maj.
    Avokati Genc Gjokutaj tha se gjykata ka gjobitur Sali Berishën me 10 mijë lekë për zvarritjen e seancave. Më pas, Gjokutaj theksoi se ata kërkuan sërish përjashtimin e gjyqtares Fjorela Davidhi.
    “Sot kemi ardhur nga një rrëzim kërkese për përjashtimin e gjyqtares Fjorela Davidhi. Kërkesa ishte bërë nga avokatët, por Berisha u gjobit me 10 mijë lekë. Kjo është një çështje procedurale. Ne kërkuam që ky proces të vazhdonte në përputhje me ligjin, por gjyqtarja e refuzoi këtë kërkesë. Ne njoftuam gjykatën se do të kërkojmë pavlefshmërinë e të gjitha vendimeve të Irena Gjokës, pasi disponojmë vendimin e dënimit në Greqi. Gjykata e refuzoi këtë kërkesë pa pasur vendim në dorë, dhe për këtë arsye kërkuam një përjashtim tjetër për këtë gjyqtare, e njohur si ‘Irena 2’. Një gjyqtar i dënuar penalisht nuk mund të vazhdojë të jetë gjyqtar, dhe kjo çon në pavlefshmërinë e të gjitha vendimeve të tij,” tha ai.
    Prokuroria e Posaçme ka mbyllur hetimet dhe ka njoftuar akuzat për ish-kryeministrin Sali Berisha, dhëndrin e tij Jamarbër Malltezi, të akuzuar për korrupsion në atë që njihet si dosja e privatizimit të kompleksit Partizani.
    Si Malltezi, ashtu dhe Berisha kanë mohuar akuzat dhe e kanë cilësuar cështjen politike.