“Jo një ditë para Asamblesë. Ka shumë kohë që e mendoj, për arsye familjare. Jam djalë Vlore, jam lindur në Vlorë. Jam i sigurt që do ketë një ekip ta çojë Vlorën përpara sepse ai qytet do një angazhim maksimal.”- u shpreh Dredha.
Lajmi në përditësim…
Top Channel
Në një letër të gjatë, Ermal Dredha ka renditur arsyet se përse vendosi të dorëhiqet nga detyra si Kryetar i Bashkisë së Vlorës.
Pavarësisht sfidave dhe vështirësive që janë shfaqur gjatë rrugës, shkruan Dredha, ‘kam besuar gjithmonë se transparenca dhe puna e ndershme janë baza mbi të cilat ndërtohet një shërbim i mirëfilltë ndaj komunitetit’.
Ai thotë se dorëheqja vjen si një akt reflektimi dhe përgjegjësie. “Rrethanat aktuale, familjare dhe personale, apo dhe ato politike e administrative, më shtyjnë të besoj se dorëheqja ime është veprimi më i drejtë në këtë moment. Ky vendim nuk nënkupton largim nga përgjegjësia publike, por është një akt i vetëdijshëm për të krijuar hapësirë për ide dhe ritme të reja zhvillimi për bashkinë tonë”.
Reagimi i plotë i Ermal Dredhës:
Të nderuar qytetarë të Vlorës, Me mirënjohje dhe përulësi, për gjithçka ndamë bashkë përgjatë këtij rrugëtimi, bashkë me falenderimet e pafundme për çdo mbështetje, po ndaj me ju letrën time të dorëheqjes!
Shpresoj në mirëkuptimin tuaj, me bindjen që Vlora ka plotë mundësi për kontribute të vyera! Si djalë i këtij qyteti kaq të dashur, do të shërbej në çdo formë, njësoj siç kam bërë çdo ditë të karrierës sime diplomatike sepse e vetmja gjë që mbetet e pandryshuar është që Vlora do të jetë gjithnjë e para në zemrën time!
I nderuar z. Kryeministër, Sot, me përgjegjësinë më të lartë morale dhe institucionale, kam vendosur të paraqes dorëheqjen time nga detyra si Kryetar i Bashkisë së Vlorës.Ky është një nga ato momente ku fjala nuk del lehtë, jo sepse mungon bindja, por sepse pesha e asaj që dua të them është e madhe dhe shumë e ndjeshme për mua si njeri, si shërbyes publik dhe si bir i këtij komuniteti që e dua me gjithë zemër.
Pavarësisht sfidave dhe vështirësive që janë shfaqur gjatë rrugës, kam besuar gjithmonë se transparenca dhe puna e ndershme janë baza mbi të cilat ndërtohet një shërbim i mirëfilltë ndaj komunitetit.Kam jetuar çdo ditë të këtij detyrimi me përkushtim të plotë dhe zell. Kam bërë më të mirën që kam ditur e mundur, ndoshta jo gjithmonë mjaftueshëm, por gjithmonë me ndershmëri. Kam qenë pranë njerëzve në ditë të mira dhe në ditë të vështira, dhe i kam ndjerë hallet dhe shpresat e tyre si të ishin familja ime.Megjithatë, besoj se në një moment të caktuar është e rëndësishme të dish të largohesh me dinjitet, për t’i hapur rrugë energjive dhe ideve të reja.
Dorëheqja ime vjen si një akt reflektimi dhe përgjegjësie. Rrethanat aktuale, familjare dhe personale, apo dhe ato politike e administrative, më shtyjnë të besoj se dorëheqja ime është veprimi mëi drejtë në këtë moment. Ky vendim nuk nënkupton largim nga përgjegjësia publike, por është një akt i vetëdijshëm për të krijuar hapësirë për ide dhe ritme të reja zhvillimi për bashkinë tonë.Z. Kryeministër,
Ju falënderoj për bashkëpunimin institucional! Ky vendim nuk ndryshon as respektin dhe as përgjegjësinë që ndjej ndaj vendit tim dhe ndaj qytetarëve tanë. Ju falënderoj për çdo mbështetje që më keni dhënë dhe për çdo shpresë që kemi ndarë së bashku. Unë mbetem i përkushtuar ndaj komunitetit tim dhe do të vazhdoj të kontribuoj në forma të tjera për të mirën e përbashkët.Me respekt të thellë, Ermal Dredha
Top Channel
Kryeministri i Kosovës, Albin Kurti, ka caktuar sot Hysen Durmishin si ministër të ri të Mjedisit, Planifikimit Hapësinor dhe Infrastrukturës, pas dorëheqjes së Liburn Aliut.
Durmishi, i cili deri më tani mbante postin e zëvendësministrit në këtë dikaster, merr drejtimin e Ministrisë pas vendimit të Aliut për t’u tërhequr nga detyra. Kryeministri Kurti e ka uruar për përgjegjësinë e re dhe i ka uruar suksese në përmbushjen e detyrave.
Nga ana tjetër, Liburn Aliu bëri të ditur se dorëheqja e tij lidhet me zhvillimet e fundit politike, pas zgjedhjes së bashkëpartiakut të tij, Dimal Basha, në postin e kryetarit të Kuvendit të Kosovës. Aliu theksoi se e kishte njoftuar kryeministrin menjëherë pas votimit të Bashës, duke sqaruar se ky vendim vjen nga bindjet e tij për funksionimin e institucioneve dhe idealin për Republikën.
“Zgjedhja e Kryetarit të Kuvendit, si institucioni më i lartë ku vendosen ligjet dhe i kërkohet llogari qeverisë, nuk ishte në përputhje me idealin tim për Republikën. Për këtë arsye vendosa të dorëhiqem,” deklaroi Aliu.
Sherri në koalicionin e partive të reja Nisma Shqipëria Bëhet në zgjedhjet e 11 majit mbetet i hapur, me akuza dhe kundërakuza, deri në kërcënime publike.
Kryetari i Nisma Thurje, Endri Shabani, ka sqaruar sot se ashtu sikurse dorëheqja e Adriatik Lapajt nga mandati që deklaroi para zgjedhjeve nëse do merrej vetëm një deputet nga koalicioni, nuk ishte pjesë e marrëveshjes, po ashtu edhe dorëheqja e Zeqir Kordhonit nuk ishte pjesë e kësaj marrëveshjeje.
Shabani ka bërë sot një sqarim publik në rrjetin social Facebook, ku ka publikuar edhe dokumente të marrëveshjes së koalicionit.
Sqarim publik:
“SHB pretendon se premtimi i Adriatikut për dorëheqje nuk ka qenë pjesë e marrëveshjes së koalicionit.
Po as premtimi i Zeqirit nuk ka qenë.
Atëherë pse i kërkohet dorëheqja Zeqirit, por jo Adriatikut?
Apo funksionon parimi: “bëj si të them unë, jo si bëj unë”?
Për ata që janë të interesuar, më poshtë gjeni marrëveshjen e nënshkruar. Aty nuk thuhet askund që kandidatët e listës së fiksuar janë të detyruar të japin dorëheqjen. As për Zeqirin, as për ndonjë tjetër.
Por është fakt që 46 kandidatë të listës së fiksuar dhanë fjalën e tyre që do të dorëhiqeshin për t’u hapur rrugë kandidatëve të listës së hapur.
Një zotim moral, jo ligjor. Një fjalë e dhënë – si ajo e Adriatikut.
Dhe në këtë vend, fjala ka qenë gjithmonë më shumë se një firmë në letër. Ka qenë besa!
Nëse kryetari nuk mban fjalën, me ç’të drejtë kërkon nga të tjerët që ta mbajnë të tyren?”.
Vijon përplasja mes Adriatik Lapajt dhe Endri Shabanit.
“SHB pretendon se premtimi i Adriatikut për dorëheqje nuk ka qenë pjesë e marrëveshjes së koalicionit.Po as premtimi i Zeqirit nuk ka qenë. Atëherë pse i kërkohet dorëheqja Zeqirit, por jo Adriatikut?Apo funksionon parimi: “bëj si të them unë, jo si bëj unë”?
Për ata që janë të interesuar, më poshtë gjeni marrëveshjen e nënshkruar. Aty nuk thuhet askund që kandidatët e listës së fiksuar janë të detyruar të japin dorëheqjen. As për Zeqirin, as për ndonjë tjetër.Por është fakt që 46 kandidatë të listës së fiksuar dhanë fjalën e tyre që do të dorëhiqeshin për t’u hapur rrugë kandidatëve të listës së hapur.
Një zotim moral, jo ligjor. Një fjalë e dhënë – si ajo e Adriatikut. Dhe në këtë vend, fjala ka qenë gjithmonë më shumë se një firmë në letër. Ka qenë besa! Nëse kryetari nuk mban fjalën, me ç’të drejtë kërkon nga të tjerët që ta mbajnë të tyren?”, ka shkruar Shabani.
Top Channel
Sherri në koalicionin e partive të reja Nisma Shqipëria Bëhet në zgjedhjet e 11 majit mbetet i hapur, me akuza dhe kundërakuza, deri në kërcënime publike.
Kryetari i Nisma Thurje, Endri Shabani, ka sqaruar sot se ashtu sikurse dorëheqja e Adriatik Lapajt nga mandati që deklaroi para zgjedhjeve nëse do merrej vetëm një deputet nga koalicioni, nuk ishte pjesë e marrëveshjes, po ashtu edhe dorëheqja e Zeqir Kordhonit nuk ishte pjesë e kësaj marrëveshjeje.
Shabani ka bërë sot një sqarim publik në rrjetin social Facebook, ku ka publikuar edhe dokumente të marrëveshjes së koalicionit.
Sqarim publik:
“SHB pretendon se premtimi i Adriatikut për dorëheqje nuk ka qenë pjesë e marrëveshjes së koalicionit.
Po as premtimi i Zeqirit nuk ka qenë.
Atëherë pse i kërkohet dorëheqja Zeqirit, por jo Adriatikut?
Apo funksionon parimi: “bëj si të them unë, jo si bëj unë”?
Për ata që janë të interesuar, më poshtë gjeni marrëveshjen e nënshkruar. Aty nuk thuhet askund që kandidatët e listës së fiksuar janë të detyruar të japin dorëheqjen. As për Zeqirin, as për ndonjë tjetër.
Por është fakt që 46 kandidatë të listës së fiksuar dhanë fjalën e tyre që do të dorëhiqeshin për t’u hapur rrugë kandidatëve të listës së hapur.
Një zotim moral, jo ligjor. Një fjalë e dhënë – si ajo e Adriatikut.
Dhe në këtë vend, fjala ka qenë gjithmonë më shumë se një firmë në letër. Ka qenë besa!
Nëse kryetari nuk mban fjalën, me ç’të drejtë kërkon nga të tjerët që ta mbajnë të tyren?”.
Lëvizja “Shqipëria Bëhet” i është drejtuar me një letër KQZ.
Adriatik Lapaj kërkon që mandati i fituar në qarkun Tiranë të shpërndahet sipas listës përkatëse të hapur.
“Nisma “Shqipëria Bëhet”, me Vendimin nr. 237, date 04.03.2025, është regjistruar në Komisionin Qendror të Zgjedhjeve si koalicion për zgjedhjet parlamentare të datës 11 maj 2025, me z. Adriatik Lapaj në cilësinë e drejtuesit të koalicionit.
Ky koalicion ka marrë 16,520 vota në Qarkun Tiranë, duke fituar një mandat përfaqësimi.
Ju bëjmë me dije se kandidatët e listës së mbyllur për këtë qark kanë paraqitur dorëheqjen nga kandidimi, përpara nisjes së procesit të numërimit të votave. Kjo është një dorëheqje nga kandidimi, jo nga mandati, pasi mandati në këtë fazë nuk ekzistonte ende dhe nuk mund të heqësh dorë nga një ngjarje e së ardhmes.
Çdo ndryshim i mëvonshëm i qëndrimit nga ana e këtyre kandidatëve është i pavlefshëm në aspektin juridik dhe nuk prodhon pasoja, pasi vlefshmërinë e ka vetëm akti i parë – dorëheqja nga kandidimi.
Në kuptimin juridik, dorëheqja sjell pasoja të menjëhershme në momentin e paraqitjes së saj.
Në kontekstin elektoral, dorëheqja nga kandidimi është një akt përfundimtar dhe i pakthyeshëm, që përjashton kandidatin nga çdo e drejtë për të marrë mandat. Duke u tërhequr nga kandidimi, ata nuk kanë qenë më subjekt garues për zgjedhjet e 11 majit 2025. Në këtë mënyrë, e kanë përjashtuar veten nga lista zgjedhore, dhe veprimi i tyre nuk mund të zhbëhet me pas me asnjë deklaratë të mëvonshme, pasi nuk kane qenë më pjesë e garës zgjedhore.
Në kushtet kur kemi të bëjmë me një heqje dorë nga kandidimi dhe jo me dorëheqje nga mandati, ligji kërkon që mandati të kalojë tek kandidati pasues në liste, në përputhje me rregullat për zëvendësimin e mandateve. Për këtë arsye, kërkojmë që të procedohet me shpërndarjen e mandatit të fituar në Qarkun Tiranë, sipas listës përkatëse të hapur”, shkruhet në letrën e “Shqipëria Bëhet”.
Ndërsa ka nisur numërimi mbrapsht për afatin e shpërndarjes së mandateve për Tiranën, pasi Kolegji Zgjedhor pritet të vendosë sot për fatin e mandateve të këtij qarku, Lapaj dhe Shabani po zhvillojnë një betejë publike se kush do futet në Kuvend në shtator.
Një ditë më parë kryetari i “Shqipëria Bëhet”, u përbetua publikisht se as Shabani dhe asnjë familjar i tij nuk do të gëzojë mandatin e Tiranës.
Sigurinë Lapaj e ka nga Ana Dajko, e para në listën e mbyllur. 60-vjeçarja me arsim të mesëm, nga Saranda të cilës i takon mandati.
Në KQZ Dajko nuk ka depozituar asnjë shkresë për marrje mandati ndërsa shkresa e vetme është ajo për heqjen dorë nga mandati, e depozituar në grup me të gjithë kandidatët e listës së koalicionit, me datë 11 maj.
Por ajo është “asi” nën mëngë i Lapajt për t’u “hakmarrë” ndaj Shabanit që po kërkon t’i prishë ëndrrën për deputet.
Në përditësim…
Top Channel
Eksperti i kriminalistikës, Ervin Karamuço thotë se dorëheqja e kreut të AMP, Florian Sulejmani ka lidhje me “fshesën” e kryeministrit Edi Rama, që ka përfshirë edhe policinë, në lidhje me mbrojtjen e territorit për ndërtimet pa leje.
Në një emision televiziv, Karamuço u shpreh se ka një shkundje të policisë.
“Ka një shkundje. Ky operacion i fundit ka nxjerrë në pah jo eficentën e disa institucioneve. Edhe AMP pati kostot e veta. Po ashtu edhe për kontrollin e territorit. Ka pasur edhe denocime për punonjës të AMP që kishin kryer uzurpime. Mendoj se në kuadër të gjithë kësaj që po kërkohet, drejtori i përgjithshëm i policisë ka pasur takim të veçantë, nuk është bërë publik. Ka kërkuar fuqizim të strukturave. Duhet të ketë masa. Patjetër që ka lidhje, dëgjoni në ditët në vijim, masat të jera konkrete që do merren te inspektorët e tjerë të AMP, që janë pjesë e asaj që ka ndodhur gjatë këtyre ditëve.”, theksoi ai.
Dashnor Sula e sheh të ardhmen e Partisë Demokratike pa Sali Berishën. Por nëse kjo nuk ndodh, sipas tij, rezultati i PD-së në zgjedhjet e ardhshme do të jetë edhe më i dobët. Përjashton çdo mundësi të trashëgimisë familjare të partisë, flet për “servilët e neveritshëm”, dikur kolegë të grupit parlamentar të PD-së, për bashkimin e sforcuar dhe fizik të dy PD-ve të ndara. Sula analizon çdo moment kritik që solli degradimin e Partisë Demokratike që u finalizua me rezultatet dramatike në zgjedhjet e 11 majit.
Marsela SHYTIA
Kosova ndodhet sërish në prag të një momenti kyç politik, jo për shkak të një krize të hapur, por për shkak të një vakumi që mund të zgjerohet. Dorëheqja teknike e Albin Kurtit si kryeministër, e diktuar nga procedurat kushtetuese, ka hapur një dritare të re pasigurie, duke ngritur pikëpyetje, nëse ai do të arrijë të rikthehet në krye të qeverisë, apo vendi do të përballet me një tjetër valë zgjedhjesh të parakohshme. Ndërkohë që Vetëvendosje ruan pozicionin si partia më e madhe, mungesa e një shumice të qartë parlamentare dhe refuzimi i bashkëpunimit nga partitë e tjera e vendos të ardhmen e qeverisë në një ekuilibër të brishtë.
Dorëheqja e Kurtit
Kryeministri i Kosovës Albin Kurti ka dhënë dorëheqje nga posti i tij si kryeministër dje, duke e bërë të ditur vendimin e tij përmes një letre drejtuar Sekretariatit të Kuvendit të Kosovës. Dorëheqja erdhi pas fillimit të punimeve të seancës konstituive të mbledhjes së nëntë të Kuvendit të Kosovës, e cila u ndërpre të martën. Sipas ligjit të Kosovës, zyrtarëve në degën ekzekutive u kërkohet të japin dorëheqjen në mënyrë që të marrin mandatet e tyre parlamentare në procedurën për formimin e qeverisë së re. Deputetët e Kuvendit të ri të Kosovës nuk kanë dhënë betimin në seancën konstituive, zgjedhin kryetarin e Kuvendit dhe votojnë për qeverinë e re. Në seancën e udhëhequr nga deputeti më i vjetër në sallë, Avni Dehari, me 119 deputetë të pranishëm nga gjithsej 120, nuk u miratua raporti i Komisionit për verifikimin e mandateve dhe kuorumit.
Dështimi i seancës konstituive
Komisioni i përkohshëm ia dorëzoi raportin deputetëve, duke kërkuar që ta votojnë, për të verifikuar mandatet e 120 deputetëve të zgjedhur në bazë të listës së certifikuar nga Komisioni Qendror i Zgjedhjeve (KQZ). Me 52 vota pro, 46 kundër dhe 11 abstenime, deputetët e Lëvizjes Vetëvendosje dhe Nisma Socialdemokrate votuan pro raportit, ndërsa deputetët e Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK) votuan kundër. Deputetët e Listës Serbe abstenuan. Pas një pauze, kryesuesi shpalli shtyrjen e seancës. “Në këto rrethana jemi të detyruar ta ndërpresim seancën dhe ta informojmë me shkrim presidentin se si do të veprohet”, tha Dehari. Seancën konstituive të Kuvendit e ka thirrur më 1 prill presidentja e Kosovës, Vjosa Osmani, pas një takimi me liderët e partive politike. Emërimi i kryetarit të Kuvendit dhe nënkryetarit do t’i hapë rrugën procesit të formimit të qeverisë së re në Kosovë.
Negociatat për koalicion
Kurti dha dorëheqje sepse u betua si deputet në Kuvendin e ri të Kosovës. Sipas ligjit, askush nuk mund të jetë njëkohësisht pjesë e ekzekutivit (pra, Kryeministër) dhe pjesë e legjislativit (deputet). Pra, dorëheqja nuk është as ndëshkim, as vendim personal për t’u tërhequr nga politika – është një hap formal që ai duhet ta merrte për të vazhduar procesin institucional pas zgjedhjeve të parakohshme. Tani nis faza më e vështirë: negociatat për koalicion. Dhe këtu është pikërisht nyja politike – pothuajse asnjë nga partitë e tjera nuk dëshiron të qeverisë me Vetëvendosjen. Kjo e vë në pikëpyetje aftësinë e Kurtit për të formuar një kabinet të ri.
Bllokada institucionale
Eugen Cakoli, njohës i monitorimit të punës së Kuvendit nga Instituti Demokratik i Kosovës (KDI), vlerësoi se Kosova mund të përballet me bllokadë institucionale. “Tani është përgjegjësi e kryesuesit të organizimit dhe thirrjes së deputetëve në seancën e radhës, jo më vonë se 48 orë nga momenti i ndërprerjes. Nuk ka arsye që presidenti të thërrasë seancë të re”, tha ai. “Tashmë është përgjegjësi e partive politike që të sillen jo vetëm me pjekuri politike, por edhe në përputhje me të gjitha ligjet në fuqi”, tha ai. Cakoli shprehu shqetësimin për mundësinë e bllokimit të pikës më të rëndësishme të rendit të ditës – zgjedhjen e kryetarit të Kuvendit. Ai tha se afati prej 48 orësh “mund të krijojë bazë për interpretime kushtetuese, në rast të refuzimit të vazhdueshëm për të propozuar kryetarin e Kuvendit”.