Lajmidites.com

Tag: dollarësh

  • ‘1 milionë dollarë’, Trump prezanton kartën e re për të hyrë në SHBA

    ‘1 milionë dollarë’, Trump prezanton kartën e re për të hyrë në SHBA

    NEW YORK –Të pasurit do të kenë dyer të hapura në SHBA. Presidenti i Shteteve të Bashkuara, Donald Trump, prezantoi versionin e ri të shumëpërfolur të “Gold card”, një pasaporte hyrjeje e shpejtë me vlerë një milion dollarë, që i mundëson qytetarëve të huaj të pasur të jetojnë dhe punojnë në SHBA.

    Sekretari i Tregtisë, Howard Lutnick, i cili ishte i pranishëm në Zyrën Ovale me Trump kur u prezantua, e përshkroi programin e vizave si një mënyrë për të rritur investimet dhe të ardhurat. Lutnick tha se kjo lëvizje e re për emigracion mund të gjenerojë 100 miliardë dollarë, shifër që Trump sugjeroi se mund të përdoret për uljen e taksave dhe zvogëlimin e borxhit publik.

    “Nga tani e tutje – njoftoi ai – do të mirëpresim vetëm njerëz të jashtëzakonshëm në nivelet e larta, dhe jo ata që kërkojnë të marrin punë nga amerikanët.”

    Trump nuk ka sqaruar nëse gold card do të zëvendësojë vizën aktuale EB-5, atë për investitorët, që prej kohësh përdoret si rrugë për të pasurit me një investim prej 800 mijë dollarësh. Ekspertët ligjorë dhe avokatët e emigracionit vënë në dukje se presidenti nuk mund të krijojë një kategori të re vize pa miratimin e Kongresit. Gjithashtu, kjo mund të shkaktojë padi nga ata që ndihen të injoruar në procedurat e zakonshme.

    Kjo është lëvizja e fundit e administratës për të rritur të ardhurat e Thesarit. Që nga fillimi i mandatit, Trump ka mbledhur miliarda përmes tarifave të reja, të paguara nga kompanitë që operojnë në SHBA, ka blerë një pjesë të aksioneve në Intel, ka kërkuar 15% të të ardhurave të Nvidia nga shitja e çipave në Kinë dhe ka lënë të kuptohet se shteti duhet të marrë një pjesë të të ardhurave nga patentat universitare.

    Ndërkohë një tjetër lloj vize – “Trump Platinum Card” – mund të jetë së shpejti e disponueshme. Sipas faqes zyrtare të qeverisë, kjo do të kushtonte 5 milionë dollarë dhe do t’u lejonte mbajtësve të qëndronin deri në 270 ditë në SHBA pa paguar. Megjithatë, Trump nuk e ka përmendur.

    Presidenti gjithashtu njoftoi vendosjen e një takse prej 100 mijë dollarësh për vizat H-1B, të destinuara për punëtorë të huaj me specializim të lartë, veçanërisht në sektorin e teknologjisë. India është vendi që ka përfituar më shumë nga kjo mundësi, ndërsa Kina renditet e dyta. Idetë për taksën prej 100 mijë dollarësh do të rëndojnë mbi kompanitë, por Trump ka deklaruar se Big Tech “do të jenë shumë të kënaqur”.

    Gold card vjen në një kohë kur qeveria ka intensifikuar masat kundër emigrantëve, më pak të pasur, të paligjshëm dhe atyre që kanë hyrë nëpër programe speciale si Statusi i Përkohshëm i Mbrojtur dhe lejet humanitare. /Marre nga La Repubblica/

  • Viza për punonjësit e kualifikuar, Trump shton një tarifë prej 100.000 dollarësh për aplikantët!

    Viza për punonjësit e kualifikuar, Trump shton një tarifë prej 100.000 dollarësh për aplikantët!

    Bota E Shtunë, 20 Shtator 2025 10:15
    Presidenti i SHBA-së, Donald Trump, ka nënshkruar një urdhër ekzekutiv që do të shtojë një tarifë prej 100,000 dollarësh për aplikantët në programin e vizave H-1B për punëtorët e huaj të kualifikuar.
    Proklamata do të kufizojë hyrjen nëse nuk bëhet pagesa. Kritikët kanë argumentuar prej kohësh se H-1B-të e minojnë fuqinë punëtore amerikane, ndërsa mbështetësit, përfshirë miliarderin Elon Musk, argumentojnë se kjo i lejon SHBA-së të tërheqë talentet më të mira nga e gjithë bota.

    Në një urdhër tjetër, Trump krijoi një “kartë të artë” të re për të përshpejtuar vizat për disa emigrantë në këmbim të tarifave që fillonin nga 1 milion paund.

    Të premten, presidentit amerikan në Zyrën Ovale iu bashkua edhe Sekretari i Tregtisë i SHBA-së, Howard Lutnick.

    “100 mijë dollarë në vit për vizat H1-B, dhe të gjitha kompanitë e mëdha janë dakord”, tha ai. “Ne kemi folur me ta. Nëse do të trajnosh dikë, do të trajnosh një nga të diplomuarit e fundit nga një prej universiteteve më të mëdha në të gjithë vendin tonë. Trajnoni amerikanët. Mos sillni më njerëz për të na zënë vendet e punës.”
    Që nga viti 2004, numri i aplikimeve për vizë H-1B është kufizuar në 85,000 në vit.
    Deri më tani, vizat H-1B kanë pasur tarifa të ndryshme administrative që arrijnë në total rreth 1,500 dollarë.

  • Urdhëri i ri në SHBA/ Trump vendos tarifën prej 100,000 dollarësh në vit për vizat e punëtorëve të huaj

    Urdhëri i ri në SHBA/ Trump vendos tarifën prej 100,000 dollarësh në vit për vizat e punëtorëve të huaj

    Donald Trump

    SHBA- Presidenti i Shteteve të Bashkuara, Donald Trump, ka nënshkruar një vendim që kërkon një tarifë prej 100,000 dollarësh në vit për kompanitë që kërkojnë të sponsorizojnë viza pune H-1B. Trump nënshkroi urdhrin të premten, ndërsa prezantoi edhe një vizë të veçantë “kartë ari” për individët që mund të përballojnë të paguajnë 1 milion dollarë për qëndrim të përhershëm në SHBA.
    “Gjëja kryesore është se do të kemi njerëz të shkëlqyer që do të vijnë dhe ata do të paguajnë”, u tha ai gazetarëve në Shtëpinë e Bardhë.
    Vizat H-1B u lejojnë kompanive të sponsorizojnë punëtorë të huaj me aftësi të specializuara, siç janë shkencëtarët, inxhinierët dhe programuesit e kompjuterave, për të punuar në SHBA, fillimisht për tre vjet, por me mundësi zgjatjeje deri në gjashtë vjet. Zyrtarët e administratës thanë se ndryshimi në programin H-1B do të siguronte që kompanitë do të sponsorizonin vetëm punëtorët me aftësitë më të rralla.
    “Nëse do të trajnoni dikë, do të trajnoni një nga të diplomuarit e fundit nga një prej universiteteve të mëdha në të gjithë vendin tonë. Trajnoni amerikanët. Ndaloni së sjelluri njerëz për të na zënë vendet e punës”, tha Sekretari i Tregtisë i SHBA-së, Hoëard Lutnick.
    Megjithatë, një tarifë kaq e lartë mund të transformojë sistemin H-1B, i cili u krijua në vitin 1990 dhe jep 85,000 viza në vit në një sistem lotarie. Programi është nën shqyrtim të shtuar nga administrata Trump mes një goditjeje më të gjerë ndaj imigracionit, të cilën presidenti amerikan e ka lidhur me rritjen e punës vendase.
    Si pjesë e asaj fushate, administrata Trump është përpjekur gjithashtu të prezantojë politika më kufizuese për studentët ndërkombëtarë që studiojnë në SHBA, duke përfshirë kërkesën për akses në llogaritë e mediave sociale dhe një ndalim për udhëtarët e huaj nga disa vende. Kritikët kanë akuzuar prej kohësh se kompanitë kanë abuzuar me programin, duke e përdorur atë për të paguar paga më të ulëta dhe për të imponuar më pak mbrojtje të punës./ZËRI

  • Elon Musk drejt titullit të parë të “trilionerit” në botë

    Elon Musk drejt titullit të parë të “trilionerit” në botë

    Elon Musk mund të bëhet personi i parë në botë që arrin një pasuri prej trilioni dollarësh, nëse aksionerët e Teslës miratojnë një paketë të re pagese që parashikon shpërblime marramendëse nëse kompania arrin objektiva të caktuara.
    Sipas raportimeve të CNN, Musk mund të përfitojë deri në 423.7 milionë aksione shtesë të Teslës, me një vlerë të mundshme prej mbi 143 miliardë dollarësh me çmimin aktual. Por për ta realizuar këtë, vlera e përgjithshme e Teslës duhet të arrijë në rreth 8.5 trilionë dollarë – gati tetë herë më shumë se vlera aktuale e tregut.
    Kjo paketë pagese përfshin gjithashtu një propozim që Tesla të marrë pjesë në kompaninë e inteligjencës artificiale xAI, e cila është në pronësi të Musk. Ky plan shihet si një mënyrë për të konsoliduar edhe më shumë perandorinë e tij të biznesit.
    Aktualisht, Musk zotëron rreth 410 milionë aksione të Teslës me një vlerë prej 139 miliardë dollarësh. Së bashku me pronësinë në xAI, SpaceX dhe kompani të tjera, kjo e ka bërë atë njeriun më të pasur në botë, me pasuri që arrin rreth 378 miliardë dollarë sipas Bloomberg.
    Megjithatë, rruga drejt “trilionit” nuk është e lehtë. Ai përballet me sfida ligjore mbi paketat e pagave dhe me luhatje të forta të aksioneve të Teslës, të cilat ende qëndrojnë 26% më poshtë nga kulmi i dhjetorit 2024.

  • Çmimi i arit rritet në nivel rekord, ndërsa bankat qendrore kalojnë nga dollari në lingotë

    Çmimi i arit rritet në nivel rekord, ndërsa bankat qendrore kalojnë nga dollari në lingotë

    Çmimi i arit ka arritur një nivel historik prej 3,508.50 dollarësh (3,015.08 euro) për ons të martën, duke sinjalizuar një rënie të besimit në dollarin amerikan dhe rritje të presionit mbi Rezervën Federale të SHBA-së. Rritja u nxitur nga pritjet për uljen e normave të interesit dhe pasiguria e lartë në tregjet globale, ndërkohë që investitorët po kërkojnë strehim të sigurt tek metali i çmuar.

    Bankat qendrore nga Azia në Lindjen e Mesme po përshpejtojnë blerjet e arit për vitin e katërt radhazi, duke forcuar prirjen globale të de-dollarizimit. Një anketë e Këshillit Botëror të Arit zbuloi se 95% e bankave qendrore parashikojnë të shtojnë zotërimet e tyre të arit brenda 12 muajve, ndërsa shumica synojnë të reduktojnë rezervat në dollarë.

    Kina, një nga blerësit më të mëdhenj, ka regjistruar muajin e nëntë radhazi të akumulimit të arit, në një kohë kur negociatat tregtare me SHBA-në mbeten të tensionuara. Ekspertët theksojnë se ky zhvillim nënvizon humbjen graduale të dollarit si “standardi i arit” i ekonomisë botërore.

    Rritja e fortë e çmimeve sjell kujtime nga epoka e Bretton Woods, kur dollari ishte i lidhur me arin në një normë fikse prej 35 dollarësh për ons, përpara se SHBA të braktiste këtë sistem në vitin 1971. Sot, me çmimin që ka kaluar kufirin simbolik prej 3,500 dollarësh, ari po tregon qartë se besimi global po zhvendoset nga dollari drejt rezervave alternative.

    Ky zhvillim shihet si një paralajmërim i fortë për ekonominë amerikane dhe një sinjal se politikat fiskale dhe tregtare të administratës së presidentit Donald Trump po rrisin ndjeshëm presionin mbi stabilitetin monetar global.

  • Sherifi i Floridës shfaqet si reper pas arrestimit të bosit të drogës, mbante një zinxhir prej 50,000 dollarësh rreth qafës

    Sherifi i Floridës shfaqet si reper pas arrestimit të bosit të drogës, mbante një zinxhir prej 50,000 dollarësh rreth qafës

    Një incident i pazakontë ka ndodhur në SHBA, kur një sherif i Floridës vuri një zinxhir dhe byzylyk të një bosi droge, ndërsa dënonte tregtinë vdekjeprurëse përmes së cilës ai i kishte blerë ato.

    Grady Judd, sherifi i Qarkut Polk, mbajti një konferencë për shtyp të premten, ku shfaqi me krenari një gjerdan të trashë prej ari rreth qafës së tij, ndërsa akuzoi Donald Nate dhe anëtarët e bandës së tij për përfshirje në tregti droge që, sipas tij, çoi në vdekjen e një gruaje të moshuar nga mbidoza.
    “Ajo po dilte nga shtëpia për të shkuar në kishë kur u rrëzua dhe vdiq, në mënyrë që Nate të mund të blinte këto bizhuteri,” – tha Judd.“A më dëgjuat çfarë thashë? Ai i blen ato bizhuteri duke shitur drogë njerëzve në rrugë – njëri prej të cilëve vdiq.”
    Një nga trafikantët e bandës, Troy Cortez Walker, është madje i akuzuar për vrasje lidhur me një mbidozë që ndodhi në shtatorin e kaluar.

    Florida Sheriff Wears Drug Kingpin’s $50K “Drip” After Bust
    🔹 Grady Judd reveals $50K drug bust in Bartow, FL🔹 Guns, fentanyl, and overdose deaths—this is war🔹 “Non-violent drugs” myth crushed by cold facts pic.twitter.com/D6Xn9M2i7H
    — Austin Munday (@Austindmunday) August 23, 2025

    Judd deklaroi se një hetim i madh kishte çuar në arrestimin e 32 personave të përfshirë në rrjetin kriminal. Ai prezantoi armët dhe bizhuteritë e konfiskuara gjatë operacionit.
    “U mora gjerdanin. U mora paratë. U mora armët. U mora drogën,” – tha ai me krenari. Ai theksoi se zinxhiri prej 50,000 dollarësh – të cilin e quajti vazhdimisht një “pikë e vogël” – ishte shumë më tepër se thjesht një aksesor.

    Florida Sheriff Wears Drug Kingpin’s $50K “Drip” After Bust
    🔹 Grady Judd reveals $50K drug bust in Bartow, FL🔹 Guns, fentanyl, and overdose deaths—this is war🔹 “Non-violent drugs” myth crushed by cold facts pic.twitter.com/D6Xn9M2i7H
    — Austin Munday (@Austindmunday) August 23, 2025

    “Kur sheh 50,000 dollarë në këtë ‘pikë’, kur sheh këtë drogë që disa e quajnë ‘jo aq të rrezikshme’, si kanabisi, kur sheh armë dhe vrasje të shkallës së parë nga mbidoza – kjo është e vërteta që po përballemi,” – shtoi ai.
    Sherifi Judd theksoi se është lodhur duke dëgjuar njerëz që minimizojnë ndikimin e drogave: “Jam lodhur duke dëgjuar njerëz që thonë se drogat janë të nivelit të ulët dhe jo të dhunshme,” – deklaroi ai, duke treguar një pistoletë të konfiskuar për të përforcuar argumentin e tij.
    Nate Donald u arrestua së bashku me 31 ndihmës të tij, pas një hetimi njëvjeçar mbi një rrjet lokal droge, që sipas autoriteteve kishte qarkulluar miliona dollarë në drogë në Floridën Qendrore.
    Hetimi zbuloi gjithashtu rreth 150,000 dollarë në drogë të forta dhe disa armë në posedim të kriminelëve të dënuar. Sipas Fox 13, të arrestuarit kishin një total prej 554 dënimesh për krime të rënda dhe 394 për kundërvajtje.
    Hetuesit gjurmuan aktivitetin kriminal të grupit përmes një serie transfertash të dyshimta bankare, përfshirë një transfertë prej 50,000 dollarësh, për të cilën dyshohet se është kryer nga vetë Donald për llogari të rrjetit.
    Sipas Sherifit Judd, banda trafikonte marijuanë, fentanil, kokainë, MDMA, pilula të ndryshme si oksikodon, hidrokodon dhe ketaminë.

    Top Channel

  • Kontrata sekrete paramartesore e Cristiano Ronaldos me Georginën? Ja çfarë merr ajo nëse ndahen

    Kontrata sekrete paramartesore e Cristiano Ronaldos me Georginën? Ja çfarë merr ajo nëse ndahen

    Cristiano Ronaldo mund të jetë duke u përgatitur për dasmën më glamuroze të vitit, por pas kësaj romance fshihet një marrëveshje paramartesore mahnitëse me Georgina Rodríguez.
    Sipas thashethemeve që qarkullojnë në mediat spanjolle, legjenda e Real Madridit ka nënshkruar një marrëveshje sekrete, me qëllim mbrojtjen e të dyja palëve në rast ndarjeje.
    Ja çfarë thuhet se do të përfitonte Georgina nëse çifti do të ndahej ndonjëherë:
    Ndihmë mujore prej 121,000 dollarësh për shpenzimet e saj personale.
    5.6 milionë dollarë në pasuri të paluajtshme, përfshirë prona në Madrid dhe Lisbonë.
    Një pension të përjetshëm prej rreth 110,000 dollarësh në muaj.
    Mbështetje për fëmijët me një shumë prej 500,000 dollarësh në muaj, për të siguruar ruajtjen e stilit të tyre luksoz të jetesës.
    2 milionë dollarë në vit për “mirëmbajtjen e stilit të jetës”, që përfshin stafin personal, veshjet dhe kujdesin estetik.
    Dy makina luksoze të zgjedhura nga koleksioni personal i Ronaldos.
    Fluturime private të klasit të parë të mbuluara plotësisht, si dhe dy pushime luksoze çdo vit.
    As Cristiano Ronaldo dhe as Georgina Rodríguez nuk e kanë konfirmuar ekzistencën e kësaj marrëveshjeje paramartesore, por spekulimet tashmë kanë ndezur tabloidët dhe rrjetet sociale.
    Për momentin, çifti është i fokusuar te dasma e tyre e shumëpritur – por fansat nuk ndalojnë së pyeturi: A është kjo martesa më e shtrenjtë në historinë e futbollit?

  • Gjykata e Apelit rrëzon dënimin prej 500 milionë dollarësh të Trump për mashtrim civil

    Gjykata e Apelit rrëzon dënimin prej 500 milionë dollarësh të Trump për mashtrim civil

    Një gjykatë apeli ka rrëzuar një gjobë prej 500 milionë dollarësh (rreth 372 milionë paund) që Presidenti Donald Trump ishte urdhëruar të paguante vitin e kaluar në një gjyq civil për mashtrim në Nju Jork.

    Gjykatësi Arthur Engoron kishte vendosur që Trump të paguante këtë shumë pasi kishte rritur në mënyrë të konsiderueshme vlerën e pasurive të Organizatës Trump, me qëllim për të siguruar kushte më të favorshme për kredi.
    Në vendimin e tyre, gjyqtarët e Divizionit të Apelit të Gjykatës Supreme të Nju Jorkut thanë se, megjithëse Trump ishte përgjegjës për mashtrim, gjoba prej gati gjysmë miliardë dollarësh ishte e tepruar dhe përbënte shkelje të mbrojtjeve kushtetuese të SHBA-së kundër dënimeve të ashpra.
    Fillimisht, gjykatësi Engoron kishte vendosur një gjobë prej 355 milionë dollarësh, por me akumulimin e interesave, shuma përfundimtare u rrit në mbi 500 milionë dollarë.
    Në këtë çështje civile kundër Trump, dy djemve të tij të rritur dhe Organizatës Trump, gjykatësi kishte urdhëruar gjithashtu që Trump të mos shërbente si drejtues kompanie apo të merrte kredi nga bankat në shtetin e Nju Jorkut për një periudhë trevjeçare.
    Paneli prej pesë gjyqtarësh të Apelit ishte i ndarë në lidhje me meritat e padisë fillestare të ngritur nga Prokurorja e Përgjithshme e Nju Jorkut, Letitia James, e cila kishte akuzuar Trumpin dhe djemtë e tij për “mashtrim të vazhdueshëm dhe të përsëritur”.

    Top Channel

  • Zendaya dhe unaza e saj prej 200 mijë dollarësh që po bën xhiron e botës!

    Zendaya dhe unaza e saj prej 200 mijë dollarësh që po bën xhiron e botës!

    Zendaya dhe Tom Holland, të fejuar që nga Krishtlindjet pas një romance që nisi në xhirimet e “Spider-Man” në 2016, u panë së fundmi duke shëtitur në Richmond Park. Aktorja 28-vjeçare shkëlqeu me unazën e saj prej 200 mijë dollarësh, teksa mbante një veshje të thjeshtë, njësoj si partneri i saj, 29-vjeçar.
    Dyshja pritet të ribashkohen edhe në ekran në projektin më të ri të Christopher Nolan, “Odisea”. Tom do të luajë Telemakun, ndërsa roli i Zendayas nuk është konfirmuar ende. Ajo është përfolur për rolet e Athinës, Kalipsos apo Nausicaas, pas pamjeve të saj në xhirime në Itali me një fustan stil grek.
    Filmi epik me buxhet prej 250 milionë dollarësh është bazuar në poemën e famshme të Homerit dhe pritet të jetë projekti më ambicioz i Nolanit, i xhiruar tërësisht në teknologjinë IMAX.

  • Trump sulmon Beyoncé: dyshime për pagesë të paligjshme në mitingun e Kamala Harris

    Trump sulmon Beyoncé: dyshime për pagesë të paligjshme në mitingun e Kamala Harris

    Presidenti Donald Trump gjatë fundjavës bëri thirrje për ndjekjen penale të superyllit të muzikës Beyoncé – bazuar në diçka që nuk ka ndodhur në të vërtetë.

    Trump pretendoi në një postim në rrjetet sociale se Beyoncé shkeli ligjin duke u paguar gjoja 11 milionë dollarë për mbështetjen e saj ndaj kandidates presidenciale demokrate Kamala Harris gjatë një eventi në tetor 2024 në Hjuston.Por thjesht nuk ka asnjë bazë për pretendimin e Trump se Beyoncé mori një pagesë prej 11 milionë dollarësh në lidhje me fushatën e Harris, e lëre më për mbështetjen në veçanti.Të dhënat e shpenzimeve të fushatës federale tregojnë një pagesë prej 165,000 dollarësh nga fushata e Harris për kompaninë e prodhimit të Beyoncé-s, të cilën fushata e renditi si një shpenzim “prodhimi të ngjarjes së fushatës”. Një zëdhënës i fushatës së Harris i tha Deadline vitin e kaluar se ata nuk i paguanin mbështetësit e famshëm, por ishin të detyruar me ligj të mbulonin kostot e lidhura me paraqitjet e tyre.Pavarësisht meritave të këtij shpenzimi të veçantë prej 165,000 dollarësh, është larg të qenit një shpenzim prej 11 milionë dollarësh. Askush nuk ka paraqitur ndonjëherë ndonjë provë për pretendimin e një pagese tetëshifrore si mbështetje për Beyoncé-n, që kur pretendimi se ishte “10 milionë dollarë” filloi të përhapej vitin e kaluar midis mbështetësve të Trump në mediat sociale. Faqet e internetit për verifikimin e fakteve FactCheck.org dhe PolitiFact shqyrtuan pretendimin “10 milionë dollarë” gjatë fushatës dhe nuk gjetën asnjë bazë për të.Shtëpia e Bardhë nuk iu përgjigj menjëherë një kërkese të CNN të shtunën vonë për ndonjë provë të shifrës prej 11 milionë dollarësh të Trump. Kur Trump përmendi më parë shifrën e pabazë, gjatë një interviste në shkurt, ai e përshkroi burimin e tij me termat më të paqarta: “Dikush sapo më tregoi diçka. Ata i dhanë asaj 11 milionë dollarë.”Një zëdhënës i Harris iu referuar CNN të shtunën një postimi në rrjetet sociale në nëntor nga nëna e Beyoncé-s, Tina Knowles, e cila e quajti pretendimin për një pagesë prej 10 milionë dollarësh një “gënjeshtër” dhe vuri në dukje se u hoq nga Instagram si “Informacion i rremë”.“Kur në fakt: Beyonce nuk mori asnjë qindarkë në tubimin e kandidates presidenciale, zëvendëspresidentes Kamala Harris, në Hjuston”, shkroi Knowles.Një zëdhënës i Beyoncé i tha PolitiFact në nëntor se pretendimi për një pagesë prej 10 milionë dollarësh është “tejkalimisht qesharak”.

    Çfarë shkroi Trump të dielënTrump e ringjalli pretendimin e rremë në një postim në mediat sociale të publikuar pas mesnatës herët të dielën në mëngjes në Skoci, ku ai po qëndron për vizitë. Ai shkroi se po shqyrton “faktin” që demokratët “pranojnë se i kanë paguar, ndoshta ilegalisht, njëmbëdhjetë milionë dollarë këngëtares Beyoncé për një MBËSHTETJE”.Zyrtarët demokratë në fakt e hedhin poshtë pretendimin për një pagesë prej 11 milionë dollarësh. Shtëpia e Bardhë nuk iu përgjigj menjëherë kërkesës së CNN për ndonjë provë të pranimit demokrat të një pagese të tillë.Trump vazhdoi të kritikonte pagesat e tjera nga fushata e Harris për organizatat e lidhura me mbështetës të shquar. Ai pohoi pa prova se këto pagesa ishin përshkruar në mënyrë të pasaktë në të dhënat e shpenzimeve. Dhe ai pohoi gabimisht se është “PLOTËSISHT E PALIGJSHME” të paguash për mbështetje politike, megjithëse asnjë ligj federal nuk i ndalon pagesat e mbështetjes .Trump përfundoi: “Kamala dhe të gjithë ata që morën para nga mbështetja, e SHKELËN LIGJIN. Të gjithë duhet të ndiqen penalisht! Faleminderit për vëmendjen tuaj ndaj kësaj çështjeje.”Trump ka bërë thirrje të përsëritura për ndjekjen penale të kundërshtarëve politikë. Postimi i tij i së shtunës në lidhje me Harris dhe mbështetjen e të famshmëve ishte një përshkallëzim nga një postim në maj, kur ai tha se do të bënte thirrje për një “hetim të madh” mbi këtë temë, por nuk përmendi në mënyrë të qartë ndjekjet penale./ie/