Tre persona janë arrestuar dhe një tjetër është shpallur në kërkim të dyshuar si autorë të shpërthimit të ndodhur ditën e djeshme në restorantin ‘Perla e Detit’ në zonën e Kamzës.
Jeton Lami 31 vjeç, Florin Domi 30 vjeç dhe Flogert Mezhika 34 vjeç, janë personat e arrestuar ndërsa në kërkim është shpallur E. L., 31 vjeç, të gjithë banues në Kamëz. Jeton Lami është ish-oficer i forcave Operacionale, i liruar nga burgu në shtator të vitit 2023, i dënuar për ‘shpërdorim detyre’ teksa dyshohet se ka shoqëruar me makinë të shumëkërkuarin Ervis Martinaj në Durrës, para se ky i fundit të zhdukej pa lënë gjurmë.
Shkak për hedhjen e eksplozivit në pjesën e jashtme të biznesit, mësohet të jetë bërë shuma e 500 000 eurove, gjobë kjo që autorët i kishin vendosur pronarit Saimir Sina ndërsa ky i fundit kishte refuzuar që t’ia jepte. Nga shpërthimi nuk ka pasur të lënduar, por vetëm dëme materiale.
Godina e restorantit është në pronësi të Saimir Sinës, por i marrë me qira nga 2 kunetërit Klodjan Murati dhe Benard Elezi. Këta të fundit deklaruan ditën e djeshme se nuk kanë konflikte me njeri.
“Tiranë/ Finalizohet operacioni policor i koduar “Motivi”.
Zbardhet brenda 24 orëve dhe dokumentohet, si rezultat i aplikimit të metodave proaktive, ngjarja e ndodhur ditën e djeshme në Kamëz, ku një biznesi iu vendos lëndë plasëse.Identifikohen 4 autorët e dyshuar. Vihen në pranga 3 prej tyre, ndërsa vijon puna për kapjen e shtetasit tjetër.
Specialistët e Seksionit për Hetimin e Krimeve të Rënda kundër Personit dhe Pronës të DVP Tiranë, në bashkëpunim me Komisariatin e Policisë Nr. 5 dhe nën drejtimin e Prokurorisë, si rezultat i informacioneve të siguruara dhe aplikimit të metodave proaktive, zbardhën dhe dokumentuan ngjarjen e ndodhur ditën e djeshme, në bulevardin “Nënë Tereza”, Kamëz.
Në kuadër të operacionit “Motivi” u vunë në pranga për veprat penale “Shkatërrimi i pronës me eksploziv” dhe “Shtrëngimi me anë të kanosjes ose dhunës për dhënien e pasurisë”, shtetasit:-J. L., 31 vjeç, F. D., 30 vjeç, F. M., 34 vjeç, si dhe u shpall në kërkim shtetasi E. L., 31 vjeç, të katërt banues në Kamëz.
Nga hetimet dyshohet se këta shtetas kanë hedhur lëndë eksplozive në fasadën e jashtme të biznesit, duke shkaktuar dëme materiale, për shkak të mosdhënies së një shume prej 500 000 euro, të kërkuar në formë gjobëvënieje ndaj pronarit të objektit, shtetasit S. S.
Vijon puna intensive për kapjen e shtetasit të shpallur në kërkim, si dhe për identifikimin e personave të tjerë që mund të jenë përfshirë.Materialet procedurale i kaluan Prokurorisë, për veprime të mëtejshme”, njofton policia.
Tag: djeshme
-
Pronari nuk pranoi t’u jepte 500 000 euro, ‘gjobëvënësit’ i hodhën tritolin tek restoranti në Kamëz! Në pranga 3 persona, 1 në kërkim
-
EMRAT/ I vendosën tritol biznesit në Kamëz pasi refuzoi të paguajë ‘gjobën’ 500 mijë euro, prangosen 3 të rinj
Zbardhet dhe dokumentohet, ngjarja e ndodhur ditën e djeshme në Kamëz, ku një biznesi iu vendos lëndë plasëse.
Identifikohen 4 autorët e dyshuar. Vihen në pranga 3 prej tyre, ndërsa vijon puna për kapjen e shtetasit tjetër.
Në kuadër të operacionit policor “Motivi” u arrestuan shtetasit Jeton Lami, Florin Domi dhe Flogert Mezhika.
Njoftimi i policisë:
Tiranë/ Finalizohet operacioni policor i koduar “Motivi”.
Zbardhet brenda 24 orëve dhe dokumentohet, si rezultat i aplikimit të metodave proaktive, ngjarja e ndodhur ditën e djeshme në Kamëz, ku një biznesi iu vendos lëndë plasëse.
Identifikohen 4 autorët e dyshuar. Vihen në pranga 3 prej tyre, ndërsa vijon puna për kapjen e shtetasit tjetër.
Specialistët e Seksionit për Hetimin e Krimeve të Rënda kundër Personit dhe Pronës të DVP Tiranë, në bashkëpunim me Komisariatin e Policisë Nr. 5 dhe nën drejtimin e Prokurorisë, si rezultat i informacioneve të siguruara dhe aplikimit të metodave proaktive, zbardhën dhe dokumentuan ngjarjen e ndodhur ditën e djeshme, në bulevardin “Nënë Tereza”, Kamëz.
Në kuadër të operacionit “Motivi” u vunë në pranga për veprat penale “Shkatërrimi i pronës me eksploziv” dhe “Shtrëngimi me anë të kanosjes ose dhunës për dhënien e pasurisë”, shtetasit:
-J. L., 31 vjeç, F. D., 30 vjeç, F. M., 34 vjeç, si dhe u shpall në kërkim shtetasi E. L., 31 vjeç, të katërt banues në Kamëz.
Nga hetimet dyshohet se këta shtetas kanë hedhur lëndë eksplozive në fasadën e jashtme të biznesit, duke shkaktuar dëme materiale, për shkak të mosdhënies së një shume prej 500 000 euro, të kërkuar në formë gjobëvënieje ndaj pronarit të objektit, shtetasit S. S.
Vijon puna intensive për kapjen e shtetasit të shpallur në kërkim, si dhe për identifikimin e personave të tjerë që mund të jenë përfshirë.
Materialet procedurale i kaluan Prokurorisë, për veprime të mëtejshme.
-
“Gërdeci”, Gjoka kërkon të largohet nga gjykimi i çështjes: Kam qenë gjyqtare e seancës paraprake
Gjyqtarja Irena Gjoka kërkon të largohet nga gjykimi i çështjes “Gërdeci”. Ditën e djeshme në datë 11 nëntor, ajo i është drejtuar zv/kryetarit të GJKKO-së Erion Bani, të cilit i kërkon të largohet nga procesi.
Gjyqtarja pretendon se është në kushtet kur nuk mund të jetë pjesë e gjykimit, pasi ajo ka qenë gjyqtare e seancës paraprake në këtë çështje dhe e mori gjykimin se i pandehuri kërkoi fillimisht gjykim të shkurtuar. Por në kushtet kur i pandehuri ndryshoi qëndrim dhe pranua kërkesa e gjykimit me procedurë të zakonshme, Irena Gjoka thotë se ndodhet në kushte papajtueshmërie që të vijojë këtë gjykim.
E pyetur nga avokatët e Fatmir Mediut në seancën e djeshme, Gjoka tha se mori shkas për kërkesën e saj të largimit, edhe nga vetë kërkesa e të pandehurit që kërkoi përjashtimin e saj, por për shkaqe të tjera, që u rrëzua nga gjyqtarja Etleva Deda.
Pritet që në lidhje me kërkesën e Gjokës të shprehet drejtuesi i GJKKO-së Erion Bani. Megjithatë seanca e djeshme vijoi me kundërshtimet e Mediut mbi deklarimet e ekspertëve. Procesi ndodhet në fazën ku kanë përfunduar paraqitja e provave të SPAK, dhe pritet të nisë pyetja e dëshmitarëve të kërkuar nga mbrojtja. -
“Nuk ishin rezultate të mira për republikanët”, Trump reagon pas humbjes në zgjedhjet e djeshme: Mbyllja e qeverisë është një nga arsyet
Rezultatet e pafavorshme të zgjedhjeve të djeshme në SHBA për republikanët u pranuan nga Donald Trump, i cili hëngri mëngjes me ligjvënës të partisë konservatore.
Një ditë pas zgjedhjes së Zohran Mamdani për kryetar bashkie të Nju Jorkut, presidenti amerikan tha për rezultatet: “Nuk mendoj se ishte mirë për republikanët”. Megjithatë, ai vuri në dukje se do të ketë një diskutim më të gjerë pasi gazetarët të largohen nga salla.
Sipas Donald Trump, arsyeja e rezultateve ishte mbyllja e qeverisë, domethënë pezullimi i funksionimit të agjencive federale për shkak të një mosmarrëveshjeje midis demokratëve dhe republikanëve për projektligjin e buxhetit. Siç tha ai, sondazhet tregojnë se ata e zhvendosin fajin më shumë tek ai dhe republikanët.
Në të njëjtën kohë, presidenti amerikan ushtroi presion mbi republikanët e Senatit për të shfuqizuar filibusterin.
Filibustra është një procedurë në Senat që lejon debat të pakufizuar mbi një projektligj. Kjo do të thotë që senatorët mund të flasin për sa të duan mbi një projektligj. Qëllimi është të vonojë ose parandalojë miratimin e një projektligji.
“Është koha që republikanët të bëjnë atë që duhet të bëjnë, dhe kjo është të shfuqizojnë filibusterin”, tha ai, duke paralajmëruar se përndryshe do të gjenden në një pozicion të keq dhe nuk do të jenë në gjendje të miratojnë asnjë projektligj.Top Channel
-
Përplasi për vdekje këmbësorin, në pranga 27-vjeçari në Elbasan
Një ngjarje e rëndë u shënua mbrëmjen e djeshme në rrugën “Urakë-Kajtel”, Elbasan.
Automjeti i drejtuar nga shtetasi me iniciale R.A., 27-vjeç, përplasi me makinë një këmbësor, shtetasin me iniciale Q.M., i cili ka humbur jetën.
“Specialistët e Qarkullimit Rrugor arrestuan në flagrancë shtetasin R. A., 27 vjeç, pasi mbrëmjen e djeshme, në rrugën “Urakë-Katjel”, duke drejtuar automjetin, ka aksidentuar shtetasin Q. M., 62 vjeç, këmbësor, i cili për pasojë ka humbur jetën”, thuhet në njoftimin e policisë. -
U aksidentua me motomjet mbrëmjen e djeshme në aksin rrugor Tepelenë-Bënç, ndërron jetë në spital 25-vjeçari
Një aksident tragjik ndodhi pasditen e djeshme në aksin rrugor “Tepelenë–Bënç”, ku një 25-vjeçar humbi kontrollin e motomjetit që po drejtonte.
Pavarësisht ndihmës mjekësore të marrë në spital, i riu nuk arriti t’u mbijetojë plagëve të marra dhe ndërroi jetë mbrëmjen e djeshme.
Njoftimi i Policisë
Pasditen e djeshme, në aksin rrugor “Tepelenë-Bënç”, shtetasi E. Q., 25 vjeç, duke drejtuar motomjetin, dyshohet se ka humbur kontrollin, është rrëzuar dhe për pasojë u dëmtua dhe u dërgua në spital për ndihmë mjekësore.
25-vjeçari ka humbur jetën në spital në mbrëmje, si pasojë e plagëve, pavarësisht ndihmës mjekësore.
Grupi hetimor po kryen veprimet për zbardhjen e rrethanave dhe shkakut të aksidentit.Top Channel
-
Raportimi i Dumanit në Kuvend, Berisha vijon sulmet: Fliste si i kapur. Nuk pranoi pyetjet me gojë se…
Kryedemokrati Sali Berisha në një konferencë për media ka komentuar seancën e djeshme plenare dhe raportimin në Kuvend të kreut të SPAK, Altin Dumanit.
Teksa e konsideroi seancën e djeshme si një tragjikomedi, Berisha deklaroi se Dumani u frikësua nga opozita dhe pyetjet që kjo e fundit kishte përpiluar kundrejt tij.
Berisha theksoi se mospranimi i pyetjeve direkte nga deputetët e opozitës, përbën një akt të pashembullt.
“Regjistrohet në analet e Parlamentit, si dita e kapitullimit pa kushte të pseudo mazhorancës së krimit dhe jo vetëm asaj, por para shqiptarëve dhe mbarë botës mercenarit të Edi Ramës, Altin Troplini.
Ju dje në një teatër tragjikomikë patë sesi pseudomazhoranca e tërë u angazhua të shkelë ligje, kushtetutën, vetëm në diktatin e Dumanit i cili refuzonte të merrte pyetje me gojë nga deputetët. Akt i pashembullt.
Në gjithë parlamentet e botës, pyetjet bëhen me shkrim dhe gojë. Dorëzohen me shkrim në mënyrë që, zyrtari që pyetet ti jepet mundësia të përgatisë përgjigjen. Deputeti Tritan Shehu ndodhej dje në parlamentin e Italisë dhe merrte në telefon, këtu është gjeja më absurde, por i keqpërdori dhe i keq shfrytëzuari në ekstrem nuk i duronte dot pyetjet. U bë një kompromis: ai kompromis u bë pas një përpjeke të madhe të opozitës e cila donte që shqiptarët të mësonin të vërtetat e këtij sistemi të falimentuar. Kompromis ishte që zyrtari lexonte pyetjet dhe pas përgjigjeve, autori i pyetjeve të shprehej për përgjigjet që ai dha. Kjo funksionoi shumë mirë, ndonëse ju e patë vetë pozitën mjerane në të cilën u ndodhën palët tona kundërshtare”, deklaroi Berisha.
Ky i fundit theksoi se seanca e djeshme, ishte një shkelmim ndaj Kushtetutës.
“Për të gjitha ata që njohin gjuhën e trupit: ai fliste si i kapur. Kurse ata të cilët shkelmuan Kushtetutën, vetëm se ai kishte frikë nga pyetjet direkte se i dukeshin si shigjeta, e lëshuan në rënie të lirë.
Kishin frikë nga opozita mos i nxirrte dosjet në parlament që i fshihte Troplini.
Përpjekja për të vërtetat triumfoi aq bukur. Kompromisi i krimit midis mercenar Dumanit dhe pengjeve të tij në mazhorancë prodhoi ato skena të papërsëritshme”, tha ai. -
Plagosje në “Rrugën e Dibrës” në Tiranë, autori i dënuar për vrasje, ekzekutoi komshiun në 2011
Foto ilustruese
TIRANË- Një plagosje me thikë ka ndodhur ditën e djeshme në “Rrugën e Dibrës” në Tiranë, ndërsa policia ka vënë në pranga autorin, Roland Laçej. Ky i fundit rezulton i dënuar më parë për vrasje, pasi në vitin 2011 i mori jetën shtetasit Ardian Salibasha, dhe la të plagosur vëllanë e viktimës, Edmondin.
Personi i plagosur ditën e djeshme, shtetasi M.X, 48 vjeç, ndodhet në spital, sipas policisë jashtë rrezikut për jetën. Duket se Laçej pavarësisht dënimit me disa vite burg për vrasje, nuk i ka shpëtuar përfshirjes në ngjarje të reja kriminale, siç ishte dhe plagosja e djeshme.
Vrasja në vitin 2011 ndodhi pas një konflikti për motive pronësie mes Laçejt, dhe dy vëllezërve Salibasha, pasi ata jetonin në të njëjtën godinë banimi.
NJOFTIMI I POLICISË
Plagosi me mjet prerës, një 48-vjeçar, gjatë një konflikti për motive të dobëta, kapet dhe vihet në pranga 51-vjeçari.
I arrestuari, me precedentë penal për vrasje dhe për vepra të tjera penale.
Sekuestrohet thika e dyshuar e përdorur për plagosjen.
Shërbimet e Komisariatit të Policisë Nr. 4, në bashkëpunim me shërbimet e Forcës së Posaçme “Shqiponja”, dje, pas marrjes së njoftimit se në Rrugën e Dibrës, një shtetas ishte plagosur me mjet prerës, kanë shkuar menjëherë në vendngjarje, me qëllim kapjen e autorit dhe zbardhjen e rrethanave të rastit.
Si rezultat i veprimeve të shpejta hetimore dhe procedurale, është identifikuar, kapur dhe vënë në pranga autori i dyshuar, shtetasi R. L., 51 vjeç.
Ky shtetas dyshohet se gjatë një konflikti për motive të dobëta, me shtetasin M. X., 48 vjeç, e ka goditur atë, me thikë. Shtetasi M. X. ndodhet në spital, në kujdesin e mjekëve, jashtë rrezikut për jetën.
Në cilësinë e provës materiale u sekuestrua thika e dyshuar e përdorur për plagosjen.
Materialet procedurale iu referuan Prokurorisë, për veprime të mëtejshme. -
Sulmet pas marrëveshjes, Trump: Armëpushimi në Gaza është ende në fuqi
Donald Trump
SHBA- Donald Trump këmbënguli para gazetarëve në emisionin Air Force One mbrëmë se armëpushimi në Gaza ishte ende në fuqi, pavarësisht sulmeve vdekjeprurëse të djeshme në enklavë.
Ushtria izraelite tha se goditi objektiva të Hamasit në të gjithë enklavën, pasi një sulm i mëparshëm vrau dy ushtarë të saj. Sulmet vranë të paktën 26 persona, sipas banorëve vendas dhe autoriteteve shëndetësore.
Trump tha se udhëheqja e Hamasit mund të mos jetë e përfshirë në shkeljet e dyshuara që shkaktuan dhunën e djeshme.
“Ne mendojmë se ndoshta udhëheqja nuk është e përfshirë në këtë,” tha Trump. “Sidoqoftë… do të trajtohet ashpër, por siç duhet.”
Trump tha se nuk e dinte nëse sulmet izraelite ishin të justifikuara. “Do të më duhej t’ju përgjigjesha për këtë,” tha ai.
“Do të duhet të shohim se çfarë do të ndodhë. Duam të sigurohemi që do të jetë shumë paqësore me Hamasin.”
Zyra qeveritare e medias në Gaza, e drejtuar nga Hamasi, thotë se Izraeli ka vrarë 97 palestinezë dhe ka shkelur marrëveshjen e armëpushimit 80 herë që nga fillimi i saj./ZËRI -
U vu në pranga ditën e djeshme/ GJKKO lë në burg nipin e Astrit Avdylajt
Gjykata e Posaçme ka lënë në fuqi masat e sigurimit arrest në burg për Elidon alias Aldo Avdylajn i arrestuar një ditë më parë në Tiranë.
Ai ishte në kërkim në kuadër të operacionit revanshi të zhvilluar një vit më parë dhe për operacionin e 2 tetorit, që dyshohet si organizatori i vrasjes së Edmir Bregut në vitin 2021 në Durrës.