Lajmidites.com

Tag: donte

  • Asistenti tregon sekretin: “Pirlo nuk e donte Ronaldon te Juventusi, por…”

    Asistenti tregon sekretin: “Pirlo nuk e donte Ronaldon te Juventusi, por…”

    16 Tetor 2025

    15:18

    Telesport

    Andrea Pirlo ka pasur probleme me Cristiano Ronaldon gjatë sezonit 2020/2021. Tekniku italian nuk e donte në ekip.
    Lajmin e ka zbuluar asistenti i atëhershëm i Pirtlos, Alparslan Erdem, duke folur për një podcast gjerman. Problemi ishte taktik dhe jo për arsye private.

    “Bëmë një analizë dhe analisti na dha disa të dhëna. Sipas tyre, kuptuam një gjë që ishte e qartë: Pirlo nuk e pëlqente Dybalën dhe Cristiano nuk i përshtatej aspak stilit të tij të lojës. Pirlo donte të ushtronte presion lart në fushë, ndërsa të dhënat tregonin se Cristiano ishte më i dobëti në vrapime. Ai nuk e donte, por nuk kishte çfarë të bënte”.
    “Pirlo e pëlqente shumë Moratën, që ishte lojtari perfekt për sistemin e tij. Skema e Pirlos nuk mund ta përballonte Ronaldon, por ai thjesht nuk mund të bënte dot gjë”, ka deklaruar Erdem.

  • Reja zbulon prapaskenat e bujshme: Asllani donte Italinë, ndërsa Mitaj preferonte Greqinë

    Reja zbulon prapaskenat e bujshme: Asllani donte Italinë, ndërsa Mitaj preferonte Greqinë

    Ish-trajneri i kombëtares shqiptare, Edy Reja, ka folur hapur për suksesin aktual të kuqezinjve dhe për rolin që ai ka pasur në ndërtimin e skuadrës, që sot po shkruan histori. Shqipëria është shumë pranë një arritjeje madhore, sigurimit të “play off”-it të Botërorit 2026, pas fitores madhështore në Serbi me rezultatin 1-0.
    Në një intervistë për “Klan News”, Reja ka analizuar momentin e artë të kombëtares sonë, duke zbuluar edhe disa prapaskena interesante rreth lojtarëve kyç të saj. Veterani italian theksoi se baza e kësaj skuadre është formuar që në periudhën e tij:
    “Nuk ka lojtarë të rinj në këtë kombëtare. Ishin të gjithë më mua. Kush janë ata që kanë thënë se Sylvinho ka sjellë lojtarë të rinj? Asani ishte zbulim i ri, Shehu dhe Hoxha që luan te Dinamo Zagreb?! Këto ishin lojtarë të rinj kur drejtoja unë, kam nxjerrë 50 lojtarë te Shqipëria”.

    Megjithatë, Reja e ka bërë të qartë se e respekton punën e pasardhësit të tij: “Kam respekt për Sylvinhon dhe nuk dua që puna e tij të mos duket. Pas periudhës sime, ka siguruar rritjen maksimale të skuadrës. Ka meritë të jashtëzakonshme, por të gjithë janë lojtarët e mi. Nuk është aspak e vërtetë që janë lojtarë të rinj”.
    Reja ka zbuluar edhe dy episode vendimtare që mund të kishin ndryshuar fatin e kombëtares sonë, për Kristjan Asllanin dhe Mario Mitajn: “Asllanin gjithashtu e mora unë, edhe pse ishte pranë kalimit tek Italia. Fola me menaxherin e tij dhe e binda të vinte te Shqipëria. Punova një vit që të vinte.
    “Mitaj, gjithashtu, donte të shkonte te Greqia. Fola me babain e tij, ai preferonte Greqinë. Një meritë i shkon grupit të punës, që e bindëm. Tani të gjithë janë të pjekur dhe po luajnë mirë për skuadrat e tyre”.
    Deklaratat e Rejës tregojnë krenarinë e një trajneri që e ndjen veten ende pjesë të kësaj kombëtare. Një skuadër që e ndihmoi të formësohej dhe sot po shkon drejt një tjetër faqeje historike për futbollin shqiptar.

  • Szczesny: Kthimi im në fushë? Këmbënguli gruaja ime, ndoshta donte të më hiqte qafe…

    Szczesny: Kthimi im në fushë? Këmbënguli gruaja ime, ndoshta donte të më hiqte qafe…

    Wojciech Szczęsny, në një intervistë për “TVP Sport”, rrëfeu me humor arsyet e rikthimit të tij të papritur në fushë, 3 muaj pasi kishte zyrtarizuar “pensionimin”, duke zbuluar se vendimin për të nënshkruar me Barcelonën e nxiti kryesisht gruaja e tij: “Akoma nuk e di nëse gruaja e bëri sepse e pa si një mundësi të madhe për mua, apo thjesht donte të lirohej nga unë në shtëpi…”
    Pas tërheqjes nga futbolli, Szczęsny po përqendrohej te familja. Si baba i dy fëmijëve, Liam dhe Noelia, ai tha: “Të jesh baba është sfida më e vështirë, por edhe më e bukura që kam përjetuar. Nuk e di sa mirë po ia dal, duhet të pyesni gruan dhe fëmijët, por kjo është ‘ndeshja’ që më sjell më shumë kënaqësi”.
    Megjithatë, ishte gruaja e tij Marina që e shtyu të rikthehej: “Nuk doja më të luaja, po përgatitesha të isha baba me kohë të plotë. Marina insistoi. Në fund ia doli, jam shumë mirënjohës ndaj saj”. Me humor dhe përzemërsi, Szczęsny tregoi anën më personale të rikthimit, që surprizoi shumë, por tani e gjen veten duke mbrojtur portën e Barcelonës me të njëjtin pasion dhe vendosmëri si gjithmonë.

  • ”Donte të më për**unonte”, flet 24-vjeçari që vr*u shokun. E kishte thirrur për birrë në banesë

    ”Donte të më për**unonte”, flet 24-vjeçari që vr*u shokun. E kishte thirrur për birrë në banesë

    24-vjeçari Teilor Tivari i cili është arrestuar si autor i vrasjes së 51-vjeçarit Valbon Beqiri, ka folur para efektivëve blu. Sipas dëshmisë paraprake, ai ka thënë se viktima tentoi ta përdhunonte.
    Tivari është shprehur se në përpjekje për të shpëtuar, ai e goditi me thikën e bukës dhe më pas u largua i panikosur nga banesa, duke mos ditur që e kishte lënë të vdekur.

    “Donte të më përdhunonte. Unë mora thikën e bukës dhe e qëllova, nuk e dija që do vdiste. Unë doja të largohesha pasi konsumuan një birrë, Valbon Beqiri nuk më linte”, mësohet të ketë thënë ai përpara grupit hetimor të Policisë së Durrësit.

    Por policia, në njoftimin zyrtar për ngjarjen, thotë se Teilor Tivari kishte shkuar në banesën e Valbon Beqirit për të blerë lëndë narkotike. Ai u arrestua së bashku me bashkëpunëtorin që e ndihmoi të largohej nga vendngjarja.

  • Kush e donte “kokën” e Veliajt? Avokati zbulon prapaskenat: Nesti Angoni është i PS, Rama nuk ka…

    Kush e donte “kokën” e Veliajt? Avokati zbulon prapaskenat: Nesti Angoni është i PS, Rama nuk ka…

    Kush e donte kokën e Veliajt?”, kjo ishte një tjetër pyetje që u bë këtë të martë në një emision televiziv.
    I ftuar në studio, avokati Ervin Karanxha tha se dikush brenda PS-së, duke theksuar se Nesti Angoni personi qe e ka denoncuar vjen nga radhët e socialistëve, pasi dinte çdo lëvizje të klryebashkiakut të Tiranës.
    Por për gazetarin Arbër Hitaj këto janë teori konspiracioni, pasi Rama në asnjë moment nuk është ndier i rrezikuar.
    Pjesë nga biseda:
    Borakaj: Kush e donte “kokën” e Veliajt, përveç opozitës, a kishte njerëz kundër tij brenda PS?
    Hitaj: Edhe mund të ketë patur, por unë se besoj. Zoti Rama nuk ka qenë asnjëherë i dobët. Rama në të gjitha sondazhet ka qenë fitues, edhe në këto zgjedhje ka qenë konstante. Nëse ka patur tentativa për t’i zënë vendin, ëhstë naivitet politik.
    Gjokutaj: Erjon Veliaj me Fatmir Xhafën i hapte problem Ramës.
    Hitaj: Si i kapte me herësin? Xhafa e theu prapë herësin, pa Veliajn fitoi.
    Borakaj: Përmende Ramën po a kishte të tjerë?
    Hitaj: Nuk ka. Se Zoti Rama me atë që bëri, me tre mandate për Bashkinë, Zoti Veliaj do të ishte pa punë në 2027.
    Borakaj: Mund të ishte ministër.
    Hitaj: Po mund të ishte ministër, por nën urdharat e Ramës. Prandaj them që zoti Rama nuk ka qenë asnjëherë i dobët.
    Gjokutaj: Xhentile Maradonës i fuste shkelmin pa e kapur topin Maradona.
    Hitaj: Është njësoj si të themi që zotit Berisha duam t’i zënë vendin, nuk ja zënë dot vendin.
    Borakaj: Karanxha, kush e donte kokën e Veliajt?
    Karanxha: Për mendimin tim nesti Angloni është i PS-së. Dinte çdo gjë. I gjithë diskutimi është a ishte burrë apo grua.
    Borakaj: Ti si dyshon?
    Karanxha: Me daljen e ligjit të ri mund të jetë i tretë, mendoj se është grua.
    Borakaj: Për kë dyshon?
    Karanxha: Këto me flokë të gjata.

  • Kush e donte “kokën” e Veliajt? Avokati: Nesti Angoni është i PS. Hitaj: Rama nuk ka rivalë brenda partisë

    Kush e donte “kokën” e Veliajt? Avokati: Nesti Angoni është i PS. Hitaj: Rama nuk ka rivalë brenda partisë

    “Kush e donte kokën e Veliajt?”, kjo ishte një tjetër pyetje që u bë këtë të martë në studion e Quo Vadis të moderatores Pranvera Borakaj.
    I ftuar në studio, avokati Ervin Karanxha tha se dikush brenda PS-së, duke theksuar se Nesti Angoni personi qe e ka denoncuar vjen nga radhët e socialistëve, pasi dinte çdo lëvizje të klryebashkiakut të Tiranës.
    Por për gazetarin Arbër Hitaj këto janë teori konspiracioni, pasi Rama në asnjë moment nuk është ndier i rrezikuar.

    Pjesë nga biseda:
    Borakaj: Kush e  donte “kokën” e Veliajt, përveç opozitës, a kishte njerëz kundër tij brenda PS?
    Hitaj: Edhe mund të ketë patur, por unë se besoj. Zoti Rama nuk ka qenë asnjëherë i dobët. Rama në të gjitha sondazhet ka qenë fitues, edhe në këto zgjedhje ka qenë konstante. Nëse ka patur tentativa për t’i zënë vendin, ëhstë naivitet politik.
    Gjokutaj: Erjon Veliaj me Fatmir Xhafën i hapte problem Ramës.
    Hitaj: Si i kapte me herësin? Xhafa e theu prapë herësin, pa Veliajn fitoi.
    Borakaj: Përmende Ramën po a kishte të tjerë?
    Hitaj: Nuk ka. Se Zoti Rama me atë që bëri, me tre mandate për Bashkinë, Zoti Veliaj do të ishte pa punë në 2027.
    Borakaj: Mund të ishte ministër.
    Hitaj: Po mund të ishte ministër, por nën urdharat e Ramës. Prandaj them që zoti Rama nuk ka qenë asnjëherë i dobët.
    Gjokutaj: Xhentile Maradonës i fuste shkelmin pa e kapur topin Maradona.
    Hitaj: Është njësoj si të themi që zotit Berisha duam t’i zënë vendin, nuk ja zënë dot vendin.
    Borakaj: Karanxha, kush e donte kokën e Veliajt?
    Karanxha: Për mendimin tim nesti Angloni është i PS-së. Dinte çdo gjë. I gjithë diskutimi është a ishte burrë apo grua.
    Borakaj: Ti si dyshon?
    Karanxha: Me daljen e ligjit të ri mund të jetë i tretë, mendoj se është grua.
    Borakaj: Për kë dyshon?
    Karanxha: Këto me flokë të gjata.

  • Sali Berisha: Altin Dumani donte mandat të dytë në krye të SPAK-ut

    Sali Berisha: Altin Dumani donte mandat të dytë në krye të SPAK-ut

    I ftuar në emisionin Opinion në Tv Klan, kryetari i Partisë Demokratike Sali Berisha, ka akuzuar kreun e SPAK-ut Altin Dumani se ka bërë përpjekje për të zgjatur mandatin e tij në krye të institucionit të lartë të akuzës në vend.
    Pjesë nga biseda në studio
    Sali Berisha: Veliaj paratë që ka vjedhur me Edi Ramën i ka të amnistuara nga Altin Troplini. Për çfarë është Veliaj në burg? Për djegësin e Tiranës,
    Blendi Fevziu: Jo nuk është për atë
    Berisha: Altin Troplini, ky pengmarrës pa ligj dhe moral. Pse i fali ai këta?
    Fevziu: Kë fali?
    Berisha: Edi Ramën, Olsi Ramën, Lubi Ballukun. I fali se donte mandat të dytë.
    Fevziu: Nuk ka mandat të dytë, është hapur gara
    Berisha: Kush e deklaroi? E deklaroi përfaqësuesja e SHBA-ve. Gjatë dy viteve jam detyruar ta denoncoj të paktën 10 herë për përpjekjen e tij puçiste për të ndryshuar mandatin e tij. Kapte Ulsi Manjën…Po po, i thoshte Ulsiu, më duhet një çantë LV.
    Fevziu: Çfarë e donte çantën ai? Nuk është grua
    Berisha: E di se dhurohen ato… LV I thotë Ulsi Manja….
    Në një moment, Berisha shprehet për Dumanin: “I mori peng këta që të zgjasë mandatin”

  • Kur Robert Redford do bënte daljen e fundit publike

    Kur Robert Redford do bënte daljen e fundit publike

    Në paraqitjet e tij të fundit publike, Robert Redford mori pjesë në evente që lidheshin me atë që ai e donte më shumë, mbrojtjen e mjedisit. Pothuajse katër vjet para vdekjes së tij, aktori ishte me gruan e tij, Sybille Zagars, në Çmimet e Fondacionit Princi Albert II të Monakos në Forumin Grimaldi.

    Atje, çifti u fotografua në ceremoninë vjetore që nderon personalitete dhe organizata me veprime të rëndësishme për të shpëtuar planetin. Aktori fitues i çmimit Oscar mbante veshur një kostum të bardhë me çizme ngjyrë kafe. Robert Redford u nderua me një çmim special nga Fondacioni në vitin 2019, në njohje të shumë viteve të tij të aktivizmit.

    Aktori dhe regjisori ishte një avokat pionier për çështjet mjedisore, të drejtat e amerikanëve vendas dhe artet. Në vitin 2005, ai dhe djali i tij i ndjerë, James Redford, themeluan Qendrën Redford, një organizatë e pavarur jofitimprurëse e dedikuar ekskluzivisht për prodhimin e filmave me ndikim mjedisor.
    Lajmi për vdekjen e Robert Redford u njoftua të martën. Një zëdhënës i familjes së tij tha: “Robert Redford ndërroi jetë më 16 shtator 2025, në shtëpinë e tij në Sundance, në malet e Utah, vendi që ai e donte, i rrethuar nga njerëzit që ai i donte. Ai do të na mungojë shumë. Familja kërkon privatësi.” Sipas New York Times, aktori vdiq në gjumë në moshën 89 vjeç. Shkaku i saktë i vdekjes nuk është bërë i ditur.

    Robert Redford lë pas gruan e tij, Sybil Zagars, dy vajza dhe shtatë nipër e mbesa nga martesa e tij e parë me Lola van Wagenen. Me Van Wagenen, me të cilën ishte i martuar nga viti 1958 deri në vitin 1985, ai pati edhe dy djem, Scott, i cili vdiq papritur në moshën dy muajshe, dhe James, i cili ndërroi jetë në vitin 2020 pas një beteje me kancerin e mëlçisë.

    Karriera e tij filloi në vitin 1959 me debutimin e tij në skenë në Broadway në shfaqjen “Tall Story”. Një vit më vonë, adaptimi filmik i së njëjtës shfaqje u bë filmi i tij i parë. Pasoi një karrierë gjashtëdekadëshe me role kryesore, suksese në regji dhe çmime, duke e vendosur atë si një nga aktorët dhe krijuesit më të rëndësishëm të Hollivudit.

    Në vitin 2018, ai njoftoi tërheqjen e tij nga aktrimi, megjithëse më vonë e quajti deklaratën e tij një “gabim”, duke pranuar se nuk duhej ta kishte thënë. Megjithatë, në mars të vitit 2025, ai bëri paraqitjen e tij të parë në ekran pas gjashtë vitesh, me një rol të shkurtër në serialin “Dark Winds”. /tesheshi.com/

  • Ndahet nga jeta aktori dhe regjisori i njohur, Robert Redford

    Ndahet nga jeta aktori dhe regjisori i njohur, Robert Redford

    Robert Redford, djali i artë i Hollivudit që u bë regjisor fitues i çmimit Oscar, aktivist liberal dhe kumbar i kinemasë së pavarur nën emrin e njërit prej personazheve të tij më të dashur, vdiq të martën në moshën 89-vjeç.

    Redford vdiq “në shtëpinë e tij në Sundance në malet e Utah-ut – vendi që ai e donte, i rrethuar nga ata që i donte”, tha publicistja Cindi Berger në një deklaratë. Nuk u dha asnjë shkak vdekjeje, raporton AP.

    Pasi u bë yll në vitet 1960, Redford ishte një nga yjet më të mëdhenj të viteve ’70 me filma të tillë si “The Candidate”, “All the President’s Men” dhe “The Way We Were”, duke e mbyllur atë dekadë me çmimin Oscar për regjisorin më të mirë për filmin e viteve 1980 “Ordinary People”, i cili fitoi gjithashtu çmimin për filmin më të mirë në vitin 1980. Flokët e tij të valëzuara bionde dhe buzëqeshja djaloshare e bënë atë më të dëshiruarin nga aktorët kryesorë, por ai punoi shumë për të tejkaluar pamjen e tij – qoftë përmes avokimit të tij politik, gatishmërisë së tij për të marrë role jo tërheqëse apo përkushtimit të tij për të ofruar një platformë për filma me buxhet të ulët.

    ObserverKult

    Lexo edhe:

    TEORIA E DIJES E IMMANUEL KANTIT: NJË RRUGË MES SKEPTICIZMIT DHE REALIZMIT

  • Gjyqi në Hagë, Rubin: Thaçi donte demokraci, fjalët që thoshte i kthente në veprime

    Gjyqi në Hagë, Rubin: Thaçi donte demokraci, fjalët që thoshte i kthente në veprime

    Kosova E Martë, 16 Shtator 2025 14:07
    Ish-diplomati amerikan, James Rubin është pyetur nga gjykatësi nëse i ka besuar ish-presidentit, Hashim Thaçi kur i tha se donte demokraci dhe bashkëjetesë krahas serbëve në Kosovë. Rubin tha se Thaçi thoshte atë që amerikanët donin të dëgjonin, dhe sipas tij, fjalët i kthente në veprime gjatë viteve.
    “Ai donte një marrëveshje dhe donte demokraci, edhe pse fliste me një gjuhë më komuniste në atë kohë, ishte përmes përkthimit pra pak e vështirë të bëhet vlerësim i saj.

    Sa i takon bashkëjetesës, shqiptarët e Kosovës kishin jetuar në një regjim shtypës për dekada të tëra, me mijëra ishin vrarë dhe e dija që ai po thoshte atë që ne donim të dëgjonim.

    E besova këtë. Të jem i sinqertë i kam besuar gjithnjë e më shumë me kalimin e viteve sepse tregoi se fjalët që thoshte i kthente në veprime, nuk kam dyshuar në të. U binda gjithnjë e më shumë për sinqeritetin e deklaratave të tija me kalimin e kohës”, tha ai.