Vajza e Hulk Hogan ka shpjeguar pse nuk donte të merrte pjesë në funeralin e babait të saj, i cili u zhvillua të martën, më 5 gusht. Legjenda e WWE ndërroi jetë nga një atak në zemër në moshën 71 vjeç më 24 korrik.
Nëpërmjet rrjeteve sociale, Brooke Hogan shpjegoi se duke e ditur neverinë e babait të saj ndaj funeraleve, vendosi ta nderonte atë në mënyrën e saj. Kështu që, ajo preferoi të bënte një udhëtim në det, të cilin Hulk Hogan e donte shumë, me bashkëshortin dhe fëmijët e tyre. Në të njëjtën kohë, ajo ndau disa fotografi me familjen e saj në plazh.
Siç shkroi Brooke Hogan në postimin e saj në Instagram: “Babai im e urrente natyrën makabre të funeraleve. Ai nuk donte një funeral. Dhe ndërsa e di që të gjithë vajtojnë në mënyrën e vet – dhe jam shumë mirënjohëse për të gjitha ceremonitë dhe ngjarjet që u organizuan për ta nderuar atë – si vajza e tij, më është dashur të marr vendimin tim për ta nderuar atë në mënyrën më të mirë dhe më autentike që dija… privatisht… në një mënyrë që më bëri të ndihesha më afër tij. E vetmja gjë që mungonte sot ishte ai, në karrigen e tij të palosshme, duke parë valët… dhe perëndimin e diellit.”
Siç theksoi ajo, ajo beson se e nderoi atë në mënyrën më të përshtatshme: “Babi, ne të nderuam në mënyrën më të thjeshtë, atë që i përshtatej shpirtit tim. I çuam fëmijët tanë në plazh dhe i vendosëm në të njëjtin ujë të kripur që ti e doje. Molly e donte ujin. Mendoj se do të bëhem “peshku i vogël” siç më quajte ti. Ne të duam dhe nderojmë të gjithë ata që të bënë kaq të veçantë. Çdo kokërr rëre dhe çdo valë më kujtuan se isha “vajza jote e plazhit” dhe na sollën më afër teje. Lutem që të kesh gjetur paqe dhe të dish sa thellë të dua.”
Postimi i Brooke Hogan:
Tag: donte
-
Vajza e Hulk Hogan shpjegon pse nuk mori pjesë në funeralin e tij
-
‘Ata duan të vdesin, nuk duan paqe’/ Trump shpërthen ndaj Hamasit pas dështimit të negociatave
“Grupi palestinez Hamas “nuk donte të negocionte” për të arritur një marrëveshje armëpushimi në Rripin e Gazës”, tha Donald Trump para gazetarëve sot nga Shtëpia e Bardhë, teksa nisej drejt Skocisë.
Komentet e tij erdhën pasi i dërguari special i SHBA-së për Lindjen e Mesme, Steve Witkoff, tërhoqi dje negociatorët nga Doha e Katarit, duke akuzuar Hamasin se nuk ishte bashkëpunues dhe i gatshëm të arrinte një marrëveshje.
“Ata u larguan nga negociatat. Kjo ishte keq. Hamasi me të vërtetë nuk donte të arrinte një marrëveshje. Mendoj se ata duan të vdesin”, tha presidenti amerikan, duke shtuar se sapo “të sigurohet edhe pengu i fundit”, “do të duhet ta përfundojmë punën që filluam”.
Trump u tha gazetarëve gjithashtu se një takim midis presidentëve të Rusisë dhe Ukrainës, Vladimir Putin dhe Volodymyr Zelensky , “do të ndodhë, por brenda dy ose tre muajsh”.
-
“Antikrishti” i Friedrich Nietzsche, libri kundër kishës që tronditi botën me teoritë e tij
Friedrich Wilhelm Nietzsche (15. 10. 1844 – 25. 06. 1900)
Friedrich Nietzsche ishte një djalë i një pastori, por nuk u bë kurrë i dëlirë në shpirt. Që në moshë të re, ai dukej sikur nuk i përkiste dot asnjë komuniteti shpirtëror, akademik apo shoqëror.
Ishte përherë pak më përpara dhe për këtë arsye, gjithmonë i vetmuar. Ai nuk donte të shpallte një të vërtetë absolute. Ai donte ta trondiste mendjen njerëzore që ta kërkonte vetë të vërtetën. Nuk ishte filozof në kuptimin klasik. Shkrimi i tij nuk ngjante me traktate, me analiza të sistemuara. Ishte si një ortek idesh që vinin me gjuhën e një poeti të zemëruar dhe me nervin e një të sëmuri që nuk duronte më asgjë të rreme. Për një pjesë të madhe të jetës, vuajti nga migrena të tmerrshme, sëmundje neurologjike, ndjenja izolimi dhe refuzimi. Ai u bë profesor në Bazel që në moshën 24- vjeçare, por e la shumë shpejt. Akademia e mërziste. Dogma e lodhte. E vërteta kërkonte liri – dhe Nietzsche donte të ishte i lirë. Ishte i vetëm, pa pasuri, pa shëndet, shpesh pa miq. Por kishte libra, fletore, dhimbje dhe ide. Në librin “Lindja e tragjedisë” e nisi udhëtimin e tij me një pyetje të pazakontë: nga vjen forca e artit? Ai e gjeti te dualiteti Apollon–Dionis. Dionisi, perëndia e ekstazës dhe kaosit, ishte për të zemra e çdo krijimtarie të vërtetë. Nietzsche nuk e donte artin që i shërben qetësisë, por atë që trazon, që dhemb, që i flet instinktit.
Në “Shkenca gazmore”, ai shkroi ato që sot janë rreshtat më të cituar të filozofisë moderne: “Zoti ka vdekur”. Por Nietzsche nuk ishte ateist sipas mënyrës tradicionale. Ai nuk thoshte “Zoti s’ekziston” por “Ne e kemi vrarë Zotin”, ne, modernët, me mosbesimin, me shkencën, me boshësinë që kemi krijuar në vend të sakrificës. Dhe ai e dinte se pas kësaj vdekjeje, nuk do të vinte qetësia, por zbrazëtia, nihilizmi. Libri më i çuditshëm dhe më i guximshëm i tij mbetet “Kështu foli Zarathustra”. Nuk është filozofi, është poezi e përndezur. Zarathustra është figura që zbret nga mali, si një Moisi i ri, jo për të sjellë urdhra, por për të çliruar njerëzit nga moralet e trashëguara. “Mbinjeriu” që ai përmend nuk është një diktator, por një shpirt që e kapërcen veten. Ai nuk ndëshkon, nuk bind, nuk përulet ai afirmon jetën. Edhe kur ajo është e pashpjegueshme, edhe kur është e dhembshme.
Në “Përtej së mirës dhe së keqes”, Nietzsche kthehet si një kirurg i ftohtë. Ai analizon moralin jo si doktrinë, por si instinkt. Pse i mendojmë disa gjëra të mira dhe disa të këqija? Kush e ka vendosur këtë rend? Ai nuk besonte në moral universal. Çdo moral, për të, ishte një maskë mbi vullnetin për fuqi. Ai i sulmon filozofët që fshihen pas neutralitetit: nuk jeni të paanshëm, jeni të frikësuar. Në “Gjenealogjia e moralit”, ai shkon më thellë. Ai ndan moralin në dy degë: moralin e të fortëve dhe atë të të dobëtëve. I pari lind nga fuqia, krenaria, afirmimi i vetvetes. I dyti nga urrejtja, frika, nga ndjenja e viktimës që kthehet në normë. Sipas tij, krishterimi, por edhe ideologjitë moderne, kanë përjetësuar moralin e skllavit. Më pas vjen “Antikrishti”, libri më i drejtpërdrejtë i tij. Një manifest kundër fesë së institucionalizuar. Jo kundër Krishtit si figurë, por kundër Kishës që e shndërroi atë në simbol dobësie. Për Nietzsche-n, krishterimi ushqen ndjenjën e mëkatit, turpit, faji – kurse ai kërkonte një njeri që jeton pa faj, që guxon të jetë i lirë. Në “Ecce Homo”, ai bën një rishikim të vetes.
“Pse jam kaq i mençur?” pyet, me sarkazëm dhe trishtim. Ky libër është si një përshëndetje e fundit. Ai i sheh veprat e tij si predikime që nuk do të kuptohen tani. Dhe kishte të drejtë. Ai do të përfundojë në heshtje, në çmenduri, i harruar dhe i përçmuar nga shumë bashkëkohës. Por shekulli që pasoi nuk do të mund ta linte në harresë. Nietzsche u bë frymëzim për ekzistencialistët, për artistët e mëdhenj, për rebelët, por edhe u keqpërdor nga diktatorët dhe ideologjitë që e morën fjalën “mbinjeri” dhe e përdorën pa kuptuar zemrën që kishte pas saj. Ai nuk ishte njeri që adhuronte pushtetin, por fuqinë e brendshme. Sot, Nietzsche nuk ka humbur asgjë nga fuqia e tij tronditëse. Librat e tij nga Zarathustra te Antikrishti, nga Gjenealogjia te Shkenca gazmore nuk janë libra që lexohen për t’u qetësuar. Ato lexohen për të ndjerë se kush jemi në të vërtetë, për të parë në pasqyrë pa iluzione. Ai nuk kërkoi të na udhëzonte por të na zgjonte. Dhe në këtë mision, nuk ka dështuar kurrë.
ObserverKult
Lexo edhe:
Brumbujt hanë librat e vjetër/ Thesari i dijes rrezikon të shkatërrohet
-
I theu këmbën Musialas, reagon Donnarumma: Më vjen keq, por nuk jam fajtor
Donnarumma ka reaguar pas dëmtimit të rëndë që i shkaktoi talentit të Bayernit, Musiala.
Ai nuk qëndroi ato minuta pranë Musialas sepse ishte i tronditur nga dëmtimi, të cilin natyrisht, nuk do të donte kurrë t’ia shkaktonte një kolegu. Megjithatë, Gianluigi Donnarumma përfundoi në shënjestrën e mediave dhe rrjeteve sociale, pas çerekfinales së Kupës së Botës midis PSG-së dhe Bayern Munich.
Dhe gjithashtu u kritikua ashpër edhe nga portieri bavarez, Manuel Neuer, i cili e akuzoi atë se kishte ndërhyrë në një mënyrë të panevojshme dhe të nxituar. Një version i kundërshtuar nga portieri i Real Madridit, Thibaut Courtois, i cili do të sfidojë Gigion në gjysmëfinale.
Vetë Donnarumma ka deklaruar pas ngjarjes për të përditshmen “La Gazzetta dello sport” duke thënë: “Jam shumë i tronditur nga ajo që ndodhi, sepse padyshim që nuk ishte qëllimi im të dëmtoja Musialën”.
REAGON MENAXHERI
Me një veprim të rrëmbyer, Donnarumma ndërhyri për t’ia marrë topin Musialës. Një ndërhyrje që u kosniderua e rregullt dhe e pandëshkuar nga gjyqtari Taylor. “Është çështje e të dhjetave të sekondës – nënvizon menaxheri i tij, Vincenzo Raiola -, vetëm një moment duhet që pritja të shndërrohet në penallti. Gigio ishte i pari që arriti te topi dhe nuk mundi ta shmangte më ndërhyrjen. Është e padrejtë të mendosh se ai donte të dëmtonte Musialën, të cilti i urojmë të shërohet sa më shpejt të jetë e mundur për t’u rikthyer më i fortë se më parë”.
Nga pamjet TV, Donnarumma duket i çorientuar: ai largohet, ulet në gjunjë, fillon të ecë drejt stolit dhe kthehet duke rrudhur vetullat. «Ai nuk donte të bënte sikur nuk kishte ndodhur asgjë», vazhdoi agjenti, «Gigio është një djalë shumë i ndjeshëm. Ai nuk do të kishte qenë në gjendje ta përballonte skenën dhe preferoi të largohej që mjekët të kujdeseshin për Musialën sa më mirë që të mundej. Pasi hyri në dhomën e zhveshjes, ai madje e ndezi telefonin. Në të gjitha vitet që kemi punuar së bashku, ai nuk e ka bërë kurrë këtë. Zakonisht e fik një orë para fillimit të ndeshjes për t’u përqendruar në lojë dhe e ndez përsëri pas ndeshjes. Këtë herë më dërgoi një mesazh për të më thënë se ishte i tronditur dhe se nuk e kishte bërë qëllimisht».
REPLIKA ME NEURER
Në pjesën e dytë, tifozët e fishkëllyen. Gjithashtu nuk munguan edhe kritikat publike të Neuerit: “Në të vërtetë – pranon Raiola – e kuptoj Neuerin. Siç thotë Courtois, është normale që ai të mbrojë shokun e tij të skuadrës. Dhe ai ka të drejtë kur thotë se mund të veprosh ndryshe në fushë. Është e vërtetë, por të gjithë jemi të ndryshëm dhe të gjithë sillen si të munden. Ishte një episod loje në duelin e përjetshëm midis portierëve dhe sulmuesve. Në dhjetor, Gigio pothuajse humbi një sy në një përplasje me një lojtar të Monacos (Singo). Dhe Neuer gjithashtu goditi Higuainin në vitin 2014, në një ndeshje midis ekipeve kombëtare. Pastaj ai kërkoi falje edhe pse pranoi se donte të shmangte një rrezik për ekipin e tij, duke e ditur se rrezikonte të lëndonte kundërshtarin”.
RINOVIMI ME PSG
Në fund të ndeshjes, Gigio është konsultuar me Raiolën nëse duhet të shkonte të vizitonte Musialën në spital: “Ai ishte shumë i shqetësuar dhe i trishtuar”. Në orët në vijim ai postoi një mesazh mbështetjeje dhe urimesh për gjermanin, të cilit iu bashkua edhe presidenti Al Khelaifi. Por nëse PSG po përgatitet për gjysmëfinalen me Real Madridin, kontrata e portierit që skadon në vitin 2026 me francezët mbetet ende pezull: “Po flasim me njëri-tjetrin – përfundon Raiola -, një negociatë kaq e gjatë nuk është e pazakontë sepse po flasim për portierin më të fortë në Evropë”Top Channel
-
Thuajse gjysma e brezit Z do donte që rrjetet sociale të mos ekzistonin
Për të nxjerrë në pah kontrastin mes varësisë dhe dëshirës për distancim, hidhini një sy të dhënave kryesore nga sondazhi i Harris Poll mes 1?006 anëtarëve të brezit Z (18–27 vjeç):
Përqindja që do donte asnjë rrjet social
40% e të anketuarve thanë se do preferonin që rrjetet sociale të mos ekzistonin fare.
Platformat më të padëshiruara
47% – TikTok
43% – Snapchat
50% – X (ish?Twitter)Koha mesatare e përdorimit ditor
47% e Gen?Z përdorin rrjetet sociale 2–4 orë në ditë
38% kalojnë mbi 4 orë çdo ditë onlinePerceptimi i varësisë
82% i konsiderojnë platformat “varëse”, duke e lidhur këtë me ankthin dhe uljen e vetëvlerësimit.
Hapat konkretë për pakësim të përdorimit
32% synojnë të përdorin gjithnjë e më pak rrjetet sociale
83% kanë ndërmarrë veprime si fshirja e aplikacioneve ose “unfollow” për t’u çliruar nga varësiaArsyet kryesore të pakënaqësisë
Ndikimi negativ në shëndetin mendor: krahasime të vazhdueshme me të tjerët, FOMO (fear of missing out)
Mbipopullim i përmbajtjes së panevojshme dhe reklamat e tepërta
Presioni për të krijuar imazhe të përsosura dhe për të mbajtur “engagement”Paradoxet e Gen?Z
Megjithë dëshirën për ta fshirë rrjetin, përdorimi i përditshëm mbetet i lartë – një mostrë e vështirësisë për t’u çliruar nga makina e algoritmeve.
Ndikimet afatgjata
Rritje e ndërgjegjësimit për kufizime personale: pothuajse gjysma prej tyre po mësojnë të vendosin ora “offline” dhe “digital detox”
Përqafimi i platformave alternative private (Slack, Discord) për lidhje komunitare pa presionin e “likes”Rezultatet zbulojnë një gjendje ambivalente: Gen?Z e do rrjetin social për lidhjet dhe mundësitë që sjell, por e urren varësinë dhe presionin që krijon. Kjo tregon nevojën për s?njifikime të reja –që rrjetet të jenë mjete, jo burim stresi– dhe për një etikë digjitale që mbron mirëqenien psikologjike.
-
“Ajo tha se donte një familje tjetër”, fet komshiu që mbrojti 12-vjeçaren nga babai abuzues
Bahri Mblloshmi, personi që gjeti i pari 12-vjeçaren e abuzuar nga babai i saj në fshatin Sheqisht të Fierit tregoi në një intervistë për Euronews Albania, se se mitura kishte hyrë në oborrin e shtëpisë së tij në orët e para të mëngjesit.
Ai tha se e mitura ishte e trembur dhe i kishte rrëfyer se nuk donte të kthehej më në shtëpinë e saj dhe se donte të kishte një familje tjetër.
“Ishte ora 6:00 kur në ballkon shoh një fëmijë. E pyeta se kush ishte më tha unë u hodha nga dritarja. E pyet je çun? Jam vajzë, më tha. Kush të ka qethur? Babi. Nuk dua të iki më në shtëpi, dua një familje tjetër. Thirra nuset e djemve. E pashë ishte e trembur, në fillim mendova mos… Më pyeti cilën ke vajzë nga këto? Të dyja thashë. Sa baba i mirë, më tha. Thoshte vazhdimisht nuk dua të shkoj në shtëpi. Iu thashë ta mbanin vajzën dhe shkova te kryetari i fshatit, thashë është e trembur. Policia erdhi vonë, po e kërkonin se kishte denoncuar i ati”, tregoi ai.
Gjykata e Shkallës së Parë të Rrethit Gjyqësor Fier ka caktuar masën e sigurisë “arrest me burg” për 36-vjeçarin Zamir Meta, i cili dyshohet se ka abuzuar seksualisht me vajzën e tij të mitur të moshës 12-vjeçare.
I dyshuari mbërriti në ambientet e gjykatës rreth orës 10:00, me kokën ulur, ndërsa seanca u zhvillua me pjesëmarrjen e prokurorit Genci Mane, gjyqtarit Nertil Dushku dhe një avokati të caktuar kryesisht. Gjatë dëshmisë së tij para trupit gjykues, Meta ka qëndruar i përulur dhe ka pranuar aktin e rëndë.
Në deklarimet e dhëna më parë në polici, ai ka pohuar se abuzimi ka ndodhur “vetëm një herë”, por ekspertiza mjeko-ligjore ka konfirmuar marrëdhënie të përsëritura me vajzën, duke përforcuar dyshimet për një abuzim sistematik.Në një prononcim për mediat, nëna e vajzës ka deklaruar se nuk ka qenë në dijeni të ngjarjes dhe e ka mësuar gjithçka vetëm pas denoncimit të së bijës në polici. Ajo kërkoi dënim maksimal për bashkëshortin, duke theksuar se vajza kishte shfaqur sjellje të pazakonta, por nuk kishte rrëfyer më herët për përjetimet e saj.
Hetimet vijojnë për zbardhjen e plotë të kësaj ngjarjeje tronditëse që ka shkaktuar reagim të fortë në opinionin publik. -
Humbi betejën me sëmundjen e rëndë, ndërron jetë në moshën 56-vjeçare aktori i njohur australian
Aktori australian Julian McMahon, i njohur për rolet e tij në serialet “Nip/Tuck” dhe “Charmed”, ka ndërruar jetë në moshën 56-vjeçare.
Gruaja e tij tha se aktori ndërroi jetë në Clearwater të Floridës, të mërkurën. Ai ishte diagnostikuar me kancer dhe fatkeqësisht e humbi betejën me sëmundjen e rëndë.
“Julian e donte jetën. Ai e donte familjen e tij. Ai i donte miqtë e tij. Ai e donte punën e tij dhe i donte fansat e tij. Dëshira e tij më e madhe ishte të sillte gëzim në sa më shumë persona”, tha Kelly Paniagua në një deklaratë.Karriera e McMahon mori hov me serialin televiziv “Charmed” përpara se ai të fitonte njohje më të gjerë me “Nip/Tuck”, dramën mjekësore në të cilën ai luajti rolin e kirurgut plastik Dr. Christian Troy.
McMahon gjithashtu luajti rolin e Doctor Doom në dy filma të Fantastic Four në 2005 dhe 2007 dhe më vonë u shfaq në tre sezone të FBI: Most Wanted./vizionplus.tv -
Suge Knight rrëfen: Tupac nuk donte të jetonte më, i kërkoi nënës ta ndihmonte të vdiste
Në një rrëfim për People, Suge Knight, ish-drejtuesi i labelit “Death Row Records” dhe miku i ngushtë i Tupac Shakur, ka ndarë detaje të papublikuara më parë nga momentet e fundit të jetës së reperit legjendar.
Knight, që ndodhej në timonin e makinës natën e sulmit në Las Vegas më 1996, tregon se fillimisht Tupac ishte i vetëdijshëm, fliste dhe bënte shaka në spital, pavarësisht plagëve të rënda. “Më kërkoi cigare hashashi. Madje donte edhe Hennessy. I thoshim njëri-tjetrit ‘Të dua’, si dy vëllezër,” rrëfen ai.
Por atmosfera ndryshoi. Tupac filloi të ndjente peshën e gjithçkaje: atentati, rrahja në MGM, frika se do të përfundonte sërish në burg. Sipas Knight, ai ishte i vendosur: “Do të vdes para se të kthehem prapë aty. Më qëllo.”
Vetëvrasjen nuk e shihte si zgjidhje, pasi besonte se do ta largonte nga parajsa. Në vend të kësaj, sipas Knight, Tupac iu drejtua të vetmes që mund të merrte një vendim të tillë, nënës së tij, Afeni Shakur.
Ai i bëri asaj një lutje të fundit: ta ndihmonte të vdiste. Knight pohon se Afeni ia plotësoi dëshirën dhe i dha pilula, një akt që ai e përshkruan si “tragjik, por plot mëshirë”.
Familjarët e Tupac nuk janë prononcuar lidhur me këto pretendime. Por rrëfimi i Knight shton një tjetër shtresë emocionale në historinë e ndërlikuar dhe të dhimbshme të Tupac Shakur. -
“Rinumërimi u bë si donte KQZ dhe jo si donim ne”, Alimehmeti i pakënaqur: Nuk u morën parasysh videot si provë
Ilir Alimehmeti nuk është i kënaqur as me procesin e rinumërimit të votave në qarkun e Tiranës, edhe përse ishte një nga kërkuesit që kjo gjë të realizohej në kuadër të transparencës.
I ftuar në një emision televziziv, Alimehmeti u shpreh se KQZ e bëri rinumërimin si donte vetë dhe nuk pranoi të merrte për bazë videot e saj, nga të cilat ai në cilësinë e kandidatit bëri dhe kërkesën për rivlerësim.
“Rinumërimi si u bë nga KQZ dhe si u vendos nga KAS nuk u bë si kërkuam ne. Kërkesa ime u hodh poshtë nga KAS dhe Kolegji, duhet të pyesni këto organe se përse. Nuk kanë dashur qëllimisht të shihen videot pasi atyre zbulohet çfarë është bërë. Bëhet fjalë për kamerat e KQZ dhe ajo nuk dëshiroi të hapte videot, por kutitë.
Videot i hodhi poshtë dhe pranoi kërkesën e subjektit politik. Ishim të qartë që nuk do të prodhonin gjë. KQZ nuk hyri në rrënjën e manipulimit, nuk shkoi te videoja. Ne ia kishim ofruar si kampion dhe nuk pranuan. Ata bën çfarë deshën vetë dhe jo çfarë kërkuam ne. Baza e provës përbëhet nga video e KQZ, ne atë kemi parë. Nëse këtë video nuk e përdor më, atëherë nënkupton që po mbron manipulimin”, tha Alimehmeti.
-
Ku shkojnë ambiciet e Putinit? SHBA dhe BE të ndarë për të ardhmen e Ukrainës
Shtetet e Bashkuara dhe Bashkimi Europian nuk janë akoma të qartë për ambiciet e Vladimir Putin në Ukrainë. Vetëm në Samitin e NATO-s në Hagë, Presidenti Shteteve të Bashkuara e ka më të qartë se ambiciet e Putin shtrihen përtej Ukrainës. Por ai këmbënguli se udhëheqësi rus – i goditur nga humbjet në fuqi njerëzore dhe materiale – donte që lufta të përfundonte shpejt. “Unë e di një gjë: Ai do të donte të zgjidhte çështjen,” tha Trump. “Ai do të donte të dilte nga kjo situatë. Është një rrëmujë për të.”
Një zyrtar i lartë i NATO-s u tha gazetarëve në një konferencë të martën se Putini në fakt nuk ishte i interesuar për një armëpushim – ose për t’u angazhuar fare në bisedime me mirëbesim. “Pavarësisht nga dinamika e fushës së betejës, ne vazhdojmë të dyshojmë se Rusia ka ndonjë interes në negociata kuptimplote”, tha zyrtari, citon Reuters. Ambiciet e Rusisë, tha zyrtari i lartë, shkojnë përtej kontrollit të “territoreve të caktuara në linjat e tyre administrative”, siç e tha Rubio. Putini është në vend të kësaj i vendosur të imponojë “vullnetin e tij politik” mbi shtetet fqinje.
Megjithatë, si kontribuesi më i madh dhe anëtari më i fuqishëm i aleancës, pozicioni i Uashingtonit është një shqetësim qendror në shumicën e kryeqyteteve të NATO-s. Shtëpia e Bardhë, e pyetur për koment, iu referua komenteve të Trump në konferencën për shtyp të së mërkurës. Në përgjigje të një kërkese për koment, një zyrtar i veçantë i NATO-s, duke folur gjithashtu në kushte anonimiteti, kundërshtoi faktin se kishte vlerësime të ndryshme brenda aleancës, duke iu referuar një deklarate të NATO-s e cila i referohej “kërcënimit afatgjatë të paraqitur nga Rusia”.
Mungesa e një mirëkuptimi të përbashkët rreth qëllimeve të Putinit do të ndërlikojë planet e ardhshme diplomatike për të përfunduar luftën, theksojnë ekspertët e sigurisë dhe diplomatë të lartë për Reuters.